بين انيابهم

••العثــرة الثـانيـة و الاربـعـون••

بســم ﷲ الرحمــن الرحيــم

السـلام عليڪم

#بيـن انيابهـم

#بقلمـي أنـا: زهــࢪاء

حساب الانستا: zaii1_8

لا تنسون التصويت +التعليق بين الفقرات

+احبڪم زهوراتـي 💋

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

surprise
زهــوراتي حبيت افجأكم بهذا البارت و ترڪت فڪرة انُ اوقف الرواية بعد ما شفتڪم رافضين انُ تتوقف خلال فتـرة الامتحـانات و اهـم شـي لا يزعلن زهــوراتي 🤎

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

تـــــــاج

تــــــــاج.... خالة جايتج بطلب

ام حيدر... عيوني الج خالة مثل امج اني احجي لا تترددين

تــــــــاج... عفية خالة خابري الهُــــذام بس لا تڪليلة اني هنانه و سألي شلونة

اتنهدت وصدمتني من حجت

ام حيدر..... لا خالة عذريني هُـــــــــذام محلفني بروح ابني ما انطيج اي خبر عنة

تـــــــاج.... خالة مو حجي هذا عايفني هنايه على شنو وليش محلفج

ام حيدر..... و اللله يا خالة ما اكدر لو اكدر من عيوني

تـــــــاج.... بس كليلي هوَ بي شي اني ڪلبي كارصني و الله وما اندل بيت اهلة حتى ا

بعدني ما مكملة انتفضت وصاحت

ام حيدر.... لا لا ديررري بالج ترحين البيت اهله

بهت وجهي من ردة فعلها

تـــــــاج.... شبيج خالة طبعاً ما اروح وين اندلهم

حمحت و غيرت الموضوع

ام حيدر.... أني اخابرلة واكلة تريد تحجي وياك

هزيت راسي ما مقتنعة اتشكرت منها وكمت طلعت من الشقة مرن يوم ويومين وثلاثة و شهرين وماكو خبر فجأة اجتني فكرة ليش ما اروحلة للمدرسة أني اندلها كمت بسرعة بدلت ملابسي جانت بداية كورونا لبست كمامة وطلعت من الشقة نزلت و امشي بسرعة و ادعي اشوفة وصلت للمدرسة لكيت الحارس كاعد بالباب حمحت وحجين

تـــــــاج..... المدير موجود؟

جاوبني

..... لا ما موجود بس الاحد

تـــــــاج..... ها زين وين بيت استاذ هُـــــــــذام محتاجتة بشغلة ضرورية

..... خوية استاذ هُـــــــــذام ما يداوم هاي السنة ابدالة المعاون وما اكدر ادليج بيتة ما يصير

عقدت حواجبي وحجيت بسرعة

تـــــــاج.... ليش ما يدووام مو مدرستة هااي؟؟

..... اي مدرستة بس مسوي حادث

فتحت عيوني بصدمة ورجعت ليورة لا ارادي نزلن ادموعي وصحت

تـــــــاج.... شلووون شلووون مسوي حااادث وين وشلوووون؟؟

استغرب ردة فعلي ما انتظرتة يرد رجعت للشقة اركض بسرعة وادموعي ينزلن رحت بسرعة الشقة ام حيدر دكيت الباب بقوة فتحتة خايفة عبالها ما ادري منو دفعت الباب ودخلت واني ابجي

تـــــــاج..... خاااالة صدُك هُـــــــــذام مسوووي حادث عفيية احجيي احجي

ام حيدر.... بس اهدي يمة على كيفج

تـــــــاج... ما اهددددأ ما اهدددأ اذا ما تجاوووبيني

ام حيدر.... اي خالة سوة

انفجرت بالبجي وجسمي ڪُلة يرجف حجيت واني اشهك

تـــــــاج.... شلوون صار عفية خابريلة خالة عفية

ام حيدر.... تعالي خالة فوتي هسه اخابرلة

دخلت داخل البيت كعدت على التخم اهز رجلي بتوتر وابجي اعصابي تلفت وروحي دا تطلع يا ربي الة هوَ و الله بعد ما اتحمل روحي خلصت النفس الاخذة اختنك منة اجت ام حيدر انطتني كلاص مي اخذتة ومن كد ما ايدي ترجف ما كدرت اسيطر وكع من ايدي فزيت وكمت

ام حيدر.... الله الله انكسر الشر

تـــــــاج.... اسفة خالة و الله ما ادري

ام حيدر.... يا يا فدوة الج تعاي كعدي بعيد لا تتأذين بالكزاز

وكفت بعيد اخذت ام حيدر موبايلها وراحت بالمطبخ مدة وما اتحملت كمت رحت للمطبخ وراها اجيت ادخل وعقدت حواجبي من سمعتها تحجي

ام حيدر.... شسوي سيد و الله ما ادري منين سمعت..... ذبحت روحها بالبجي اي حتى لو ما تكدر تجي أني اجيبها البيت اهلك...... اي مو مشكلة كُلهلها اتروح لأ

ما انتظرت اتكمل دخلت بسرعة وسحبت الموبايل منها حجيت واني دمي محترك وادموعي تنزل

تـــــــاج..... و الله هُـــــــــذام اذاا مووو هسهه اشوووفك و الله اطلع من الشقة وبعددد ما تشوووف ركعة وجهههي وداعتت اهلللي ولا عبااالك اجذببب اروووح بكااع لو تموت ما تندللني وووووين

سكتت اسحب نفس بصعوبة سمعتة اتنهد وحجة

هُـــــــــذام.... وينج ام حيدر

حركت فكي بقهر و انطيتها الموبايل وطلعت من المطبخ رحت كعدت بالصالة وابجي دقايق واجت ام حيدر

ام حيدر.... يلا خالة تعاي اخذج الهُـــذام شعدنة غير توجة

كمت بسرعة يمها وحجيت

تـــــــاج.... وين تاخذيني البيت اهلة؟؟!

ام حيدر.... اي اخذج الهم يلا روحي بدلي وتعاي

هزيت راسي بأي وبسرعة رحت للشقة بدلت شلون ما كان ولفيت شالي وطلعت لكيت ام حيدر تنتظرني نزلنة واجرنة سيارة انطتنة اسم المنطقة وحرك السيارة طول الطريق أني متوترة راح اشوف هُـــــــــذام فوك الثلاث اشهر ما شايفتة زين واهلة راح يشوفوني؟ صارلنة بالابع سنوات متزوجين ما شايفتهم ولا ملتقية وياهم غير وية رباب وسما و وارث
عضيت شفتي وبديت اهز رجلي بتوتر
طولنة حيل بالطريق فوك الساعة والسيارة تمشي بينة التفتت لأم حيدر

تـــــــاج.... خالة شكد ونوصل؟

ام حيدر.... نص ساعة بعد

تـــــــاج.... زين همه ليش هيج بعاد؟

ام حيدر.... بعد خالة هناك عايشين

سكتت وبقيت اباوع للطريق مدة ودخلنة بمنطقة عمري ما شايفة نفسها البيوت كبار وراقية بحيث واني اباوع الهن ركبتي انكسرت وكفت السيارة انطتة الكروة ونزلنة انتبهت الوارث نزل من سيارة ويكلب بموبايلة رفع راسة شافني رمش بصدمة واجة بأتجاهي حجة ويحاول يدارك ارتباكة

وارث.... هلا تـــــــاج شلونج

تـــــــاج.... هلا بيك الحمدُ لله

وارث.... منو جابج؟

حجاها وانتبه لأم حيدر سلم عليها وبيناتهم نضرات ما ادري شنو احسهم ضامين شي بس ما اعرف شنو هوَ حمحم وارث وحجة

وارث.... لعد هُـــــــــذام يدري بجيتكم لا

ام حيدر....  اي اي اكيد يعرف

وارث.... هلا بيكم اتفضلو اتفضلو يا هلا بمرت اخوي الغالي نورتينة

فتح الباب ودخلنة البيت مرتب حيل وجبير جنت افرك اصابعي بتوتر مشينة بحديقة حيل جبيرة انتبهت الولد اثنين تقريباً اعمارهم فوك الـ6 سنوات يلعبون بالحديقة واحد منهم مبين مريض من وجهة ما لحكت اسأل ام حيدر ولد منو دخلنة للاسقبال  وعافنة وطلع كعدت يم ام حيدر

تـــــــاج..... خالة هُـــــــــذام كم اخو عندة؟

ام حيدر.... خمسة ما ادري ستة هواي الله يحفظهم

تـــــــاج... زين والولد الي يلعبون برة ولد منو؟

ام حيدر... ولد اخو هُـــــــــذام

هزيت راسي بأي بقينة وحدنة بالاستقبال دكات كلبي سريعة ورجلي ما وكفت عن الهز مليت واجيت احجي دخلت مرة ما ادري شنو حسيت من شفتها بس ما ارتاحيت ابد جانت جبيرة بالعمر بس شايلة روحها ومثل ما انسميها بعدهي بحيلها باوعتنة بنضرات ما اعرف شلونها همستلي ام حيدر

ام حيدر..... هاي ام هُـــــــــذام كومي سلمي

كامت ام حيدر قبلي بلعت ريكي وكمت وراها باوستها بس جانت حيل منقرفة حتى ما لمستني وابتعدت بسرعةضجت واخذت على نفسي بس ما بينت ولا شي اتراجعت بخطواتي ورحت كعدت يم ام حيدر وهيَ كعدت كبالنة وخلت رجل على رجل

وحجت

سحر.... هلا بيكم عيني

باوعتلي وكملت كلامها
سحر..... انتِ زوجة هُـــــــــذام مو؟

تـــــــاج.... اي

سحر... ههه الصراحة اتفاجأت من اختيارة يعني الي اختاريتة الة احلى بهواي

رفعتلها حاجبي واجيت احجي حست بية ام حيدر وبسرعة لزمتني من ايدي تمنعني سكتت بس بقيت رافعة حاجبي

ام حيدر..... دادا سحر شلج بهذا الحجي ليش شناقصها تـــــــاج تخبل وكمر زمانها وفارة عقل ابنج فر

سحر..... هههه لا بس زعلتي ترا بس حجيت الصدك يعني ما كلت شي

ابتسمت الها من ورة خشمي

تـــــــاج.... لا ما ازعل من اي احد

سحر... هه اي همزين......لعد اهلج وينهم

تـــــــاج... مسافرين

رفعت حواجبها
سحر.... ها مو اني اكول يعني شعحب قبلو ينطوج الهُـــذام يعني هم بالسر وهم محد موجود من اهله من خطبج وهم اكبر منج بهواي.... الا صدُك انتِ تدرين بهُــــــذام

بعدهي ما مكملة حجيها انفتح الباب ودخل وارث

وارث.... امي عزيزتي يصيحولج

كامت واخذها وارث وراحو بلعت ريكي وضجت حيل من كلامها

ام حيدر.... لا تهتمين خالة و الله هُـــــــــذام يحبج

درت الها و ابتسمت

تـــــــاج.... لا خالة ما الي علاقة المهم احنه راضين ببعض

ام حيدر..... عفية بالعاقلة

انفتح الباب عبالي رجعت رفعت راسي بسرعة شفتة هُـــــــــذام واكف بالباب وايدة لافينها نزلن ادموعي وكمت بسرعة ركضت الة واحس الطريق صار شطولة ما صدكت وصلتلة اتعلكت بركبتة وابجي بصوت عالي واحجي

تـــــــاج.... ليش ليش عفتني

احجي واشهك بقة على نفس ما هوَ ما انطة ردة فعل بهت وجهي وابتعدت امسح بدموعي اباوعلة متغير حيل وضعفان ما اهتميت الردة فعلة مشيت ايدي على ايدة المكسورة وحجيت واني ابجي

تـــــــاج.... من شوكت اندعمت وليش اني ما ادري ما خفت عليّ  يصير بية شي هُـــــــــذام ثلاث اشهر عايفني وحدي ليش ليش ادري بنفسي غلطت ومتندمة بس ما استحق هيج تسوي بية

هُـــــــــذام.... تـــــــاج مو وقت كلامج المكان مو مناسب بعدين اجي للشقة ونحجي

مسحت ادموعي
تـــــــاج.... شوكت تجي

هُـــــــــذام.... ما اكدر اسوق اصير زين واجي لو اخلي وارث يوصلني

باوع لأم حيدر وكمل كلامة

هُـــــــــذام..... خالة تعبناج ويانة بس اخذي تـــــــاج ورجعيها للشقة

رجعت ليورة ومصدومة منة ومن جحفة وكلامة اسلوبة الناشف وياي بلعت ريكي وانلصمت بعد ما حجيت شي كامت ام حيدر وطلعت قبلي بقينة بس أني وياه لزمتة من كف ايدة وما كدرت ما احجي وياه

تـــــــاج..... هُـــــــــذام لا تعاقبني هيج خلي روحك بمكاني شتسوي يعني اختي اختي وعندي فرصة الكاها ما صدكت ابتهال تنطيني اياها صح اني غلطانة واعترف بس هم لو ما متحركة ما جان كدرتو تلزمونها

اتنهد و سكت قوست شفايفي ودنكت راسي ابجي بحركة كلب وبقهر خليت راسي على صدرة وابجي حسيت بأيدة على ظهري بس ما شدني الة طبطب على ظهري وحجة

هُـــــــــذام.... كافيج تـــــــاج المكان مو مناسب رجعي للشقة و اني فترة واجي

رفعتلة نضري وهزيت راسي بلا
تـــــــاج.... تعال هسه

تجاهل كلامي وحجة
هُـــــــــذام... شنو حجت امي وياج؟

سولفتلة على الكالتة بقة ساكت ومحتار شنو يحجي هز راسة بقبول

هُـــــــــذام..... يلا روحي وارث يوصلكم

رفعت نفسي الة وبستة بخدة

تـــــــاج.... دير بالك على نفسك

ابتعدت شفتة مغمض عيونة ابتسمت وبسرعة فتحهن طلعت من الاستقبال صارت امة كبالي فزيت واردتيت ليورة

سحر... ها غسلتي مخة لو بعدج

عقدت حاجبي واجيت احجي حسيت احد وراي التفتت شفتة هُـــــــــذام ابتسمتلة ودرت الها وحجيت بتمسكن

تـــــــاج.... باي حبيبتي خالة و أذا اجة هُـــــــــذام امانة تعاي وياه

ابتسمتلي كوة طلعت ولكيتهم ينتظروني بالسيارة صعدت وسديت الباب

وارث..... الله بالخير مرت اخي الغالي العزيز

تـــــــاج.... ههه الله بالخير والعافية

راد يحرك السيارة وانفتح باب بيتهم وطلع طفل يركض اجة بأتجاه السيارة فتح وارث الجامة وحجة

وارث.... روح عمو ادخل جوة

جاوبة
..... وين ماما وديني الها

وارث... ببيت اهلها بالليل تجي

..... بابا وينة

وارث.... جوة يلا روح ادخل حتى اجيبلكم حلويات ودير بالك على اخوك

راح دخل جوة وسد الباب حرك وارث السيارة

ام حيدر.... صلاوات ڪبرانين صارلي سنين ما شايفتهم

وارث... اي منو اليبقى على حالة

تـــــــاج..... خالة لعد انتِ شايفتهم قبل؟

اتنهدت
ام حيدر.... اي خالة شايفتهم

حجتها وسدو الموضوع حسيت بأم حيدر مقهورة وضامة شي عني اجيت اسألها و اتراجعت سكتت وبعد ما حجيت شي وصلنة وارث سلمت ونزلت قبل ام حيدر نزلت وراي ودخلنة سوة هيَ راحت الشقتهم و أني رحت الشقتي دخلت وسديت عليّ الباب وقفلتة رحت كعدت ونزعت شالي  وكعدت افكر
يا ربي شسوي هسه اني شيصبرني على ما يجي من جهة مشتاقة الة حيلل وما يهمون عليّ زعلة ياما وياما وكف وياي وسندني علمني ورباني من جديد مستحيل اخليه زعلان مني ومن جهة ثانية لازم اسئلة شنو صار على ابتهال وقبلت تعترف او لا

غمضت عيوني وحجيت
تـــــــاج.... يا ربي سهلي امري

حجيتها وكمت بدلت ملابسي اجت عيني على المراية اباوع الروحي ضعفانة بشكل ملفت لأن ما اكل والقهر فوكاي رحت صليت صلاة المغرب والعشة روحي رايحة وخاوية تعبانة بشكل من كل النواحي خلصت صلاة كمت نزعت آزار الصلاة صارت كبالي صورة اعلي دمعن عيوني ورحت بسرعة جبتها وحضنتها الصدري ورحت اتمددت ونمت واني حاضنتها

مر شهر رابع و هُـــــــــذام ما موجود ما رجعت بعد حاجيت ام حيدر او كتلها تخابرلة كلت هوَ يجي وحدة بيوم اندك الباب بقوة طفرت من مكاني خايفة والباب مستمر يندك لبست شالي وركضت باوعت من العين السحرية طلع هُـــــــــذام يدك الباب بقوة اريد اعرف افتح الباب ما اكدر من الخوف فتحتة بعد مدة دفعة ودخل وهوَ يحجي

هُـــــــــذام..... لمييي ملابسسسسج بسرررررعة

جفلت بمكاني وحجيت

تـــــــاج..... شبيك هُـــــــــذام فهمننيي

سد الباب وراه ومتوتر وخايف لزمني من وجهي بأثينين ايديه انتبهت الة فاتح الجبس حجة

هُـــــــــذام.... ابتهال ال**** ليث سلمها ومعترفة عليج

فتحت عيوني بصدمة وهزيت راسي بلا واني ابجي

تـــــــاج..... لااا لااا هُـــــــــذام مااا اررريد انسجننن عفية لااا سوووي شيييي

هز راسة وحجة بهستيرية

هُـــــــــذام.... اسوووي اسووي لو اعررف ادفع العندي والما عندي ما اخليج تنسجنين

بجيت بصوت عالي وخايفة جرني الحضنة يهديني ويحجي

هُـــــــــذام... اشش كافي ڪلبي انتِ كافي لا تبجين

وخرني عنة ومسح ادموعي بأصابع الابهام

هُـــــــــذام.... اكو حل توجايتي كافيج خليني اعرف افكر

تـــــــاج... خ خايفة هُـــــــــذام خايفة ما اريد انسجن

هُـــــــــذام.... ما تنسجنين وروح اخوي ما اخليج تنسجنين بس اهدي حبيبتي انتِ

سكتت وبقيت اشهك بسكتة وخر عني وطلع موبايلة من جيبة و اتصل

هُـــــــــذام..... ليث انتَ متأكد اعترفت عليها مو على غيرها؟

سمعتة جاوبة
ليث..... هُـــــــــذام تعرف شغلتي مو تحقيق أني من سلمتها وعدتها اذا ما اعترفت على زوجتك اساعدها بس الظاهر ال**** بت ال ***** اعترفت سمعتها على بنية بس ما متأكد زوجتك او غيرها

هُـــــــــذام.... ما انتظرك على ما تتأكد راح انسافر

ليث..... وين تسافرون الحدود كلها مسدودة

هُـــــــــذام.... ميخالف انشوفنة واسطة وما نرجع الة لمن تتأكد عليمن اعترفت وتتأكد منها ما ترجع تعترف مرة ثانية

ليث..... يصير خير

هُـــــــــذام..... حاول تسحب حجيها وتكلك مكان شُــــذير

ليث..... هييي غير تحجييي شكتنيي شك ما تحجييي هيج وحدة ***** و **** و *****

بسرعة سد السبيكر من انهال بالغلط سداه وباوعلي

هُـــــــــذام..... بدلي بسرعة وكلشي لا تاخذين وياج

بقيت واكفة وافرك ايد بأيد متوترة وخايفة والدموع تنزل من عيوني خايفة خاف تطلع صدُك معترفة عليّ و الله ما اتحمل بعد روحي راحت على يا ساعة اطك واموت شافني بعدني واكفة اتقدم يمي واخذني الحضنة دفنت راسي بصدرة وابجي بصوت عالي ايديه حاوطن خصري وباسني براسي

هُـــــــــذام..... كافي تـــــــاج وداعتج ما اخلي احد يجيس شعرة منج

تـــــــاج.... خايفة هُـــــــــذام

هُـــــــــذام.... حيل هُـــــــــذام انتِ ما يصيرلج شي واني وياج يلا بسرعة روحي بدلي التأخير مو الصالحنة يلا حياتي انتِ

ابتعدت عنة وهزيت راسي بأي رحت بسرعة بدلت دا الف بشالي ودك الباب كتلة يدخل دخل وحجة

هُـــــــــذام..... تـــــــاج اكو فلوس بكنتوري م

قاطعتة

تـــــــاج..... بمكانهن ما ماخذة منهن

عافني ومشة بسرعة للكنتور فتحة وطشر ملابسة وطلع القاصة البيها فلوسة فتحهة وحسب الفلوس واخذهن كلهن

هُـــــــــذام.... اخذي وياج جنطة مالت جتف خليهن بيها

رحت طلعت جنطة وانطيتها الة خلة الفلوس بالجنطة وانطاني اياها لزمتها حيل ثكيلة صارت لبستها بكتفي واخذ جناسينة وجوازاتنة وعقد الزواج لبسنة كمامات وطلعنة سوة نزلنة من العمارة و وكفنة عالشارع استغربت هُـــــــــذام يريد يأجر تكسي لعد وين سيارتة

تـــــــاج..... هُـــــــــذام وين سيارتك؟

هُـــــــــذام.... اتفلشت من اندعمت بعد. ما اشتريت

سمعنة رنة موبايلة طلعة من جيبة شاف الاسم وجاوبة بسرعة

هُـــــــــذام.... دبررررت لو لاا....... استغفرررر الله كتلك لليل كون أني عابرر لأيراان ما اريد. تأخيرر...... هسه اني راح اجي من بغداد للبصرة على ما اوصل انتَ دبريلي واحد يعبرنة وحاجي صديقك يوكفنة على الحدود الايرانيةة....... تمام يلا استعجل..... مع السلامة

سداه

تـــــــاج..... هُـــــــــذام راح انروح لأيران؟

هُـــــــــذام.... ماكو غير مكان

سكتت واشر السيارة صعدنة وكلة يوصلنة الكراج الاعظمية مناك وصعدنة للبصرة لحظات اشبه بالرعب اخاف واي سيطرة يوكفونة الدموع اتصير بطرف عيني عبالي راح يلزموني الخوف عمى عيوني ومنا توتر هُـــــــــذام خلاني اموت الف موتة من اشوفة متوتر وخايف عليّ اني اخاف اكثر وصلنة للبصرة نزلنة من هاي السيارة و صعدنة بسيارة ثانية الحدود ايران (الشلامجة)

ظهري انكسر بالنص وجسمي من التعب ما كمت احس بيه وصلنة للحدود نزلنة ارجف من التعب ورجلي ما يشيلني لزمني هُـــــــــذام من ايدي وراد يمشي بقيت واكفة بمكاني التفت الي

هُـــــــــذام.... امشي تـــــــاج

تـــــــاج... هُـــــــــذام ظهرري ما اكدر امشي تعبت والله

هُـــــــــذام.... ما ضل شي حبيبتي

سكتت ما حجيت شي مشينة مسافة ولكينة واحد  منتظرنة مشة هُـــــــــذام بأتجاهة

هُـــــــــذام..... انتَ من طرف براء؟

.... اي تفضل هاي الفيز

انطاه الفيز اتشكرة وكملنة الطريق على ما عبرنة ارواحنة طلعت دخلنة ايران

تـــــــاج..... هُـــــــــذام عفية خلي نشوف مكان اتمدد بي ظهري

هُـــــــــذام... ما اكدر تـــــــاج راح نطلع كبل الشيراز

باوعتلة بصدمة والدمعة بطرف عيني

تـــــــاج..... وين صايرة بعيدة؟

هُـــــــــذام.... تقريباً تسع ساعات

تـــــــاج..... لااا هُـــــــــذام ما اكدررر و الله تعبت خلي نرتاح بفندق

هُـــــــــذام.... صعب تـــــــاج كل ما كان المكان ابعد كل ما أمن الج

سكتت ما حجيت بعد بقينة واكفين الحد ما اتصل عليه واحد

هُـــــــــذام.... واكف يم الكراج انتظرك

حجاها ورفع ايدة

هُـــــــــذام.... هذا اني االرافعلك ايدي

وكفت يمنة سيارة ونزل منها واحد. اتسالموا هوَ و هُـــــــــذام من بعيد وصعدنة وياه خليت راسي على الجامة تعبانة حيللل وراسي راح ينفجر بدت السيارة تمشي بينة نزعت حذائي ورفعت رجلي اتربعت شوية ارتاحيت بس بقيت اريد امد ظهري بس ما اكدر رجال غريب وما يصير اتكسرت وطاح حظ حظي على ما وصلنة بحيث السيارة جرت بينة جرة وحدة من المحمرة الشيراز ما وكفنة غير مرة وحدة السايق خلة بانزين واني رحت للحمامات لا اكثر حتى ما خليت شي بحلكي وصلنة الشيراز وهذا الرجال نزل ويانة افترينة على الفنادق الحد. ما لكينة واحد عندة حجز انتبهت للفندق حيل حلو وجبير

ججة السايق

..... دخلو شوفو الغرفة

هُـــــــــذام.... ما يحتاج ابو علي اي شي اهم شي لكينة حجز

حجزنة الغرفة و قبل لا ندخل لت البنية على راسنة جهاز يقيس الحرارة خاف بينة كورونا شافو ما بينة شي دخلنة الها اول ما شفت الجرباية نزعت الشال وركضت اتمدتت وحسيت اعظامي كلها اطكطك وحتى هُـــــــــذام الي ما ينام اذا ما يسبح نزع حذائة (تكرمون)  وطفة الضوة واتمدد نمنة نومة لا هيَ نومة اهل الكهف ولا اهل القبور بحيث ما اتحركت بس غمضت عيوني نمت

ما اعرف شكد مر وقت وفزيت على صوت هُـــــــــذام يخابر فتحت عيوني لكيت روحي بحضن هُـــــــــذام استغربت شجابني بحضنة بس ما حجيت واستمريت اسمعة

هُـــــــــذام.... ها ليث بشر.... اااااي الله يبشرك بالخير

اشرت الة بأيدي بمعنى شنو سوالي حرڪة صبري سداه مبتسم ووجهة مبتشر بالخير

تـــــــاج.... ها هُـــــــــذام شنو

هُـــــــــذام.... معترفة على وحدة اسمها نورة

رفعت حواجبي بتفاجئ

هُـــــــــذام.... تعرفينها؟

تـــــــاج..... بلي اعرفها جانت تشتغل وبأيام داعش راحت هيَ ومجموعة بنات اتوزعن ع المحافظات

هُـــــــــذام.... ما ادري بشنو معترفة عليها بس مورطتها

تـــــــاج.... لا ما مورطتها هيَ هم جانت تشتغل وياهم واتسوي اكثر من شغلة واعتقد جانت اتبيع لأن هيَ الوحيد من البنات الي تطلع هواي

هُـــــــــذام.... مو مهم المهم ما معترفة عليج

تـــــــاج.... يعني بعد أني ما عليّ شي؟

هُـــــــــذام... ان شاء الله

تـــــــاج.... لعد شوكت نرجع

هُـــــــــذام.... خلينة هنا كم يوم

هزيت راسي و هُـــــــــذام انسحب عني وكام راح للحمام شوية وطلع يفتح بالجرارات والكناتير الحد ما لكة سجادة فرشها وبدة يصلي غمضت عيوني و رجعت نمت فتحت عيوني على لمسات اصابع على فخذي فزيت لكيت هُـــــــــذام يكلب موبايلة ردت اسألة انتَ بس اتردد كمت جسمي مكسر وشبعانة نوم باوعت الهُــذام وحجيت

تـــــــاج.... هُـــــــــذام اريد ملابس حتى اسبح و ابدل قابل ابقى بملابسي على ما نرجع

رفعلي نظرة

هُـــــــــذام... هسه انروح حتى هم نتعشة

تـــــــاج.... نتعشة ليش بيش الساعة؟

هُـــــــــذام.... بـثمانية بالليل

فتحت عيوني بصدمة شكد نايمممة البارحة و  وصلنة الفجر وهسه بـ8 رحت غسلت ولبست شالي صلينة وطلعنة نتمشى بصعوبة يلا لكينة مطعم مفتح لأن كورونا وعدهم تشدد قوي اتعشينة وقبل لا نطلع هُـــــــــذام خابر للسايق وكلة يجي اجانة ووصلنة للسوك و هُـــــــــذام صرف عندة فلوس نزلنة أني وياه نتمشى قررت لازم اصالح هُـــــــــذام الليلة صح يحجي وياي بس مو نفس قبل يعني من بعيد البعيد و اريد علاقتنة ترجع مثل قبل و اكثر بس احتاريت شلون اتصرف وشنو اسوي صفنت على هُـــــــــذام هوَ شنو يحب النوب  ما جايبة وياي ملابس حتى اعرف البس اجة كبالي محل مالت ملابس داخلية و اتراكات باوعت الهُــذام و حجيت

تـــــــاج.... هُـــــــــذام اريد اشتري من هذاك المحل

باوع للمحل وهزلي راسة
هُـــــــــذام.... تعاي

تـــــــاج.... لا لا وحدي انتَ ابقى هنانه

هُـــــــــذام... روحي

دخلت للمحل جان جبير حيل اخذتلي علاكة جبيرة وبديت افتر ومحتارة شنو اشتري اجت كبالي بدلة قصير لونها رماني وبيها جاكة على طول الفخذ عجبتني واخذتها خليتها بالعلاكة ورحت اخذتلي ملابس داخلية و اتراكات لكيت شموع حمر هم اخذت واخذتلي مكياج كملت وخليت العلاكة يم البنية الي تحاسب ورحت طلعت برة

تـــــــاج.... هُـــــــــذام تعال ادفع

هز راسة ودخل للمحل كعد يتناقش وية البنية هيَ ما تفهمة وهوَ هم ما يفمها يطلعلها فلوس تكلة لا بعد طلعلها اكثر هزت راسها واشرتلة هواي بقينة سنة على ما دبرنة الفلوس لأن هُـــــــــذام مو ڪُل هاي يعرف بفلوسهم طلعنة من المحل و هُـــــــــذام دخل هم اشترالة اتراكات واشترينة ملابس نرجع بيهن وراها رجعنة للفندق ردت هُـــــــــذام بأي طريقة يطلع حتى ابدل ما طلع اخر شي كلت خلي احاول وياه بغير طريقة رحت اخذتلي اتراك ودخلت للحمام سبحت وبدلت وطلعت مشط شعري واباوعلة بالمراية يلعب بموبايلة ويشرب جكاير اتنهدت ومترددة شلون ابدي وياه الموضوع دك موبايلة باوع للرقم واخذ موبايلة وطفة جكارتة وكام يريد يطلع عفت المشط وكمت بسرعة وكفت كبالة

تـــــــاج.... هُـــــــــذام

هُـــــــــذام.... ها؟

تـــــــاج... اريد احجي وياك

هُـــــــــذام....اجليها من ارجع احجي عندي شغل

راد يمشي لزمتة من ايدة ودمعن عيوني

تـــــــاج.... هُـــــــــذام

اتنهد وسد موبايلة

هُـــــــــذام.... احجي

تـــــــاج... هُـــــــــذام اني اسفة مو قصدي ازعلك مني ولا قصدي اضم عليك احبك و الله شسوي اني من كلتلي اختج عندي ما عرفت افڪر ࢪأستاً قبلت بعرضها وهددتني تأذيها و

سكتت متوترة ما اعرف شنو احجي الدموع مالية عيني مسح وجهة وحجة

هُـــــــــذام.... تـــــــاج أني ما زعلان منج لأن خفتي على اختج أني الي كاتلني ضميتي عليّ هيج موضوع وتردين اطلعين من الشقة وترحين الها وتسلمين نفسج واني اطرش بالزفة جان كلتي هُــــذام شيصير بي من ما يلكاني؟ تصرفج جان غلط بغلط جنتي رايحة برجليج للنار الي تحركج بس فهميني شلون صدكتيها مرة ثانية شلون؟

ما اتحملت نزلن ادموعي بللت شفايفي وحجيت برجفة
تـــــــاج..... شسوي أني فهمني شسوي دزتلي صورة لأختي جديدة ڪلت اكيد عدها

لم شفتة للداخل ومد ايدة ومسح ادموعي شمرت نفسي بحضنة وبجيت بصوت عالي لف ايديه على خصري راد يحجي ورجع موبايلة دك بعدني عنة وحجة

هُــــــــــــذام.... هسه ارجع

حجاها و ورث جكارة واخذ موبايلة حجة وهوَ يطلع من الغرفة

هُــــــــــــذام.... ها شلون صار؟

طلع ورحت بسرعة قفلت الباب وراه وطلعت البدلة الي اشتريتها لبستها بالحمام باوعت بالمراية فتحت عيوني بصدمة هاي شلون راح اطلع بيها الجاكة النهاية الفخذ ومن ورة مفتوحة من جهة الظهر وما يحكمها غير شريط بس طالعة حلوة بيها وبارزة تفاصيل جسمي عساس شلون تفاصيل باقية جلد و عظم

فتحت الباب وطلعت مشطت شعري وخليت حمرة سمعت يدة الباب تتحرك شافة مقفول دك الباب كمت بسرعة متوترة شسوي خجلانة مشيت للباب مترددة فتحت القفل وفتحتلة الباب دخل وصارت عينة عليّ ابتسم وسد الباب بقيت محتارة شنو اسوي احس نفسي متقيدة وخجلانة قويت نفسي ورفعة روحي ولفيت ايدي على رقبتة بستة بعيونة وهمست

تـــــــاج.... أحبك

ضغط على خصري بأيديه

هُــــــــــــذام.... مُدمنج

ابتسم وابتعد عني لأن حس بية ضجت من ريحة الجكاير لأن يعرفني ما احبها من تختلط وية العطر

هُــــــــــــذام.... انتظريني

اخذ ملابسة وراح للحمام بقيت كاعدة على القنفة وانتظرة طلع من الحمام ينشف بشعرة ابتسم وغمزلي واشرلي اجي كمت مشيت بأتجاها وصلت يمة شمر الخاولي واخذني الحضنة حضنتة وبقين هيج الفترة طويلة ما بيناتنة غير تنهيدات تشرح شوقنة وحبنة البعض ابتعد عني وكعد جرني الحضنة وكعدت على رجلة نزل نظرة للجاكة خجلت وبسرعة جريتها اريد اغطي جسمي لزم ايدي ومنعني

تـــــــاج..... ه هُــــــــــــذام

هُــــــــــــذام... حيلة من الدنيا

غمضت عيوني اريد احجي ما اعرف حسيت بشفايفة على رڪبتي بلعت ريكي ونفسي ارتفع ويزيد وية ڪُل حركة يسويها سحبني للجرباية كضينة الليلة سوة ما رفضت ولا دفعتة صح اذاني بس شوقي اكبر الة ابتعد بعد مدة طويلة دنك باسني براسي وهمس بأذني
هُــــــــــــذام.... اه و اوف...
اه و اوف ليلة بلا وجل والعمر باخر شوط
ودنيا مسودنه واحنه على جفهه ضيوف
سدت بابهه على اهل الكلت والكال
واطتنه البخت تعسر الما مكشوف
اه واوف ...
يالاهك غنج بيهه البطر موسوم
اني العمر جبته بين اه واوف
زف حافي الجدم واتنكل بممشاك
من طبع الحمام عللحمام يزوف
من تهمس تجيس الليل غفوة ليل
وصفوف النجوم بلا مجره اتطوف
حتى الكمر يخدر والنسيم يطيب
وتلالي الثريا بطية النفنوف
يمعود وحكك من تريد تعيل
دنيا لحالهه توكف اصفوف اصفوف

صار بصفي واخذني الحضنة نمت على صدرة بدون كلام حيل متأذية والالم ماخذني بس ما حجيت شي مد ايدة الشعري وكعد يلعب بي ابتسمت صارلة هوايه ما مسوي هاي الحركة

هُــــــــــــذام.... جوجايتي

تـــــــاج... ها

هُــــــــــــذام.... شعرج طايل

سكتت ما رديت رجع حجة

هُــــــــــــذام... عفتج وردة مفتحة شجاج ذبلانة هيج ليش ضعافنة نسنس

تـــــــاج... ڪُلة منك

هُــــــــــــذام... اني؟

تـــــــاج.... اي انتَ ليش عفتني

هُــــــــــــذام... تغلطين وترديني اصفكلج

تـــــــاج... شكو بيها

مد ايدة واخذ باكيت الجكاير عقدت حاجبي

تـــــــاج... صاير هوايه ادخن

هُــــــــــــذام... من ضيمج

تـــــــاج... هُــــــــــــذام لا ادخن يمي ما احب ريحة الجكاير وية عطرك

عافة من ايدة والتفت الي وسكتنة مدة اتنهد هُــــــــــــذام وحجة

هُــــــــــــذام... تـــــــاج

تـــــــاج... عيونها

ابتسم وكمل

هُــــــــــــذام... لنفرض يعني مو صدك لنفرض فد مرة اكتشفي اني ضام عنج شي شنو ردة فعلج؟

ضحكت بأستغراب

تـــــــاج... شبيك هُــــــــــــذام شنو ضام عني؟

هُــــــــــــذام... لنفرض عرفتي ضام عني شي

تـــــــاج... ما ادري حسب الشي الي انت ضامة عني

حجيتها وصفنت افكر بسؤالة شاف وضعي هيج وصفنت عرف شكيت كام بسرعة ومد ايديه جواي وشالني ضحكت

تـــــــاج.... لا هُــــــــــــذام نزلننني

هُــــــــــــذام... ههه تعاي نسبح

تـــــــاج..... لااا نزلني والله هسه اصرخ والم عليك امة محمد ڪُلها

هُــــــــــــذام..... صيحي محد يفهمج

اخذني للحمام ورجع اتقرب مني ثاني يوم بالليل اتعيشنة ورتبت الغرفة انتبهت الة كاعد على القنفة وصافن ويشرب چاي مشيت الة وكعدت بصفة انتبه الي عاف كلاص الچاي ولف ايدة على كتفي

هُــــــــــــذام..... حيلي من الدنيا عزتـي انتِ

ابتسمتلة

تـــــــاج... هُــــــــــــذامات عندي هوايه اسئلة

هُــــــــــــذام.... سألي جوجة

تـــــــاج... شلون لزمتو ابتهال؟

هُــــــــــــذام... رحنة للمكان الكالت عليه ولزمناها جماعتها شردت بس هيَ كدرنة نزلمها

تـــــــاج.... زين ليش ليث خلاها بالبيت

هُــــــــــــذام... ليث شغلتة مو تحقيق يعني اذا وداها للسجن ما يكدر يتصرف وياها وخاف تعترف عليج ففكرنة ناخذها للبيت وليث يتصرف وياها ويكللها يخفف الحكم اذا ما اعترفت

تـــــــاج... ومكان شُـــــــذير؟

هُــــــــــــذام.... هذا بالذات طلعت رواحتنة وما قابلة تحجي

تـــــــاج.... الحقيرة تتعمد تحرك ڪلبي

حجيتها وبجيت ما اتحلمت

تـــــــاج.... هُــــــــــــذام والله خايفة خاف مسوية شي الاختي وما تقبل تكول

اخذني الحضنة ويهديني

هُــــــــــــذام... كافي حبيبتي ما مسوية شي أني اكلج وانطيج وعد خلال هاي الفترة راح تعترف على مكانها

باوعتلة بسرعة

تـــــــاج... احلف؟

هُــــــــــــذام.... صدكيني جوجة

مسحت ادموعي وهزيت راسي بأي

تـــــــاج... مصدكتك.... زين هُــــــــــــذام شلون اندعمت

هُــــــــــــذام.... اخ يا يابة لا تذكريني

تـــــــاج... هههه ليش

هُــــــــــــذام.... ثمن خيطات براسي ورجلي انكسرت والسيارة راحت بس يلا الحمدُ لله

بستة بعيونة
تـــــــاج... الحمدُ لله من رجعت سالم

هُــــــــــــذام... اويلي عليج جوجاية شو انطيني بوسة من هالكيك

ضحكت وباسني بشفتي وابتعد

تـــــــاج.... زين وهذول الاطفال الي شفتهم ب

انتفض وحجة بسرعة

هُــــــــــــذام.... منوو قصدج؟؟؟

استغربت ردة فعلة بس ما بينت

تـــــــاج... سألت وراث عنهم وكال ولد اخوك

لانت ملامحة وهز راسة بأي

هُــــــــــــذام.... اي صحيح

شوية وخابر الة المترجم و كالة اريدك عاف الموبايل مالتة يمي وطلع كمت قفلت وراه الباب ورجعت كعدت بنفس مكاني انتبهت الموبايلة هنا اخذتة جان جديد يمكن القديم انكسر بالحادث حاولت افتحة ما عرفت لأن مغير الرمز كلت من يجي اڪُلة يعلمني مرن خمسة ايام احنه بأيران بعدها رجعنة للعراق رجعت علاقتنة طبيعية أني و هُــــــــــــذام مثل قبل وازيد  ببيوم جان هُــــــــــــذام عند اهلة شكيت بنفسي حامل لأن الشهرية فات الها سبعة ايام فرحت وطرت من الفرح بسرعة رحت بدلت ملابسي واخذت فلوس ونزلت جان اكو مجمع قريب يمنة سويت تحليل وكعدت انتظرة خابر الي هُــــــــــــذام بالموبايل الجابلياه جاوبتة

تـــــــاج.... هلو هُــــــــــــذام

هُــــــــــــذام.... ها توجاية وينج

تـــــــاج.... بالمجمع مو دزيتلك رسالة

هُــــــــــــذام.... طلع التحليل؟

اتنهدت

تـــــــاج... لا

هُــــــــــــذام... اني جايج

تـــــــاج.. تمام انتظرك

عشر دقائق واجة هُــــــــــــذام انتبهت الة من بعيد يمشي والسبحة بأيدة ابتسم الي رجعلي الابتسامة شكد ما اكول احبة ما اوصف ربع حبي الة صارلي ڪُلشي بعد ڪُل الصار بية كعد يمي

هُــــــــــــذام.... جوجـة حبيبي من شوكت تنتظرين؟

تـــــــاج.... من زمان

هُــــــــــــذام.... لعد راح اكوم اشوفة

تـــــــاج... اروح وياك

كام ومدلي ايدة لزمتها ورحنة للمختبر انطاهم اسمي وطلع كامل من زمان بس ناسين ما صايحين بأسمي تركت ايد هُــــــــــــذام وكعدت افرك ايدي بتوتر وعيوني مدمعة ياليت اطلع حامل و الله بنفسي اصير ام ومحتاجة هالشعور وحتى هُــــــــــــذام يريد. طفل صح ما يحجي يمي بس اني احس بيه و ڪالعادة ماكو حمل مجرد ما سمعت هيج ما اتحملت ابقى طلعت قبل هُــــــــــــذام ورحت وكفت بباب المجمع لا ارادي نزلن ادموعي وبجيت بقيت امسح بأدموعي واشهك ومتجاهلة الناس طلع هُــــــــــــذام يمي محتار شلون يسكتني وكف يمي وحجة

هُــــــــــــذام.... كافي جوجايتي والله ما مقسوم النة يصير عدنة طفل كافي حبيبتي ليش تيأسين كدامنة عمر يجوز ما يصير هاي السنة يصير السنة التجي بعدج صغيرة بعيني شلنة بالاطفال

تـــــــاج... هُــــــــــــذام أني اريد طفل ليش ما تحس تعبت واني اتأمل ڪُل شهر اطلع حامل وتالي يخيب ضني

هُــــــــــــذام.... ڪل تأخيرة وبيها خيرة الله ما يأخر شي الة اذا المصلحتنة ليش تستعجلين يا روحي يا حبيبتي انتِ بعدج بنوتة نسنس اتونسي بحياتج واتحلكين على الاطفال وداعتج حتى تبزع روحج

مسحت ادموعي وسكتت اخذ ايدي وباسها

تـــــــاج... ههه هسه يصورونة ونشنهر

هُــــــــــــذام... شاهد رجل يقبل يد توجايتة

ضحكت وصعدنة بالسيارة قبل لا انحركها كال

هُــــــــــــذام... جوجة انروح الرباب نتغدة عدها والعصر اخذج للدكتورة انشوف ليش الشهرية متأخرة؟

تـــــــاج..... تمام اروح

حجيتها ونزعت الكمامة لأن اختنكت خابر هُــــــــــــذام الرباب وڪللها جايين وحرك السيارة

هُــــــــــــذام... حبيبتي راح اعلمج تسوقين

تـــــــاج... ههههه سمعتهااا منك قبلل سنتين يمكن

هُــــــــــــذام... هسه اتذكرت اريد اعلمج اتسوقين وبس تتعلمين اشتريلج سيارة

تـــــــاج.... ههه تذكر بوقتها كتلك وين ما اشوفك ادعمك

هُــــــــــــذام.... اي جوجي اتذكر

ضحكت ورحنة الرباب سلمنة عليها ودخلنة جان سلامها حار ابد مو نفس امها ولا متكبرة نفسها حيل حلوة وحبابة كعدنة بالصالة وحجت

رباب.... اليوم منين طالعة الشمس تـــــــاج عدنة

تـــــــاج.... ههه بعد ما صحت فرصة اجي

انفتح الباب ودخل زوجها كام هُــــــــــــذام سلم عليه سلم عليّ من بعيد رجعتلة السلام شوية واسترخص وطلع كال عندة شغل اندك الباب وراح هُــــــــــــذام يفتحة

رباب... شلونج شلون هُــــــــــــذام وياج

ابتسمت

تـــــــاج... الحمدُ لله زينين

رباب.... مرتاحة وية هُــــــــــــذام

تـــــــاج.... اكيد شعندي غيرة

رباب... الله يحرسكم من العيون يارب تبقون دائماً هيج ترا هُــــــــــــذام فقير والله افقر اخواني واحن واحد بيهم لا تخلون شي يفرقكم لأن اول مرة اشوف واحد من اخواني هيج يحب و خصوصاً هُــــــــــــذام مو اخوي وامدحة الج بس والله كضة حياتة يصلي ويصوم والنة يودي ويجيب هذا الحد. ما مشة بيه العمر و ما اتزوج بس تالي الله خوش عوضة ببنية حلوة نفسج

قطع كلامها سما و وارث وهمه يدخلون شافتني وصاحت

سما.... لكك هللاااا شوووف منو عدددنة

ابتسمت وكمت سلمت عليها وباوستها وسلمت على وارث بعدها اتغدينة عدهم للعصر شربنة چاي وطلعنة رحنة للدكتورة وطلع راجع التكيس لأن الفترة الفاتت هوايه ابجي واعصابي تلفت و نفسيتي مو شي كتبتلي على علاج ووصتني التزم بعدها هُــــــــــــذام ضل يعلمني سياقة ڪُل يوم نطلع بالليل ساعتين يعلمني ونرجع للشقة مرات اني اسوق بس مسافة حيل قصيرة ثثلاث اشهر يعلمني الحد. ما اتعلمت وكمت امشي مسافات بيوم هُــــــــــــذام اجة للشقة فتح الباب مالت الشقة وحجة

هُــــــــــــذام... جووووجة امشيي بسرعة نزلللي

طفرت بخوف عبالي صاير شي

تـــــــاج.... شنو هُــــــــــــذام يا ستاررر

هُــــــــــــذام... شغلللة حيااة او مووووت يلا يلا لبسي شالج

على الواهس صحت
تـــــــاج..... ثوووواني

طفرت من التخم ورحت للغرفة لبست بشت لأن مابية ابدل وشال و هُــــــــــــذام خبصني يلا يلا

طلعت من الغرفة اركض واني اردد

تـــــــاج... هُــــــــــــذامات طماطات بصلات محمد صلاوات كملت

لزم ايدي وطلعنة من الشقة بسرعة وقفل الباب نزلنة بالدرج نركض واني اردد

تـــــــاج.... عليك العباس احجي شنو صاير

هُــــــــــــذام..... هسه تعرفين هسه

رحنة للكراج مالت العمارة جانت اكو سيارات هوايه مالت المؤجرين حجة هُــــــــــــذام

هُــــــــــــذام... يا سيارة عجبتج؟

ابتسمت وباوعت للسيارات جانت اكو سيارة صغيرة بيضة احب هذا الموديل وكايلة الهُـــذام عنها قبل اشرتلة عليها

تـــــــاج..... هايه حبيبي

مد ايدة الجيبة وطلع سويج سيارة خلاه كبالي

هُــــــــــــذام... حلالج

فتحت عيوني بصدمة وصحت

تـــــــاج.... جذااااااااااااااااب

هُــــــــــــذام... هههه جذاب بعينج

تـــــــاج.... هُــــــــــــذام احجيي الصددددُك

هُــــــــــــذام... صدكيني ااالج

ما صدكت طفرت بحضنة حضنتة حيل واني اردد

تـــــــاج..... شكررررررراً شكرررررررراً احببببببببببببك هالكددددد وهالكدددد وهالكدددددددد

هُــــــــــــذام.... ههه حبيبتي واني هم احبج يلا تعاي ناخذ مشوار بيها

تـــــــاج.... يلاا

اخذت السويج ورحت بأتجاه السيارة فتحتها وصعدنة لزمت الستيرن وحركتة بفرح

تـــــــاج.... يا سايقنة دوس دوس حتى انحصلك عروس

هُــــــــــــذام.... بنت اللذين مو انت تسوقين شلون انحصلج عروس

ضحكت واباوع الها بفرح واحس فراشاتتت بداخلي ما اتحملت رفعت نفسي الهُـــذام وبستة قوي بخدة

هُــــــــــــذام.... جؤ جؤ ما اريد شكر من هذا النوع من غير نوع

فهمتة وضحكت بخجل وسكتت شغلت السيارة وشغلت اغنية مالت ياي سحر عيونو ومشيت بيها على كيفي

تـــــــاج.... وين اتريد اتروح

هُــــــــــــذام.... اخذينة المكان قريب

مديتلة ايدي

تـــــــاج.... كروة بعد روحي

ضحك وطلع جوزلانة سحب الفين وخلاهن بأيدي اخذتهن ورحنة مشوار قصير اكلنة موطة ورجعنة للشقة

هُــــــــــــذام.... متونسة بسيارتج جوجتي؟

تـــــــاج... اييي وكلللش شكررا

هُــــــــــــذام.... ما اريد هيج شكر اريد شكر من نوع خاص

اختفت ابتسامتي دنك همس بأذني

هُـــــــذام.... اريد ليلة البرتقالة

ضحكت و مرت فترة وبمحرم سنة 2020 انتبهت الهُـــذام يخابر هوايه وبس يشوفني يسدة جنت اغلس لأن مستحيل اشك بيه بيوم جان يمي دك موبايلة رفعة بسرعة اول ما شاف الاسم حجة

هُــــــــــــذام.... احلللف؟؟؟ جاااايك جااااايك

••••••••••••••••

بحـــر

دزيت التسجيل الزڪــريا وكعدنة نتفق ايمت نفضحها لأن هذن التسجيلين حجيها بيهم واضح وخاصتاً التسجيل الثاني اتفقنة على ڪلشي اجة اليوم الي يعمزون بي بيت عمهم رحمن خابرنة عمو أحمد وعزمنة أني وبيبي رحنة من الصبح.

جنة كاعدين ڪلنة سوة محد غريب موجود بس العمام وولدهم سوالف وضحك دحكت على زڪـريا اشرتلو براسي فهمني وطلع جهازو دحكتو يكتب ثواني ودزلي

زڪـريا..... مو هسه تاني شوية

كتبتلو

بحـــر.... تمام

رفعت راسي على سؤال مرت عمو لأيسـر

نادية.... شنو ماكو طفل بالطريق

بقيت صافنة شنو ارد دحكت على أيسر عينو عليّ

أيســر..... بعد وكت

نـادية.... شنو ابو أيسـر حاجيهم ما اتريد اتشوف ولد أيسـر

منيب.... هوَ أيسـر ما حاملينة النوب نحمل خلفتة

حسن.... ماكو مشكلة مو اتحملناك انتَ وابنك

رضا..... هسه أنه شعلي

منيب.... معليك بابا هوَ هذا الفقير محد يريدة

رحمن..... اهوو هسه راح يدك اليتيمة هوَ وابنة

رضا..... لا جدو كبار احنه ما نهتز

كلها ضحكت على كلامو حجة زڪـريا

زڪـريا.... ولك ليمتة كبرت قبل يومين تركص على اغنية يا بيت كطيو

منيب... شعبالكم ابني يكبر بسرعة

أيسـر... اي حتى كبل ابو

منيب.... صدك بابا بطلت اتصيد ذبان

رضا.... لا عيب كبرنة

زڪـريا..... هذاك اليوم شفتة

قاطعة رضا

رضا.... شفتة لو حلكة

محسن..... اهو بعد انفك هوَ وابو شيسكتهم ماكو ربط بسوالفكم

منيب... ربط مال جنكال

أحمد... كافي اثنينكم

رضا.... جدو اسف بس كافي وكيمر

اڪرم.... ههههه هاي قوية

منيب... قوية لو جواز

أيسـر..... زڪـريا طيني النعال

رضا.... طيني لو ياباني

زهـرة..... شنية ***** طرشتونة بسوالفكم حبربشية سدو حلكم بعد اليحجي الة

قاطعها منيب

منيب.... شينية مالت اكل

ضحڪنة على سوالفهم هاي كلو هيج كل ما يجتمعون منيب وابنو يجزعون رواحتنة بسوالفهم شوية وكمت صعدت فوك اريد احجي وية آرام دكيت الباب عليها ودخلت لكيتها كاعدة هيَ و شُـــــــذير كامن بسرعة من شافني  سلمن عليّ باوستهن ودخلت للغرفة

بحـــر... يولي آرام حجيتي الشُــذير؟

آرام.. اي حجيت الها

شُـــــــذير..... والله خايفة خاف مايصير نفس ما خطتتو

بحـــر... فالج ما كبلناه يولي كولي ان شاء الله خير

اندك الباب وانفتح بسرعة دخل زڪـريا وقفل الباب وراه

زڪـريا..... راح اروح البيت عمي معتز ادور على الفيديو ما طول كلهم هنا بس الكاه واطمن اودي التسجيل العمي وهوَ يتصرف

شُـــــــذير..... يعني اتأكدت ما موجود بتلفونها؟

زڪـريا... تلفونها فلشتة بأيدي اكيد عدها مكان ثاني

بحـــر.... و احتمال لا

آرام.... شلون يعني!

بحـــر.... احتمال بس تهديد ما عدها نسخة ثانية

زڪـريا... و احتمال ما عدها بس محتفظة بي عد غيرها على العموم سواء انكشفت اليوم او لا حسين يتحاسب يتحاسب و انتِ آرام لا ترحين للجامعة منا لاسبوع واخذتلج اجازة

شُـــــــذير... جا شلون تكدر تدخل الهم؟

زڪـريا.... عندي نسخة من المفاتيح يلا لا تبقن كاعدات هنا ليلى وسميرة يشكن نزلن وحدة ورة الثانية

نزلت آرام وطلعت أني من الغرفة مشيت بأتجاه الدرج صار أيســر بوجهي ابتسم

أيســر... مهڪرة ملفات الجمال تتجول بالبيت

ا
كتفت ايدي
بحـــر.... هساع صرت مهكرة ملفات الجمال وقبل فترة تصيحلي ام الفلࢪ

أيســر... لا اتأكدت مو فلر

بحـــر.... لا بالله؟ شلون اتأكدت بلا؟

ابتسم ما جاوبني اجيت انزل لزمني من زندي وكفني كبالو

بحـــر.... وخرر أيسـر هسااع احد يدحكنةة وخرى

أيســر.... خلي يشوفونة قابل لازم منو غير حلالي

بحـــر.... حلاليششش وخر منين اجيتلك حلالك مو راح نطلك وخرر أيســر اهوووو شلون طلابة هاااي

سمعنة باب الغرفة ينفتح بسرعة وخر ايدو عني ودحك بأتجاه الباب التفتت لكيت زڪـريا طالع هوَ  و شُـــــــذير سوة عقد حاجبو أيســر بس ما حجة دحكلي و أشرلي انزل نزلنة سوة وقبل لا ندخل لااستقبال جرني من كذلتي وصاح

أيســر..... كذلتجججج المن مطلعتهااا بت الحلوووو لو تلبسين حجاب نفس الاوادم لو لا تلبسين بالحسين اذا شفت  مطلعتها اموتج

بحـــر.... شعررري وخررر ايددددك كطعتوو وخرررررر

خليت ايدي على ايدو اريد واخرو وانفتح باب الاستقبال فزينة اثنينة دحكت عمو أحمد واكف بباب الاستقبال ويدحكنة بأستغراب أيســر لازمني من شعري واني ادفعو من ايدو اخذتها فرصة سويت نفسي ابجي وصحت

بحـــر.... دحككك عموو دحك ابنك شلون يضرب بية ويجر بشعري كلشي ما سويتلووو

عاف أيســر شعري بسرعة

أيســر....  جذابة والله

أحمد..... لكك أيسر أنننه مو كتلك ايدك ما تمدهة على مرتتتك

أيســر.... ما ماددددهاااا تتبلى عليييّ ليمتتتة ماد ايدي هوووَ أنننه شايفها حتى امد ايدي عليها

أحمد.... موو توووة شفتتتك بعيوووني

حسيتها راح اتصير عركة صدك حجيت

بحـــر.... عوفو عمو هوَ وضميرو هساع اكو ناس هين مو وكتو للحجي

أحمد... كبل شوية تردين تبجين وهسه اعوفة أنه الكم اثنينكم خلي اتفرغ الكم واشوف سالفتكم

حجاها وراح خزرني ايسر ومد ايدو كرصني بخصري طفرت بألم وصحت واني افرك مكان الكرصة

بحـــر..... والله لو ما استحي اعلي صوتي الة اشهرك شهيرة النمسسسسسس هذاا الجماااال كلووو ومزوجينيي الوووواحد جنووو الفففف ديناااار م

سد حلكي بأيدو وسحبني الغرفة بيبي طبكني عالحايط ومد ايدو وقفل الباب ارتفع نفسي وخفت منو لزمني من فكي وهمس

أيســر... ليش ما تتأدبين ليش تخليني أذيج؟

حجاها وخلة ايدو على الشال وفتحو شمرو بعيد و خلة راسو برقبتي وسحب نفس اجيت احجي وشهكت من حسيت شفايفو تتجول على رقبتي غمضت عيوني وضغطت على كتفو وهمست

بحـــر...أ أيســر م

ما خلاني اكمل التهم شفتي بين شفايفو ما حسيت على نفسي الة واني ابادلو لفيت ايدي على رقبتو ورفعني عن الارض راد ياخذني للجرباية واندك الباب طفرنة اثنينة وبعدني عنو بسرعة سحب نفس وعدل شعرو وصاح

أيســر.... منوو بالباب

زهـرة..... خااايب حبربشيي بر**** شتسوووي بغرفتتتتي

أيســر.... اوكفي بيبي هسه افتح الباب

طفر بسرعة جر شالي ولفاه على وجهي بحيث خنكني

أيســر.... لا تفتحينة وجهج أحمر

دحكت بالمراية وفزيت من شفتو لاف الشال عبالك حرامية من يتلثمون

ما لحكت احجي راح فتح دخلت بيبي زهـرة دحكتنة اثنينة واكفين دكت على صدرها وصاحت

زهـرة.... لا ياااا حبربشية شسوويتووو بغرفتي احجوو

حجتها وضربت أيسر بزندو بالسبحة

أيســر.... كلشيي ما سوينة شسوينة يعني

زهـرة.... انجببب صوتك ما اريد اسمعة عفتو الغرف كلها اجيتو بغرفتي وانت بحيرة اذا رجلج مشتاكلج هيج شكو عايفتة ورايحة

أيســر..... شبيج بيبي نضفي نيتج كلشي ما سوينة حتى ما انلحك من وراج

بس حجة هيج اتمنيت اطم روحي بالكاع انسحبت من يمهم وركضت للحمام ذبيت الشال وغسلت وجهي واني اسبو وماكو غلطة ما حجيتها عليه دحكت وجهي بالمراية رقبتي كلها اثار منو بسيطة يالنمس اني اعلمك شديتو الشالي عدل وماطلعت ولا شعراية ورحت كعدت يمهم بالاستقبال لكيت زڪـريا ما موجود عرفتو رايح دحكت ليلى وابتسمت الها دنكت راسي على جهازي وكتبت

بحـــر.... اخذت خوش صور الآرام من جهازها

دزيتها الها دحكتها بسرعة وكتبت

ليلى.... هسه صرتي توووووب بس ارجع للبيت اوديلج الفيديو

بحـــر... ليش هوَ بالبيت؟

ليلى.... اي بالبيت

ما كتبت بعد شي اخذت للمحادثة سكرين ودزيتها الزڪـريا طفيت جهازي ومتوترة هساع لكاه او لا دحكت على شُـــــــذير و آرام لونهن مخطوف وخايفات اڪثر مني اتغدينة وزڪـريا بعدو ما جاي سألو عليه كال الهم أيســر

أيســر.... كال طالع عندة شغل العصر يجي

بعد محد سأل اكلت لكمتين واجت عيني على شُـــــــذير دمعتها بطرف عينها
كمت من السفرة ورحت للمطبخ دقايق واجت وراي اول ما دحكتني بجت

شُـــــــذير.... والله خايفة بحـــر عفية اتصلي على زڪـريا

بحـــر... اشش لحد يدحكنة سوة صعدي بسرعة وبعد. لا تنزلين هساع اني اخابرو واجي اطمنج

صعدت فوك اجيت اخابرلو وما احس الة عمهم معتز يمشي بأتجاه المطبخ ويحجي

معتز.... زڪـريا شنووو هالبصمااات الوديتهن الييي؟

طلع برة بقيت متوترة اجت آرام لزمتها من ايدها وحجيت

بحـــر.... يولي شنو صار؟

آرام..... اول ما وداهن جنت واكفة وراه كلة زڪـريا ضروري تسمعهن وحدك

بحـــر.... ان شاء الله خير

آرام... ان شاء الله

ابتسمت الها وكرصتها من خدها

بحـــر... شنو هالجمال يولي شهالعيون شهالغمازات

آرام.... انتت شنو هالعيون

ابتسمت وبسرعة وخرت ايدي خاف ليلى او سميرة تجي تفتر وادحكنة سوة راحت للاستقبال جاوبو المواعين جنت بس اني واكفة طاحن براسي اول ما دحكني أيســر صاح

أيســر....اطيح حظظظظكم اذا خليتو مرتي تغسل هالمواعين كلها اكلتو ومستحو ايديكم يلا يلا اكرم وحسن غسلوهن ناقصكم ايد رجل كل واحد افادة هالكبر ياكل بي السبع يومين

ضحكو ورادو يحجون دخل عمهم معتز من برة الشرار يطاير من عيونو صاح بصوت رج البيت رج

معتز..... لللللللللجججججججججج ليلللللى

التفتو الو مصدومين من صياحو رجع صاح عليها مااجتلو ركض للاستقبال ركضنة وراه لكيناها واكفة بمكانها وترجف اول ما دحكها سطرها راجدي وجرها من شعرها ركضو الو الولد يردون يفلتونها منو ما انطاهم مجال يضرب بيها ويصيح

معتز..... للللللج ادبسززززز هاااااي تربيتتتتتي بيييييج هذاااااا تعببببي هيييج تخللللينة ايررررووووح

يضرب بيها بكل قوتو رجعت ليورة خايفة وهيَ بس تبجي رادت سميرة تتدخل ضربها راجدي واصاح بيها

معتز... كللللة مننننننج انتتت خربتيهااا ترررستييي راسسسهاااا بسممممج من اليووووووم اتبررررة منهاااا وانتتت طاااالق طاالق طاااالللق

أحمد... بس فهمممنة شصااااير كااافيكككك

دفع ليلى برجلو جانت نايمة ع الارض ومدماية وتون للحظة اتنمدت لأن جنت سبب ان يضربها بس هيَ هم مو زينة

دخل زڪـريا دحكو كلهم جان مخلي ايديه ورة ظهرو عدل وكفتو وطلع جهازو وحجة

زڪـريا.. راح اسمعكم التسجيل وافهمكم الي صار حتى بعد يومين محد يلومني

فتح التسجيل اول ما سمع أيســر صوتي دحكلي بصدمة هزيتلو راسي بلا

زڪـريا... لا تصدكون بحجي بحـــر جان اتفاق بينة حتى تسحب ليلى بالحجي

كمل التسجيل وحجالهم مختصر الساافة احت عيني ع شُـــــذير واكفة من بعيد وتبجي كلها محتارة شنو تحجي وعمي من سمع بسالفة شُـــــــذير و آرام عيونو شاطن

رفعتها امها عن الارض وهيَ تصيح

سميرة..... حسبببي ولله ونعم الوكيلل الله لا يووفقكممم عساكم ما تتهنووون

اتعجبت منها هساع اليسمعها و الله يصدك هيَ مضلومة قبل لا تطلع صاح زڪـريا عليها

زڪـريا.... انتِ طالق طالق طالق

رجعت امها تتحسب وخذتها وراحت اتخربط وضع البيت وكلها بقت ما تعرف شنو تحجي وتلوم منو عمهم معتز اخذ هُيام وراحو البيتهم

رحمن.... سدو السالفة الحمد الله عدت على خير

أيســر.... لا ما انسدها حسين ***** شعندة الهسه ما تايب؟

أڪرم.... كلتها باللسانك ****

منيب..... خلوه عليّ

لليل بيت عمهم راحو جنة كاعدين اني وبيبي بالاستقبال همستلي

حَنينة... يلا يمة أنه اروح انت ابقي يم رجلج

فتحت عيوني بصدمة اجيت اصيح واتراجعت لأن كلها كاعدة كامت بيبي كمت وياها

أسيل.... وين ام صباح بعد وكت

زهـرة... الدنيا ليل خية ابقي هنا

حَنينة.... ما تقصرين حبيبة بس ما اعرف انام الة بمچاني

بحــر... اي بيبي يلا امشي راح يجي وقت علاجج

حجيت هيج وعبالي راح تخجل وما تكلي ابقي هين صدمتني من حجت

حَنينة.... لا ابقي هين شعندج جاية وياي مرة عايشة وحيدتي مجلبة وياي المن

بهتت بوجهة وادحك على أيسـر ضحك بشماتة خزرتو ورجعت ادحك البيبي

بحــر... لا بيبي انتِ مريضة أني الصبح اكعد اسويلج ريوك و

حَنينة.... ريوكيش ام الچاي المحترك

رجع ضحك أيسر رجعت خرزتو هساع شلون حظ اخوانو كلهم بغرفهم الة هوَ مكابلني وكاعد وبيبي منا حالفة اليوم تطير جبهتي

راح أيسـر يوصل بيبي واني صعدت فوك دخلت الغرفتي دحكتها مرتبة همزين ما بية حيل انظف اخذتلي ملابس ورحت سبحت وبدلت فتحت باب الحمام قبل لا اطلع اجت عيني على غرفة البنات انفتح الباب وطلعت شُــــذير ركضت حافية بسرعة ودخلت الغرفة زڪـريا ضحكت وطلعت من الحمام رحت دخلت الغرفتي وسديت الباب كعدت امشط شعري وسمعت رنة جهازي كمت بسرعة اخذتو دحكت رقم ابوي داك اكثر من خمس مرات جاوبتو بسرعة

محسن.... السلام عليكم بابا

بحــر... وعليكم السلام

محسن..... شلونج شلون صحتج

بحــر..... الحمد الله بخير اذا انت بخير شلون صرت؟

محسن.... على الله.... المهم بابا طيارتي الصبح ان شاء الله باجر أني عندج

طفرت من مكاني وحجيت

بحــر.... صددددك؟؟

محسن... ههه والله

بحــر... ياا رب توصل بالسلامة

محسن... اشكرج بابا انطي خبر البيبيتج ما اكدر اطول عدكم اخذكم ونرجع

بحــر.... زين وبيبي مريضة تكدر تسافر؟

محسن.... شبيهاا؟؟

بحــر.... سكرها الارتفع قبل كم يوم بس هساع حالتها شوية احسن

محسن... باجر من اجي اخذها للدكتور واسألو

بحــر.... تمام

محسن.... سلميني عليها

بحــر.... تدلل

انقطع النت عندو سديتو منو والتفتت دحكت أيسـر واكف اتقدم يمي ونضراتو ما عرفت افسرها

أيسـر.... ابوج راح يجي؟

هزيت راسي بأي

أيسـر... ها الله كريم

دار قفل الباب رحت وكفت كبالو

بحــر.... أيسـر

دحكلي

أيسـر.... نعم؟

بحــر.... باجر اطلڪني؟

أيسـر.... الله كريم

بحــر.... اهو جاوبني باجر اروح اسافر قابل تخليني معلكة هين

أيسـر...الله كريم

بحــر... أيسـر

مسح وجهو

أيسـر..... هسه الساعة بالعشرة بالليل وباجر ابوج اقل شي يوصل بالليل يعني شعندج هسه مستعجلة على الجواب روحي نامي احسلج

بحــر.... لا تبقى تتهرب جاوبني

عافني وراح يمشط بشعرو حركت فكي بأنزعاج وضجت من تصرفو رحت بسرعة وكفت كبالو وحجيت

بحــر.... جاوبني أيسـر ايمت اطلكنيي

التفتلي

أيسـر.... انتِ تردين تطلكين؟

بقيت صافنة بوجهو

أيسـر.... اذا انت ما تعرفين الجواب تردين انه اعرفة روحي نامي والصباح ارباح العصر نتناقش

من شدت غبائي والثول الأني بي حجيت بفهاوة

بحــر.... نتناقش بخصوص المستقبل؟

ما احس الة انفجر بالضحك ويضحك بصوت عالي ووجهو صار احمر ضربني راجدي على كيفو خزرتوو وخرت ايدي

بحــر... اهوو لا تضحكك النمسسس

أيسـر.... اخخخخخخخ هههههههههههه يممممه تردين نتناقش بخصوص المستقبل؟ اويليي يا يابة لعبتي غاليييي غااالي. و الطلببب رخييييص

راد يلزمني من خصري طفرت من مكاني وصحت

بحــر.... وخرر يولووو صدككتتت وخرررر

أيسـر..... تعاااي انت الكلتيييي

وكفت كبالو وبيناتنة الجرباية خزرتو وصحت

بحــر..... لااااا أيسـر مووو حلتلككك الفرررصة وخرررر والله الم عليك النااس

أيسـر..... هههه شتكليلهم ما اريد اتناقش بخصوص المستقبل

بحــر.... اهوووو ايي ما ارررريد وخرررر وخررر لا اصرخ

أيسـر.... يلا صيحي

اجيت اسويها صدك وصحت يبوووو مالحكت اكمل اليبوو وطفر سد حلكي بأيدو واخذني للچرباية حاولت ادفعو ما كدرت رفضت بالبداية بس مشاعري غلبتني سلمت نفسي الو للمرة الثانية ونفس المرة الاولى اتندمت حيل ولمتو وكعدت ابجي الثاني يوم خابرت البيبي وكتلها على جيت ابوي سديتو منها ورحت فتحت الكنتور ولميت ملابسي
اندك الباب

بحــر.....اتفضل

انفتح الباب ومدت راسها شُــــذير وهيَ مبتسمة

شُــــذير.... ادخل لا

بحــر.... يولي ما. يحتاج سؤال

ضحكت ودخلت وسدت. الباب اجت يمي وحضنتني بقوة

شُــــذير.... كلللش شكراً شكراً شلون ارجعلج المعروف

بحــر.... هههه حبيبتي ما سويت شي لو اشغللكم عقلي اخلي الصين يطلبوني

ضحكت وابتعدت دحكت الجنطة واختفت ابتسامتها

شُــــذير.... شنو وين راح ترحين؟

بحــر... ابوي راح يجي عليّ

شُــــذير.... وترحين وياه؟

بحــر... اي

دمعن عيونها بسرعة ورجعت حضنتني

شُــــذير.... لا حبابة لا ترحين و الله حبيتج انت خوش وحدة وحتى من اجيتي خالو أيسـر ما كام يضوجني ابقي عفية

بحــر.... هههه اهو شُــــذير لا تبجيني عفية والله ما مصدكة ابوي راح يرجع وياخذني وياه فرحانة راح اشوف حياتي وراح ادحكو واعيش يمو ما مصدكة يلتم شملي وياه

شُــــذير... زين خالو أيسـر راح يطلكج؟

بحــر... ما اعتقد

شُــــذير.... ليش؟

بحــر..... لازمتو فلوس الغايب كلت اكلو أني العايفة

شُــــذير.... ترا خالو أيسـر حالتة زينة وما تلزمة فلوس بس يحبج

اتنهدت وسكتت راحت شُــــذير تراجع الامتحانها واني كعدت افكر هساع أني المن باقية هين ما ادحك أيسـر يحبني وحتى مشاعرو مو واضحة تجاهي يبين عن مشاعرو بس بوقت حاجتو بس ما اشوفو متمسك بية ولا يريدني بغير وقت بقيت اكل بأظافري
وافڪر اخر شي. قررت قررار نهائي اروح وية ابوي واخذ بيبي يمي انعيش اني وياها احسن من ما ابقى هين.

للعصر و أبوي وصل دليتو بيت عيالي ونزلت بسرعة دحكت عمي كاعد بالصالة حجيت

بحــر.... عمو ابوي راح يجي هين

عقد. حاجبو

أحمد.... ابوج؟

بحــر... اي هساع راجع من سفرو

أحمد.... كل الهلا بي بابا البيت بيتة

بحــر... وبيك عمو

متوترة وخايفة خايفة حيلل صارلي سنين ما شايفتو ومتحمسة اشوفو بقيت جوة لا ربع ساعة ولا نص ساعة صارت ساعة وأيست صعدت فوك الغرفتي اريد اروح اخذ جهازي واخابرلو سمعت الباب يندك طفرت من مكاني ونزلت اركض بسرعة  وصلت للطارمة لكيتو واكف بالباب ويسلم على عمي دمعن عيوني ورجلي ما شالاني بالرغم السواه بية وبالرغم عايفني سنين ما سأل بس للحظة نسيتو كلو وما همني غير يلمني بحضنو مشيت الو بكل سرعتي رفع راسو ودحكني وابتسم وفتحلي ايديه سرعت خطواتي واول ما وصلت الو شمرت روحي بحضنو وبجيت بصوت عالي

طبطب على ظهري

محسن... كافي بابا هذا اني اجيت

ابتعدت امسح بدموعي وما مصدكة االي اشوفو كدامي صارلي سنين ما شايفتو ما مصدكت يجي هذا اليوم واحضنو واحاول انسة السواه بيو

محسن.... كبرانة بابا ما اتوقعتج هيج

مسحت ادموعي وضحكت

بحــر... انتَ نفس ما انتَ حتى ما مشيب

ضحك وحجة عمي

أحمد.... تفضل ابو بحــر البيت بيتك

دخلنة جوة كعدنة بالديوانية

محسن.... لعد انتِ شلون تڪليلي بيتنة بـ**** وين يلا لكيتة

بحــر.... ههه ما عرفت اوصفة عدل

أحمد... بالعكس عمو ما يتهيه بيتنة بس انتِ مخربطة بالمنطقة

محسن... وين زوجج

بحــر... بالعيادة هساع على جيتو

هز راسو وكعد يشرب چاي ويسولف وية عمي بقيت متوترة وانتظر جيتو لأيسـر للعشرة بالليل وهوَ ما جاي عرفتو متعمد ويريد يتهرب استأذنت منهم وكمت رحت للمطبخ جان محد واكف خابرتلو بسرعة ما رد بالعشر مرات يلا ررفع الخط

بحــر... وينن انتَ أيسـررررر

أيسـر.... شتسوين بأيسـر عندي شغل

بحــر.... ابوي موجودد من زمان مو كتلك تعاال نلكة حل الوضعنة ليش باقي تتهرب

أيسـر... شبي وضعنة يخبل وين اكو احلى من عدنة ها ها؟

بحــر.... أيسـررررر افهمننني ارريد ارروح وية ابووي واريدك اطلكني

أيسـر... اكلج والله ذبحتيني طلئني وطلئني احسج ما قارية شي من القرآن غير سورة الطلاق

بحــر.... أيسـر والله مو وقت شقاك

أيسـر... شتردين هسه؟

بحــر.... تجي اطلكني

أيسـر... روحي روحي بابا نامي وحلمي بالطلاق لزكتي خو مو لزكتي

بحــر... أيسرررر والله اروح وية ابووي هساع حتى اذا ما مطلكنيي عبالك تلزمني بالطلاق بالحالتين اني اروح وياه

أيسـر.... خلي اشوف رجليج يعتبن الباب اكسرهن الج والحسين

بحــر... موو بكيفككك أيسـر ارووح يعني ارووح مو بكيفكك

أيسـر..... خلي اشوفج تخطين خطوة وحدة... جايج

سديتو بسرعة منو وعرفتو عاند وياي وما راح يخليني اروح ركضت بسرعة الغرفتي بدلت ملابسي وجريت جنطتي نزلتها بصعوبة وخليتها بباب الديوانية ودخلت للديوانية ووكفت بالباب دحكلي ابوي مبدلة

بحــر.... يلا بابا ما يحتاج انتظر أيسـر اساساً احنه خاصمين الموضوع بيناتنة

كام وحجة

محسن.... يلا لعد خلي اخذج وانروح يم امي

أحمد.... بابا لو تنتظرينة احسن

بحــر.... لا ما يحتاج هساع خابرتلو وكلي روحي

سكت عمي سلمت عليه وقبل لا اروح دخلت سلمت على عمتي وبيبي زهــرة والبنات حجن هواي وحاولن ابقى ما قبلت طلعت ومشينة سوة اني وابوي اجرنة تكسي ودليتو بيت بيبي ورحنة الها بالطريق دك جهازي جان بأيدي دحكتو أيسـر غلقتو وضميتو بجنطتي وصلنة البيت بيبي دحك ابوي المنطقة وحجة

محسن... امي هنا عايشة!

بحــر... اي

محسن.... وهذوليج عمامج ما الهم صوت اخر مرة ليمتة دحكتيهم؟

بحــر... ببداية زواجي اجيت زعلانة البيتهم عبالي بيبي هين بس صباح طردني وكال امي طلعت ودلانة بيتها

هز راسو وسكت وصلنة البيت بيبي نزلنة ودكيت الباب  فتحتو بيبي اول ما دحكتو  بيبي انصدمت وصاحت

حَنينة... محسن!

دخل للبيت وحضنها حضنتو وبيبي واسمع صوت بجيها دخلت للبيت وسحبت جنطتي وجنطة ابوي وسديت الباب وراي

ابتعد ابوي وباس امي براسها دحكتو يمسح بدموعة والندم واضح بعيونو باسها بأيدها وحجة

محسن.... اسف والله اثنينجن ضلمتجن وعفتجن وهساع يلا عرفت خطأي

حَنينة... المهم عرفتو يمة المهم عرفت خطأك

دخلنة جوة وكعد يسولف عن حياتو واولادو

محسن.... حضرت الجن شقة اثنينجن لأن هناك الشقق صغار ما تكفي بس كلش كبال شقتي

حَنينة.... عادي يمة هم خاف زوجتك تتضايك

محسن... تتضايق او لا ما الها حق تحجي امي وبنتي

ابتسمتلو ومتعجبة تغير حالو وشلون صار جاي احجي واندك الباب بكل قوتو

.
.
.
.
.
.
.
.
الى هنا انتهت العثــرة الثـانيـة و الاربـعـون

تصبحون على الف خير 🤎