Part - 2
~~~~~~~~
၇တန်း(A)ခန်း...
ထုံးစံအတိုင်း ဘုရားရှိခိုးနေကြတုန်းပန်ပန်ဝင်လာတာကိုမြင်တဲ့ဆရာမက ထလာပြီး တိုးတိုးပြောလာတော့
"ပန်ပန် နောက်ကျပြန်ပြီ ကျောင်းဖွင့်တာ တစ်ရက်စောလာပါအုန်းဟယ်... အိမ်မှာ ဘာအလုပ်တွေရှုပ်နေလို့ နေ့တိုင်းနောက်ကျနေတာလဲ "
ပန်ပန်မှာမျက်နှာချိုသွေးပြီး
"ချယ်ချယ်ကလည်း ဒီနေ့တော့မရိုက်ပါနဲ့တော့နော် ဒီနေ့နောက်ဆုံးပါဘဲ နော်..နော် နောက်ခါစောစောလာမယ် ချယ် နော်..နော်..နော်ပါ.. "
ဆရာမကလျာကလည်း ပါးဖောင်းဖောင်းလေးဖောင်းတက်လာအောင် ပြုံးပြပြီး ချစ်စဖွယ်ကောင်းလှအောင်ချွဲလာတဲ့တပည့်မလေးကို အသည်းယားလာပြီး ပါးဖောင်းဖောင်းလေး ကိုဆွဲညစ်လိုက်ပြီးတော့
"ဒီခါနောက်ဆုံးဖြစ်ပါစေနော် ပန်ပန် အတန်းမာ ညည်းတစ်ယောက်တည်းဘဲနောက်ကျနေတာ ကဲ သွားသွား ဘုရားသွားရှိခိုးတော့... မယ်နောက်ကျရေ.."
ပန်ပန်လည်းဆရာမကို ချစ်စဖွယ်အပြုံးလေးပြုံးပြပြီးအနောက်တံခါးပေါက်ကနေဝင်ပြီးအတန်းထဲသို့ ဝင်ထိုင်လိုက်ပြီး ဘုရားရှိခိုးလိုက်သည်။ တံခါးပေါက်၂ပေါက်ရှိပြီး မိမိအတန်းကနောက်ဆုံးတန်းဆိုတော့ အနောက်ပေါက်ကနေဘဲလှည့်ဝင်လာလိုက်သည်။
ဘုရားရှိခိုးပြီးတော့ ဖူးဖူးကစာအုပ်ထုတ်ရင်း ပြုံးစိစိနဲ့
"မယ်နောက်ကျ ရေ ဘာလဲ ညက ထုံးစံအတိုင်း ဝတ္ထုဖတ်လို့အိပ်ယာဝင်နောက်ကျတာလား"
"အေးဟယ် အရှိန်ကတက်တော့ "
"နင့်အရှိန်ကလည်း တက်ဘဲတက်နိုင်လွန်းတယ် ဒီညကစပြီး စောစောအိပ်ပါဟယ် ၇တန်းဆိုတော့ ပေါ့ပေါ့နေလို့ရသေးတယ် ခစ်ခစ် "
"အေးပါ နောက်မှစကားပြောမယ် မယ်ဖူးရေ ဆရာမစာရေးပြီ "
---------------
9တန်း(B)
အတန်းထဲရှိ ကျောင်းသားကျောင်းသူများ မျက်စိထဲ၌ ဘလင်းဘလင်း ဖြစ်လို့နေလျက် အကြောင်းမှာဆရာမဘေးက ရှောင်ကောကောလိုအရပ်ရှည်ရှည်နဲ့ချောမောလှပသော ကျောင်းသား၃ယောက်နဲ့ မင်းသမီးလေးလိုမှုန်နေအောင်လှသော ကျောင်းသူတစ်ယောက် ကြောင့်ပင်..
" ကဲသားတို့သမီးတို့ရေ မင်းတို့သူငယ်ချင်းအသစ်တွေရောက်လာတယ် ခုမှကျောင်းပြောင်းလာတာမို့ ကူညီပေးလိုက်ကြပါအုန်း "
"ဟုတ် ဆရာမ "(All)
ဆရာမက sky တို့ဘက် လှည့်ပြီး
" ကဲ ကိုယ့်ကိုယ်ကိုယ် မိတ်ဆက်လိုက်ပါအုန်းကွယ် "
ခပ်သွက်သွက် အာကာပိုင်က
"ဟဲလို... ငါ့နာမည်က အာကာပိုင် ခုမှအသစ်ရောက်လာတာဆိုတော့ ငါတို့၄ယောက် အကူအညီလိုရင် ကူပေးပါအုန်းဗျ အားလုံးနဲ့သူငယ်ချင်းဖြစ်ချင်ပါတယ် ကူညီပေးရင် မုန့်ဝယ်ကျွေးပါ့မယ်ဗျ ဟဲ..ဟဲ.. "
" ငါ့နာမည် ဖြိုးဉာဏ်လင်း ကိုဖြိုးလို့ခေါ်လို့ရတယ် အာကာပြောတဲ့အတိုင်းပါဘဲ အကုန်လုံးနဲ့ခင်ချင်ပါတယ် "
" ငါ့နာမည် ရွှန်းလဲ့သခင် ဒီက သူငယ်ချင်းတွေက ရွှန်းလဲ့လို့ခေါ်လို့ရပါတယ်နော် "
sky တစ်ယောက် နှုတ်ပိတ်ဆဲ
ရွှန်းလဲ့ကပဲ
"ဟဲ့ ဇိုင်းယံ မိတ်ဆက်အုန်းလေ"
ရွှန်းလဲ့အပြောကြောင့် ကျောင်းပေါက်ဝက တွေ့ခဲ့တဲ့ခလေးအကြောင်းပြန်တွေးနေတဲ့ sky တစ်ယောက် အတွေးကမ္ဘာကနေပြန်နှိုးထလာခဲ့သည်။အတန်းထဲသို့ဝေ့ကြည့်ရင်း..
"ဇိုင်းကောင်းကင်မာန် skyလို့ခေါ်လို့ရတယ် "
sky ရဲ့ ဘုနဲ့ဘောက်အပြောကြောင့် အာကာပိုင်တို့မာ သက်ပြင်းချလျက်
" စိတ်ထဲထားမနေနဲ့ ဒီကောင်က အရင်ထဲက ဒီလိုဘဲ "
ကဲ..ကဲ..
"သမီးရွှန်းလဲ့ သမီးသီရိဘေးမာ သွားထိုင်နော် "
"သားတို့၃ယောက်က အရပ်ရှည်တော့ အနောက်ဆုံးတန်းမာ သွားထိုင် ခုံချပေးထားတယ်နော် "
" သားတို့သမီးတို့ က ကျောင်းပြောင်းနောက်ကျတော့ (A)ခန်းမှာထားပေးပေမဲ့ သားတို့မိဘက မလိုဘူးပြောလို့ bio ယူထားပေမဲ့လည်း (B)ခန်းမှာဘဲ ထားလိုက်တယ်နော် သားတို့အဆင့်ကောင်းရင် (A)ခန်းမာ ပြန်ထားပေးမယ် ဟုတ်ပြီလာ "
" စာအုပ်ထုတ်ကြတော့ "
------------
နေ့ခင်း၁၂နာရီ....
ဒေါင်... ဒေါင် ... ဒေါင်...
" မဂ်လာပါဆရာမ "
" မဂ်လာပါကွယ် နောက်နေ့မှဆက်ကြတာပေါ့ "
ဆရာမအပြင်ထွက်သွားတော့
ပန်ပန်တို့ ထမင်းချိုင့်သွားယူပြီး စားဖို့ပြင်လိုက်သည်။
" ဟဲ့ ဖူးမ ဘာဟင်းတုန်း "
" နင်ကြိုက်တဲ့ ပုဇွန်ချက် နဲ့ ငါကြိုက်တဲ့ ပြင်ကြီးငါး ချက်ပေးလိုက်တယ် အိမ်က အခွံပါတစ်ခါတည်းချွတ်ပေးလိုက်တယ်နော် ပန်ပန်မ "
"ဟာ.. ရှယ်ဘဲ အာ့မို့ မေသွယ့်ကို ချစ်နေရတာ လာ.. ငါ့မားမားကလည်း နင့်ဖို့ ထောပတ်သီးဖျော်ရည်ပေးလိုက်တယ် ထမင်းစားပြီးရင်သောက်ကြမယ် "
တစ်ဖက် 9တန်း (B)တွင်လည်း...
" ဇိုင်းယံရေ ငါနင်တို့နဲ့မစားတော့ဘူးနော် သီရိတို့နဲ့ဘဲစားတော့မယ် ရော့နင်ကြိုက်တဲ့ ပုဇွန်ထုပ်တေ ကြီးမေ ထည့်ပေးလိုက်တယ် ငါသွားပြီ "
"ကျေးဇူး "
အာကာပိုင်တို့လည်း ထမင်းချိုင့်ဖွင့်ပြီး
" ဟာ ..sky မင်းဟင်းက ရှယ်ဘဲကွာဘာလဲ မင်း မာမီ ချက်ပေးလိုက်တာလား ဟဲ..ဟဲ.."
" အာကာရာ သွားမစပါနဲ့ ဒီတစ်ရက်လေးတော့ skyကို အေးဆေးပေးနေလိုက်ပါကွာ "
ကိုဖြိုးတစ်ယောက် skyကို ကြည့်လိုက်တော့ ထင်သည့်အတိုင်းပင် မျက်နှာညိုးငယ်စွာနဲ့ ငိုက်စိုက်ကျနေတဲ့ရုပ်ကိုမြင်လိုက်ရလေသည်။sky တို့ရဲ့မိဘတွေက skyကို ပြည့်ပြည့်စုံစုံ လက်ညိုးညွှန်ရာ ရေဖြစ်သလို ထားပေမဲ့ မိဘမေတ္တာ နွေးထွေးမှုတော့ ဒီကောင် မရ။ မြန်မာနိုင်ငံမှာ အချမ်းသာစုံစာရင်း ဝင်နေပေမဲ့ အန်ကယ်လ်ဇိုင်းနဲ့အန်တီနွယ်တို့က အလုပ်ပြီးရင်းအလုပ် လုပ်ပြီး သူတို့ရဲ့တစ်ဦးတည်းသော သားဖြစ်တဲ့skyကိုတော့ မေတ္တာအစား ပိုက်ဆံသာ ပေးလေရဲ့ ။ sky လိုချင်တာ ပိုက်ဆံမဟုတ်ဘဲ မေတ္တာပါ လို့ တစ်ချိန်ချိန်တော့ အန်ကယ်လ်တို့ကို ပြောပြပါအုန်းမည်လေ။
"ကဲပါ skyရာ ဒီကောင့်အကြောင်းသိရက်နဲ့ လာပါကွာ... စားကြမယ် မင်းအကြိုက် ပုဇွန်ထုပ်တွေ ခွာပေးမယ် ရော့ "
" အေးပါကွာ ငါသိပါတယ် ဒါပေမဲ့ တစ်ခါလောက်တော့ မာမီ့ရဲ့လက်ရာ စားဖူးချင်တာပေါ့ ထားပါ ဒီနေ့တော့ အေးဆေးနေချင်တယ် မနက်ကလည်း ဖားသားကြီးနဲ့ညှိလာသေးတယ် ဒီကျောင်းမှာတော့ အေးဆေးတက် ဘာပြသာနာမှမဖြစ်နဲ့တဲ့ အဟက်.."
"အဲ့တော့ မင်းဘာပြန်ပြောလည်း"
"ဘာပြန်ပြောရမာလဲကွာ ကိုယ့်ကိုယ်မထိသရွေ့ အေးဆေးဘဲပေါ့ကွာ ပေါ့ "
"ကဲ.. စား စား ပြီးရင် သန့်စင်ခန်းသွားပြီး မုန့်သွားဝယ်စားရအုန်းမယ် အချိန်ရရင် စကီလေးတွေပါ ပတ်ရှိုးမယ်ကွာ "
အာကာ့ရဲ့အပြောကြောင့် ကိုဖြိုးလည်းနရင်းဖြတ်အုပ်လိုက်ပြီး
" မင်းကတော့ ဒါပဲ "
skyကတော့ ထမင်းစားရင်းပြုံးနေလေရဲ့ စိတ်ထဲမှာတော့ >ခလေးရေ ပြန်တွေ့ချင်ပါသေးတယ် တစ်ကျောင်းတည်းဆိုတော့ တစ်နေ့နေ့တော့တွေ့မာပါ<
------------
"ပန်ပန်ရေ... လာပါဟယ် ငါမုန့်စားချင်ပြီဟ "
"လာပါပြီဟယ် နင့်ချိုင့်လည်း ပြန်ဆင့်ပေးကသေးတယ်လေ "
ပန်ပန်တို့ ကျောင်းမုန့်စျေးတန်းရောက်ဖို့ 9တန်းအဆောင်ကိုဖြတ်ရပါသည်။ 7တန်းအဆောင်နဲ့ 9တန်းအဆောင်က ဘေးချင်းကပ်ရပ်လေးဆောက်ထားပြီး သန့်စင်ခန်းသွားဖို့ဆို ပန်ပန်တို့အဆောင်ဘက်ကို ဖြတ်ပြီး သွားရပါသည်။( G နဲ့ B အိမ်သာကို ခွဲပြီး ဆောက်ထားတာပါနော်)
ဖူးဖူးနဲ့အတူမုန့်သွားဝယ်တုန်း ဖူးဖူးရဲ့ဟာသကြောင့် ရီမောရင်း 9တန်း(B)တံခါးပေါက်ဝကအဖြတ် ထွက်လာတဲ့ အစ်ကိုတစ်ယောက်နဲ့ တိုက်မိလေရဲ့။
sky တစ်ယောက်ထမင်းစားပြီး သန့်စင်ခန်းသွားဖို့ စောင့်နေတုန်း အာကာပိုင်တို့ကို ကြည့်တော့ ထမင်းချိုင့်ပြန်ဆင့်နေသည်။ အလျင်လိုနေတော့ မစောင့်နိုင်တော့ဘဲ အိမ်သာသော့ကိုသွားဖြုတ်ရင်း..
"ဟျောင့်တွေ ငါအရင်သွားပြီ နောက်က လိုက်ခဲ့ "
" အေးပါကွာ"
" ကြွ ကြွ .."
အလျင်လိုနေတော့တံခါးပေါက်ဝကအထွက် ဟီးဟီးဟားဟားလုပ်လာတဲ့ ကျောင်းသူတစ်ယောက်နဲ့ တိုက်မိတော့ စိတ်ကထိန်းမရတော့။ ကိုယ်ကအလျင်လိုနေသည်လေ။ အိမ်သာသော့ ကျသွားတော့ မျက်နှာကိုမော့မကြည့်သေးဘဲ ပြန်ကောက်ရင်း
" တောက်!! ဒီမာ မင်းတို့ဘယ်လို လျှောက်နေလဲ သေချာကြည့်လျှောက် ဘယ်လိုတောင် မိန်းခလေးတန်မဲ့ ဟီးဟီးဟားဟားလုပ်နေရတုန်း ဟမ်.. "
ပန်ပန်လည်း တိုက်မိတဲ့အစ်ကိုက တောက်ခေါက်ပြီးဟောက်နေတော့ လန့်သွားပြီးမျက်ရည်ပါဝဲလာရသည်။ကိုယ့်အမှားလည်းပါတော့ ကြောက်ကြောက်လန့်လန့်နဲ့ဘဲ
" တောင်း.... တောင်း..ပန်ပါတယ် အကိုရယ်... ပန်ပန်တို့အမှားပါ.. ခွင့်လွှတ်ပေးပါ..နော် နော်.."
ပန်ပန်တို့ရဲ့အမူအကျင့်အတိုင်းချွဲသံလေးပါ ပေါက်သွားသည်။
ချွဲသံလေးပါ ဝါဝင်ပြီး
တုန်ယင်တဲ့အသံလေးကskyရဲ့နားထဲဝင်ရောက်သွားပြီး သော့ကောက်ပြီးပြန်မော့ကြည့်တဲ့အခါမှာတော့
" ခ ..ခလေးလေးး"