#الايسر "سلاسل الاحرار"
#بقلمي كاريانا 🌿🎶
#البارت الثالث
لا تنسون التعليق والتصويت ومتابعه الحساب ورداتي 🍀
صرفنة سنين حـبنة
وخلصِن بـ تبذير
وعلئ يَوم النشوفك باچر
نچدي
.....
اسامههه
اندار اسامه ونشوف أيسر ع الحصان الثاني ويتقدم بسرعه كلش
الايسر :تتذكر سباقاتنه اسامه!
اسامه :يضحك
طبعا ومنو ينساها...تريد نتسابق؟
الايسر :ايي والله بس اوكف ما نسيت شي؟
اسامه :ديلا شغلها
الايسر :ضحك بصوت عالي واردف والله ذكي
أساطير :واني حاضنه اسامه حيل
شيطلع؟
اسامه :الاغنيه الي نحبها...
طلع الايسر اغنيه اسمها (خطار اجانا العشك)
صاح اسامه ديلاا ننطلق؟
ضحك أيسر وصاح بحماس ديلااا!
صاح ازهر من بعيد
اسامه دير بالك على أساطير..
اسامه :صارررر، احضنيني اسطورتي
حضنتها والاغنيه صوتها عالي وذولي صارو يطيرون طيران بس صوت ركض الخيل ينسمع
اسامه :يحجي بحماس وفرح
ههههااااي لك رجعتنه ولد ١٥ سنه ولك الايسررر!
الايسر :لك راح افوز اني مثل قبل..
اسامه :ابد والله الا اني جلبي حيل أساطير..
صارو صدك يتسابقون الضحكه ما فارقتهم ابد واني مجلبه بظهره
أساطير :اسامههه اسامههه راح نوكع ونتكسر اسامههه!
الايسر :اشششششش كافي تصرخين هيوو كلشي ما عليج!
اسامه :افااا يعافيتي اني وياج لا تخافين...
وجانت احله مره اطلع صدك تجننننن والولد فرحتهم ما تنوصف رجعنه ليم الاسطبل والبقيه واكفين..
وبابا واكف يضحك نزل اسامه ونزلني..
راح هاشم طبب الخيل وقفل باب الاسطبل وطبينه كاعدين وكال اسامه تتذكر أيسر؟
الايسر :شنو ولك
حجيتها بضحكه
استند اسامه ع تاج القنفه َكال :
مره رحنه لرجال جبير بالحسينيه جان اسمه ابو تحسين جان عايش هناك المهم رحنه اني والايسر كعدنه يمه يشرحلنه شلون نغسل الميت ونكفنه ونشيعه وندفنه طبعا حسب طلبنه هو بالبدايه رفض بعد الحاح شديد وافق
وغص من الضحك والايسر دموعه تصب كدما ضحك..
اساور :حجيت بحماس ااايي فدوه كمل
انتبهت لمسلم مركز وياي بس انتبهت باوع ع اسامه عود ديبين اني ممنتبه عليج
اسامه :ف كال تعالو شلكم بيها ههههههه ورجع يضحك
اردف الايسر وهو يمسح بعيونه
الايسر :ورفضنه نكوله
ازهر :اي لو الله كاشنا ولا مسوينها تتذكر تميم وملهم..
ملهم :اخخخ اي والله نوب اني وتميم مندري بس وياكم
أساطير :هو شصار؟؟
باوعلي الايسر وكال
جانت اكو دجاجه عدها فروخ ٢ ماتن ف اتفقنه انو نسويلهم فاتحه رجعنه من يم ابو تحسين غسلناهم وراح اسامه باكلنه خاوليات من بيتهم ودزينه ازهر للمحل يجيب كراتين فارغه وراح وياه مسلم وتميم جابو تقريب ١٠ كراتين بين كراتين نستله وجبس وعصير المهم اجوي لفيناهن بالخاوليات.. وحطيناهم بالكراتين وطلعنه نلم جهال وملهم وتميم فرشو البقيه يم الاسطبل وافترينه بيهن المنطقه وغص من الضحك
ازهر :اي ونصيح لا اله الا الله محمد رسول ههههه يمكن ٣٠ واحد ويلزمنه الاجود ويطلع الجود والكرم من خشومنه بالعكال ههههههه
الاجود :سافل مو بيدك تحشش انوب اكوملك يول الخزيه
سامر :اجودنا حُب ع كيفك!
تميم :نظرا للاحوال المزريه سارفع دعوه طلاق لأمي العزيزه ونخلصها منك اجود وهذا حجي!
يحجون بضحك كام ابويه وبيده العكال تصفطو كلهم بالزاويه َابويه ضربهم كم عكال وكلهم بايسر وازهر وتميم
الايسر :يبووووو عمي حالف عليه!
تميم :حيلللل وابو زايد انته وذولي الشله مالتك!
ضحكنه طلعنه للحديقه برا ولان منطقه زراعيه حلوه..
واسامه يحجيلي عن بطولاتهم...
اخير شي كال
هاي شعاع فدشي جدا مهم بحياتي يعيوني! يعافيتي
أساطير ؛ امممم اسامتي صايره هاي عيونك وعافيتك؟
اسامه :ههههههه ولج لا مو هيه انتي..
الفاهيه اسطورتي ام عيون السرمديه الاخذن روحي وكلبي...
أساطير :الحلو اني اتددلل عليه حته يكول ام عيون سرمديه
شبيك يا عيوني السرمديه
ابتسم بقهر
اسطورتي احبج اني!
أساطير :واني اموت عليك يعافيتي شبيك مهموم عله غير العاده؟
تنهد بقهر وكال
أساطير الدنيا ااخخخ يا الدنيا شلعبت بحالنه أساطير انتي تعرفين حياتي صح؟
أساطير :اي عمري
ارتاج ع جذع نخله وكعد مسافه عنهم وبلش يحجي وكل شويه يختنك
اسطورتي كلمن همه شكل اني ما عندي أهل لا اخ ولا اخت ولا ام ولااب الايسر وازهر اخوتي واخوانهم اخواني ما عندي عائله يتالي هلي انتي ما عندي احد اني عمري ٥سنوات بلشت العر والجر بين امي وابوي كلما يتعاركون يضربوني ويصيحون انته غلطههه وصرت انته غلطه انته الله ميبارك بيك انته الله ميوفقك ولا تنجح بحياتك واختنك هدأته ورجع اردف
بمره من المرات طلعت ابجي جان عمري تقريبا ١٠ سنوات بس ازهر أكبر من عدنه جان ١٢ ف لكيت الايسر بوحده من رجلينه سلسله ومصدوم فاتح عيونه وما يتنفس تدفعينه يندفع تسحبينه ينسحب لزمته وصحت لازهر الي جانت حياته ممستقره ابدا بعد وفاه ابو هزيته للايسر ما يحجي ضل فوك الساعتين جبنه شعاع يمه وجانت كلش صغيره بعدها باوعلنه واحنه كلنه تايهين ضايعين
اني اهلي عافوني يم مره جبيره جيرانه وراحو لحياتهم وابوج مات وامج تزوجت صح الاجود خوش زلمه بس تبقه غصه بكلب اخوتج وام الايسر تزوجت عمه ابو ملهم المهم طلع وهذا حالته فجأه فتح عيونه عله وسعهن مثل الي استوعب ولزم السلسله وصار يصرخ بكل صوته ويصيح باباااااااا وين تروح باباااااااا يا سندي ويصيح ويشيل تراب من الكاع ويضرب بيها عله وجهه... بكل قوته يشيل روحه ويرجدها بالكاع جان منظره يخوف تالي طلع ابو متوفي لكن...
سكت
اردفت بهدوء :اكمل...
فجأه صارت دموعه تتجاره وكام اجاه الايسر ملهوف حضنه ولان اسامه اقوه واضخم من الايسر كعدو بالكاع يشهكك ويضرب أيسر عله صدره ويصيح لااا تعوفني عليك الله ويبجي ويشهك اجه ازهر يركض ضمه لحضنه وهذا يصيح لا تعوفوني عفيهههه!
ازهر :اشششششش اسم الله الرحمان اسم الله، بسم الله الرحمن الرحيم، أعوذ بالله من شر ابليس وأعوانه شو ارفع راسك شويه وهو متكوم يبجي الايسر فتح عيونه عله وسعهن صاح ازهر كوومم أيسر غسل كومم منا حاط ادينه عله راسه يسد باذاناته ويصيح كافيييي كافيي اسامه اسكت اسامه بلا صوتتت وصاح بصوت هز المكان كام اسامه وهو خايف ودموعه تتسابق حضن الايسر يهديه وراحو ازهر استغفر وكام ضليت صافنه قطع صفنتي ملهم
ملهم :لا تخافين كلشي ما بيهم مجرد انهم متلقين صدمات نفسيه من الصغر وهاي آثارها...
اتنهدت بقلق واردفت :الله يكون بعونهم...
هز ايده وحجه مستهزئ
جنه بواحد صرنه باثنين سوادين حته سوادين
صاح مسلم
كافيييي ملهم والله اذا عرف الايسر تدري شيصير شبيكككك ما تنلصم مو كافي!
ملهم :باوع لاخو بطرف عينه وحجه..
هو احنه نضل كل عمرنه نخاف من الايسرر!
نتر ياسر :ملهممممم مو وكتها شفت حالته شنووو اسكتتت!
كوه سكت ملهم شويه واحنه عله وكفه وحده اجه أيسر عيونه حمر وشعره يقطر مي اردف بصوته الرزن الهادئ حمحم
آنسه أساطير اول شي اسامه يريدج..
باوعت لتميم بقلق لان ابويه وابو ملهم والأمهات جوه واساور ويه البنات بالمطبخ
اشرلي يطمني بمعنه روحي لا تخافين
حمحم وحجه انستي اني اعتذر عن الي صار هسه جانت بسبب ضروف العمل والحياه والضغوطات َمواقف قديمه ضلت محفوره بالقلوب والعقول ف جانت تصرفات لا اراديه اتمنه انو تقبلين اعتذارنا وانتي مالج ذنب بالي صار لكن ذكرى قديمه...
تنهدت بضيق وقهر
أساطير :لا اني اعتذر منكم كتله إذا يزعجك مو مهم تذكره بس بقه مصر..
الايسر :كلا انستي لازم تعرفين اسامه من جدمه الراسه حته ما تندمين بعدين..
مشه ومشيت وراه اول مره اباوعله أنيق بشكل ومرتب وهادئ ورزن عكس اسامتي ضريف وشلون متريده يجي سهل اما الايسر لا جان عكسه كلش مبين معقد وصعب يمشي بهدوء لوره البيت لكيت اسامه مبلل راسه وازهر يمه حاضنه عله كلبه شافوني نهضوا
اسامه :اسطورتي عافيتي اسف يكلبي خوفتج عليه بس والله ذكريات ما تنمحي..
حجاها مختنك طبطبت عله كتفه بهدوء
أساطير :ععادي اسامتي بس لا تضغط على نفسك الماضي راح واحنه لازم ننتبه للحاضر...
هز راسه بهداي وعفتهم ورجعت تعرفت على البنات حوراء وشمس وتبادلنه الأرقام المشكله ما يعترفون اني واساور تؤام لان اني قويه شخصيه ورزنه عنيده كلشي اله حدود جديه بكلشي اما اساور طفوليه حساسه كلش اتكاليه وطيبه رجعنه للبيت واساور بلسانها حجي جرتني للغرفه وجهها ينطي الوان
أساطير :واني انزع بالربطه والجلباب
ها اسواره شبيج
تحجي ومغطيه وجهها
اساور :ااااااااااا
مسلم
انداريت خازرتها شبي مسلم؟
اساور :ارتبكت من نظراتها وبديت اسردلها الحدث...
عوده وجيزه في الزمن....
اساور :كاعده وايدي عله خدي أساطير أخذها اسامه والبنات بالمطبخ مرت ملهم مو راحه ابدا والمخازر مشتغل بينهم الايسر طبيعي بس يريد ياكل اهله من نظراته الحاقده... امهاتنه يحجن ومتونسات والزلم الكبار طلعو للحديقة واني كاعده وساكته خليت تلفوني وكعدت اكلب انستا بس وحدي كاعده حسيت ع احد وكف بالباب حمحم انتبهو عليه عبالي أيسر طلع مسلم مبتسم
عمه من رخصتج اختها تريدها هنا بالحديقه لان كاعده وحدها..
امي :أخذها يمه كومي اسواره ويه اخيج..
ابتسم عله سالفه اخيج وديت اغراضي يم امي وطلعت وراه اندارلي وكال انستي الحكيني عندي كلمتين اكوللهم الج...
عكدت حاحبي وكلت وأساطير
استغفر وتنهد وحجه بهدوء: جذبه بيضه اريد احاجيج...
هزيت راسي بتوتر: اسمعك خويه..
مسلم :غمض عيونه بقوه وكال اريد جواب صريح رجاءا انسه اساور فدوه..
اساور :تمام
حجه بهدوء مخطوبه؟
بسرعه فتحت عيوني بصدمه :ليش؟
رجع غمض :أجيبي انستي..
اردفت بتوتر :لا
اردف بمنتهى الهدوء :مرتبطه انستي او اكو بكلبج احد رجاءا اجيبي بصراحه
هالمره لطمت خدي ع كيف وكلت بعصبيه
استاذ مسلم بنات الاجود ما يعترفون لا بحب ولا بارتباط احنه كلشي رسمي اليريدنه يدك باب ابونه رجاءا سؤالك ينرفز
راسا ابتسم وتنهد براحه وهو حاط ايده عله كلبه
اووووووفففف الحمد لله طمنتيني...
اساور :عكدت حاجبي
شنو السالفه استاذ مسلم
مسلم :وكف عدل وحجه بجديه..
انسه اساور اني معجب بيج وصار لي فتره اتردد اصارحج بالموضوع وانصدم انو اكو شخص ثاني بحياتج انستي.. إذا تقدمت توافقين؟
حسيت الدم خلص مني من الخجل الارتباك الخوف التوتر اعتقد لو يذبحوني بساعتها ما يلكون قطره دمم بيه
سكتت مصدومه
رجع كال انطيج فتره واني اجي لاهلج..
وبسرعه ورجعت ليم امي كلما ارفع راسي الكاه مركز ويايه...
حجت أساطير :دير بالج اساور الي يريدج يجي لاهلج بنتي لا اشلعين كلبي بطفوليتج فكري بكلامي زين...
أساطير :ما اكول ما فرحت لكن خفت هاي ثوله وطفوليه مو مال مسؤوليه وكلت أمري لله ونمت وثاني يوم عدنه دوام صادفت ويه وقت استراحتي اساور عدها محاضره كاعده بالحديقة وبيدي كتاب أقره وجنطتي بصفي حسيت احد تقدم نحوي ما اتحركت ولا رفعت راسي مدري ليش اله ما اتقرب مني وكال السلام عليكم..
هنا اني انصدمت من شفته...
يتبع.....
اسفه ورداتي ع التأخير لكن مشغوله كلش والله حبايب ولازم اعدل ع اسود القادسيه الكتاب راح يصدر نهايه رمضان المبارك ان شاء الله ❤️