T & L groupကုမ္ပဏီ၏အစည်းအဝေး၌ ဥက္ကဌဒေါ်ယမင်းသစ်တစ်ယောက်ဒေါသထွက်လို့နေသည်.အကြောင်းမှာ..ဒုဥက္ကဌဦးသာထက်၏စာရင်းဇယားတွေမှာသိန်း၅၀၀၀
နီးပါးကွာဟနေခြင်းကြောင့်ဖြစ်သည်..စားပွဲပေါ်က..စာရွက်စာတမ်းစာရင်းဇယားတွေကိုယူ၍
"ဒီလအတွက်စာရင်းတွေက..ဘယ်လိုဖြစ်ရတာလဲ ဦးသာထက် ကျွန်မဆီမှာရှိတဲ့စာရင်းတွေနဲ့ရှင့်ဆီကစာရင်းတွေက သိန်း၅၀၀၀
နီးပါးကွာနေပါလား" ဟု လေသံမာမာနှင့်ပြောကာ ဒေါသထွက်နေသည့်အန်တီလေးကိုကြည့်ရင်း..ခေတ်ပါကြောက်လာသည်..
"ကျွန်တော့်ရဲ့အတွင်းရေးမှူးစာရင်းတွေမှားတာဖြစ်မယ် ဥက္ကဌ..ကျွန်တော်အခုပဲသူ့ကိုပြန်စစ်ပြီးပြင်ခိုင်းလိုက်ပါ့မယ်"
"အခုချက်ချင်းရှင့်ရဲ့အတွင်းရေးမှူးကိုခေါ်လိုက်ပါ..ဘဏ်အကောင့်ထဲမှာသွင်းထားတဲ့ငွေပမာဏကလည်း..ဒီစာရင်းတွေထဲကအတိုင်းပဲသွင်းထားတယ်"
ထိုအခါဦးသာထက်၏မျက်နှာသည်..တော်တော်လေးကိုပျက်သွားပြီးငြိမ်နေသည်
ဦးသာထက်၏အတွင်းရေးမှူးကို အစည်းအဝေးမစခင်ကတည်းကခေတ်ကိုယ်တိုင်မနန္ဒာကိုသွားခေါ်ခိုင်းထား၍..အစည်းအဝေးခန်းမရှေ့မှာရောက်နှင့်နေပြီဖြစ်သည်
"ဥက္ကဌကြီးခင်ဗျ...ဦးသာထက်ရဲ့အတွင်းရေးမှူးအပြင်မှာရောက်နေပါပြီ"
"အခုပဲ..ခေါ်လိုက်ပါ"
အပြင်မှာစောင့်နေသည့်မနန္ဒာနှင့်ဦးသာထက်၏အတွင်းရေးမှူးရှိရာသို့ခေတ်ကိုယ်တိုင်ထွက်ခေါ်လိုက်ပြီး..ထိုအတွင်းရေးမှူးကောင်မလေးအား
"ဥက္ကဌကြီးကိုအမှန်အတိုင်းပဲပြောလိုက်ပါ..ညီမလေး...အခုမင်းကိုဦးသာထက်ကလွှဲချနေပြီ..သူခိုင်းတာမှန်သမျှကုမ္ပဏီလူကြီးတွေရှေ့မှာအမှန်အတိုင်းပြောပေးပါ..အဲဒါမှမင်းဒုက္ခမရောက်မှာ"
"ဟုတ်..ဟုတ်ကဲ့ပါ.CEO"
"လာ..လိုက်ခဲ့"
ထိုကောင်မလေးကိုအစည်းအဝေးခန်းမထဲသို့ခေါ်လာပြီးနောက်..စစ်ဆေးမှုတွေစတင်လေသည်...
"သမီးက...ဒုဥက္ကဌရဲ့အတွင်းရေးမှူးလား"
"ဟုတ်ပါတယ်..ဥက္ကဌကြီး"
"ဒုဥက္ကဌတင်ပြတဲ့..ဒီစာရင်းတွေနဲ့အန်တီ့ဆီမှာရှိတဲ့စာရင်းတွေက သိန်း၅၀၀၀နီးပါးကွာဟနေတယ်...ဒီစာရင်းတွေကိုသမီးလုပ်ထားတယ်ဆိုတာ ဟုတ်လား"
ကုမ္ပဏီရှယ်ယာရှင်တွေနှင့်ဒါရိုက်တာအဖွဲ့ဝင်တွေကလည်း..ထိုကောင်မလေး၏အဖြေကိုစိတ်ဝင်တစားနှင့်နားထောင်နေကြသည်...
"ဟုတ်ပါတယ်CEO...ဒါပေမယ်ကျွန်မက ဒုဥက္ကဌခိုင်းတဲ့အတိုင်း..စာရင်းလုပ်ရတာပါ..ကျွန်မကိုအခုစာရင်းအတိုင်းလုပ်ဖို့.ဒုဥက္ကဌရဲ့သား..ကိုထက်ဘုန်းရှိန်က သင်ပေးပါတယ်..ဒုဥက္ကဌကလည်း..ဒီစာရင်းအတိုင်းမလုပ်ရင်.အလုပ်ဖြုတ်ပစ်မယ်လို့ပြောပါတယ်"
ထိုစကားကိုကြားတော့..ဦးသာထက်တစ်ယောက်အလန့်တကြားနှင့်
"သူမဟုတ်တာတွေ ပြောတာပါ..ကျွန်တော်တို့သူ့ကိုမခိုင်းပါဘူး...သူ့ရဲ့အမှားအတွက်ကျွန်တော်တို့သားအဖကိုစွပ်စွဲနေတာပါ" ဟု ကြောက်ကန်ကန်ကာငြင်းနေသည်..
အစည်းအဝေးပွဲတက်လာသည့်သူတွေကလည်း..ခေါင်းချင်းဆိုင်ကာပြောနေကြသည်..
"ကျွန်မမှန်သောစကားကိုပြောတာပါ..အဲ့ဒီပိုက်ဆံသိန်း၅၀၀၀ကိုလည်း..ကိုထက်ဘုန်းရှိန်ရဲ့ bank accထဲကိုထည့်ပေးရတာပါ...မယုံရင် bankရဲ့ငွေဝင်ငွေထွက်စာရင်းမှာစစ်လို့ရပါတယ်"
"ဘယ်လိုလဲဦးသာထက်..ခင်ဗျားငြင်းအုံးမလို့လား" မဲ့ပြုံး ပြုံးကာ ဦးသာထက်ကိုမေးလိုက်တော့ ခေတ်ကိုမကျေနပ်သည့်အကြည့်နှင့်ကြည့်ကာ
"ကုမ္ပဏီလူကြီးမင်းများ.ခင်ဗျာ..ကုမ္ပဏီအပေါ်မှာ ကျွန်တော်သစ္စာရှိရှိနှင့်အလုပ်လုပ်လာခဲ့တာလူကြီးမင်းတို့လည်းအသိပါ...ဒါကတော့ ကျွန်တော့်ကိုချောက်ချတာပါ"
ရှယ်ယာရှင်တွေခေါင်းချင်းဆိုင်ကာ..ဆွေးနွေးနေကြပြီး..သိပ်မကြာခင်မှာ ကုမ္ပဏီရှယ်ယာရှင်တစ်ဦးဖြစ်သည့်.တီချယ့်ဖေဖေ.ခေတ်၏ယောက္ခထီးက
"ခင်ဗျား..ကုမ္ပဏီအပေါ်မှာသစ္စာရှိလာတာ..ကျွန်တော်တို့လည်းသိပါတယ်...အခွင့်အရေးတစ်ခုအနေနဲ့...ကုမ္ပဏီငွေတွေကို..တစ်လအတွင်းပြန်ထည့်နိုင်ခဲ့ရင်..တရားမစွဲတော့ဘူး..ဒါပေမယ့်ဒုဥက္ကဌတာဝန်ကနေခင်ဗျားကိုရပ်စဲလိုက်တယ်.ရှယ်ယာရှင်အားလုံးရဲ့သဘောတူညီမှုနဲ့"
ဥက္ကဌဖြစ်သူ ခေတ်၏အန်တီလေးကလည်း..
"ရှယ်ယာရှင်တွေရဲ့ဆုံးဖြတ်ချက်ကိုကျွန်မလည်းသဘောတူပါတယ်..အခွင့်အရေးပေးတဲ့အနေနဲ့ တစ်လအတွင်းကုမ္ပဏီငွေတွေကို..ပြန်ဆပ်ပါကိုသာထက်...ပြီးတော့ရှင့်ရဲ့သားကိုလည်း..ကုမ္ပဏီပိုင်ပစ္စည်းကိုအလွဲသုံးစားလုပ်မှုနဲ့တရားမစွဲတော့ပါဘူး...Bar&Clubကိုလည်း..ဒီနေ့ပဲပိတ်ခိုင်းလိုက်ပါ..မပိတ်ရင်တော့ကုမ္ပဏီပိုင်ပစ္စည်းအလွဲသုံးစားလုပ်မှုနဲ့တရားစွဲရလိမ့်မယ်''
ဦးသာထက်တစ်ယောက်မကျေနပ်သည့်အကြည့်တွေနှင့် အားလုံးကိုကြည့်သွားကာ..အစည်းအဝေးခန်းမထဲကနေထွက်သွားသည်..
ဦးသာထက်ထွက်သွားပြီးနောက်...ရှယ်ယာရှင်တွေက
"ဥက္ကဌနဲ့CEOကို ကျွန်တော်တို့တစ်ခုလောက်အကြံပြုချင်လို့ပါ"
"ဟုတ်ကဲ့ပြောပါရှင့် "
"ဒီစကားကိုပြောသင့်ရဲ့လားမသိပေမယ့်..ဥက္ကဌ တို့လုံခြုံရေးအတွက်ပြောပါရစေ..တစ်ဖက်က ဒုဥက္ကဌကလည်း..ဥက္ကဌရဲ့အမျိုးဆိုတော့" ဟု စကားပလ္လင်တွေခံနေသဖြင့်
"ဟုတ်ကဲ့..ပြောပါအန်ကယ်လ်..ကျွန်တော်တို့နဲ့ဦးသာထက်က ကုမ္ပဏီမှာသာ.လုပ်ဖော်ကိုင်ဖက်အဖြစ်ပတ်သက်နေရတာပါ..အပြင်မှာဆိုအမျိုးတော်တယ်လို့သတ်မှတ်ထားကြတာမဟုတ်ပါဘူး" ဟု ခေတ်ကိုယ်တိုင်ဝင်ပြောမှ..စကားကိုဆက်၍ပြောလေသည်
"ဒီလိုဗျာ...ကျွန်တော်တို့ရှယ်ယာရှင်တွေကို ပြီးခဲ့တဲ့နှစ်လတုန်းက ကိုသာထက်.ညစာဖိတ်ကျွေးတယ်ဗျ..အဲ့မှာသူတို့သားအဖနှစ်ယောက်က ကျွန်တော်တို့ကို.ဥက္ကဌနဲ့CEOကိုဖြုတ်ချပြီး..သူတို့သားအဖကို..ဥက္ကဌနဲ့CEOတင်ဖို့ကမ်းလှမ်းတယ် ကျွန်တော်တို့ဘက်ကငြင်းလိုက်တယ်ဗျ"
ဟူသောစကားကြောင့်..မနန္ဒာပြောပြသည့် ဦးသာထက်တို့သားအဖတွေ ရှယ်ယာရှင်တွေနဲ့တွေ့နေကြတယ် ဆိုသောစကားကိုသတိရသွားသည်..
တီချယ့်အဖေ ခေတ်ရဲ့ယောက္ခထီးဖြစ်သူက
"ကျွန်တော်လည်းမသိရပါလား..အဲ့ကိစ္စကို"ဟု မေးလိုက်ရာ
"CEOရဲ့ယောက္ခထီးဖြစ်တဲ့ခင်ဗျားကိုတော့..ဘယ်ဖိတ်မလဲဗျ..သူတို့အကြောင်းတွေဥက္ကဌနဲ့CEOကိုပြန်ပြောမှာစိုးလို့"
"အင်း..ဒါလည်းဟုတ်တာပဲ..."
"ခုနက ကိုသာထက်ကြည့်သွားတဲ့အကြည့်တွေက တစ်မျိုးပဲ...အဲဒါကြောင့်ဥက္ကဌနဲ့CEOတို့ကိုလုံခြုံရေးသတိထားပါလို့အကြံပေးချင်တာပါ..သူတို့ကစိတ်ချရတာမဟုတ်ဘူး" ဟု ရှယ်ယာရှင်တစ်ဦး၏အကြံပေးချက်ကြောင့် ခေတ်မှာမိသားစုလုံခြုံရေးအတွက်ပို၍စဥ်းစားရပေမည်..အထူးသဖြင့်မီးဖွားခါနီးတီချယ့်ကိုပိုဂရုစိုက်ရမည်ဖြစ်သည်..
"အခုလို..အကြံပေးတဲ့အတွက် အန်ကယ်လ်တို့ကိုကျေးဇူးတင်ပါတယ်ဗျ"
"ရပါတယ်ကွာ..မင်းရဲ့အဖိုးနဲ့အဖေအမေတွေရှိစဥ်ကတည်းက အန်ကယ်လ်တို့ကဒီကုမ္ပဏီမှာပဲ..ရှိနေခဲ့ကြတာ..ကိုသာထက်အကြောင်းကိုလည်းအန်ကယ်လ်တို့သိသင့်သလောက်သိပါတယ်"
"ဟုတ်ကဲ့ပါဗျ.."
"ကျွန်တော်တို့ပြန်တော့မယ်...ဥက္ကဌ" ဟု ရှယ်ယာရှင်တွေနှုတ်ဆက်တော့မှ.ငူငူငိုင်ငိုင်နှင့်တစ်ခုခုကိုစဥ်းစားနေသည့် ခေတ်ရဲ့အန်တီလေးသည်..သတိပြန်ဝင်လာကာ
"ဟုတ်ကဲ့..အားလုံးကိုကျေးဇူးတင်ပါတယ်ရှင့်" ဟု ပြန်နှုတ်ဆက်လေသည်.အန်တီလေးဘာတွေစဥ်းစားနေလဲဆိုတာတော့..ခေတ်လည်းမတွေးတတ်ပေ...
ဒေါ်ယမင်းသစ်အနေဖြင့် သူ့အဖေတည်ထောင်ခဲ့သည့်ကုမ္ပဏီကို သူ့လက်ထက်မှာအောင်မြင်အောင်အရာအားလုံးရင်းကာကြိုးစားခဲ့ရသည်..သူ၏တစ်ဦးတည်းသောသွေးသားရင်းချာဖြစ်သည့် လွင်ဘုန်းခေတ်ကိုလည်း..လွင်ဘုန်းခေတ်၏မိဘတွေဆုံးကတည်းက ယောက်ျားလေးတစ်ယောက်လိုပြုမူနေထိုင်လုပ်ကိုင်နိုင်အောင် လေ့ကျင့်ပျိုးထောင်ပေးခဲ့ရသည်...
နောင်တချိန်T&L groupကိုဆက်ခံသည့်အခါ လွင်ဘုန်းခေတ်အနေနှင့်ကြောက်ရွံစိတ်တွေမရှိပဲ..ကုမ္ပဏီကိုဆက်ခံနိုင်စေရန်ရည်ရွယ်ထားခဲ့ခြင်းဖြစ်သည်...
လွင်ဘုန်းခေတ် လက်ထပ်သည့်မိန်းကလေးကလည်း...လွင်ဘုန်းခေတ်အပေါ် သွန်သင်ဆုံးမ ဆွေးနွေးတိုင်ပင်အကြံပေးနိုင်မည့် လှမြတ်ထူးလိုမိန်းကလေးမျိုးပဲဖစ်စေရမည် ဟူသောရည်ရွယ်ချက်ဖြင့် လွင်ဘုန်းခေတ်နှင့်လှမြတ်ထူးသံယောဇဥ်တွေရှိပြီးအနေနီးစပ်လာအောင်..ကြိုတင်စီစဥ်ခဲ့ခြင်းဖြစ်သည်..
လွင်ဘုန်းခေတ် သူ့အဖေဘက်ကအဒေါ်ရှိသည့်မြို့မှာကျောင်းသွားတက်မည်ဆိုတော့ လှမြတ်ထူး၏အဒေါ် သူ၏သူငယ်ချင်းဖြစ်သည့်ကျောင်းအုပ်ဆရာမကြီးနှင့်လှမြတ်ထူးကို လွင်ဘုန်းခေတ်တက်မည့်ကျောင်းကိုTransferကျအောင် ဆောင်ရွက်ခဲ့ခြင်းဖြစ်သည်..
သူ၏အကြံအစည်တွေအောင်မြင်တယ်လို့ပဲပြောရမည်..အခုဆိုလျှင် လွင်ဘုန်းခေတ်နှင့်လှမြတ်ထူးတို့၏ ကလေးတောင် လူ့လောကထဲသို့မကြာမီရက်ပိုင်းအတွင်း ရောက်လာတော့မည်...
******************
လှမြတ်ဖေဖေ..ကုမ္ပဏီအစည်းအဝေးပွဲကအပြန်လှမြတ်ဆီ ခဏဝင်လာပြီး..ကုမ္ပဏီအစည်းအဝေးပွဲမှာဖြစ်ပျက်ခဲ့သည့်အကြောင်းအရာတွေကိုပြောပြလေသည်..ဖေဖေပြောပြတဲ့အကြောင်းတွေကိုကြားတော့ မောင့်ကို..လှမြတ်စိတ်ပူမိသည်.
သိပ်မကြာမီ အိမ်ရှေ့မှာကားရပ်သံကြားသည့်အတွက် မောင်ပြန်ရောက်ပြီဟု ခန့်မှန်းမိသည်..ပြန်ရောက်ရောက်ချင်းလှမြတ်၏အခန်းထဲသို့ဝင်လာကာ လှမြတ်၏အနားမှာလာထိုင်ပြီး လှမြတ်ကိုဖက်ထားကာ
"သဲငယ်..နေလို့ထိုင်လို့ကောင်းရဲ့လား..ဘယ်လိုနေလဲ"
"ကောင်းပါတယ်..မောင်ရဲ့..ဘယ်လိုမှမနေဘူး..ကြည့်ပါအုံး..ငါရဲ့ချစ်စရာကောင်းတဲ့ကလေးလေးက ကုမ္ပဏီအလုပ်တွေနဲ့ပင်ပန်းလာတာတောင်.ငါ့ကိုစိတ်ပူနေတယ်."ဟု မောင့်ရဲ့ပါးနှစ်ဖက်ကိုလက်နှင့်ဖျစ်လိုက်ကာပြောတော့ သဘောကျစွာရယ်နေသည်...
မောင့်ရဲ့ရင်ခွင်ထဲသို့အတင်းတိုးဝင်ကာ...ချွဲတော့ လှမြတ်၏နဖူးကိုပြန်နမ်းသည်
"မောင် အခုမှအလုပ်ကပြန်လာတာ.ရေမချိုးရသေးဘူး..ချွေးနံ့တွေနံစော်နေတာပဲ...အဲဒါကြောင့်ရေအရင်သွားချိုးလိုက်အုံးမယ်နော်..ပြီးတော့မှ မောင့်ရင်ခွင်ထဲဝင်ပြီးအဝချွဲတော့..မောင့်ရဲ့သဲငယ်လေး"
"ချွေးနံ့တွေနံလည်းဘာဖြစ်လဲ...ကိုယ်ချစ်လို့ယူထားတဲ့သူပဲဟာ...ဘာလဲ.မောင်ကသဲငယ်ချွဲတာကိုမကြိုက်တာလား" ဟု ရစ်နေသည့် ခေတ်၏ဇနီးသည်ကိုကြည့်ရင်း...အချစ်တွေပိုရပါသည်..
************************************