Sa aking paggising sa umaga ang lahat ng aking kailangan ay nakahanda na. Maihahambing ako sa isang Reynang tinatanaw ng lahat.
Maraming humahangad na maging kagaya ko; sikat, nirerespeto ng lahat , pinagsisilbihan at kilala sa taglay na yaman.
Pagkatapos ng trabaho ay isang magarang kotse ang naghihintay na siyang mag-uuwi sa akin sa aking malaking mansyon.
Sa aking pagdating, mga katulong ang siyang sumasalubong sa akin upang ako'y pagsilbihan, sabay bukas ng pintuan na kung saan makikita ang mga nagmamahalang mwebles na siyang aking papahingahan.
Ngunit sa aking pagpapahinga ay siyang ikinagulat ko nang makarinig ako ng isang pamilyar na boses . Sabi niya oras na para Ipasa na ninyo ang aking ipinasulat dahil oras na ng uwian. At agad-agad ko namang ipinasa ang kaniyang ipinasulat na pinamagatang " Ang Pangarap sa Hinaharap."