شخباركم حبايب قلبي انتو 💚.
#الكاتبه زازا
#ابوضبع 904
حساب الانستا للتواصل معي ومع الابطال
its.zlzala0
بارت طويللللل لعيونكم🥹💋💋💋💋
تعبت هواي كتبت عوضوني بتفاعلكم وتعليقاتكم لحلوهَ😔💙.
لو يِهل وَجهك حبيبي
إلا أوزع كُل بواچي على
المَحد بِچاله
إلا أصُوغ السَكته إلك
ساعي ورسالة
إلا أطفيلك أيامي
مُراد جيّتك
و أنتَ تدري كُحله البيبان
چفك ياحَبيبي ♥.
"" "" "" "" "" "" "" "" "" "" "" "❥ َِ
" سيلين "
من يوم الـ اجه بي حسن واني مخبوصه ساعه اكول خاف اشوفه وارجع احبه ساعه اكول لا أصلاً نسيته وبسبب هاي لحقيره اختي مصورتني اني وجهي اصفر يجوز بس يشوفني يفطس من ضحك بقو كاعدين بصاله يسولفون صعدت لغرفتي كعدت بفراشي لميت رجليه لصدري مبتسمه وبنفس الوقت كلبي شاب نار ؏ شوگه حيلل حيل مشتاكتله صفنت بلفراغ مبتسمه اذكر ايامنه من غسلنه زوالي ضحكت من كل كلبي ...
سيلين-: كاعده اجلف بزوليه صحت بمعصبه
وللجن ايڤن نماااررق يمصخمااااات وينجنن ولله خل تجي اميييي لكلهه عليجن بس كاضياتهه تعلفن وتنامن وانييي حضيييي لو عدل ماذبني عليكم
اجاني صوت وراي درت وجهي
حسن-: لعد وين يذبج؟؟؟
سيلين-: بقيت فاكه حلكي اباوع جايني بزيه العسكري تحمحمت عدلت روحي عود داصير كيوت ضحك كال
حسن-: خبله وحق ربي
سيلين-: حجيت بهدوء وتنعوص، احم شلونك
بقيت رافع حواجبي حجيت مسايسهه-: زين زين وانتي
نزلت راسي العب بأضافري حجيت بهدووووء-: زينه شسمه تفضل جوه علما اخلص هذول تعبوني واجي تمام
رفعت راسي اله صافن عليه هز ايده كال-: سيلين لخبله وين؟؟
عكدت حواجبي حجيت واني مأشره بأصبعي ؏ نفسي-: لعد هاي لكبالك مني عزرائيل
حسن-: هههههههههه ااخ يمه
سيلين-: عابتلك فوك ما اصيرلك بيبي كيوت
حسن-: رحمه لبيبيج ابقي جبار لعرفهه صدمتيني بيبي كيوت ههه ولله يالله امشي امشي تريد تصير كيوت مدري بيوت صبيلي جااااي
دنكت اجلف زوليت صحت-: لوووو تموتتت
دخل جوه واني اسب واغلط على اخواتي نذلات مطمرات واني تفشلت بقيت اجلف شهكت من رش عليه لمي لبارد
-: اششششششح درت وجهي فحطان من ضحك صحت
وسسسسم وطحيللللل وزقووووم ينااام بطنككك
حسن-: انجبي ولج هههههه
سيلين-: كبررررررر اي ولله كبررر
حسن-: انطميي لبريعصي فوك ما أجي اساعدج هم صوجي
تقربت عليه متخوصره مخنزره حجيت-: لو مجاي احسن ابو راس لمربع فززتني
ضحكت على سوالفهه دنكت عليهه-: مو تردين تبردين كلبج احسن مااتجفصيهه يلا بردي هلگلب
رفعت ايدي اصفكه براشدي من حركه كلبي جر ايدي بقوه لواهه وره ضهري لزكني بصدره خزرتهه حجيت بهمس وعصبيه
-: صخااام لك وخر وخرر عيب يماا يما
-: ليش شمسوين؟؟
-: يبوو اذا احد شافنه اموت لك وخررر ادبسزز شلون يسوي هلحركات عود يقلد لهنووود
حسن-: طاح حظظجج ﻋلى هلتشبيهه شني هنوود لقرده
سيلين-: اووووي لك حسن دوخررر لعبتهه نفسي
حسن-: ااه؟؟؟
سيلين-: حباب وخر شجاك يااا دوخر مرد عليه باسني بقوه ردت ادفعه بس لف اديه ثنينهن مقيدني ثنينه فزينه من سمعنه صوت ماما جايه اني دفعته وهوه هم ركضت اجلف مدنكه وهوه سوه روحه لازم صونده ويصيح عليه
حسن-: يلاا سيلييين همي ايدججج صارلج ساعه تكولين بس الزملي صونده ساعدني شويه واجيتج
رفعت حواجبي رفعت راسي اله حجيت بهمس-: من اكلك لهندي مصدك
همستلهه-: انجبي امج صوتهه يلعلع اكيد حتجي
دنكت ضاحكه اجلف وهوه يرش ؏ زوليه وياي اجت امي صاحت بفرح
ايلين-: يمه وليدي هاي انته هنا جاي يمنه يبعد طولي
بقيت فاكه حلكي رافعه راسي عليهم وهوه يضحك يبوس ايده لو راسهه وهيه جرت وجهه طگتهه بوسه ام لطكه بخده انفجرت من ضحك امي خزرتني كتلهه
سيلين-: ماما شنو عبالج بابا هذا
امي فكت عيونهه مصدومه شهكت ضربت على صدرهه عضيت شفتي امداني ؏ هجفصه ركضت وراي شايله الماسحه
ايلين-: خفةةةة على هلسانن وللللج اذا ماكسررتج بهاي الماسحه
ركضت وراي واني فحطانه ضحك شديتلهه ركضه صعدت فوك وكفت اوايج من درج وهيه تصيح عليه وتغلط وحسن واكف يمهه ميت من ضحك وجهه احمر بقيت اكحكح اضحك صاح حسن
حسن-: خويله عوفيهه ختولي هاي خبله اعذريهه
ايلين-: لااا مو خبله بس لسانهه يرادله گص
حسن-: هاي يرادلهه تزوجينهه تخلصين
ايلين-: دخل بسس تجي خطابه الهه لو جلبب هم اكبعهه وانطيهه خبلتنييي هم ايڤن صح صقيعه بس مو هيج تحجي
حسن-: خرب يومج ههههههههههههههههههههههههههه
بقيت فاكه حلكي صحت من فوك درج-: هييييج صرررتي ويايي ولج يووووووم تشمتين بيه لغربان
حسن-: ولج
نزلت ادبج بدرج مخنزره جانو واكفين يم درج امي شايله الماسحه تسويلي حركه بأيده اني اعلمج عود ههه حجيت
سيلين-: اني جيت من بطنج هيج تحجين عليه
ايلين-: ولله مال لنعالل واحشي بحلكج ولج هذا وليدي ابوج شنو ثوله
سيلين-: اهووو هسسه شحجينه تره غير شافته العين حجت
ايلين-: اي وشحجت؟؟؟
سيلين-: تبوس من طگوك واحضان الله يكون بعونك يبويه معيشتك بجفاف
ايلين-: وتكووووول لاتضربيهه ولج تعااااي
شديتلهه بركضه اضحك وحسن فحط من ضحك يهدي بيهه وهيه تريد تصعدلي اخر شي طلعهه بره واني بس اضحك....
نزلت دمعتي بسرعه واني اذكر اجمل ايامي ويا ضحكت اباوع بصورته شوكت يجمعنه صدف ونتلاكه
زين ليش ما أنزل اشوفه اووف مني عود كبرياء وكذا كبر طمني بقيت العب بخصلت شعري طفيت من نعاس طفيت الاضويه لفيت روحي بلغطى نمت بسرعه فزيت ؏ صوت رنه تلفوني شلته كوه مفتحه تك عين جاوبته لتصال حجيت بنعاس وصوتي رايح
-: الوو
حسن-: اني بره بسرعه تعالي
طفرت من مكاني اني بحلم لو بلواقع مجاوبته سديت لتصال عزااا هذه حسن شنو وين بره باوعت ؏ساعه جانت بـ٣:٢٠ ليل عدلت شعري نزلت جوه ؏ كيف خاف احد يحس فتحت باب لمطبخ طلعت اتلفت جو شوي بارد دخلت بلحديقه فكيت عيوني كلبي رجف شفته واكف بركن مخلي جكاره بيده بس لمحني طفاهه بيده اجه عليه جان الاضويه نصهن مطفيه وكوه ننشاف اجه عليه بلهفه حضني شهكت من رده فعله حضني اكثر حسيت حطب بضلوعه كزبر جسمي من لحيته بركبتي شمني حيلل كلت حيشفطني وخر عني لزم وجهي اديه يرجفن واني بعد اتعس حجه وهوه صافن بوجهي
حسن-: كلبي موچر نار على شوگج ماحن كليبچ عليه؟
سيلين-: هـا نصيت راسي شجاوبه مرد عليه جر حسره مبين مهموم حجه
حسن-: وداعت عيونج هذا لكدامج متعوب يريد يرتاح وراحتي يمج ورايدهه بلحلال
رفعت راسي اله مصدومه حجيت-: شنو مفهمت؟
حسن-: باجر راح اخبطج يبعد اسمي انتِ
سيلين-: وو ولله صدكك؟؟؟
حسن-: اي ولله
بقيت صافنه عليه وهوه عيونه تتوزع ملامح وجهي زفر هوه حار لفح وجهي حجه
حسن-: اريد اضوك بلحلال
سيلين-: مفهمت
دنك على اذني همس
-: شفايفج لي لوعن كلبي من سنين
دفعته بخفه حجيت واني افرك بأديه توتر ذبحني
-: شسمه اني حرجع انام نعسانه
بقه صافن عليه ابتسم جر اديه باسهن وباس بطن ايدي حجه
حسن-: روحي بنياتي باجر اشبع منچ
ابتسمت عفته ركضت جوه طبيت قفلت باب لمبطخ صعدت ركض لغرفتي سديت لباب قفلته سندت روحي عليه اجر نفس سريع شعووور ماعرف شلون اوصفه فرح حب شوك حزن كلشي كلشي اريد ابجي بسس ماعرف بقيت اكمز بغرفتي اضحك ودموعي تنزل مامصدكه راح يخطبني هههه واكيد اهلي حيوافقون يربي بقيت اضحك ركضت للبرده اوايج منهه فتحت شوي على كيف شفته شغل سيارته وراح بقيت احوص اريد احجيي اعيط اصرخ من فرحتي طلعت من غرفتي امشي ؏ كيف طبيت بغرفه ايڤن شغلت ضوه طفرت عليهه ؏ جربايتهه دقيتهه لحتى تكوم
سيلين-: ايڤووو لج ايڤووو كومي كومي
فتحت عيوني بنعاس اشرتلهه-: شكوو شبيج؟؟؟
ضحكت هيه طفرت ججت بخوف
ايڤن-: سيليي شبييج ولج شكووو؟؟؟
سيلين-: لج فرحانه يبووو ههههههععه
جريت تلفوني دنيه لفجر حجيت واني مصدومه-: لا من صدك طب بيج جني ولج شكووو خوفتيني
سيلين-: لج هستوه حسن جان يدك عليه اني جنت نايمه فه فزيت عاد جاوبته كال بسرعه طلعي بره اني هنا نصدمت نزلت جوه
ايڤن-: عاااا صدك وشسصارر شكلجج؟؟؟؟
سيلين-: ولح اعترف هوه مو بس يحبني هايم بيه ووووو حموت من لفرحه
ايڤن-: ايي تره ندري يحبج شكو فرحانه؟
سيلين-: رااااح يخطبني عيني
طفرت من مكاني حجيت-: عليج اللله؟؟؟؟؟
سيلين-: وحق الله
من فرحتي الهه حضنتهه نكمز وصوت ضحكنه عالي
جفلتني من شفتهه نفجرت بلبجي حجيت
ايڤن-: ياااا شكوو تبجين يعمري
سيلين-: فرحانه بس ولله
مسحت دموعهه بست راسهه حضنتهه لصدري-: يبعد كلبي ان شاءلله تفرحين بزواجج ويا تستاهلون ولله لاتبجين ولج ونبي حبجي
سيلين-: ههه خلص مراح ابجي
ايڤن-: عفيه
وخرت عنهه اضحك حجيت-: ايڤاني خل انام يمج ليوم
ايڤن-: مو تدلل تؤم اختهه
سيلين-: يبعد روحي ضحكت سوتلي مجال نمت بصفهه وهلمره تحاضنه ونمنه سوه وضحكه ماليه وجهنه كعدت صبح على صوت نمارق وامي وهوستهن كمت بتعب حجيت
سيلين-: واااحد مايريييد ينطمررر فهموووني
ايلين-: دكومي كومي لجايفه راح يجون يمنه خطار غربه وعلى عشه ولخانووو اذن وذان الضهر وبعدهي مطموره كعدددي هاي تفيسه ليمجج خل تكووم شكد تنامن
كبل طفرت اخفي ضحكتي لاتفضحني لازم اسوي روحي مادري بكلشي دمغت ايڤن جنهه تنبل هسه متحس لو يطك انفجار يم راسهه عفتهه باوعت شمس بعيني اووف منج ييمه اله تفتح لبرادي حاطه بودهه بي ركضت للحمام اسبح كملت طلعت لفيت لبرنصل ؏ جسمي اتمشه بحماَس اباوع لجسمي واديه مابيهن شعرايه وحده متعودين اني وايڤن نسوي ليزر وطبعاً شي اكيد يم دكتورنه بأربيل كل سنه نجدده وهيج مرتاحييين لبست ملابسي تراك عود بعدين من يجون البس فستان شي المهم نشفت شعريَ واضحك ممصدكه شسورته لفيت كبايه نزلت جوه بحماس طبيت للمطبخ امي واكفه تخابر نمارق ترتب بصاله وكفت احوص يمهه كملت مخابرتهه حجيت بسرعه
سيلين-: شسمه ماما همه جايين ؏ عشه كلتي مو؟؟؟
ايلين-: لا حبيبتي فرحت عبالي يجون ؏ العشه يمنه اثاري لعصر يجون هنا وميطولون
انتجيت ؏ لميز حجيت-: زين ماما هذوله الناس منمه؟
ايلين-: لج شبيج اهل حسن لعرفت راح يجونه
سيلين-: هااء احم وليش يجون شعجب
ايلين-: ياااا شوف هاي لج امي يردون يجون زياره شكوو تحققين اكو شي!!!!
سيلين-: لاااااء ماكو شي عفتهه وطفرت لصاله حجيت بحماس
-: شو وخري وخري اني انظف وانتي روحي كعدي لفنديه شوكت تكووم
نمارق-: اللهم صلِّ على محمد نازلج وحي وصرتي تنظفين شو قبل اتوسل بيج تكومين تشكين ااخ ضهري رجليه اديه دراسه امتحانات
سيلين-: ايي نزلني وحي وصرت انظف وانجبي رجائاً
نمارق-: فهمت فهمت
درت وجهي عليه حاصره ضحكه خزرتهه ضحكت شردت جوه كلبت عيوني بفرحه لميت صاله مسحت لخشاب رديت جبت وصله خاصه مخلينهه للمسح بلازمه تصير شووووي مبلله شغلت ألاناره صارت صاله تضويي شغلت ؏ لقران عليت صوت رحت ؏ امي بالمطبخ
-: امي حبيبتي وييين لمعطر؟؟؟
-: تكلي بهاي السله لمخلينهه خاصه بلمعطرات لبيت
سيلين-: ها اووكي عفتهه رحت طلعت معطر ريته تجنن بلورد ومدري شسمه نسيت بعدين اكللكم رشيت بلصاله ترستهه حتى ؏ تخم وحده وحده حتى من يكعدن يستنشقن رائحه هههه عدلت لمزهرية لتكون بنص صاله مخلينهه ؏ لميز لكزاز يجنن بعد ذوق ست الحسن ايڤن رجعت للمطبخ شغلت تلفوني ؏ نت اسوي خليه النحل عجبني اسويهه ليوم لخبلهم بأكلي لحتى يكولون شلون عدنه جنه
ايڤن-: نزلت جوه بس اسمع هوستهم كايمه بلمطبخ وايجت نمارق كاعده سوي صير اناناس وموز ومن هسوالف وامي تخابر ؏ ابويه وسيلين مخبوصه تشعل بلفرن وترد مدري شسوي ضحكت على تصرفاتهه ولله لوما حسن يجي واهله فلا تكومين تسوي كشايه طبيت اخذت فروله اكل اباو؏ امي شلون مبتسمه على تصرفات سيلين انتبهت عليه غمزتلهه ضحكت هيه اضحكت على ضحكتي بقيت اكل واتفرج عليهنَ
سيلين-: خلصتهه عفتهه تستوي طلبت من نمارق كل شوي تشوفهه خاف تحترك واكوم الطم صعدت فوك مابقى شي بعد شوي راح يجون حرت شلون ارتب نفسي ركضت على ايڤن تنقذني دفرت لباب هيه جفلت جانت متربعه تاكل حجت
ايڤن-: امدااااج وكعتي كلبي
سيلين-: هسسه عوفينه من كلبج ولج بس الحكيلي
ايڤن-: شكو ولج؟؟
-: حبابه رتبيني شي صخمي ولج حفطس من توتر
ايڤن-: هههههههه عابتلج اي ولله
سيلين-: هسه تصخميني لو لاااء
ايڤن-: روحي كدامي اكُعدي ؏ كرسي مالت لميز راح اجي
عفتهه طفرت كعدت انتظرهه تخليلي مكياج هادئ ؏ ذوقهه اجت لمت شعرهه بلقراصه ام العضه احنه هيج نسميهه ههه خلتلي مكياج هادئ حيللل ويجنن بعد رجعت سرحت شعري جابت قراصه ذهبيه ؏ شكل فراشه ناعمه جرت خصلتين من شعري صار حلو تشكرته وطلعت لبست فستان هادئ لونه وردي فاهي لبست اكسسوارات ورشيت عطر لملمت غرفتي عطرتهه خاف من وحده اخواته يصعدن ويشوفن غرفتي حتى يهجن هههه كعدت اخذ صور شوي واجت ايڤن طبت كالت
ايڤن-: صخيمةة ولج اجويي كوومي
طفرت من مكاني-: صدكك؟؟؟
ايڤن-: مجذبه عليج كومي امي تريدنه
سيلين-: اي يلا امشي باعي حلوه اني؟
ايڤن-: تشكين شك بس امشي زين واني لبسي مرتب
باوعت عليه لابسه كلبيه طالعه تموت ونوب كذلتهه على عيونهه وشعرهه لكرفش تجنن ضحكت هيه خزرتني حجت
ايڤن-: وسسم يعني محلوه موو؟؟؟!!
سيلين-: ولج طالعه شلون لوكيتيات تجننين وخاصتا من بعد ما طبرتي شعرج حرامات ولو حلو لايكلج
ايڤن-: اخجل اووي ولو شعري بسرعه ماشاءالله يفور ماتحسينه غير طولان
سيلين-: اي ولله صحيح بعد هاي لوراثه من امنه
ايڤن-: اي يلا خلصينه امشي
نزلنه سوه اسمع صوت نساوين جريت نفس خجلانه ومتوتره لشوفني يكول راح يعدموهه دخلنه للصاله اني وايڤن مريه جبيره بلعمر ونسوان ثنين وبنيه دارن وجوهن علينه ابتسمن اكلنه اكل بنظراتهن لمره جبيره صلت ؏ نبي بوسناهن كعدنه سوه لطشش حجت امي هيه وتضحك بفرح
ايلين-: هذن بناتي تؤام لي سولفتلجن عليهن
هاله(ام حسن)-: ياصلات على محمد شهل جمال حبيباتي عين لبارده عليهن
ايلين-: تسلمين حبيبتي
حسناء(بيبيت حسن)-: شو تعالن يبعد هلي يما كل وحده تكول اني بنيه تحفظجن الزهره حبيباتي
كمنه اني وايڤن وبس نبتسم ايڤن كعدت يم امي واني جرتني لحجيه بصفهه لزك كل شوي تصلي ؏ نبي وتضحك وكل شوي لازمه لو ايدي تفحصهه لو شعري
ادري رايحه بلعدل طبي لزمتني ضحكه كوه كتمتهه
ايڤن-: المريه وام حسن اكلنهه يمكن لـسيلين كل شوي لو يلزمن شعرهه لو مدري ايدهه خنكتني ضحكه بس ياخوفي لا اختي لخبله تهد عليهن بعد شيخصلنه وماحجيلكم ؏ لبنيات لكاعدات على صفحه وهم يسولفن ويضحك لي عرفت انو اخوات حسن اكلن سيلين اكل بنظراتهم ومبتسمات مبينات كلهن حبابات نيالج سيلين ؏ هلعيال لي حتعيشين يمهم
سيلين-: بقينه كاعدين يمهن ونسولف وامي ماحجيلكن عنهه عبالك عيد وجابه العباس شلون فرحانه وتسولف وياهن انتبهت امي غمزت الي ولخواتي طفرنه جوه بس طبيت بلمبطخ حجيت
سيلين-: يبووو يبووووو ادري راح يشرحوني ولج ماكو مكان مادقني بيي شسالفه غدييي
ايڤن-: ههههههه تعودي خيه هاي الاصول
سيلين-: شنهو هذا الاصول يفحصنه لبنيه خوب حتى ب*** دقنه يماا كوه كتمت روحي وساكته
نمارق-: ههههههههههههههههههههههههههه
ايڤن-: ولج اسكوتي حتفضحينه ههههه ولج هيه هيج عساس لي تجيهه خطابه يشوفنهه من فوك ليجوه يشوفنهه نظيفه هاي وكذا يلا يفجرن لبشاره بوجهج
سيلين-: تدرن بنات ياخوفي شيسولي بعد اذا صاحني
ايڤن-: اييي؟؟؟؟
سيلين-: خايفه لا هاي لحجيه لي داكه نفس لهندي بكصتهه ونوب شايله لخيزرانه وتسمطني بيهه وتكلي شو نزعي خل افحصج علمود وليدي ولقران اكلبهه قيم على راس حسن اذا سونهه صدك
ايڤن-: اييي مو انتي رايحه بلعنصر نسوي ههههههههههههههههههههههههههه
نمارق-: ايڤن بس تخايلي صدك صير ونوب سيلين بيهه طكه ونص يابويه ماتحمل لمنظر هههههههه
سيلين-: انجبي نمارق عاد من مشن عليج عيالج سوولج
نمارق-: ولله كبالجن من فحصتني بنظارتهه شبر شبر بس ما لمست الاماكن الخطره
ايڤن-: هههههههه يمااااااا ماريد ازوح صخام بوجهي اذا صدك
بقينه نسولف لحد ماسمعنه امي ودعتهن لزكنه رواحنه وره لباب نتصنت عليهن بس سمعت هلـ جمله
-: ننتظر ردكم ام ايهم ان شاءلله ماتخيبين ضنه لان ندري بيكم عائله زينه
ايلين-: ان شاءلله اردهه بلفراح
-: امين حبيبه
سدت لباب ماما كبل طفرنه عليهه هجم هيه فزت وضحكت حجيت
ايڤن-: ها يووم شكوو؟؟؟
سيلين-: دارت وجهه تضحك وتباوعلي سويت روحي عود مادري حجيت
-: امي اكو شي بوجهي غلط شو تضحكين
ايلين-: ههههه يابعد كلبي لي حتصير عاروس صقيعه مالتي
ايڤن-: ههههههههههههههههههههههههههه قويه اصقيعه
سيلين-: ياااا يمةةة شبيييج وياي
ايلين-: بوستهه اضحك يابعد كلبي اشاقه شعندي غيرجن هنه بنياتي كلهن بخير وسلامه زوجن وهاي نونه بطريق مابقالهه وتطلع من هذا البيت وانتي يمه راح تزوجين بس تبقه يمي تفيسه
ايڤن-: يووووم شو جاي احسج تلمحيلنه انو راح اخلص منكم
ايلين-: ياااا خفه لهل حلك شو ما افرح بنياتي صارن وكبرن وزوجن
سيلين-: المهم هذن مننه ماحجلج على ابنهم شنو يشتغل هاي؟؟
ايلين-: ايي لوتيه علساس مادري بيج تدرين بيهه وتحرفينهه
حكيت راسي اضحك-: احم ههههههه
ايلين-: اي المهم موافقه يمه؟؟
حجيت بخجل وهدوء-: لازم بابا يشوف شنو قراره وبعدين اني افكر وانطيكم جواب ان شاءلله
فكيت عيوني مصدومه حجيت
-: عزببب عيييينج يووووم جذابةةة ولعباسس ابو راس الحارر جذابةةة هيه هيه جابته وتكول افكرر ام الفاينااات
درت وجهي عليهه هيه كاتمه ضحكتهه-: ولللج صفررره شوكت جبته ليشش اني وين شايفتةةة ماما تجذب هايه لاصدكييين بيهه ولج تعاي لزمتهه من شعرهه وهيه ميته من ضحك وتدفع بيه
ايڤن-: ههههههههههههههههههههههههههه اااخ ولج وخرري عني كبر فوك ما صريحه وياكم
ايلين-: ههههه بنااااات شنو زعاطيط انتوو خلص واذا حبته وجابته المهم رادهه بلحلال
سيلين-: دفعت ايڤن لتضحك وتحك شعرههَ حضنت ماما اضحك حجيت
-: فديتتتج فديتج عمي لو هيج الامهات لو ميرادن
دفعتهه-: ها يعني صدك حجي ايڤن؟
سيلين-: هيء لااا اشاقه شبيج اوومي
ايلين-: اممم عبالي
سيلين-: بقينه نضحم ونسولف لحد ما صار ليل ومسوينه عشه لان ابويه وايهم جايبين عشه من بره شوي واجه ابويه جايبين كباب وتكه اني ولبنات حضرنه سفره ؏ طاوله ايڤن جابت لبطل لببسي واني حضرت لكلاصات كعدنه ناكل وايڤن لوكيه كل شوي وبايسه خد ابويه وهوه الله يسلمه يطيرهه بلغزل ولكلمات واني احشر نفسي هم ابوسه وهوه يفهمني وكلهم يضحكون سويت لفه جبيره حتى تشبعني ترستهه كرفس وكباب وطماطه وتكه لفيته جاي اكلهه حجت امي
ايلين-: احمد ليوم اجوي بيت ابو حسن
احمد-: اها خير ان شاءلله؟
ايلين-: كله خير جايين يطلبون ايد بنيتنه سيلين
من كالت هلكلمه غصيت بلكمه كمت اكحكح وايڤن حمر وجهه لازمه ضحكه طنتي مي صكيت لكلاص عيوني حتى كامن يدمعن ابويه ضحك خفيف حجه
احمد-: وين اكو منهم ناس تخاف الله وكلهم زينين وبيت شيوخ همه وامكانيه وعز وشرف الي شرف يطلبون وحده من بنياتي ولله اني بيدي واكبعهه وانطيهه الهم خوش مكان وناس معروفين بأصلهم وشرفهم وحسن خوش رجال من سنين اعرفه خلوق وحباب واعتبره نفس ابني مافد يوم رفع صوته عليه ولاجاوز
ايلين-: ونعم منهم اي ابو ايهم شنو رايك انته موافق
احمد-: اي اكيد واني ادري ببنيتي سيلينه راح تفرح بهيج قسمه خوش رجال ومبين عليه هاويهه واني ماعندي شك مراح يدللهه ويسندهه
سيلين-: باوعت على بابا مبتسم عليه ضحكت بخجل كلهم ضحكو أشرلي اروحله كمت حضني من كتفي حجه
احمد-: شتكولين بنياتي توافقين بـ حسن خوش رجال هوه خطيه ملوعته من سنين دوافقي يم راس ليابس وفضيهه
درت وجهي عليه مصدومه هذا ابويه شمدري يحبني يبوووو دنكت راسي-: بابا دام برأيك موافق وتشوف خوش قسمه اني موافقه
احمد-: اي موافق اكيد بيهه الخير يارب
كام وباس راسي حجه
-: ان شاءلله اشوفج دوم فرحانه ميهمني شي بدنيا غير سعادتجن وراحتجن دام موافقه بس كولي لكلمه لنهايئه انتي موافقه علمود لو موافقه بهذا رجال لان راح تعيشين ويا طول العمر ماريدج تندمين
حجيت واني لبتسامه ماليه وجهي حجيت بخجل-: اي موافقه باباتي
ضحك دار وجهه على امي لي مدمعه من لفرح راح يخلوني ادكهه مناحه نوب ايڤن ونمارق وايهم مبتسميلي هاي شبيهم وياي حجه ابويه
احمد-: ام ايهم رديلهم الخبر لخير
ايلين-: ان شاءلله باجر صبح اتصل عليهم هسه زحمه اخابرهم
ايڤن-: بين سوالفنه وضحكنه وبيتنه مليان حنيه ودفو اني وايهم سوينه شاميه دزيته للمحل يشتريلنه خطيه جايب هواي ضحكت اخذتهه من ايده اردفت
ايڤن-: نيالهه مرتك ولله
ايهم-: ليش ولج
ايڤن-: ؏ هدلال عبالي نسيتنه بس زين طلعت تذكرنه واشتريت حبشكلات
ايهم-: شعندي غيركم يلا يلا احوووي خطوبه سيلين منا وعرسي منا وعرس نمارق منا لااكيد راح نشبع ونسه وركص
سيلين-: اييي ههههههه
بقينه نتابع افلام رعب للفجر يلا كل واحد طفر لغرفته سديت لباب قفلته ذكرت لا هم يچفت عليه اضلمه ويهبطني طفيت الاضويه دثرت بفراشي لحبه هستوني دا أغفى نضرب شباكي بحصوه مدري شنو بس سمعت طكطكه خفت شغلت ضوه فتحت لبرده ؏ كيف شفت ضلام واكف خزرته أشرت شتريد أشرلي اروح ؏ لبلكونه خزرته بقوه ضحك غمزلي كوه كتمت ابتسامتي سديت لبرده اكو بلكونه خاصه الي فتحت لباب وكع كلبي من شفته عبر لسياج وجلب بين لشجره ولسياج صعد على بلكونه بقيت لازمه كلبي لايوكع ونوب يتكسر عدل نفسه ذب شفقه عدل شعره لنازل على عيونه حجيت
ايڤن-: امدااك يـطرزان لازمه كلبي لا توكع
تقربت عليهه-: خايفه عليه يبعد روحي
دفعته حجيت-: لااع
ضُلام-: وجع امي
ايڤن-: شتريييد جنككك طنطل بهل فجريه جاييني
ضُلام-: شتاگيتلك وليدي
ايڤن-: غدي
ضُلام-: انجبي بله
ايڤن-: ليش ما أنتَ تنجب احسن
تقربت عليهه لويت ايدهه لزكتهه بلحايط حجيت واني كلبي يدك بكل قوته من اتقربلهه حجيت بهمس وهيه مدنكه خايفه مني
-: اررريدد
ايڤن-: ششترريد
صافطني ؏ حايط احس نجعصت ردت ابجي لزمني بيده لخشنه لبكد راسي مسح على خدي لزمني من وجهي قربني لوجهه حجه وهوه اكلني اكل بنظراته لتخوف لي ماعرف افسرهه اذا ابقى اباوع بعيونه كلبي يقبضني من لخوف حجه بهمس وانفاسه تلفح وجهي لحاره
ضُلام-: اريد شفايفچَ
بقيت صافنه عليه حجيت بخوف ورجفه احتلتني
-: الله يخليك وخر عني خ خايفه
دنك اكثر عليه مرد على كلامي ردت ادفعه اصرخ ابجي بس ماكدر مقيدني لزم وجهي بأديه قربني اله اكثر حك ارنبه خشمي بخشمه باسني بقوه ارتعب جسمي من تصرفه شافني ما عارضت زاد اكثر ويمشي ايده على خصري عصرهن بيده اكثر شهكت دافعته بقوه اشهك واجر نفس بسرعه وخر عني لازم عيونه عاصرهن وكعت بلكاع ابجي من لخوف وخصري يوجعني من كدما بيده عاصرهن دنك عليه ضميت وجهي خايفه منه حسيته بي شالني ردت اصرخ استوقفني بكلمته
ضُلام-: اششش
طب بلغرفه سد باب لبلكونه خلاني ؏ جربايه دفعته من صدره اشهك وابجي حجيت
ايڤن-: انته فهمنيييي ش شنو من بشرر شسويتللك لحتى هييج ت تتصرف صحح جنت احترمك بس خليتني اكرهك اضعاف اكررهكك الله ياخذك بقيت ابجي امسح بوجهي دنك عليه كعد ؏ ركبه يم جربايتي حجه
ضُلام-: شجابج عليه اني وين وانتي وين
ايڤن-: مسحت دموعي حجيت، ششسويتلك اني مأذيتك بشي لحتى تتجرأ تبوسني بكل وقاحه وتمرد خصري بيدك شنوو اني لعبه فهمنيي هسه صفاحي يوجعني بسببك
ضُلام-: اسف والله اسف ولج شجابببج عليه فهميييني
ايڤن-: ليشش اني ضهرت بحياتك لووو انته
ضُلام-: ااخ اااخ ولج انييي رجاللل يدمرررج اني ويين وانتي وييين شجابج عليه فهمييني ولج كلمااا اقرر اطلعج من راسي ماحس اله واني يمج شسويتي بيه
ايڤن-: بجيت اكثر على حظي لزم ايدي دفعتهه بقوه حجيت معصبه، وخررر وخرر اكرهككك اكرهك ولله
ضُلام-: لو تموتيني بيدچ هم مالومج ايڤن اني رجال زايعته دنيه اني حياتي كلهه ضلمه اني ضُلام انتِ نقطه بيضه وضهرت بحياتي خايف الوثهه بضلامي
ايڤن-: لعد لاتجي واطلع من حياتي خلص انساني ولله اني لااحبك ولااريدك أصلاً اكرهك وزاد كرهي على هذا تصرفك
ضُلام-: شلووون اعوفج واني گوه لكيتچ
بقيت ساكته لهدوء صار سيد لمكان بس صوت شهكاتي يباوع عليه بملامح حزينه وعتاب وكلشي عيونه حمرر رقمني بنظره خيبه وحزن بس بيناتنه لحجي هنا كلبي نكسر عليه واخيراً جر حسررره مليانه همووووم حجه
ضُلام-: يشهد لا اله اله الله اني لا عندي غايه وياج ولا اذيچ اني رجال ضايع ماحسب حساب باجر اعيش هاي ولا مفكر ولامفكر لباجر عكبه شسوي شاكل ششرب همي لوحيد انو بس اموت
بلعت ريكي اباوعله كلبي يوجعني لم شفته داخل حلكه مسح شاربه رد حجه
ضُلام-: شكد بنفسي بنفسسسي اخلي راسي على لمخده مرتاح ماكو ابد ما فديوم نمت واني هموم دنيه كلهه تحاوطني من كل زوايا شوفيني هيج وهاي تكولين هذا هسه انكس خلق الله هوه بس اني اعترف ابد وحگ الله اكره نساء حواء كلهه عمري كُله مالمس مره ولا مخليهه هيج تمسني بس جان شغلي هيج
ايڤن-: واني شعليه تخرطلي بنسوانك
ابتسم عليه مسح شعره حجه
ضُلام-: شوفي اني اكره لفضفضه ومن هسوالف بس راح احجيلج شنو اني وشنو لبداخلي
ايڤن-: وبدون كذب
ضُلام-: وداعت هلعيونَ
نزلت راسي العب بأصابعي كعد مد رجله وثانيه سند ايده عليهه لمح لباب دار وجهه عليه حجه
ضُلام-: لباب مقفول؟؟
ايڤن-: أييي علساس تخاف
-: هه لا بس خايف عليج ما خاف بس من لخلقني
ايڤن-: عادي سولفلي شنو شغلك
ضُلام-: اني اشتغل اصلح سيارات
ايڤن-: ويعه ولامبين حداد مدري شيسمو
ابتسم رد حجه-: جنت رجال حالي حال اي رجال فه صارت مشاكل وانطردت من بيت اهلي وعمري ١٩ سنه
ايڤن-: صخاااام لويششش؟؟
ضُلام-: كتلت ابن عمي
ايڤن-: يمااااااا صدددك يعني مااات؟؟؟؟؟؟!!!!!
ضُلام-: اممم
ايڤن-: ليش كتلته
باوع عليه اخذله نظره طويله دار ضهره عليه رفع تشيرت انتبهت رقم مكتوب عل طول ضهرهَ عكدت حواجبي مستغربه حجيت
ايڤن-: هذا شنو؟
ضُلام-: 904
بقيت صافنه مفاهمه شي حجيت شدتحجي مفاهمه كلشي ولله
ضُلام-: من تعاشريني واذا دار الوگت وخلاج يمي اسولفلچ السـر.
ايڤن-: اممم زين هلسر احد يدري بي غيري؟
ضُلام-: جؤؤ
ايڤن-: عود شمعنا الوحيدهَ لي راح اعرفه
ضُلام-: مادري لأول مره يجيني شعور اجيب طاريه وماتعب لأول مره احس ماكو اي رفض بداخلي تجاهچ
ايڤن-: كام ديلبس تشيرت شفت شي جوزي عبالك محاوط شوي من ضهرهَ وعضلته حجيت
ايڤن-: لحضه لاتلبس
ضُلام-: ها ولج تحارشين بيه بت احميد
ايڤن-: لاااء انجب موهيچ كمت وكفت كباله بس مالوحه كتله
ايڤن-: دنك شو بله
ضُلام-: شني عجبتج لبوسه يلا چا خنجرب
ايڤن-: اييييع ابو لسان زفر موهييچ
ضُلام-: هههه ولج شتردين جنج برغي
ايڤن-: انجب الچكم
ضُلام-: شلون تريدني افرهه براشدي اصحيهه
خزرته مدرتله بال جريت ايده خليته قريب ؏ جربايتي وكفت فوك جربايه مالتي صرت اطول منه بشوي ضحك بقيت مركزه على هذا لثر لقوي مشيت اصابعي عليهن كزبر جسمه دفع ايدي بخفه حجيت اني ومستغربه
ايڤن-: شنو هذا الأثر؟؟؟
ضُلام-: شعليچ بابا
ايڤن-: حباب شنو هذا
ضُلام-: انصلخ شويه من ضهري وايدي بتيزاب
فكيت عيوني على وسعهن حجيت بصدمه
-: شنووووووووووو
ضُلام-: اشش ولج لحد يحس
ايڤن-: بس بس فهمني من صلللخك هيج
ضُلام-: ايڤن شلج بهل سؤال لاتعبين نفسج مراح اكول
ايڤن-: اف اف اف منككك
ضُلام-: اويني منچ
عكمشت وجهي قرفانه منه ضربته على عضله ايده لي بكد راسي واكبر جنه فيل حجيت
-: غديي يلا روووح عكرت مزاجي ونعست كوولش
قلدني بكلمتي شلون حجاهه واني هنا فطست من ضحك
ضُلام-: كووولش
ايڤن-: ههههههههههههههههههههههههههه امداك
ضُلام-: تتنعوص بت لهتلي
ايڤن-: اووي
جرني من ايدي مبتسم يباوع بوجهي حجيت
ايڤن-: تره اكرهك
ضُلام-: شَفايفچ مثل سكر يسكرني .
.
.
.
.
.
يتبع🙈🖤🖤
هلمره لقفله ماتجلط اوووكي😔😂🔪.
ضُلام-:: حِطني شذرة بخنصَرك
وأتباةة بيـة
وصوقني بأذنك تراچَي
وسن ذهِب حطني علئ بختَك
حتى أذوب بشـفتك وية المحاچي
ولاتخِليني گُحل برموش عّينك
أنت دمعاتك عزيزة وخِاف
أطيح ويـة البواچي ❤.
لاتنسون حبايبي التصويت+تعليق على كل فقره لطفاً🤍
حساب الانستا للتواصل معي ومع الابطال 💋🙈
its.zlzala0
#الكاتبه زازا
#ابوضبع 904
دمتم سالمين حياتي 🫶.