مروة ىالحامد
الموني برحيلهم
كرار .😂😂😂وهاي الممدودة كدامج وهذا وجهي شلونه جنه خريطه وين العافيه
رسيل. هههههههههه لا هسه انت لو مثلا انشليت لو انعميت لو _____قاطعني هاي بيش طالبتني اسم الله عليه
رسيل. هههههههه اسم الله عليك بيه ولابيك كروري الحمدلله على سلامتك وعساها آخر الاوجاع 😂
كرار. تسلمين رسول حلوة هاي اخر الاوجاع 😁
رسيل. ها اشوفك فرحان والكشرة شكبر ها
كرار. ياعيني عليج يعني ماتدرين ليش 😒
رسيل ببراءة.. لا ليش شكو
كرار. موعليه سوالفح ادري معبيتها السالفه
رسيل. ههههههههههههه كشفتنيي
كرار. اي والله كلش فرحان بس خطيه كوة سكتت من البجي قبل لاتجين
رسيل. خطيه والله كوة نامت البارحه
كرار .هسه هم كوة توسلت بيها كتلها روحي ارتاحي
رسيل .الله يحفظها النه
كرار. آمين يارب
كرار .يلا هوينه اريد انام قبل لا يجون جماعتي
خابروني كلولي راح يجون
رسيل. ها يلا لعد اعوفك باي
كرار .باي
طلعت من يم كرار ورحت للصاله يم عماتي والبنات هم ضلينه سوالف وهاي ورة ساعه أجوي بيت خالي هم راحت ماما تكعد كرار وضلت مرت خالي هي وبناتها شلون حلوات ونازكات خاصه الجبيرة
لليل سوينه عشاء للكل وكملنه ضليت احجي وياا بنات خالي عرفت بس اخوهم الصغير متزوج وعنده اطفال أثنين وطالع بيت وحده واخوهن الجبير ممزوج ويشتغل ضابط 😍آاااخ الله ضابط
كتلني الفضول ليش مامتزوج
رسيل ..زين هو ليش ما متزوج.
نادين.. ميقبل يكول مالاكي الي يريدها حسب مواصفاته
**طبعا هم يحجون عراقي لان عمي الزكرت معلمهم حتى امهم😀😀
نور.. رغم هو حلو وشخصيه وضابط بس ميريد هسه كلمرة يلحون عليه بس هو ميقبل
رسيل. اهااا
نادين. . . راد يجي ويانا بس مااطوا اجازة اخوي الثاني هم راد يجي بس بابا مخلا كله منو يبقى بالبيت لان بابا مقرر يغزمكم ع طهور رضاوي
رسيل. . منو رضاوي
نور ...هههههههه هسه انتي على كيفج وياها خلي تعرف الأسماء اول شي شوفي خليني اعرفج علينه
اني نور ونادين أكبر مني ومعتز الاكبر واياد الأصغر الي متزوج و عبدالله طالب كليه
رسيل. هاااا زين
نور .هاي اول مرة اشوفج رغم بابا شكد يحجينه عليكم انتي وبنات عماتي الثانيات حتى ماما من شافتج تكول شكد حلوة بتهم
رسيل. هههههه خجلتوني 😊😊
نور ونادين ....ههههههههههههه
نور .. تعالي اشوفج خطيبي وكليلي شنو رائيج
رسيل .يلا
نور .ها شنو رائيج بي حلو لا 😎
رسيل. اي حلو الله يحفظه الج شوكت تتزوجون
نور . بعد وكت 😁😁
نادين .اي مو اكللها يلا شمنتضرة اتزوجي الولد متانيها شوكت متريد لان يحبها .
نور . .دسكتي انتي هسه لو قابله ب احمد جان صرنه سلايف
رسيل. فهمني شكو
نادين. .خطبني اخو خطيبها بس رفضت
رسيل. .ليش 😕
نور .اني اكلج ليش نفس اخوها معتز تريد مواصفات 😂😂
رسيل. هههههههههههههه
نادين. هههههههههه كافي ولجن لا تضحكن عليه
وراها كلمن راح ينام لان باجر كولها ترجع لبيوتها
ثاني يوم
كعدنه من الصبح لان بيت خالو وعمو صلاح راح يرجعون لبيوتهم طبعا مكلتلكم خالي عايش بالبصرة لان هناك شركاتهم وهاي قبل لايروحون خالو حجه
خالي .ياجماعه الخير اني عازمكم بعد اسبوع على طهور رضاوي ابن اياد ابني الاسبوع الجاي واريدكم تجون كلكم طبعا اليوم جمعه الطهور الجمعه التجي اريد تجون قبل الموعد ازعل عليكم اذا مااجيتوا
الام. لا هاي هي اني قبل الكل أجي
خالي .مااوصيج رسيل لاتجين عود 😒
رسيل شكد استحيت من كلي هيج .لالا خالو والله اجي
مرت الخال .اي حبيبتي تعالي كلمرة متجين
رسيل .ان شاء الله
طبعا خالي عزم حتى عماتي وعمامي الكل يعني راحوو هم وراح وراهم عمو صلاح عماتي همين راحن بعد تواسيل من امي لان مقبلن يروحن يكللها شلون نعوفج بهيج موقف الله يحفظهن النه نادرا ماتلكه هيج عمات يعني ضلينه بس احنه بالبيت اني رأسا من فرغ البيت كمت نظفت البيت تنظيف تمام لان ناس رايحه جايه بعدهم علينه
خلصت للصهر ماما سوت غدة وكملت اكلنه كلنه حتى كرار اكل ويانه وماما طايرة بيه خطيه
للعصر .اندكت الباب جوارينه النسوان مجتمعات وجايات لامي يتحمدلها على سلامه كرار وهم للمغرب يلا راحن كمت سويت عشه خفيف
كملنه والله هم اجوي جماعه كرار عليه يشوفوا ناس أصدقائه بالدوام وحتى الولد جوارينه أجوو يعني لا اكللكم ولاتكلولي اربعه تيام احنه على نفس الموال والتعب انهدينه هد بعد 3تيام وانروح للبصره علمود الطهور مال رضا خابرتني اسراء
اسراء .الووو هلاو وينج شو لا اتصال لا هاي
رسيل. ليش اني فارغه بقلمي مروة محمد
اسراء .. ليش شعندج يالبزنس ومن
رسيل. اسكتي احسنلج والله من رحتوا لحد هذا اليوم مافرغنه من الخطار شتحجين انتي
اسراء .صدك والله الله يساعدكم
رسيل. خير ان شاء الله اشوفج انتي اتصلتي عليه لو إلا ورة كم يوم يلا
اسراء .إصلاح اني خابرتج اسئلج شوكت نروح للسوك علمود نشتري ملابس للطهور هما نظل هيج
رسيل. لا اكيد نشتري باجر الصبح تعالي عليه انتي وعمتي لان ماما متروح تضل يم كرار
اسراء. ها خوش يلا باي
رسيل .باي
يتبع
مروة
توقعاتكم مو بس تقرون 😏