Jungkook ស្រាប់តែគាំងសម្ដីពេលលោកតាហៅនាយមកណែនាំអំពីអនាគតប៉ាម៉ាក់ក្មេក។ គ្រាន់តែពាក្យថាប៉ាម៉ាក់ក្មេកភ្លាម Jungkook ក៏កើនអារម្មណ៍មិនសូវជាល្អឡើងមកភ្លាម តែក៏មិនបញ្ចេញវាមកនោះដែរ ព្រោះនេះគឺជាលោកតារបស់គេណា!
« តានិយាយលេងទេ...តាដឹងច្បាស់ណាស់ថាចៅ Jung របស់តានឹងមិនរៀបការនៅវ័យប៉ុននេះឡើយ តើត្រូវដែរទេ? » លោកតារបស់ Jungkook លើកដៃដាក់ទៅលើស្មាចៅប្រុស និងញញឹមដាក់គេពេលដែលគាត់បាននិយាយលេងសើចបំភ័យចៅប្រុសរបស់គាត់ឲ្យគាំងមិនស្ទើរឡើយ ធ្វើឲ្យ Jungkook និយាយលែងចេញទៅហើយ។
« តើម្ចាស់តាហៅខ្ញុំមកទីនេះធ្វើអី? » Jungkook សម្រួលអារម្មណ៍និងសួរទៅកាន់លោកតារបស់គេ។
« នេះគឺជាលោក Shin និងភរិយា! ពួកគេទាំងពីរមកក្នុងថ្ងៃនេះគឺដើម្បីពិភាក្សាជាមួយចៅពីរឿងចូលភាគហ៊ុនក្នុងក្រុមហ៊ុនរបស់ចៅនៅឯ កូរ៉េ ទើបពួកគេឲ្យតាទាក់ទងទៅចៅដើម្បីមកពិភាក្សាគ្នានៅទីនេះ! »
« ហេតុអីម្ចាស់តាមិនឲ្យពួកគេខលទៅជួបខ្ញុំដោយខ្លួនឯងតែម្ដងទៅ? » Jungkook សួរទៅកាន់លោកតារបស់ខ្លួនទាំងមានអារម្មណ៍ថាខឹងចំពោះភ្ញៀវទាំងនោះដែលប្រើឲ្យលោកតារបស់នាយខលទាក់ទងទៅនាយជំនួសពួកគេ។
« ឥឡូវជ្រុលជាមកដល់ហើយពិភាក្សាគ្នាសិនទៅ »
***
ក្នុងព្រៃព្រឹក្សាសម្បូរទៅដោយធម្មជាតិជាច្រើនដុះខ្វាត់ខ្វែងយ៉ាងសន្ធឹក។ និស្សិតៗដែលមានដំណើរកំសាន្តទាំងប៉ុន្មានបាននាំគ្នារៀបចំបោះតង់សម្រាប់សម្រាកនៅក្នុងយប់នេះ ព្រោះពួកគេទើបតែមកដល់មួយស្របក់មុនហើយឥឡូវគ្រូៗក៏នាំពួកគេមករកកន្លែងបោះតង់សម្រាប់គេងនិងបានរៀបចំអាហារពេលល្ងាចសម្រាប់ញ៊ាំជុំគ្នានៅយប់នេះផងដែរ។
« Tae! យើងឮមកថានៅម្ដុំកន្លែងដែលពួកយើងបោះតង់សម្រាកនេះគឺមានទឹកជ្រោះណា! » Jeonghan រៀបចំរបស់បណ្ដើរនិយាយជាមួយមិត្តបណ្ដើរ។
« ប្រាកដជាមានហើយព្រោះពួកយើងត្រូវការកន្លែងណាដែលមានទឹកទុកសម្រាប់ប្រើប្រាស់នោះអី » Taehyung
« អូ...មែនហើយយើងភ្លេចគិតឲ្យឈឹងទៅ » Jeonghan លើកដៃទះថ្ងាស់ខ្លួនឯងបន្តិចនិងអស់សំណើចជាមួយខ្លួនឯងដែលគិតគូរមិនបានវែងឆ្ងាយត្រង់ចំណុចសំខាន់ៗដែលត្រូវមកកំសាន្តក្នុងព្រៃ។
« ឯងរៀបចំហើយឬនៅ? ពួកយើងត្រូវទៅជួយធ្វើម្ហូបជាមួយនឹងក្រុម A ទៀតណា៎! » Taehyung រៀបចំឥវ៉ាន់របស់គេរួចក៏ចូលទៅសួរ Jeonghan ព្រោះពួកគេត្រូវទៅជួយក្រុមផ្សេងៗទៀតដើម្បីធ្វើអាហារសម្រាប់ញ៊ាំនូវល្ងាចនេះ ហើយលោកគ្រូអ្នកគ្រូរបស់ពួកគេបានបែងចែក team សម្រាប់ពួកគេរួចអស់ហើយ ដោយនិស្សិតស្រីនៅតាមស្រី និស្សិតប្រុសនៅតាមប្រុស។ ចំណែកឯក្នុងមួយក្រុមគឺមាននិស្សិតចំនួន ៤ គូហើយក្នុងមួយគូគឺមាន ២ នាក់ដូច្នេះសរុបគឺមានចំនួន ៨ នាក់ក្នុងមួយ team។
« រួចរាល់ហើយតោះពួកយើងឆាប់ទៅៗ » Jeonghan ក៏បានរៀបចំហើយរួចរាល់ ទើបពួកគេទាំងពីរបបួលគ្នាចេញទៅផ្លូវខាងមុខតង់បន្តិច ដើម្បីរៀបចំធ្វើអាហារពេលល្ងាចញ៊ាំជុំគ្នា។
**
« ដូច្នេះសម្រេចថាលោក Jeon បានយល់ព្រមឲ្យខ្ញុំបានចុះភាគហ៊ុនជាមួយលោកហើយ! » Mr Shin
« កុងត្រារបស់លោកគឺមានចំនួនកំណត់ដូចដែលខ្ញុំបាននិយាយប្រាប់នូវមុននេះអញ្ចឹង! » Jungkook តបទៅកាន់ភ្ញៀវវិញដោយសម្ដីត្រជាក់ស្រេប ទឹកមុខស្ងួតគ្មានស្នាមញញឹមសូម្បីបន្តិចណាឡើយ ហើយសម្ដីដែលចេញពីប្រអប់មាត់របស់នាយគឺជាសម្ដីដែលច្បាស់លាស់ ម៉ត់ចត់ យកចិត្តទុកដាក់លើរឿងការងារ ដូចដែលយើងបានដឹងពីអត្តចរិតរបស់នាយពីដំបូងរួចមកហើយថានាយជាមនុស្សបែបណានោះ។
« បាទ! អញ្ចឹងសូមលោក Jeon ជួយចុះហត្ថលេខាបញ្ជាក់លើការសម្រេចចិត្តរបស់លោកផង » Mr Shin ហុចក្រដាសការចូលភាគហ៊ុនទៅឲ្យ Jungkook ចុះហត្ថលេខារបស់នាយ ទើបនាយទទួលវាយកមកមើលបញ្ជាក់ឲ្យបានច្បាស់ជាមុនសិន បន្ទាប់មកនាយក៏កាន់ប៊ិកយកមកចុះហត្ថលេខាតែម្ដង។
« អរគុណណាស់ដែលលោកយល់ព្រមទទួលយកពួកខ្ញុំឲ្យចូលធ្វើការដាក់ហ៊ុនជាមួយលោក » Mr Shin លើកដៃម្ខាងរង់ចាំចាប់សហការជាមួយ Jungkook ឯ Jungkook ធ្វើទឹកមុខធម្មតានិងសម្លឹងដៃលោក Shin បន្ដិចមុននឹងលើកទៅសហការជាមួយគាត់វិញ។
« ដោយក្ដីរីករាយ » Jungkook
« អញ្ចឹងខ្ញុំទាំងពីរសូមលាលោកម្ចាស់ Jeon និងលោក Jeon សិនហើយសូមឲ្យការងាររបស់ពួកយើងទាំងពីរសហការទៅជាមួយគ្នាដោយរលូន » Mr Shin ញញឹមនិងនិយាយគោរពលាទៅកាន់ Jungkook និងលោកតារបស់នាយ បន្ទាប់មកពួកគេក៏ក្រោកឈរដើរចេញទៅទាំងពីរនាក់ប្ដីប្រពន្ធ។
« កុំឲ្យពិបាកដល់ម្ចាស់តា ថ្ងៃក្រោយឲ្យពួកគេទាក់ទងទៅកាន់ខ្ញុំដោយខ្លួនឯងទៅ! អញ្ចឹងខ្ញុំសូមលាម្ចាស់តាទៅខាងលើសិនហើយ » Jungkook ក្រោកឈរឡើងឱនគំនាបលាម្ចាស់តារបស់នាយរួច នាយក៏ដើរចេញទៅកាន់បន្ទប់របស់នាយតែម្ដង។
***
ថ្ងៃថ្មី៚ សិស្សនិស្សិតនាំគ្នាក្រោកពីព្រឹកដើម្បីទៅងូតទឹកធ្លាក់ពីលើព្រៃភ្នំដែលពួកគេបានទៅកំសាន្តនិងបានរៀបចំខ្លួនចេញទៅសិក្សាពីព្រៃឈើផងដែរ បន្ទាប់មកគឺត្រូវជិះឡានទៅកាន់សារមន្ទីដែលនៅផ្លូវខាងមុខកន្លែងដែលពួកគេកំពុងបោះតង់សម្រាកនេះ ព្រោះសារមន្ទីនៅកន្លែងមួយនេះមានចម្ងាយរៀងឆ្ងាយពីកន្លែងគេងដែរ ទើបត្រូវធ្វើដំណើរដោយឡានមិនអាចដើរដល់បាននោះឡើយ។
Taehyung ភ្ញាក់ពីគេងមុន Jeonghan ទើបនាយតូចក៏បានទាញកន្សែងដើម្បីទៅងូតទឹកជ្រោះ ប៉ុន្តែគេត្រូវរង់ចាំឲ្យអ្នកផ្សេងងូតឲ្យហើយអស់ជាមុនសិនទើបគេត្រូវចូលទៅងូតទឹកតាមក្រោយ។
បន្ទាប់ពីឃើញថាស្ងាត់មនុស្សហើយ Taehyung ក៏ចូលទៅងូតទឹកកន្លែងស្ងាត់តែម្នាក់ឯង ព្រោះគេមិនចូលចិត្តឲ្យនរណាមករញ៉េរញ៉ៃជាមួយនឹងគេឡើយ ជាពិសេសនោះគឺនៅពេលដែលគេបញ្ចេញសាច់សរៗម៉ត់រលោងរបស់គេនេះឯង គេមិនចង់ឲ្យនរណាមកឃើញក្រៅពីមិត្តភក្តិដែលគេទុកចិត្តនោះទេ។ Taehyung ចាប់ផ្ដើមសើយអាវដោះទុកម្ដុំកន្លែងស្ងួតនិងស្លៀកតែខោខ្លីមួយប៉ុណ្ណោះ បន្ទាប់មកគេក៏ចុះចូលទៅក្នុងទឹកនិងដើរទៅក្បែរៗទឹកដែលធ្លាក់មកពីលើព្រៃភ្នំស្រោចស្រង់យកមកសម្អាតកាយ។
បន្ទាប់ពីចំណាយពេលងូតទឹករួច Taehyung បានឡើងមកលើគោកវិញនិងយកកន្សែងដែលភ្ជួរលើដើមឈើក្បែរនេះយកមកជូតសម្ងួតខ្លួនមុននឹងរុំមួយកំណាត់ខាងលើទើបដើរត្រឡប់ទៅរកតង់វិញ។
ដើរមកដល់ Taehyung ក៏បានជួបជាមួយ Jeonghan ល្មមដែលគេទើបតែភ្ញាក់ពីគេងមុននេះនិងត្រៀមចេញទៅងូតទឹកម្ដង។
« អេ៎ Tae!! ឯងងូតទឹករួចហើយហេស៎? » Jeonghan
« អឹម...យើងងូតហើយមុននេះបន្តិច អញ្ចឹងឯងឆាប់ទៅងូតម្ដងទៅនឹងអាលបានទៅញ៊ាំអីពេលព្រឹកបន្ទាប់មកពួកយើងត្រូវចេញដំណើរទៅសិក្សានិងទៅកាន់សារមន្ទី » និយាយគ្នាចប់ពួកគេទាំងពីរក៏បំបែកផ្លូវគ្នាដោយម្នាក់ចូលតង់ផ្លាស់ប្ដូរសម្លៀកបំពាក់ឯម្នាក់ទៀតក៏ចេញទៅងូតទឹកសម្អាតខ្លួន។
***
រាត្រីយប់ស្ងាត់ម៉ោងប្រហែលជាមួយកន្លងអាធ្រាតទៅហើយ Jungkook នៅមិនទាន់សម្រាកនៅឡើយនោះទេ នាយនៅឈរលើវេរ៉ង់ដាសម្លឹងមើលព្រះច័ន្ទដែលរះជះពន្លឺយ៉ាងភ្លឺចិញ្ចាំងចញ្ចាច បង្អួតបង្ហាញសម្រស់ដ៏ស្រស់ស្អាតគួរឲ្យចង់គយគន់។
"ម្ចាស់តាកម្រនឹងលេងសើចណាស់! ឬមួយម្ចាស់តានិយាយបន្លប់ដើម្បីកុំឲ្យខ្ញុំគិតច្រើន? ឬមួយក៏ជាការពិតដែលម្ចាស់តាមានគម្រោងចង់ឲ្យខ្ញុំរៀបការជាមួយនឹងនរណាម្នាក់? ប៉ុន្តែម្ចាស់តាមិនព្រមប្រាប់ការពិត?" Jungkook ឈរគិតសញ្ជឹងពីរឿងជាច្រើនដែលជាទុក្ខកង្វល់សម្រាប់នាយ និងជាសម្ពាធមួយដ៏ធំនិងធ្ងន់ដែលផ្ទុកនៅក្នុងខួរក្បាលរបស់នាយធ្វើឲ្យនាយឆាប់គិតច្រើន និងមិនអាចឈប់គិត?
ប៉ុន្តែក៏ជាការពិតដែលថាម្ចាស់តារបស់ Jungkook ជាចាស់ទុំមួយរូបដែលកម្រនឹងលេងសើចលើរឿងអ្វីមួយណាស់ ព្រោះថាគាត់ជាមនុស្សដែលច្បាស់លាស់ សម្រេចថាធ្វើអ្វីគឺត្រូវតែធ្វើហ្នឹង ចង់បានអ្វីឲ្យសមស្របនិងត្រូវចិត្តរបស់គាត់គឺគាត់នឹងធ្វើវាភ្លាមមិនឲ្យពេលវេលាហួសទៅមុខឡើយ Jungkook ស្គាល់ចិត្តម្ចាស់តារបស់គេច្បាស់ណាស់ ដូច្នេះហើយទើបបានជាធ្វើឲ្យនាយគិតច្រើននិងគិតពីរឿងអវិជ្ជមានអស់ទាំងនេះឯង។
បន្ទាប់ពីឈរគិតបានមួយស្របក់ Jungkook ក៏សម្រេចចិត្តចូលទៅគេងយកកម្លាំងនិងកាត់បន្ថយកុំឲ្យខ្លួនឯងគិតច្រើនកាន់តែ stress បន្ថែមទៀត។
To be continued........
***
ប៉ុន្មានភាគទៀតអស់ភាគ tpae ហើយចឹង y'all better ចាំភាគពិសេសៗចូលមកដល់ទៅ 🫶🏻 love ya<3 enjoy and have a goodnight my babies.