دخلل للصاله اني ركضت عليه وحضنته من ضهره وبسته
علي.. اجيت لكيت البيت اضلم بس عطره طيب دخلت الصاله مرتبه بالكيك والعصاير والكرزات حضنتني ابتسمت درت الها اخذتها باديه كتله
شهلاجواء الرومانسيه شهلاكلات الطيبه شهلجمال لك اموووت عليك وبستها من خشمها
شهد.. ههههه حبيت اخذ راحتي ويه حبيبي واريحله باله وانسيه الدنيا🙈
علي.. هلله هلله لج اني بمجرد ما اشوفج انسى كولشي ردت ابوسها
شهد.. تؤ تؤ تؤ 😌 اليوم حابه اسهر وياك عله فيلم ونكعد شوي ونريح
بعدت عنه رحت للتلفزيون شكلت الكروم كاست وكعدت يمه طلعت فيلم اجنبي رومانس كاعده بحضنه ونباوع اني وياه
كاعدين ومندمجين ونكرز حب طلعت لقطة مال كفار🙈
علي.. لا لا لا عيب شنو هاي وخليت اديه عله عيونها وبستها مثلها
شهد.. عليييي خل اباوعهم 👀😍 اوووو وخر عيب عليهم بس حلال عليك مو😒
علي.. يعني عادي تباوعين عليهم لما ي💏 بس اني من 😗 تضوجين 😒 لا يا بنت الما ادري شنو
شهد.. حبيبي انته الخير والبركه بس خل نباوع مو وكتك تلحك بعدين😉
علي.. هلله يعني راح اصير كافر مثلهم😍😍
شهد.. حبيبي انته من زماااااااان كفرت وصرت من كفار قريش😂😂
علي.. 😒😒 دكملي كملي لا اركع هلكيكايه بكصتج اسويلج فد مكياج معدل 😂😂
شهد.. 😒😒😒 علي باوع واسكت ..بقينا انباوع ومندمجين قرب يخلص الفلم وعلاوي بدا يثاوب ويغفي خفت لا ينام وتخرب الخطه😑
كمت طفيت التلفزيون ونزعت الروب الطويل خطيه عيونه مغفيات من شافني صار هيج😳😳
مديتله ايدي واضحك كتله تجي ويايه اخذك لعالم غير هذا العايش بيه😉
علي.. بويه احتركو عشيرتي واحد واحد لج الله شكد مخلي بقالبج عسل
شهد.. ههههه ضحكت برقه ودلع
علي.. ولج يابه اذا اضل وياح شهر زياده وعلي اكوم امشي عله عوجيه
شهد.. هههههه اخذت ايده وصعدنا دخلنا للغرفه و (عيب شكو داخلين وياهم 😒 يله برا كلمن لبيت اهله يله😠 يموتون عله هلسوالف كطيعه😪)
شهدت كعدت الصبح تحممت رحت للمطبخ سويت ريوك نزل علاوي
علي.. صباحج حبي
شهد.. صباحك عافيه يروحي ..تتريك
علي.. اي بس اغسل ..رحت غسلت وكعدت وياها اوكلها وتوكلني تكول البارحه متزوجين مثل طيور الحب بوحدنا ..
باوعتلها كتلها شهوده كملي ريوك وبدلي خل نروح لاهلي نتغدا عدهم اليوم
شهد.. صدوك بس خايفه ما يتقبلوني
علي.. لا شيردون يسوولج لتخافين لازم يتعرفون عليج ويشوفوج بغير صوره متٲكد حيحبوج لما يعرفوج
شهد.. علواا.. رحت اخذت المواعين للمطبخ غسلتهن وصعدت بدلت لبست بنطرون ابيض وقميص ازرك ومكيجت مكياج خفيف بناتي ونزلت
علي.. ها كملتي درت وجهي لكيتعا لابسه بنطرون حصر كتلها شنو هاي شهد البسي جبه
شهد.. علي ترهم جبه وعبايه وحده منهن اختار اذا البس جبه انزع العبايه
علي.. اي ومتقسم جسمج وتمشين بالشارع مو ماكو علاقل البسي تنوره مو بنطرون
شهد.. ما البس تنوره طويله عندي قصيره البسها
علي.. هلو هلو علمو رجليج يبصبص بيهن الرايح والجاي امري لله امشي بس عباتج ابيت اهلي ما تنزعيها من تمشين شيلها عله خصرج وامشي عيب كدام اخوتي وبنطرونج هيج
شهد.. تٲمر حبيبي وكرصت اخدوده امووووت عله غيرتك عليه 😘
علي.. غير احبج واريدج بس اليه.. يله حبيبي اطلعي ..طفيتي الاضويه الفوك
شهد.. اي طفيت كولشي
علي.. اوك يله اخذتها من ايدها وتمشينا لبيت اهلي يبعدون عن بيتي شارعين ..دخلت ضاجو رحت لابويه بسته من راسه
كتله يابه انته ابو كلب الطيب تقسي عله هذي اليتيمه والله محد الها بهلدنيا بس اني والله لما شفتها يله شفت الراحه
والله خوش بنيه وتسمع كلامي شٲكولها تكلي تٲمر لا تقسي عليها يابه انطيها فرصه تتعرف عليها
الاب.. يابه هاي بعد شنريد منكم الله يوفقكم ويسعدكم مدام مريحتك وتسمع كلامك وتحبها شنريد اكثر والله يابويه ندور سعادتكم واذا قسينا وياكم من حرصنا عليكم
علي.. الله يديمك فوك روسنه يابه ..وبست راسه وغمزت الشهد واشرتلها تبوس راسه ..اجت سلمت عليه وباست راسها كاللها الله يرضى عليج بنيتي اهم شي طاعة زوجج شيكولج تكوليله صار
شهد.. انشالله بابا شعندي غيره بهلدنيا اشيله بعيوني واباوع لعلي مبتسم ويباوعلي..
فرحت كولش هوايه لما ابوه رضى بزواجنه وباركلنه بس امه ما قبلت بقت قافله ما قبلت حته اسلم عليها
بس عنده اخت دره مال الله حيل حبيتها اخذتني بعد الغدا ورحت كعدت بغرفتها
رشا.. صراحه اول ما شفتج حبيتج رغم ما شايفتج بس حسيتج محبوبه
شهد.. حبيبتي ه̷̷َـَْـُذآ م̷ـــِْن ذوقج يعمري والله انتي هم محبوبه وادخلين الكلب بسرعه
رشا.. لج تدرين شكد جنت اضوج من ميعاد رغم جانت تحبني وتتلوكلي بالهدايا بس جنت اكرها لان حيل شالعه كلب علاوي ومضوجته
بس من اجه وحجالي عليج وشلون يحبج ومرتاح وياج حيل فرحتله وحبيتج
شهد.. يحبيبي شعندي غير علوش هوه النفس عندي ..شفتها تقره كتلها ختصاص شنو
رشا.. قسم علوم حاسبات مرحله اولى
شهد.. يااااي مثل قسمي بالضبط بس تركت
رشا.. صدوك وليش تركتي
شهد.. بعد ما ماتو اهلي اضطريت اترك
رشا.. الله يرحمهم ويعوضج
شهد.. الحمدلله عوضني بعلوشي صارلي اهل وكولشي
رشا.. رَبّـ❤ـيٌ يديم المحبه ..ليش متكوليله ترجعين تكملين
شهد.. ما اعرف خاف ميقبل.. دا احجي ودخل علاوي
علي.. هاااا ولج شدسووون ☻
رشا.. ابن الحلال بذكره هاي مرتك تحجي عليك تكول شكد مكروه اموووت منه 😜
علي.. اتقربت من شهد وحضنته وكتلها اه والله واني هم اموووووووووت عليها احله مكروها بحياتي😛
رشا.. عابتلك فشلتني 😓
علي.. لج هاي روحي من الدنيا هاي شهودتي.. بستها من راسها
رشا... اااااااااا اغار اغار وركضت يمه ☺
علي.. ما احبج ما احبج وبستها وحضنتها ربي لا يحرمني من هلحلوات😚
رشا.. اكول علي صدوك دنحجي اني وشهوده وصدفه طلعت هيه نفس اختصاصي ليش متخليها تكمل ويايه بالجامعه واداوم
علي.. ما اعرف مكايلتلي هيه.. ما عندي اشكال اذا تريد اروح انقل اوراقها واداوم هنا شكو بيها
شهد.. صدوك علاوي يعني راح ارجع لدراستي 😃
علي.. حبيبي وشكو بيها لو كايلتلي من قبل. جان سادندتج ونقلتج من زمان ..اذا تحبين من باجر نروح اني وياج لديالى ونكملها مدام عندي كم فلس
شهد.. براحتك حبيبي ياريت ..وبسته بخده وكتله شكرا حبيبي
رشا.. احم احم نحن هنا
علي.. وسم المفروض تكولين اخوي يريد يرتاح ويه مرته وتحسين واطلعين بس ابد ماكو احساس لزكه مو بيدج😝
رشا.. لا والله 😠 كاعدين ابغرفتي واطردوني اشو اشو برا يله مطرودين👊💥
علي.. ههه خبله.. كملنا اليوم عد اهلي الحمدلله حبوها واستلطفوها بس امي بعدها قافله تكول ما اريدخا مدام فرضتها عليه.. عفتها براحتها بعدين تنجبر تتعود عليها بحياتي
دخلنا البيت.. وكبل بدلنا ونزحلكنا للفراش هلكانين تعب تكول جنه نكرب هوه مجرد جنه برا البيت 😐
شهد.. حبيبي والله فرحت بيهم لان اتقبلوني واخوتك محبوبين كولش خو علاء تصنيف ورشا فدوه شلون حبابه
علي.. جنت متٲكد يحبوج مثل ما حبيتج اني وحبيط طيبة كلبج وبرائتج
شهد.. اممم بس طيبتي وبرائتي حبيتهم
علي.. وروحج وضحكاتج وشقاوتج وحته وكاحتج اموت عليها مال خبال
شهد.. هههه وبعد
علي.. وكلبج وعيونج وخدودي ..احجي وهيه تكولي اي وبعد... وشعرج وخشمج وشفايفج و💏......
شهد
كعدنا الصبح سويت ريوك ودخلنا سبحنا وبدلنا كال اصبر اجيب سيارة علاء هوه سافر اليوم خل اخذها احسن ما نكضيها تكسيات كتله ٱפگـيہ
اجه وجاب السياره صعدت طبعا كلعاده خلصت الطريق نوم😁 شسوي من اصعد بالسياره ادوخ وانام
كعدت هستونا نريد ندخل منطقتنا اختنكت بالحسره شكد مشتاقه لاهلي شكد مشتاقه لريحتهم محتاجتهم مفتقده لمتهم بس اريد اشوفهم
وصلنا الباب وفتحه علي متحملت انفجرت بالبجي كمت اصرخ بنص البيت ولك بابا ولج ماما والله مشتاقتلكم ارجعوووو تعبت من افراكم والله
ولكم ليش تعوفوني وحدي اشتاقيت اشتم ريحتكم اشتاقيت لسوالفكم ولج يمه ارجعيلي محتاجتج حيل يمه البنيه لو ضاجت تريد امها انتي وينج
ابجي عليج عله بابا غله اخوتي يمه بس لشم عطرج يمه ولج يمه بس انام بحضنج واسولفلج كل الحجي البكلبي وينكم ارجعولي اخذوني وياكم فدوه والله بعد ما اتحمل
راحو وما خذوني... هلي ويمكن نسوني... ابعدهم يتموني... وانه اصغيره عله همي.. يدنيا وين اهلنا.. وين اهل المحنه ..تفاركنه بحزنه... ونشف دمعي ويه دمي
بقيت كاعده بنص البيت اصرخ وابجي اخذني علي لحضنه ويطبطب عله ضهري
علي.. يمكن اول مره بحياتي تنزل ادموعي حيل اذاني ضعفها وانكسارها بقن دموعي يجرن ويه دموعها متحملت اخذتها
وكتلها كافي حبيبي كافي انتي مو تكوليلي انته كل اهلي خلص ارتاحي
شهد.. علي محتاجتهم محتاجه اشم ريحتهم.. بقه يطبطب عله ضهري لحد ما هديت لشوي سمعت الباب اندكت
رحت فتحته طلعت جارتنا ام حسين حضنته وسلمت عليها
ام حسين.. خاله شفت سياره بالباب وردت اعرف منو اجه منكم لان عيني عليه خاف يدخل بيه حرامي او ناس ما تخاف من الله يسوون بيه كلشي فمراقبته الكم
شهد.. مشكوره خاله كلج ذوق
ام حسين.. شلونه زوجج وياج انشالله زين
شهد.. االحمدلله ورده مال الله صدوك الله عوضني بيه
ام حسين.. اي الحمدلله الله يخليه الج.. اكلج خاله ذاك اليوم اجه رجال ودك الباب هواي طلعتله كال عندي امانه لازم انطيها لهل البيت
شهد.. عقدت حاجبي شنو هيه الامانه
ام حسين.. ابوج يطلبه 10 ملايين وجان مسافر وهسه اجه ومدبرهن ويريد يرجهن انطاني رقمه كال من تحصلين واحد منهم خل يخابرني
شهد.. بداخلي فرحت لان حالة علاوي تعبانه 10 ملايين مبلغ حلو نكدر نستفاد منه اخذت الرقم منها وسيفته بموبايلي
ام حسين.. ها وصدك خاله كبل لا اروح باجر المحكمه مال اخوج سلام خاف تردين ترحين تشوفيه تحضريها بكيفج
شهد.. صدوك خاله والله فرحتيني محتاجه اشوف واحد منهم ..سلمت عليها وودعتها ودخلت كتله علاوي باجر محكمة سلام خل نروح فدوه
علي.. شهوده صعبه ادخلين محكمه وتفترين كدام الشرطه زحمه
شهد.. علي والله محتاجه اشم ريحة واحد من اهلي افهمني والله مشتاقتلهم
علي.. ٱפگـيہ بس عبايه تلبسين
شهد.. لا علاوي فدوه بس هلمره اروح افتر بالعبايه حبيبي فدوه
علي.. لا لا لا ماكو
شهد.. علي فدوه والله البس جبه بس هلفتره هنا البسها بس نرجع لكربلاء والله ثعد ارجع البس العبايه
علي.. اوف منج اوف ٱפگـيہ
شهد.. شكرا حبيبي ياااي اموت عليك.. ثاني يوم بدلنا وكملنا وطلعنا رحنا للمحكمه كاعده اتانيه هسه يجي واباوع بالوجوه بلكت اشوف وجه اخوي
كلبي طاير بس رايده احضنه وشم ريحة اهلي بيه والدمعه بعيني تراري الي ان صاحو باسمه دخلنا كعدنا بالمحكمه
دخل سلام صرخت عليه هوه هم صاح شهوده حبيبتي ردت اروحله منعوني رحت للمحامي مالته كال بعد المحكمه اسويلكم مقابله وياهم
رجعت كعدت بقو يحجون بجرائم المخدرات اللي متورط بيها واللي يتعامل وياهم الى ان حكمو عليه 12 سنه سجن بقيت ابجي عليه بحركه
اباوعله وابجي ليش هيج سلام ليش هيج ضيعت عمرك وعلي يصبر عليه... يتبع