البارت الرابع عشر
وصلت ملك على الشركه وبمجرد ما وصلت بدأت شغل فوراً وبدأت تجهز كل الورق و تنظمه و تكمل التطبيق اللي شغاله عليه حست ان الوقت سرقها والساعه بقت داخله على 11 أستغربت جداً لما لقت جلال وياسين محدش فيهم جه ولا لمحت حد من اخواته
قامت راحت على مكتب جمبها في مهندسين شغالين معاهم في نفس القسم.
زياد...اهلا يا آنسه ملك
مها....تعالي يا ملوكه في حاجه
ملك....هو في حاجه غريبه انهارده ولا انا بيتهيألي
زياد...حاجه ايه؟
ملك...أنا قعدت أشتغل والشغل سرقني و محستش بالوقت خالص بس مستر ياسين و جلال محدش فيهم ظهر خالص و ملمحتش اي حد منهم هو حد فيكم يعرف حاجه
مها....مستر داوود كمان مجاش لسه كنت بتكلم انا وزياد وهاني
هاني....بس مستر داوود اتكلم من كام ساعه وقال انه أحتمال يتأخر شويه.
زياد...شكله كده في حاجه عشان محدش فيهم جه اصلاً
ملك...ربنا يستر
مها....طيب بقولك ايه احنا اكيد مينفعش نسألهم عن السبب بس ممكن انتي تكلمي جلال هو قريب منك واكيد عارف
ملك....بصراحه انا اتحرج حاسه اني هكون فضوليه
زياد...مفيهاش حاجه انتي بتطمني مش فضول ولا حاجه خصوصا ان الوضع غريب دي عمرها ما حصلت ان كلهم يختفوا
ملك...طيب تمام طلعت الموبايل واتصلت على جلال.
ملك...الووو
جلال...ايوه يا ملك عامله ايه
ملك...بخير يا جلال الحمد لله معلش يا جلال اني بتصل بس بصراحه انا قلقت لما مفيش اي حد فيكم جه خالص هو في حاجه
جلال....شكراً يا ملك معلش انهارده الشغل كله على دماغكم
ملك...لا طبعا مفيش اي حاجه بس طمني هو في حاجه.
جلال....يعني اكيد انتي عندك خبر بالزلزال اللي حصل في تركيا
ملك...ايوه طبعا وفجأه افتكرت نادر 😳 مستر نادر في حاجه
جلال...الحمد لله عدت على خير يا ملك البيت كان مقلوب من ساعه اللي حصل مكناش عارفين نوصله خالص غير من ساعه تقريباً
ملك...انا مخدتش بالي خالص و نسيت اصلا مستر نادر لاني مشوفتش اللي حصل غير الصبح لما صحيت المهم طيب هو كويس حصله حاجه
جلال....إتصاب طبعا بس الحمد لله إصابات بسيطه هو طمنا عليه وقال انه في امان بس لحد ما كلمنا كانت اعصابنا أدمـ ـرت عشان كده معرفناش نيجي عموما احنا جايين في الطريق
ملك...طيب الحمد لله طمنتني
جلال...شكرا على سؤالك يا ملك
ملك...على ايه بس الحمد لله عدت على خير عموما خلاص مش هعطلك واكيد مستنينكم.
جلال...تمام يا ملك يلا باي
ملك...باي
هاني...في ايه؟
ملك....مستر نادر اتصـ ـاب في الزلزال.
مها....يا خبر احنا ازاي نسينا صحيح😳 طيب هو كويس
زياد....انا مجاش في بالي خالص
ملك...كلنا يا زياد بس الحمد لله بيقول اتصـ ـاب اصـ ـابات بسيطه وهما جايين في الطريق
هاني....ربنا يعديها على خير الوضع هناك لسه بايظ خالص
ملك....ربنا يستر يارب.
..................
وصلت شمس على المستشفى اللي محجوزه فيها والدتها.
كان باين على ملامحها الحزن بطريقه مرعـ ـبه وعينها منتفخه من كتر ما كانت بتعيط وتقريباً منامتش خالص. كان عندها أمل
انها تيجي انهارده تدفع المبلغ وتبدأ في إجراءات العمليه
لكن كل حاجه راحت في لحظه عارفه ان ده عقاب من ربنا لأن الطريقه اللي لجأت ليها في إنقاذ والدتها غلط بس مكانش في أي طريقه غير انها تسرق.
معندهاش أي إعتراض انها تشتغل و تتعب وتبذل أقصى جهودها لكن هي مستسهلتش لأنها لو قضت يومها كله في الشغل مش هتقدر توفر المبلغ صعب ويمكن مستحيل. حاله والدتها الحرجه غصبتها انها تعمل حاجه زي دي.
مسحت شمس دموعها و حاولت تبتسم عشان والدتها متحسش بأي حاجه راحت على الغرفه المحجوزه فيها.
شمس....صباح الفل يا ست الكل
بصتلها سميحه بإبتسامه تعب صباح الخير يا حبيبتي
شمس...طمنيني عليكي عامله ايه انهارده
سميحه...عايشه لسه طول ما أنتي جمبي وكويسه انا بخير
بصتلها شمس بحزن و أبتسمت انا اللي كويسه عشان انتي معايا يا ماما المهم بقى هوريكي انا جبتلك معايا اكل ايه عارفه انك مش بتحبي أكل المستشفى وطبعاً انا عارفه من الدكتور الاكل المسموح
عملتهولك.
سميحه....أكل ايه بس يا شمس كفايه تعبك معايا يا بنتي بتجيلي الصبح قبل شغلك و تجيلي بعد شغلك وطول اليوم دافنه نفسك في الشغل ارتاحي بقى يا شمس
شمس....ايه الكلام الغريب ده يا ماما وبعدين انا لو معملتش كده معاكي انتي هعمله مع مين بس يا حبيبتي أنتي أمي و جزمتك على راسي وطول ما انا فيا نفس هفضل اعمل كل حاجه في ايدي عشان بس تكوني كويسه و ترجعي تاني لبيتنا🥺
سميحه....صدقيني يا شمس مبقاش في منه فايده يا حبيبتي
شمس...يا ماما عشان خاطر ربنا بلاش كلامك ده انا على اخري وتعبانه فعلاً ومش قادره اسمع اللي هتقوليه ده خالص بس انا مستعده لأي تعب المهم انك تفضلي معايا.
سميحه...لازم تسمعيني يا شمس
صدقيني يا بنتي انا مبفكرش في اي حاجه غير اني اطمن عليكي قبل ما امـ ـوت
شمس...بعد الشـ ـر عليكي🥺
سميحه...كان نفسي اشوفك عروسه و متجوزه و في سند راجل يخـ ـاف عليكي و يحميكي بس ده محصلش الفلوس اللي كنت عيزاكي تتسندي عليها كلها راحت من سنين بسبب تعبي و علاجي جه الوقت يا شمس اللي تشيلي لنفسك قرش ينفعك من بعدي حاجه تتسندي عليها يا بنتي
انا مش مطمنه يا شمس وعقلي مش بيقف من التفكير انتي حتى الشقه التمليك اللي كانت حيلتنا لما تعبت بعتيها و خلتينا قعدنا في شقه ايجار جديد قوليلي بس لما تفضلي توفري كل قرش ليا ولعلاجي هتعملي انتي ايه هتجيبي منين لكل ده هتلاحقي على ايه ولا ايه ايجار شقه نور وغاز وكهرباء و مصروف بيت ومواصلات وعلاج ليا ومصاريف مستشفى تحاليل واشعات مبتخلصش صدقيني انا حاسه بنفسي خلاص دي اخر ايام ليا ارتاحي بقى وطمنيني عليكي يا بنتي🥺
شمس...بدموع ابوس ايدك بلاش الكلام ده وجودك معايا متعوضهوش كنوز الدنيا صدقيني انا لو انتي معايا وانا تعبانه كده لو روحتي مني انا هتعب اكتر
سميحه.....محدش بياخد غير نصيبه يا بنتي بس ربنا قال نعقلها ولو فكرنا بيها بالعقل هنلاقيها مقفوله مصاريف العمليه كتير ومش معانا حتى من المبلغ خمس الاف هنجيب منين ارتاحي بقى انتي شقيانه وتعبانه من سنين🥺
شمس...وهو ربنا قال اني اعقلها واسيب امي تروح مني من غير ما اعمل كل حاجه في ايدي عشان انقذها ولو زي ما بتقولي محدش بياخد غير نصيبه يبقى لازم تعرفي حاجه واحده ان طول ما انتي ليكي عمر وانا فيا نفس مش هبطل اعمل كل حاجه تطلع في ايدي عشانك و ارجوكي بقى كفايه الكلام ده ادعيلي انتي بس
يلا انا هقوم عشان متأخرش وهرجعلك تاني اخر النهار
سميحه...ربنا معاكي يا بنتي و يوقفلك ولاد الحلال.
شمس....بتنهيده وجـ ـع يارب
خرجت شمس وراحت قابلت الدكتور عشان تطمن على والدتها
قالها ان حاله والدتها صعبه و محتاجه تعمل العمليه في أسرع وقت عشان كل يوم بيعدي بيصعب الموضوع اكتر ومفيش اي حل خالص غير العمليه.
مشيت شمس وهي شايله هم الدنيا كلها فوق دماغها قلبها مهموم وكله وجـ ـع بس قررت متستسلمش وتمشي وراء اي أمل وتحاول تتصرف بسرعه وقررت انها اول مكان تروح فيه هو البنك
ركبت بسرعه قبل ما تروح شغلها
وبسرعه كانت هناك.
دخلت شمس مباشرةً على موظف خدمه العملاء
شمس...صباح الخير
الموظف...صباح النور تحت امرك أتفضلي
شمس...انا في الحقيقه كان عندي بس أستفسار بسيط يعني وحابه اعرفه
الموظف....اتفضلي معاكي
شمس...بتوتر و إحراج هو لو انا محتاجه اخد قرض دي حاجه سهله ولا صعبه ولو ينفع في شروط معينه وبردو لو ينفع بقدر اخد القرض امته معلش انا عارفه اني بسأل كتير بس انا عمري ما جربت اعمل كده بصراحه
الموظف...بإبتسامه ولا يهمك طبعا من حقك تسألي عموما القرض تقدري تقدمي عليه بسهوله عادي جداً مفيش اي شروط
ابتسمت شمس بأمل
الموظف...وطبعاً تاخدي القرض امته دي على حسب المبلغ يعني لو كبير بناخد يوم او اتنين بالكتير يكون جهز لو بسيط عادي بيتوفر على طول
شمس....طيب هو لو انا محتاجه 300 الف ده بيكون كبير
الموظف...بإبتسامه لا خالص بس البنك الاول يضمن حقه وبعدين بتاخدي المبلغ.
شمس....يعني ايه يضمن حقه ؟
الموظف...ماهو عشان تاخدي القرض المطلوب لازم يكون في ضمان
شمس...وايه هو الضمان؟
الموظف....اي حاجه توازي نفس المبلغ المطلوب يعني مثلا عربيه بيت شقه محل ارض حتى لو بضمان مرتب
شمس....وهو انا لو مرتبي يغطي تكاليف المبلغ هاخد قرض ليه
الموظف...لا مقصدش بس لازم يكون في مبلغ ثابت كل شهر ولازم نضمن ان الوظيفه ثابته
لكن لو في شقه ارض حاجه من اللي قولت عليها يبقى افضل طبعا
واكيد مينفعش انك تاخدي المبلغ إلا لو الحاجه اللي هتضمنيها تساوي نفس السعر يعني لو شقه مثلا 200 الف جنيه اكيد مش هتاخدي قرض300 هيكون أقل
شمس....بضياع أمل طيب لو مفيش لا عربيه ولا بيت ولا ارض
ينفع بالمرتب
الموظف...لازم تكون الاول وظيفه ثابته بعقد و بردو كل مرتب بيتحدد عليه القرض
شمس....بحزن مفيش غير الحلول دي🥺
الموظف...للأسف مفيش جنيه بيخرج غير لو البنك ضامن حقه.
شمس....تمام شكراً لحضرتك
الموظف...العفو تحت امرك
خرجت شمس وهي مخنـ ـوقه وحاسه بالأحباط عشان أول باب اتقفل في وشها ركبت بقله حيله وراحت على شغلها.
..............
وصل يوسف المستشفى عشان يشوف خلود.
قابل في الأول دكتور مجدي وبدأ يتكلم معاه.
مجدي...في الحقيقه يا يوسف انا معرفش اي حاجه ولا حتى لحقت اتكلم معاها زي ما قولت لمراد الممرضه نادت عليا بسرعه دخلت شوفتها حالتها كانت وحشه أوي
حاولت أهديها عشان العمليه وحالتها اللي لسه مش مستقره بس مكانتش سامعه خالص كل اللي كانت عيزاه إنها تمشي بسرعه فضلت تترجانى كتير عشان أسيبها تمشي أضطريت أديها مهدأ وطبعاً مقدرتش حتى أسألها لو تحب تعمل محضر باللي حصلها ولا لأ.
يوسف....طيب انا مفهمتش يعني ايه حالتها مش مستقره لسه في خطر يعني.
مجدي....لا لا أقصد يعني لو مشيت وهي لسه عامله العمليه كده ده غلط عليها و هيضـ ـرها طبعاً.
يوسف....تمام فهمتك يا دكتور
مجدي....بس في حاجه لازم اقولك عليها يا يوسف
يوسف...طبعاً يا دكتور أتفضل
مجدي...لازم بعد ما البنت تبقى افضل تشيل ايدك من الحكايه دي انت ومراد خالص انت عارف اكيد ان ليكم أسمكم و سمعتكم وبما اني صديق العيله دي من زمان فا واجبي انصحك البنت شكلها وراها حكايه
يوسف...أولاً مراد ملهوش دعوه بأي حاجه انا اللي شوفتها زي ما قولتلك ثانياً حضرتك معاك حق يا دكتور انا بس كل الحكايه حسيت انها محتاجه مساعده وحالتها كانت زي ما جت كده فا مقدرتش اسيبها يعني تقدر تقول مجرد مساعده إنسانيه مش اكتر وبمجرد ما اطمن انها كويسه تمشي براحتها تعمل محضر او متعملش هي حره انا اللي عليا عملته و أظن كده انا مقصرتش
مجدي....كفيت و وفيت يا أبن الأصول صحيح طمني نادر كويس مراد قاللي.
يوسف....هو بيقول انه بخير بس انا لسه قلقان عليه وزي ما حضرتك شايف الاخبار البلد لسه مش مستقره و الزلزال كل شويه يدمـ ـر مدينه ربنا يسترها وتعدي على خير
مجدي...إن شاء الله هتعدي على خير و هنطمن عليه.
يوسف....يارب يا دكتور انا هقوم بقى عشان معطلكش اكتر من كده
مجدي...لا عطله ايه بس
يوسف....طيب هو انا أقدر اشوفها ولا نايمه.
مجدي...تقدر تشوفها طبعاً هي كانت نايمه من وقت ما خدت المهدأ يمكن تكون صحيت ويمكن لسه عموماً روح شوفها و لو صاحيه حاول تعرف منها حابه تعمل محضر بالواقعه ولا لأ
يوسف....حاضر يا دكتور بعد أذن حضرتك.
مجدي....اتفضل يا يوسف.
خرج يوسف من مكتب مجدي وراح على الغرفه اللي موجوده فيها خلود خبط براحه ولما ما سمعش صوت فتح براحه ودخل
كانت نايمه حالتها صعبه وشها كلها كدمات و زرقان و متدمـ ـره على الأخر.
قعد يوسف على الكرسي اللي قدامها بصلها بشفقه على وضعها
وفضل مستني طلع موبايله فضل يلعب فيه ويتابع الأخبار وصلت لأيه في تركيا بالرغم من أنه اطمن على نادر وسمع صوته لكن قلقه فضل زي ما هو عدت حوالي ربع ساعه وهو بيتفرج على الڤديوهات والخراب اللي سببه الزلزال وفجأه سمع صوتها بتشهق بفزع بمجرد ما فتحت عينها ولمحت حد قاعد أفتكرته حسين بص يوسف بسرعه عليها كانت بصاله ومرعـ ـوبه
يوسف...أهدي اهدي انا يوسف انا اللي أنقذتك أمبارح اسف مكنتش اقصد أخـ ـوفك والله.
خلود...وهي بتاخد نفسها و بتفتكر اللي حصل أنا أسفه بس أتخضيت
يوسف....سامحيني انا كنت فاكرك صاحيه بس لما لقيتك نايمه مقدرتش امشي غير لما اطمن عليكي و أتكلم معاكي.
خلود....محصلش حاجه وطبعاً انا مديونالك بحياتي ومفيش كلمه شكر تديلك حقك في اللي عملته معايا
يوسف...بس أنا معملتش حاجه لكل ده وأي حد مكاني كان عمل كده و أكتر.
خلود بحزن بصت بعيد لا خالص مش اي حد ممكن يعمل كده كان ممكن غيرك يخـ ـاف ويمشي يعني عشان انت عارف ان اللي بيساعد حد الوقت بيتهموه فيه
يوسف...صدقيني انا معملتش غير
الطبيعي وبعدين سيبك مني انا المهم انتي كويسه الوقت أحسن يا....
خلود....انا اسمي خلود
يوسف...وانا يوسف
خلود....أتشرفت بمعرفه حضرتك انا عموما يمكن حاسه بوجـ ـع وتعب بس اكيد انا أفضل من الأول مع اني معرفش لحد الوقت انا حصلي ايه وليه عملت عمليه أصلاً انا كنت كويسه
يوسف....لا الأشعه اللي أتعملت بينت أنك عندك نزيف داخلي في معدتك وكان لازم يتعمل عمليه فوراً عشان النزيف ده يقف بس متقلقيش انتي احسن اطمني
خلود....بحزن الحمد لله كل اللي يجيبه ربنا كويس.
يوسف...على فكره صحيح الشنطه بتاعتك معايا لسه في العربيه قبل ما امشي هنزل أجيبهالك لاني نسيت اطلعها معايا.
خلود...تمام انا نسيتها خالص
يوسف....لا معايا متقلقيش المهم الدكتور قال انك عايزه تخرجي و طبعاً انتي بحالتك دي مستحيل تخرجي من هنا غير لما تبقي أحسن
خلود....بتوتر بس انا لازم اخرج فوراً أرجوك شوفلي حل
يوسف...حل ايه بس صدقيني مينفعش خالص وبعدين اديني رقم حد من أهلك أكيد قلقانين عليكي وعشان حد فيهم يجي يكون معاكي وتبقي تخرجي معاه
بصتله خلود بخـ ـوف لا لا أرجوك بلاش انا مش عايزه اي حد
بصلها يوسف بشك طيب على راحتك انا بس مش عايز حد يقلق عليكي
خلود...لا من الناحيه دي أطمن محدش هيقلق
يوسف....ازاي بس دول اكيد كمان بيدوروا عليكي
خلود....عشان كده انا عايزه أخرج أرجوك مش عايزه حد يلاقيني🥺
يوسف....ممكن أسألك سؤال؟
خلود...أتفضل
يوسف....لما شوفتك قبل ما يغم عليكي قولتلك مين عمل فيكي كده قولتيلي أبن خالتي هو انا فعلاً سمعت صح ولا كنتي تقصدي ايه بأبن خالتك اتصل بيه مثلا
خلود...لا لا تتصل ايه 🥺 هو اللي عمل فيا كده
يوسف....طيب ليه هو في حد ممكن يعمل كده اصلا حتى لو في حد غريب
خلود...عادي بقى الدنيا مليانه قصص وحكايات وكل واحد مننا بياخد نصيبه🥺
يوسف.....طيب هو عمل فيكي كده ليه؟
بصتله خلود وسكتت و بعدت عينها عنه.
يوسف....لو مش حابه تحكي اي حاجه خلاص متحكيش عل راحتك المهم الوقت انك بخير
خلود....الحمد لله
يوسف....طيب مش عايزه تعملي حتى محضر وتثبتي حاله
خلود....من غير ما تفكر لا مش عايزه انا كفايه عليا اوي ان ربنا نجاني و أنقذني
يوسف....بس ده حقك؟
خلود....مش عيزاه صدقني المحضر مش هيفدني بأي حاجه لأنه هيطلع منها ومش بعيد يتهمني هو بحاجه أكبر ويدخلني في مصيبه
يوسف....للدرجادي؟
خلود...صدقني دي اقل حاجه ممكن يعملها عشان كده انا لا عايزه أعمل محضر ولا عايزه حد يجيلي أو يعرف مكاني أرجوك
يوسف....خلاص زي ما تحبي انا مش هضغط عليكي اكيد انتي اللي شايفه صح.
خلود...طيب ممكن أطلب من حضرتك طلب؟
يوسف....طبعاً
خلود...بما اني مش هينفع اخرج الوقت ممكن تخلي الشنطه معاك مش عيزاها معايا هنا
بصلها يوسف بأستفهام من غير ما يعلق على طلبها.
خلود....انا عارفه ان حضرتك اكيد مش مطمن وقلقان ممكن يكون في ايه في الشنطه بس على فكره تقدر تفتحها وتطمن ده حقك هتلاقي فيها هدومي وحجات شخصيه وفيها فلوس وفيها دهب كمان🥺
بصلها يوسف بأستغراب أولا انا لا شاكك ولا قلقان واكيد انا لا فتحت الشنطه ولا كنت ناوي افتحها لو انتي حابه انها تفضل معايا معنديش اي مانع بس انا كده حاسس ان الموضوع كبير يعني فلوس ودهب و....
خلود....لو حضرتك مش حابب عادي جداً تقدر تطلعهالي
يوسف.....مش قصدي بس أعذريني انا مش فضولي والله بس انا حاسس أنك واقعه في مشكـ ـله كبيره واياً كان الدهب والفلوس اللي معاكي دول يخصوكي او يخصوا حد تاني دي بتاعتك بس لازم أنبهك يعني على كلامك ان ابن خالتك يقدر يعمل اي حاجه فا لو الحاجه دي تخصه ميتهيأليش انه هيسكت ويمكن يبلغ بأوصاف الحاجه وبمجرد ما تتصرفي فيهم ممكن يتقبض عليكي انا مش قصدي أخـ ـوفك صدقيني بس على الأقل عرفيني في ايه يمكن اقدر اساعدك
خلود...بحزن وخـ ـوف انا مسرقتش صدقتي🥺
يوسف....حتى لو بس لازم تعرفي ممكن يحصل ايه طيب على الاقل اتكلمي مع اي حد تعرفيه غير ابن خالتك ده فين باقي اهلك فين والدتك والدك ملكيش اخوات ملكيش اهل لوالدك اي حد يقف معاكي.
خلود....امي و ابويا مـ ـاتوا حتي اختي مـ ـاتت اهل والدي معرفش عنهم اي حاجه من زمان اهل امي مستحيل انا مليش حد غير ربنا صدقني و أعذرني انا مش حابه اتكلم في اللي حصل يمكن اقدر احكيلك بعدين ويمكن لا كل اللي طلباه من حضرتك تحافظ على الشنطه عشان اللي فيها هو اللي هيعيشني بعد ما أخرج من هنا والفلوس هدفع منها مصاريف المستشفى
يوسف...اولاً مصاريف المستشفى ادفعت خلاص متشيليش همها
خلود...انا اسفه جدا مستحيل انا اللي هدفع كل حاجه ودي مفيهاش نقاش ابداً و بالنسبالي كفايه اوي اللي حضرتك عملته
يوسف....خلاص أعتبريها دين لحد ما تخرجي و تقفي على رجلك من تاني.
خلود...معلش لو سمحت سبني على راحتي انا مش هقبل ابدا وارجوك عرفني المصاريف كام
يوسف....بتفكير طيب هي مش مبلغ كبير يعني هو كان ألفين جنيه.
بصتله خلود بأستغراب اكيد حضرتك مش بتقول الحقيقه
يوسف...طيب وانا هكدب عليكي ليه بس.
خلود...مش قصدي تكدب العفو طبعاً بس أصل بصراحه واضح ان المستشفى نضيفه جداً و الأوضه باين عليها من شكلها انها غاليه يعني اكيد مش الفين جنيه.
يوسف....لا يا ستي اطمني هما الفين جنيه بس صدقيني
خلود....طيب عموما ياريت تاخدهم من الشنطه واي مصاريف تاني او علاج بردوا خدهم وادفعهم.
يوسف...بإبتسامه طيب مش خايـ ـفه اخد الشنطه واهرب🙄😂
ابتسمت خلود لا مش خايـ ـفه خالص اللي يقف مع واحده ميعرفهاش وكمان يجي يطمن عليها ويبقى عنده استعداد يرجع الشنطه وهو ميعرفش فيها ايه ميعملش كده.
يوسف....بطريقه مضحكه بصي انا كنت ناوي أعملها بصراحه بس بعد الكلمتين دول خلاص ضميري صحي😂
خلود....بإبتسامه بجد شكراً لحضرتك أوي
يوسف....مفيش شكر ولا اي حاجه انا والله معملتش حاجه حتى الفلوس انتي عايزه تدفعيها يعني كده شكلي وحش ومعملتش حاجه 🤨
خلود....هو في حاجه انا محتجاها جداً لو قدرت تساعدني فيها تبقى خدمتني خدمه كبيره بجد
يوسف....طبعاً أتفضلي.
خلود....لو تقدر تشوفلي شقه وتكون مش كبيره يعني حتى لو اوضه وصاله ويكون سعرها مش كبير عارفه ان طلبي غريب بس انا مش محتاجه غير اربع حيطان ومش هتكسف يعني منك واقول اني لازم احافظ على الفلوس اللي معايا هو لو مش هتقدر خلاص والله انا عارفه اني بطلب اصلا طلبات غريبه بس أعذرني انا معرفش اي مكان هنا ومعرفش اروح فين او أسأل مين على شقق
يوسف....طبعاً هساعدك ومتحمليش هم لحد ما الدكتور يكتبلك على خروج اكون شوفتلك بس قوليلي هو انتي مش من القاهره أقصد يعني من محافظه تانيه.
خلود...لا انا من القاهره وعمري ما روحت اي محافظه بس تقدر تقول كده اني معرفش اي حاجه في القاهره ولا اعرف اي مكان ولو خرجت لوحدي أتوه انا اصلا معرفش المكان اللي شوفتني فيه
يوسف....ازاي محبوسه يعني طول عمرك🤨
خلود...بإبتسامه حزن تقدر تقول كده تخيل بقى واحده محبوسه اول مره تخرج
يوسف....واضح ان حكايتك حكايه
عموما انا مش حابب أتعبك اكتر من كده موضوع الشقه أعتبريه محلول تقومي بس بالسلامه الاول وانا هفضل معاكي لحد ما اطمن انك تمام واه رقمي هسيبه مع الدكتور لو احتاجتي اي حاجه قوليلهم يكلموني هتلاقيني عندك فوراً
خلود.....بجد شكراً يا استاذ يوسف انت جدع اوي ومحترم
يوسف...بإبتسامه قام وقف قولنا بلاش شكراً دي يلا هسيبك ترتاحي والف سلامه عليكي
خلود...الله يسلمك مع الف سلامه
يوسف...سلام
........
في إنجلترا
نزل ايمن من الفندق يتمشي شويه بعد ما أرتاح انه أطمن على نادر يمكن خـ ـوفه على نادر أداله فرصه بسيطه يفصل من التفكير عن مشكـ ـلته الأساسيه لكن بعد كلام صبا معاه وصوتها الحزين ودموعها اللي كان شايفها رغم المسافات خلوه يرجع تاني لتفكيره.
و أحساسه إن صبا محتجاه وبتقوله انه واحشها رغم كل التعب اللي شافته معاه طول ال3 سنين
خلوه لأول مره يفكر فيها بجد و يتخلي عن تفكيره الغلط وقرر أيمن يروح فوراً للدكتور وحاول انه ميفكرش كتير عشان ما يحسش بأي تردد أو إنه يرجع من تاني في كلامه وفعلاً راح للدكتور
فضل مستني حوالي ربع ساعه وبعد كده دخل كان في البدايه محرج مش قادر يتكلم جواه صوتين مختلفين تماماً واحد منهم
بيقوله قوم امشي والتاني بيقوله استنى وكمل عشانك انت وصبا
وبدأ فعلاً بتجرأ ويحكي للدكتور عن حالته حكاله كل حاجه من بدايه جوازه لحد اللحظه اللي هو قاعد فيها.
الدكتور كان بيسمعه بأهتمام و بيحاول يفهم منه حالته.
أيمن....بحزن في الحقيقه انا عارف ان الخطوه دي انا أخرتها كتير اوي وعارف ان مراتي اتحملت كتير فوق طاقتها ويمكن ظلـ ـمتها اكتر ما ظلـ ـمت نفسي وكنت ديماً عشان احاول اكون احسن كنت بجيب اللوم عليها كتير حسستها ان هي مش ست ان العيب فيها بس الحقيقه دي ستاره بخبي وراها ضعفي هي ست كامله ويمكن اللي تاعبني ان طول الوقت بحس اني محتاج اقرب لها وبحس بالإثاره ولما بقرب منها كل حاجه بتنتهي في لحظه كأني جماد لا بيحس ولا بيشعر جوايا حجات محتاج اخرجها بس هي محبوسه مش راضيه تخرج🥺
فضل الدكتور يسمعه و حاول يطمنه ويقوله ان كل حاجه هتبقى كويسه وهيقدر يعيش حياته و يمارسها بشكل طبيعي
حس ايمن براحه وان في أمل أخيراً
طلب منه الدكتور يعمل شويه فحوصات طبيه عشان يبدأوا خطه العلاج و يعرفوا إذا كان الموضوع سهل محتاج شويه ادويه او محتاج تدخل جراحي
في الحالتين أيمن كان مقرر يلتزم بكل حاجه عشان خاطر صبا
وفعلاً بدأ يعمل الفحوصات المطلوبه كلها وبعدها مشي لان النتيجه كانت هتظهر بعد يوم❣️
........
دخلت صبا اوضه فرح تطمن عليها
صبا...ممكن ادخل يا فروحه
فرح...تعالي يا صبا
قعدت صبا جمبها معلش يا فروحه انا معرفتش اطمن عليكي امبارح عشان اللي حصل
فرح...بحزن ولا يهمك يا صبا انا عارفه اللي حصل ده اصلاً خلانا كلنا أعصابنا باظت بس الحمد لله عدت على خير و أطمنا على نادر
صبا...الحمد لله طيب يلا طمنيني عليكي انتي كويسه؟
بصتلها فرح ودموعها في عينها زيد زعل مني يا صبا وحاسه اني مش هقدر احط عيني في عينه تاني 🥺
صبا....بغضب بسيط ليه هو اصلاً مش من حقه يزعل انتي معملتيش حاجه غلط
فرح....مش عارفه بس انا ضايقته وأول مره في حياتي اشوف زيد بالطريقه دي يمكن كتير شوفته عصبي بس لما بيتكلم في الموبايل للشغل طول عمره حنين عليا وعلى الكل طول عمره قريب لينا كلنا اخ وصاحب وحتى اب هو وقاسم وداوود بحس كده ان ليهم مكانه خاصه في قلبي بحس ان ليهم كيان خاص كده وخصوصا زيد ليه شخصيه مختلفه اكيد مراد وباقي اخواتي كلهم بحبهم جداً بس هما مختلفين شويه عنهم حياتهم كلها تهريج وضحك ده مش وحش طبعاً بس مش بعرف اتكلم معاهم في حاجه شخصيه او جد بس زيد مختلف وانا حاسه اني خليته فقد ثقته فيا واكيد هيتغير معايا
والله يا صبا مكنتش اقصد ومكانش في بالي يحصل كل ده ياريت اي حد تاني من اخواتي كان سمع وهو بالذات لأ🥺
صبا...بحزن فرح هو في النهايه اخوكي يعني لا هيروح يقول لأمير زي ما قال ولا هيعمل أي حاجه حتى بيتهيألي فكره انه يزعل او ثقته تتهز مش صح لأنك معملتيش حاجه غلط انتي حبيتي يا فرح مأجـ ـرمتيش يمكن هو أضايق بس لأنه حس انك موجـ ـوعه مهما كان بيحب أمير لكن كونه يعرف ان اخته بتحب وحبها من طرف واحد اكيد هيتوجـ ـع عشانك.
وقبل ما تكمل كلامها خبط الباب وسمعوا صوت زيد.
صبا....بأرتباك طيب انا هقوم
فرح...بخـ ـوف خليكي معايا عشان خاطري.
فتح زيد الباب أتفاجئ بجود صبا لكن بعد عينه بسرعه عنها ودخل بهدوء ناحيه فرح
صبا...احممم انا بره يا فرح هسيبكم مع بعض
مسكت فرح ايدها وبصوت واطي خليكي عشان خاطري.
وقفت صبا غصب عنها وهي باصه في الارض و بتلعب في شعرها بارتباك.
زيد بصوت ثابت ايه يا فرح خايـ ـفه مني ولا ايه.
فرح...انااا لأ بس.
زيد...بحب قرب منها باس راسها بحنان حقك عليا مش عايزك تزعلي مني يا حبيبتي يمكن انا بالغت شويه في رد فعلي بس اكيد لا قاصد أتعصب ولا قاصد أخـ ـوفك مني كل الحكايه اني أضايقت عشانك مش اكتر مش عايزك تتوجـ ـعي يا فرح ولا تدخلي في سكه أخرتها وجـ ـع انتي عارفه ان أمير قريب مني و يمكن الي هقوله ده هيوجـ ـعك اكتر بس لو موجـ ـعتكيش الوقت و خليتك فوقتي لنفسك قدام شويه هتتوجـ ـعي اكتر ومش هتقدري تفوقي بسهوله أمير بيحب يا فرح مرتبط ببنت بقاله سنه تقريباً و بيحبوا بعض هي في اخر سنه و مستنيها تخلص دراستها عشان يرتبط بيها
نزلت دموع فرح بوجـ ـع 💔🥺
زيد...بحزن مسك ايدها و بنبره كلها وجـ ـع فرح انتي عارفه الوقت انا قلبي مكـ ـسور نصين عشانك💔واللي بقوله ده صعب عليا اني اطلعه بس وجـ ـعك الوقت يا فرح صدقيني أهون بكتير من وجـ ـعك لما تتفاجئي ان امير بيقول انه قرر يرتبط فوقي لنفسك يا فرح وحاولي في اسرع وقت تتخطي الوجـ ـع عارفه انه مش زرار هندوس عليه و ننسى و نرتاح بعدها اكيد هناخد وقت بس كمان لازم نحاول وكمان يا فرح مش عايزك تزعلي من امير لان هو كمان غصب عنه حب ودي حاجه مش بأيده و الأكيد واللي انا واثق منه انه مقصدش يجـ ـرحك لانه بأختصار ميعرفش انك بتحبيه ولا حتى شافك حبيبه فهماني يا فرح
كانت صبا بصاله ومركزه مع نبره صوته اللي كلها وجـ ـع وتحوله الفظيع ازاي قادر يكون يخـ ـوف وعصبي وحنين وازاي نظرته ليها بقت تربكها حاسه انها اول مره تعرفه وكمان كانت متأثره بدموع فرح واللي كان مطمنها شويه انه مبصلهاش خالص.
زيد....فرح يا حبيبتي انا مش عايز امشي وانا سايبك كده ولا عايزك تخـ ـافي مني لاني محدش هيحبك قد ما انا بحبك اي وقت محتاجه تتكلمي انا موجود وانسي خالص اللي حصل امبارح من اللحظه دي مش هتلاقي غير زيد اللي بيسمع وبيطبط وبس اي وقت تحتاجيني كلميني انا هسيب القصر شويه.
فرح...بحزن ولهفه هتروح فين انت مسافر🥺
زيد...لا يا حبيبتي مسافر ايه انا هروح على الڤيلا بتاعتي محتاج اكون لوحدي شويه
فرح...عشان خاطري خليك معايا انا محتجالك اوي يا زيد 🥺
زيد...وانا جمبك يا حبيبتي صدقيني واي وقت هتحتاجيني هتلاقيني قدامك
فرح...طيب انت ماشي ليه في حاجه؟
حست صبا ان قلبها بيدق ومرتبكه وفضلت بصاله
رفع زيد وشه بهدوء لفرح وأبتسم
مفيش اي حاجه يا حبيبتي شويه شغل محتاج أركز فيهم مش اكتر
بس لو احتجتيني اي وقت كلميني لو عايزه تيجي عندي تعالي لو عايزه تخرجي تغيري جو كلميني ونتقابل المهم اني معاكي أتفقنا
فرح....أتفقنا يا حبيبي🥺
قام زيد بهدوء باس راسها وحضنها
زيد يلا يا حبيبي اشوفك على خير وأتمنى تفكري في كلامي بعقلك ماشي يا فرح
فرح...حاضر يا زيد.
زيد....بعد اذنكم خرج زيد بسرعه من الأوضه.
صبا....فرح قومي خدي شاور يلا وظبطي نفسك كده وانا هروح اشوف روح وارجعلك اوك
فرح...حاضر.
خرجت صبا بسرعه من الأوضه وراء زيد
صبا....زيد زيد...
وقف زيد وغمض عينه اول ما سمع صوتها من غير ما يلف حاسس انه مش قادر يبصلها بعد اللي عمله صوره ايمن في وشه مش بتفارقه من وقت اللي حصل.
زيد....ايوه يا صبا؟
لفت صبا ووقفت قدامه وهي مرتبكه ومش قادره تبصله
صبا...على فكره فرح محتجالك وتقدر تستنى لو حابب
زيد....انا همشي يا صبا وفرح انا في كل الاحوال جمبها اكيد وياريت بعد اذنك تخليكي جمبها هي محتاجه حد يكون معاها طول الوقت خصوصا في الفتره دي وبما اني انا وانتي اللي عرفنا يبقى كل واحد يقف معاها بطريقته لحد ما تتخطي اللي هي فيه.
صبا....تقدر تفضل يا زيد معاها و متمشيش ولو عليا
قاطعها زيد بنبره قاسـ ـيه شويه انا همشي يا صبا عشان هو ده الصح
صبا...بغضب على فكره لو عليا انا فعلاً عيزاك تمشي ومش عايزه اشوفك قدامي ابداً ولولا فرح وحالتها مكنتش جيت قولتلك خليك بالعكس كنت ما هصدق
زيد....بنظره غضب وانا هريحك ولو على فرح متشيليش همها وعموما مش هقولك انك مش هتشوفيني تاني لان في اوقات مضطرين نشوف بعض فيها لكن اوعدك اني على قد ما اقدر مش هخليكي تلمحيني بعد اللحظه دي
صبا....بقوه احسن بردو هكون مرتاحه اكتر.😠
زيد.....بعد اذنك 😠
..........
وصل مراد على الشركه بس قبل ما يطلع أفتكر تقى.
أتصل في الأول على الامن يطمن منهم ان كل حاجه تمام ويعرف جابوا كل حاجه نقصاها ولا لا واطمن منهم وبعد كده أتصل على تقى.
مراد....ألوووو
تقى....صباح الخير
مراد...صباح الفل على القمر عامله ايه انهارده
تقى....الحمد لله انا بخير
مراد...اتصلت على الامن تحت قالولي انهم جابوا كل حاجه وكله تمام.
تقى...في الحقيقه صدقني انا مش عارفه اقول ايه لحضرتك بجد كتير اوي اللي عملته معايا وبجد مكانش ليه لزوم كل الحاجات دي
مراد....مفيش حاجه كتير دي كلها شويه حجات للبيت اكيد مش هتقعدي والبيت فاضي كده وبعدين ان شاء الله هبعتلك حد انهارده يظبطلك البيت لان زي ما انتي شايفه الشقه مقفوله اكيد محتاجه تنضيف.
تقى...لا لا متبعتش حد انا هعمل بنفسي بجد كده كتير
مراد...قولنا نسمع الكلام بقى وقولنا انك زي أمير ابني يعني تقدري تعتبريني زي بباكي وانا هعتبرك بنوتي اللي جت على كبر😂
تقى...بإبتسامه ربنا يخليك ليا بس بجد عشان خاطري سيبني اكون على راحتي وبعدين انا بجد زهقانه خليني اتسلى و اظبط الدنيا براحتي على الأقل أضيع وقتي.
مراد...خلاص يا ستي زي ما تحبي انا كنت عايزك ترتاحي بس لو هتبقي مبسوطه كده تمام المهم طمنيني أختك اتصلت بيكي او مامتك
تقى...بحزن لا خالص تقريباً كده ما صدقوا أرتاحوا انها جت مني
مراد....طيب مش يمكن اختك فكرتك روحتي لمامتك و مامتك فكراكي عند اختك
تقى...صدقتي مش هتفرق كتير في النهايه من جواهم مبسوطين انهم مرتاحين مني🥺
مراد...امممم أحنا مش قولنا منفكرش في أي حاجه ونفكر في نفسنا وبس انا بس كنت عايزك على الاقل تتصلي بأختك تطمنيها أنك بخير عشان ممكن تكون فعلاً قلقت عليكي وانا خايـ ـف انهم يبلغوا لو حسوا أنك اختفيتي.
تقى...بإبتسامه حزن كان ممكن يكون معاك حق بس انا موبايلي مفتوح ومحدش حاول يكلمني عشان يقلق أصلاً 🥺
مراد...بحزن طيب خلاص متضايقيش نفسك احنا اتفقنا نبدأ من جديد يلا قومي ظبطي بيتك ورتبي كل حاجه زي ما تحبي
وانا مش ناسي موضوع الشغل اللي وعدتك بيه
تقى....شكراً بجد لحضرتك
مراد...بقول ايه بلاش حضرتك دي انا اه كبير بس مليش في الرسميات ده الواد امير ابني عمره ما قالي حتى يا بابا بيقولي مراد فا انتي كمان قوليلي مراد اتفقنا
تقى...بإبتسامه تمام أتفقنا يا أطيب مراد في الدنيا كلها♥️
مراد...بإبتسامه لو قدرت أعدي عليكي بعد ما أخلص شغلي هجيلك عشان لو محتاجه حاجه
تقى....تمام ربنا معاك
مراد...يلا هشوفك بعدين باي
تقى....باي.
.............
وصل نادر ومريم لمكان جديد عباره عن بيوت كلها خشب شبه البيوت اللي بتبقى في الغابه كلها دور واحد وفيها أوضتين ومطبخ صغير وحمام بسيط ودي كانت تقريبا أقل ضرر وتقريباً محصلش فيها حاجه.
دخل هو ومريم وهما مش قادرين خالص.
نادر....مريم ادخلي بقى أرتاحي في اوضتك شويه انتي محتاجه تنامي
مريم....انا فعلا تعبانه جدا بس بصراحه يعني🙄
نادر...في ايه 🤨
مريم....بصراحه انا جعانه اوي😔
نادر...بضحك ااااه طيب يا ستي انا هروح اشوف حاجه ناكلها مع اني مش قادر والله انا جعان بس تعبان
مريم...طيب خلاص تعالي ننام وبعدين لما نصحى ناكل
نادر....لا لا خليكي انا هروح اشوف حاجه ناكلها كمان في علاج لازم نجيبه
مريم...طيب انا خايـ ـفه يحصل حاجه او زلزال تاني 🥺
نادر...بضحك وتعب 😂
ياستي اكتر من اللي حصلنا وبعدين المكان كله خشب يعني اخرك اجي اشيل من فوقك كام لوح خشب هتبقي زي الفل
مريم...بضحك على رأيك 😂
نادر...عايزه حاجه معينه تحبي تاكليها
مريم...تصدق بالله لو جبتلي فيران وصراصير بعد اللي حصلي ده هاكلهم وانا ساكته.
نادر...بقرف😒 الله يقرفك انا ماشي.
مريم...😂😂😂 سلام.
.............
وللحديث بقيه..