قلبي يوجعني اما ما عندي حل
&&&&&&&&&&&&&
عند ياسين #
وصلت للبلاصة تاعنا انا و نهال لقيتها قاعدة مشيت جيهتها بلعقل
انا : واش خو ستنيتي بزاف
نهال : ها نو هداوين جيت
انا : هيه واش من الحمار مات باه تفكرتيني
نهال : خسارة عليك علاه انا وقتاه نسيتك
انا : هنا سأسكت قليلا هههه😂
نهال : علبالك راح نولي نخدم عند هداك الشادي
انا : شكونو
نهال : تاع الريستو
انا : ما تقوليليش راح تولي للخدمة معانا
نهال : يالحابس راني نقصد ايهاب
انا : لي بسبابو تحاوزتي راح تروحي تخدمي عندو منيتك نهال
نهال : لازم و نتا راك تعرف حالتي مليح قبلت بيسك محتاجة
انا : اكي دبري راسك مراح نقلك والو
كملنا حكينا حكاية تجيب حكاية حتى لحقت 6 ولينا كل واحد رفد روحو و راح لدارهم
&&&&&&&&&&&&
عند نهال #
دخلت للدار جوايه 6.43 رحت دوشت و حبطت للصالون لقيتهم كامل مللمومين
امير : اااي الزين هذاوين يدخل للدار
انا : رحت شفت خدمة و جزت عند صحبتي قعدت معاها
ماني : واش حكينا على الخدمة
انا : لبارح ما قدرتش نقولو لامير على الخدمة بيسك جات الدربة تاع شهرة و اليوم صباح راح يخدم ما لقيتوش تسما رحت قبل ما يخلاص الاجل
امير : واش هاذ الخدمة يا لالة
انا : شفت هذاك لي قاس شهرة بالطونوبيل
امير : وي
انا : عندهم شركة هو و خوه تاع تصميم و عرض دخلت نخدم عند خوه عارضة
امير : هيي والله ربحت
انا : امير يعيشك خليني نخدم و زيد راني تفاهمت معاه على الخدمة و الشهرية مليحة علاه لالا هكا نقدر نعاونكم فصوالح الدار بزاف على ماني و عليك و زيد نتا راح تتزوج و دير دار و يولو عندك دراري راح تولي قيسك قيس روحك هكا ما نزيدكمش همي و هم هيبة و يسرى
امير : اكي مراحش نقلك لالا مي نسمع عليك حاجة هكا ولا هكا راح تشدي الدار
انا : خسارة عليك خو ياك تعرف ختك
شهرة : لقيتي خدمة و زيد عندم هاد الخدمة و انا اخر من يسمع هكا يا وحد الكلبة
انا : نتي نضتي مالموت تحوسي غير على تعمار القرع
شهرة : و هاني قدامك كي العود
انا : راني نشوف
خالتي : امير ولدي راه ما بقاش للعرس غير سمانة لازم نكملو التوجاد سينو ما نلحقوش
امير : علبالي يما راني داير حسابي
يسرى : سمانة و نشوف وليد خالتي عريس 😂
امير : اسكتي نتي
هيبة : ايي لالة كبرتي ووليتي تهدري
يسرى : شكون قالك مزالني صغيرة
انا : هيا كي نتي كي هي ما تبداوناش و ديجا هيا اطلعو فرشو باه ترقدو
&&&&&&&&&&&&&
نسرعو شويا احداث
اصبحنا و اصبح الملك لله 🥰
نضت صباح حبطت كانو كامل راقدين غسلت و وجدت قهوة حتى ناض امير
امير : صباح الخير بنت الخالة
انا : صباح النور
امير : واش هاذ الشطارة مع صباح ربي
انا : باه نروح للشركة
امير : وجدي روحك دوك نتقهوى و نوصلك
انا : ايا ريڨل مون فغاغ 🙂
طلعت فتحت لخزانة نخمم واش نلبس يعني جامي ايلا خممت هاذي الخطرة لولة ما علاباليش علاه بقيت شحال حتى لبست هكا 👇
و حبطت لقيت امير يستنى فيا
امير : يا ختي طلعتي تبدلي قعدتي عام
انا : ما لقيتش واش نلبس
امير : خزانة قوجا خزانة معمرة عندك فالشومبرا مالقيتيش واش تلبسي
انا : خلاص هيا ديماري باه ما نلحقش روطار
رحنا و صلني امير حتى للشركة طلعت فلاسونسور جات راح تتغلق حتى عاودت تفتحت دخل ايهاب و كان لابس هكا 👇
شفت فيه لقيتو يخزر فيا و ليت حبطت راسي ( لاعبتها حشمت ماشي صح 😂) طلعنا و الصمت كان سيد الموقف حتى وصلنا للايطاج لي فيه بيروه ( ما حبسش بيهم اسونسور كيما فالمسلسلات 😂) دخل
ايهاب : اتفضلي
انا : امم
قعد فبيروه و انا بقيت واقفة عند الباب
ايهاب : عجباتك ديك البلاصة
انا : ما فهمتش
ايهاب : كي جيتي البارح قعدتي تم و ليوما تم قلت بلاك عجباتك
انا : ها نسيت روحي برك ... و رحت قعدت مقابلتو
ايهاب : ليوم راح يكمل تصميم الحوايج و غدوة راح نروحو ل *** باه نصورو تم و يجي كامل فريق التصوير و السيد جان
انا : و نطولو
ايهاب : نقعدو نهار برك نروحو صباح و نجو عشية
انا : اكي
ايهاب : كي تخرجي من تلقاي البيرو لي مقابل هنا ادخليه مليوم و رايح هداك بيروك
انا : اكي ميرسي و خرجت رحت للبيرو لي قالي عليه قعدت باهتة فيه بزاف ديكورو شباب قعدت فالكرسي و بقيت ندور بيه جامي لا خممت يكون عندي بيرو كيما هاذا كنت دايرة فبالي غير لي قاررين لي يكون عندهم انا حياتي كنت دايرتها اني راح نبقا نسمح للغاشي فالريستو مي غير دخل ايهاب فحياتي قلبها فوقاني تحتاني تمتم ترسمت ضحكة في فمي محلاه هداك الاحساس انك تحس روحك عندك قيمة فهاد الحياة
&&&&&&&&&&&&
عند ايهاب #
نضت صباح لقيت العايلة ملمومة على الطابلة من غير ريان
انا : صباح الخير
الكل : صباح النور
ريحت عالطابلة
انا : يما وين راهي ريان
يما : ما عندهاش بزاف ملي خرجت راحت للفاك
انا : لوكان ستناتني نوصلها فطريقي .... و انت اكرم ما تقوليش ليوم تان هارب ما تجيش للشركة
اكرم : لا راني جاي برك شويا روطار
انا : خير و الروطار علاه
اكرم : عندي شغل
انا : روح بنتا بشغالاتك
بابا : اكرم بركا ما التفياس تاع الخدمة و مخلي كل الخدمة جبل فوق راس خوك ايلا تخدم اخدم نيشان ايلا مكاش راح نكتب كلشي بإسم ايهاب
اكرم : لا بابا برك شغل صغير نفريه و نروح للشركة
بابا : انا راني هدرت هدرتي و ما نعاودهاش زوج خطرات
انا : خلاص بابا خليه اصلا انا ماعنديش خدمة بزاف نكمل ديالي و ديالو عادي و زيد ليوم راح نهدر مع العارضات و نفهمهم كيفاه و غدوة رانا رايحين جلسة تصوير
بابا : صحا هكا نحبكم
يما : ربي معاكم اا ولادي
سلمنا عليها في راسها و خرجنا اكرم راح لشغلو لي ما نعرف واش هو و انا قلعت ديراكسيو للشركة و مع الدخلة قابلتني نهال حابطة من الطوموبيل كانت مع امير ستنيتها دخلت و كي طلعت فلاسونسور طلعت معاها ... و الباقي راكو تعرفوه
&&&&&&&&&&&
عند اكرم #