بسـم ﷲ الرحمـن الرحيـم
#بيـن انيابـهم
#بقلمـي أنـا: زهـراء
حسـاب الانستا: zaii1_8
نبـدي على برڪة ﷲ
ـــــــــــــــــــــــــــــــــــــــــــــــــــــــــــــــ
••المشهـد الـاول••
مجـرد ما سمع اسمة كـام وحـجة بصـياح
.... اطلـعي بررررررة ما عايزني جذب كل يوم جاي واحد ومسوي سينـاريو ڪدامي
كمت وكتلة بتوسل
تــــاج.... سيدي صدڪني هالناس يتاجرون بأعضاع ويبيعون مخدرات وهاك تكدر تشوف اني مجايبة ڪلام من جيبي اني شاهدة على ڪُلشي صـار
انطيتة موبايلي اخذة وباوع للصور وضل يكلب بيهن سداه وشمرة عالمڪتب وصاح
.... حته لو حجيج صدك ما اريد اتورط وياهم ولا تتورطين اخذي تلفونج واتوڪلي برة
فقدت اعصابي وصحت
تــــاج.... اذاا مو انتمم تصدڪتوونة المممن انررروح موو انتم تحاربون الفساااد اشوو ڪُلشي ما جاي انشوف شبابنة راح وانتم السبب ومن واحد يضيع بين الرجلين تڪعدون تحاسبون وترتفع رتبڪم بسبب تدميرنة احنه
ما جاوبني اخذت جهازي ودرت وجهي اجيت اطلع وصاح
... بيش الليلة
التفتت الة وابتسمت بطرف شفتي
تــــاج... شنو رأيك انطيك طرف من شعري تخلي شوارب الك بلڪي يصـير عندك رجولة وغيرة يا فاقدهن اثنيهن
ـــــــــــــــــــــــــــــــــــــــــــــــــــــــــــــــــــــ
••المشهـد الثانـي••
طلعت من الغرفة لڪيت محد كاعد استغليت الفرصة وطلعت بسـࢪعة من البيت ارڪض ضليت امشي بالشارع واباوع بالوجوه اريد اطيح بالولد الي ڪال يساعدني ماڪو عبالك الكاع انشكت وبلعتة نفخت بضجر النوب ما اعرف اسمة حتى اسأل عليه وڪفت بنص الفرع وايست فجأة سمعت صوت وراية
... ادورين عليّ مو؟
فزيت والتفتت الة بلـعت ريڪي وحجيت
تــــاج... اريد اطلع اني واختي بأي طـࢪيقة
ابتسم بطرف شفتة قرب وجهة وحجة
.. مـو ابلاش
تــــاج.... علمتني الحياة هنايه مو ڪُلشي ابلاش فـما استغرب طـلبك حالك حالهم حـيوان
... ههههه لازم ابتهال مـربيتج صح؟
تــــاج... لازم او مو لازم تڪدر تساعدني لو لا؟
باوع يمنى ويسـࢪى وࢪجع نضرة الي
... تبعـيني
هزيت راسي بنفي وعيونـي عليه وعلى نضراتة ما ارتاحيت الها ابد
تــــاج.. احجي هنا
... ما ترهم يشوفونة
تــــاج.... ما اروح وياك الغيـࢪ مڪان عندك حجي احجيه هنانـه
.. اكلج تࢪا انتِ الي جايتني برجليج غصباً عليج ترحين وياي افهمج يعجبج اهلـاً وسهلاً ما يعجبج طڪي ࢪاسج بالحايط
حجاها ومشة ما ضل عنـدي حل غير امشي وراه مشيت وطلعنة من المنطقة
تــــاج... وين رايحين
.... المكان حلو
تــــاج... ههه سمعت هاي الجملة وخوش اجيت المكان حلو
ماجاوبني وضل يمشي ڪدامي واني وراه الحد ما دخلنة بفرع اول مرة ادخل الة وڪفنة كـدام بيت قديم وبابة من خشب التفت الي وحجة
... فوتي
باوعت الة بتردد وهوَ هز راسة بأتجاه البيت ودخل دخلت وراه وسد الباب راح شغل الضوة ضليت واڪفة بمكاني ومتصنمة باوعلي بطرف عينة وابتسم بأستهزاء
.... ههههههههه شبيج خايفـة
بلعت ريكي والتفتت للباب اريد افتحه لكيتة مقفول التفتت الة بسرعة وصحت
تــــاج... المفتاح وينة طلعني منا
... يعني ابتهال ما معلمتج دخول الحمام مش زي خروجو؟
تــــاج... لا معلمتني القندرة اقوى من الراجدي
ـــــــــــــــــــــــــــــــــــــــــــــــــــــــــــــــ
••المشهد الثالث••
طلعت من البيت واني مصدومة من السويتة وما مستوعبة ضيعت نفسـي اڪثر ودمرتها ڪُل ما اريد اڪوم على حيلي توڪع مصيبة على ࢪاسي ادمر ڪُل الخططت الة اني المن عايشة استاهل اموت اني عيشتي غلط ڪُلشي بيـة غلط
معقولة استهال الدايصير؟
هههه وليش ما استاهل هذا ڪُلة عقاب على افعالي
مشيت بدون روح وطلعت من المنطقة ما اعرف رجلي وين اخذتني ولأي مڪان كعدت على الرصيف واني مڪسورة راحت اختي وين الڪاها بيا كاع اخذوها مني ما اعرف شنو سوو الها اخاف اغتصبوها لو باوعوا اعضاها انفجرت بالبجي ضيعت نفسي اكثر ادمرت حياتي فوك ما هيَ مدمرة
باوعت الايدي بيهن المسدس والفلوس اتذڪرتة وشهڪت بالبجي معقولة يشتڪي عليّ؟
خاف يسجنوني وما اكدر ادور على اختي
لا لا ما يسويها اكيد بس ليش ما يسويها اذا اني ضحڪت عليه واستغليتة
بلعت ريڪي بخوف وفتحت جنطتي ضميت الفلوس والمسدس اجيت اسدها وانتبهت الموبايلي يدك قوست شفايفي بحزن اكيد هوَ ماعندي رقم احد ثانـي غيـࢪة
مديت ايدي الترجف واخذتة غمضت عيوني بقهر من شفت رقمة
فتحت عيوني ببطئ وجاوبتة خليت الموبايل على اذني بتردد راد يعيط بية بس من سمع شهڪتي سڪت وحجة بنتر
.... انتِ وين؟
ماكدرت اجاوبة من شهڪتي بجيت بصوت عالي وبحرڪان كلب على الحالة الوصلت الها
... انتِ وينننن؟
جاوبتة بدون لا احس
تــــاج....بالبصرة
.... وين بالبصرة؟
مسحت ادموعي بسرعة وحجيت بخوف
تــــاج..... اتريد تشتڪي عليّ؟
..... جاوبي
تــــاج....بشـارع الـ(*****)
اتنهد وحجة
.... سمعي راح اسويها الخاطر الله واجي اخذج مو الخاطرج لا طز بيج وبالساعة العرفتج بيهـا اࢪجعج البغـداد وتنهتـي علاقتي بيج لأن هسـه اتأكدت انتِ من يا نوع
دنڪت راسي ونزلن ادموعي حتى هوَ تغير بس ما اكدر الومة حقة ليش المثلي هم ينحب؟
.... وياي انتِ؟
سحبت نفس وهمست
تــــاج.... وياك
.... اجري تڪسي وروحي للمجمع الطبي (******) تلڪين ممرضة اسمها ام سيف ڪعدي يمها وكليلها من طرفي واني جايج
حجاها وسداه بوجهي نزلت الموبايل من اذني واني افڪر اروح وياه او لا
اتنهدت وكلت خلي اروح ويا حتى ارجعلة فلوسة واني اشوفلي طريق اروح بي
كمت بصعوبة والهموم ڪُلها متجمعة على راسي اجࢪت تڪسي ورحت للمكان الي كال عليه الطريق ڪُلة اني على فرد دمعة حسيت الدنيا ڪُلها سدت بيبانها بوجهي
صفيت بدون لا شي
لا اهل لا مستقبل لا اخت لا سند
ڪُلشي راح من ايدي
ما جاي اصدك الصارلي وعجزت اصلاً
انـي نڪرة وجودي وعدمـي واحد الموت ارحملـي بهواي من الجاي اعيشـة
وصلت للمجمع الڪال عليه دفعت الكروة ونزلت كبال المجمع جانت اكو مرة جبيرة بالعمرة ڪاعدة بصف المجمع على ڪرسي وبظهرها غرفة فرڪت ايدية بتوتر ومشيت الها بس شافتني عقدت حواجبها وحجت
..... انتِ من طرف استاذ (****) ؟
لميت شفتي للداخل وهزيت راسي بأي لانت ملامحهة وڪامت على حيلها
.... تعاي وياي يمة
مشت للداخل ومشيت وياها كعدت على ڪرسي وهيَ ڪعدت تشتغل وڪُل ساعة لو تجيها مرة تضربها ابرة لو تقيس ضغطها فرغ المڪان ومبينة هاي مرة لكتها فرصة التفتت الي وحجت
..... انتِ مرتة؟
صفنت شنو اجاوبها ما اعرف هوَ شنو ڪايل الها هزيت راسي بتردد ابتسمت وجاوبتني
.... خوش ولد والنعم منة
سكتت ما جاوبتها رخيت نفسي على الڪرسي وغمضت عيوني ما اعرف شلون غلبني التعب ونمت
مڪان مريح بستان جبير وبي خضار هوايه واشجاࢪ واني افتر ومبتسمة بأريحية انتبهت من بعيد شُـــــذير لازمة بأيد ࢪجال ما ࢪكزت بملامـحة بس مبينة مبتسمة ومرتاحة رفعت صوتي وصحت
تــــاج.... شُـــــذيرررر تعااي
التفتت الي وابتسمت واشرتلي على الوراي التفتت ورة اريد اشوف منو زفزيت واني اشهك انتبهت الة يسولف وية المرة ويتشڪر منها رمشت بأستغراب معقولة بهاي السرعة وصل ليش بيش الساعة هسـه؟
ضليت ادور براسي على الساعة الحد ما استقر نضري على ساعة معلڪة بالحايط..... بـ1:15 بالليل
بلعت ريڪي ورجعت نضري الة لڪيتة عينة عليّ اشرلي اڪوم وطلع..... كمت وراه لڪيتة صاعد بالسيارة فتحت الباب بتردد وصعدت من غير ڪلام ريحة السيارة ڪُلها جكاير تخنك و اول مرة انتبه يشࢪب جڪاير ما حجة اي ڪلمة بس حسيتة على اي ساعة ينفجر
حرك السيارة من غير ڪلام مديت ايدي الترجف للجنطة فتحتها وطلعت الفلوس خليتها ڪبالة وهمست واني مستحية من نفسي ومن الي سويتـة
تــــاج.... هذني فلوسك
ما جاوبني ولا عبالك موجودة بس عينة على الطريق وعاقد حاجبة لميت شفتي للداخل وسحبت ايدي بفشلة وخليت الفلوس يمة ودرت وجهي عم الصمت بيناتنة بس حرڪاتة وترتني اڪثر مرت فترة وحجة
.....تدرين شنو عقوبة السارق بالدين!
باوعت الة ودمعن عيوني اجيت احجي وقاطعني
... قطع اليد اليمنى من الرُّسْغِ، قال تعالى: "وَالسَّارِقُ وَالسَّارِقَةُ فَاقْطَعُواْ أَيْدِيَهُمَا جَزَاء بِمَا كَسَبَا نَكَالاً مِّنَ اللّهِ وَاللّهُ عَزِيزٌ حَكِيمٌ فَمَن تَابَ مِن بَعْدِ ظُلْمِهِ وَأَصْلَحَ فَإِنَّ اللّهَ يَتُوبُ عَلَيْهِ إِنَّ اللّهَ غَفُورٌ".... ههههههه وليش جاي احجيلج بالدين ليش انتِ يهمج شي؟
مسحت ادموعي وحجيت
تــــاج.... ما تعرف شنو ضروفي
ضرب على الستيرن وصاح
..... ضرووووفج تجذبييين على رجاااال مشووورب بڪيدددج ومڪرجج ولجج انتِ مو بشرر شيطاان ويمشي على الڪاااع اڪبرر غلط سويتته دخلتج الحياتي وثقيت بيج وخليتلج مڪانة بداخلي
مد ايدة للجڪمجة وطلع الحلقة شمرها عليّ وصاح
.... ردتج بالحلال وڪلتت ما اضحكك عليهاا اعوضهااا عن ڪلشي مرت بييي بس طلعتي انتِ مو مثل الي اباللي ابدد
دنڪت راسي وادموعي نزلن ماعندي اي ڪلام ادافع بي عن نفسي اني غلطانة ولأول مرة اعترف بس...
.... وين المسدس؟
طلعتة من الجنطة وايدي ترجف خليتة ڪبالة
اخذة من ايدي بنتر فتح المخزن وحسب عدد الطلقات وعقد حواجبة باوعلي وصاح
.... بعد طلقة وينها؟
ما جاوبتة صاح بصوت خلاني اطبك نفسي على الباب
.... احجيييييي بعد طللقة ويين راااحت راميتمنن؟
تــــاج.... م مادري
هز راسة بتوعد ورجع يسوق حجة وهوَ عينة
؏ الطريق
.... شايفة شڪد نزلتي من عيني؟
ـــــــــــــــــــــــــــــــــــــــــــــــــــــــــــــــ
••المشهـد الࢪابـع••
اتقدم يمي وحجة وهوَ يڪز على مخارج الحروف
.... فهمي ما اريدج ولا اريد اتزوجج اذا عندج كرامة ࢪفضي هذا الزواج
ضحڪت بطرف شفتي
بحــــر.... يولي تحسسني اني الرايدتك وميتـة عليك
.... هسسه تررحين العمامج وترفضين هالمسلتة الصارت ماااا اريدج فهممي
بحــــر.... هههههه وليش اني خو روح انتَ الهم وارفضو مو انتَ زلمة والكلمة بيدك وهلله هلله لو خايف؟
صاح بعلو صوتو
..... لج انتِ كلج خلك وحدة يردون يكربسونها بࢪاسي امحيج والقرآن اذا صار هذا الزواج اعتبري روحج اندفنتي
بحــــر.... طـززز ما يهمني اي شي وياريت ترفضو هالزواج لأن ما اريدو ولا اريد اتزوج شخص نفسك
.... ههههه تحلمين تتزوجين واحد نفسي لأن مو من مقامج
اتقدمت يمو ورفعتلو حاجبي
بحــــر.... صح لأن مقامي مو رخيص
... هههه زين من تعرفين مقامج اقل من الرخيص
اتقدم يمي وڪمل ڪلامو
.... هالخشم الرافعتة يجي يوم واڪسـرة ما اطلع ابن امي اذا ما ندمتج ششايفة نفسج ومنو انتِ كدامي؟
اتقدمت يمو وهمست بأذنو
بحــــر.... يول اني نسـر ما يجي فرخ ڪتكوت ويڪسرني .... هههههههههاي عبالك تڪسرني لا بالله تحلم الڪدامك بحــــر ما يجي واحد مهتلف و مدلل ويڪسࢪها
ـــــــــــــــــــــــــــــــــــــــــــــــــــــــــــــــ
••المشهـد الخامـس••
ضليت اطك سن بسن من البرد واباوع بقلق منتضـرتة يجي ايست ڪُلش والدموع تجمعت بعيني قوست شفايفي بزعل واجيت اڪوم بس شفتة جاي يمشي بسرعة بأتجاه البيت شافني كاعدة بالڪاع اجة ناحيتي كمت بسرعة وانطيتة المفاتيح
تــــاج.... وعدي ووفيت بي وعدك وينة؟
اخذهن بسرعة من ايدي وباوع الهن وابتسم
... ذيبة والعباس
باوعت بعيونة وصڪيت على اسناني وحجيت بحدة
تــــاج... وعدك وين؟
...جيبي اختج وطلعن عالشارع صديقي هناك
حجاها وهوَ عالسريع رڪض بأتجاه الدرج رڪضت اريد ادخل من باب المطبخ وطكيت بأحد رفعت نضري وشهكت ورجعت ليورة من شفت قاسم الدم تجمد بجسمي ورجلية يرجفن نفسي اتخربط واتلعثمت
قاسم.... شعندج ڪاعدة؟
بلعت ريڪي ورأستاً صارت عيني على الدرج صارت طكة وكأن طاح شي باوعت القاسم بسرعة انتبه للصوت دفعني عنة وركض للدرج
ركضت كبل للغرفة شغلت الضوة وصحت
تــــاج... شُـذير كعددددي بسررررررررعة
طفرت من فراشها بخوف تفࢪك بعيونها رڪضت جريتها من ايدها ورڪضنة برة طلعت من البيت ڪبل اني لابسة نعال وشُذير ملبستها ومكملتها يلا خليتها تنام
وصلت للباب الرئيسي اجيت اطلع وسمعت صوت طلقة من فوك صاحت شُـذير بصوت عالي واني درت وجهي وباوعت بأتجاه الطابق الثاني دمعن عيوني وجريت ايد شُـذير وكملنة رڪضنة
نرڪضت ونعثر ونكول هسه يكضونة ادموع شُـذير تصب وتوسلاتها حته اوڪف ما بطلت عثرت بالكاع اجيت اكومها وصاحت
شُـذير... رجلي تعبتتت
كضيت وجهه بأيدي وهمست حته اقنعها
تــــاج... باعي حبيبتي ما ضل شي ونوصل للشارع اذا لزمونة يقتلونة كووووومي
جريت ايدها وكامت رجعن نركض والشارع صار شطولة وما كمل التفتت ورانة ماكو احد سرعت خطواتي اگثر وصحت
تــــاج.... تعبتت كااافي تعالو اخذونييييي
اجيت اوكف وانسحب بس شفت المكان الي وصلنة الة مو مالت انسحاب شدت قبضة ايدي على ايد شُـذير وسرعت اڪثر الحد ما شفت السيارة واڪفة ومشغل كلوبات عرفتة هوَ بسرعة رڪضت ناحيتة دكيت الجامة وحجيت
تــــاج... افتتتتتح الباب
فتحة وبسرعة صعدت وجريت شُـذير بقوة ڪعدتها بحضني وصحت
تــــاج... حرك السيارة
حجيتها وحضنت شُـذير واحاول اسكتها انفاسي مو مستقرة وبجي شُـذير وترني حاولت اهديها حته لا تجيها الحالة بس ماكو فايدة استمرت بالبجي باوعت ليورة ابتعدنة عن المنطقة زفرت نفس وعبالي لهنا وڪُلشي انتهى وطلعت من الڪابوس
ـــــــــــــــــــــــــــــــــــــــــــــــــــــــــــــــ
زهـوراتي ڪل عام وانتم بألف خير ان شاء الله تنعاد عليڪم السنة بصحـة وسـلامة
موعدنة 1/31 استعدوا الاول بـارت 🔥
رواية غيـر عن المعتادين عليه والاحداث اڪثر من روعة 🔥
#بيـن انيابهـم قريباً
لا تنسون التصويـت +التعليق بين الفقرات +احبڪمم 💋
الـى اللقاء زهـوراتي