Kim Domingo as Kim Dominguez. Nagbabalik para maghiganti o may binalikan? Kaaway kaya siya o kakampi? Hmmmm...
-----
MIGO
Halos magtatatalon sa tuwa ang anak ni Chase. Hindi ko alam kung tama ba tong nararamdaman ko, pero magaan ang loob ko kay Hitori. She is a sweet girl. Kaya pala nasabi ni Chase sa akin noon na si Hitori ang nakabihag sa puso niya. Wala namang kasalanan yung bata kaya hindi ko siya dapat idamay sa kung ano man ang nakaraan sa pagitan namin ni Chase noon.
Medyo mataba si Hitori, at maputi, mana sa nanay. Siguro yung nanay niya, mataba. Hindi naman mataba si Chase. Chase never tell a story about Hitori's mother. Hindi na rin naman ako nagtanong pa, gusto ko na si Chase mismo ang kusang magkwento sa amin nun. Baka isipin lang ni Chase na may ibig sabihin yun pagtanong tanong ko sa kanya about sa nanay ni Hitori. Mahirap na, I should keep a distance. Baka isipin ni Chase, interesado ako sa gusto niyang mangyari.
Alam ko naman na hindi pa nakaka get over si Chase noon. Hindi ko lang pinapahalata sa kanya na nakukutuban ko na siya.
Naaalala ko nanaman yung sinabi niya sa akin noong birthday ni Hitori,
"I'm not over you yet... I want you to know that I'm here. Don't forget that."
Hindi ko alam kung dapat pa ba akong magpakita kay Chase. Kase alam ko, the more na nagkikita kami, the more lang na hindi siya makaka get over.
Yun lang naman ang gusto kong mangyari. Ang maka get over na siya at bumalik na kami sa dati. Yung magkaibigan lang. Walang tinatago sa isat isa.
Kaso mukhang malabong mangyari yun.
Haay!!!
Gamit ang kotse ni Chase, pumunta kami sa Glorietta 3. Si Sonny ang nagmaneho. Sila Chase at Hitori nasa harapan. Ako naman nasa likuran. Nahiga ako muna. Grabe. Bat ba ako nagka pimple? Nasan ang hustisya?
"Utol, wag kang matulog ha," sabi ni Sonny. Tinitignan nya ako mula sa rear view mirror. "Kukwentuhan mo pa ako diba?"
"Pwede ba magmaneho ka nalang? Wala ako sa mood magkwento." Sabi ko. Nakahiga na ako nito.
"Hayaan mo na muna siya Sonny," sabat ni Chase. "Magkwekwento din yang si Migo, right Migo?"
"Buti ka pa naiitindihan mo ako Chase, kaya mahal na mahal kita eh." Sabi ko.
"Hay nako. As usual, Nanjan na si Chase para ipagtanggol ka," sabi ni Sonny. "Kung nandito lang si Jepoy, naku baka kinaltukan na kayo nun!" Sabi ni Sonny habang tatawa tawa.
"Alam mo Chase, kaya lumalaki ulo niyang ni Migo eh. Alam niya kase, nanjan ka na. May magtatangol nanaman sa kanya." Dagdag pa ni Sonny.
"Ano na pala balita kay Jepoy?" Tanong ni Chase.
"Wala kaming balita dun ni Migo, ni hindi nga namin alam kung asan siya sa states eh." Sabi ni Sonny. "Ikaw? Baka alam mo kung paano siya kokontakin? Baka friend mo siya sa social accounts mo."
"Actually, friend ko si Jepoy sa dati kong Facebook. But I don't think active pa yung account na yun. The last time I checked, yung huling post niya last 9 months ago pa." Sabi ni Chase.
"Grabe din yang si Jepoy no? Wala daw kalimutan, eh asan na siya ngayon?" Sabi ni Sonny. "Ni contact nga niya wala man lang may alam sa atin. Grabe. Kinalimutan na yata tayo nun."
"Eto naman nagtampo ka naman agad," ani Chase. "Baka busy lang talaga yung tao. Wag muna nating i misjudge yung pangyayari. Malay niyo, one of this days, bigla nalang siyang magpakita sa atin. We can never tell. Life is full of surprises."
"Grabe Chase. Ang bait mo talaga no? Bat kaya kita naging kaibigan?" Sabi ni Sonny.
Narinig ko na nagtawanan sila. Nakita ko na tulog si Hitori sa pagkakakandong sa kanya ni Chase. Nakapikit na ako. Pero pakiramdam ko, may tumitingin sa akin. Feeling ko, tinitignan ako ni Chase.
Eirik Calling...
Eirik Calling...
Eirik Calling...
"Oh hindi mo ba sasagutin yan Utol?" Sabi ni Sonny. "Kanina pa yan tawag ng tawag ha.."
"Hayaan mo lang yan." Sabi ko. "Magsasawa din yan."
Kunwari wala akong pakelam. Pero sa toto lang, natutuwa ako na tumatawag sa akin si Eirik.
Syempre, medyo magpapakipot muna ako. Ng konti. Hehe..
"Naku ha. Baka si Tito Jaime na yan. Try mo kaya sagutin." Sabi ni Sonny.
"Para san pa? Ano sesermunan nanaman ako?" Sabi ko. Sabay patay ng telepono ko. "Wala rin namang kwenta. Pati siya yung may kasalanan no. Bat ako ang unang gagawa ng move?"
Nakita ko mula sa rear view mirror, na nagtaka si Sonny sa sinagot ko.
"Bakit sino ba yung tumatawag sayo Migo?" Sabat ni Chase.
"Yung kaibigan ko." Sabi ko. "Wala lang yun."
Humarap sa akin si Chase mula sa front seat.
"Kaibigan mo?" Sabi ni Chase. "Bat ganyan? Tawag ng tawag sayo. Ano ba kailangan niya? Do I know him?"
"Makikilala mo rin yun Chase," Singit ni Sonny. "Maliit lang ang mundo. Haha."
Nakita ko na medyo nag iba mukha ni Chase. Kaya hindi nalang siya nagtanong pa. Humarap nalang ito. Umayos ng upo.
Buti naman at walang traffic, nakarating kami agad sa Glorietta 3.
-----
EIRIK
Calling Migo...
Calling Migo...
Calling Migo...
"Migo, ano ba sagutin mo.."
The number you have dialed is either unnatended or out of coverage area..
The number you have dialed is either unnatended or out of coverage area..
"Sige ganyanan pala ha."
"Patigasan pala gusto mo ha, pwes, magpatigasan tayo."
Ano ba naman tong si Migo, nag aalala na nga yung tao sa kanya, ayaw pang sagutin yung tawag.
Hindi man lang ba niya naisip na may taong nag aalala sa kanya!
Siya pa tong ayaw makipag usap, eh kitang kita ko naman ng dalawa kong mata kung paano siya lingkisin ni Kim. Halata naman na gustong gusto ni Migo yung ginagawa sa kanya.
Tss.. Sige. Simula ngayon, bahala ka na! Hindi na ko makikialam sayo! Bahala ka na kung sino gusto mong sayawan! Wala na akong pakelam.
"Apo, nakontak mo na ba si Migo?" Sabi ni Lola.
"La, hindi pa din po niya sinasagot yung mga tawag ko eh." Sabi ko.
"Apo, hayaan mo na muna, baka tulog pa yun ng ganitong oras. Diba sabi mo nag inom kayo kagabi?" Sabi ni Lola.
"Eh hindi ko naman po maiwasan na wag mag alala sa kanya. Nabanggit kasi sa akin ni Sonny na may mga nagte-threats daw jan kay Migo." Sabi ko. "Kaya hindi niyo po ako masisisi kung bakit po ako ganito. Kagabi pa po ako walang tulog. Kakaisip sa kanya."
"Eh diba nakausap mo naman yung kaibigan niya, sino nga iyon?" Sabi ni Lola.
"Si Sonny po."
"Oo. Tinext ka nanaman niya diba, wag ka na mag alala, magkasama na sila." Sabi ni Lola.
"Lola, bilang pagmamalasakit nalang po sa kanya kaya ako hindi mapakali kapag hindi ko siya nakikita o nakokontak man lang." Sabi ko. "Napaka bait ni Migo. Ibang iba siya sa mayayaman na alam natin. Hindi siya masamang tao. In fact, mismong magulang niya hindi siya magawang suportahan o intindihin man lang."
Tumingin ako kay Lola.
Ngumiti ako sa kanya. "Lola, gusto ko lang po malaman ninyo na mahal na mahal ko po kayo.."
"Apo? Anong nangyayari sayo bat biglang sweet ka yata?" Sabi ni Lola. "Ang drama mo ngayon ha.."
Niyakap ko si Lola.
Niyakap din niya ako.
"Lola, lalabas lang po muna ako sandali ha. Napansin ko po kanina, wala na kayong gamot. Ibibili ko po kayo." Sabi ko.
"Ah ganun ba?" Sabi ni Lola. Tatayo sana 'to kaso napigilan ko naman. "Pasensya ka na apo. Hindi ko na alam wala na pala akong gamot. Nahihiya na kasi ako sayo. Lagi nalang ako ang humahadlang sayo. Alam ko naman na may sarili kang buhay na dapat mo lang inienjoy. Kaso, andito ako kaya hindi mo iyon magawa gawa."
Hay naku. Ang Lola talaga, ako daw ang madrama eh. Halos tinalo nanaman niya ang best actress sa pag dadrama.
Nagpaalam ako kay Lola para sumaglit muna sa labas.
Pero habang on the way ako, nakatanggap ako ng text sa isang unknown number..
"Nasaan ka ngayon? Puntahan mo siya. Hindi na maganda lagay niya.. Lagi ka niyang hinahanap hanap. Sobrang miss ka na niya. Magpakita ka man lang sa kanya. Kalimutan mo na ang alitan ninyo dati.. Pakiusap. Tawagan mo ako sa numero ko na to. Aantayin ko."
-Josh
------
MIGO
Sinuot ko shades na pinahiram sa akin ni Chase.
Habang naglalakad kami, hindi ko maiwasan na takpan ko ang mukha ko. Lahat ng taong nakakasalubong namin, tumitingin sa akin. Lalo tuloy akong nahihiya.
"Huy, Utol, para kang tanga jan," Puna ni Sonny. "Tanggalin mo nga yang panyo sa mukha mo. Naka shades ka na nga eh. Wala namang makakakilala sayo dito."
"Sonny, hayaan mo na muna si Migo." Sabi ni Chase.
"Okay. Okay. Wala na ko sinabi." Sabi ni Sonny habang nag taas pa ng kamay na tila inaaresto.
"Hitori, san mo gusto pumunta?" Tanong ko sa bata.
"Doon po tayo tito Migo sa maraming toys!" Sabi niya.
"Dun ba gusto mo? Sige! Lika sa third floor!" Sabi ko sabay karga kay Hitori.
-----
KIM
"Friendship!! Friendship!! Ano ka ba, may napili ka na ba? Jusko! Kanina pa tayo paikot ikot dito sa Glorietta 3! Halos lahat na ng mga floors, naikutan na natin, yung totoo? First time mo ba dito? Tropa ka yata ni Dora eh." Angal ni Cloe sa likuran ko.
"Wala kasi ako makitang maganda pero simpleng damit para sa event na pupuntahan ko mamaya." Sabi ko.
"Ah mamaya na ba yun? Yun ba yung sa high school ruenion?"
Hindi ko sinasagot si Cloe. Abala kasi ako sa paghahanap ng damit ko mamaya.
Naimbitahan kasi ako bilang special guest ng isang paaralan para maging guest of honors.
Hindi ko naman mahindihan yun, syempre, sayang ang pera. Raket ko na rin 'to.
Syempre, makikita mo dun si Edward Miguel Francisco..
"Friendship may tanong ako, kamusta naman yung pakiramdam mo nung makita mong muli ang boylet mo from the past? Hehe. In fairness ha, gwapo pa din ni Migo. Walang pinagbago cute pa din!" Sabi ni Cloe habang kinikilig kunwari.
"Hay nako. Wala na akong feelings for him! Matagal na yun. Tsaka, kita mo naman ako diba? Hindi na nga niya ako nakilala eh." Sabi ko naman.
"Sure ka ba talaga na wala na? Hay nako! Erika Kimberly Dominguez kilalang kilala na kita! Kaya alam na alam ko kapag nagsisinungaling ka. Namumula ka. O kita mo na!"
"Huy, grabe ka friendship! I didn't comeback for him." Sabi ko.
"Ows? Mamatay ka man?" Sabi niya.
Tinitigan ko si Cloe para manahimik na. Akala ko tumahimik na talaga siya
Kasi hindi ko narinig boses niya ng mga ilang minuto.
But after 15 minutes, ayan nanaman siya. Kinukulit naaman ako.
"Ano ba yun?" Sabi ko.
"OMG!! Friendship! Speaking of the devil!" Nyaw nyaw niya.
Tumuro ito. Sinundan ko yung direksyon ng pagturo niya, muntik na akong mawalan ng balanse sa nakita ko..
Si Migo.
At... may karga karga siyang bata.
He's settled down na pala...