سندريلا عراقيه❤️

بارت الثامن

ثاني يوم اتفقت ويه ميادة اطلع حنين وياها ع.اساس ماخذتها وياها لصديقتها ...المهم..انتظرناهن اني وابويه ورحنا ع السيد وهناك انتهى همي وصار العقد بسرعة...اوف اخيرا ارتاحيت اخيرا صارت حنة الي..من ردنا نرجع..شاورت..ابوية:

بوية سوق انت وكعد ميادة يمك بالصدر.وخلينا اني وحنين نكعد بالورة

ضحك..

هههه..ولك صارلي3سنوات ماكاعد ورة الستيرن..تريدني ادعمكم..عمي سوق انت لاحك على مرتك♥♥

البنات كعدن بالوره وابويه كعد بصفي...آخ شيصبرج ياروحي..وصلنا..لراس الفرع نزلناهن وبقينا اني وابويه ناخذ فرة ونرجع حتى امي متشك..فابويه كلي:

همام..اني عقدتلك..على حنة..وحنة امانة عندي وتعرف شكد اعزها هي يتيمة..وهسه..ما الها غير الله وانت ما اوصيك..بعد؟؟

شالقصة بوية توصيني على روحي؟؟

اي بوية دير بالك عليها مثل روحك ترة حنين شبعت ضيم وقهر واريدها ترتاح ولو ما ادري بيك نشمي وابن ابوك..جان ما..زوجتكياها..هذا شي..والشي.الثاني..ادري بيك بكلبك النار..وتريدها..اليوم كبل باجر...بس لتروح زايد..وياها...انت تفهمني..مااريدها تحبل..وانت بعدك مافاض سالفتك ويه ميساء بعدين هيه هم بنيه وتريد تفرح بزفة وعرس..ما اوصيك..بويه صبر على روحك ولاتروح..زايد ابني النشمي..استر علينا..منا لما نحل قضية العقد مال ميساء؟؟

شلت ايده وبستها:

ليضل ابالك بوية..اني احبها وهم اريدها تفرح واني هم اريد زفة حلوة وعرس جبير..اوعدك..ما اروح زايد..لتفكر..ولتقلق...ابد..اعرف حدودي

اي ابني...ربي يطمن كلبك..ويريح بالك

صار الليل تعشينا..تأكدت من..امي نامت..دزيت رسالة لميادة ع..كتلها تعاي ابقي بغرفتي شوية
دزتلي رساله:
اني دا ادرس شتريد همام
دزيت الها رسالة:

يعني شريد اريدج تبقين شوية بغرفتي..شنو ما عندج
احساس..اليوم..عقدت..شبيج تغشمين روحج

دزتلي رساله:

هااافهمت..اي راح اجي..بس مو تتأخر هواية همام؟
دزيتلها:
اوك

ورة دقيقتين جتي ميادة..شايله كتبها..طرت للغرفة دخلت لكيتها..ترتب الملابس بالكنتور:

هلا...بمرتي..هلا..هلا بروحي هلا!!

ياااا..همام...شبيك نصي صوتك ليسمعك احد

هههه منو بسمعني ..اشو امي تشوخر..وميادة سربتها لغرفتي!!!

هاااا يعني مرتب امورك مو؟؟

ههههههه..لعد شعبالج..

جريتها من ايدها وكعدتها ع الجرباية مالتها..
وكعدت بصفهاومديت ايدي ع شعرها..لا يا الله هم اخذها الرجيف ووجهه صار احمر:

همام!!

عيون همام..روح همام..

خطية سكتت ما جاوبت بس دنكت..وتعصر بأديها يربي شكد خايفة مني.فكلتلها وانفاسي قريبة من ركبتها:

شبيج حنة حبيبتي ليش هيج ترجفين مني اني حبيبج ورجلج هسه ليش هالكد خايفة..مو صرتي حلالي هسه!!

اعرف همام بس؟؟

بس شنو قبل تكولين حرام وعيب..هسه صرتي مرتي..والله راضي عليج بعد شكو!!

رفعت راسي لفوك:

ربي ترة مرتي..وما مسوي شي غلط لخاطر نبيك اهديها عليه!!

همام..مو...مو..

مو شنو يروحي ولج كلبج راح يوكف رخي اعصابج هسه اني بعدني ما لازمج بس لمست شعرج

همام اني استحي..والله استحي واخاف؟؟

هههههه تستحين من حبيبج..وبعدين منين خايفة..حنين لتخافين  والله..ما اروح زايد حتى ابويه سوالي محاضرة من عقدنا ووعدته مااروح زايد..والله

اخذت نفس طويل وكالت

صدوك...صدوك همام..الله يطمن كلبك..

ههههه هالكد خايفة...تعالي تعالي بحصني..بعد اهلي وعشيرتي...

اخذت راسها خليته على صدري ومررت ايدي على ظهرها وبعدين رفعت راسها وكتلها:
.احبج..حنة..

ابتسمت وكالت:

واني هم احبك..يروحي...

بووووويه.شكد حلوة هاي مال..يروحي عيديها بروح ابوج..

احبك ..يروحي..انت
بست خدها بهدوء وبست عيونها..وحضنتها

آخ شلون حضنه ترد الروح رفعت راسها زايد وكلت:

خرب يومج ولج شلون عيون عليج؟؟

لتجذب عيونك احلى..

هاا يعني عيوني تعجبج؟؟

اهووو من زمان!!

هههههه.اي هسه طلع الحجي الحلو..

ضليت اباوع بوجهها دخيل الله شلون شفايف..وقبل ما ابوسها كلت:

شلون شفايف..مخلوقات للبوسات والعضات

همام..اسكت..كافي..والله استحي..يالله روح..

وين اروح بت الاوادم؟؟

دنيتها يمي وتهت غركت..روحي غابت ماادري يمكن نص ساعة ابوس بشفايفها وما شبعت..بعدين كتلها:

يعني بس اني ابوس..وانتي ليش متبوسيني؟؟

ما اعرف..ما اعرف مثلك والله..

هههههه صدوك..انتي وين تعرفين...بس هانت اني اعلمج البوسات واعلمج كولشي وكلاشي..

همام ترة تأخرت صارلك فوك الساعة هنا..روح بداعتي..

ماشي..راح اروح.
كمت من يمها وصلت للباب فتحته على كيفي وشمرتلها بوسه بالهوى وطلعت..الله شلون احساس حلو..احلى لحظات بحياتي..احمدك واشكر فضلك ربي لان حققتلي امنيتي وحبيبتي عقدت عليها وصارت مرتي

وصلت لغرفتي..ورجعت ميادة يمها الليل كوله اتحلم بيها..واعرف هي هم تحلم بيه..شوكت تنتهي هاي الحواجز وننجمع اني وياها على وسادة وحدة..اووف اكول النفسي..اصبرهمام..الصعب هان..

ومرت الايام وامي تلح وتلوم بيه ليش متروح لميساء ليش هامل البنيه اكلت راسي...يومية تفتح الموضوع يمي..اضطريت امر عليها كل يومين مرة ما ابقة هوايه مجرد عشر دقايق او ربع ساعة واطلع..من يمهم حتى البنيه مستغربة لا كعدت يمها لا سمعتها كلمة حلوة..بس بقت ساكته ما حجت

حنين::

جنت..واكفه..اغسل مواعين..بس بالي مشغول بهمام..كلبي طاير وفرحانه يومية يجي الغرفتي يسمعني حجايات حلوة لو يشبكني حيل ويغركني بالاحضان والبوسات جنت صافنه وكع الماعون من..ايدي وانكسر...محسيت غير عمتي ميعاد جرتني وقبل متضربني همام لزم

ايدها..

يمه..لتضربيها؟؟

هي ضلت تخازر بيه

وخر ايدك همام..خلي افوخ كلبي بيها

صيح عليها:
كتلج لتضربيها..وما اقبل تصيحين عليها بعد

شنو..شنو..شنو..متقبل..وانت شكو..شعليك بيها؟

شنو اني شكو..يمه..حنين مرتي..مااقبل احد يمد ايده عليها!!

شكلت..ولك..

اني متت بدمي عمتي ميعاد وجهه صار ينطي الوان وكالت:

مسمعت زين..شكلت؟؟

لا سمعتي..زين حنين مرتي يمه وما اقبل اي بشر يتجاوز عليها

ولك تخبلت شدتحجي..وينه ابوك خلي يجي يسمع؟

خلي يسمع يمه اني وحنين متزوجين..حنين مرتي كدام الله وكدام الناس كافي ضام عليج اني هم بعد كرامتي متسمحلي اخلي زواجنا مضموم..

عمتي ميعاد كامت ادك وتلطم:
ولك صدك تحجي..ولك متزوج بت..عفاف

وضرت تضرب بصدرهمام وتصيح

هسه..هسه..اطلكها ..هسه اطلكها فورا..

طلع عمي..من الغرفة وصاح بيها

ميعاد شنو يطلكها..البنيه حامل..شنو يطلكها قابل اذب بت اخويه وبزر ابني بالشارع والله شنو حضرتج ماراضية

شكلت..حامل..يبوووو..يبوووو..يبوووو؟؟

ووكعت عمتي ميعاد فقدت الوعي وسلام كام يبجي ويصرخ واني هم كمت ارجف..ومتت من الخوف..يربي عمي جذب على عمتي يكلها اني حامل..اصلا همام بعد ممتقرب عليه ما ادري ليش هيج كال..بعدين همام شال عمتي وكعدها ع الكرسي ورش عليها مي كعدت وهي تون وتكول:

يمه تعاليلي..طابخيها هو وابنه ...مزوجه بت عفاف من وراية ..ومخليها حبلة..اليوم احرك روحي...احرك روحي وابليكم..شكول للناس..شكول..لام ميساء..اكلها ابني العود مزوج بالسر..وشريجة..بنتج حبلة..ولكم شحجي وشكول...والله ما اخلي بت عفاف تتهنه يوم وياك ...همام..هذه بت عشيكة ابوك تاخذك واني اسكت..ولكم احرك روحي..والله احرك روحي..

عمي حجه

يامرة سكتي فضحتينا هسه شنسوي البنيه حامل