هلو حبايبي
***
ذلك الهدوء الي يتملكني لم ياتي عبثآ
***
_ الجو توتر والكل ضل باهت من حجة وسام العنزي وهو نافخ صدره ويحجي بزود هنا تميم باوعله بنظرات ناريه
وانفاسه الساخنه اعتلت هل هاذا رجل مجنون هل هو واعي
لما قتل اهو فعلا يجهل من تكون تلك الاصيله حسب
كلامه الئ هنا وكفئ
لم يكن تميم وحده الثائر هناك من هم اشرس واكثر وحشيه
علئ الاقل تميم رجل متفهم وحكيم يستطيع التحكم بااعصابه ولكن كيف يستطيع السيطره ؏ رجاله
وبذات عداي الذي اصبح گ وحش مستعد لينقض ؏ فريسته وايضا سلمان الذي برزت عروق جبينه
كان گ صقر ينتظر اشاره صغيرة من سيده ل
يجعل من اشلائهم تتطاير في ارجاء المكان ولكن لابد ان يستمع للاخر وبعدها يقرر عندما قال وسام العنزي
وسام العنزي ،، ياجماعة الخير الي صار بي صالح ونحن جاين مانريد نرد الئ ونحن اهل ان شاء الله
سالم ،، اهل ان شاء الله كول يابو حميد
وسام العنزي ،، انه اريد الكرب منكم
سالم ،، وضح يابو حميد
_ هل جمله هي الي خلت الكل يستنفر يريد الكمربه يعني يريد مره من ال سالم طيب هو شعرفه انو عندهم بنات
اكيد يقصد حور وهاذا الي خله وجها تميم مثل سيف
رجع كمل الرجل
وسام العنزي ،، انه اريد مراة لولدي زيدان من عندك ياشيخ
سالم انت نسبك مشرف ومثل مانطيت مراة للبجود
العنزي رايدين منك مراة
سالم ،، عز الله ان طلبكم غالي لكن انه ماعندي نسوان
الحجي نوجها لاخوي ابو عداي
وسام العنزي ،، منك من ابو عداي انه رايد كربكم ياال سالم
_ من كال هيج الكل هدأ واخد نفس واولهم تميم الي
اخذ نفس عميق وفرك وجها كان كاعد ؏ اعصابه باوع الزيدان الي كان يحجي مع احد رجالهم ورجع صد
؏ عداي باوعله بنظره عميقه بسرعه عداي كال
عداي ،، اذا ماتريد هل نسب كول
تميم ،، لا مالي ؏ خطيت البنت اذا هاي قسمتها خلها تروح
بفالها ولو كارها بس زلما ماعليه عيب والي صار يبقئ
سوء فهم
عداي ،، هيج رايك
تميم ،، اي ياخوي
_ هنا ابو عداي حجة
ابو عداي ،، طلبك ؏ راسي ابو حميد اشوف نتناقش
بالامر ونردلكم خبر
وسام العنزي ،، خير ان شاء الله انتظر منكم الاخبار الحلوة
_ بعدها طلع الكل الكباريه توجهو للقصر وعدنان راح ينام ضل تميم و عداي كب اعدين مددو وضلو يحجون
دار بينهم نقاش طويل بعد ماتميم صرف الكهوجي
بعدت مواضيع
عند حور
_ بعد ماغسلت لبست بجامه و تشيرت عريض مريح تركت شعرها فتوح راحت طلعت كوب عصير اخذته وكعدت مقابيل الحديقه الي كانت منوره بشكل ياسر النظر
شغلت جهاز وكعدت تتابع عمليه لحد مانعست كامت تريد
تمام لكن اكو شيئ بداخلها مو مرتاح صارت تحجي ويه
نفسها وتعاتبها
حور ،، اوووف هسه اني ليش كتله روح نام هناك
حتئ لو اريد عرس ليش طردته من الغرفه
_ تصفن ؏ شكلها بالمرايه ورجعة حجة
حور ،، اروح اشوفه لو اتصل عليه اهوو هاي شلون معضله
من الاخر اجيبه ؏ ملئ وجها وانام بحضنه وكل شيئ
انتهئ بلا عرس بلا بطيخ لا واريد ثلاث اشهر
ماينام هنا واني من اول يوم لابت روحي عليه
_ ابتسمت بخبث وراحت عندها علاج يسوي لعيان نفس
اذا اخذته وهي مماكله وهي فعلا من صبح مااكلت بس عصير اخذت جرعه منه وباوعت النفسها وكشرت
بسرعه فتحت المجر مال المكياج خلت كحل ابيض
مع ماسكرا ؏ حمرة بلون الموف بلا لمعه بس لون
رجعت سرحت شعرها ولفه اطرافه ويفي طلع يجنن
باوعت ؏ التشيرت مالتها ماحلو ركضت
طلعت واحد قصير ربع ردن فتحت صدر واسعه لبسته
وصل نص بطنها نزلت البجامه شوي ؏ الورك باوعت النفسها وابتسمت لكن فجاة حست بمقص قوي
خلت ايدها ؏ معدتها وركضت ؏ الحمام استفرغت
اصلا مااكله شيئ بس العصير وجها صار ليمونه
واطرافها ترجف اخذت الجهاز واتصلت عليه
تتصل ميرد كعدت كدام المرايا ؏ طبله عرفت زعلان
لكن مستحيل تتنازل عن فكرة العرس كتبت مسج
حور ،، 📤 تميم تعال حباب
_ ودتها وارتجت ؏ ميز المرايا لعيان النفس دمرها
صدق المثل الي يكول من حفر حفره لاخيه وقع فيها
عند تميم
_ كامت ساعه وحده وهو مااجاه نوم يفكر فجاه رن جهازه
بسسرعه انطاه صامت ضل يباوع ؏ الاسم مهرتي
ابتسم بخبث وصار يذكر طول فترة مرض هو ينام بالاستقبال تترك غرفتها وتجي تمام يمه عودها عليه
بعد فنها تكدر تنام اذا مو ؏ دفئ حضنه رجعت اتصل
عكف حواجبه مو من طبعها تلح عداي نايم قريب منه
مايكدر يحجي كام وكف حتئ يطلع برئ يرد لكن
وصله المسج فتحه تجمد بمكانه باوع العداي نايم تركه وطلع بسرعه شاف رجال كاعدين حتئ محجة وياهم
بسرعه توجه للبيت مباشرتا الغرفته دخل عيونه تدور
عليها اجت ؏ سرير لكن كان فاضي
صد ؏ جها الثانيه لمحها كاعده وخاله راسها ؏ الميز
تقرب عليها بسرعه اثنئ ركبه كدامها رفع وجها باوعتله
بعيون حمر ذبلانه وشفايفها ترجف انقبض قلبه
تميم ،، كومي اخذج للدكتور كومي
_ كومها وكفت مقابيله وبدون مقدمات حضنته خلت راسها
؏ صدره وحجة بصوت تعبان وبي نوم
حور ،، مااريد بس نومني بحضنك
تميم ،، بويا انومج بعيوني عين غطا وين فراش
بس كون نعرف شمالج ذبلانه
حور ،، مبيه لخذت مسكن قوي
تميم ،، ليش هل مسكن شيوجعج يبعد كليبي وجلاي
حور ،، روحي توجعني
تميم ،، يابويا يابويا شمالها
حور ،، تريدك
تميم ،، ولج حور لتخبليني بهل ليل شو تعاي
_ مد ايده ؏ خصرها مجرد شعر بملمس جلدها الناعم غمض عيونه الناعسه اخذ نفس ومشئ وصلها للسرير
رفع الغطئ نومها و فتر من صفحه الثانيه نزع دشداشته
ودخل يمها سحبها بحضنه كانت مثل العجينه بين اديه
مات عليها لكن مجبور يمشي حله بكم قبله
_ حور
_ كانت فعليا تتوجع لكن الان تحس براحه نفسيه
والانسان اذا كان مرتاح نفسيا مايهتم للالم مهما كان
بذات هي هاذا الوجع بالنسبة الها مجرد نسمه لذلك راح تسوي المستحيل حتئ ماتخسر هل رجال الي الله عوضها
في بعد طول انتظار بعد مافقدت الامل انو ترتاح بحياتها
قررت تاخذ الي تريده لكن بدون اي مقابل لانها تظن
انو هيه دفعت ثمن الي داتعيشه الان في الماضي
والثمن كان كبير لدرجة مايكدر يتخيله انسان وتحملت
وصبرت وربها عوضها وهيه نايمه ؏ صدره وبصوت هامس
مثل الهلوسه حجة
حور ،، اقسم بالله مايلمك غير حضني والقبر
_ حجتها ونزلت دموعها بسرعه فز رفع راسه باوعلها
سوت مفسها نايمه مسح ؏ خدها وقبلها بحنو زادت من تشبثها في واخيرا استسلمت للنوم
_ حين يطلقون لقب الساحره ؏ انثئ ما فهم لم يخطئو
جميع النساء ساحرات بجمالهن بذكائهن ببرائتهم وعفويتهن
لكن يجب تستخدام كل تلك الصفات بصوره صحيحه
بالوقت والزمان المناسب
عند هدئ
_ كل اليل منامت بسبب فهد كانت حرارته مرتفعه
ويبجي اضاهر اخذ فايروس لحد الفجر وهيه تفتر بي بالبيت اخر شيئ كعدت بالصاله شغلت المدفئه الكهربائية
وخلته بحضنها بعد مااعطته مهدئ حتئ ينام
وهيه كاعده غفت هيه والطفل بدون ادراك
بهل اثناء كعدت حجيله مثل كل يوم وهيه تحجي بصوت عالي القصر يكون
حجيله ،، حي ؏ الصلاة الله اكبر فزو اخذو شيئ لاخرتكم
النوم غايت الشيطان اعوذ بالله من شيطان الرجيم
الله اكبر الله اكبر
_ فتحت عيونها الوارمه بمنعاس باوعتلها ورجعت
غمضت كان شكلها يموت ضحك شعرها الويفي مفتوح
كانو تعرض لتيار كهربائي قالبه شفايفها بزعل
مرجعه رقبتها ؏ الكرويته ومتربعه وفهد بحضنها مغطه
بطانيه صغيرة من شافتهم حجيله بهل حال سكتت
فهمت السالفه كعدت تصلي نص ساعه يلا خلصت وضلت ؏ المصلايه تسبح بصوت هادئ يبعث الاطمئنانيه بالنفس
غفت وهيه مرتاحه ؏ صوت الاذكار بعد ماحست ؏ شيئ
بهل اثناء دخل عداي تفاجئ من شافهم تقرب من حجيله وكف وسئلها وهو يأشر ويحجي بصوت هادئ
لكن عبث صوته الرجولي ترس المكان
عداي ،، تقبل الله حبوبه
حجيله ،، منا ومنكم حبوبي
_ اشر ؏ النايمه وكال ردت عاليه وهيه تلم مصلايتها
وتكوم
حجيله ،، اضن الفرح هرج الدنيا عليها هل مسكينه
خلهم خلهم نايمين اروح اجيب الهم غطي
عداي ،، خلج حبوبه انه اجيب
_ توجهة للمطبخ وهو راح ؏ غرفة حجيله اخذ بطانيه ومخده ورجع خلا المخده رجع عليها ثواني وهو صافن
بوجها اجت عينه ؏ شفايفها بلع ريكه بحصره
مد ايده ومشئ اصبعه ؏ خدها الابيض الناعم تعكرت
ملاح وجها الفرق شاسع بين لون اصبعه وخدها المورد
اثر الحراره جر حصره ونزل ايده ؏ فهد راد يسحبه منها
لكن كانت متمسكه في ابتسم ؏ شكلهم
وتمنئ بداخله تكون اله والي بحضنها ابنه همس بصوت ابح
عداي ،، يردلها بخت
لزمها من كتفها ونيمها ؏ المخده هيه وفهد وغطاهم عيونه انفتحت ؏ وسعهن من فهد تحرك وسحب تشيرت مالتها وبان قسم من صدرها المنتفخ بصوره مثيره نسئ شلون يتنفس غمض عيونه مايريد يشوف ويحترق اكثريبه مد ايده ومسك ايد فهد حتئ يبعدها بدون قصد صار في
التماس بينهم حس انفاسه ثقلت وخر ايد فهد لكن هاذا المشاغب كانو متقصد يحرق قلب عداي لانو ماترك تشيرت
بالعكس انطئ مجال اكبر للنظر لكن الغيره من هل صغير
سيطرت ؏ عداي لانو فرك ايد فهد وفتح اصابعه
المتشبثه بااحكام وابعدهم عن ملابسها ورجع كل شيئ
لمكانه الئ مشاعر مستحيل ترجع گ سابق اصبح
في صراح مع نفسه غطاهم بسرعه وابتعد من سمع صوت خطوات قادمه دخل المطبخ
_ كانت حجيله خاله شاي ؏ طباخ والبيض والخبز ؏ صوبيا
وجبن والروب بصينيه ماتحب تكعد ؏ ميز اطعام تكعد
؏ الارض تفرش وتكعد والكل يكعد وياها احتراما الها
كعد يمها وجها محمر ويده ترجف باوعتله حجيله وحجة
حجيله ،، شمالك حبوبي اذ تهواها ليش محجيت
_ رفع راسه باوعلها بوجه مقتضب وحجة
عداي ،، شنو
حجيله ،، اكولن اذ جنت هاويها لهديوه ليش ماخذيتها
عداي ،، ماهاويها
حجيله ،، تجذب ؏ حبوبتك چاشبي صوتك يرجف ودمك يغلي بسك شفتها منسدحه هين
_ رفع ايده ومررها ؏ شعره وحجة بصوت مهزوز
عداي ،، مارادتني كتلها تزوجيني كالت مااناسبك
حجيله ،، زين سوت عبنك بلا حيا
عداي ،، ليش
حجيله ،، چا غير تجي وتحجي وتكول ياهلي انه رايد
هل حديثه حلالي لشوف منو الي مايجيبها ويخليها بحضينك بس هاذا عقاب الي مايحسب حساب الهله وكباريته يكضي عمره يذب حصرات
عداي ،، لزوديها علي والي يرحم والديج حبوبه
حجيله ،، دكم كم جيب هل قوي من النار
_ كام حضر الريوك وياها وكعدو يتريكون وبدات الوادم تكعد واحد ورئ الاخ
_ عند حور
_ كعدت ؏ صوت المنبه تململت بثقل بسبب ذراعه الي يلفها
؏ خصرها ابتسمت بحب ورفعت راسها صفنت بوجها
اول مرة تتامله وهو نايم بلعت ريكها وتقربت منه قبلته
؏ ذقنه الناعمه اخذت نفس عميق من ريحته رادت تكون
لكن سحبها بقوه وكعت ؏ صدره حجة وهو مغمض
تميم ،، ليش تتحارشين من صبح
حور ،، اني امتئ
تميم ،، ههههه ابوس صوتج شكد رقيق
_ فتح عيونه يباوعلها وحجة
تميم ،، سبحان الخالق هلكد شايله حسن وترافه
_ ابتسمت بخجل وضلت تباوعله رجع حجة بعد مقبلها اكثر من مره ؏ كذا مكان
تميم ،، شلون صرتي
حور ،، افضل شكرا لانك اجيت
تميم ،، هاي شنو ؏ شنو تشكريني بويا چاغير انتي عافيتي
حور ،، لعد بعد لتتركني ابد
تميم ،، چا كوليها من الاول ليش تخوفيني عليج
حور ،، شنو
تميم ،، كولي مااكدر انام اذا مو بحضنك
حور ،، بعد العرس اكولها
تميم ،، ههههه ماشي بويا ماشي وين تردين
حور ،، ؏ شغلي
تميم ،، نامي ماكو طلعه انتي مريضه
حور ،، لا حباب لازم اروح عبير مامداومه اليوم ابنها مريض ضروري اداوم
تميم ،، حور انتبهي ؏ نفسك سلمان راح يدخل وياج
من ضمن الامن لا تحجين ويه احد لسه البارحه فضة
سالفت هاذا السزز
حور ،، صدك شصار
_ هيه مانست لكن محبت تفتح الموضوع رادته يحجي
هو بالاول لكن متاكده الحقير حجة شيئ لان تميم هادئ
تميم ،، ماكال واعتذرو اهله ابوه خوش زلمه من وجهاء
العشاير الكبيره ومعروف
حور ،، يعني فضت
تميم ،، فضت بس صار
حور ،، شصار
تميم ،، يردون مراة من عدنا طلبو من ابوي وهو كال ؏ عمي
حور ،، يعني راح تنطو سلوئ
تميم ،، ماعرف لسه مقررنا
_ وجه حور تمتعض هاذا زيدان حقير ميستاهل وابد
مارتحت اله ليش لحتئ يطلب مراة من عند عيالي
امس كان ملاحقني اوف باسته وكامت وكفت اخذت جهاز
دتصلت ؏ هدئ مترد استغربت توجهة ؏ الحمام
غسلت وطلعت دخلت ؏ الدريسنج روم طلعت فستان
صوف مطعم جلد بلون زيتي نص ساق مخصر ؏ جسمها
ذات العود الفرنسي مع بوت طويل وكوت جو برد
لست وطلعت شيله الكوت خلته ؏ طارف سرير وراحت
رتبت شعرها و خلت مرطبات وعطر تميم كان بالحمام
طلع شافها تلبس بالساعه تقرب منها حضنها من الخلف
وقبل رقبتها بقوبه
حور ،، اخخ
تميم ،، البسي بارده
حور ،، هيات الكوت
_ ابتعد عنها وهيه اخذت جنطتها وطلعت لكن تفاجئة
من شافت هدئ نايمه بصاله وفهد بحضنها تقربت منهم
وهمست
حور ،، هدئ هدئ
هدئ ،، هممم
هدئ ،، ليش نايمه هنا
هدئ ،، ماروح روحي فهد مريض
_ وجها انجذب باوعت فهد نايم لمست جبينه مافي حرارة
هنا هدئ فتحت باوعت الحور وحجة
هدئ ،، ماكو شيئ لتخافين فايروس انطيته مضاد حيوي
وخافض حرارة صار احسن ضليت كاعده وياه الفجر
نمنا هنا روحي انتي واخذيلي اجازه
حور ،، ماشي قلبي باي
_ طلعت بوجها للسيارة مامرة ؏ المطبخ اول
حور ،، صباح الخير
سلمان ،، صباح نور
_ حجاها وباوع الها بالمرايه بنظره غريبه مااهتمت
هل مرة اخذها وياه للكراج صف سيارة ونزل هوة وياه ودخلو سوئ لكن الي صار انتبهت عليه طلع باج ولبسه محجة شيئ وصلها ؏ مكتبها و ضل واكف بدلت لبست سكراب ولفت شعرها زين وطلعت وهل مرة رافقها لحد الطابق الخاص بصالة الولادة وكف يم الامن وهيه دخلت
؏ الصاله مااهتمت للعيون الي تباوعلها بالاخر هيه
ممسويه شيئ غلط مكانتها تفرض عليها هل شيئ
اول مدخلة كانت صاله متروسه باوعت ؏ ممرضات اثنين
واقفات يسولفن وحده منهن وثانيه نور اشرت الهن اجني تقربن منها
حور ،، انتن راح تكونن مثل ضلي طول فترة دوامي
نور ،، حاضر دكتورة
فراقد ،، اكيد دكتورة
_ طلعت سماعه من جيبها خلتها ؏ رقبتها وصارت تفتر
؏ المرضئ وتبتسم بلطف
حور ،، من امتئ هل بنت هنا
فراقد ،، من ساعه ثلاثه
حور ،، قفاز
نور ،، حاضر
طفرت نور جابت الها القفازات وفتحتهن لبستهم حور
وباعت ؏ البنيه وحجة
حور ،، تعالي وياي
_ اخذتها ؏ سديه
حور ،، يلااا يلاا تسطحي بسرعه حتئ تخلصين
_ صارت تفحصها وهيه تباوع ؏ فراقد ابتعدت عن المراة
نزعت القفاز توجهة ؏ المكتب الي بنص صالة
وكفت وصارت تكتب ؏ دفتر المخصص للعلاج بعدها
طلعت الختم من جيدها وختمت ؏ الوصفه الي كتبت
بيها العلاج بعدها باوعت ؏ فراقد وحجة
حور ،، ابدي بهاذا العلاج بالاول سوي تيست تحسس وبلشي تنطيها الكبريو......... كل ساعه
فراقد ،، حاضر دكتوره
_ ضلت ؏ هل وضع لحد ساعه وحده
حتئ ؏ الغدا مطلعت طلبت قهوه و اريو اكلتهم ورجعة تشتغل لحد ماانتهئ دوامها طلعت كان سلمان ينتظرها
طلعت توجهة ؏ مكتبها دخلت تكمل شغلها نص ساعه
نزلت كل المعلومات ؏ الحاسوب وكامت بدلت ملابسها
وطلعت رجعت للبيت تعبانه وروحها طالعه كانت ساعه
ثلاثه تقريبا دخلت كان في ضيوف صوت عالي نزعت الكوت خلته ؏ ذراعها وجنطه باايدها ورتبت شعرها
ودخلت باوعت كان تسوف جاهر وياها مراة نص عمرها
كاعده من شافتها ضلت تباوعلها بنظرات عميقه
حور ،، السلام عليكم
ام فزع ،، وعليكم السلام ورحمة الله وبركاته هلا بشيخه
هلا بكمر الشيخ
_ ابتسمت الها حور مستغربه كلامها رجعة المراة كالت
ام فزع ،، انه اليوم جايه وقاصده مرة الشيخ
حور ،، هلا بيج
ام عداي ،، چا احنه مو بعينج ام فزع
_ باوعتلها المراة ورفعة حاجبها وكالت
ام فزع ،، كدرج جبير ياام عداي لكن انه كاصده حرم شيخ
تجاهلة ام عداي وحجة موجها كلامها الحور
ام فزع ،، حدري هين حبوبه عندي حجايتن وياج
_ تقدمت حور خلت جنطتها والكوت ؏ طرف الكرويته
رجعت دنكت فتحت سحاب البوت ونزعته من رجلها وخلته
؏ صفحه عدلت فستانها ودخلت كعدت مقابيل ام فزع
وهيه تباوع ؏ حجيله بتسائل فهمت عليها قمصت عيونها
الها بمعنئ خلينا نسمع ابتسمت حور بوجه المراة وحجة
حور ،، اتفضلي خاله
ام فزع ،، يزيد فضلج يكمرهن يزيد فضلج
_ صفنت ؏ حور ثواني بعدها حجة
ام فزع ،، انه جايه عليج عندي كلام محد يفهما غيرج
عبنج مراة سنعه ومعدله وتعرفين شلون تلزمين لجام الخيل
وتحكميها اذا صار سباك
_ حور رفعت حاجبها بسرعه فهمت قصد المراة ضلت ساكته
كملت ام فزع
ام فزع ،، بنت اخوي ابوها هداها للشيخ وهو قبل الهديه
لجن هداها لابن عمه واني ابد مالومه منو يعوف هل حلكوم
ويباوع لحرمة ثانيه بس الغبر
حور ،، خاله وين تردين تصلين
ام فزع ،، بنت اخوي راح ترجع هين ان رضو وان مارضو
الي اريده تحسبيها اخيتج وتخلين عينج عليها
وتعلميها تصير مثلج هيج شيخه رافعه راسها محترمه نفسها مزيونه مستوره هاذا املي بيج ياشيخة البنات
اريدنج تعاميها الرقي والاحترام تعلميها كل شغله تفيدها
_ صفنت حور عليها شلون تحجي بزود وكانها متاكده
انو بنت اخوها راح تولد من جديد وبداخلها تقول
حور ،، معقوله تطلب مني هل طلب اوك ماشي لكن هيه تعرف انو طلبها شبه مستحيل شلون تعلمها الاهتمام
والاحترام وارقي طيب هيه تعرف شنو معنئ رقي اساسا
تعرف انو المراة الراقية هي الي تحترم خصوصيتها الي تحافظ على حياتها الخاصة الي تحفظ اسرارها مهما كان المها واذا تكلمت تعرف المن توجه كلامها و مهما كان ماتحجي عن ماضيها او خصوصيتها
وانو لازم تكون لغز غامض يحاول الجميع اكتشافه ماتسمح لاحد يطلع ؏ خصوصياتها لازم تكون محور الكون
هاذا هو رقي صعب جدا مو سهل ابد خاصة اذا كان شخص
من بيئه منحدره او غير مطلع
شلون تفهمها انو تعرف متى تتكلم ومتى تسكت ماتدخل بحياة الاخرين ما تقاطع احد بالكلام وتسمع للكبار دائما واخذ العبرة والحكمه والنصيحه من الشخص الصح شلون اعلمها انو متكون فضولية تجاه خصوصية الاخرين لان الفضول واللقافه عاده سيئه
شلون اعلمها انو ماتسئل اسئله مالها داعي وما تدخل بحياة احد هل شيئ صعب جدا تتعلمه هاجر بيوم وليله
معقوله اذا كتلها ركزي ؏ حياتك وتمسكي بلي يسعدك والي يخليج سعيده ويحترمك واستمتعي بحياتك راح تفهم اكيد لا شلون افهمها انو رقي هو ماتنتقد غيرها و ما تستنقص غيرها وما تغتاب الناس او تحرجهم بكلامها او تصرفاتها عكسج انتي ياحشريه يامتطفله شلون افهمها انو
المراة الراقيه ماتندب حضها و تراقب نفسها وتحاول تكون
هادئ دائما وماتشكي وتبكي وتكون انسانه فعاله لها دور في الحياة تعرف تتعامل مع مشاكلها وان كانت عقيمه لازم توصل لهدفها بنهايه اشلون افهمها انو المراة الراقيه
المحترمه تحتفظ بعيوبها وبالاشياء السلبية وماضيها لنفسها لان من اهم الاشياء اللي تخرب جاذبية المرأة كلامها عن عيوبها امام الآخرين حتى لو كان بشكل عفوي مايجوز
شلون ادخل بحياتها واعلمها تهتم بنضافتها الشخصيه
وماتخلط بين ماضيها وحاضرها لكل مكان وزمان قواعد
يجب الالتزام بها هل شيئ شبه مستحيل حجة حور بعد
صمت دام لدقائق وهي تناقش عقلها يمكن ردها راح يكون في كمية كبيره من النرجسية لكن ماتكدر تكون انانيه وتعطي امل لشخص ميؤس منه اصلا مثل هاجر لان الطبع غلب التطبع علميا ابتلعت مافي فمها لتقول
حور ،، اعتذر خاله اني مااكدر اوعدج بشيئ لانو
اني عندي حياتي وقتي مايسمح شوفت عينج هاي رجعتي
من شغلي عندي طفل لازم اهتم في وعندي رجل
لازم اخصصله اغلب وقتي ودراستي لكن حابه احجيلج
شغله مهمه ياريت تسمعيها
ام فزع ،، كولي حبوبه
حور ،، اني من اجيت هنا قبل سنتين مكنت اعرف عاداتهم
وقيمهم ولا حتئ حجيهم تعلمت ومازلت اتعلم
من احتاج نصيحه هاذي هيه الحكمه بعينها
_ حجتها واشرت ؏ حجيله الي هزة راسها برضئ ؏ كلام حرمة شيخ الشيخة جنتها زوجة حفيدها رجعت حور كملت
حور ،، تعلمت ماادخل بشيئ من الشيخه ام هارون
الهادئ الرزنه الي تحل اكبر مشكله بالبيت بكلمه
تعلمت مااحجي كثير وماارد ؏ الكبار من ام عداي
علمتني ماارادد ومااتهاون بشغلي ولازم اساعد واقوم بالواجب
تعلمت عاداتهم وتعرفت عليهم و ؏ اطباعهم من هاذي المراة الي كانت اخت الي مايوم خجلتني او تدخلت
بحياتي ودائما تحمي ضهري وتشيل عني
والاهم عندي رجال هو اساسي بهل بيت ماتطلع عن شوره
واسئله ؏ اي شغله ماافمها وهو يعلمني وينصحني رغم
اني مااحتاج تعلوم لكن لكل مكان وزمان قواعد وقيم
لازم نلتزم بيها ياخاله
انتي قصدتي الشخص الخطا لازم توجهين هل كلام
للشيخات الحكيمات الي كدامج مو الي اني مثلي مثل
بنت اخوج هاجر لسا كدامي مشوار طويل لازم
امشي نصيحه اذا رجعت خل تسمع للكبار ولاهم الزوجها
متاكده راح تكون افضل وقتها وهسه اسمحيلي اروح كلش تعبانه واهلا وسهلا بيج مرة ثانيه
_ ترخصة وكامت بسرعه اخذت جنطتها والكوت وتوجهة
؏ غرفتها وهيه تفكر شلون راح ترجعها مصار اسبوع
من طردها شلون راح ترجعها لا ومتاكده
تذكرت شكل هاجر وهيه كاعده خانسه وجها انعفس
وكالت بهمس وهيه داخله ؏ غرفتها تقلد ام فزع
حور ،، شيخه مثلج هههههه لا وتذكرني مااعرف تستفزني
تكول تراها هدية شيخ هذول شلون نفهمهم انو زمن العبوديه خلص انتهئ المراة مو سلعه تهدا وتشرئ وتباع
***
بارت دراميكي طويل جدا تعويض عن امس 😒
يعني بارتين في واحد 🔥
قرأءة ممتعه احبتي ❤️