منتقم_وغريبه
بقلمي_فاطمه🤎
تصويت ..وتعليق بين الفقرات 🦋
___________________________
اذا صوت الغراب يعير الناي
بعد حگه الگصب لو يثلم سيوف
______________________
صائب:ماطالعه على عمتج انتي
اجوان:شلون يعني
دار وجهه ورجع كعد مقابيلي شابك اديه كباله رفع راسه يباوعلي خفت من نظراته لان ماعرف افسرها شنو باوعت على ملابسي خاف بيهن شي رجعت باوعتله مبتسم ويباوع على حركاتي
صائب:بس شغله وحده معروفه بعائلتكم
اجوان:شنو هي
صائب:الثول عدكم وراثه
اجوان:ويكلك الزم السانك أنته مو علساس كلت واحد يحترم الثاني بعد ليش تتحرش
صائب:ماحجيت شي غلط هاي الصراحه
خزرته ودرت وجهي عنه شكد حقير عفته يدخن وصعدت فوك طبيت لغرفتنه لفيت راسي ونمت
عذراء:نايمه بصف امي وحسيت بحركه يمي وهمس فتحت عيوني على كيف اشوف صائب كاعد على ركبته كبالها كعدته صايره بعيد عني كتفه صاير عليه ميشوفني بس اذا دار وجهه عليه يشوفني اراقبه دنك باس راسها بهدوء لزم أيدها علكيفه حتى متفز حطه بين اديه دنك باسهن وجهه وكفه رفع راسه منزل نضره بس رفع عيونه نزلن دموعه ولو مره اشوف دموعه تنزل عيونه يرفعهن على وجهها وساعه على اديها همس بهدوء
صائب:تعبت بعد ماكدر اريد واحد يفهمني
كمل كلامه وشهك انكسر كلبي بشهكته اريد اكوم احضنه بس خاف يستحي لو يخجل من اشوف دموعه مسح وجهه ورجع باس أيدها نام على أيدها شويه تقرب عليها أكثر باس وجهه على كيفه حتى متحس باوع على جهتي بسرعه غمضت سويت نفسي نايمه شويه وفتحت بعده لازم أيدها وصافن على وجها رجع حجه بهدوء
صائب:كلها تريد مني بس اني اريد انام بحضنج ماريد بعد شي اريد ابقى يمج هذا الشي يكفيني ماريد اخسرج انتي بعد كافي عليه..
بلع ريكه ورجع حجه بنفس الهدوء
صائب:كافي عليه خساره ابوي ماريد اخسر شخص عزيز عليه ماتحمل خساره ثانيه
فرك وجهه نام على أيدها ورجع كمل كلامه
صائب:صحيح ظلمتها وحرمتها من أهلها بس تدرين انتي ليش بس هسه اكلني الندم من عرفته مو هو ماريد تعرف اني السبب
ماحس الا امي رفعت أيدها تمسح على شعره بسرعه فز ورفع راسه باوع بوجهه بلع ريكه وحجه
صائب:كعدتج ؟
ضمائر:هو اني شوكت انام وانته مهموم ماكدرت اغفى ولا يرتاح راسي من أنته مشغول بالك
صائب:مابيه شي راح اطلع ورجعي نامي
راد يكوم ماخلته لزمت ايده رفع لديها اثنين باسهن
صائب:ماعبالي جنتي كاعده
ضمائر:كل هذا بكلبك ومتحجيلي
صائب:ماريد اشغل بالج واضوجج
ضمائر:ليش اني شصير منك حتى متشغل بالي واني من اشوفك هيج كلبي يوجعني اعرف بيك تكتم بداخلك حتى محد يحس بيك بس اني امك اعرف كلشي يصير بيك حافضتك صائب
صائب:تعبت من كلشي اريد ارتاح
ضمائر:ارتاح من تبتعد عن فكرتك وتعوف هاي سوالفك لان مايجي منه غير الندم وكسر گلوب باجر عكبه اذا متت شنو تكول لربك
صائب:غلطت اريد اصحح غلطي وماعرف شلون
ضمائر:من اتندمت هاي اول خطوه حتى اصحح غلطك صحيح جبير الغلط بس ربك روؤف رحيم لاتنسه اكو اكبر منك ومني تكدر تغير الغلط وتصلحه اذا نويت تتغير
صائب:مادري منين ابدي احس هذا مرض وماكدر اتعالج منه
ضمائر:كل مرض وآله علاجه ماكو شي مستحيل عد رب العالمين أنته بس أتوجه وربك ميضيع عبده
صائب:ونعم بالله
ضمائر:بس اكيد راح يبقى هذا الغلط كل عمرك متندم عليه ومستحيل تنساه لو يجي يوم ومتذكره وخصوصا ظلمت بي بنيه مالها ذنب
صائب:بس اشوفها اتذكر شسويت بيها شلون وإذا عرفت شراح تسووي
ضمائر:أن شاء الله متعرف واكيد اني وياها اذا عرفت راح نحاول نفهمها ليش هيج سويت بعائلتها
حجه بغصه ودنك راسه
صائب:هم راح تسامحني
ضمائر:تحبها
بس حجت امي هيج رفع راسه مصدوم يباوعلها
صائب:احبها شنو يمه هاي طفله
ضمائر:كلامك يدل أنته تحبها وتصرفاتك هم
صائب:تصرفاتي بأخر فتره كتلج لان اتندمت لان ظلمتها وهي مالها ذنب بشي لان جربت شعور الفقدان واعرف بشنو حست
ضمائر:بس هيه متدري ابوها هو..
ماخلاها تكمل بسرعه حط ايده على يم شفته بمعنى اسكتي يباوعلها ودار وجهه على جهه الباب ورجع باوع بأتجاهي غمضت عيني بسرعه رجع حجه وياها
صائب:حتى النفسج ماريد تحجين هذا الكلام ديربالج تخليها تدري
ضمائر:اخر شي راح تعرف متكدر تمنع هذا الشي لان هاي حياتها وخاصه بيها مو منك تدري من غيرك
صائب:حتى سهام متدري ديربالج تحجين يمه
ضمائر:ماحجي هاهي اعتبرني مادري
فرك وجهه محتار ذب نفس بحركه حجت امي
ضمائر:شصار على سالفه رضا
صائب:اني لازمه هو وينه يشرد من مكان المكان عباله مالكاه بس الكفه وين يطير مني
ضمائر:عوفه يمه لاتحرك روحك أكثر أنته انطيت للإسلام الفلوس وتنازلت على القضيه سد السالفه ليش تجيب المشاكل الروحك
صائب:اذا ماادبه يسويها مره واثنين وثلاثه
ضمائر:ماكو شي ينحل بالضرب جيبه بالسياسه عمره الضرب ماجاب نتيجه
صائب:الله كريم
ضمائر:كوم يمه كوم ارتاح شويه بغرفتك
صائب:مانعسان خليني كاعد يمج مرتاح هنا
كامت امي كعدت على حيلها واشرتله ينام على رجليها ابتسم حط راسه بحضنها ومدد كامت تمسح على راسه بهدوء شويه وحجه
صائب:اريد اسوي طهور لمسلم لان ابو عار الطفل راح يدخل مدرسه وهو ولا همه
ضمائر:أن شاء الله الاسبوع اليجي أحاجي الحجيه ونشوف موعد
صائب:راح امرلهم باجر واكلهم واكل لعمامي هم
ضمائر:الله كريم
ضلو ساكتين شويه بس حسرات امي تنسمع عيوني كامت تغمض وحدها نعست حيل حاولت اضل كاعده ماكدرت ماحسيت الا اني غافيه
اجوان:كعدتني هاجر الصبح ونزلت تكعد عذراء حتى نروح للدوام غسلت وبدلت ونزلت لكيتهم كاعدين صبحت عليهم وكعدت بصف خالتي اكل كاعد هو على التخم يدخن حاجته أمه حتى ياكل ماقبل مضيك عينه يباوع ليفوك ويدخن كملن البنات وصعدن يبدلن كمت اريد الم الاماعين ماخلتني خالتي صعدت وياهن لكيتهن يتعاركن كعدت احط كتبي بالجنطه
عذراء:هذا دفتري حتى اسمي كاتبته عليه
هاجر:استوج كتبتي هذا مالتي حتى هذا خطي
عذراء: لا خطي اجوان تعاي شوفي هذا مو خطي
هاجر:كلمن ويعرف خطه شمدريها اجوان
عذراء:عدنه احياء اليوم انطيني الدفتر هاجر وتشفي الشر
هاجر:لعد اني وحد اني هم عندي شكول للمدرسه
عذراء:مشكلتج منو كلج متكتبين
هاجر:هدي لااكول لاامي
عذراء:احلف يم العباس ابو فاضل عليج اذا ماعفتي
هاجر: واني احلف يم اخو الامام الحسين عليج
اجوان:والسبع يطلع دم
عذراء:انجبي انتي همزين جنج برغي
اجوان:هاي عليمن
عذراء:على هاجر مو عليج
اجوان:هاجر اني انطيج دفتري عوفي هذا
هاجر:وانتي شلون
اجوان:عادي هيه رزاله متعوده عليها
هاجر:لا هسه أخذ دفتر واضل اكتب مو اول درس عدنه الحك اكتب
اجوان:واني اساعدج
كملنه ونزلنه اول مانزلت الدرج تلكتني ميسم اطك بعلجها تباوعلي من فوك ليجوه عبرتني وصعدت فوك هزيت راسي شبيها هاي العالم خبال طلعته بره لكينه صادق واكف منتضرنه سلمنه وصعدنه
صادق:شو الوجوه مدلغمه شبيجن
هاجر:كلشي ماكو
صادق:عليينه جوجو
اجوان:اتعاركن هيه وعذراء
صادق:أن اخوك ليش
اجوان:علمود دفتر
صادق:هيج الدفتر يسوي بالخوه
اجوان:شفت شلون بله مو خوه هاي جيس حب
صادق:لعد مانطيتيهن دفترج
اجوان:والله عرضت عليهن ماقبلن
هاجر:اذا أخذته انتي شلون يالثوله
اجوان:عادي اني واذا ماعندي اتحمل رزاله مو مشكله
صادق:كفوو انتي مثال على الخوه النظيفه
اجوان:مامقدرات هذا الشي شوف صادق دافرات النعمه بديهن
صادق:اشك حلكهن انتي بس كليلي اني اهدج عليهن
اجوان:ايببااا والله حل عندك خو اني احاجيهن
صادق:لازم تأخذين إذن مني
اجوان:ومنو أنته بلا زحمه
صادق:ابن خال صكارج مو بعيد
اجوان:دطير أنته وياه
صادق:اتفق اني هم ماحترمه حيوان صاير
اجوان:من زمان حيوان استوك تدري وغثيث هم
صادق:راح اعوف الخوه مالته كام يغثني
اجوان:احسلك
صادق:شنو رأيج شلون اخربها
هاجر:تحجي وياه منطلقه وهو مكيف على سوالفها يضحك وياها
اجوان:اكتله حتى يزعل وعوفه
صادق:شابه كتل مني ميزعل من هذا الشي دوري غيرها
اجوان:من يحجي غلس عليه وضل احجي وي فضل بس وألبسه خلي يغار
صادق:ههههه خرب يومج هاي ميغار منها بس اني اعرف طريقه يغار بيها
اجوان:هاي بعد ضلت يمك أنته تعرفه اكثر
صادق:خوش اتفقنه من اغثه تضحكين وياي انتي حتى ميكتلني
اجوان:اتفقنه
وصلنه للمدرسه نزلنه كلنه اول ماطبيت اتلكتني نبراس
نبراس:اشتاقيتلج
اجوان:واني هم
عذراء:واحنه بنات البطه السوده
نبراس:ياا ماشفتج تعاي خل ابوسج
راحت تبوس بعذراء وعذراء مكشره بوجهها
عذراء:حقج عيني من لكه أحبابه نسه أصحابه
ضحكنه وطبينه بده الدوام اعتيادي توالت علينه المحاضرات ماخلصنه الا طلعت رواحنه كملنه وطلعنه منتضرين صادق لو واحد من الولد يجي نبراس اجتها امها عافتنه وراحت ضلينه واكفين الجو حار يسمط حسيت روحي معت شويه وطبكت سياره صائب مشينا بأتجاه السياره وكفت اجوان تباوع من بعيد التفتت وياها على شنو تباوع سياره مضلله واكفه بالفرع بصف المدرسه لافت وراحت عفناها وصعدنه السياره بارده تجنن اول ماكعدت جريت نفس غمضت عيوني براحه
صائب:شلونجن بالمدرسه
هاجر: الحمدالله
صائب:خوما سويتن مشكله اليوم
اجوان:يحجي وعيونه رافعهن بالمرايه يباوعلي خزرته ودرت وجهي من اكول غثيث يلوموني
هاجر:لا ماكو شي
صائب:شوكت تبدي امتحاناتكم
هاجر:بس شهر واحد نمتحن ونكعد نراجع ونقره بالبيت
هز راسه وسكت طول الطريق ماحجه شي وصلنه للبيت دخل السياره بالكراج نزلنه طبينه جوه امي ورضاب مخبوصات بالمطبخ يطبخن
اجوان: السلام عليكم
ضمائر: عليكم السلام هلا يمه
عفتهن وصعدت فوك غسلت وبدلت اجت يمي هاجر بدلت ونزلت العرفته راح تجي بيبيتهم وعماتهم مانزلت جوه لان راسي صاير طبل من التعب مددت على الجربايه غمضت عيوني ماكعدت غير المغرب اسمع هوسه جوه كمت طلعت ملابسي وطبيت للحمام ارتاحيت شويه طلعت وي طلعتي شفت ميسم نزلت تركض على الدرج درت وجهي وطبيت للغرفه اباوع الغراض مالتي مفردشه الكنتور مال البنات همين عكدت حاجبي مستغربه لميتهن وعزلت الغرفه يجوز البنات أجن يدورن شي طلعت المشط وبديت امشط اجت أبالي ايات من زمان ماشايفتها ولا سامعه صوته شكد مشتاقتلها ياترى هم تشتاقلي هيه دنكت راسي بأسى انقهرت على وضعي ماعرف شنو ينتظرني شلون بيه وشسوي حايره كملت لفيت شعري حطيت حجاب على شعري وطلعت نزلت جوه البيت هوسه عباره عن جهال سلمت على بيبيتهم وعلى عماتهم من باب الاحترام عفتهن ورحت بالمطبخ يم البنات لكيت اخت خالتي هناك ام صادق هم سلمت عليها حلوه لمتهم صحيح هوسه بس كلش حلوه مفتقده هذا الشي اني كلمن كاعده تسولف وي الثانيه حلوه حالتهم ميتقيدون لأحد صار وكت العشه اجو الولد للاستقبال بدو البنات يصبون رحت وراهم اساعدهم كملنه ونقلنه الاكل كلها التمت وكعدت الولد ثلاثتهم كاعدين يم الحجيه كعدت بصف عذراء بدو ياكلون ويسولفون وعماتهم كل وحده عدها درزن جهال مكعدتهم يمها توكلهم كمت ارفع عيني ابلع اللكمه بغصه أحس الوضع غريب اني اصلا غريبه عنهم اباوع على عمتي هيه وميسم ووحده من عماتهم كاعدات يسولفن وياكلن ندستني خالتي ودنت الماعون بصفي
ضمائر:اكلي لاتضلين صافنه
اجوان:كاعد اكل
ابتسمت بوجها رفعت اللكمه اكلتها واجت عيني بعينه يباوعلي اتلافيت نضراته ودنكت راسي شويه وحجه صادق بصوت مسموع
صادق:حجيه اني قررت قرار
ياسمين:يالله خيرك
صائب:هو هذا يجي منه الخير
صادق:قررت اخطب وازوج
اجوان:حجاها مبتسم صائب ذب خاشوكته وخزره خزره من يمي خفت
صادق:شفتي حجيه ميقبل شوفي شلون يخزرني
ياسمين:لا ليش زين وماتفكر احسن شي الزواج تستقر وتشوف حياتك
صادق:مو صح
ياسمين:من باجر اني ادورلك بت الحلال الي تعجبك
صادق:موجوده ماكو داعي
حجاها وضحك حجه صائب ضايج منه
صائب:اطيح حظك اذا متسكت
ياسمين:شبيك انته شعليك
صادق:يغار مني
ياسمين:اذا تغار سوي مثله وتزوج منو لازمك
حجت هيج وابتسمت بوجه صادق باوعت على ميسم كامت تعدل بروحه وتتبسم ثول حتى ثول
درت وجهي على ام صادق من حجت
_اذا يريد اني من باجر اخطبله عيد عندي هذا
صادق:بعد مو هسه البنيه ماعرف شتكول
ياسمين:شتكول هيه تلكه احسن منك
صائب:حجيه يجذب عليكم لايخطب ولا يزوج هذا واحد جذاب
احسه بعد شويه وينفجر على صادق وفضل خربان ضحك عليهم عماتهم يسولفن بيناتهن مامهتمات مدري صدك مدري جذب صادق يريد يزوج كملنه اكل شلنه الاماعين طبينه لحنه البنات نغسل ونضف انطتني هاجر الجاي كالت صبي احس اديه يرجفن مدري شبيه صبيته ونصه طاح بالصينيه وضعي مخربط مادري شبيه اديه اول مره يرجفن هيج عدلت الجاي ووزعته عليهن الولد رجعو للاستقبال علمود ياخذن راحتهن هنه صبيت جديد الهم اجعل هو والجكاره اكيد متفاركه رفعتله الصينيه حتى يأخذها انتبه على رجفه ايدي باوعلي مستغرب
صائب:شبيه اديج
اجوان:انطيته الصينيه بدون ماجاوبه كعدت على الكرسي شفته دار وجهه وراح احس جسمي نحل فجاه رحت الهاجر كتبها اصعد فوك اتمدد عفتهن وصعدت شافتني خالتي اشرتلها بعيوني تعبانه هزت راسها بأي صعدت فوك اول ما حطيت راسي على المخده غفيت بسرعه كعدت الفجر اباوع اخوات فضل نايمات بالغرفه وعذراء وهاجر همات صايرات وحده فوك الثانيه كمت رحت للحمام غسلت وطلعت رجف جسمي واصتكيت بمكاني من لفحني هوه بارد بضهري بلعت ريكي اخاف التفتت صار صوت همس بعيد درت وجهي بسرعه ماكو احد باوعت على الدرج الصاله ضلمه ماكو احد اكيد توهمت رجعت لفراشي تمددت عيوني احس جفنها ثكيل بس غمضت بسرعه نمت ماكعد غير على حلم مزعج فزيت مخروعه باوعت بالغرفه فارغه الساعه راح تصير التسعه كمت طلعت غسلت ونزلت لكيتهم كلهم كاعدين يسولفون صبحت وطبيت للمطبخ لكيت البنات وخالتي كعدت على الكرسي جسمي نحلان حطيت ايدي ونمت على الميز باوعتلي خالتي واجتني بسرعه
ضمائر:شبي وجهج اصفر
اجوان:مابيه خاله بس بعدني نعسانه
ضمائر:مو مال نعسانه نفسج تلعب راسج يوجعج
اجوان:شويه راسي يوجعني لان ماشبعت نوم
ضمائر:رجعي فوك تمددي هنا هوسه
اجوان:لا عوفيني هنا يمجن ماريد انام
ضمائر:راح يجيبون مسلم وتصير هوسه كومي صعدي ارتاحي
اجوان:لا خاله شسالفه كلشي مابيه هسه اصير زينه
عافتني مامقتنعه ورجعت يمهن تكمل الشغل مرت رضا مخبوصه وبنفس الوقت خايفه على ابنها لان جبير لعد واذا جبير صدك جذب كلساع هاجر جايبه شغله اكلها لو اشربها ردت اكوم أبدل حتى اروح للدوام خالتي ماخلتني كالت اتغيبن كاجن اليوم وانتي وضعج مو تمام اكعدي واسكتي ضليت كاعده يمهم اشوفهن مخبوصات مليت وكمت يم بيبتهم بالصاله كاعدات يمها نسوان عمامهم اشرتلي بايدها اروحلها كمت رحت كعدت يمها وجهه حلو بشوش اتحسها مثل نسوان كبل
ياسمين:شلونج بيبي
اجوان:زينه الحمدالله
ياسمين:شلونها اخيتج صارت زينه
انعصر كلبي بسؤالها دنكت وهزيت راسي
ياسمين:أن شاء الله يابيبي بس شعجب اخوج مااجه عليج
استوني اريد احجي وحجت عمتي قبلي باوعت عليها
سهام:ميريدوها محد يخليها يمه مادري ليش ضمائر مخليتها هنا
ياسمين:ماضاله على كلبج هذا بيت ابني وحفيدي خليج بروحج
بس حجت هيج بردت كلبي باوعتلها وابتسمت بفخر خزرتني ورجعت تسولف مدري شعجب ميسم مو وياها هليام استأذنت من الحجريه وصعدت فوك اول ماطبيت لفحتني ريحه مو طيبه تخنك استغفرالله مدري شنو من ريحه فتحت الشبابيك علمود تتهوى الغرفه شويه رشيت معطر وتمددت على الجربايه اول ماغمضت عيوني صارت بوجهي مثل البزونه السوده تنفخ بوجهي فتحت عيني بسرعه وكعدت على حيلي أتلفت بالغرفه يكلك صدك جانت كبالي كمت سديت الشبابيك ورجعت مددت اخاف اغمض عيني وارجع اشوفه ضليت افكر بالدراسه حتى انساها ماحسيت على روحي من غفيت
عذراء:ورى ماصعدت اجوان بشويه جابو ابن رضا يلوع ويبجي فرشتله أمه بالغرفه نيموه حطته بحضنه انطاها صائب ادويه وعصاره علمها عليه عفناها وطلعنه وبدت الهوسه مال الغده صبينه الاكل اجه كم شخص من اصدقائهم وعمامي همات ماكملنه الصب الا طلعت رواحنه اكثر شي تعب خطيه صائب هو الي يصب وهو الي يوزع واحنه نحضر الاماعين والصواني اجه يمه فضل وصادق عاونو انكسر ضهرهم ماخلصو الهوسه الا العصر شويه خفت الناس ضلت بس بيبي وعماتي للعشه صعدت امي للااجوان تشوفه
اجوان:بين الحلم والواقع شميت عطر طيب ترس ريتي شويه واجت انوب ريحه ابد مو طيبه عقجت وجهي بقرف وحسيت أحد يكعدني فتحت عيوني شفتها خالتي
ضمائر:كومي يمه كافي نوم صار العصر
اجوان:جسمي يوجعني خاله
اتلمست حرارتي ولزمت اديه حجت
ضمائر:سوده عليه كومي لبسي خلي صائب يوديج للمستشفى مصخنه كلش
اجوان:خاله انطيني مي حلكي يابس
انطتني كلاص المي شربته كله واحس بعدني عطشانه أخذته مني نزلت قبلي كمت على حيلي بالكوه جسمي كلش ثكيل ونحيل لبست جبه فوك ملابسي لبست حجاب شلون ماجان ونزلت وراها
لكيت بس بيبيتهم يمهم كلها ماهيه طبيت للمطبخ بس هاجر موجوده كعدت يمها
هاجر:اجوان وجهج اصفر كركم خاف متسممه
اجوان:مادري بس نعسانه اريد ارجع انام
هاجر:هواي نمتي شتنامين بعد من الصبح لسه هسه تجي امي راحت تصيح لصائب
شويه واجت خالتي لزمت كصتي وركبتي
ضمائر:واجه نار سوده بوجهي
اجوان:شبيج خاله صخونه عاديه هسه ينطوني علاج اصير زينه
ضمائر:كومي صائب منتضرج بالسياره ماكدر اروح وياج لان وادم تجينه هو ياخذج ويجيبج
هزيت راسي عفتها ومشيت طلعت بره لكيت سيارته واكفه وهو واكف على صفحه يسولف وي صادق فتحت الباب الوره وتمددت حطيت راسي على الكشن احس راسي وجسمي ثكيل غمضت عيوني شويه وانفتح الباب عرفته هو شغل السياره بدون ميحجي رجعت غمضت عيني من ورى الطريق والطسات مادري شلون دخت وغفيت ومنا اني شلوني حسيت ايد بارده على كصتي فتحت عيوني بثكل لكيته داير وكاعد يمي رفعت عيوني عليه دفعت ايده
صائب:كومي يلا وصلنه
كعدت على حيلي وحجيت واني اعدل بحجابي بدون ماباوعله
اجوان:لاتلمسني بعد
صائب:استقري المانليزا
اجوان:مالي خلك احجي ترى
صائب:همزين راح ارتاح من لسانج
اجوان:شكد غثيث
صائب:اتشرف كومي يلا نزلي شنو عجبج الوضع
درت وجهي عنه فتحت الباب ونزلت امشي على كيفي ميته عطش بس استحي اكول طبيته للطوارئ كص باص وطبينه للدكتور فحصني كال بلاعيم وصخونه انطاني علاج طلعنه كعدت على كرسي راح هو يجيب علاج من الصيدليه شويه ورجع اجه يمي
صائب:يلا
اجوان:عفته ورحت للسياره صعدت وهم مثل مساع مددت غمضت عيوني حسيته صعدت صار هدوء شويه وفتحت عيني لكيته صافن عليه
اجوان:متمشي شبيك
صائب:مامتعود عليج هيج هادئه
يتبع🦋
كلش اسفه على التأخير بس ظرف عندي اعتذر منكم حبايب