أنا بنت مصرية, اسمى جوليا, عندى 18 سنة. أنا وحيدة معنديش اخوات و كان نفسى ان يكون عندى أخت أعد ألعب و أتخانق معاها و أقولها على مشاكلى و أسرارى.كنت بحب حياتى جدا. ماما و بابا كانو أعز حاجة ليا. عندى صديقتين بحبهم جدا. اسمهم ملك و ياسمين. كنت كل يوم بعد لما أخلص مذاكرتى, نخرج نتمشى سوى. كانت ملك و ياسمين دول كانو مجنونين بحاجة اسمها وان دايركشن و كانو يعدو يكلمونى عنهم, أنا مكنتش مهتمة و كنت بقول عليهم ان ده هبل
جه يوم قلبلى حياتى كلها. ماما و بابا انفصلو.. أنا مقدرش أعيش من غيرهم! أعدت أقول لماما ترجع لبابا مفيش فايدة و أعدت اتصل ببابا نفس الحكاية. طب هما مفكروش فيا! أنا حياتى اتغيــــــرت. بقيت كئيبة و قصيت شعرى و بقيت أتخانق مع الى قدامى و مبقتش أروح المدرسة بقالى شهر. على طول فى أوضتى بعيط. ماما مش عارفة تعملى ايه و صحابى بيحاولو يساعدونى بس مفيش فايدة
اليوم التالى
ماما صحيت. دخلت عليا
ماما: يــا بنتى حــرام عليكى, انتى بتعذبينى أنا
أنا: انتو الى دمرتولى حياتى
ماما: ده مش بايدى....... طب أنا عندى فكرة حلوة لو بتحبينى وافقى عليها
أنا: ايه هى؟
ماما: أنا هخدك و نسافر فى أى مكان برة, نروح نغير جو, ماشى؟
أنا: لا, مش هروح فى حتة
ماما: لا يا جوليا مش هينفع الى انتى فيه ده, و بعدين أنا قولتلك لو بتحبينى؟
أنا: طب خلاص, موافقة
ماما: طيب يلا جهزى حجاتك, هنسافر فين؟
أنا: خلينا نروح لندن, فى حجات كتير هناك عايزة أشوفها
ماما: ماشى
خرجنا اشترينا هدوم و حجات و ماما راحت حجزت التذكرة و جهزنا شنطنا. روحت قولت لصحابى. سلمو عليا و قالولى ابقى كلمينا لما توصلى
__________________________________________________
Vote and Comment Pls