الرقطاء وكراتها الثلاث 🐍
اللدغة الثالثة والأربعين
بقلم كهرمانة
______________
قبل ايام
كميل:-معاذ لتتوقع مني أسكت عن الشغلة السويتها
معاذ:-شـلون اثبتلها حبي لعد
كميل:-هـسه شيخلصنا من خالي
معاذ:-أنت بَــس گله ما اعرف شـلون شردن
كميل:-نشبع طن كتل ولك
معاذ:-ميخالف قابل مامكتول من وراه أنتَ
كميل:-اللهم صبرچ ياروح معاذ جاي تستفز بكلامك راح أگوملك كله بسببك رمادي شردت
معاذ:-أول وتالي يرجعن شبيك نلگاهن
كميل:-بــَنات خيزران ذني عدهن استعداد يركضن شعب كامل بَــس وجد چانت فقيره بينهن ولو گدرت تجيب راس ابوك وعشيرته بَــس ما أذته مثل ذني
معاذ:-اشش اسكت أجه خالك
كميل:-وخلخاله التخلخل عضامك
بـَحـر:-هــا شِــنو الأخبار
كميل:-خالي أگلك شـيي بَــس لتنفعل
بـَحـر:-اي ، شردن مو ؟
كميل:- اي شردن ، دفر الباب وتقدم علينا والشر يتطاير من عيونه لزمني أني ومعاذ من ياخة قمصاننا ورگع رأسي براسه
-خالي بَــس على كيفك صدك انحصرت ورحت للحمام ومعاذ چان موجود بالصالة يحرس ، دفعني أنضربت بالحايط ولزم معاذ خنگه
مروان:-خالي مو هيچ بَــس هدي خلينا نفتهم نروح ندور عليهن نلگاهن مايطلعن بسهولة وخالتهن بالمستشفى وابو سعيد هنا لاتضل تحاسب هسه نلگاهن
بـَحـر:-معاذ انتَ طلعتهن متأكد
معاذ:-ترى مرتي طلعت روحي على مالگيتها
بـَحـر:-انتَ بكلمة وحدة منها تذوب ومترفضلها طلب واضح من عيونك
معاذ:-دفعته ومسحت رگبتي حچيت وأني اتألم
-عوفني أنـي مو زعطوط هــيچ تلزمني
كميل:-يابه صلوا عالرحمٰن وامشوا نجيبهن من المستشفى
معاذ"بأستفزاز":-تلگاهن هسه طالعات من المستشفى مسك تسيب سيب مثل بيب بيب حـبـيبتـي
كميل:-ولك لسانك صونه لاا يجيب أخرتك
معاذ:-رايح انام باجر من الصبح أطلع لبغداد
بـَحـر:-معاااااذ تحاول تستفزني موووو يــاا أبن الكلب
معاذ:-أبوي يشرفك أنتَ وعشيرتك كلها تروحله فدوه انتَ وابوك وامك ماكـو غيرك كلب بيك خير ما مرتك يوميه عايفتك وشارده من ضيمك
كميل:-هجم على معاذ يضرب بيه ومعاذ يرجعله كل ضربة تدخلنا أني ومروان نحاحز بيناتهم شبعنا طن ضرب
مروان:-مره وحده بحياتكم اسمعوا كلامي أنـي رايح للمستشفى وانتوا ابقوا هنا شـيي تاكل بشي عبالكم مو بشر وحوش ومعاذ لاتضل تتشمت بخالي لأن انتَ هَـم مرتك شرشحتك تشرشح وسوتك مضحكة لأمة محمد كلها
كميل:-الأكرع يتشمت بأبو حباية هههههه
مروان :-اودعناكم
بـَحـر:-جاي وياك للمستشفى وانت هــــى احفظ جلدك مني لاا اطيح صبغك
.
.
الوقت الحالي
ديالا:-مسك مو وقت هالحچي
مسك:-لاا ديالا وقته
هرم:-زين لــيش مو هذا ياسين موجود اشمعنى بَــس أنـي من وصلت الي گلتي نزلي الطفل
مسك:-وجد وين هسه ، هــا جاوبيني وين وجد هسه تركتلها طفل يتيم لو لاا
هرم:-بَــس أنـي ضروفي تختلف عن ضروف وجد وانتِ حچيتي هيچ تتشاقين ويايه موو
مسك:-أنتِ غبية لو تتغابين ، تدرين إذا بـَحـر عرف بموضوع الطفل شيسوي بينا يمحينا من الكون كله يدمرنا
-غمضت عيوني لزمت رأسي وشديت شعري أحس أعصابي راح تنفجر بعد ماعندي طايق تحمل هذا الچان ناقصنا حچيت وأني اريد اقنعها تتخلص من الطفل
-هرم حـبـيبتـي أنتِ بعدچ طفلة تَـمام وراح تنفصلين عن بـَحـر بالأيام الجايه وبس اخلص كم شغلة عندي أطلع الفلوس أحولهن ببطاقة وجوازاتنا موجودة نسافر بيهم لتركيا ونطلب لجوء لأوربا حتى لو نشتري عقار ونبقى عايشين بتركيا ونقدم يو أن المهم منرجع للعراق وهذا الطفل تسقطينه حتى بـَحـر ميعرف بالموضوع لأن اذا عرف راح يخرب كلشي من غير العذاب اللي راح يعيشچ بيه بالمستقبل لاتتوقعين عقابه بسيط
أكيد هسه ضامين ألنا ضمه چبيره وجاي يدورون علينا أصلًا منو چان يتوقع بــَنات يسون كل هذا بعائلة آل صحار همزين جدوا علمنا عالشجاعة وعدم الخوف والقوة
ديالا:-وعدم الرحمة وعدم المشاعر والأحاسيس وعدم مخافة الله مو مسك تدرين هسه أنتِ نسخة مصغرة عن رياض لأن يجوز خيزران أرحم من أبوها أبوها قتلنا وأحنا صغار زرع بداخلنا حقد وكره وأبشع شـيي ممكن يكون عند البنيه وهو عدم الخوف والخبث والمكر هــاي الصفات المو زينه كلها بينا
مسك:-اي لأن اذا ماچّنا هيچ منگدر ناخذ حق ياسين ويونس
هرم:-مسك هالمرة ماراح أنفذ الترديه هذا الطفل راجع الي أني مو مجرمه مثل خيزران ولا گلبي حجر مثل رياض علمود أقتل روح أني مالوث أيدي بدم روح بريئة لاا وهالروح قطعة من گلبي ماگدر يانعيش سوا يــاا نموت سوا
-عم الهدوء ومسك ماحچت وصلنا لبيت أمنية طلعلنا أبوها مبين ضايج وباله يمنا
أبو أمنية:-هــا وين چنتن بهالليل
مسك"بكذب":-عمو هــاي هرم ضغطها نزل واخذتها للمستوصف شكلولها مغذي ورجعنا
أبو أمنية:-هاا مغذي
مسك:- اي ،حسيته ضايج من وجودنا ببيته أني چنت مخليه عيني على بيت هيكل متروك صارله سنين من زمننا أمنية حسيتها منحرجه من ابوها لأن باوعلنا بنظرات مستفزه وهز ايده علينا چانت لغة الجسد الخاصة بيه توحي إلا أنُ وجودنا مامقبول عنده خليت البنات ينتظرني بالباب بره ميدخلن
-ابقن هنا أني شويه وأجي
ديالا:-شتردين تسوين
مسك:-ابقي هنا گلت
-دخلت للبيت گعدت رفيف ولميت غراضنا بالجنطه وشلت ياسين وطلعت من الغرفة شافتني أمنية منعتني من الخروج
أمنية:-مسك فدوه لــيش رايحه بهالليل
مسك:-أمنية ماريـد تسمعين بسببنا كلمة تضوجچ
أمنية:-شعندي غيركم يامسك انتِ صديقة عُـمري شـلون أضوچ منچ ومن خواتچ
مسك:-اذا تحبيني صدگ خليني أروح
أمنية:-بَــس گوليلي وين ترحين
مسك:-أكو بيت هيكل متروك تتذكرينه چنه نلعب بيه ختيلان
أمنية:-ولچ هذا البيت كلها تكول مسكون وحتى اهل القطعة مايبنوها يخافون كومة صايره مواقف بيها تهز البدن
مسك:-بَــس احنا بــَنات خيزران ميخوفنا شـيي
أمنية:-مسك حتى مره لگول جثه مال واحد من اهل المنطقة مقتول ومشمور بنفس البيت يــاا خيه هسه انتِ متوازيه ترحين هناك وانتن بــَنات والدنيا مو أمان
مسك:-خلي واحد يجينا أذا ماطيح حضه وحض الخلفوه أني مو بنيه عاديه أني الشر يخاف من عندي
أمنية:-بَــس قوة المرأة تخور گدام تقييد وقوة الرجال
مسك:-ميصير شـيي لتخافين محد راح يعرف أحنا موجودات يـله رفيف امشي طلعي گدامي
أمنية:-راح اجيكم يوميه اتطمن عليكم واجيبلكم اكل
مسك:-تَـمام حـبـيبتـي وهسه راح نروح احنا
أمنية:-اللي براسچ تسوينه يَـعنـي تسوينه اوگفي اجيبلچ لايت تضوين بيه على ما يجي الصبح اخلي واحد ينطيچ من كهربائتهم گلوب
مسك:-أبتسمت ألها أخذت اللايت الشحن وطلعت من بيتهم وسط ذهول ديالا وهرم
-يـله بــَنات امشن ورايه
ديالا:-بَــس مسك أنـي تعبانه مالي خلك امشي والله
مسك:-مو بعيد هنا المكان قريب نبقى گاعدين بيه كم يوم ونطلع على ماكمل اللي ببالي
هرم:-وين نروح
مسك:-لتحجين وياي انتِ الثانيه ، وصلنا للبيت الهيكل افترينا بيه أمنيه اجت ورانه جايبتلنا فراشات وگالت اذا تردون سبح لو حمام تعالوا لبيتنا نومنا ياسين ورفيف تمددت تباوع علينا بخمول
هرم گعدت على صفحة وديالا راحت لياسين تسويله حليب وتشربه حتى يرجع ينام لأن فز خايف من الظلام علگنا اللايت بمكان تمددت ضافنه عليهن هرم طلعت اتوضت بالمي مال البطل النشرب منه ولبست العبايه الأخذناها من أمنيه حتى نطلع بيها وصلت
بعد الصلاة أنهارت بالبچي گمت من مكاني ووگفت كدامها بجمود
-كافي لتبچين انتِ مو ضعيفه هرم بلا دلع
هرم:-أريد اعيش انسانة طبيعيه
مسك:-انتِ مو طبيعية لازم تستوعبين هالشي
هرم:-تعبــت بعذ ماعندي طاقة تتحمل هالضروف
مسك:-الله يقوينا ويرزقنا كل اللي نريده
هرم:-ما أسامح كل شخص خلانه نتبهذل بسببه
مسك:-يـله نامي هرم لتضلين گاعده ترى اللايت يخلص شحن ونبقى ضلمة
رحت للفراش تمددت ونمت مادريت شـصار ماصاير بيهن فزيت الصبح أباوع عليهن كلهن نايمات وياسين گاعد يدردم گمت شفته مبين جوعان طلعت وگعدت ديالا علموده خلته بحضنها ورجعت نامت وهو هَـم ضل يغمض ويفتح الضاهر صارله هْوايَــه گاعد وحده بدون لاا يبچي
بدلت ملابسي ولبست حذاء وگفت شفت بالجنطه مقص خليته بجنطتي من چنه ببيت أمنية فتحت كاميرا التليفون ضفرت شعري وبترت الضفيره من عرجها ضليت أگص بشعري الطويل لحد ماصار مثل شعر الأولاد علمود محد يعرفني رفعت التليفون شفت وجهي غريب متغير ١٨٠ درجة لبست كاسكيته وخليت الكلاو على رأسي
أخذت فلوس وسديت الجنطه شلت شعري وطلعت من البيت أتمشى بالشارع عبارة عن ريحة خبر وبيض وچاي شفت مره جاي تغسل ببابهم رحت يمها كلتلها اريد اغسل بهذا المي أخذت الصونده منها وغسلت وجهي وكملت طريقي
وگفت يم الأسواق اشتريت جبن وقوطية حليب لياسين وبطالة مي وعصاير للبنات طلعت من المحل ورحت اشتريت صمون ورجعت أتمشى للبيت وأني افكر أخذ كهرباء من اللي بصفنا لو من بيت أمنية المقابيلنا من تجي أحاچيها
شفت سيارة بالباب مال الهيكل الكاعدين بيه مشيت بسرعة شفت منو داخل السيارة حسيت مثل الكفخة أجتني من شفته دخلت للبيت شفت البنات نايمات وياسين وياهن شمرت الغراض يم البنات وطلعت
دگيت الباب مال السيارة ودفرتها برجلي أبتسم ونزل الجامه خاچيته بعصبية وبالگوه لازمه روحي ما أضربه
-شجابك هنااا
مجيد:-أتطمن على بــَنات اخوي وحفيدي
مسك:-امشي روح منا لاا هسه أضربك ضربه أنسيك مواليدك
مجيد:-اوف تتسبعين عليه
مسك:-واطيح حضك هَـم مجيد گلي شتريد من عندي
مجيد:-أريدچ
مسك:-شتريد
مجيد "بمكر" :-لــيش متبهذله هيچ تعاي تفضلي ببيتنا نستقبلچ بالأحضان أنتِ واللي وياچ
مسك:-نزل من السيارة ووگف گدامي لزم أيدي جريتها من عنده لزمني مو خصري دفرته ببطنه لزم بطنه بوجع وحچه بألم
-مسك أني جاي على مصلحه وياچ
مسك:-اي ؟
مجيد:-أريد تقتلين معاذ
مسك:-أقتل معاذ ؟؟؟؟؟
مجيد:-اي تقتلينه
مسك:-شِــنو ششايفني مجرمة لاا وتريدني أقتل زوجــي شبيك انتَ لهالدرجة ماعندك گلب ولارحمة تقتل بشرر
مجيد:-لعد راح انطيهم عنوانكم وافضح اسراركم عدهم
مسك:-متسويها والله أموتك ألك عندي استعداد ادفنك هنا
مجيد:-يگلچ بـَحـر حافر اربع حفرات بوادي السلام ألچ وللبقية
مسك:-روح منا واعتبرني مموجوده
مجيد:-بالمناسبة عندي ماضيكم وعندي دليل محتدثات بين هرم ومروان راح اوصلهن لبحر وانطيه العنوان
مسك:-محادثات منين جبتهن المحادثات
مجيد:-سهلة ماكـو أسهل منها هسه انطيچ مهلة فكري بينچ وبين نفسچ منا لباچر اجي اخذ موافقتچ تساعديني وتقتلين معاذ
مسك:-دار وجهه وراح واني بقيت أباوه مصدومة من كلامه لــيش كلشي أخطط أله يخرب ومايصير مثل ماريـد هسه مجيد منين طلعلي وشلون أقتل معاذ
دخلت واني محتاره وألف فكرة تدور ببالي حتى اذا طلعنا منا وين نروح اليوسفيه أكثر مكان أمن النا بغداد صغيرة بسرعه يلگونا وبيها اجهزه حديثه وشوارعها مليانه كاميرات گعدت ديالا مانتبهت عليها شِــنو حاچتني وياسين گعد وياها لازم طرف ملابسها ويفتر وراها أخذت الممه مالته شطفتها بالمي الجايبته وسوت اله حليب وانطته يشرب
غسلت وجهها بشوية مي واجت گعدت كبالي مصدومة من شكلي وشعري اللي گصيته
ديالا:-مسك شمسويه بروحچ حـبـيبتـي لــيش هيچ كاصه شعرچ مو حرامات صايره چنچ ولد !!!!!!!
مسك:-أحسن حتى محد يعرفني
ديالا:-عقلي ميگدر يستوعب أكثر بعد
مسك:-مجيد يعرف مكانّا ، توسعن عيونها وگالت بذعر
ديالا:-صدگ عود يمه شلوون بينا هسه أكيد راح يگوللهم
مسك:-يريدني أقتل معاذ حتى يتستر عالموضوع ويساعدنا
ديالا:-عـزه وانتِ صدگتي بيه ، أقصد شگلتيله
مسك:-رفضت طبعًا شِــنو شايفني قاتله أمشي واقتل بالعالم
ديالا:-اي زين سويتي
مسك:-بَــس هــوَ هددني يگول لبحر على مكانّا شـلون
ديالا:-مسك هذا فـدد واحد چذاب يَـعنـي اذا يوديچ تقتلين معاذ يكول لبحر علينا وبالحالتين احنا ماخلصانين منه
مسك:-لاا ويگول عندي محادثات هرم ويه مروان قبل من ردنا نشبكهم ببعض يريد يدز كلشي لبحر
ديالا:-لاا أله هالشغلة والله بـَحـر ميخليها عايشه يموتها
مسك:-اريد اعرف شـلون وصلتله المحادثات معقولة مروان دازهن اله
ديالا:-لاا ما اعتقد
مسك:-على يابرنامج جانوا يتراسلون ؟
ديالا:-أكثر شـيي عالأنستا
مسك:-وحساب هرم الطار بيه محادثات؟
ديالا:-لچ ايي حساب هرم القديم اللي تهكر وماعرفنا منو وشنو السبب وهيَ مسحته وسوت واحد غيره
مسك:-اي يجوز مجيد جايبله واحد يهكر حساب هرم ولأن حسابها ضعيف بسرعه اخترقوه
ديالا:-مسك شِــنو راح تسوين
مسك:-أفكر أروحح ويه مجيد حتى أقتل معاذ، ماريـد هرم تتأذى
ديالا:-يقتلونچ اذا رحتي شِــنو نسيتي آل صحار منو مسك تذكري منو همَ وشنو سوو بخوالي
مسك:-ماعندي غير حل ، لزمت أيدي ونزلوا دموعها
ديالا:-لاترحين والله ماريـد اخسرچ صدگيني ماتطلعين سالمة منها يقتلوچ ويدفنونچ بدون لاا أحد يشوف ولا أحد يسمع
مسك:-ميخالف كلنا جنازات مؤجله
ديالا:-وأحنا منو يبقى ألنا
مسك:-أوووف يــاا أنتن ، هرم تقودچن
هرم:-شــكوو شبيچن ديالا لــيش تبچين
رفيف:-صباح الخير
هرم:-هــوَ اليشوف وجهچ يشوف صباح بيه خير
ديالا:-تعالوا تريگوا بــَنات
مسك:-گعدنا أكلنا أني عفتهن ياكلن وتمددت بصف ياسين اللي لزم أيدي ويعض بأصابعي جوعان ويأشر ع الأكل
ديالا:-اووي ياسينو يريد ويانه ياكل ، اخذت نص صمونه خليتها بأيده وخر من مسك وضل ياكل بالصمونه ويشرب من الحليب الباقي من الممه السويتها اله قبل شويه
مسك:-باوعت للسگف ورجعت بذاكرتي لليوم اللي أجه معاذ واخذني للڤيلا اللي بأربيل
گعدت من نومي وأني أشوفه گاعد گبالي يدخن منتظرني أگعد من شافني لزم أيدي بلهفة وگال
معاذ:-صح النوم ياحلو
مسك:-ماريـد أشوف وجهك كدامي
معاذ:-أفاا هذا الوجه الجميل من دين تشوفينه لچ ميت عليچ مشتاقلچ
مسك:-معاذ گلتلگ ماطيقك ماريدك طلگني أني منتظرتك شــوَكت تطلگني ، عصب من كلامي وحچه بنبرة حاده
معاذ:-بحالة وحده تخلصين من عندي من اموت تصيرين ارملة بَــس لاا تتوقعين أعوفچ
مسك:-شتريد مني أكثرر فهمنييي شتريددد مو تدمرت بسببك يصيحولي المخبله ماضل واحد مايدري أني دخلت مستشفى مجانين نفسها أختك العوبه ممخليه أحد مگايلتله مسك دخلت مستشفى محانين هذا شـيي بسييط يامعاذ والله ما ارتاح اذا ما اشوفك تعاني بسببي
معاذ:-ندمان مسك صدگيني ندمان انطيني فرصة
مسك:-ماكـو چانت عندك فرصة وضيعتها
معاذ:-كله بسبب عمچ مجييد هــوَ اللي چان يدس السم بعقلي كل ما اشوفه يحچي عليچ وما أنطي بيچ كدامه چان يگول إنُ انتِ مو بنيه وعندچ علاقه وياه تجاهلت وتجاهلت بعدها من شاف ماكـو فائده گلب على غير موضوع وهو المرض النفسي يگلي خبله وعندها انفصام بالشخصيه وتاليها توصل للجنون وانتَ مرتك مخبله وهسه أهلك يدرون
وچنت مراقب كل تصرفاتچ واشوف كلام مجيد صح واللي صدكني وخبلني هــوَ من تقربتلچ طلعتي صدگ مو بنيه وردة فعلچ البارده وعدم الدفاع عن نفسچ شغلت عندي الشك
بمجيد أخذته عذبته خليته يتمنى الموت وميشوفه أصابعه حرگتهن خليته يعترف ويگول هــوَ مغتصبچ من چنتي طفله بعمر الخمس سنوات من اعترف بسوالفه چويت لسانه خليته اخرس شهر كامل مايگدر يحچي ، لــيش ماگلتيلي لــيش يامسك ضليتي ساكته
مسك:-لأن ماچنت متأكده وماعرف شِــنو اللي صــار
معاذ:-أسف لكلشي عانيتي منه حتى الأذيه الماچنت أني سببها أسف الها ، أنتِ بداخلچ طفلة مسجونه عمرها خمس سنوات مسجونه بداخل بنت جميله ماخذه الذكاء والمكر من اهل امها والخداع من اهل ابوها حرري هــاي الطفله واقتلي البنت السامه تموت
ننسى كل أذيه قدمناها لبعض وكل الضروف الصارت وكلشي تردينه يمشي بأمرچ اهلي أذوچ اخليهم يتأسفون منچ ويبوسون أيدچ نفر نفر لچ كل شخص بحياتي أعرفه يسواچ ماكـو شخص أثر عليه غيابه بگدچ غيابچ مثل المرض الخبيث هيچ ينهش بروحي سامحيني حيتي
مسك:-معاذ هذا مو تبرير للشي السويته ما أكدر أثق بيك الشفته منك چان كافي أعتذر ، طلع من الغرفة يجر خيبته طلعت وراه گعد بالصالة هــوَ وكميل وتعاركنادها خلاني أشرد ، رجعت للواقع البنات يسولفن سوالف عشوائيه صارت الدنيا ضهر واحنا على گعدتنا سمعت الباب ينضرب أمرتهن يدخلن جوه وطلعت أني فتحت الباب
شفت صديقتنا طيبه وياها أمنية نزلوا دموعها من شافتني چانت لازمه صينية أكل انطتها لأمنية وحضنتني بقوه وأني بادلتها الحضن دخلت للبيت ودموعها مانشفوا سلمت على البنات وگعدنا ناكل
.
.
ديالا:-كُـلش تونسنا أحنا والبنات ضلينا لليل نضحك ونتذكر سوالف قبل ومغامراتنا وأخذنا رفيف محتوى لأن فاهيه وبعدها أخو طبطب أجه سوالنا أناره جابلنا كهرباء من الشارع بَــس على الگلوب ووراحن البنات چانت فرحتنا مؤقته من راحن راحت وياهن الضحكة والحماس والطاقه الچانت عدنا بعد هالليلة انقلبت كُل الموازين نمنا وگعدنا الصبح مسك تحضر بجنطتها
-وين مسك ؟
مسك:-أروح ويه مجيد أنفذ اليريده
هرم:-لحضه شِــنو مجيد شِــنو أنفذ اليريده هذا شيريد ؟
مسك:-اقتل معاذ
هرم:-تخبلتي رسمي هسه ولچ زوجچ هذا شـلون تقتلينه أحنا بفضله گدرنا نطلع من أربيل لاتنسين روحچ مسك ولا تنسين معاذ
مسك:-انتوا بالبداية قبل نفسي ما انساكم يـله اريد أروحح
هرم:-مترحين
مسك:-لاا لاا لتسويلي عرضه خليني أطلع
ديالا:-تعالت أصواتهن وحده تحجي عالثانيه واني ورفيف نشاهد بصمت
هرم:-تموتين لج عوبه يقتلونچ
مسك:-اذا انقتلت البنات وياسين بأمانتچ ياهرم
هرم:-لتحچين هيچ تتبرعين بروحچ حتى تقتلين معاذ غير يطلعونچ جنازة
مسك:-أني رايحه للموت تذكروني دائمًا وكملن المخططين اله الجوازات كامله ووكالة ياسين موجودة عند ديالا وفلوس راح اعرف لهرم كم فلس هرم اذا متت البطاقة من تكمل استلميها انتِ وحوليها الچ وكلشي يصير بأسمچ انتِ والبقيه يـله بيباي
.
.
يتبع