Nilengin Suga nen kan awmdun a, ani hi tunlai a hna a kalkhat riauin ka hria, "Suga hyung, tinge hna hi i van kal khat ta em em? I bang ami, nge an ban zawk che?".
"Ka bang..".
"Timaw?? I thawhna pawh hmuh ve hma hma a..", ka ti sap.
"Hnadang zawn ka tum deuh a, ka inkhelh tibuailo tur tawk vel", ka lo nui hak.
"Tinge inkhelh chu i dah pawimawh em em? Ka tih awmzia chu i ngaina a i tui a, ka hrethiam lutuk, mahse kan eizawnna chu kan dah pawimawh ber tur zawk asin".
"A dik tho mai. Chuan engtik nge inkhelh chu kan tih dawn? Zanah lo chuan ka peih lo ang, mahse nangmah i hman a ngai ve thung anga..".
"Zanah chuan ka hman ber zawk ang".
"Anih chuan zanin hian kan va inkhel dawn mi niang? Dar 8 ah ka rawn lam ang che", a ding uaih a.
"Tinge i thawh tak uaih, dinner ei nghal law law la hyung, chuan ta tangin in inlamah kan phei zawk anga?", ka tih chuan kawngka bul a lo thlengphei der tawh.
"Ka va haw phei phawt zawk ange", kawt thleng chu ka thlah a.
"Zanin chu lo inpeih hma deuh rawh aw.. Chuan nangmahin i lo awm hreh angem?", min ngaihtuah hmel tak chuan a ti a. Hlau lo mah ila ka la hlauthawng reng tih a hria a, mahse ka hlauh loh thu leh ngaihtuah ka ngaihloh thu in ka chhang a, ani pawh ngaihtha takin a tlan liam a.
Inchhung ka luh chuan ka phone ri chu a tawp chiah a, Jungkook call alo ni. Ka call back vat a.
📱: "I va la thei lo ve. Inleng an awm ami?".
📲 : "Nilo e Kook. Pawnah ka lo awm daih a, tinge hmanni ka call zawng zawng che kha i chhan theih loh? Min rawn be bawk silo, i damlo zawk ami?".
📱: "Ka taksa chu a dam a, ka rilru erawh a dam lo".
📲 : "Ngatimaw i rilru a damloh a? Engvang nge? Mi pawh i hrilh miah lo amaw?".
📱: "Keipawh hrilhhriat ka ni thlip thlep bik ami? Ka lo chep awm ta hle mai!".
📲 : "Jungkook! Tinge chutiang thute i sawi a? I chep reng reng lo, tunge i chep ti? Min hrilh rawh, keimah ngeiin ka hrilhfiah ang".
📱: "Jimin-ssi, tawngka chuan tuman chep min ti lo, mahse ka laka i awmdan leh chezia atang te hian kei hi min lo mamawh ta vak lo anih hi tiraw.. Mahse ka hrethiam lutuk che, i hlimna a pawimawh ber alawm".
📲 : "Jungkook!!".
📱 : "Aih, sawifiah duh suh. Ka nat belhchhah zawk mai mai, i hlimna chu pan zel rawh, keichu ka tha, min ngaihtuah duh suh".
Phone a dah nghal daih a, chhan pawh ka chhan hma hma in.
A thusawi awmzia kha ka hrechiang hle, Suga chungchang vek ani a sawi ni, engthu nge Suga bulah ka sawi anga engtin nge Jungkook hi rilru pangngai ka puttir leh theih ang le??
Rilru tawt tak chuan ka thaw halh, sana ka en a, dar 6 alo ri dawn der tawh, dinner te eihma loh chuan Suga'n min rawn lam vat dawn si, ka hmanhmawh deuh angai.
Mahni te chuan eitur ka siam rak rak a, ka lo tih thin fo dan ni mah se tunlai chu Suga nen kan nih deuh rawt avangin mahnia eitur ka siam leh ta mai chu mal intih riauna ka nei. Mahse Suga min endan ka hrechiang a, hetianga kan awm avang hian va ngaihzawn treat viau emaw kha ka tum lo, kan awmdan ngai tho khan kan la awm ani.
Jungkook lam ka ngaihtuah leh, ka biak hma chu min biak hmasak tumna anei vak tawh lo, nichina min lo call kha Suga nena tianga kan awm atanga min rawn biak hmasak lehna chiah ani. School ah lah min be tlem em em a, la inzui chawt mah ila a hma angin kan titi dun bawrh bawrh tawh lo. A la cool em em reng a, ala thinchhe em em reng bawk. Ngaihzawng then hlim, mood fulo tum bur reng hi a ang ber.
Mahnia chauha awm chu thil tih vel zung zung a awl bawk a, karloah dinner chu eifelin ka inthlak a, Suga min lo lam hun nghakin Living room-ah phone khawihin ka thu mai mai a.
Darkar chanve ka thu tawh tihin door bell a rawn ri a, Suga anih tawh ringin rang takin ka tho a, kawngka chu ka hawng a.
"Hyung, i va hman hma--", ka ti chu ka tawnglai ka tawp chat. .
"Enge ilo tih dawn? Haw leh nghal rawh!", kawng chu khar leh nghal ka tum,
"Reilo te, reilo te chiah ka lo lut thei em Minnie? ka tina lo ang che", ka kawngka khar tum chu a vuan tlat a.
"Thei lo, chhuahna tur ka nei, min kalsan phawt zawk rawh", kawngka chu ka la vuan pah reng a.
"Khawnge i kal dawn?", ka incheidan chu a en a. "Inkhel tur i va ang ve, i inkhelh ngai awm ka hre silo a Minnie?".
"Tunah chuan lam chauh nilo inkhelh pawh ka ti vek tawh, a hma ang khan ka awm tawh lo. Kal tawh rawh, min tikhawtlai zel ania..". Boyfie chu ka nem a.
"Tinge? Kal tur pawh chuan min va duh ve? Min lo hmangaih ve viau thin amaw ka tia Minnie, a der vek maw lo ni a?", ka banrekah manin inchhungah a rawn penlut a.
"Rawn lut suh. Chhuak leh nghal rawh!".
"Minnie? Min ngai ve lo mi? Nangpawn min mamawh ve tho kha", tenawm taka min en pah chuan tiin min hnaihchilh zel a.
"Kalsawn rawh! Police ka phone dawn", hnunglama nam pawp pah chuan ka ti a, ka phone thuthlenga awm chu ka ban nghal bawk.
Hlauhthawnna nei eih lo chuan min lo en reng, ngawi rengin a ding a, phone ka khawih chiah tihin a rawn che vut a, ka phone chu a la daih!
"Min pe nghal rawh, i va chemawi lo ve a!", tiin ka va hnaih nghal ruak, ka banah chuan pawtin a awmah chuan min beitir thlawp. Ka duh lo chu ka tal nasa hle.
Ani hian engtin nge keimah chauha ka awmlai tak hian ka hmaah a rawn inlan ziah theih le? Ani hian min enthla thin chiang ani.
"Min thlah rawh. Nang ang mi enthlak ching hi ka mamawh reng reng lo, kal bo nghal rawh!", a awmah chuan ka theihtawpa na in ka chum pah a, a ngaipawimawh miah lo lehnghal.
"Minnie ka enthla ngai reng reng lo che. Ka ngaih thin em vang che in ka lo kal mai zawk alawm". A thusawi chu ka ring chhete eih lo. Min thlahdul deuh lai chu chuhin ka talchhuak puat a.
"Dawhehpa! Ka lak atang hian enge i duh chiah? Hetianga min tibuai reng tur hian i pawi sawi ka nei tawh reng reng ami heti taka min tih nat? Mi nunrawng diktak ilo nih hi!".
Thinrim takin boyfie chu ka en a. A ngawi reng.
Vanneihthlak takin ka phone a rawn ri hlauh, a kut atangin ka phone chu ka la thla vat a.
Suga ani, ka va lawm tak em!
"Aw hyung? Ka nghak reng tawh che nia?", ka ti nghal vat. Mahse ka va hlim rei silo em!
"Maw? I lo kal thei dawn lo maw? M-mahse ngatinge? K-kan sawi vek tawh kha...", hlauhthawn tak chuan ka ti a.
Ngawi rengin phone chu ka dah a, ka melh ngai chu ka melh reng.
"A thulhsan che law?", nuihzat hmel tak hian boyfie chuan a rawn ti a. A awm ve tih ka lo theihnghilh leh hman ani.
"Min hawsan rawh, min kalsan lul teh!", kalsawn ka tum chu min rawn pan a, ka dinna bula bangah chuan min nem deuh dawt.
"Minnie ngatinge ka rilru hi i hriatthiam duh miah loh? Ngatinge min hnardan i zawn zel? Eng hian nge i rilru lo thlak danglam ta che a?", ka dar tawn tawna min sawi chung chuan a ti a.
"I hre lo maw?! I hre lo tak tak amaw? Nangman hetianga awm tur hian min siam mawle, nunrawngpa! Tunge tha te tea kan awmlai inthen rawttu kha? Chupawh duhtawk loa min tibuai zui a min enthla hial thin tu kha. Nangmah vek hi ini asin bultantu, tinge thiamloh min chantir ve phet i tum?", a mitah tak chuan ka en a.
"Ka tum lawk ani lo Minnie", maimitchhing deuh sawk chuan a ti a.
"Tun thlengin kan tawp dan hi ka la hrethiam lo asin".
Min en run run a, min kuaiher thutin banglam hawi chuan min nembet a, min ti hlauthawng takzet.
"Ngatinge ka hnenah i rawn let leh mailoh Minnie? Keichuan ka pawm thei reng che, tunah pawh ka la nghak reng che sin", tihpahin min rawn nek deuh salh a.
"Ka thaw thei lo nia, kalsawn tehhh!", ti thatin hnunglam chu ka mitsir a.
"Zanin chiah hun min pe rawh Minnie..", aw nem thawp sata tiin ka beng bulah chuan a thaw lum ham ham.
"K-ka thei lo.. M-min kalsan rawh..", ka beng bulah a thaw lum ham ham a, ka tum reng vang leh duh reng vang pawh nilo in ka lo chhing ve diar diar a.
"I ti takzet maw Minnie?", tihpahin ka mawng zawnah a rawn thrust zeuh.
"Nilo, khawngaihin..".
"Khang kum 2 chhung khan i thu thuin ka awm thin ani lawm ni? Tunah chuan ka thua i awm a hun ve tawh ani Minnie..", ka beng seh zeuh pah chuan a ti a.
"Eng chance mah ka pe thei tawh lo che, ka ring thei tawh bawk lo che, kan in kalsan hi a fuh ber..", rem leh remloa nemsawn tang tang pah chuan ka ti a. "K-ka chunga i chetdan te kha i theihnghilh ta em ni? Min thah mai pawh i hreh loh kha..".
"Kha kha ka chet duhdan ani bik lo Minnie. Ka thinrimin tiang khan i chungah ka che ta mai anih kha, min ngaidam dawn nia".
"Anih text (message) rawn thawn thintu kha i ni em?", ka ti leh. A ngawih reng avangin vin deuh takin ka zawtnawn leh!
"Aw..".
Min thlah pahin a kalsawn a. Kei erawh ka dindan ngai rengin ka la ding thung.
"Minnie min ngaidam hram rawh, rilru na takin ka kalsan che tih ka hria, mahse hlim takin ka awm bik miah lo asin, engkim kha ka thiamloh ani", inthiamlo hmel tak chuan a thu a, ngawi rengin ka en reng a.
Tikhawpa rilruna leh hlauthawnga min siam hnuah awlsam takin ka ngaidam thei angem ka hre lo. Tin, a ti tak tak lo thei bawk.
"Ka ring lo che. Ngaidam che pawh ni ila ka chunga i rilru puthmang diktak hi ka la hrechiang thei lo, engtiangin nge ka chungah i rawn chet leh duh ang tih ka ngaihtuah ziah asin!".
"Ka tina leh tawh ngai lo ang che Minnie, min ring hram rawh". A thutna atang chuan rawn thochhuakin bangah bawk chuan min nawrbet leh a.
"Che suh, ti suh, khawngaihin. Anih loh chuan i ngaihdam dilna kha ka pawm lo ang!".
Ka thusawi ngaithla lo zet chuan min nawrbet a, ka beng a seh ne ne a.
Inher tum engang mahnila min nawrnet nghet em a, ka tan chetsawn ngaihna a awm lo.
"Engang pawn tum mahla, i lam lo hawi leh hi ka tum tawh lo", ka ti hram a, tlemin min nawrbehna chu a ti thawl deuh, ka che nghal vat. "Min k-khawih tawh suh".
"Min ngaithla teh Minnie, ka tina dawn lo che ka tih tawh kha, tha te te in kan sawi kha, min haw mah la keichuan ka haw ve ngai dawn lo che, i tan chiah ka awm asin, kan tawpdan kha keipawn na ka ti, tuar lo bik ka nilo, i hmaa ka rawn inlan apiangin nang chuan min hmu duhlo in i kalbo thin a, tihdan awmchhun nia ka hriat, i inrinloh laia ka rawn lan thut thut thin vang pawn ngaihdam ka dil tawh che kha..".
"Mahse min ti hlau zawng a khawsak leh inreh te kha..", ka lo ti zauh.
"Khami vang pawh khan min ngaidam rawh Minnie, min tlanchhiatsan zel kha ka thin a rim tawh em ani. Ngaihdam dil che ka duh vangin zanin ah pawh pangngai takin nih hi ka lo kal ni".
Awih tur nge awihloh tur pawh ka hrethiam lo. Ka awmdan ngai reng chuan ka awm a. Boyfie pawh a ngawi reng a.
"Min kalsan tawh rawh". Kan ngawih dun vang vang hnu chuan ka ti a.
"Anih min ngaidam em?".
Min rawn en a. Ka ngaidam em ka hre lo, min khawihluih a tum tawhna zawng zawng leh ka nghawnga min rehna vang khan ngaidam harsa ka ti ber ani.
"I chet dan a zirin ka lo ngaihtuah dawn nia", tih chauhin ka chhang a.
"Min ngaihdam hma chu i hmaah ka rawn inlan reng dawn nia", tihpah chuan a tho a, a thusawi kha ti tak tak ta se ka chungah hlauhthawnawm deuh deuhin a che leh angem? Lo ngaidam ta ila bul tan puiah min sawm leh ngem? Engmah ka hre lo.
Tunah chuan min tanpui turin ka kiangah Suga a awm tawh a, Jungkook pawh ka la chan em lo a, engtikniah emaw chuan keimah chauhin he thil hi hmachhawn hun pawh ala awm maithei, chutah chuan mahni ka inringtawk angem ka tithei angem tih chiah ka hre duh. Theih pawh ka thei ngei ang.
Boyfie chhuah hnu chuan kawngka chu kalhtha sawk sawkin room lamah ka chho nghal a, zanin ka huntawn zet chu ka beisei ang ani lo takzet! Boyfie khan kan inkar vangin ngaihdam min dil hi ka ring ngai lo, zanina min dil pawh khan a hmelah ti tak takna tlemte chu ka hmu, mahse ka ring ngam lo. Ka tihsual ka hlau ani.
Zanin hian Suga nen lo inkhel ta ila, boyfie nen khan kan inhmu kher angem? Chuan ngaihdam pawh kha min dil kher angem? Tinge Suga nen plan kan neih zan ber kherah a rawn inlan, tinge Suga pawh khatiang khan a awm? Tinge zanin ber kherah a ruala thil a thlen? Tinge engkim ka ngaihtuah zui ngaia a awm?
Tinge? Ngatinge???