البارت ده اقصر عن المعتاد بتمنى يعجبكم وياريت تقولوا رأيكم فى الكومنتات
وان شاء الله البارت الجاى ينزل على طول
________
(The new me)
____
(طول الطريق للشغل وكيوهيون مستغرب تصرفات سول)
شيون:انت فعلا روحت بيها البيت
كيوهيون:مش دلوقتى
شيون:مش دلوقتى ايه
كيوهيون:نتكلم بعدين يا شيون ممكن انا قولتلك مش عايز اتكلم على حاجه
(على شيون صوته)
شيون:لا الموضوع فعلا ما ينفعش اسكت عليه انت فاهم انت بتعمل فى نفسك وفيها ايه
كيوهيون:اه عارف
(بصله شيون بغضب)
شيون:وقف العربيه
كيوهيون:هتروح فين
شيون:لما تفوق وتردى تكملنى ابقى اتصل دلوقتى انا هروح الاجتماع لوحدى
(ركن كيوهيون العربيه بعصبيه)
كيوهيون:روح لوحدك زى ما تحب
(نزل شيون من العربيه..ورزع الباب ..بعدين رجع تانى فتح الباب)
شيون:ومش هعرفك ابسط التفاصيل فى الصفقه دى
(ورزع الباب تانى..بصله كيوهيون بعصبيه..وخرج من العربيه )
كيوهيون:قولتلك ميه مره ما ترزعش باب العربيه
(رجع شيون وفتح الباب ورزعه)
شيون:وانا قولتلك ميه مره تقولى الى مضايقك
كيوهيون:ما ترزعش الباب
شيون:كل مره هتقولى ما ترزعش الباب هرزعه
كيوهيون:انا بكرهك
شيون:وانا كمان -_-
(ضم شيون ايديه بعصبيه وبص لكيوهيون بقرف..بصله التانى بطرف عينه)
شيون:بص على قدك
كيوهيون:شوف مين الى بيتكلم
(فتح شيون باب العربيه ورزعه تانى )
كيوهيون:اعمل الحركه دى تانى وهتروح الشركه هتلاقينى رميت حاجتك فى الشارع
شيون:عادى -_-
(بعد فتره من الصمت)
كيوهيون:مش هنروح الاجتماع
شيون:مش هروح معاك
كيوهيون:هعد لغايه 3
شيون:هركب تاكسى
(بصله كيوهيون ثوانى وهز راسه)
كيوهيون:اوكى
(ركب كيوهيون العربيه وشغل المحرك ومشى..بصله شيون وقعد يتمتم بشتايم وركب تاكسى وراح الاجتماع..بعد ما خلصوا الاجتماع)
شيون:مش هتتكلم برضه
كيوهيون:شيون ممكن المره دى بجد تسمع كلامى
شيون:انا هقولك نصيحه واحده اوعى تقارن اى حد بيها وحاول تنسى فكره الماضى الى انت حاطه على رقبتك
كيوهيون:الاختلاف مش كبير
(هز شيون راسه بقله حيله)
شيون:هتعمل ايه دلوقتى
كيوهيون:هروح مش قادر ارجع الشركه
(طبطب شيون على كتفه)
شيون:حاول ما تقساش على نفسك وشوف الموضوع بمنظور تانى..واه ماتنساش تعرف سول على الحفله
كيوهيون:حفله ايه
شيون:حفله الاوبرا الى انت اتعزمت عليها
كيوهيون:اه..هو انت هتروح
شيون:انا هروح وانت هتروح مع مراتك علشان السفير البريطانى هيبقى معاه مراته وطبعا خبر جوازك اتنشر فى البلد كلها وهتبقى اهانه بما انه هو الى موجه الدعوه دى لينا
(هز كيوهيون راسه وراح ركب عربيته واتجه للبيت..لما دخل البيت لاحظ ان الفازه الى فى وسط الصاله مش موجوده)
كيوهيون:هانا
(خرجت هانا بسرعه وكانت واقفه قدامه)
كيوهيون:فين الفازه
هانا:اتكسرت
كيوهيون:ومين الى كسرها
هانا:انسه سانى جت هنا
كيوهيون:مين
هانا:انسه سانى
كيوهيون:امتى
هانا:جت امبارح
كيوهيون:كانت عايزة ايه
هانا:جت هنا لمدام سول تقريبا الساعه 3 اتكلمت معاها وبعدين اتعصبت وكسرت الفازه
(بصلها بقلق)
كيوهيون:سول حصلها حاجه
هانا:لأ كانت مدام سول هاديه تماما وطلبت انها لما تيجى مندخلهاش تانى او اقل حاجه نقولها ان مدام سول مش موجوده
(ابتسم كيوهيون برضى وطلع اوضته...وقت العشا نزل كيوهيون من اوضته ودخل اوضه السفرا لقى سول قاعده على الكرسى كانت لابسه الفستان الاسود ضحك كيوهيون باستهزاء)
كيوهيون:اول مره تنزلى قبلى
(اكتفت بانها هزت راسها)
كيوهيون:مش كنتى بطلتى لعبه الصمت
سول:ما اظنش ان فى حاجه تخلينى اتكلم
(بص كيوهيون و ابتسم باستهزاء)
كيوهيون:ايه الى انتى عملاه ده
سول:عامله ايه
(بص كيوهيون على الفستان افتكره)
سول:مش انت جايبه مخصوص علشان ابقى زيهم علشان تثبت انك صح..ادينى بأكدلك كل الى انت عايزة
(ضغط كيوهيون بقوه على ايديها)
كيوهيون:قولتلك ميه مره ما تلعبيش باعصابى
(فلتت دمعه من عنيها)
سول:مش ممكن اترقى وابقى مراتك قدام الناس وعلى السرير
(ابتسم باستهزاء وقرب من وشها..غمضت سول عنيها)
كيوهيون:مش الى عايز يلعب يكون قد اللعب
سول:انت مخلينى انا اللعبه عايز تبين انى عاهره بالاكراه لبست زيهم واثبت وجهه نظرك سيبنى
كيوهيون:واحنا لسه ملعبناش علشان اسيبك
(حط كيوهيون ايده على رقبتها وقرب منها وشدها علشان يبوسها كان قاصد يكتم نفسها كأنه بيخنقها ..زقته سول علشان يبعد ..اول لما بعد مسحت الدم الى على شفايفها)
كيوهيون:قولتلك انك مش هتتحملى انك تلعبى معايا
(بصتله سول بترجى وعيطت)
سول: ليه قررت تأذينى انا.. ليه صممت تخلينى اشوف اسوء مافيك ليه خلتنى اشوف الوحش الى قدامى ده
(بصلها كيوهيون بعصبيه وضربها على وشها وقعت سول على الكرسى..ابتدى ينهج بعنف)
كيوهيون:قولتلك ما تستفزنيش
(بصتله سول بصدمه ودموعها نزلت)
سول:انا ازاى اتوقعت انى هكون سعيده معاك
(مسك كيوهيون سول من رقبتها ورفعها من على الكرسى من غير اى تعبير على وشه)
كيوهيون:انا هخلى العالم كله يحسدك على انك مراتى وهخليكى تتمنى انك تسبينى كل ثانيه يا سول بس ده مش هيحصل ابداا هخليكى تكتبى روايه زى الى بتقريهم بس نهايتها هكتبها انا
(كانت سول بتحاول تخليه يفك ايديه من على رقبتها وعماله تكح بصلها كيوهيون باستنكار)
كيوهيون:تعالى نكتب اول جزء من القصه عريس وعروسه بس هنغير الى حصل فى لندن
(شالها كيوهيون على كتفه وطلع اوضتها رماها على السرير وقفل الباب..بصتله سول بذعر..قرب كيوهيون منها ابتدت تتراجع ببطء قعد كيوهيون على السرير)
كيوهيون:انا فى عينك مجرد وحش علشان كدة الوحوش همج مش كدة
(شدها كيوهيون وقطع الفستان من عليها.. باسها بعنف كان بيلمسها بطريقه مثيره للاشمئزاز صرخت اكتر من مره واتوسلت انه يسيبها حاولت تزقه لغايه ما مسك ايديها الاتنين بأيد واحده..ابتدى يتلذذ اكتر ونشوته تزيد لمساته ليها بتزيد جرأه بيجبرها انها تطيعه و كانت بتصرخ صرخات مكتومه)
سول(بصوت متقطع):كفايه
كيوهيون:احنا لسه بنبدأ
(بلعت سول ريقها)
سول:ارجوك كفايه
(بصلها كيوهيون بعناد اكتر اتنفض جسم سول)
كيوهيون:اخر مرة تستفزينى تانى ناحيتك يا سول
(قام كيوهيون من على السرير وعدل هدومه وخرج من الاوضه فضلت سول على السرير وابتدت تتحرك ببطء وقامت قفلت الباب بضعف واترمت على الارض وعيطت ..انهارت كل دفاعتها فى اللحظه دى هى خلاص كل امل ليها انها تمشى بكرامه من البيت ده انتهت...فضلت سول صاحيه عنيها مقدرتش تغفل ولو للحظه سمعت صوت خبط على الباب)
هانا:مدام سول
سول:انا مش هنزل دلوقتى يا هانا
هانا:استاذ كيوهيون مشى
سول:انا مش قادره اكل
(دخلت هانا الاوضه لقت سول قاعده على السرير باصه للفراغ)
هانا:حضرتك بتحبى القرايه
سول:ها
هانا:تعالى هوريكى حاجه ممكن تعجبك
سول:هغير هدومى وانزل
(دخلت سول الحمام و بصت فى المرايه شكلها مخيف لمست رقبتها كانت صوابع ايده سايبه اثر مسكت الفستان الى اتقطع ما بين ايديه لثوانى ورمته استحمت..ولبست فستان برقبه ونزلت لهانا ..اخدتها هانا من ايديها لمكتب كيوهيون وضغطت على زرار جنب المكتب اتفتح باب صغير ..دخلت هانا ووراها سول ..سول وقفت تنحت )
سول:دى مكتبه كيوهيون
هانا:فى كتب كمان سمعت انه مخزنها
(ابتسمت سول ابتسامه خفيفه)
هانا:تحبى احضر لحضرتك حاجه خفيفه تاكليها
سول:مش جعانه دلوقتى انا هقعد اقرأ
(ابتسمت هانا وخرجت من الاوضه...فضلت سول تدور بعنيها على كتاب يشد انتباها لغايه ما لقت lost names اخدته ومددت على الكنبه وقرأته محاوله انها تنسى الى حصل فيه نسيت ..فى الشركه)
شيون:بكره يونج هوان عامل اجتماع مجلس اداره
كيوهيون:هو رجع
شيون:راجع بكره..تفتكر علشان يقدم اقتراح تعيينك
كيوهيون:تعيين ايه
شيون:رئيس مجلس اداره ايه انت نسيت
(ابتسم كيوهيون بسخريه)
كيوهيون:لا ما تحطش فى دماغك وتحلم اوى كدة مستحيل ياخد القرار بالسرعه دى
شيون:مش يمكن
كيوهيون:خلينا نخلص شغلنا النهارده
(لقى رساله من يونج هوان وصلتله)
كيوهيون:اتكلمنا عن الشيطان
(فتح كيوهيون موبايله)
يونج هوان:اكيد سمعت بكره باجتماع مجلس الاداره هات سول معاك علشان عايز اشوفها
(بص كيوهيون للرساله ووشه احمر)
شيون:فى ايه
كيوهيون:عايز يشوف سول بكره قبل الاجتماع
شيون:ها
(هز كيوهيون كتفه)
شيون:اتصل بجيهو تجبلى قهوه معاك وخلينا نشوف الى ورانا الاول وبعدين نشوف موضوع بكره
(هز كيوهيون راسه..وكملوا..رجع كيوهيون بليل من الشغل كان باين على وشه ملامح الارهاق..جريت هانا عليه اول لما شافته)
هانا:تحب احضر لحضرتك حمام دافى
كيوهيون:ياريت...هى سول فين
هانا:مدام سول فى المكتبه
كيوهيون:ها طب حضرى الحمام وانا طالع
(انحنت هانا وراحت تجهز الحمام..دخل كيوهيون المكتبه لقى سول نايمه على الكنبه و واخده الكتاب فى حضنها قرب كيوهيون منها قعد على ركبته وفضل باصص لملامح وشها اتحركت سول بعفويه فشعرها غطى وشها..مد ايده بالراحه رفعه ..فضل متأملها لفتره كان بيلمس وشها كأنه بيحاول يطبعه فى ذاكرته ..شالها من على الكنبه وطلعها اوضتها ونيمها على السرير وغطاها..قبل ما يخرج قرب منها طبع بوسه رقيقه على جبهتها..وخرج من الاوضه..فتحت سول عنيها بصدمه من اول لما لمس شعرها وهى بتحاول تستوعب انه مش حلم..فضلت تتقلب على السرير مش عارفه تنام ورجعت تانى الافكار الى بتحاول تتخلص منها رجعتلها..صحيت تانى يوم على صوت فى الاوضه فتحت عنيها ببطء لقته واقف قدامها وبيبصلها فتحت سول عنيها وقامت اتعدلت فى السرير ..بلعت ريقها بصعوبه)
سول:هو فى ايه
كيوهيون:غيرى هدومك
سول:ها
كيوهيون:هنروح الشركه بابا عايز يشوفك
سول:ثوانى وهكون جاهزه
(هز كيوهيون راسه وخرج من الاوضه من غير اى كلمه زياده...لبست سول بنطلون جينز وقميص ابيض و رابطت اسكارف على رقبتها ونزلت..كان بيحرك رجله بطريقه عصبيه شويه المشهد دة فكرها بيوم الفرح)
كيوهيون:جهزتى
سول:ايوة
(ركبوا العربيه)
كيوهيون:بعد ما تقابليه خلى السواق يروحك
سول:ممكن ابقى اروح المكتبه
كيوهيون:ما تتأخريش
سول:حاضر
كيوهيون:اقلعى الاسكارف
سول:بس
كيوهيون:بس ايه
(شالت سول الاسكارف وشاورت على رقبتها)
سول:انا لابساه علشان دة
(قرب كيوهيون منها ولمس وشها بعدت سول بجسمها عنه مسكها من كتافها وقربها ليه واخد الاسكارف ولفه على رقبتها..دمعه فلتت من عنيها لقى نفسه غصب بيمسحها بصتله بتوتر وبلعت ريقها بخوف ..اول لما وصلوا الشركه قعد كيوهيون فى العربيه ثوانى كان مغمض عينه كأنه بيستعد لمعركه لقى يونج هوان بيتصل)
يونج هوان:انت فين
كيوهيون:قدام الشركه
يونج هوان:وسول
كيوهيون:معايا
يونج هوان:ادخلى الاول من غيرها
كيوهيون:مفهوم
(قفل كيوهيون التيلفون..وبص لسول)
كيوهيون:هستنتى فى مكتبى بابا عايز يقولى حاجه وبعدها هبعتلك جيهو تجيبك للمكتب
سول:حاضر
(خرجوا من العربيه مسك كيوهيون ايد سول ودخلوا..فى الطبيعى موقف زى ده هيخلى سول تبقى محرجه بس صراحه هى ماكنتش مركزه غير فى الى ماسك ايديها وبيعرق..اول لما كيوهيون ركب الاسانسير حط ايده على الكرافت بعصبيه حطت سول ايديها على ايده وعدلت الكرافت هى بالراحه وعدلت ياقه القميص..جت تبعد لقت كيوهيون مسكها من ايديها فضل باصص ليها لغايه ما تنبيه وصولهم للطابق الاخير..مسك ايديها وخرجوا ..شاور على مكتبه)
كيوهيون:استنى جوه لغايه ما اجى
(هزت سول راسها ومشى كيوهيون راح مكتب يونج هوان..فضلت سول واقفه كانت متردده انها تروح مكتب كيوهيون ..فضولها كان قاتلها عن سبب توتره وقلقه دخل كيوهيون مكتب يونج هوان ثوانى ولقاه ماسك مضرب الجولف ضربه بيه على رجله خلى كيوهيون يركع على رجله)
يونج هوان:انت مجنون ازاى تعمل كده فى سول
(بصله كيوهيون باستغراب)
يونج هوان:الى انت طردته جيه وحكالى لما عرف انى جيت
كيوهيون:ايا كان الى بيحصل ما يخصكش
(رفع يونج هوان مضرب الجولف تانى وضرب بيه كيوهيون كذا مره على جسمه)
يونج هوان:لو سول طلبت الطلاق انت مش هتاخد مليم منى والشركه بتاعتك فى لندن انا هدمرها وانت عارف انى اقدر على كدة حتى لو هخسر كل ممتلكاتى هدمرك الوحش الى جواك مش قادر تسيطر عليه..خطأ تانى منك وهوديك مستشفى المجانين زيها
(بصق كيوهيون الدم من بوقه وبصله بغضب)
كيوهيون:وبعدين هتقتلنى
(ضحك يونج هوان باستهزاء وهو بيبصله)
يونج هوان:هى ما ماتتش بسببى دى ماتت بسبب الوحش الى جابته ..لغايه اخر يوم كانت بتقولى انا جبت وحش كانت بتحب اخوك الاكبر منك عليك حتى عمتك لما جت تعيش معانا كانت بتخاف منك انت مصدر رعب وموت لكل الى حواليك
(كانت سول واقفه ورا الباب سامعه كل كلمه يونج هوان بيقولها سمعت صوت كيوهيون وهو بيترعش)
كيوهيون:ومين السبب فى انى بقيت كدة
(رفع يونج هوان المضرب وخبطه وقع كيوهيون على الارض..مقدرتش تتمالك نفسها وخبطت على الباب )
سول:انا سول
(قام كيوهيون من على الارض ومسح الدم الى على شفايفه)
يونج هوان:ادخلى
(دخلت سول المكتب ..انحنت ليونج هوان)
سول:انا جيت يا عمو
(ابتسم يونج هوان وراح ناحيتها واخدها فى حضنه)
يونج هوان:بابا كان لسه معايا فى تايلاند
سول:اه هو كلمنى اول امبارح
يونج هوان:قوليلى اخبارك ايه مع كيوهيون
(كان كيوهيون واقف متابع المشهد مش جديد عليه شغل التمثيل..بس كان حاسس بدوخه الى حد ما وبيتطوح..عارف انها دلوقتى لو اتكلمت وقالت كل حاجه هياخدها منه..بصت سول لكيوهيون بتوتر)
يونج هوان:انا سمعت انه ضايقك بسبب
(راحت سول ناحيه كيوهيون ومسكت ايده ووقفت جنبه)
سول:لا ابدا
(بصله يونج هوان بطرف عينه..كان كيوهيون مصدوم لما لاقاها جنبه..طلعت سول منديل من شنطتها ومسحت عرق كيوهيون)
سول:هو انت مش قولت انك هتودينى المكتبه
كيوهيون:ها
سول:هو النهارده فى اجتماع
يونج هوان:اه بس كيوهيون مش لازم يحضر مش كفايه نزل فى شهر العسل
سول:شكرا يا عمو
(مسكت سول ايده جامد)
سول:يلا
(خرجوا من الشركه ..سابت سول ايده اول لما خرجوا من الشركه)
سول:انا هروح البيت الاول
كيوهيون:هروح معاكى
(مسك ايديها تانى وركبوا العربيه...طول الطريق كانت سول ساكته لما وصلوا البيت طلع كل واحد اوضته..ثوانى ولقى هانا بتخبط على باب الاوضه..ودخلت كانت فى ايديها علبه الاسعافات بصلها كيوهيون باستغراب)
كيوهيون:هى سول كان فيها حاجه
هانا:لا هى قالتلى اطلع اشوف حضرتك
كيوهيون:ها
هانا:تسمحلى
كيوهيون:نادى سول
(خرجت هانا من الاوضه وطلبت من سول تطلع..وقف كيوهيون قدامها)
كيوهيون:اديها لسول وامشى انتى
(ادت هانا علبه الاسعافات لسول وخرجت)
كيوهيون:مش عرفتى يبقى لازم تشوفى
(قلع كيوهيون القميص ومدد على السرير..بصت سول لضهره وقربت منه دمعه فلتت من عنيها لما شافت الجروح على ضهره وايده..كانت اول مره تشوف الوشم الى على ضهره بأسمه..كانت بتحط العلاج وهى حريصه كل الحرص انها ما توجعوش حطت ضماده وخرجت من الاوضه..كل افعالها المتناقضه بتخليه صعب يتخلى عنها..مخرجش كيوهيون غير بعد الساعه 11..لقى هانا واقفه قدام اوضه سول بأكل)
كيوهيون:فى ايه
هانا:حاولت ادخلها اكل من شويه من امبارح ما اكلتش
كيوهيون:ما قولتليش ليه
هانا:انا اسفه
(راح كيوهيون يفتح باب الاوضه بعصبيه لقاها نايمه على السرير ..قرب منها وهمس باسمها فتحت عنيها)
كيوهيون:انتى كنتى نايمه
(قامت سول واتعدلت)
سول:لأ
كيوهيون:هانا قالتلى انك ما اكلتيش حاجه
سول(ردت عليه بهدوء):مش جعانه
(كان اول مره يركز فى وشها هى خست اوى كدة ليه ووشها لونه اصفر ليه)
كيوهيون:بس المفروض
سول:شكرا انا مش جعانه
(هزت سول راسها..وقف باصص ليها بحده كان مستنى رد فعل تانى منها..خرج من الاوضه ورزع الباب وراه اتنفضت سول على حركته ..ثوانى ولقته فتح الباب انكمشت سول على نفسها ورفعت البطانيه تغطى نفسها بيها..عنيه اتشدت لحركتها اتكلم بصوت واطى)
كيوهيون:فى حفله بعد بكره للسفير البريطانى هنروحها
(قفل كيوهيون باب الاوضه اتنفست سول براحه وقامت جرى قفلت باب الاوضه بالقفل كان واقف وسامع صوت خطوتها فى الاوضه غمض عنيه بألم وطلع اوضته..اخد شاور وطلع الورق حاول يركز فى الشغل بس مقدرش هى شيفاه فعلا وحش قدامها مهما يحصل هيفضل الوحش الى هتخاف منه...تانى يوم نزل كيوهيون)
كيوهيون:هي مش هتفطر
هانا:رفضت
(بصلها كيوهيون ثوانى)
كيوهيون:اطلعى قوليلها انى مستنيها تنزل وما تتأخرش
(انحنت هانا وطلعت بسرعه اوضه سول..وخبطت عليها)
هانا:استاذ كيوهيون بيقول لحضرتك انه مستنيكى علشان تفطرى
(غمضت سول عنيها بألم وقامت بتجر نفسها للحمام ..لبست فستان طويل برقبه ونزلت .. لما دخلت اوضه الاكل لقت كيوهيون قاعد وشابك ايديه على الترابيزة مستنيها....قعدت سول جنبه على الترابيزة ..اتحط الاكل على الترابيزه ابتدى كيوهيون ياكل مسكت سول المعلقه بتاعتها بملل وحركتها فى الطبق)
كيوهيون:مابحبش حد يلعب على الترابيزة
(هزت سول راسها وسابت المعلقه وقامت من مكانها)
كيوهيون:انا ما اذنتلكيش
(بصتله سول وعنيها فارغه ودمعه على خدها انحنت ليه والتفتت..قام كيوهيون من مكانه بسرعه ومسكها ولفها ليه بحده..بصتله سول بحزن..حاول يفهم نظراتها مقدرتش تتماسك اترمت سول فى حضنه وعيطت..وقف كيوهيون ساكن فى مكانه مقدرش يتحرك سنتى واحد ومقدرش يبعدها عنه كان بيرفع ايده علشان يحاوطها بس لقاها بتبعد عنه وبتنحنى ليه تانى وطلعت على اوضتها.. كان مش مستوعب الى حصل ومش فاهم هى اترمت فى حضنه ازاى ...طلع كيوهيون اوضته وقفل تليفونه..عدى قدام اوضتها اكتر من مره وكل مره يخاف يدخل..اه خايف تشو كيوهيون العظيم خايف منها..مخرجتش سول طول اليوم من اوضتها تانى وكيوهيون خرج راح اوضه الرمايه )
___________
المكتبه