مساء الخير .....♡
#جمر_الانتقام ♡
بقلم الكاتبة شيخة ♡
°°°°°°°°°°°°°°°°°°°°°°°°♡♡
يافاتِنٌ الحُسِن إن الحُسِن يأسُرّنِي
كَالبدُر وجُهكِ والعّينيّن تَسحُرني " .
♡♡°°°°°°°°°°°°°°°°°°°
شيخة::- حسيت بيه تقرب وخلة راسة بركبتي يتنفس بقوة بسرعة دفعته عيونة حمرة ويتنفس بقوة بعده صافن رفعت اصبعي بتحذير والله بعد اذا تتقرب مني اذبحك
شفته يرمقني بنظرات ماعرفت افسرها
اسد::- لا والله تذبحين وتصلخين وبعد وانتي مابيج راشدي
::- دير بالك بعد اني من النوع احذر وانفذ فاحذر ردت اطلع جان يصيح ويقلد علية
اسد::- تعاي وللج دمشي لمي الغراض لابجلاق اوديج لامج يلاااااا تحذر وتنفذ علمود اش**
شيخة::- شبيك ياعيني شنو هلحجي من احجي وياه تلين ملامحة
اسد ::- ولج بوية شلون بيج يلا حبيبي امشي لمي الغراض بدون نقاش
لميت الغراض بسرعة وهوة يباوع
علئ الاقل تكلي من تريد تروح مو تطنش
اسد::- ولج هوة منو الرايح ومنو كلج اروح شو جاي تمسلتين
شيخة ::- مجاي امسلت امك هية الي كالتلي
ي اروح بس مو هسة يلا يلا
يصيح وحسباله بس هوة صوتة ويتامر كتلة
شيخة::- لاتصيح مو بس انتة تعرف تصيح احنة هم نعرف والله بعد اذا تعلي صوتك يمة شفتة تقدم مرة ثانية واني صرت من جهة الباب وطكهة بركضة
-:صاح ها الجبانة ويضحك ..
-.واجة وقت العقد وهوة بعده مغنتب جانت اسعد ايامي بيهن
عقدنة وطلعنة من المحكمة جان ابويا وياي من رجعنة كانوا مسوين عزيمة كلشي مسوين تباركولنة مدو السفرة بالكاع لان جدي صاير ميقبل نكعد ع الطاولة جانت خالاتي جايات ولان بنات عمهم هنة عزمهن جدي لان بنات اخوتة اجيت اكعد ماكو مكان اسد سوالي مكان وطبطب عليه بمعنئ تعاي فجدي سوالي مكان بينه وبين عمي الي هوة ابوه اني ع الاعناد كعدت يم جدي
الجاسر ::- ماتاكلين جدي شنو جنج طويرة
ابو اسد ::- يابه عوفهة تاكل ع راحتها وحضني
-..اباوع ع هذة يخوزر بدو يكوم ويخنكني
عمو كام يفلسلي السمج ويخلي بماعوني شو هذة من مكانة
اسد ::- يابة خاف بيه سل السمج لاتنطيها ماتحبة
ابو اسد::- لااعرف لاتخاف
اخر شي من خلصنة رحت يمهم وصبو جاي وعمو كامو يحجون ع المشاكل والسياسة اخر شي كالو اسد شوكت قررتو تسوون العرس بسرعة جاوبه
بعد سبوعين أني نصدمت !!!
عمامي من النوع الفرفوشيين فعمي حضني وكال يحظك يااسد عندك هذا البياض والخدود
رفع راسة وسحبني من ايدي عليه كالة
اسد::- سالمين يابة خوماكو شي شسالفة خنكتهة دوخرها
ابو اسد::- بنتي انتة شلك شغل؟؟
اسد ::- واني مريتي شنو شلك شغل ووانتة حاضنهة ع شوية تختنك
عمي كله خب كوم هاي عزيزتي عمي لان ماعدنة بنات فيحبني
شيخة ::- اني طنشتة شوي واجتني رسالة من عندة كاتب
خمس دقايق خمس دقايق ياشيخة اذا ماتكومين اجي اشيلج واصعدج يلا لو فرحانة يتغازلون بيج القزمة ربانزيل يلا
كتبتلة كمت كمت شبيك؟؟
صعدت ثواني وانتفتح الباب برعب!!
اسد ::- زعلتي
شيخة ::- ع شنو ازعل جاوبتة بدون اهتمام كال
اسد ::- عازمج اليوم ع مكان يخبل
شيخة::- اوكِ
اسد::- شنو اوك كانو معاجبج
يحجي ومخلي راسه بركبتي وانفاسه كلت راح اوكع ثبت خصري بين اديه كال ليش ترجفين
ونصدمت من باسني وبعدين باس راسي بيومها راح كعد ع لسريري وكال لاارتكب بيج الفاحشة ولو انتي هسة مرتي بس اني انسان صائم مصلي مطيع لله
شيخة::- هلا هلا بابو الفاحشة المصلي ابو القميص المفتوح كان قميصة مفتوح ع النص
كال ها عجبتج
::- اي والله مرات احسك بيرفكت ومرات احسك شرشبيل الي وية السنافر
اسد ::- انعملة عليج سويتيني ابو السنافر القزمة ربانزيل تخيلي الي شافوني بالمحكمة عبالهم جاي يعقد البنتة من كدما كصيرة
شيخة ::- خلي شماحجو يحجون لايقدمون ولاياخرون
اسد::- ليش واكفة القزمة تعاي نشوف شنو قبولج
شيخة ::- تقدمت عليه اشوف قبولي وهوة يملي بالاستمارة مالتي وطلب الرمز
ها بشر حمامة غراب
اسد ::- افا بس اني يمج واكو غراب لويجي يمج اكلبة حمامة لعيونج
دقايق وطلع قبولي...
شنو
اسد::- طب اسنان طلعلج
شيخة::- يعععع ماريد ماريد محلو كعد يقنعني
اسد::- شنو ياروحي الايعع شوفي اني شنو جان حلمي وشنو طلعلي ياحبيبة كلبي الله عزة وجل يكول وعسئ ان تكرهوا شئ وهو خيراً لكم دائماً اومني بمايكتبه الله الج شوية قنعني بعدين كال مو باجر عكبة تحضرين روحج نروح نقدملج لان طلع قبولج بكليتنة
شيخة ::- اوكي
اسد::- شنو الاوكي ترة مامقتنع والله حلو القسم الي طلعلج
شيخة ::- لا عادي
اسد ::- أهم شي راحتج يراحتي خاف ممقتنعة وادخل بخطيتج واني إلي مليت الاستمارة الج
شيخة ::- بست جتفة
اسد ::- هالله هالله يعني هايهية مقتنعة
هزيت راسي موافقة
شيخة::- تفاجئت من باس خدي وحجه
اسد ::- خدج ابيض جنة سيراميك بحيث يزحلك شفتي من خدج لهنا وهوة ياشر ع شفتي...
شيخة ::- ها اسد كوم يلا اريد انام والله باس طرف شفتي وكال
اسد ::- بالگوه لازم گلبي والله .
شيخة ::- سلامتو الكلبك يكلبي
اسد::- ولك بوية ابنك راح
شيخة ::- شو هذا انتة كاعد كبالي وين رحت
اسد ::- يافهاوتج بس احبج يلا عادي
شوي وكالي يلا نامي تصبحين عالخير يوجه الخير كتلة وانتة من اهلة غطاني وباس راسي طفة الكلوب وسد الباب
اجة يوم التقديم لبست فستان احمر والردان ابيض والحجاب ابيض وكعب اسود نزلت كتلهم صباح الخير كلهم ردو كتلهم وين اسد رد جدي
الجاسر::- خابرني يكول انتضرج بالحديقة جدو لاتتاخرين
شيخة::- حاضر جدو طلعت لكيتة بالحديقة منطيني ضهرة يعني مايشوفني ولا حس من فتحت الباب لابس رسمي قميص وبنطرون تقدمت عليه يلعب بتلفونة وكفت كدامة كتلة
صباح الخير رفع راسة بعدني شوية عنه
وكال شنو هذة لبسج
-..شيبه ؟؟!
لا عيني ابد مبيه شي اصلاً مال كح** شوفية شلون ضاغط ع جسمج وحتئ مبينن ست**
شيخة::-شبيك اساد شنو هلكلام فدوة ممتعلمة هيج
اسد ::- لا تعلمي بعد منا وهيج
وهسة امشي غيريه
الله عليك بس اليوم شنو شبيك حباب سويت روحي بريئة اريدلي حجة عليه ماكو
اسد ::- ديلا بعد متشترين هيج ملابس ولا اكول اني اشتريلج بعد منا وهيج
شيخة ::-عادي يروحي الي يريحك
يلا اصعدي
صعدت وكتلة
صباح الخير ..
صفن بوجهي شوية بعدين ضحك كال صباح النور
حتئ نسيتيني دربي بالاحمر مالج لا وذاكة السمائي الابستة
عزززززة اساد (اني الفظ اسمة هيج) شنو هاي والله حنزل
كام يقلد علية
عززززززة اساد لو تشوف ذاكة السمائي
سكتت ودرت وجهي ع الجامة لان كلش ميستحي
وصلنة بعدة منازل كتلة صحت بصوت
اوكف شنو هذا قميصك عبالك بس انتة تحاسب والله ماتنزل هيج
شبيجج فززتيني حتركت روحي ..
والله متنزل هيج
بس كليلي شبيج شبيه القميص
شدعوة فاتح الدكم هيج
حاجاني وهوة يسد بالدكم خبلة والله خبلة ومن احجي محد يصدكني
.. ي ياعيني لاتاخذ برد لتتمرض ..
....ههه هوة وينة البرد بس انتي معطبة يلا الفصمة انزلي
شنو فصمة؟؟
والله فصمة وجاي اسجلها انتي لو يرجعوج لروضة احسن
يي يلا مدلي ايدة لزمت ايدة بقوة وهواي اكو بنات وولد جاي يسجلون وهوة لان يعرفوه بسرعة سووهة الة واكلة الكلبي كلساع هذا الاحمر الا اكصصه بس نرجع لا والابيض الابستة بلون خدودها بتل بتل يحجي بهمس هسة من اصمط الجاسر احد يكلي ليش نوب لابسة سمائي
اني بس سكتة لحد موصل اللسمائي صحت اووو بسرعة دار علية
ها خير
لابس الجو حار ودخت
كعدني وراح جابلي عصير وكيكة كال اكلي اكلتهم بلا شوية عدلت كاعدة وهوة صاير مثل الضل واكف فوك راسي نطيتة عصير كالي لا ماريد قرب عليه
غسل وجهي ويحجي
خرب جدج شوف الخدود من الشمس صارن طماطة نوب نزل لشفتي وهذة الكرز راح يموع
شيخة ::- اساد كافي
اسد ::- صايرين يابة صايرين كافي كافي كال يلا عازمج ع شي
شيخة ::- شنو الله عليك
اسد ::- كومي وانتي تعرفين
شيخة ::- ماكوم يمكن تريد تغتصبني تسويلي شي رجعني لبابا
اسد ::- ابوس عقلج اليفكر شلج ببابا وانتي يمي ....
شيخة ::-كافي شقا وين ماخذني طنكرت
اسد::- لمكان يلا كومي موش لسان عندج برنو رشاش لخاطر ربج
اخذني لمكان شبه مهجور اسد وين جايبني
اسد::- اغتصبج
شيخة::- ترئ كلش ماتحمل شقئ كافي رجعني للبيت حباب
اسد::-جججج انزلي
نزلت ونزل سلاحة وياه
كال شبيج خايفة تعاي رحت
مخايفة
اعلمج الرمي شبيج وجهج صار اصفر
شيخة::-والله طبعاً جان حلم من احلامي وهوة يعرف انو اتعلم الرمي
شلون
معليج تعاي واني اعلمج
تقدمت ناحيتة وهوة صار بضهري قرب انفاسة لناحية خدي ضغط ع ايدي حيل كالي
..شبيج روحج مسحونة يروحي الزمي حيل يحيلي ..
لزمتة وضغطت وعساني مضاغطة رجعت ليورة
صاح
__عفية عفية بالفاهية مالتي لج الزمي حيل راح يطيح من ايدج
علمني وجانت احلئ يوم بعمري
عازمج علئ مزكوف
تعرفني مااحب المطاعم وهلهوسة فدوة ( من خطبنا لحد هذا اليوم وهوة قلل من وهواسي وجودة ينسيني كلشي )
بس اليوم اريد اروح اني ومرتي يعني ترفضين ترة جوعان كلش والمكان شرط بس اني وانتي بيه وصلنة لمطعم جلساتة عربية كلش حلو
يلا تغدينة من حس علية كلش تضايقت كالي امشينا
طلعنة للسيارة وهوة وراية بس الموبايل بيدة
انتابني الفضول وسائلته
..منو اتصل عليك؟؟!
جدي وابوج وامي كلهة بس جان صامت
اها
اتصل ع امة وجان الاتصال مفتوح بالسيارة
اول موكال
الو
اجة صوت ماما شفئ (امه)
وهية تحجي
ولك اسد يمة وينك هذا جدك يكول اخذ البنية وبعد مايرجعها شنو ولك بس لا سويت الابالك ولك يمة والله اتبري منك ترجع البنية هسة جدك وابوها كاموا يصيحون
شبيج يمة شمسوي غير مرتي شنو اخذها وين ماخذهاا الخاطر ابوج يمة شنو هوة البالي لهل درجة متوقعت والله لتفت عليه وعاط ماتحجين انتي
الو ها ماما لا جايين للبيت بس جنة نتغدة صدك تاخرنة للستة يلا وصلنة
شيخة ::- اكول شنو الي بالك
لتفت علية وخزرني خزرة كلت لو ساكتة احسن والله
شيخة ::- ياعيني علشنوو هيج معصب ريلاكس ريلاكس
اسد ::- ماتسكتين لاانعل ابو ريلاكسج لخاطر الله شنو من مرة شنو هذا السان العندج لككك لككك لككك
يا انوب نفتحت شفرتة علية والله حقة اذا همة نزلو دوسة ونص الله هيج اني صرت عزيزة
اول ماوصلت لكيناهم بالحديقة حتئ عمتي وبيبي وبناتهة طبب السيارة نزلت بسرعة بابا حضني حيل مادري شحسيت من شعور
اجة احمد اخو اسد كال
الله يربانزيل يماي العين
خبصونة عليج
كتلة شبيه جدو
خبصانة اخذة ماي العين واخذة ماي العين اليسمعة يكول ماخذ قرعة لبيت الله وهوة ماخذ القزمة
ضربتة ع بطنة وضحكنة
نزل اسد وهوة عاكد حواجبة وفاتح الدكم اذا اروح اسد الدكم هسة يكول وكت غيرتج دوخري شوية وجدي صاح اسد اريدك بالديوان طب شوية وسمعنة صوت اسد يصيح ....
وللحكَاية بقية ....♡♡♡
....قال لها احبك؟
ــفقالت له شڪرا
قال لها رد الحب ڪرد السلام
اما بمثله اꪆ باحسن منهه
ــ اجاابــــٓــت
وعليك الحب ورحمه العشــــٓــق
ونبضاتهه ..! ♡♡♡
مشتاقتلكم والله ...