လွင်ဘုန်းခေတ် နေ့ခင်းကအဖြစ်အပျက်ကြောင့်.ကြောက်ရွံကာတစ်ညလုံးမအိပ်ပေ..သူ့အဖေဘက်ကအဒေါ်နဲ့လှမြတ်မှာ သူ့ကိုတစ်ညလုံးချော့ပြော၍အိပ်ခိုင်းသော်လည်း.မအိပ်ပေ...ဒေါက်တာပေးထါးသောအိပ်ဆေးကိုတိုက်လိုက်မှအိပ်သွားသည်..အန်တီမြဆိုသူကို
"အန်တီ့ကို သမီးတစ်ခုလောက်မေးလို့ရမလား" ဟု လှမြတ်စကားလမ်းကြောင်းစလိုက်ကာ
"မေးလေ.ရပါတယ်"
"အန်တီ့ယောက်ျားဘက်က ဆွေမျိုးတွေကဘယ်လိုပုံစံတွေလဲ..သမီးပြောချင်တာက..သူတို့စိတ်ထားကိုပြောချင်တာ"
"အင်း...အန်တီပြောပြမယ်...သူတို့ကအတ္တကြီးတယ်လို့ပဲပြောရမလား..အန်တီတို့မှာသားသမီးလည်းမရှိဘူးဆွေမျိုးအရင်းအချာဆိုလို့ ခေတ်လေးတစ်ယောက်ပဲရှိတယ်.အန်တီ့အမျိုးသားဘက်မှာဆို မောင်နှမအရင်းမရှိဘူး..အန်တီ့အမျိုးသားဘက်ကဆွေမျိုးတွေက ခေတ်လေးဒီမှာကျောင်းလာတက်တာကိုမကြိုက်ကြဘူး ဘာလို့ဆိုအန်တီ့ရဲ့ဆွေမျိုးအရင်းအချာ.ခေတ်လေးကအန်တီတို့အမွေတွေအားလုံးကိုအပိုင်သိမ်းသွားမှာစိုးလို့" ဟု အန်တီမြဘက်ကပြောလာသောအခါ လှမြတ်တော်တော်လေးကိုအံသြသွားသည်..
"ဟမ်..."
"ဟုတ်တယ်..သမီး...ဒီအမွေတွေကလည်း..ခေတ်လေးရဲ့အဖေက တစ်ခုမှမယူပဲအန်တီ့ကိုပေးခဲ့တာတွေ တကယ်လို့အန်တီပေးရင် ခေတ်လေးကိုပဲပေးမယ်ဆိုတာသူတို့သိတယ် အဲဒါကြောင့် ခေတ်လေးဒီမှာလာနေတာကိုမကြိုက်ကြတာ"
"သူက T&L groupရဲ့ဆက်ခံသူဆိုတာ သူတို့မသိကြဘူးလား သူတို့လေါဘတက်ဒီအမွေတွေကသူ့အတွက် ဘာမှမပြောပလောက်ဘူးဆိုတာ "
"အန်တီသူတို့ကိုမပြောပြဘူး..ခေတ်လေးကလည်းဘယ်သူ့ကိုမှမပြောပါနဲ့လို့ပြောထားတာ အန်တီ့အမျိုးသားကိုတောင်မပြောပြထားဘူး" ဟု ဆွေးရိပ်သန်းနေတဲ့မျက်လုံးတွေနဲ့ပြောပြနေသည့်အန်တီ့ကိုကြည့်ကာ
"ဘာဖြစ်လို့မပြောပြတာလဲ အန်တီ" ဟု မေးလိုက်ရာ
"ခေတ်လေးတို့မိသားစု Car Accidentဖြစ်တဲ့ကိစ္စမှာသူတို့ကိုမသင်္ကါလို့ အထူးသဖြင့်အိမ့်သော်တာတို့ရဲ့အဖေ မင်းဇင်ကိုပိုပြီးမသင်္ကါတာ ခေတ်လေးသာ ဘာအင်အားမှမရှိတဲ့ပုံစံနဲ့နေနေရင် သူ့အဖေအမေသေဆုံးမှုအတွက်သူဘာမှသိမှာမဟုတ်ဘူးလို့ပဲထင်နေမှာ တကယ်တော့ခေတ်လေးဒီမြို့ကိုရောက်လာတာက သူ့အဖေအမေတွေကိစ္စအတွက်စုံစမ်းဖို့လို့အန်တီ့ကိုပြောပြထားတယ်"
"အန်တီမစုံစမ်းဘူးလား...ခေတ်လေးသူငယ်ချင်းထက်မွန်ဆွေရဲ့အဖေလည်းတစ်ခါပြောဖူးတယ် ဒါပေမယ့်သူပြောတာက accident က ရိုးရိုးမဟုတ်ဘူးလို့ပဲ ပြောထားတာ"
"အန်တီလည်းစုံစမ်းထားပါတယ် ခေတ်လေးသူငယ်ချင်းထက်မွန်ဆွေရဲ့အဖေက သူ့ကိုအန်တီ့အကိုမဆုံးခင်နေ့ကပြောသွားတယ်တဲ့ မင်းဇင်ဆီကလုပ်ငန်းတွေကို သူနောက်တစ်ခေါက်ပြန်လာရင်ပြန်သိမ်းတော့မယ်တဲ့ မင်းဇင်ကသူ့အပေါ်သစ္စာဖောက်ပြီး..လုပ်ငန်းတွေကိုအပိုင်သိမ်းချင်နေတာလို့ ပြောသွားခဲ့တယ်တဲ့ သူတို့မိသားစုပြန်သွားပြီးမြို့အပြင်ပဲရောက်သေးတယ် ကားဘရိတ်မမိတော့ပဲ သစ်ပင်ကိုဝင်တိုက်မိကြတာ" ဟု ဝမ်းနည်းကာပြောပြနေသည်..
"အန်တီ..အဲဒါဆို ဦးမင်းဇင်ဆီကလုပ်ငန်းတွေ သူ့အဖေနဲ့အမေဆုံးတော့ပြန်ရလား"
"မရပါဘူး..သမီးရယ်..အန်တီ့အကိုရဲ့လုပ်ငန်းတွေနဲ့မင်းဇင်တို့မိသားစုက ချမ်းသာလာပြီး ဒီမြို့ရဲ့မြို့မျက်နှာဖုံးဖြစ်လာကြတာပေါ့ အန်တီကိုယ်တိုင်ကလည်း အန်တီ့အကိုရဲ့လုပ်ငန်းတွေအကြောင်းကိုဘာမှမသိခဲ့တော့ ဥပဒေအရပြန်တောင်းဖို့မဖြစ်နိုင်ခဲ့ဘူး"
အန်တီမြပြောပြတာတွေကိုနားထောင်ပြီး ဟိုတွေးဒီတွေးဆက်စပ်ကြည့်တော့ လွင်ဘုန်းခေတ်က အိမ့်သော်တာကို ဦးမင်းဇင်ရဲ့သမီးမှန်းသိလို့အကြံနဲ့များကပ်ခဲ့တာလား..ဟုတွေးနေမိသည်..
"ဒီအကြောင်းတွေကို ခေတ်လေးအားလုံးသိနေတာလား အန်တီ"
"အင်း..ဟုတ်တယ်.သမီးရဲ့...သူဒီကိုကျောင်းလာမတက်ခင်ကတည်းက သိနေခဲ့တာ အဲဒါကြောင့်ပဲသူဒီကိုရောက်လာတာ သူဒီကိုရောက်တော့ ညနေဘက်ဆိုမင်းဇင်တို့အိမ်ဘက်ကိုသွားပြီး.သူတို့မိသားစုကိုသွားချောင်းတတ်တယ်"
"တကယ်လို့ခေတ်လေးက အိမ့်သော်တာကိုတကယ်သဘောကျနေတယ်ဆိုရင်ကော အန်တီသဘောတူမလား" ဟုမေးလိုက်ရာ
"အိမ့်သော်တာကတော့..သူ့အဖေနဲ့သူ့ညီမလိုမဟုတ်ဘူးစိတ်ထားလည်းကောင်းတယ်..သူ့ဟာသူအေးအေးလေးပဲနေတတ်တယ် ဒါပေမယ့်သူတို့မိသားစုနဲ့မပတ်သက်ခိုင်းတာပိုကောင်းတယ် အခုတောင်သူတို့မိသားစုကြောင့်ဒုက္ခရောက်နေရတာမဟုတ်လား" ဟုပြောပြလေသည်..
မနက်ကျအန်တီယမင်းသစ်လိုက်လာရင်ဘာဆက်ဖြစ်မလဲမသိဘူး ခေတ်လေးရဲ့စိတ်အခြေအနေကလည်းပုံမှန်အခြေအနေမဟုတ်တော့ ဘာပြဿနာမှမတက်ပါစေနဲ့ဟုသာဆုတောင်းနေမိသည်..
******************
မနေ့ကလွင်ဘုန်းခေတ်၏ကိစ္စသည်..ကျောင်းသားတွေမှတဆင့်ကျောင်းပြင်ပသို့ပေါက်ကြားသွားပြီး...စျေးထဲမှာလည်းစျေးသည်အချင်းချင်းပြောဆိုနေကြသည်..တချို့ကတော့လွင်ဘုန်းခေတ်ခိုးတာလို့ပြောနေကြပြီး..တချို့မှာတော့လွင်ဘုန်းခေတ်ချောက်ချခံရသည်ဟုထင်ကြေးအမျိုးမျိုးပေးနေကြသည်....
မနေ့က.လှမြတ်အဒေါ်ကျောင်းအုပ်ဆရာမကြီးအစည်းအဝေးကပြန်လာတော့..အကျိုးအကြောင်းပြောပြထားကာ ဒီနေ့ကျောင်း၌ဆရာမတွေကိုခေါ်ပြီးထိုကိစ္စနှင့်ပတ်သက်၍အစည်းအဝေးလုပ်နေသည်..
"ကျွန်မဒီနေ့အစည်းအဝေးခေါ်ရခြင်းအကြောင်းက မနေ့ကကျောင်းမှာကျွန်မ မရှိတုန်းဖြစ်ခဲ့တဲ့သူခိုးစွပ်စွဲတဲ့ကိစ္စနဲ့ပတ်သက်ပြီးပြောပြချင်လို့ပါ" ဟု ကျောင်းအုပ်ဆရာမကြီးက အစည်းအဝေးခေါ်ရသည့်အကြောင်းကိုရှင်းပြကာ
"မနေ့ကအစွပ်စွဲခံရတဲ့ကလေးရဲ့စိတ်အခြေအနေက ပုံမှန်အခြေအနေမှာရှိမနေတော့ပါဘူး..အဖြူအစိမ်းဝတ်ထားတဲ့သူကိုမြင်ရင် သူ့ခမျာလန့်နေရှာတယ်...အခုအစည်းအဝေးမှာတင်..ဆယ်တန်းအခန်းကကျောင်းသားတွေကိုခေါ်ယူပြီးစစ်ဆေးမှာပါ"
ထိုအခါဆရာမတစ်ဦးက
"ဒီသတင်းကတစ်မြို့လုံးကိုပြန့်နေပြီဆရာမကြီး"
"ဟုတ်..ကျွန်မသိပါတယ်..ဆယ်တန်းကကျောင်းသားတွေကိုမနေ့က လွင်ဘုန်းခေတ် ဘာတွေလုပ်နေလဲဆိုတာကို သိတဲ့သူ..ဒီအစည်းအဝေးခန်းထဲကိုလာခဲ့ဖို့ပြောလိုက်ပါ" ဟု ဆရာမကြီးပြောလိုက်တော့ ဆရာတစ်ဦးက သွားခေါ်နေလေသည်..
လှမြတ်၏စိတ်ထဲမှလည်း..သူ့ကလေးလေးအပြစ်မရှိကြောင်းကိုဖော်ထုတ်နိုင်မယ့် လူသက်သေရောက်လာပါစေလို့ဆုတောင်းနေမိသည်..
အိမ့်ကြည်ဖြူ၏အပေါင်းအပါများမှလွဲ၍ ဆယ်တန်း အတန်းကတစ်တန်းလုံးနီးပါးရောက်လာလေသည်...ထိုအခါဆရာမကြီးက
"သားတို့သမီးတို့ထဲက မနေ့ကလွင်ဘုန်းခေတ်ဘာတွေလုပ်နေလဲဆိုတာ သိတဲ့သူရှိရင် ဆရာမတွေရှေ့မှာ ဆရာမကြီးကိုပြောပြပါ..လွင်ဘုန်းခေတ်က အခုစိတ်အခြေအနေပုံမှန်ဟုတ်မနေတော့ဘူး..သားတို့သမီးတို့ရဲ့အတန်းဖော်ကိုသနားရင်ပြောပြပါ..တကယ်လို့သူခိုးခဲ့တာမှန်တယ်ဆိုရင်လည်း..သူ့ကိုအပြစ်ပေးဆောင်ရွက်မှာပါ" ဟု ပြောလိုက်သောအခါ ထက်မွန်ဆွေနှင့်ဂျူးမြတ်ထက်က
"မနေ့ကလွင်ဘုန်းခေတ်..သမီးတို့နှစ်ယောက်နဲ့အတူအတန်းထဲကိုဝင်တာပါ..ပြီးတော့သူ့ထိုင်ခုံမှာပဲထိုင်ပြီး..ဘယ်မှမသွားပဲစာသင်တာပါ..နေ့လည်ပိုင်းလည်းသမီးတို့နဲ့အတူထမင်းစားပြီး..မုန့်စျေးတန်းကိုသွားတာပါ..ပြန်လာတော့လည်းသူ့ထိုင်ခုံမှာပဲသူထိုင်နေတာပါ..အိမ့်ကြည်ဖြူတို့ရှိတဲ့အရှေ့ဆုံးတန်းကိုလည်းတစ်ခါမှမသွားပါဘူး..ပြီးတော့လွင်ဘုန်းခေတ်က အတန်းရဲ့ရှေ့တံခါးပေါက်ကနေဘယ်တော့မှအဝင်အထွက်မလုပ်ပါဘူး..အနောက်တံခါးပေါက်ကနေပဲအဝင်အထွက်လုပ်တာပါ" ဟု တိကျတဲ့ဖြေရှင်းချက်တွေနှင့်ပြောပြလာကြသည်..
သူတို့အတန်းပိုင်ဒေါ်လဲ့လဲ့မာက
"ဆရာမကြီး..သူတို့နှစ်ယောက်ကလွင်ဘုန်းခေတ်ရဲ့သူငယ်ချင်းတွေ သူတို့သူငယ်ချင်းဘက်ကကာကွယ်ပေးနေတာနေမှာ" ဟု မာန်မလျော့ပဲ ပြောနေသေးသည့်အတွက် လှမြတ်လည်းစိတ်ဆိုးလာကာ
"အစ်မလည်း အစ်မတူမဘက်က လိုက်ပြီး လွင်ဘုန်းခေတ်ကိုရိုက်တဲ့အပြင်စိတ်ဒဏ်ရာရအောင်လုပ်ခဲ့တာပဲ" ဟု ပြောလိုက်ရာ
"ကျွန်မက သူ့အိတ်ထဲကလက်ပူးလက်ကြပ်မိလို့ ဆုံးမသင့်တာဆုံးမတာပဲ" ဟု လှမြတ်ထူးနှင့်ဒေါ်လဲ့လဲ့မာတို့နှစ်ယောက်ရန်ဖြစ်နေကြသည်ကို ဆရာမတွေနှင့်ဆယ်တန်းကျောင်းသားအားလုံးဝိုင်းကြည့်နေကြသည်..
"ကဲ..အားလုံးတော်ကြတော့..ကျွန်မကဒီကျောင်းရဲ့အကြီးအကဲတစ်ယောက်ဖြစ်တဲ့အတွက် မှန်မှန်ကန်ကန်ပဲစစ်ဆေးမှာပါ..အခုဒီမှာရှိနေတဲ့ကလေးတွေထဲက လွင်ဘုန်းခေတ်ရဲ့သူငယ်ချင်းနှစ်ယောက်ပြောတာမှန်လား..မှားလား သိတဲ့သူပြောပါ"
ထိုအခါ..ကျောင်းသားအားလုံးက
"သူတို့ပြောတာ..အမှန်တွေပါ.ဆရာမကြီး.."
ထို့နောက်ကျောင်းသားတစ်ယောက်က
"မနေ့ကသူတို့သုံးယောက်မုန့်စျေးတန်းသွားနေတုန်း လွင်ဘုန်းခေတ်ရဲ့ကျောပိုးအိတ်ကိုကိုင်တဲ့သူရှိပါတယ်" ဟု ပြောလိုက်သောအခါ..
"အဲဒီလူက ဘယ်သူလဲ" ဟု မေးလိုက်ရာ
"အိမ့်ကြည်ဖြူပါ ဆရာမကြီး သူကလွင်ဘုန်းခေတ်ကို ၉တန်းထဲကမကြည်တာ ကျွန်တော်တို့အားလုံးသိပါတယ် လွင်ဘုန်းခေတ်ကိုချောက်ချတာပါ" ဟု ပြောလိုက်ရာ ထိုအထဲမှဆရာမတစ်ယောက်က
"ဖြစ်နိုင်ပါတယ်ဆရာမကြီး..လွင်ဘုန်းခေတ်က အနေအေးတဲ့သူတစ်ယောက်ပါ သူ့ကိုအိမ့်ကြည်ဖြူရန်စစနေတာ ကျွန်မတို့လည်းသိပါတယ် အစ်မလဲ့လဲ့မာကိုတော့အားနာပါတယ်" ဟု ပြောလိုက်ရာ ဒေါ်လဲ့လဲ့မာ၏မျက်နှာသည်..ချက်ချင်းဆိုသလိုပျက်သွားပြီး..သူ့အပြစ်လွတ်အောင်
"ကျွန်မကတော့ သက်သေနဲ့တကွတွေ့လို့ရိုက်မိခဲ့တာပဲ ဆရာဆိုတာကျောင်းသားကိုလိမ္မာအောင်ဆုံးမရမယ့်တာဝန်ရှိတယ် မဟုတ်လား" ဟု လျှောချလေသည်..
"ခဏနေရင် လွင်ဘုန်းခေတ်ရဲ့အုပ်ထိန်းသူရောက်လာလိမ့်မယ် အဲဒီ့အခါဆရာမဘက်ကသူနားလည်အောင်ရှင်းပြပြီးတောင်းပန်ပါ..ကျွန်မလည်းဝင်ပြောပေးပါ့မယ်...သူကT&L groupရဲ့ဥက္ကဌဆိုတော့ ရှေ့နေတွေဘာတွေခေါ်ရင်ခေါ်လာနိုင်တယ် ဆရာမတို့အားလုံးလည်း ဆရာမဒေါ်လဲ့လဲ့မာအစားတောင်းပန်ပေးကြပါ.."
ထိုအခါT&L groupလို့ကြားတော့ အားလုံး၏မျက်နှာသည် ချက်ချင်းဆိုသလိုထိတ်လန့်သွားကြပြီး
"ဘုရား..ဘုရား..မြွေပွေးကိုမှတုတ်နဲ့သွားထိုးသလိုဖြစ်ပြီ...ငါတို့အားလုံးတော့အလုပ်ပြုတ်တော့မယ် ထင်တယ်" ဟု ပြောနေကြတော့ လှမြတ်လည်းမဲ့ပြုံးတစ်ချက်ပြုံးလိုက်မိသည်....
**********
လွင်ဘုန်းခေတ်မခိုးပဲချောက်ချခံခဲ့ရတဲ့အကြောင်းတစ်မနက်တည်းမှာတင်တစ်ကျောင်းလုံးနှင့်တစ်မြို့လုံးပြန့်သွားပြီး..လွင်ဘုန်းခေတ်သည် T&L groupရဲ့ဆက်ခံသူဆိုသည့်အကြောင်းပါ..ကျောင်းသားများနှင့်ကျောင်းစျေးရောင်းသည့်စျေးသည်တွေမှတဆင့် တစ်မြို့လုံးကိုအချိန်ခဏလေးအတွင်းပြန့်သွားသည်..
ထိုသတင်းသည်ဦးမင်းဇင်ထံသို့ပါရောက်ရှိသွားလေသည်..သမီးဖြစ်သူအိမ့်ကြည်ဖြူ၏လုပ်ရပ်ကြောင့်လည်းအရှက်ကွဲခဲ့ရပြီး..သမီးဖြစ်သူနှင့်ညီမဖြစ်သူဒေါ်လဲ့လဲ့မာတို့အတွက်T&L group ဥက္ကဌကိုတောင်းပန်ဖို့ကျောင်းသို့လာခဲ့ရသည်..
ကျောင်းအုပ်ကြီး ရုံးခန်း၌ ဒေါ်ယမင်းသစ်နှင့်အတူရှေ့နေအဖွဲ့တို့လည်းရောက်နေသည်...
ကျောင်းအုပ်ကြီးမှ.
"ငါတောင်းပန်ပါတယ်..သစ်သစ်ရယ် မနေ့ကငါအစည်းအဝေးသွားနေတုန်းအနောက်မှာဖြစ်သွားတာပါ "
"နင်တောင်းပန်စရာမလိုပါဘူး...တောင်းပန်ရမှာက ခေတ်လေးကိုအခုလိုဖြစ်အောင်လုပ်တဲ့သူတွေပဲ"
"ခဏနေရင် သူတို့ရောက်လာပါလိမ့်မယ်"
"အင်းပါ..လှမြတ်လေးကိုလည်းကျေးဇူးတင်ပါတယ် ခေတ်လေးကိုစောင့်ရှောက်ပေးလို့" ဟု လှမြတ်ကိုကျေးဇူးတင်နေသဖြင့်
"မဟုတ်တာ..အန်တီယမင်းကလည်း..ခေတ်လေးကတခြားသူမှမဟုတ်တာ"
"ခေတ်လေးကိုအန်တီပြန်ခေါ်သွားပြီး...အိမ်မှာစိတ်ကျန်းမာရေးဆရာဝန်နဲ့ခေါ်ပြီးအနီးကပ်ကုသမယ် သူ့အခြေအနေတည်ငြိမ်သွားရင် နိုင်ငံခြားမှာပဲကျောင်းတက်ခိုင်းလိုက်တော့မယ်"
"ဟုတ်..အန်တီ" လှမြတ်ရဲ့ကလေးလေးနဲ့ခွဲရတော့မယ်ဆိုတော့ စိတ်မကောင်းပေ..ငိုချင်စိတ်ကိုထိန်းထားကာ ပြန်ပြောနေရသည်..
အကာရာကိုအကဲခပ်တော်တဲ့ဒေါ်ယမင်းသစ်တစ်ယောက် လှမြတ်ထူးရဲ့ပုံစံကိုကြည့်ကာ လွင်ဘုန်းခေတ်အပေါ်ကိုလှမြတ်ထူးသံယောဇဥ်ရှိနေကြောင်း အချိန်ခဏလေးအတွင်းရိပ်မိသွားသည်..ထို့ကြောင့်လွင်ဘုန်းခေတ်၏စိတ်အခြေအနေပြန်တည်ငြိမ်လာရင် လွင်ဘုန်းခေတ်အတွက်အရာရာစိတ်ချရသည့်လှမြတ်ထူးနှင့်လွင်ဘုန်းခေတ်ကို လက်ထပ်ပေးမည်ဟု စဥ်းစားမိနေသည်..
ဦးမင်းဇင်တစ်ယောက် ကျောင်းအုပ်ရုံးခန်းသို့ရောက်လာပြီး..
"ကျွန်တော့်သမီးနဲ့ကျွန်တော့်ညီမကိစ္စအတွက်ကျွန်တော်တောင်းပန်ပါတယ်" ဟု ဒေါ်ယမင်းသစ်အားတောင်းပန်လေသည်.
"ကျွန်မဒီကိုမရောက်ခင်တုန်းကတော့ တရားစွဲဖို့အတွက်ရှေ့နေအဖွဲ့တွေကိုပါခေါ်လာခဲ့တာ အခုဒီကိုရောက်တော့ ကျွန်မသူငယ်ချင်းဖြစ်တဲ့ဆရာမကြီးနဲ့ဆရာမတွေအားလုံးကဝိုင်းပြီးတောင်းပန်နေလို့...တရားမစွဲတော့တာပါ..ဒါပေမယ့်ကျွန်မကျေနပ်လားဆိုရင်တော့ မကျေနပ်ပါဘူး ကျွန်မတူမလေးနိုင်ငံခြားကပြန်လာတဲ့နေ့ကျရင်တော့ ရှင်တို့သတိထားနေပေါ့ ရှင်တို့လုပ်ငန်းတွေသူ့လက်ထဲမရောက်ချင်ရင်" ဟု ပညာတတ်ပီပီသသ စကားကိုလိမ္မာပါးနပ်စွာပြောပြီး ခြိမ်းခြောက်လိုက်သည်..
ဒေါ်ယမင်းသစ်အနေနှင့်လည်းသူ့အစ်မနှင့်ခဲအိုသေဆုံးမှုအတွက် သူစုံစမ်းသင့်သလောက်စုံစမ်းပြီးလို့ သိသင့်သလောက်သိနေပြီဖြစ်သည့်အတွက်အခုလိုတစ်ချက်ခုတ်နှစ်ချက်ပြတ်အောင်ခြိမ်းခြောက်လိုက်ခြင်းဖြစ်သည်...
ဦးမင်းဇင်ကတော့..စိတ်ထဲကမပါပဲတောင်းပန်နေရပေမယ့် အခုလိုခြိမ်းခြောက်ခြင်းခံလိုက်ရတော့ လွင်ဘုန်းခေတ်ကိုငယ်ငယ်ကတည်းကသူ့မိဘတွေနဲ့အတူအသေမသတ်လိုက်ရလို့ပိုပြီးဒေါသဖြစ်ပြီး..လက်သီးကိုကျစ်ကျစ်ပါအောင်ဆုပ်ထားမိသည်..
ဦးမင်းဇင်လက်သီးဆုပ်ပြီးဒေါသထွက်နေသည်ကို ဦးမင်းဇင်ကိုအကဲခတ်နေသည့်ဒေါ်ယမင်းသစ်နှင့်လှမြတ်ထူးတို့နှစ်ယောက်လုံးသိကြသည်...
**********
ဒေါ်ယမင်းသစ်နှင့်လှမြတ်တို့ လွင်ဘုန်းခေတ်ဆီသို့ရောက်တော့
"အန်တီလေး" ဟု သူ့အဒေါ်ကိုပြေးဖက်သည်..
"ခေတ်လေး...အန်တီလေးတောင်းပန်ပါတယ်နော်" ဟု ဖက်ကာတောင်းပန်နေပေမယ့်
"ရပါတယ်..အန်တီလေးရဲ့ ကျွန်တော်ဘာမှမဖြစ်ပါဘူး" ဟု သူ့အန်တီရှေ့မှာသန်မာချင်ယောင်ဆောင်နေပြသည်ကိုမြင်တော့ လှမြတ်နဲ့ဒေါ်ယမင်းသစ်တို့နှစ်ယောက်လုံးပို၍ငိုချင်သွားသည်...
"ခေတ်လေး အန်တီလေးနဲ့အတူတူရန်ကုန်ကိုပြန်လိုက်ခဲ့ပါတော့နော်"
"ဟုတ်ကဲ့..အန်တီလေး ခေတ်ဒီမှာမနေချင်တော့ဘူး" ဟု ပြောနေသဖြင့်
"ခေတ်လေးရယ်...." ဟု ဒေါ်ယမင်းသစ်တစ်ယောက်လွင်ဘုန်းခေတ်ကိုဖက်ကာနှစ်သိမ့်ပေးနေသည်..
လှမြတ်လည်းထိုတူရီးနှစ်ယောက်ကိုကြည့်ကာ..မျက်ရည်များကျဆင်းနေသည်...
*******************************(