هلا قليباتي
وريف:والصبح كعدت كبل اجة ببالي ذول الناس حيجوون احس كلبي وجعني أثناء مافكرت بلموضوع صليت علا محمد ونخيت أهل البيت انو يبعدون هلشخص عني باوعت للساعة ساعة ٩ونص الصبح واليوم جمعة نزلت غسلت طبيت للمطبخ شفت أمس خدعة ازرك وركبتهة مزلوغة
صباح الخير
رسل :(بضوجة)صباح النور
وريف:شبيج حبيبي
رسل:وريف اسكتي عني حضرتي ملابسج شرح تلبسين
وريف:اي حضرت هسة انتي هاي غثتج
رسل:ترة ابوج مضوجني اسكتي عني زين شرح تلبسين بلا
وريف:فستاني الاصفر بس هسى عوفي للملابس شبي خدج
رسل:وريف اذا مابطلتي تدخلين بية اعرف شون اادبج
وريف:(باوعتلهة بغرور من جوة ليفوك)اي علساس هسة انتي خصوصياتج هامتني شعلي بيجج
رسل :رويفةة اذا ماوليتي من وجهي بلعباس بنعال اكتلج
رحت حميت الچاي بس احس خنكة وغصة بركبتي يااعالم اريد ابچي اخخخ شربت حليب لأن مااشتهي
نضفت البيت غسلت مواعين شوية صبيت لاخواني ريوگ ابوي حميتلة چاي
ابو وريف:وريفتعي اكويلي دشداشتي
وريف:....
رحت كويت الدشداشة عطرتهة مسحت شحاطتة تكرمون وحضرت البزمات قبل ليطلع ابوي كال لامي اتصلو عليج الناس شوكت يجون بلا امي كالت اي يجون العصر بل٤كال اي وصي بتج ماوصيج طالع أنة كالتلة اكلك لاتجبرهةة حرام عليك بلحسين هسة انتة ماتحاف من الله (بصياح وقهر) هسة حجت هيج وهوة هججم عليهةة يمةةة عينجن ولاتشووف الكتل الكتلهيا خطية أنة هنا تدخلت وكتلة لافدوة موافقة بس اترك امي باوعلي بنضرة حقد وطلع كعدت أمس بستهة انطيتهة ماي وكتلهة ماما حبيبتي أنة اول وتالي بهلضيم اعيش ليش تخلي يضربج
كالت خيولي شايف روحة علينة شدعوة هلغرور والنفسية أنة هنا ماتحملت صعدت فوك طلعت قهر السنين كلة وضليت اشاهكك المهم اجة علا بالي اتصل علا علي اتصلت علية خابرتة حجيت ويا
وريف:حبيبي شونك
علي:وين جنتي وريف
وريف:علي الوضع مشتد بلبيت والنفسية خرة مالي خلك اراسل
علي:ويومين تتاخرينننن
وريف:اي لانو انتا صاير مدري شمالك
علي:اكلي خرة المهم اريد اجيج مشتاقلج كلش
وريف:علي شبيك صدك تحجي انتى تدري اليوم يجون يشوفوني ولا ناسي
علي:واذا وافقتي اموتجج
وريف:لعد شوون
علي:بعد دبريها من يمج
وريف:تمام أخذ راحتك لحد يجي لأن كلت لامي ببالي شخص لاتشك بيةة وتلزمني
علي:تمام أخذي راحتج ومن يروح ابوج كليلي اجي
صارت ساعة ١١ونص نزلت اسوي زلاطة وي امي كصصت وسويت لبن وحضرت الغدة وي امي صبينة ب١٢اجة ابوي وتغدينة كملنة غسلت ورتبت البيت كلش صعدت انام بس يااانوم اليغمض عيوني ويريحها لعد والناس الحيجون والولد اليريد يجي أثناء مجاي افكر وافكر شون تتفاهم وي الولد واكولة أنة ببالي شخص شون حيقتنعع بس اريد اعرف ساعة ٣وعشرة طبت امي كالت كومي سبحي ومشطي شعرج وضفري لأن الوادم رح تجي واذا كللج فكي شعرج نزعي شالج بس كون شعرج ضفيرة واذا كان فكي فكي تمام رتببي وجه بس لاتحطين حمرة وشي والله كريم البي الخير يقدمة ربج ولاتسوين شي وصيري عاقلة كالوولج باعي للولد باعيلة ماكالو نزلي عيونج وصيري خجولة وثگيلة لأن عيب مهما يكون
وريف :ماما اكولج شي
رسل:اي
وريف:ماما احسن شغلة اضل كاعدة بغرفتج وخلي
نسوان يكعدن يمي والولد وأخو يكعدون يم ابوي ومن يريد يشوفني اختة خل تجيبة يمي أنة مااكعد كدام اخو وأبوي لوااموووت
رسل:خيرانشالله
نزلت سبحت وبدأت وصعدت مشطت حطيت عطر لفيت شالي وافكر واني مقهورة اكول شيصير لوجااي اتحضر لعلي يجي يشوفني اخخخخ وأحضر بفرح
نزلت ؤم امي رتبت البيت حطيت عطر وكعدت بغرفة امي
اجو الناس واجن النسوان يمي وسألم وأخو بلديوان يم ابوي
يامن علي وباوستهن كعدت هنا أجن ٣نسوان ام صلاح وسهير مرت اخوي سالم مرت فيصل وام هاجر
سهير:شلونج حبوبة ياا خية ام هاجر موجنهة زغيرة
ام هاجر:اي البت عمرهة ١٥بس هية مامبين عليه جسمهة تارس
سكتت جابت امي الجلي وودتلهم المهم حجم وسولفن وكالن يا علوا تصيرجنتنة يمة سحلاتهة وامهة وردة وريحان اسم علا مسمى خلقة واخلاق
ضلن يسئلن شتعرفين تسوين شنو برنامج نومج ومن سئلني كالن تردين تكملين لوعادي تبطلين كتلهة لااا ابد مابطل كالت چا سالم مايحب وحدة تكمل
كتلهة لعد خالة عذريني سهير كالت ام هاجر انطينة مجال يجوز يخليهة بعد همة يتفاهمون أنة كتلهة لاحبيبتي لازم تكولي من هسة وتعتبر الدراسة شرد من شروطي مو ياخذني وبعدين يبطلني لا ماريد هيج اريد كلام صحيح
سهير:اي خير انشالله خية ام ايمن يجي الولد
رسل:اي
جابت الولد وانة كلبي صااير طبل هلكد مااامتتت من الخوف احس لزمني مغص ببطني والله يااابوية ضليت ارجف وحالي انكلب دخل وانة منزلة راسي كعدنة كبالي رفعت راسي وباوعتلة شوي ورجعت دنكت راسي بس من المستحة احس صخنتت وعلي
هوة اكلني بعيونة اكللل كالت الله شكلة حلو بس كلش ضخم يعني طويلل كلش وكتافات عريضة وعضلات مبين الولد يلعب حديد والله جسمة تحفة وشكلة كذالك امم مايتعيب وشكلة خليجي ودور لابس دشداشة بيضة مكووية ونضيفة وعطرة خليجي وساعتة اخر موديل بوية مبين سبورت وغني وكلششش يماه صح متت علية بس الحب مايعرف للجمال والمادة احس تعبت ماعرف شريد المهم حجة وياي بس يمة هوة حجة واني ضليت اتلعثم
سالم:شنو اسمج
وريف:ها اسمي وريف
سالم :عاشت الاسامي
وريف:......
سالم:شكد عمرج وريف
وريف:١٤
سالم:١٥ولا ١٤
وريف:١٤
سالم:اها العمر كلة
انتي كد المسؤولية
وريف:(برجفة)والله ماعرف يعني شكلك
سالم :يعني تكدرين
يلا احنا نترخص
راحو وانة ياربي احس گلبي موجرة بي نااار عيون الولد ماتدل علا الرفض بس أنة رافضةة رغم جمال الولد بس قنعت نفسي انو اذا اخذ الشخص الأحبة ارتاح شيفيد الجمال يماه ارتاحيت من راحو بس ضل بكلبي شي اذا وافقو خلاص اروح بيهة وعلي
رحت راسلت علي واتصلت .... يتبع