تـراتـيـل الـمـوت
الكاتبة:- رحـاب صـدام
(بسم الله الرحمن الرحيم)
لاتنسون التصويت+ التعليق بين الفقرات 🤎
مشاهدة ممتعة 🤎
_________________________________________
"زهراء "
هلاو اسمي زهراء عمري 23 سنه متخرجه كليه هندسه وبعد ما طلع تعييني
انولدت بين ام واب و24 ساعة يتعاركون واني بيناتهم طفلة ما اعرف شصاير بس ابجي
امي محاميه وابوي محامي تعرفو على بعض وحبو بعض وتزوجو وماصار عدهم اطفال ورا 4 سنوات يلا صرت اني ع دنيا
كبرت بين امي وابوي ماجان عندي اخوان ولا اخوات وبدت المشاكل بيناتهم
بابا صار يطلع ويسهر برا البيت ويجي سكران وامي تتخبل ويضلون يتعاركون للصبح
صار بابا يختفي اسبوع اسبوعين مايجي ع بيت. وماما بشغلها واني وحدي اضل بدون اكل وبدون تبيدل ومحد يهتملي
چانت بس مرت عمي تهتم بيه وتعتبرني مثل بناتها وشتجيب لبناتها تجيبلي جنت كلش احبها وبديت اناديها ماما
من سمعتني امي اناديها ماما تخبلت وصارت تضربني وتجويني بس علمود ما اناديها ماما واني بس ابجي طفله وما اكدر ادافع عن نفسي
صار عمري 7 سنوات وبابا وماما على نفس المشاكل والعرك فديوم جنت كاعده اللعب بالحديقه واجه بابا
الاب:- وين امج زهراء
زهراء:- جوا بابا
عافني ودخل ع بيت واني رحت ورا كعد بابا ع قنفه وماما كاعده كباله واني واكفه عند الباب واباوع عليهم
الاب:- شوفي سارة اني تزوجت عليج وعايش حياة سعيدة وياها واحبها وهيه ماتريد تضلين على ذمتي واجيت اطلگج
زهراء:- من سمعت ماما تخبلت وصارت تكسر بالغراض وتصيح واني كعدت بالكاع وحطيت ايديني على اذاني وابجي وكلعادة محد مهتم الي
بابا جان مُصر على قرارو وجاي يطلگ ويعوفنه ويروح وماما متخبله وبس تصيح وتكسر
خفت منهم واجيت اطلع ودست ع گزاز ودخلت گزازة برجلي صرخت بصوت عاالي بس محد اهتم بيه كلعادة وكملو معارك
طلعت برا واني اعرج وشايله اللعابه بيدي والعابه صارت كلها دم شافتني مرت عمي ولطمت على صدرها
سمر:- صخااام الصخمنييي شبيييج اسم الله الرحمن
زهراء:- صرت بس اشهك وابجي ما كدرت احجي شي
شالتني ودخلتني ع بيت وغسلت رجلي وعمقت الجرح وحچت
سمر:- شبيج ماما شبيج ليش تشاهكين؟
زهراء:- راح يتطلگون ماما وبابا
سمر:- ياااااا اسم الله شجاهم ذولا اشش امي انتِ خلص اني اروح اشوفهم شبيهم
زهراء:- عافتني وراحت واني نمت والشهكه بصدري وكلني خوف ورعب وكلشوي افز خايفه
شوي واجت عمتي وكعدت يمي وحجت
سمر:- ماما زهراء راح تضلين عدنه فترة على ما يهدأ الوضع بين امج وابوج وترجعين عليهم. تقبلين؟
زهراء:- فرحت كلشش من گالت تضلين عدنه يعني راح اضل اللعب ويَ الأبتر وحسن ومحمد حچيت بسرعه
- اييي ماما ارييد اضل هنا ماريد ارجع عليهم
حضنتني على صدرها وباست شعري وحچت
سمر:- فدوه يبعد امج تعاليلي يمه
زهراء:- رحت عليها ودحست نفسي بحضنها وهيه صارت تلعب بشعري وتقره على راسي قرأن
ضليت عدهم لفتره طويله الأبتر اكبر مني بـَ 4 سنوات وحسن اكبر مني بـَ 9 سنوات ومحمد بـَ سنتين وشهم اصغر من محمد بسنه
صارولي اخوه واصدقاء بس اقرب شخص بيهم الي الأبتر جان هوه يفزعلي اذا احد عاركني او زعلني ومن يشوفني ابجي يروح يشتريلي صارلي اخ وصديق واب وكلشي كبرنا اني ويا سوة وشفت بي حنية الاخ والاب صرت انادي باباتي
كبرت بيناتهم وهاي اخر سنة الي بالابتدائي وما اجو اهلي ولا شافوني وكلما اسئل عمتي تتهرب من سؤالي فديوم اني بالمدرسة وجان اجتماع الامهات صارن يضحكن علي البنات
-: هههههه باعن زهراء محد اجه من اهلها ههههه اهلج ميتين؟
-: اييي اكيد ميتين متشوفين ما اجو عليها ولا مره خطيه
زهراء:- اخذت جنطتي وطلعت من المدرسة ابجي بصوت عالي شفت الأبتر. يم باب المدرسة ينتضرني شافني بهاي الحاله اخترع وحچه
الأبتر:- اسمم الله الرحمن شبيج بناتي منو وياج
زهراء:-بس اشاهك ما حجيت شي اخذني ع سيارة وطلع بطل ماي وشربني وغسل وجهي شوي هدأت وحجه
الأبتر:- شبيج امي وكفتي كلبي منو وياج حبيبتي؟
زهراء:- وين اهلي؟
صفن علي هوه ماا جاوبني وكأن انصدم من سؤالي بلع ريگه وگال
الأبتر:- ليش هسه يلا سئلتي منو بجاج؟
زهراء:- اليوم اجتماع الامهات والاباء ومحد اجه من اهلي والبناات ضحكن علي
من حجيتله هيج عصب وحچه بصوت شبه عالي
الأبتر:- وليشش متكوليلنه زهرااء اني مو ابوج امي مو امج؟ ليش متكوليلنه من يصير معاج شي بالمدرسه
زهراء:- زدت بالبجي وخفت من عصبيته سحبني على صدرة وصار يهدأ بيه
الأبتر:- اششش اسف عليت صوتي عليج هاهيه هسه اني انزل وانعل والديهم وبعد محد يتجرأ يحجي معاج كلمة زايدة ناقصه
زهراء:- خفت تصير مشكله صرت اهدي بي بس ما سمعلي ونزل من السيارة وقفل الباب علي صرت اللوم بنفسي لان حجيتله اعرفه هسه يكلب الدنيا عليهم طول ربع ساع يلا اجه وهوه يلهث ووجهه احمر من العصبيه ويسب ويغلط
الأبتر:- زهرااء والحمزة وابو فاضل اذا صار معاج بأي مرحله دراسيه موقف مثل هذا وماجيتي كلتيلي احطج جوه التاير فهمتييي؟
زهراء:- اييي فهمت والله
شخط السيارة والطريق كله ساكتين وكف يم محل ونزل شوي واجة شايل علاكه جبيرة مالت حلويات حطها بحضني وحجه
الابتر:- هايي مال صلح لان عليت صوتي عليج
زهراء:- كلشش شكراً
ابتسم وحجه
الابتر :- كلش عفواً
وصلنه ع بيت واني ركضت على غرفتي شوي ولحكتني امي
سمر:- ولج زهيرة شبي اخوج معصب من اجه وشبيج انتِ عيونج حمر شصاير احجيلي
زهراء:- عدلت كعدتي وحجيتلها كلشي صارت تلوم بيه لان ما احجيلهم
زهراء:- يمة اهلي وين؟ ليشش اختفو كل هاي المدة وما سئلو علي وينهم همه احجيلي كلشي
صفنت علي وما حجت شي
زهراء:- احجيلي ماما همه اهلي ومن حقي اعرف عنهم كلشي ليش هيج عافوني وراحو بدون ميسئلون علي؟
سمر:- شوفي بناتي راح احجيلج كلشي بس لاتضوجين همه الخسرو هيج وردة تخبل واني الربحت بيها
زهراء:- احجي ما اضوج
تنهدت وبدت تحجيلي
سمر:- ماما من عفتج هنا وطلعت أشوف اهلج شبيهم جان ابوج مُصر على الطلاق وامج موكفه راسها شلون تجيب علي ضرة ضلو نص ساعه واحد ياخذ واحد ينطي وما وصلو لحل يرضي الطرفين وابوج مُصر يطلق ويطلع خارج العراق
امج رضت بالأمر الواقع بس شرطت شرط انتِ تضلين عنده وهوه تخبل ميقبل ورجعو يتعاركون من جديد وصوتهم واصل لسابع جار
اني من شفتهم متعاركين هيج علمودج اني ردتج وين اكو واحد يفوت هيج بنيه جمال واخلاق من شافوني اني تكفلت بيج فرحو وتم الطلاق
ابوج سافر هوه وعائلته الثانيه وامج راحت على اهلها ورا شهرين تزوجت من شخص معاها بالدوام
زهراء:- صفنت عليها بدون ما ارمش والدمعه بطرف عيني شبيه اني ويعوفني هيج ومحد بيهم يسئل علي؟
سمر:- بنيتي لاتضوجين ولا تقهرين نفسج. اني امج وصديقتج واختج ويُسر. وصبا خواتج واحنه هينه كلنا. عائلتج
زهراء:- دفنت راسي بحضنها وصرت ابجي بصوت عالي وهيه تحاول تهدي بيه ضليت ابجي بحضنها الى ان غفيت
كعدت الدنيا ليل وراسي يوجعني من البجي وعيوني مغوشه من الدموع مسحتهن شفت الأبتر حاط ايدينه على عيونه وراسه ع تخت ونايم من تحركت فز هوه
الأبتر:- هاا بناتي شلون صرتي اكو شي يوجعج؟
زهراء:- اخخ راسي ديأذيني كلش
تلمس گصتي وشاف حرارتي وحجه وحچه
الأبتر:- جانت حرارتج كلش مرتفعه وصارلج يومين مريضه وهسه نزلت حرارتج الحمدلله
زهراء:- تذكرت اهلي ورجعت ابجي كعد هوه يم راسي وگال
الأبتر:- زهراء ما اكلج مو من حقج تبجين لا ابجي وطلعي العبرة البصدرج بس لا تقهرين نفسج وتلومين نفسج اذا حبستي نفسج وبجيتي راح يرجعون؟ اكيد لا راحو كلمن شاف حياته وانتِ كذالك شوفي حياتج
احنه اهلج.. منا وجاي انسيهم الباعني ابيعه لو شوف منو هوه واني معاج بكل خطوه صدكي همه الخسروج ولو يفترون كل الدنيا ولو يخلفون عشره مستحيل يصير منج انتِ وردة نادرة
زهراء:- فكرت بكلام الأبتر وشفته كله صح وبالاخير محد ينضر غيري نسيتهم وشفت حياتي وركزت على دراستي بالنهايه محد يفيدني غيرها والابتر وعائلتي جانو معاي بكلشي..
نتخصر الأحداث كبرت وماصار شي جديد غير انو 24 ساعه ادرس والابتر كاعد فوك راسنه اليشوفها ماتدرس تتعاقب خلصت دراسه وصرت مهندسه وماجان اكو تعيين
والابتر صار من افضل الدكاترة بالعراق
نجحن البنات الحمدلله وصبا راحت رابع ادبي ويُسر نجحت ع سادس علمي وبدن يدرسن من هسه ودخلهن الأبتر دورات خصوصي
الابتر صار مايتواجد هواي بالبيت ونادراً ما نشوفه ومن اسئله يكول شغل
فديوم شفته كاعد برا ويدخن وهاي اول مره اشوف الأبتر يدخن اجيت كعدت بصفه وسئلته
زهراء:- احجيلي علي منو مضوجك احنه مو وعدنه بعض ما نضم شي على بعض ؟ احجيلي شصاير وياك
تنهد وگال
الأبـتر:- زهراء حبيتها شلون بيه؟
زهراء:- مني؟
الأبـتر:- من جانت اول متوسط احبها وهسه هيه سادس وعرفت انو صديقي يحبها صح هيه طفله وماجان لازم اباوع عليها بس شفتها صدفة ودخلت گلبي حاولت انساها بكل الطرق وما اروح على مدرستها بس الصدفه تجمعنه بكل مره وتخليني اشوفها هيه متعرفني ولا شايفتني بس اني كل ما اندار اشوفها حتى باحلامي اشوفها
ضحكتها عفويتها عيونها هيه كلشي بيها حبيته عشگتها وبكل مره اكون ضايج بيها تجي على بالي وابتسم واشتعل بنار من اسمع صديقي شلون يوصفها جدامي ويحجي بيها ومابيدي اسوي شي او احجي لان هذا صَلب صديق الطفوله شلون اكله اني احبها؟
زهراء:- سودة علي. علي اذا هيه من نصيبك و الله كاتبها الك يجي يوم وتلتقون مره ثانيه وتصير الك لاتضوج نفسك يا عيني. شوف شلون وجهك ذبلان خفف من الجگاير شويه الخاطري
نفض الجگاره ورفع شعره تنهد وگام
زهراء:- ويين باباتي الوقت متأخر اخاف عليك
علي:- افتر بالسيارة تجين وياي؟
زهراء:- تمام امشي نروح بس اسد البوب واجيك
سديت البوب وطلعنا نفتر بالسيارة والأبتر منزل الجام ومشغل اغنيته المفضله "الحب مالي" ويدخن جگاير ويدندن ويَ الاغنيه
غمضت عيوني واني اسمع صوته كلش حلو واخذ نفس من ريحة الجگاير الكلش احبها طبگ السيارة بصف النهر ونزل منها تنهدت ونزلـت ويا ضلينه ساكتين فتره طويله اخذت نفس طويل وحچيت
زهراء:- مرات نتمنى شي وكلش نتعلق بي ونريد نحصله ونسعى وبكل الطرق نريد نوصل اله بس ميصير من نصيبنه تعرف ليش؟
لان رب العالمين يگول (عسى ان تكرهو شيئاً وهوَ خير لكم وعسى ان تحبو شيئاً وهوَ شر لكم)
فـَ احنه هنا لازم نصبر ونشوف شنو الله كاتبة النا ويصير لا تضوج وتنقهر وتحبس بگلبك علي تكدر تجي تحجيلي واني اسمعك بكل وقت واذا ما حاب تحجيلي الله موجود ويسمعك تگدر تحجي كلشي حاس بي ال رب العالمين وان شاءالله تكون من نصيبك عمريي
اندار وباوع علي وحچه
الأبتر:- والله وكبرت بناتي وصارت تسند ابوها وتنصحه
زهراء:- هههههههه اويي شعبالك وبعدين عيني الفرق بينا بس 4 سنوات
ابتسم ونزل عيونه بالگاع حط ايدينه بجيوبه وگال
الأبتر:- حتى لو…تبقين بناتي ولو يصير عمرج ميت سنه تضلين حبيبة ابوها
زهراء:- ابتسمت وحضنته وحجيت
اويي شنوو خاف تجي هاي لبنيه وتاخذ مكاني ومتقبل احضنك واكلك بابا؟
علي:- مو بكيفها محد ياخذ مكانج … وهسه امشي نرجع هسه تكعد سمورة وماتلگانه وتفضحنه
زهراء:- عزااا هههههههههههه دخل تسمعك سمورة اله تخزيك.
ضحك وصعدنه بالسيارة ورجعنه ع بيت وصعدت على غرفتي صليت ودعيت الله يريح گلبه وتصير من نصيبه ونمت
مرت الأيام والوضع عادي الى ان اجه اليوم المشؤم اليوم الي نقتل بي حسن واجه الأبتر مدميي ونقلو كبل ع مستشفى ودخل غيبوبه شهرين
انگلب بيتنه رأساً على عقب ووطفت الضحكه الجانت مرسومه على وجهنا راح حسن وراحت ضحكتنه معا امي سكنت المستشفى خسرت حسن وليل نهار تدعي ماتخسر الأبتر
كلنا خايفات ع ابتر واني ضليت ويَ خواتي واحاول اهدي بيهن وما ازيد خوفهن بس اني اجبن منهم وارجف من الخوف علي
فديوم كاعده اني بره واجه صديق الأبتر امي موصيته على اغراض طفرت وحجيت
زهراء:- خويه شلون علي؟ بخير مو ما صحى شي؟
-: بخير وصحى من الغيبوبه الحمدلله واحسن
زهراء:- كعدت بالكاع وصرت ابجي وارجف سوة
-: بسم الله بيج شيي زهراء؟
زهراء:- فدوه يعني صدك مابي شي هسه هوه بخير؟
-: ايي والله زين وتكدرين تشوفينه
زهراء:- ايي اروح وياك چا
-: ومنو يضل ويَ خواتج؟
زهراء:- سكتت وبس صفنت علي ودموعي تجري
هوه حار سيشوي من شافني. هيج
-: بعده هوه هستوو صاحي بس شوي يتحسن وتخف الهوسه ال بالمستشفى يجي محمد ياخذجن. هسه المستشفى مليانه جماعة الابتر كلها موجودة
مسحت دموعي وحجييت
زهراء:- تمام بس طمنونه عنه عود
-: ان شاءالله وهسه خالتي وصتني على غراض انطيني ياهن
زهراء:- ايي هسه اجيبهن
دخلت ع بيت علمود اجيب الغراض الوصتني ماما عليهن
منهل صديق الابتر ومن الطفوله همه سوه ومتعودين علي بالبيت ف لهذا السبب احجي ويا عادي
انطيته الغراض وراح هوه واني دخلت ع بيت لگيت البنات كاعدات يدرسن
زهراء:- بناات عندي خبر حلو الجن
طفرن ثنينهن وحچن سوه
-: الابتررر صحى؟؟
ضحكت وهزيتلهن راسي طفرن علي ثنينهن حضنتهن على كلبي وصرنه نضحك ونبجي سوه
يُسر:- صدكك يعني هوه بخير هسه؟
صبا:- منووو كلج منوو اجه؟
زهراء:- اجه منهل قبل شوي واخذ اغراض وگال صحى الابتر وهوه بخير هسه
يُسر:- الف الحمدلله يارب شوكت نروح نشوفه؟
زهراء:- يكول جماعته عنده ومنگدر نشوفه هسه بس يصحى زين ويرحون ونروح نشوفه
صبا:- ان شاءالله
زهراء:- رجعن هنه يكملن دراسه واني صليت وحمدت ربي وطلعت برا اشم هوا
مرن يومين والابتر. اتحسنت حالته واليوم يجي
كعدنه من وكت اني والبنات وعسريع نضفنه البيت وبخرنا وگالو يجي شخص يطبخ راح يسوون فجران دم وعزيمه على سلامته كعدنه بالمطبخ. اني. والبنات وبنات خالة الابتر وبنات عمامي كلها تنتضر بي واني وصبا ورفل بنت خالة الابتر كاعدات ننضف بالخضره وزينب تحوص كلشوي تروح توكف يم الباب وتباوع.
وترجع تكعد
حچت صبا
صبا :- شبيج زينب تحوصين مضيعه شي؟
زينب :- هاا لا مابيه شي شبيه؟
صبا :- ايي مو دنسأل شكو تحوصين ماكعدتي وعينج ع باب من الصبح
زينب :- لا متوهمه مبيه شي
صبا :- اممم
زهراء :- اخزر بيها اريد اكرص ماكو منطلقه تحجي ام لسان تضل فاضحتنه هسمتلها بصوت ناصي
- صبا بدون مشاكل متعرفينها هاي شنو من شي ختولي عوفيها
صبا :- اييي مو اعرفها شنو من شي حاطه عينها على علي عود حسبالها مندري العرمه
زهراء :- عزااا بعيني ولج انطمي خزيتينه
كلبت عيونها وماحجت شي اني اعرف زينب شنو الي بالها وهم ما اسكتلها بس مو وكتها هسه ابد
شوي وسمعنه صوت طلق وهوسات عرفنه الابتر اجه طفرنه كلنه وكفنه يم شباك المطبخ ونباوع عليهم وهمه يهوسون ويدبجون
ومنهل لابس دشداشه وعگال هاي اول مره اشوفه لابس دشداشه واكف بالنص ويسوي هوسات للأبتر والابتر بس يبتسملهم ويحط ايده على راسه بمعنه ممنون او يتشكرهم
ذبحو يم رجلين الابتر ودخلو ع ديوان وكل اصدقائه ويا
طلعو ولد عمي ويَ الطباخ الاجه علمود يطبخ واحنه صرنه نساعد بيهم حرفياً متنه تعب وهاي زينب بس تتنعوص. لعبت نفسي
ضلو اصدقاء الابتر لنص الليل وهمه يجون ويرحون ونسوي جاي ومي الى ان متنه تعب فضت شوي النسوان كلها راحت وضلو بس الديوان مليان اجه محمد شايل الاستكانات وحچه
محمد :- تعبتن مو؟ سودة علي روحن ارتاحن واني اصب بدالجن
زهراء :- انتَ هم تعبت محمد انطيني اني اصب وانتَ تودي ويسر وصبا يرحن ينامن عدهن امتحانات
يسر:- لاا مستحيل نعوفج نشتغل سوه زهراء
صبا :- ايي انتِ هم تعبتي
زهراء :- انجبن وروحن نامن عدجن امتحانات وتعبتن ماعندي شي اني من احتاججن اناديجن والله
يسر :- والله زهراء؟
زهراء :- وضلع الزهره وهسه روحن تعبتن يلا
يسر :- تمام حنروح
زهراء: راحن البنات وضلينه اني ومحمد نصب بالجاي ومحمد يودي متت تعب ماراحو الخطار لل2 بالليل ومن التعب نمت على وجهي
ثاني يوم كعدت هم من وكت علمود نشوف الابتر عسريع بدلنه وصلينه وطلعنه ع ديوان شفنا هستوو كاعد ركضنه كلنا علي
صبا:- حبيبيي الف الحمدلله على سلامتك يروحي كسر بأيدة ان شاءالله
يسُر:- الحمدلله على سلامتك يعمري سودة علي بيه ولابيك
زهراء:- الف الحمدلله على سلامتك باباتي شلون صرت؟
حضنه كلنه بأيد وحده على صدرة وحچه بصعوبه بسبب الاصابه القريبه من كلبه
الأبتر:- بناتي الحلوات الحمدلله مابيه شي ليضل بالجن بخير اني
اجت امي وشافته ملتمات علي وشالت سلاحها المعروف عند كل الامهات واجت علينه
سمر:- ولجن كومن عن اخيجن فطستنه ادبسزياات
زهراء:- طفرنه كلنه وحجيت اني
اهووو يمه شنو عوفينه مشتاقاتله
سمر:- ياااا شوف ام لسان
الابتر:- ههههههه يمه عوفيهن مشتاقلهن اني تعالن بناتي
زهراء:- صرنه نباوع على امي بخوف ضحكت وحجت
سمر:- روحن يمة بس لاتلجمنه ع جرح بناتي
طفرنه كلنه ورجعنه علي وهوه لمنه بحضنه شوي وگمنه رجعنه ع بيت واجو خطار وبدة الكرب لحد الليل ويوميه هيج الى ان تحسنت حالة الأبتر وصار يكدر يمشي ورجع طبيعي
رجع الابتر يختفي من الصبح مايجي لنص الليل وميقبل يكوللنه وين يروح بس يگول عندي شغل
الى ان اختفى الابتر كلنه قلقنه علي وماضل مكان ما دورو بي منهل ومحمد سئلو كل اصدقائه بس الابتر اختفى
امي تمرضت ويومية. توكع ويشيلونها ع مستشفى وخواتي بس يبجن وميقبلن ياكل شي واني حالتي اتعس من حالتهن بس احاول ابين نفسي قوية جدامهم
مر اسبوع على غياب الأبتر وچانت امي هستوها متحسنه حالتها بس تبجي ع الابتر جنه كاعدات عد راسها ثلاتنه ونبجي على ابتر
سمعت صوت محمد يصيح بالموبايل ركضت اني برا شفته يخابر وكصته تصب عرگ ويلهث ويحجي
محمد:- وييينك هسه انتَ ويين جنت وبييك شي؟
صار يستمع للطرف الثاني شوي وحچه
محمد:- تمام خوش جاي جاي ضل بمكانك
سد الاتصال واندار علمود يطلع سحبته من ايده وحجيت
زهراء:- شنووو محمد اكوو اخباار عن الابتر احجي فدوه
محمد:- اييي ولجج زهيرة هوه هذا الأبتر.
زهراء:- شنووو وينوو هسه هوه وين جانن مختفي صار سبووع
محمد:- مادري ماحچه شي بس گال اني بال** تعال اخذني
زهراء:- والمحسن اروح معاك
محمد:- زهرااء امشي ع بيت اجيبه واجي يجوز احد ويا ما اخذج
زهراء:- وضلع الزهره وهاا حلفت بالعزيز فلا اتحرك اله اروح معاك
محمد:- امشيي امشيي همداج
زهراء:- عدلت شالي عسريع وطلعنه واني ميته خوف ع ابتر وين جان؟ شنو حالته هسه؟
محمد يسوق سريع يريد بس يوصل والطريق كله ساكتين وثنينه خايفين علي..
وصلنه المكان الوصفه الابتر وشفنا واكف على صفحه ينتضر بينه صرخت اني ومحمد نزل يركض واني ضليت صاعده بالسيارة وبس دموعي يجرن على حالته
وجهه بي كدمات ضرب زرگه ومبين التعب علي
تحاضنو بنص الشارع الابتر ومحمد ضلو10 دقائق هيج واني بس اباوع عليهم وابجي اجو يمشون ناحيت السيارة فتح الباب الابتر وطفرت علي تعلكت بركبته وصرت ابجي واحجي
زهراء:- ويين جنت غييير متنه خوف عليك صارلك اسبووع مختفي ومنو مسوي هيج بوجهك كسر بأيده ان شاءالله
الأبتر:- مابيه شي بناتي اسم الله شجاج هياتني يمج واكف كلشي مابيه بعدين احجيلكم كلشي هسه تعبان
زهراء :- اكييد مابيك شي؟
الابتر:- اكييد مابيه بعدين كلشي احجيلكم بس بشرطط
طبك حواجبه محمد وحجه
محمد:- شنو خويه؟
الابتر:- متكولون الامي شي نكولله بس جنت مسافر صارلي سبوع شغل عمل وموبايلي عطلان او ضاع خوش؟
محمد:- وليشش تريد تكول الامي هيج ليش متكوللها وين جنت؟
الابتر:- السالفه طويله وما اريد اشغل بالها نكول هيج وبس
محمد :- براحتك خويه نكوللها هيج
زهراء:- وصلنه البيت طبگ السيارة محمد بالگراج ودخلنه ع بيت والابتر صار ينادي
الابتر:- يمهه يمهه وينجج
صعدنه ع طابق الثاني ودخلنه ع غرفه ولكينه البنات كاعدات كل وحده بزاوية وصافنات من شافن الابتر طفر علي وحضننه ويبجن
صبا:- ويين جنت عليي متنه خوووف عليك ويين رحت شبيي وجهك
يُسر:- ويين جنت عليي احجي منوو خاطفك
الابتر:- روح روحي بناتي شنو هلحجي كلما بالموضوع جنـت مسافر. علمود الشغل وموبايلي ضايع ما اندله وين وما انطيتكم خبر
سمعت صوته امي وصارت تبجي عاف البنات وراح عليها حضنها على كلبه وصار يهدأ بيها
الابتر:- اسم الله يمة بيه ولا بيج لاتبجين مابيه شي اني
سمر:- يبعد امك وين جنت خفت عليك شصاير بحالك
الابتر:- يمة جنت طالع بشغل عمل وموبايلي ضايع ما اندله وين وماكدرت انطيكم خبر لو ادري يصير هيج ما اروح كلت انتو متعودين علي اسافر وابقه اسبوع شهر معبالي يصير بيكم هيج
سمر:- گلبي قابضني مو مال مسافر وبعدين شبي وجهك؟
الابتر:- اليوم من اجيت وصلت عند المطار وتعاركنه اني وواحد وتضاربنه واشتريت موبايل خابرت محمد يجي ياخذني ليضل بالج يمه
أشرلي وترخص كال تعبان اريد انام وطلع لحتكه لگيته بالغرفه كاعد وحاط ايدينه على راسه
زهراء:- هاا عليي بيك شي
علي :- بس حضريلي الحمام تعبان
زهراء:- تمام
حضرتله الحمام وطلعت شفت صبا ويسر واكفات عند الباب
زهراء :- بسم الله خرعتني شبيجنن
يُسر :- شبي علي وين جان عبالج صدكنه جان مسافر؟
صبا :- ترا بس غلسنه مو مال اناقش گدام ماما ونزيد الشك بكلبها ترا حتى هيه ممصدكه بس احنه من عدنه گمنه نزيد يلا صدكت ونامت
زهراء :- زين تسون هوه ماراد يحجي شي گدام امي وهيه مريضه وگال بعدين احجيلكم
يُسر:- اذا گالج شي طمنينه عود لان انتِ اقرب وحده اله
زهراء:- أن شاءالله. وهسه روحن ادرسن
صبا:- اهوووو ترا تعقدت من الدراسه كلما احد يشوفني يكلي ادرسي
يُسر:- غيير على مود مصلحتج
زهراء :- يلاا ثنيجن جدامي فوتن ادرسن
صبا:- خوشش خوشش
زهراء:- راحن هنه كلوحده على غرفتها واني طلعت برا
جانت الدنيا هستوها صايرة مغرب نضفت الحديقه وغسلت الطرمه ودخلت ع بيت سويت عشى وحضرته ع طاوله وناديتهم يتعشون
تعشينه بهدوء ومحمد گال عندي شغل وطلع والبناات رجعن يدرسن وامي نامت چانت تعبانه
گمت غسلت المواعين وطلعت برا لگيت الابتر كاعد برا ويدخن
رحت گعدت يمه وحچيت
زهراء:- وين چنت مختفي علي ترا محد صدك جنت مسافر وامي شكت بالموضوع والبنات طمطمن السالف
الأبتر
من صَلب كتل حسن خطفها حاولت اخلصها منه بس. ضربني ودخلت غيبوبه وماكدرت اطلعها
من صحيت من الغيبوبه ماجان اكو على طارف لساني غير اسمها واريد بس استرجع قوتي واكوم على حيلي علمود ادور عليها
وفعلاً اول ما رجعلي حيلي گلبت الدنيا عليها ماخليت ما دورت شهر واني لا ليلي ليل ولا نهاري نهار
ولكيت مكانهم بس بنفس الدقيقه العرف بيها غير مكانهم الگ**
رجعت ادور وما فقدت الأمل ابد وچنت اعرف راح الكاها وفعلاً لگيت شخص جان يشتغل معا صَلب
بالبدايه ما علم على مكانهم بس من اول راشدي كت الاول والتالي
رحت ع مكان الوصفلي يا وصرت ادور بكل المنطقه جانت المنطقه مو زينه
صرت ادور بكل البيوت عليها عسى ولعل الگه لو طارف خيط بس ما لگيت ضل اخر بيت ما دورت بي
دخلت ع بيت وجان البيت خرابه وبس شكله يخوف وعلي حراس عند الباب
لوحت من ورا لبيت وطفرت من الحايط ودخلت ع بيت جانت واكفه بنص الممر وصافنه وبس دموعها تجري باوعت ع مكان الصافنه بي هيه چان واكف صَلب وبيدة سلاح وفرغه بحلگ الحارس الچان واكف عند الباب
شهكت هيه واني طفرت سديت حلگها صارت تدفع بأديي بس شديتها اكثر
الى ان اختفو كلهم ووخرت ايدي عنها بالبدايه خافت مني بس من كتلها اعوفج وامشي صدگت بيه
مديتلها ايدي وهاي جانت اول مره الزمها بعد حب ونضرات من بعيد 6 سنوات رجفت ايدي حاولت ابين نفسي طبيعي كدامها
مشينه عالسريع ع باب بس ما لحگنه واجه صَلب وانذاله
چتفني وصار يضرب بيها تخبلتت صرت احاول اوخرهم عني وفعلاً دفعتهم ورحت علي دميته تدمي بس رجعو چتفوني وصار يضربني ويضربها ما اهتميت كل عقلي وفكري بيها ما تتحمل ضرب نيراني
سجنه ثنينه بنفس الغرفه وشد ايديني بسلاسل صرت احاول افك نفسي بس ما گدرت
صار يتقرب منها وكل همه يحرگ گلبي تخبلت متت واني اسمع صرخاتها واني يمها ومابيدي شي اسوي صرت اصيح علي واغلط وافشر واحاول افك السلاسل بس مكدرت كمل من قذارته وكام عنها
بجيت وهاي جانت اول دمعه تنزل من عيني ونزلت على نيراني واني اشوف حالتها وما بيدي شي اسوي
بس الصدمني اكثر قوتها وتفكيرها هوه دمرها نفسياً وجسدياً بس ما اهتمت لكلشي وكامت على حيلها ونفذت الخطه البالها تخبلت من گالت اروح معا وعارضت ومقبلت تروح بس جانت مصره خليتها تروح واني خايف عليها من هذا الگ**
راحت هيه ومر اسبوع وهيه ماكو خفت عليها كلش وما اجه ابالي غير صَلب مأذيها اكيد وصَلب هم اختفى
اليوم السابع اجت وگدرت تطلعني وچانت هاذي المره الثاني التنقذ حياتي بيها
طلعنه وجانت جايبه موبايل صَلب خابرت على صديقي علي واجه هوه ودوريه وتم اعتقالهم كلهم وصلب مات مارفلي جفن ولا انقهرت علي
رحنه قدمنه اقوالنه وانصدمت من الصاير بيها عنده وشمسوي بيها زاد حقدي علي طلعنه من المخفر ووصلتها على بيتهم بس ما جان احد موجود ابيتهم خافت هيه وصارت تبجي صرت اهدي بيها راحت على بيت صديقتها وضلت عدهم ردت ارجع ع بيت بس ماقبلو وضليت عدهم وثاني يوم. عرفت اهلها ماتو وحالتها تبجي الصخر واني كلما اشوف دموعها احترك حرك ضليت عدها لحدما تحسنت حالتها واجيت
زهراء:- انصدمت من السمعته وضليت بس هيج صافنه ما اعرف شكول
- ويين هيه البنيه هسه وشنو حالها عليي راح اتخبل كل هذا صاير بيكم
الابتر :- هسه هيه يم صديقتها گومي نامي تأخر الوقت ولاتكولين الامي والبنات طلعي سالفه من عندج
زهراء:- تمام ان شاءالله تصبح على خير
الابتر:- وانتِ بخير بناتي
زهراء:- دخلت ع بيت واني اضرب صفنات وافكر بالصار بيهم وافكر بحال هاي البنيه خطيه شنو حالها هسه؟
تمددت بفراشي وتذكرت باجر اول يوم الي بالشغل تحمست صارلي شهر اتوسل بالابتر يوافق واخيراً وافق تعبت من التفكير ونمت
مرن الايام وحياتنه هادئه واني من الشغل للبيت وتعرفت على بنيه وياي بالشغل فد حبابه كلش حبيتها
وصدفة طلعت ساكنه يم بيتنه صرنه صديقات كلش وعرفت نفسها البنيه اليحبها الابتر
قست نبضها وحسيت هيه هم تبادله نفس المشاعر بس خايفه تعترف
چنه نشتغل اني وياها وحسيتها بيها شي سئلتها
زهراء:- شبيج نار؟
نار:- زهراء كلبي كلش ياذيني وصفحتي اليمنى موتتني راح ارجع ع بيت
زهراء. :- اسم الله شبيج عمري شجاج
نار:- مادري راح اروح ع بيت
زهراء:- تمام ديري بالج على نفسج
نار:- ان شاءالله
زهراء:- راحت نار واني خلصت كل شغلي ورجعت ع بيت خابرت البنات سئلتهن. عليها مامراسلتهن خفت عليها كلش طلعت برا لكيت الابتر كاعد بالحديقه
زهراء:- الابتر نار ما اعرف شبيها من الصبح جان گلبها وصفحتها ياذنها وهسه ماتجاوب على اتصالاتنه
طفر من مكانه وحجه بخوف
الابتر:- ليشش شبيها ليش تعوفينهاا وحدها زهراء
زهراء:- مادري جنه نشتغل سوة وهيه رجعت ع بيت
الابتر:- امشيي نشوفها شبيهاا امشيي
زهراء:- رحنه اني والابتر ضلينه اندك بالباب ماكو ماطلعت طفر الابتر من الحايط وفتحلي الباب ودخلنه ع بيت صرت اناديها بيها بصوت عالي ماكو متجاوب
ركضت على غرفته لگيتها نايمه غطيتها وناديت الابتر لمست گصتها حرارتها مرتفعه
قاس نبضها الابتر وحچه
الابتر:- لبسيها عسريع زهراء نبضها ضعيف ناخذها ع مستشفى انتضرجنن برااا
زهراء:- طلع الابتر يركض واني عسريع لبستها بس ما صحت صرت اكعد بيها.بس تصحى ناديت الابتر ومن شافها هيج تخبل شالها وطلع يركض صعدنه بالسيارة وشخطها ع مستشفى……
_____________________________
يتبع 🔥✨
اربع الاف كلمة 🌚💔
توقعاتكم بناتي؟
حساب الانستا a_r.__13🙈