بنت مختلفة

النهاية

*حسن*
طبعا انا و احمد متفقين سوا ع الفيلم ده .. مريم مكانتش تعرف اني عامل كده عشان خاطر اتقدم لدانيا .. انا عارف انها بتخرج كل يوم في الوقت ده و بتمشي في المكان اللي كنا قاعدين فيه انهارده فكنت مظبط كل حاجة
انا : دانيا .. تتجوزيني ؟؟
صمت في المكان و دانيا تبص لجدتها و ترجع تبص في الارض .. و بعد صمت دقايق مرو كأنهم ساعات
دانيا : موافقة !
جدة دانيا زغرطت و انا ضحكت و حضنت دانيا
مريم : استنوا .. انا مش موافقة انكوا تتجوزوا
حسن : انتي مالك اصلا ؟
مريم : حسن انا بحبك و انا الاحق بالجوازة دي من اللي متربتش غير ع ايد واحدة عجوزة
حسن : ع الاقل اللي اللي اتربت ع ايد العجوزة اخلاقها احسن منك .. و ع الاقل هي احسن من اللي مترباش خالص !!
مريم خرجت و سابتنا
احمد و هو فرحان : مبروك يا فندم .. مبروك يا دانيا
و فعلا اتجوزنا و عملنا اجمل فرح .. اي نعم محضرهوش غير جدة دانيا و احمد وانا لكن كان فرح جميل قوي
مر الاسبوع و احمد و مريم مشيو من ع الجزيرة،و رجعوا بلدنا وانا و دانيا كنا سعداء جدا ان انا مامشيتش
*دانيا*
كل حاجة مشيت مسرعة قوي .. بس انا سعيدة باللي حصل و متأكدة ان اللي جاي.كله هيكون خير ان شاء الله و اجمل من اللي فات
بعد جوازنا بأسبوع كنت قاعدة في الاوضة و دخل عليا حسن
حسن : حبيبتي ازيك ؟
انا : تمام الحمد لله
حسن : بقولك ايه .. خدي نانا و اطلعوا اقعدوا برة عشان عاملكوا مفاجأة
فعلا خرجنا و حسن كان خرج برة
جدتي : تفتكري حسن عايزنا في ايه ؟
انا : معرفش والله يا نانا بس هو قالي مفاجأة
جدتي : يا رب استرها
انا : متقلقيش يا حبيبتي
بعدين صمت لحد ما حسن جه و فتح الباب
حسن : المفاجأة !!.
شاور ع الباب و دخل احمد !!
انا : احمد انت رجعت !!!
احمد : رجعت عشانك انتي و نانا
جدتي : عشانا ؟
احمد : ايوة عشانكوا
نظرة تعجب منا
احمد : فاكرة يا نانا اول قصة حكتيها لينا اما جينا هنا ؟
جدتي : اه .. قصتي انا و دانيا
احمد : انا واحد من افراد القصة .. انا اخوكي يا دانيا .. انا حفيدك يا نانا !!
صدمة لمدة دقيقة و بعدين جريت عليه و حضنته جامد
انا : احمد !!!
احمد : اختي ..
حسن : لسة المفاجأة مخلصتش
احمد خرج من الباب و دخل و معاه راجل و ست !! دول نفسهم اللي كانوا في الحلم !! دول ... بابا و ماما !!!
انا من فرحتي سوطت و جريت عليهم و حضنتهم جامد و نانا قامت و حضناها كلنا
بعد جو من الفرحة و الدموع و كده قعدنا كلنا
انا : بس ليه مقولتليش يا احمد من الاول
احمد : حبيت اقولك وانا معايا بابا و ماما عشان اكيد كنتي هتنبسطي اكتر اما اقولك و هما معايا
حسن : ع فكرة يا دانيا .. احمد و والدك و والدتك ناويين ان شاء الله يعيشوا معانا هناا
بابا : الحمد لله انك رجعتي لينا يا حبيبتي و الحمد لله انه لمنا كلنا مرة تانية
ماما : رب لك الحمد كما ينبغي لجلال وجهك و عظيم سلطانك
قومت و حضنتهم كلهم .. و فعلا فضلوا عايشين معانا .. عيشنا ايام جميلة قوي وانا و حسن خلفنا بنت و ربيناها كلنا سوا ع انها تكون احسن واحدة في الدنيا .. و احمد اما كبر رجع البلد و اتجوز و جاب مراته و عاشوا معانا .. لولا اني كرهت حسن في الاول مكنتش حبيته .. و لولا انهم جم و معاهم احمد مكنتش لقيت اهلي ولا اتجوزت .. و لولا اني جيت الجزيرة دي من الاول مكنتش اتعلمت .. فعلا ربنا مبيعملش حاجة الا لسبب محدش يعرفه الا هو ..
النهاية