غَبت وأستَفگدوني النّاس الأغرَاب
واليَمي وَلا عرفُوا يَنشدون .
﹌﹌﹌﹌﹌﹌﹌﹌﹌﹌﹌﹌﹌﹌﹌
عفت الصينية بــ الڪُاع وركضت للـ مخزن فتحتة واشوف رؤيـــا لازمة الفراش و هي نايمة وتصرخ::- يمممةةةة لااا تعووفوونييي بووويةة للاا لاااا لااا تضررربببهااا لاااا رااحح يمووتتت يمةةة
ركضت الها احاول اهدي بيها كلهم تجمعو فوك راسي وانا لازمتها وهي تشيل روحــها و تركعها بــ الڪُاع مفرفحة
عمة سهى لازمتها تقرة على راسها قران فزت مخترعة تــباوع بــ الوجوه التفتت شافتني ڪُأنو لكت الامان شمرت روحــها بــ حظني تشهك::- ايـــة مــا أريــد ارجع لا ترجعوني يمة مــا أريــد
اجانا صوت أثـــير من برة رايحة روحة::- لا مــا نرجعج بس اهدي لا تخافين كل احنا يمج
رفعت راسها باوعتلة مطولة نظراتها بي رجعت لحظني ترجف مثل السعفة الــي يلعب بيها الهوة هدئت والكل طلع برة بس عمة سهاوي بقت تقرة قران يم راسها وانا
عيونها جواهن ازرك ومبينات اثار التعذيب باوعتلي و أردفــت::- أريــد اسبح ايـــة
هزيت راسي::- تعالي لفوك لغرفتنا اكو حمام و اسبحي بي براحتج هنا الحمام الجوة كلها تستخدمة مــا ترتاحين
هزت راسها جبت الصينية جبرتها جبر تاكل ڪُمت اسويلها لفات صغار وكوة تبلعهن تشرب عصير يلا تـــڪُدر تبلع اللكمة رغم هي صغيرة
كملت شلت الصينية اول مــا طلعت من المخزن طفر أثـــير بــ وجهي ڪُاعد على الدرج::- ها شلونها
::- زينة تريد تسبح
صفن بوجهي و انا عرفت جفصتي عفتة ومشيت للمطبخ اغم بــ روحــي::- امداج ايـــة الزمي لسانج لزمي من طاح حظج حتى الولد احتار شيرد علية
طلعت راجعة للمخزن أثـــير مــا هو احتمال استحة من جفصتي ثول الثولج ايـــة شوكت تلزمين لسانج مــا ادري
طلعت الها ملابس اباوع ملابسها حيل تعبانة تنهدت بــ قهر::- كومي يلا
كامت وياي صعدت لفوك دخلتها غرفتي وهي تتلفتت بيها أردفــت::- عجبتج
::- اي حلوة هاي غرفتجن أنتِ و ســـمر
::- وغرفتج هم الأيــسر راح يجيبلج جرباية تنامين يمنا علما يفلش الجوة ويسولنا غرفة
عقدت حواجبها::- يسويلنا غرفة شنو?!!
ابتسمت::- يسوي غرفة النا صح مــا كتلج انا ردت انفصل عن ســـمر وتبقى هاي غرفتها و انا وياج ننزل جوة راح يطك المخزن ويسوي حمامات
ابتسمت و لمعن عيونها::- انا مــا أريــد اكلفكم ايـــة المخزن كافي علية و الله
ضحكت::- شنو تكلفينا قبل لا تجين بــ يوم انا طلبت منها غرفة وحدي وكلت أريــد رؤيـــا وياي
دمعن عيونها و أردفــت::- و الله ايـــة انا احبج من شفتج و أنتِ تهتمين بية ڪُمت احسبج حسبة اخت حتى ڪُـلت ل هذا الولد الــي وياكم هي مــا الها ذنب
أردفــت::- منو يا ولد
::- هذا الــي اجة وياج
ابتسمت::- مــا تعرفين اسمة?!
::- لا
::- صخام بــ وجهك أثـــير عمت عيني عليك خوية
هي تباوعلي و انا ميتة ضحك أردفــت::- كل هل عمايل سواها الج و أنتِ مــا تعرفين اسمة لْـۆ يدري جان لطم على وجه
ضحكت وياي كومتها وياي للـ حمام ردت ادخل وياها مــا قبلت لفيت ايدها بــ علاكة ودخلت تسبح ظليت انتظرها منا لمن خلصت
طلعت و انا بيدي المشط::- تعالي امشطلج
صفنت بــ وجهي::- تعالي ولج يلا
ضحكت و اجت فرحانة ڪُعد كبالي أردفــت::- شعرج يخبل ماي انا شعري مكوش جنة شعر مسودنة شاردة بالشارع
ضحكت::- لا و الله حلو كيرلي شعرج
::- خايبة لا تجامليني على كولة أثـــير شعرج جنة محابس كربلة
ضحكت وانا امشط بــ شعرها يوكع بيدي خصل خصل مــا خليتها تنتبة رغم هو اسود حيل وسرح ماي يلط لط
سويت الها ضفية دفن وهي فرحانة ودها اطير كامت بـــاوعت ل روحــها و أردفــت::- هذني الشعرات شلون اوخرها
تاشر على كذلتها عدها كذلة تنزل على كصتها ڪُلش حلوة احب هيج كصة أردفــت::- خايبة تمسلتين غير تخبل ولج انا مرة ڪُـلت لعمة جميلة تكصلي كذلتي مثل هاي لان شفت بنية شعرها يلط ومسويتها وغرت كومي ي عمة جميلة كصيها لنص كصتي ومنا انا شعري مكوش صرت جني صخلة ولا تشوفين حالي شهر كامل مــا نازعة الحجاب سووني الولد ميز مال تصنيف
مــاتت من الضحك اندك الباب طلعت فتحتة طلع أثـــير بــ وجهي و أردف::- جبنا جرباية البنية
وخرت عن الباب دخلوها للـ غرفة و رؤيـــا من شافتهم طفرت لاخر الغرفة رفع راسة أثـــير من شافها ابتسم وهي شردت للـ حمام
عقد حواجبة و أصــيل يجرجر بي يريدة يطلع وخر عن أصــيل و تقرب مني::- شبيها شردت
::- مــا تريدك مــا تحبك
بلع ريك رجفت ايدة كوة نطق::- ليش
::- سولفت الها عن مواقفنا قبل وشلون جــنت تعيل بية وتقلد على شعري
عاط بــ صوت::- لاااااااا لللييييششش
و أصــيل يخلي ايدة على حلكة وجرة وهو يــباوعلي بــ عتب مــا قابل و انا اضحك علية و هو مصدك مــا تريدة
بس طلعو دكيت الباب عليها طلعت وجه احمر::- ليش شردتي ولج
::- استحي من عندة و الله
ضحكت::- يلا بيج وما تستحين خل اخذ ثاري ركبة أثـــير تسلمت بيدي ايباه
باوعتلي مــا فاهمة ضحكت::- تعالي خل نعدل الجرباية
وفعلا عدلنا الجرباية و رؤيـــا كامت تنام ويانا بس ســـمر ابد ولا شفت وجها العرفتة هي كامت تنام بغرفة عمة جميلة
ظلينا اسبوع معلكين فوك مــا يقبل الأيــسر نطلع لان عدنا جوة عمال وحتى من يخلصون ويرحون مــا يقبل ننزل يكول خلنها مفاجئة
و اخو رؤيـــا لزمو وكتب تعهد عدم الضرب وطلع مثل الشعرة من العجين و ها هاي بــ مساعدة عمي ساجت لان شروق مــا قبلت يبقـى بالسجن مــا اعرف سر الــحب بيناتهم رغم هذا اخو ل رؤيـــا
و بيوم جــنت اقرة من الصبح متعودة اكعد لصلاة الفجر وابقة ڪُاعدة اقرة
اجت رؤيـــا وجها ينطي الوان::- شبيج
::- مــا بية شي
::- احجي شبيج
تنهدت::- مــا بية شي ايـــة بس بطني توجعني
سڪُتت عنها وهي صافنة بــ وجهي مــا اعرف شبيها سمعت اندك الباب طلعت لكيت الأيــسر::- ها
ڪُال بــ خزرة::- تعاي نحجي
مــا صدكت لان طول هل ايام هو مجافيني مــا يحجي وياي ابد راح ل غرفتة ورحت وياه ڪُعد على تخم ڪُعدت
::- شنو التغير بــ بنيتي??!! من شوكت ازعل و تعوفني زعلان عليها هيج انا هاين عليها زعلي?!!
اختنكت وخنكتني العبرة دنكت راسي صح جــنت مــا اتركة زعلان بس و الله التهيت منا رؤيـــا الــي مــا أڪُدر اتركها ومنا دراستي وهو اصلا مشغول بالعمال من الصبح للمغرب من يرحون يذب روحة وينام ويكعد بليل يطلع وي أصــيل
أردفــت::- و الله التهيت
::- اكو اهم مني تلتهين بي بوية?!!
نزلت دمعتي حايرة مــا اعرف شنو أڪُول تقرب يمي::- شتردين ايـــة
::- اريدك تعوفني
::- اعوفج?!!
::- تعبت من قربك هذا لا بية اعوفك ولا بية اظل وباك احساس بالذنب يموتني
سڪُت يباوع ل عيوني عيونة لمعت بــ دموعها مسح على بنطرونة و أردف::- يجرالج
ڪُام طفرت وياه اباوعلة دار وجه عني و أردف::- روحــي ايـــة ودام فراكي يريحج مــا اراويج وجهي بعد
شهـــڪُت بالنفس::- الأيــسر..
عاط لآزٍمٍ اكتافي بــ قـــوة::- مو الأيــسر تذلة مرة وحك لوعة ڪُـلبي بــ فراكهم وداعة كل عزيز اندفن جوة التراب ادوس على ڪُـلبي ان لزم ولا انذل بعد
قشعر جسمي من حلفانة احس روحــي بقت تلوب دفرني للباب انربدت بي دموعي تصب على خدي ردت اطلع باوع بــ نص عيوني أردف بــ خيبة و عصبية بــ نفس الوقت
" راح اتـرڪُج مثل مــا يترك التايب ذنوبة"
جسمي رجف من حجايتة حسيت فعلا هنا خسرت الأيــسر فعلا الأيــسر راح من عندي لزمني وجع قوي بــ ڪُـلبي عفتة ومشيت لازمة ڪُـلبي
دخلت للغرفة شافتني رؤيـــا بــ هل حالة طفرت ناحيتي تكعدني خايقة::- شبيج ايـــة يمة اسم الله شبيج
شافتني افرك بــ صدري بعدت ادية وكامت تفرك بــ صدري و انا احس ڪُـلبي بــ بــقى يهدئ و جسمي ينحل مددتني على جرباية وهي ايد تفرك بــ صدري و الايد الثانية لازمتني
منا لمن هدئت ونمت مــا اعرف فقدت مــا اعرف شنو الصارلي كل الاعرفة رحـت بــ ظلام دامس
"ســـمر"
مخبوص خبص و يعدل بــ الغرفة و يرتب بيها سواها كلها لون وردي و ابيض وجاب شغلات بناتية ترسها اضواء وانارات مال نوم وسوالها ميز للقراية
مو غرفة لا سوالها جناح خاص بيها و انا كلما ادخل الها احس ڪُـلبي ينقبض جــنت ڪُاعدة برة بالمرجوحة ودخل أصــيل يسولف ويضحك بــ الــموبايـل
بس شافني ڪُاعدة نهى الاتصال وتقرب ڪُعد يمي أردف بــ ثكل::- شلونج
::- مو زينة
بــاوعلي و سڪُت رجعت سالتة بــ استغراب::- شعجب مــا سالتني ليش مو زينة
دنك وجاوب بــ صوت مهضوم::- اخاف من الجواب!!
بلعت ريك اباوعلة عيونة تباوعلي بــ عتب مــا تحملت نظراتة ودرت وجهي الوم بــ روحــي شكد طفيف بــ داخلي يرجعني ل ســـمر القديمة بس اكو سواد و حقد عام علية
بقيت ساكتة و هو ساكت طلع الأيــسر لآزٍمٍ جنطة ولابس ملابسة العسكرية طفر أصــيل وانا وكفت وراه اباوع بعدهم مو هسة يرحون::- وين
جاوب أصــيل::- ملتحق
::- بعد وكت مــا خلصت اجازتنا?!!
بــاوعلي ورجع باوع ل أصــيل::- ديربالك على بناء انا رايح ملتحق
راح طلع مهرول لبرة و أصــيل لحكة دخلت لجوة لاكتني شروق واڪُفة تــباوع النا من الشباك بس شافتني وخرت أردفــت::- جان يحجي وي ايـــة مدري شكالت الة وخلتة يروح اسمع بس صياحهم واسمج بالموضوع
احس عيوني اشتعلت نار صعدت ارڪُض لاية جانت نايمة ورؤيا ڪُاعدة يمها مــا اهتميت هجمت عليها ضربتها راجدي فزت مخترعة باوعتلي صافنة تسوعب صحت بيها
::- شسويتيلة ليششش راااحح كللةة منن وراجج يااا حقييرةة
هجمت علية دفعتني طيحتني بالكاع ڪُمت الها لزمت شعرها وهي تخرمش بــ ادية واصواتنا وصلت لاخر الشارع
و رؤيـــا تحاول تسحبها من عندي وهي تحجي::- ســـمر و لج ســـمر ايـــة مريضة عرفيها هساع تخربطت ولج وخري وخري
تدفع بــ ادية تريدني اوخر عنها وانا مجلبة بشعر ايـــة و اعت بي عت اجو عل اصواتنا وما احس الا نرفعت من بطني ڪُمت اكمز طلعت من الغرفة وانا مفرفحة
بـــاوعت و اشوفة أصــيل لازمني وانا اضرب بي واخرمش وهو يصيح::- خايبة وين جانت هاي شراستج وين ضامتها خررب عشيرتج اخخ اضافرجج هيييوو
دخلني لغرفتة وانا ارافس واصيح::- ولك نزلني نزلني
شمرني بالكاع وكعدت على وجهي باوعتلة بــ غضب خزرني يباوع لايدة وعافس ملامحة::- من دهر صاب راسج شنو هاي اضافرج جلب أنتِ جلب
ڪُمت أريــد اروح سحبني من ايدي خازرني::- وين مولية
::- ابسطها
خزرني::- بطلي عرامة لا افرك حلكج
::- وخر وخر
::- شسوتلج ايـــة يمج كرباج
سڪُتت اباوعلة عيوني مدمعة تنهد::- كعدي هنا لا تجيج وتبسطج وعلي ايـــة لا تشوفيها ساكتتلج هسة تخليج وتكتلج
ڪُمت محتركة روحــي::- ولعباس انا اكتلها
سحبني من بطني علية لازمني مقدني واني ادفر بي ضهري صار على صدرة فرفحت روحــي::- وخررر وخرررر
رفع ايدة الثانية خلاها على حلكي مــا احس الا دفن وجه بــ رڪُبتي توقفت جامدة عن الحركة عيوني موسعتهن بــ صدمة
رجف جسمي من قربة وهو يضغط على بطني يقربني الة اكثر وكع شالي وطلع شعري وهو مــا صدك بــقى يشم بي و يسحب نفس بــ كل شوغة
فرفحت روحــي احس چــاي اخون الأيــسر دفعتة مــا ندفع جاوبني بــ صوت رايحة::- اوكفي
احس روحــي فرفحت بــ ادية وهو لازمني وضاغط على حلكي مانعني اصرخ حسيت ايدة رخت دفعتة حيل و التفتت اباوعة مغمض عيونة وكوة واڪُف على حيلة رفع ادية عصر عيونة بــ اصابعة
وفتح عيونة يــباوعلي بس شافني كدامة تغيرت ملامحة للجمود وانا واڪُف وابجي::- هاي شسويت?!!
حاوب بــ برود::- مــا تهيدين الا بــ هاي الطريقة چــا شسويلج
ڪُالها وراح للحمام رحـت للباب أريــد افتحة مـاڪُو مقفول شوكت لحك يقفلة ضليت اضرب بالباب مفرفحة روحــي
طلع من الحمام غاسل راسة ڪُلة شعرة ينكط بــاوعلي و أردف بــ خباثة ::- بس اطلعين تكتلج ايـــة
فرفحت روحــي قهرني قهرني::- شنو تكتلي شننوو انااا اكتتلهاا انااا
ذب روحة على جرباية و أردف::- هي تكتلج مــا تكدريلها
ڪُمت اشيل روحي واركعها بــ الڪُاع من القهر هو يــباوعلي بــ كل برود!!!
رحـت يمة ونترت::- انطيني المفتاح
::- احجي بــ أدب وطلبي بــ احترام ساعتها انطيج تظلين بهاي عرامتج الــي ماخذتها من شروق مــا انطيج وتباتين اليوم يمي
احس ودي اخنكة رجعت ڪُـلت بــ هدوء::- انطيني المفتاح أصــيل
::- حبيبي
::- شنو?!!
::- انطيني المفتاح أصــيل حبيبي كوليها?!!
فتحت عيوني على وسعهن::- بسسس انااا موو حبيبتككك
::- براحتج لــعد ذيج القنفة ولو صغيرة بس ميخالف كرفصي روحج بيها وهاي غطة ثاني مــا عندي اذا تردين هنا ننام سوة ونتشارك الغطة مــا عندي كل مانع
احس روحــي فرفحت هو يــباوعلي بــ كل برود صحت بي::- لككككك حررراامم شنننووو انااامم وياااك
::- ما ڪُـلت انام وياج وين راح تفكيرج وصخ ڪُـلت نتشارك الغطة نيتي سليمة
احس عيوني طلعن نار من القهر هو نايم ورافع راسة بــ ايدة و يــباوعلي دنكت واردفت::- انطيني المفتاح أصــيل
ابتسم::- حبيبي
نترت::- حبيبي
::- بدون نتر
باوعتلة بــ نص عين::- حبيبي
::- بدون هيج نظرات
احس عيوني دمعن::- حبيبي
::- برقة اكثر
مــا تحملت ڪُعدت بالكاع متربعة و ابجي وهي يــباوعلي وعلية ابتسامة خباثة شعوط ڪُـلبي تشعوط::- يلا يلا لا تبجين كوليها برقة واطلعج
رفعت وجهي ناحيتة::- تحجي صدك
::- چــا مجذب عليج كوليها برقة هسة انا شطالب منج الا أنتِ مــا تقبلين تطلعين عاجبج تضلين وياي
ڪُالها وغمز ڪُمت تقربت ناحيتة واردفت بــ هدوء و غصة::- انطيني المفتاح أصــيل حبيبي
طفر وكف ناحيتي يــباوعلي ويبلع بريكة تقرب ابتعدت فازة جراني من ايدي طخ خشمي بــ صدرة بعد الخصلة الطاحت على عيوني
وجاوب بــ صوت رايح::- عمرو لـ حبيبج أنتِ عمرو
باوعتلة ارجف ابتسم هو ياشر على مفتاح اجيت اخذة طفر لازمة باوعتلة ودمعن عيوني::- حباب انطينياه
ابتسم مد ايدي اجيت اخذة لزمة انا لازمتة من طرف وهو من طرف الثاني رفعت عيوني اباوعلة أردف بــ جدية::- لا تخسرين ايـــة تحبج لا يعبون راسج بــ اوهام ســـمر اصحي لا تخسرين الناس الــي تحبج
باوعتلة مــا عاجبني اخذت المفتاح وفتحت الباب وطلعت ارڪُض لجوة جسمي ڪُلة يرجف من الخوف .......يتبع
الفاتحة على روح المرحوم عبد ابن هدية 💔
اقرو الفاتحة واهدوها لـ روحة واكون ممنونة منجن 💔
حسابي الانستكرام الجديد 🩵
لا تنسون التصويت وتعليقات بين الاسطر 🌚🔥
من البارتات الجاية راح تبدي الاثارة والتشويق راح تدخل اطراف بالرواية وتغير مجراها
اعتبرو البارتات الجاية بداية للكلشي 🔥🔥🙂🙂
توقعاتكم ????