غسـق اللـيل

BART 21

نبدأ بذكر الله ﷽🤎✨

غسق الليل

قراءة ممتعة

⛔ لا تنسون التصويت

......................................

بقيت ارافس برجليه عاصر صدري بيده نهد حيلي وبعد ما بيه حتى اشيل ايدي..
ثواني بس حسيت اسنانه تاكل بضهري العاري.

بقيت اتنفس سريع رفعت راسي اريد شيء اضربه لمحت بس الصورة الجنت حاضنتها..
مديت ايدي اخذتها كلبت ضهري كدامه ابتسمت عقد حاجبه..

بدون اي مقدمات ضربته على راسه غمض عيونه الكزاز تناثر فوكي وبعض منها.
دخلت لجف ايدي اما هوه مغمض عيونه يغلط ويكفر دفعته برجلي.

وطلعت اركض لغرفتي قفلتها دنكت اخذت التيشيرت لبسته فتحت الباب لمحته بعده بمكانه طلعت وهوه طلع بنفس الوقت..

بقيت واكفه بمكاني خزرني الدم ينزل من وجهه ثواني بس وكع متكوم بالكاع.
بقيت متصنمه بمكاني مو مستوعبه الصار..

اشرد !!
هزيت راسي درت ضهري اريد انزل بس وكفت بمكاني خلي اللعب شوي وياه !؟
هسه فرصتي خلي يضوك شوي من العيشنيا ليش لا؟؟

تقدمت بخطوات شبه سريعة عضيت شفايفي دنكت سحلته من رجلي دخلت للغرفة
رفعت ضهري زفرت انفاسي جبت لاصق شديت اديي ورجلي..

لفيته لدرجة خلص الاصق حتى لا ينفتح نزلت للمطبخ جبت جداحه ورجعت
اخذت دولكه ترستها ماي بارد بعده على نومته ابتسمت بحقد..

شلت الدولكه وشمرت الماي علي فتح عيونه متفاجاء سرعان ما تغيرت ملامحه.
شبه ابتسامة مستفزة ضهرت على شفايفه مسببتلي رجفه..

مسحت وجهي تقدمت صرت كدامه ابتسمت وحجيت بصوت واثق

-: سبرايز شبحي !

اتسعت ابتسامته اكثر عضيت شفتي كورت ايدي وضربته راجدي على وجهه..
بعده مبتسم رجعت ضربته وضربته لحد ما تعبت ايدي..

وهوه مستمر بضحك دا يستفزني

شبح -: عروستي اعترفلج ما توقعتها منج ابد

- اممم ولا انا متوقعة من نفسي بس تدري الشغله مسلية وحلوه
هسه شنو رايك نزيد مستوى اللعب شوي؟؟!

-: زيدي عروستي

- اوك

كمت فتحت دكم قميصه مغمض عيونه مبتسم رفعت حاجبي تذكرت شغلة مديت ايدي لجيب
بنطرونه طلعتها مبتسمه خليتها على اطراف القميص وشكيته..

فتح عيونه هيج احسن اخذت الجداحه شغلتها وخليتها على بطنه دقايق مرت تقلصت
عضلات بطنه تنفسه عالي امشي الجداحه على نفس المكان الحركني بي..

وخرتها منه فتح عيونه حمرر للحضه كلت راح ينفجر عليه

شبح -: عروستي كاعد تزيدين عقابج

- خلينه بعقابك هسه

-: راح اغتصبج بعدها اضربج لحد ما اكسرج بعدها اعلكج من رجليج ونزع عنج ملابسج اضربج مية ضربة بسوط حديدي..

بعدها اجيب نفس السجين اكطع اصابعج اشويهن ووكلهن الج واخر شيء احفرلج كبر وخليج بتابوت من خشب ارشه نفط
اخليج بي وسده عليج وقبل لا اذب عليج التراب احركج اوف شكد حلو..

ضحكت هزيت راسي

- حلو بس ماعتقد تسويها تعرف ليش؟؟

-: ليش

- لانك واحد مخبل متعدد الشخصيات يعني نفترض تعذبني لنص وتوكف تكوم تبجي لو تكلي اسف سامحيني مو انا هذا الشبح ومن هذا الحجي..

-: اوفف عروستي صاير لبوه وما تخافين

- بنهاية لازم اصير لبوه حتى لا انوكل بسهوله صدكني راح تتعب هواي

هز راسه زفرت انفاسي اخذت السجين مشيتها على بطنه صعدت لصدره عوجتها
مسببتله جرح ينزف

- تعرف شغلة!!
انا ما فكرت ولا حتى مجرد تفكير اجرح شخص وما اتأثر.
او حتى اضربه او اقيده اشوف دم وما اتقيئ او اخاف ما فكرت ولا حتى للحضه..

بس هياتني دا اسوي هاي الشغلات وطبعآ الفضل يعود الك ستاذ شبح

-: يسعدني هذا الشي عروستي

صار لازم اروح دير بالك مني اذا ما لحكتني هسه وكفتني ساعتها انتَ بورطه تدري ليش؟؟
لان موضوع الصور ادري بي عن قريب راح يوكعن بيدي..

ونفذ وعدي اجي ازورك وأنتَ بسجن

-: وين رايحة؟؟

- لجهنم تجي وياي؟.

-: ههههه اكيد عروستي احنا ثنينه بجهنم سوه

- اممم صح يله حض اوفر

طلعت منطيته ضهري اسمع صوته يصيح بصوت عالي ما هتميت يستاهل نزلت رحت بتجاه الشاشه بصالة اكو يمها ميز جنه نخلي علي دفتر الأرقام نسمي اخذته بدون تردد
فتحت الباب وطلعت اركض

مشيت هواي مسافه وكفت التقط انفاسي فتحت الدفتر عيوني تتجول على الأرقام والأسماء.
عيوني وكعن على رقم أسمه الملازم عمران

تذكرته هذا الي جان ويانه بالمستشفى مالي غيره حاليآ بس منين اجيب المبايل؟؟
سديت الدفتر طلعت من الشارع ودخلت للشارع الرئيسي اكو سيارات..

واكو ناس قليله بقيت اباوع لمحت شاب واكف يخابر شكله مرتب تعديت الشارع.
وصلت يمه سد المبايل عاقد حاجبه يباوع عليه هز راسه واردف

-: خير خويه شتردين؟؟

تلعثمت

- اا شسمه احم ممكن مبايلك بس دقيقة اخابر بي ورجعه الك

-: ايي عادي بس غير اعرف على منو تتصلين ماريد مشاكل..

- لا والله ما بيها أي مشاكل مبايلي ضاع بس اخابر صديق بابا يجي ياخذني..

هز راسه ورد

-: تمام هاج

- شكرآ

اخذته منه فتحت الدفتر مد ايده اخذ المبايل رفعت راسي بسرعة حسبالي بطل بس ضحك وحجه

-: انتِ رديلي الرقم وانا اكتبه

هزيت راسي بديت اردله الأرقام خلصت ضغط على اتصال نطانيا اخذته منه.
ايدي ترجف دقايق مرت طفه وحده وماكو ما رد  رجعت اتصلت..

دقايق أيست اجيت ارجعه اله بس نفتح الخط وسمعت صوته يحجي

- الو منو وياي

دموعي بللن رموشي عضيت شفتي وحجيت بصوت مخنوك

-: الو

- منو؟

-: اانا ث.. ثمـار

صار صمت بس انفاسه ودموعي الـ نزلن مسبباتلي خيط من الماي على خدي.
مسحتهن وحجيت

-: تتذكرني لو نسيتني؟؟

- انتِ.. انتِ ثمار بت هشام صح؟؟؟

-: ايي اي انا فدوة اذا تحب بابا تعال اني بالشارع باقيه وما ندل أي شي ضايعة..

- انتِ ببغداد؟
ليمته اجيتي وشوكت امج وين تدرين شكد دورت عليجن؟.
امج كالتلي انا اتصل عليك وما اتصلت وين ر..

قاطعته احجي بصوت عالي

-: مووو وكتهه تجييي او لاااا

- وين انتِ اوصفيلي مكانج

-: مادري هذا الولد يمي راح انطي المبايل اله هوه يكلك وين بضبط

- نطي بسرعة

نطيت المبايل للولد اخذه مني وصفله المكان وسدا تشكرت منه كعدت على الرصيف.
مابيه حيل والولد بقى متاني وياي ما قبل يروح سبحان الله..

صدك اكو ناس زينه وكو ناس شينه مو الكل سوا بقيت بمكاني لامه رجليه نص ساعه هيج وكفت سيارة كبالنه..

نفتح الباب ونزل منها بس شفته وكفت بسرعة اجه يركض وكف كدامي احسه مو مصدك.
شال ايده ورجع نزلها بلعت ريك وحجيت بتعب

-: ماكدر اروح لبيتنه عادي ابقى بيتكم؟؟

- انتِ حقيقية يا الله لو تدرين شكد دورت عليج
بس ردت خيط يوصلني الج ولأمج.
ماكو كأنو فص ملح وذاب..

ابتعد خطوه وكمل

وينها امج؟؟

-: ااا لو سمحت اريد.. تاخذني لبيتكم محتاجة ابقى وحدي بعدين احجيلك كلشي..
بس مو هسه..

- اي. ايي اكيد تعالي صعدي اسف

هزيت راسي صعدت تجيت راسي للجامه السيارة تتحرك وانا مادري ليمته وصلنه.
لحد ما وكفت تحمحم وحجه

- احم تره وصلنه!!

رفعت راسي اباوع على البيت طابق مرتب من بره نزل ونزلت وياه
عاصره ايدي حيل فتح الباب صاح بصوت عالي

-: يمهههه شهددد وينكممم وياااي خطاار فوتي لا تستحين البيت بيتج..

دخلت جوه وبنفس الوقت اجتي بنية حلوه على وجهه ابتسامه تخبل.
وراها مره ما شفته بس من حجت عرفت صوتها بقيت متصنمه بمكاني اريد استوعب الصوت..

لحد ما صارت كدامي فتحت عيوني بصدمة وهيه هم

- يااا ولج فلك هاي انتِ يخوافه شجابج هنا..

-: اا خالة هاي انتِ عزا

عمران بستغراب
-: احد يفهمنه منين تعرفينها يمه؟؟

اجتي حضنتني وتحجي

- تعرفت عليها من اجيت لبغداد جانت كاعدة يمي كتلها تعاي وياي ما رضت وشردت مني حسبالها اخطفها..

-: ههههه لا والله مو قصدي بس لأن مستغربة المكان والناس..

جرتني من ايدي وكفتني كبال البنية وحجت

- هاي بتي شهد الكتلج عليها..

ابتسمت البنيه رديتلها الأبتسامه مديت ايدي اسلم عليها دفعت ايدي حضنتني..
وتحجي

- امي سولفتلي عنج صار عدي فضول اشوفج وسبحان الله اجيتي لبيتنه برجليج..
تشرفت بيج يا حلوه..

-: الي الشرف تسلمين

عمران -: اكيد هيه تعبانه شهد حبيبتي نطيها غرفة وملابس خليها ترتاح وبعدين نكعد نسولف حتى افتهم منها..

- ماشي يله تعاي وياي

-: ماريد اعذبكم وياي ماكو داعي لكل هل امور

ام شهد - روحي ييمه سبحي وبدلي ملابسج لا تحجين هل حجي احنا اهلج..

تنهدت هزيت راسي اخذتني البنيه لغرفة نطتني ملابس ودخلت للحمام..
دخلت جوه الدوش فتحت الماي عليه بقيت بالحمام هواااي..

رتاحيت لبست الملابس وطلعت نشفت شعري لفيته وخليت الشال على راسي..
بقيت كاعدة وصافنه بحياتي وشنو خطوتي الجاية؟؟

ندك الباب وبنفس اللحظه نفتح دخلت الحجيه ابتسمت سدت الباب كعدت كدامي وحجت بصوت مليان حنيه..

- يمه انا اول ما شفتج رتاحيتلج الله شاهد وعرفت قصتج طويلة ومبينه متعبتج الدنيا.
من تعابير وجهج الحلو هذا عتبريني امج وحجيلي شنو اليوجعج؟؟

يمه هيه تحجي وانا اشهك ضميت روحي بحضنها انا جنت محتاجة احد يفهمني
احد يربت على كتفي ويكلي انا افهمج وفهم تعابير وجهج وفهم الألم الأنتِ بي.
بقيت حاضنتها هواي بجيت لحد ما صدعت وراسي بقى يوجعني

خلت ايدها على كصتي وحجت

- يا يمه واچه نار يا خربيتي عليج نطرحي يمه رتاحي هسه اسويلج شوربة وجيبلج دوه بسرعة تفك عنج الصخونه..

حجيت بصوت خافت

-: لا بس اريد انام ماشتهي اكل

- غطتني وردت

- جا هوه بكيفج انتِ منين مرضتي غير ما ماكلة يا يمه تانيني هسه ارجعلج..

دنكت باستني من راسي وطلعت مسحت دموعي مسحت كل الافكار من راسي.
اريد ارتاح بس لو ساعه نص ساعه من التفكير والقلق..

مر وكت هستوني اريد انام نفتح الباب ودخلت بيدها صينية بيها كاسه شوربة وكلاص ماي
خلتهم على الفراش ساعدتني اكعد حتى اكل هيه وكلتني.

اكلت قليل ما شتهي طلعت وانا رجعت بدون أي مقدمات طكيتها نومه للصبح..

كعدت عيوني تناضر الساعة شهكت بصوت كامزه من مكاني الساعة بـ 10 ونص الصبح 
والله عيب شكد نايمة وانا مادري بروحي اصلآ دخلت للحمام غسلت وجهي.

وطلعت بره اسمع اصوات من المطبخ دخلت جانت بس البنيه اعتقد شهد اسمها بس شافتني ابتسمت بس احسها مو مثل اول ابتسامة تجاهلت هذا الشي..

رجعتلها الأبتسامه وحجيت

-: اسفة نمت مادري بروحي كثرت عليكم اني

- شهل حجي؟
حبيبتي انتِ ضيفه عدنه وهذا واجبنه..

هزيت راسي ورديت

-: لعد وين خالة؟؟

- منيه قصدج امي؟

-: ايي

- ها راحت تتسوك شغلات للبيت وملابس الج

-: عــزااا لـيش تره والله هيج هواي صارن ماريد اكثر عليكم اصلآ اني ما باقيه هنا هواي..

- حبيبتي انتِ عمران وصانه عليج ما يصير وبعدين احنا ما مسوين شيء لا تكبرين الموضوع
تردين تتريكين؟؟

-: لا ما شتهي بعد
اا اذا تردين مساعدة اني حاضره الهي نفسي.

- ليش لا تعرفين تطبخين تمن؟؟

-: اي اعرف سهل

- زين تعالي هاج سوي زلاطه

-: تردين اطبخ التمن؟

- ههههه لا انا سألتج بس ردت اعرف اذا تعرفين او لا ما يصير من اول يوم اطبخين تمن.
نبدي بالخفايف.

-: براحتـج
زين بس سؤال بلا زحمه

- تفضلي

-: زوجج ليمته يرجع؟

- يرجع كل مره بـ 12 بس اليوم عنده شغل ما يجي لليل او يبات الله واعلم..

-: اممم تمام

- تردين منه شي؟

-: ايي موضوع بخصوص وفاة بابا هوه جان صديقه...

- ها الله يرحمه

-: تسلمين

بقينه نسولف عشوائيات خلصنه الغده طلعنه بصاله دخلت علينه ام شهد.
محمله مسواك جايبتلي ملابس هواي شكد تفشلت ما قبلتهن بس هيه مصره..

كلامها وحنيتها تحسسني اني بتها وهيه امي فعلآ كمية الحنان البيها مو معقوله..
تغدينه وبقينه نسولف شكد مفتقده هيج شغلات ولمة الأهل..

رغم كل هذا حاسة بالخوف وحاسة بشي راح يصير اعرف كلش زين هوه مستحيل يتراجع.
ومستحيل يستسلم اعتقد هسه يدور عليه هل مره من سابع المستحيلات يلكاني..

خلص الوكت بسرعة طلعت بره جان الجو بارد والشمس محجوبة الليل مخيل على بغداد
اخذت انفاسي بخفوت زافره بصوت عالي

يارب ساعدني وكون وياي نفتح الباب ودخل بسيارته بقيت اباوع صف السيارة بمكانها.
ونزل عدل ملابسه رافع راسه بس لمحني وكف عاقد حاجبه..

ثواني تقدم صار مقابيلي حجه بستغراب

عمران - ثمار؟
شموكفج هنا فوتي لا تتمرضين مره ثانيه.

-: لا حلو الجو خليني اريد اتنفس شوي ختنكت من حيطان البيوت..

- انا اسف ما صار مجال نحجي شغل فوك راسي وفوكاها اليوم زاد الشغل قاطات.
تعبان ونعسان بس اذا شيء مهم تعاي نحجي جوه هنا بارده..

-: لا لا مو هسه لعد خليها على باجر لازم ترتاح وبالك صافي وانا موجودة ما راح اروح لمكان ان شاءالله اني باجر احجيلك كلشي..
صار وياي وأتمنى منك تساعدني انتَ الوحيد التكدر..

اخذ نفس فارك وجهه وحجه بتردد

عمران- تره انا عرفت امج ميته

-: منين عرفت؟

- عرفت معليج المهم هسه لازمنه كعده تحجيلي كلشي بيها صار وياج
وانا بيدي راح اتابع قضية امج الله يرحمها بعد شتردين؟؟

هزيت راسي مسحت دموعي الي صايرات يوكعن بدون ما اعرف مد ايده متردد مثل اول مره بقى ثواني تحرك حاضني بقوه..

بقيت جامده بمكاني وهوه حضني وحجه بصوت حنين..

- انتِ امانة عدي وهذا وعد مني حاسبج حسبه بتي بعد شتردين اخذلج حقج وحق اهلج.
واحد واحد.
باس راسي وخرني منه وكمل بابتسامة

خلي ننسى الماضي وهسه احنا بالحاضر عيشي حياتج وعيشي اليوم بتفاصيله.
ليش من اول ما شفتج لحد هاي اللحظه عيونج بيهن حزن.

ودموع لون وجهج مخطوف وجسمج ضعفان اول ما شفتج ما عرفتج تصدكين؟؟

-: ههههه تصدك ما الومك اذا اني من اباوع على نفسي ما عرف منو..

- الله كريم
كلشي ينحل هسه تعاي جوه لا تبردين

هزيت راسي دخلنه سوه لاكتنه شهد بابتسامة اني نسحبت بهدوء دخلت لغرفتي.
سديت الباب شامره جسمي للفراش غطيت جسمي وكعدت افكر!!

لازم ارجع ادرس رغم الضروف ما لازم استسلم الدراسة اهم شي

هيه الراح تفيدني بالمستقبل بين التفكير بأشياء هواي اخذتني النومه..
كاعده الصبح على اصوات عاليه وصريخ كمزت من مكاني راكضه بره..

وكفت بمكاني وانا اشوف عمران لازم شهد من شعرها هيه تصرخ وهذا يضربها..
غمضت عيوني جسمي رجف وكل الذكريات داهمتني..

الضرب!.

الأهانه!.

الأغتصاب.

العنف.

كلشي مر عليه مثل الشريط صرخت بدون وعي مني

-: كااااااافي عووووفهااااا

كلهم لتفتو عليه فاتحين عيونهم بهاي الساعة بعد ما حسيت بشي بس السواد.
وكعت من طولي للكاع سمعت اصواتهم بس اني فعلآ رحت لغير عالم...

..............................................

يتبــــــــــــع

⛔ صوتو وعلقو بأي شيء

تصبحون على الف خير ✨

الكاتبة ميـان 🤎