النَية چَانت
بَس " أحِبك "
وَ ما أحِب كُلشي
يُخصك ، تـالي
حَبيت المِدينّة
وَأهلك ، وَناسّك ، وَعُطرك .
﹌﹌﹌﹌﹌﹌﹌﹌﹌﹌﹌﹌﹌﹌﹌
التفتنا على صوت الأيــسر هو يكول
::-اتزوجها
بــقى أثـــير مصتك بــ مكانة نزل درجات و أردف::- مــا تلكة فرصة احسن من هاي
بـــاوعت الهم::- ترة البنية ماخذة موقف من عندة شنو يتزوجها انوب??!! مــا تريد تزوج اصلا ليش الحل الوحيد عدكم هو الزواج تردوها تصير مثلي?!!
الأيــسر::- وشبيج أنتِ!!!?
باوعتلة مــا راضية و أردفــت::- الحل الوحيد هو تعقد علية والا يزوجوني شخص زايعتة الڪُاع ليش تربطون الحلول بــ الزواج?!!
دخل ادية بــ جيوبة و رفع حاجبة
الأيــسر::- عندج حل ست ايـــة
::- اكو الف حل و حل مـاڪُو خلصت بس الزواج هو الحل?!! بعدين الولد تاجر تاجر مخدرات ابسط شي تـــڪُدر أنت تسجل علية دعوة وتاخذة للسجن خلصت فضت
::- مو هي هيتة من وحدي اروح اسجل علية دعوة غير اكو دليل يثبت هو صاحب مخدرات?!! يجوز يتعاطى مو تاجر انا مــا أڪُدر اتصرف من كيفي ساعتها انا الــي راح اتضرر
::- أنت واعدتني تساعدني الأيــسر!!!
::- واعدتج و چــاي اوفي بــ وعدي ليش رافضة فكرة الزواج الحل الوحيد الــي يڪُدر يساعدها هو الزواج بعدين هم تظل يمج و هم أثـــير مــا يقصر وياها راح يداريها و انا متاكد هو يحبها
صفنت بــ وجها تفكيرهم بس بروحهم هو يحبها انا احبها بس احنا مــا يفكرون بينا أردفــت::- زين عدك علم بــ رائيها هي
صدمني من جاوب::- مــا عدها غير حل لْـۆ تزوج أثـــير و تبـقى هنا لْـۆ تروح يم واحد تتندم طول عمرها لان تزوجتة
::- أنتم مل عدكم شغل وعمل غير يحبها احبها زين و احنا شنو موقعنا مشارعنا مــا الها قيمة عدكم?!! مو لآزٍمٍ نبادلكم نفس المشاعر
::- بــ الحالتين نفس الشي ان كان تزوجت واحد غريب اول تالي بــ العشرة تحبة او تتعود على وجودة ان كان أثـــير هم اول وتالي تحبة لان راح تشوف الــحب بــ عيونة
سڪُتت بس مقهورة بـــاوعت ل أثـــير الــي طول مــا احنا نحجي هو صافن رايح ل بعيد أردفــت::- العريس خنس بيها زواج
رفع راسة يباوعلي بــ عتب::- شل قضية ايـــة عبالج صدك العب عليها الله وكيلج احبها
سڪُتت رجع ڪُال بــ حيرة::- بس خايف ترفضني
جاوب الأيــسر بــ كل برود::- ساعتها هي الراح تخسر وتزوج زواج اجباري توافق علية
صفنت بــ وجها شلون يفكر هذا?! انوب هو يحجي و انا اربط كلامة وي حالتي الــي صارت يعني حصرني بــ الزاوية لْـۆ تزوجيني لْـۆ تزوجين واحد عار?!!
عفتهم وردت ادخل صاحلي الأيــسر جــنت مــا طايقة اشوف وجهة::- ها
::- قنعيها كليلها مــا عندج غير حل
التفتت الة اباوعلة مقهورة::- راح احجي وياها بس مال اقنعها واوهمها انو راح تحبة مستحيل لان مـاڪُو شي يجي بــ الكوة
بهت وجها يــباوعلي عفتة ودخلت للغرفة لڪُيتها ساندة راسها على تاج الجرباية وصافنة بــ الفراغ تقربت الها ڪُعدت يمها فزت تباوعلي
::- رؤيـــا باعيلي و ركزي وياي بــ كل حرف الله يشهد الــي چــاي اسوي ڪُلة ل مصلحتح
باوعتلي::- كولي
::- أثـــير راح يطلب ايدج للزواج توافقين علية لْـۆ لا
فتحت عيونها على وسعهن وانتفضت::- شنننو منوو مــا أريــدة ايـــة مــا أريــدة عادي اوافق بــ ذاك الولد بس هو كارهتة مــا أريــدة
تنهدت::- زين احجي وياه حاولي تفهمين منة ليش هو سوة هيج انا و الله العظيم مو دفاعاً عن أثـــير السواه غلط وياج بس هو من حركة كلبة مــا يعرف شلون يتصرف حجيت وياه وكالي احترك ڪُـلبي مت سمعت مخطوبة
سڪُتت تباوعلي دموعها على خدها::- ايـــة ابن عمج الــي ادفعين عنة باسني
فتحت عيوني على وسعهن مصدومة شهـــڪُت بــ النفس و أردفــت::- طول عمري أڪُول رغم ڪُلشي صار و المريت بي انا كدرت احافظ على نفسي وما اخليها تتنكس بــ الحرام بــ الوقت الــي جــنت مامنة من ناحيتة يمكن لاحظت اهتمامة ولاحظت نظراتة بس مــا توقعت فد يوم يتقربلي بــ الحرام ايـــة شعوري هسة عايشة بــ القرف قرفانة من عندة
ضاعت الكلمات من شمرت روحــها بــ حظني تبجي و تشهك حتى مــا عرفت شلون اواسيها او شنو أڪُول الها
ضغطت على ايدها و أردفــت::- رؤيـــا انا وياج بــ كل تصرف تتصرفي لا تكولين ابن عمها وتوكف وياه انا لْـۆ خيروني بينج وبينة راح اختارج بدون تردد
حظنتني تشهك و تحجي::- طول عمري عشت وحيدة الشخص الــي تعلقت بي من بعد امي وابوي هو أنتِ انا مــا حابة افاركج بس مــا أڪُدر تعبت انا تعبت
بعدتها من حظني::- لا تبجين اسكتي مسحي دموعج حبيبتي الكاتبة الله يصير
هزت راسها وراحت تمددت وانا رحـت شربت علاجي ونمت الليل ڪُلة احوس و رؤيـــا ذبت روحــها وغفت ظليت لوقت متاخر كوة يلا نمت
ثاني يوم ڪُعدت رؤيـــا نايمة ڪُمت غسلت وجهي بــ الحمام وفرشت اسناني وطلعت لكيتهم الكل ڪُاعد يتريك صبحت عليهم وتوجهت للمطبخ
صبيت كوب حليب اجة الأيــسر وراي::- تعالي سويت الج بيض سلك
باوعتلة::- مــا احبة!!!
::- من اليوم لآزٍمٍ تحبي
::- الأيــسر تدري بية مــا اكلة شنو السالفة تلعب روحــي من ريحتة
::- ميخالف تحملي
باوعتلة مــا قابلة سحب ايدي باسها::- زعلانة مني?!
::- اي
::- السويتة البارحة لخاطر أثـــير مــا تدرين شنو الصار بي من سمع تتوقعين هذا الــي خاطبها راح يحبها مثلما أثـــير يحبها راح تلكة عائلة مثلنا ايـــة انا افكر بــ مصلحتها اكثر من مصلحة أثـــير اريدها تعيش بــ امان وصح اليوم طلبت معلومات عن هذا الولد مثلما توقعت الف شبهة علية وخريج سجون بــ اكثر من تهمة
يڪُدر يسعدها مثلما أثـــير راح يسعدها على اقل تـــڪُدر تنام مرتاحة مــا تنظرب مــا ينكسر الها خاطر ولا راح تبجي لان أثـــير مستحيل ياذيها شنو اليضملننا ذاك مــا يضربها او ياذيها يجوز حتى يخليها مدمنة مثلة وراح تنتهي حياة البنية أنتِ حجيتي وياها ليش مــا تقبل توافق علية
غمضت عيوني بــ قهر احاول افكر هزيت راسي و أردفــت::- أثـــير ...
ردت اكلة بايسها بس مــا اعرف شنو السكتني تنهدت::- اكثر من مرة يوكفها يحجي وياها يذب عليها ڪُلام عبالها من ذولة السرسرية البشارع
ابتسم::- قنعيها لا تخليها توافق ل مصلحتها الله يشهد علية افكر بيها بعدين يلا افكر بــ اخوي
هزيت راسي و ابتسمت هو سحب ايدي كعدني على الميز وبدة يقنعني احب البيض السلك::- من جنتي صغيرة تكليلي أريــد بيضة سلك وتحبيها قبل لان طعمها طيب
أردف أصــيل::- ليش تجذب صار بيها فقر دم وكمت تجبرها على بيض السلك يومية نكعد على صراخج الأيــسر رابطج بين ادية ويوكلج غصب عنج
الأيــسر::- ايا طايح الحظ قندرة مــا تسكت اسكت
باوعتلة بــ نص عين ابتسم::- صح جــنت اجبرج بس جنتي تاكليها
أصــيل::- اي شتسوي المكرودة اذا حاصرها وفاك حلكها بــ الكوة
خنزر بــ وجها محتقن هو ميت ضحك علية أردف الأيــسر بــ حباثة::- عمة أصــيل لكالة عروس
بهت أصــيل يباوعلة مصدوم عمة جميلة شهـــڪُت و أردفــت::- شنهي لكالة عروس شنهي منين هاي ايمت شفتها بتمن?!!
أصــيل بــ احراج::- ها عمة لا شسمة هو ...
الأيــسر::- عائلتها طاكة حيل يضر*** فلوس
::- يع شنهي منين هل بت?!!
أصــيل::- مو وكتها عمة هساع چــاي نتعارف على بعض
::- شنهي تتعارفون على بعض مخابرات وكلة حجي حرام چــا مو عيب لالة انا مــا عنديش هيج ڪُلام المن خلو الخطوبة اخطب وطول خطوبتك وتعارف براحتك يبعد امك
سڪُت أصــيل ضايج طفرت ســـمر::- يلا أصــيل تزوج خلينا نفرح و الله من زمان مــا فرحانة انا
باوعلها عيونة محتقنة حتى هي سڪُتت تباوعلة بــ خوف دفعت الخاشوكة بــ نص الميز وكام حتى الكرسي انكلب وراه
أردف الأيــسر::- ســـمر لْـۆ تكرمينا بــ سكوتج احسن
عمة جميلة::- شنهي البت شكالج هساع چــا شنهي مخابرات وتواعد وين عايشين بــ امريكه
جريت قميصة وكرصتة من ضهرة هـــمس::- خرب غيرتج اخ ولج
::- كلها من وراك جشتهم جوش وتلوم بــ ســـمر ســـمر شعليها
سڪُت مــا يحجي احس اكو شي ضامي علينا بس شنو هو مــا ندري?!!!
كملو الاكل لمينا السفرة انا وسمر هي غسلت الماعين و انا غسلت المطبخ اجت عمة جميلة تركب غدة هي وعمة سهاوي الــي هل ايام مــا اعرف شمالها وجها اصفر كلما يكولون الها الولد خل ناخذج مــا تقبل تروح
"ســـمر"
بــ يوم الــي نشرو نتائج ايـــة شفت الفرحة بــ عيونة شلون مفتخر ببها و فرحان
مــا انكر الكل فرح الها بس هو جانت نظراتة غير الها طشو الكل لغرفتهم
جــنت بــ الغرفة و راسلت تبارك جان تكلي::- منو يمج هسة
::- محد
::- فتحيلي كامرة
فتحت الها كامرة تضحك وتسولف وياي::- اكلج سوسي
::- ها تبارك
::- ليش مــا ترحين هسة ل الأيــسر لبسيلج لبس يخبل وروحي تحججي بــ اي شي چــاي ماي عصير
::- دخل يسبح اعتقد
::- دكومي هاي فرصتج مدام دخل يسبح من يطلع من الحمام تقربي من عندة كومي
ڪُمت بــ تردد و أردفــت::- شلبس
::- لبسي شي خلو وبيني تفاصيلج بيني****و***
كامت تفشر عقدت حواجبي::- تبارك كم مرة اكلج لا تفشرين هيج عيب أنت بنية حتى حرام
::-*****
رجعت فشرت بــ اقوة منها سديت الخط كتبتلي رسالة::- يلا روحــي استغلي فرصتج
فتحت الكنتور ولبست تراك رصاصي حصر على جسمي بحيث الدكم كوة سديتهن وخليت مكياج ورتبت نفسي خليت عطر وشمرت الشال شمر هيج كلاوات
طلعت متوجهة لغرفة الأيــسر بـــاوعت المي مفتوح بــ الحمام تقربت من جهة الباب فتحتة اباوعلة روحــي صارت بي للحظة خطرتلي شغلات تعوذت من الشيطان وديت الباب بــ هدوء
ڪُعدت على جرباية جريت المخدة مالتة اشم بيها اسحب نفس بــ كل قوتي احس روحــي تريدة بعد مــا أڪُدر
حاولت اطرد افكاري لان ما كدرت لذلك قررت اطلع لان اكو شي بداخلي يحثني على حرام اول مــا طلعت شفت ايـــة تدبج على الدرج
رجعت للغرفة افتح بيها شفت دولكة مي خالها على ميز يم راسة بسرعة رحـت بللت شعري بيها وفتحت كم دكمة من القميص و هوست شعري
اول مــا حسيتها وصلت يم الباب طلعت بنفس الدقيقة سمعت باب الحمام انفتح ابتسمت هذا الاريدة
ظلت تباوعلي مصدومة و عيونها مليانة شڪُ و هذا انا الاريدة اخليها مــا تفرق بين الحقيقة و الشك و اكثر شي يخرب العلاقة هو عدم الثقة و الشك
عفتها بــ حيرتها وطلعت من عدها مثلت انا رحـت لكن بس دخلت رجعت وكفت يم الباب ظليت واڪُفة و اسمع كلامهم
من صارو يتعاركون ابتسمت عفتهم وطلعت و على وجهي ابتسامة نصر بعدج مــا شايفة شي
نزلت لجوة بــ المطبخ راسلت تبارك::- الكلتي علية صار دخلت الشك بــ ڪُلب ايـــة
::- عفية عليج و اخيرا اقتنعتي تمشين خطوة شلعتي ڪُـلبي
::- صدك تبارك ذاك اليوم اخذتي رقم أصــيل كلتي محتاجتة شعندج وياه?!
::- اي صح احتاجيتة اسالة بــ كم شغلة وهو مــا قصر لج تدرين طلب من عندي ادزلة صورة و كتلة مــا أڪُدر ادز خلينا نتشاوف وطلعنا تشاوفنا لا تشوفي شلون مــات علية
عقدت حواجبي::- يعني أنتِ وياه چــاي تتواصلون?!
::- اي
::- اوكي خوش
::- شبيج ضجتي?!
::- لا مــا ضجت بــ العافية عليكم
كلتها وسديت النت خاصمة الحديث وياها بـــاوعت معقولة بــ هل سرعة نساني??! اووي انا شعلية خلي خل ينساني
ردت اطلع من المطبخ لاكاني ابتسمت الة بس هو و لا ڪُأنو شخص موجود كدامة راح لجهاز القهوة يحظر بــ كهوتة
::- ترة السلام ل الله مو لواحد
عبالي مــا سمعني ولا حتى التفت وباوعلي صرت كدامة::- يمعود شبيك
بــاوعلي عيونة جمر خازراتني::- شتردين?!
::- شبيك
::- شعليج أنتِ بــ البية ها?
ظليت صافنة من طريقتة بــ الكلام وياي انهضمت وابتعدت كم خطوة وجاوبتة::- بــ راحتك
بــاوعلي بــ طرف عينة واخذ كوبة وراح مــا احس الا دموعي نزلت رفعت ايدي امسح بــ خدي متفاجئة شبية انقهرت عليمن??!
شسويتلة انا وهيج يعاملني طبة مرض صوجي انا احجي وياه
عفتة و رجعت ڪُعدت بــ المطبخ و اراسل بــ تبارك سولفت الها الصا صدمتني من كامت تحجي علية
::- شبيج مــا عندج كرامة أنتِ عوفي أصــيل عوفي خلي الأيــسر هدفج أنت مو تحبين الأيــسر بعد شلج علاقة بــ أصــيل خلي يزعل زعلتهم
::- يبقـى ابن عمي عشرت عمر انا مــا سويتلة شي هو اخذ موقف مني مــا اعرف على شنو
::- من ورة ايـــة لان شهدتي ضدها ولج ثولة اشتغليلها مثلما تشتغلج شبيج أنتِ!! خلتهم كلهم يكرهوج وما يحبوج و أنتِ اافاهية كاضيتها تراضين بــ أصــيل اصلا مو تكولين يا ريت لْـۆ ينساني ابتعدي عنة خل ينساج اصلا من صالحج
يجوز الأيــسر معجب بيج بس يخجل من أصــيل أصــيل مانعة لان يحبج وهو يدري بي بس يعرف أصــيل مــا رايدج بعد يجوز يلتفت الج هو شلاكي من هاي الزعطوطة ايـة
سڪُتت كلما اراسلها مــا اعرف شنو الــي يخليني اشوف كلامها صح صحينا على صوت الأيــسر يصيح بـــاوعت لكيت الأيــسر واڪُف يم حمام الغرفة مالتهن ويدك بــ الباب
التفتت على رؤيـــا::- شصاير
::- ايـــة قافلة الباب عليها بــ البداية جانت ترد هسة مـاڪُو اختفى صوتها
شي بــ داخلي دفعني اروح اشوفها شي بداخلي شعور خوف عليها ركضت ادك بــ الباب و احجي::- ايـــة حبيبتي فتحي الباب يلا انا ســـمر فتحي
مـاڪُو صوت ظلينا ندك و الأيــسر متخبل كلما اشوف خوفة ولهفتة عليها تشيط روحــي للزركة وترجعلي
دفر الباب الأيــسر و انفتح واشوف ايـــة متكومة بــ الڪُاع ركضت الها ادية ترجف من الخوف::- يمة ايـــة يمة ولج ايـــة حاجيني شبيج
رفع الأيــسر راسها يباوعلها شفايفها زرك زرك وجها شاحب هسة انا شفتها مــا بيها شي اجو الولد رفع راسة الأيــسر دموعة بــ عينة جسمة ڪُلة يرجف
صاح للـ أصــيل::- عين اخوك مــا عندي الحيل اشيلها
دخل بسرعة أصــيل رفعها وطار بيها للسيارة اجة الأيــسر مهرول بسرعة اخذ السويج وطار بيها طيور
ظليت مفهية ڪُـلبي دڪُـاتة علن انفاسي تسارع كوة اجر النفس ڪُعدت مهدود حيلي اباوع ل ادية كلهن يرجفن
جريت الــموبايـل شفت تبارك دازتلي::- وين رحتي
::- ايـــة تبارك ايـــة مــا اعرف شبيها لكيناها واكعة بــ الحمام لا تحرك لا ايد و لا رجل
::- و شبيج أنتِ بس لا خايفة عليها
::- تبارك ايـــة اختي?! حتى لْـۆ صار بينا خلاف بس تبـقى اختي انا الاريدة تبتعد عن الأيــسر مــا اريدها تنضر
::- أنتِ فد وحدة بطرانة خايبة هي ماخذتة ومكرها الدنيا بيج ومخلية روحــها بــ اول من الدلال والمحبة و أنتِ تصيحين اختي يا اخت هاي ولج غير تدري بيج تحبي وراحت بــ كل صلافة عقدت علية وسوتلة عقد ويركصون ويهبهلون تذكرين ذيج الليلة شصار بيج وصلتي الــموت وست ايـــة نايمة بــ حظن حبيبج
غمضت عيوني راسي يريد ينفجر من الالم والتفكير فززني صوت رؤيـــا هي تڪُول::- شبيج ســـمر
خزرتها مــا اعرف ليش كارهتها يمكن لان اخذت ايـــة مني رغم ايـــة حاقدة عليها انا بس اريدها وحدي الــي مــا اعرف بــ شنو احس بــ وقتها مخربطة افكاري?!!!!!
::- شدخلج
::- مو زين سالتج?!!
::- لا مو زين
::- ولله مو صوجج صوجي انا لْـۆ عايفتج تمثلين خايفة على اختج ولا سالتج
رفعت راسي مصدومة هي كتفت اديها ورفعت حواجبها::- ها جذبت عبالج من تمثلين على ايـــة المسكينة تعبر علية جذبج خطط شروق منكعتهن وشاربة مايهن ما يمشن علي
وكفت ردت اهجم عليها أردفــت
::- شوفي ولج لا تخليني اخليج بــ بالي وحق القران اندمج على الساعة الصرتي بيها شوفي تبعدين عني احسلج لا بــ القران اراويج شي عمرج مــا شايفتة
::- مــا تخوفين جلبي
ابتسمت::- خوش چــا بسيطة لا عبالج ايـــة دايمتلج هسة ادير ضهرها الج مثلما دارتلي ضهرها
ابتسمت بــ برود و أردفــت::- الغرفة تتعذرلج اطلعي برة
فتحت عيوني على وسعها مصدومة منها::- لججج الحييية منوو انتيي حتى اطردييني مو احناا لفينااج من الشااارععع وجبنااجج خلينااجج هنناا يااا زباللة
::- خلصتي تفضلي وراي سبح وانظف الغرفة لان احس من دخلتيلها تسمم الهوة البيها
ردت اهجم عليها دخلت عمة جميلة تــباوع علينا::- شبيجن اصواتجن طالعة
رؤيـــا::- ســـمر تبجي على اختها وانا چــاي أڪُول الها الأيــسر وياها مــا يعوفها بس تشوفة يمها تصير زينة
بـــاوعت الها مبتسمة ورافعة تك حاجت دفعتها من متنها وطلعت من الغرفة و الله الا اندمج يا جلبة
جريت الــموبايـل و اتصلت بــ شروق رن اول رنة بــ الثانية ردت::- وينج أنتِ وعدتيني تفرقينهم عفتيني ورحتي جذبتي علية
::- لا تصيحين عمج يمي اليوم ارجع
::- ترجعين وتنفذين الكلتة الج وها هاي رؤيـــا اريدج تكصين لسانها صايرة طويل
ضحكت::- هاي الفارة طلعلها لسان خوش خوش عندي دبارها و بالنسبة للشغلتج اعتبريها تمت راجعة وناوية احركهم حرك مو بس افرقهم
::- شوكت ترجعين
::- بس يتغدة عمج ابو طحش كرشة لكدام مــا يشبع
سڪُتت رجعت ڪُالت::- أنتِ لْـۆ بس تسمعين مني وتخليني اسوي الــي براسي ولج هاي شغلها مضبوط
::- لا مستحيل الجئ للسحر والشعوذة مستحيل
::- ولج بس تفرقة مــا نسويلهم شي تفرقة وكراهية نخليهم يبعدون عن بعض حتى تفرغلج الساحة و الله هاي المرة شغلها مضبوط
::- ابد اذا أريــد افرقهم بــ رضاتهم اخلي واحد يكره الثاني مــا أريــد سحر و هل شغلات
::- أنتِ الخسرانة هذولة متعبين مو بــ السهولة تفرقيهم يرادلهم وكت بس لْـۆ جبتي العمل مـاڪُو اقل الاسبوع و أنتِ بــ حظن الايسر
::- لا سدي الموضوع
سديت الخط بدون لا اسمع جوابها روحــي محتركة حرك مــا اعرف عليمن طلعت من الغرفة روحــي تلوب
نزلت لجوة وعمة جميلة تفتر وتسال بــ الولد يردون يعرفون اوضاع ايـــة وليش تخربطت ساعتين يلا اجو دخل الأيــسر شايلها انهبط ڪُـلبي
الأيــسر وجها مــا يتفسر من الخوف عليها دخلها للغرفة ڪُـالي حظري الغدة ڪُمت حظر الغدة الهم ووديتة
حاولت حتى اروح وي الأيــسر بس مــا قبل سمعتة ڪُال أريــد اسبح ڪُمت صعدت لفوك اتخنس وصلت يم الباب أريــد افتحة وما احس الا نشاليت من خصري شهـــڪُت
بسرعة تخلت ايد ضخمة تمنع صوتي ڪُمت ارافس منو هذا عرفتة منو من دخل بية للغرفة مالتة ابتعد عني دافعني للـ كاع
انجبحت على وجهي وادية تزلغن دموعي نزلو باوعتلة واڪُف يــباوعلي بــ كل برود
أصــيل::- شجنتي تسوين ولج?!
ســـمر ::- أنت شعليك هااا شعلييييككك
ابتسم وثنة رجلي ڪُعد بــ مستواي::- رايحة حتى تتمعنين بــ جسم حبيبج الايسر??!! لْـۆ تسويلج فليم حتى يخطبج ويعوف اية?!!
فتحت عيوني على وسعهن شمدري انا هيج مسوية?!!! بلعت ريكي مهضومة ڪُمت واڪُفة معترضة على كلامة::- مــا اسمحلك تحجي هيج..
::- هاي الحقيقة ان سمحتي او لا
::- طلعني منا
::- جؤ
::- طلعني چــاي أڪُول
::- مـاڪُو اطلعين
انهاريت::- شترييييدد انتت شتررريدد
ابتسم وتقدم ناحيتي رغم ابتسامتة بس عيونة جمر يذبن حقد بــاوعلي وتقرب مني يهمس
أصــيل::- يجوز جسمي يعجبج اكثر من جسمة!!!
فتحت عيوني على وسعهن مصدومة جمدت بــ مكاني اباوعلة رفعلي حاجب::- نجرب?!!
ڪُالها وبدة يفتح بــ ازرار قميصة ردت اموت الا شوية طفرت لازمة ايدة فاتحة عيوني على وسعهن::- لا لا لا فدوة لا أصــيل فاهم غلط دخلت ردت احجي وياه و الله ردت احجي وياه
::- اتمعني بــ جسمي هم وحد?'!!
نزلو دموعي مغمضة عيونة من نزع القميص ڪُلة و ظل بــس بــ التعلاكة تقرب ناحيتي احس انفاسة حارة تلهث بــ وجهي
::- اشتهيتي?!! تردينة?!!
فتحت عيوني اباوعلة صح انا هيج حجيت بس شمدري نزلت عيوني بــ خجل ابجي::- لا لا
::- اريح**ج بــ دالة??
فتحت عيوني مصدومة ڪُـلبي ظل يرجف من الخوف تراجعت خطوات لورة تقدم وياي
كلما ارجع يتقدم علية لحد مــا صار ضهري بــ حافة الجرباية بــاوعلي من فوك لجوة سحب الشال من راسي ذباه عطت::- اخخخخ وخررر
هـــمس يم اذني خلاني::- المن لابستة اذا حتى ***** مبين?!!!!!
فتحت عيوني جسمي ڪُلة يرجف دموعي مــا وكفت دفعني بــ خفة ايدة على جرباية شهـــڪُت راجعة لورة سحبني من رجلي وصار فوكاي
ردت اموت انتهيت من الخوف ردت اعيط بسرعة رفع ايدة وحطاهن على حلكي أردف::- بس تصيحين أڪُول الهم هي اجتني بــ هذا لبسهم واخليهم يزوجونا عصب عنج ستري على روحج
طفر جاب شالي شفتها فرصة ركضت أريــد اطلع بس جان اسرع من عندي ركض بسرعة سحبني دفعني على جرباية وصار فوكي ربط ادبة بــ حافة التاج
بقت بس رجلية ترافس ڪُمت اشهك بــ النفس راح توجه للكنتور طلع رباط وربطلي رجلية ظليت انود بــ جسمي مــا عندي حيلة بس لساني اتوسلة بي
::- أصــيل بــ داعة ستر خواتك أصــيل بداعة ايـــة وسترها عوفني عوفني و الله من رحتلة جــنت رايدة احجي وياه فدوة عوفني راح اموت من الخوف شتريد تسوي شتريد
ابتسم::- مو هذا التردي انت?!!
::- لا لا و الله مــا أريــد ابد ابد شوف أصــيل فدوة خليني اروح بعد مــا تنعاد
::- قبلها صدكتج سمر?! قبلها صدكتج وشصار!!! خذلتيني بــ تصرفاتج
عطت مقهورة::- شغليك أنت شعليك
::- العلية اربيج وارجعج لطريق الصحيح يا ***
غمضت عيوني ابجي من غلط علية تقدم وانا ڪُمت ارافس ڪُمت اشهك واشيل بــ جسمي و الزكة بــ الجرباية تخبلت
فتح اول دكمتين من قميصي وانا اشهك اشهك عطت بــ صوت::- سااااااااعدد.....
بعدني مــا مكملة خلة ايدة على حلكي مانعني اصرخ وفتح باقي قميصي تخبلت تستهترت ظليت اشهك بــ الهوة
مثل الطلقة صعدت راسي غمضت عيوني ردت افقد وارجع افتح عيوني مركزة وياه مــا أريــدة يسويلي شي
نام يمي على جوباية عيونة لفوك انفاسة عالية انا ارجف أردف::- كطعي صوتج لا اكمل العفتة
حتى انفاسي كطعتهن بس صوت شهكاتي تارسة الغرفة دموعي من وحدهن ينزلن
ظل ربع ساعة عيونة للسكف ڪُام وكف باوع ل حالي جر حسرة من نص كلبة وتقرب ناحيتي وانا ابجي::- لا تسويلي شي أصــيل أصــيل
::- لا تخافين اهدي
::- فدوة أصــيل فلني فدوة
::- هسة افلج
مــا رفع عينة بــ عيوني ابد ولا حاول يباوع ل جسمي عيونة تندار كلما يصدلي تندار عنب ابد مــا بــاوعلي ولا حتى بالغلط
فتح ادية بسرعة طفرت دفعتة افتح بــ رجلية جسمي يرجف عين الة وعين للربطة ڪُام وكف و انا ارجف
فتحت ادية سحبت شالي اغطي بــي روحــي اشهك::- مــا راح اسامحك
ابتسم و حجة بــ وعيد::- اخر جنص الج لْـۆ شفتج تعيدين بــ تصرفاتج صدكيني مــا راح ارحمج
::- شعليكك أنت شعللييكك
::- هذا العندي وهسة فاركي يلا مــا أريــد اشوف ركعة وجهج
عفتة وطلعت انفض من الخوف رجلية ترعش نزلت لجوة محتاجة احد احجيلة راح اموت من القهر توجهت لغرفة ايـــة اباوع مــا هي بس رؤيـــا
عطت بيها::- وووووييين ايـــة
من شافت حالتي جاوبتني::- طلعو هستوهم هي وايسر
ركضت بسرعة طالعة لبرة لكيتهم ستوهم يحركون السيارة جسمي يرجف مسحت دموعي حتى مــا يشكون وركضت ناحيتهم
توسلت بــ الأيــسر حتى ياخذني مــا أريــد أبـقى وياه مــا أريــد بس مــا قبل?! عافني متجاهلني ولا سال عن حالتي جان معمي على عيونة كل اليشوفة وكل نظراتة على ايـــة وحالتها
بقيت اباوع للسيارة وابجي مــا همة دموعي وشخط السيارة وطلع رجعت اباوع للبيت روحــي رايحة كلما اتذكر الموقف الصار بيني و بين أصــيل ينهد ثلثين حيلي خايفة ادخلة وينعاد بية السواه مرة ثانية
رجلية ترعش دخلت لجوة اباوع محد رفعت انظاري لصوت الخطوات جاية من الدرج شفتة أصــيل نزلن دموعي ابتسم وراد ينزل الــي ركضت بكل مــا بية دخلت ل غرفة عمة جميلة
فزت من عندي::- مالج ويعة خرعيتيني
::- عمة عادي انام يمج
عقدت حواجبها::- ليش مالج ويهج اصفر
::- مـاڪُو شي بس من كامت ايـــة تنزل جوة ڪُمت اخافن انامن وحيدي
::- تعاي لية فرشي ونامي هناية
هزيت راسي ورحت طلعتلي مندر فرشتة ونمت متلفلفة وكلما اتذكر الصار دموعي تنزل بــ خوف ليش هيج سوة وياي راح اتخبل?! شعرفة انا هيج حجيت و شعرفة دخلت انا من دخلت الكل جانو جوة شمدري?!!!
خطرت بــ بالي تبارك بس هي سولفتلها معقولة هي الكالتلة?!! طفرت ساحبة تلفوني بسرعة دزيت الها::- وينج موجودة
بسرعة ردت علية::- اي ها
::- أنت كايلة لـ أصــيل انا دخلت لغرفة الأيــسر!?
::- شننو انا شعلية
::- تبارك احجي الصدك??!! أنتِ لْـۆ لا لان محد يعرف بــ الصار بس أنتِ سولفتلج
::- ولج و الله مو انا ونبي انا صح تواصلت وياه والتقينا مرة بس ابد ابد ابد مــا حجيت وياه بعد
ظلت تحلف وتتكفر بعدها سوتها زعلة صدكتها مو هي?!!! لــعد منو!!!!!!
ظليت حايرة اخر شي ڪُـلت احتمال شافني من دخلت وسمع حديثي وي تبارك مـاڪُو غير هل شي
رجعت نمت تعبانة مــا ڪُعدت الا المغرب ڪُمت بية مــا بية طلعت للهول اباوع لكيت شروق ڪُاعدة ومترسة البيت جنها البيت بيتها
ابتسمت من شفتها رفعت راسها باوعتلي طكتها بــ ضحكة رنانة مثل ضحكات الراقصات أردفــت::- ڵـڱ هلاا بــ الحلو
ابتسمت وتقدمت بوستها و أردفــت::- البيت وحشة عليج
::- يا بعد عمري انا هم اشتاقيتلكم
عمي جان ڪُاعد ينركل باوعتلة شروق وواردفت::- هاي رغم مو بت اخوك بس احسن من بت اخوك وذيج البربوك الربيتها تسال وتخابرني
بــاوعلي عمي::- معدلة ســـمر وعاقلة
شروق::- لْـۆ الأيــسر مــا خاطب جان انطيتها الة ثنينهم عاقلين
عمي سڪُت لحظات و أردف::- ننطيها ل أصــيل ولد عمها هواي يسدون عين الشمس
اتوترت وباوعت ل شروق أردفــت::- لا يجيها اليستاهلها معتبرتهم اخوتها مو سمورة
هزيت راسي بــ اي ساكتة طلعت عمة جميلة بــ وجها للولد تصيح عليهم تريدهم ينزلون يخابرون الأيــسر حتى يشوفون وضع ايـــة
نزل أثـــير و ڪُال أصــيل نايم من كل ڪُـلبي دعيت علي ينام وما يكعد بعد من كل كلبي?!!!
خابر أثـــير الأيــسر و كالة مــا لحكنا على الدكتور بقينا لباجر وعمة جميلة تلوب ڪُمت توضيت بية مــا بية وصليت ودعيت مـاڪُو شي يصير ل ايـــة بــ التالي هي اختي مــا اريدها تتاذة بس انا مــا اريدها وي الأيــسر أريــد الأيــسر بس الي!!!
ثاني الصبح كعدنا من وقت على عمة جميلة تولول وتبجي طفرت فتحت الباب واشوف الوجوه متكدرة والولد مخبوصين مبدلين يردون يطلعون
لعب ڪُـلبي و أردفــت بــ صوت خــافت كوة ينسمع::- عمة شـــڪُو!???
باوعتلي تبجي::- عمة اخيتج بيها قلب عمت عيني عليج يمة ايوتة منين اجاج
شهـــڪُت بــ قـــوة لزمت ڪُـلبي خايفة اباوع الولد طلع ركضت وراهم جلبت بــ أثـــير ابجي::- اخذوني وياكم حبابين
باوع ل أصــيل. الــي مــا مهتم وراح ركب سيارتة ورجع بــاوعلي::- روحــي بدلي بسرعة يلا
هزيت راسي ورحت ارڪُض بــ كل مــا عندي حيل لبست جبة وحجاب ونزلت لكيتهم مــا موجودين من قهر ڪُـلبي ڪُعدت و نهديت من البواجي ليش عافوني مو ڪُـلت الهم اروح وياهم
دخلت للمطبخ اسوي ريوك الهم عمة جميلة بيها ضغط بس تنقهر يصعد لآزٍمٍ علاجها وما يصير تاخذة بدون اكل دخلت شروق تباوعلي مــا عاجبها
::- اشوفج كتلتي روحج عليها
::- شروق هاي اختي مهما صار تبـقى اختي الدم مــا يصير ماي?!!
بتوعتلي بــ نص عين::- اسكتي خايبة كلبج رجيج تبجين عليها دشوفيها شلون الولد ركضولها ركض خايفين عليها هاي لْـۆ أنتِ الطحتي يركضون عليج هيج
صفنت بــ وجها و اتذكر شلون أثـــير قشمر علية وكالي انتظرج وعافني وراح لْـۆ أصــيل وعملتة مال البارحة لْـۆ الأيــسر من اجيتة متهذلة عافني وراح وهو يــباوعلي ولا هميتة
غمضت عيوني بــ قهر نزلت دمعتي::- لا
::- چــا لا تعوين اسكتي خليها بلكي تصير بيها عاهة ويتركها الله وكيلج هسة يعوفها
سڪُتت بس جان اكو احساس بــ ڪُـلبي يكلي هاي اختج غصبا علية الكة روحــي خايفة عليها وافكر بيها غصبا علية الكة روحــي ادعيلها تكوم بــ السلامة .......يتبع
الفاتحة على روح المرحوم عبد ابن هدية 💔
اقرو الفاتحة واهدوها لـ روحة واكون ممنونة منجن 💔
حسابي الانستكرام الجديد 🩵