قريري العيون

البارت السابع وعشرون

مساء الورد والياسمين عليكم فراشاتي 🦋🖤

قريري العيون

بقلم زهراء علي

ممكن تعليق للفقرات وتصويت+متابعه

مشاهده ممتعه
"""""""""""""""

ورده

ضليت لعبانه نفسي ودايخه

ثاني الصبح كعدت من النوم كلش مسطوره

كبل رحت لحمام وكمت اتقيئ
حسيت روحي رادت تطلع

رجعت للغرفه وتمددت علئ جربايه
شويه ارتاحيت ونزلت

مر اليوم عادي وسلام نزل وصل ساعه ١٢ الضهر

بس سلم على أهله وصعد فوك
عمتي تاشرلي اصعد وراه
صعدت وراه
لكيته بلحمام
راح سبح ورجع للغرفه

سلام: اريد اكل جوعان

ورده: حاضر هسه

سلام: جيبلي هنا مابيه حيل انزل

ورده: اي

اباوع عليه مبين تعبان كلش حته نكسر كلبي عليه رغم هوه ياذيني بس مايهون عليه اشوفه تعبان
ايده بيه جروح واصبعه الابهام صاير ازرك كله

نزلت حضرت الأكل وصعدته فوك لكيته نايم

ورده: سلام سلام جبتلك غده

سلام: ماريد اريد انام

درت وجهي اريد اطلع

سلام: ورده

ورده: هااا

سلام: تعاي

خليت الصينه بلكاع ورحت يمه
مد ايده وجرني عليه خلاني بحضنه وكام يشم بركبتي

حجه بصوت خفيف أقرب للهمس

سلام: ليش اشتاقلج هواي لمن اكون بل دوام

ريحة جسمه حبست أنفاسي وردت اتقيئ منه رغم هوه ريحته حلوه

فلتت نفسي منه وركضت للحمام
كعدت اتقيئ
اجه وراي

سلام: شبيج ورده

ورده: ماعرف من امس على هاي الحاله
بس اشتم شي نفسي تلعب وكوم اتقيئ

حجه والابتسامه شاكه حلكه

سلام: صدك والله

ورده: ليش عود هيج تضحك وفرحان

تقرب عليه ولزم ايدي

سلام: لا ماكو شي سلامتج تعاي ارتاحي
والعصر انا بنفسي اخذج لدكتور

كلت بكلبي شبيه شو متغير صاير زين ان شاء الله تبقى دوم هيج هادي وطيب

للعصر كعدت من النوم لكيته نازل قبلي
وكاعد وي امه وابوه

بس نزلت عمتي باوعتلي وعيونها تلمع بفرح

ولوجه مفتح من الضحكه والفرحه

ام سلام: هلا هلا عمه كعدتي

ورده: اي عمه

حجت عمتي بضوجه

ام سلام: ليش متكليلي حامل يعني انا اخر من يعلم بهذا البيت

مثل صاعقه نزلت عليه من سمعت عمتي تكول حامل
حامل شنو يعني راح يصير عندي جاهل شلون يعني مفهمت ومجاي استوعب عقلي يرفض
يعني انا بطني طفل يعني راح اصير ام
اهلي اذا سمعو شنو راح يكولون عليه
اجيت ابجي

ورده: شن شنو حامل منو كال

ام سلام :سلام يكول تلعب نفسج وتتقيين ورواء تكول شميتي ريحة الجبس ولعبت نفسج منه معناتهه حامل صلاوت علئ محمد وال محمد

سلام الضحكه شاكه حلكه ويباوع عليه وكل شويه وكال لعمتي كومي خلي ناخذهه وشوف وليدي كاعد ابطن أمه لوبعده مجاي

ماعرف شنو الي صارلي وتمنيت اختفي من يمهم
ماحجيت ولا كلمه واحس لساني نعكد وأريد استوعب ماكدر

مريم و رواء طايرات من الفرح. ومريم تكمز

سلام:حنوشه صعدي جيبي محفضتي من فوك
خلي نروح للتحليل

ام سلام: يله كومي بدلي بسرعه

صعدت بدلت وانا ادعي كون مو حامل لان ماكدر أتقبل انو انا راح اصير ام اشوفها شي صعب
وعيب انا اخاف شلون اجيب شلون اكضه من يبجي شسويله خاف يطيح مني ويموت لا يمه مارريد

اخذنه سلام انا وعمتي

سحبوا من ايدي دم. وسلام. لزمني كوه ضاب ايدي قوي وانا اريد ابجي الا شويه جر الردن ونزله على أيدي كعدنا
بغرفة الانتضار
وسلام لازم جف ايده ويمشي بأصابعه عليه
بس التفت الكاه يباوع عليه ويبتسم اباوع عليه ومتعجبه مامصدكه هذا سلام خوفوني هوه وامه كل يوم يتغيرون شكل

تقرب عليه

سلام :امووت عليج وردتي الفاهيه

ورده :عيب سلام لا أحد يسمعك

سلام: وأذا سمعني لا عيب ولا حرام وليحجي أشك حلكه

ورده: سلام ليش ماتصير هيج طيب بلغرفه مالتنه ليش تضرب بيه

سلام: ورده ماعرف يجوز لان كل شويه نتلاسن بل حجي
وإنا اجي تعبان وماتحمل اي شي

سكتت ومحجيت. ابتسمت علئ دلعه هههه وردتي الفاهيه هوه صح عيب عليه بس شو حلوه تقبلتهه منه

شويه وصاح بأسمي
وسلام طفر قبلي
نطاه الورقه وكال مبروك حامل
إنا سمعت هيج لو احس نفسي
جمدت ماعرف شصارلي
عمتي باستني وباركتلي وباركت لسلام
رجعنه و سلام طاير من الفرحه وعمتي هم
مرت عمتي على سوك وجابت جكليت
سلام يدلل بييه ويكلي شنو تردين شمشتهيه
بس اني فصلت ولا بالي شي
وتمنيت سلام يبقى هيج ومانرجع للبيت ويتغير عليه

رجعنه للبيت
والبنات واكفات بل باب منتضرات الخبر
طبك السياره سلام ونزلنا ورواء اجت تركض

رواء: ها بشرو

سلام :ههههه راح تصيرن عمه

رواء: صددددك مبروك اخويه حبيبي مبروك ورده عمري مبروك اني لان راح اصير عمه

الكل فرحان اله انا

لليل عمي اجه وعمتي كلتله وطار من الفرح وصاحني وبوسني
ابو سلام: سلام من باجر تبلش بل عقد

سلام : اي يابه ان شاء الله

بليل صعدت لكيته يحجي بتلفون
بس طبيت سد تلفون كبل سئلته علئ نياتي

ورده: سلام ويامن تحجي

سلام: وي ابوي شعليج انتي

ورده; عمي يكول خلي سلام يطلع من وكت علمود لا يتأخر

سلام: عقد ما اسوي ولا سطرين رأسي مالي خلكج انتي وعمج والعقد. و شسوي بيه العقد هم بطرانه انتي
يله طفي الضوه وممنوع ضلين تحوسين اريد انام

تعجبت منه ليش رجع تغير ضل اسلوبه يجوي بگلبي

ثاني الصبح عمي عرف مارحنخ للمحكمه علمود العقد وشكد حجه على سلام وحته طرده من البيت وعمي تخربط
لان سلام يكله ماسوي عقد
وشتريد سوي سولفتلي رواء لان انا بيومها تعبانه ماكدرت اكوم من الفراش
سلام بقى بره البيت ٣ايام

إنا حالتي تعبت ولوحام ماخذ عافيتي كله

سلام رجع للبيت لان عمي دز عليه عتذر من عمي وكله ان شاء الله اسوي العقد بس انزل مره ثانيه

صعد فوك بل غرفه
ام سلام: خلي صحن فواكه وصعدي وره رجلج عمه

رحت اجهز الفواكه بلمطبخ وعذراء اجت مسيره
اسمعها تسلم وتتلوك لعمتي والبنات

بعدين كالت للبنات خلي نصعد فوك

انا راسا كلبي نغزني كلت هسه تدخل للغرفه وسلام موجود

كملت لبيدي بسرعه بسرعه وكلت خلي اصعد وراه
جاي اطلع من المطبخ ولاكاني سامر

سامر: فدوه ورده هاج هاي حبشكلات رتبيهن لان يمي ولد اصدقائي يله اختي بسرعه البنات شو ماكو

طلعت صحون التقديم وخليت بيهن الشغلات الي جايبه سامر. ورتبتهن بصينه شويه جبيره

سامر : كملتي عفيه اكلج عدنه كهوه جكليته

ورده: ماادري هسه اشوف

سامر: عفيه اذا اكوو سولينه
إنت بقيت حايره وعقلي وكلبي كله هناك ردت اصيح على رواء تسوي

وبعدين كلت اخاف سامر يرجع وعيب منه شيكول كتلها وراحت تتآمر على رواء فشله

سويتها بساع ومخلينهه تغلي على طباخ وكلبي يفور ماعرف شبيه
احسه يفور ويغلي اكثر من الكهوه
حضرت اكواب وصبيته وسامر
اجه أخذه وانا كبل صعدت اركض

غرفت سامر مفتوحه شفت مريم ترتب بل كنتور مال سامر
ورده: وين البنات

مريم :رواء امي صاحت عليها جوه بلترك اطلع الماطور ابوي يريده

كلبي عصرني
ورده: عذرا وين

مريم :راحت تسلم على سلام تكول مشايفته هاي الفتره

ركضت. قبل لاتكمل كلامها فتحت الباب وشفت صدمة عمري سمعت شي عمري مراح انساه لحد هذا اليوم من اتذكر تحفر بيه حفر

شفت سلام واكف وحاضن عذراء
وهيه تكله شوكت تحبلني لعد اني وحد

كلمتها صارت بلحضه الي فتحت. بيها الباب

ضليت مسطكه بمكاني لساني نعكد عيوني غوشت لحضات مرت عليه بس احسها صارت عليها سنه
هوه كبل دفعها وضل مرتبك

هيه وجها صار اصفر وطلعت تركض

باوعت عليه بصدمه وشفت كل ركبته آثار
وصدره بيه اكثر من أثر مثل الي يطبعها على جسمي اذا باسني

لحضات مرت عليه حسيت بل إعجاز إعجاز كامل ولا حركت ساكن
ردت احجي بس كل الكلام ضاع مني
هوه تقرب عليه وعروك جبينه طاكه عيونه نطعنت حمر

سلام :ورده خلي افهمج

شمرت صحن الفواكه وخليته ترس الغرفه طلعت اركض لغرفه لبنات وانا مصدومه من الي شفته وسمعته

هناا أدركت كل حياتي نتهت
هنا حسيت اني تنهيت هنا حسيت تحطمت وتحطم كلشي بداخلي. نصدمت صدمه عمري
ونكسر كلبي. نعدمت كل ثقه عندي
ألاف الأسئله ازداحمت بعقلي. وعقلي مايسعفني بجواب مقنع

كرهت سلام وحقدت عليه حقد بس الله يدري بيه
بقيت مصدومه حته الكلام ميطلع من لساني
بيه شكد حجي بيه شكد عتاب بيه شكد شكاوي بس لساني نعكد. وماكدرت انطق بحرف
وره فتره اجن البنات يمي ويحاجن بيه يسئلن شبيه

إنا بس اباوع عليهن ماكدر احجي

بس دموعي تجري

روأء: كومي مريم نزلي

مريم: ليش انزل شبيها ورده

رواء :انزلي روحي يم امي وانا بعدين اكلج بس موتكولين لاامي ورده تبجي

مريم: لاماكول. نزلت مريم

رواء :احجي ورده شنو شفتي انتي هذا وضعج وعذراء نزلت بسرعه راحت

انا ساكته

رواء: ورده. احجي شبيج سلام طردج من الغرفه مووو

هزيت راسي الهه بمعنئ اي لان ماريد اسمع ايي بشر ولا شوف احد

رواء: ورده حبيبتي لاتبجين موزين عليج هسه يتحسف ولله ويجيج يريدج تجين يمه ناميلج شويه رتاحي راح انزل ابوي طلعلنه شغل من جوه الكاع اليوم طلعت رواء

وذبيت روحي بل كاع وكمت ابجي بس الحركه مطلعت من كلبي وصار الليل ومانزلت رواء كايلتلهم دايخه ونايمه صعدتلي عشه كلشي مااكلت بقيت لصبح كاعده
ومانمت
ثاني يوم كلت الرواء
ورده :اروحلج فدوه خليني هنا وحدي بل غرفه لا أحد يدخل عليه
وأذا احد سأل عليه كولي ورده تلعب نفسها من ريحة المطبخ والطبخ

رواء : ان شاء الله بس شنو صاير غير افهم

ورده: بعدين رواء فدوه روحي هسه

راحت رواء سديت باب الغرفه عليه وبقيت كاعده ومخليه راسي بين رجليه
مديت ايدي على بطني وكلت ياربي دخيلك ماريد ابني يجي على دنيا وابوه واحد. خاين وعنده سوالف مكسره وواحد حقير وماعنده لا ذمه والضمير
شلون بيه ياربي شلون راح اخلص من سلام وابنه بين احشائي
ياترى اهلي راح يقبلون اطلك من سلام لو عدهم مستحيل هاي السالفه
اهلي واعرفهم الطلاك ورفض الزواج عدهم مشيول من قاموس حياتهم التطلك مثل العار عدهم

بقيت حايره بدوامة أفكاري وعقلي تعب من كد التفكير
بقيت النهار كله فوك
سلام بعد ماشفت وجها

نزلت ثاني يوم وعمتي كالت

ام سلام :ها ورده اخذج لدكتورة لان مبين عليج تعبانه هواي

ورده: لا عمه ماروح مابيه شي بس نفسي تلعب ريحه الطبخ
هيه بقت تلح عليه هيه والبنات
رحنا لدكتوره العصر
سجلتلي علاج وكالت حملج زين وكل 29 بالشهر تدخلين بشهر جديد وتعاي مراجعه كل شهر اشوفج

طلعنا من الدكتوره سامر الي أخذنا
لان سلام تحجج ضهره يوجعه وميكدر
وانا كلت احسن مالي خلك اشوف وجها

بس وصلنا للبيت وشتميت ريحه الطبخ لان رواء مسويه عشا
متحملت وكمت اتقيى

عمتي خطيه ضلت تحوم هيه والبنات عليه

صعدت فوك بغرفة البنات تمددت حته ارتاح

اشويه ورواء اجت كالت ابويه كلوله ورده مريضه وراح يجي يشوفج كومي بسرعه للغرفه

شهكت وكمت بسرعه حتلو مااريد اشوف سلام بس عيب من عمي شيكول شعدهه هنا مو بغرفتها

دخلت للغرفه مالتنا ونصدمت بل هوسه الملابس مشمره الجربايه طاكه عليها عبوه ناسفه الكطوف مال جكاير ولباكيتات مشمره
باب الكناتير مفتوحات تعلاكه الملابس واكعات
الغراض الي على لميز كلها مشمره بل كاع الغرفه هوسه وتلعب نفس وريحه كريهه

هوه تفاجئ بيه من اجيت للغرفه
وباوع عليه

طلعت من الغرفه لان مستحيل اخلي عمي يدخل ويشوف شكل الغرفه

كبل نزلت وهمزين بعده جوه يحجي بلتلفون
هوه من شافني سد تلفون

ابو سلام: هلا بويه شلون صرتي صدك مريضه

ورده: الحمدلله عمي صرت زينه. مابيه شي لايضل بالك

ضليت كاعده جوه عمتي كالت لاتصعدين وتنزلين كلساع موزين عليج
شويه ونزل هوه سابح مابودي اباوع بوجها كارهته كره خاصه من شفته ويا عذراء

صعدت من وكت حته انضف الغرفه خاف يرجع

اجت رواء وياي تنضف وهيه تحجي

رواء: صدك جذب شجاه سلام هذا النضيف هيج يسوي

مرن جم يوم انام يم البنات مره صعدت عمتي ولكتني يمهن رواء كلتلهه تلعب نفسها من ريحة سلام ضلت تضحك وكالت انا بسامر هيج صار بيه

ضل من يطلع اتأكد من سيارته تحرك يله اروح للغرفه ارتبهه وعطره وافتح لشباك وأغسل ملابسه ماخلي اي شي

بس هوه ابد ماحاول لااجه حاجاني ولايسئل علي فكه علساس انا ميته عليك خلصت اجازته ولتحق
عذراءابد ماشفت وجها وكامت ماتجي من ساعتهه

سلام
وجع براسي دمرني رحت للدكتور وشكد اخذت ادويه مافادني ولاصارتلي جاره

من اكون بل دوام أشتاق لورده
ودي افتح كلبي واخليها بيه واندم لان اصيح عليها

عذراء رجعت كل يوم تراسلني من رقم جديد
إنا ماارد عليه
شكد دز رسايل انو هيه ندمانه وانو هيه محبت غيري وانو ابوها وأمها جبروها على زواج ومن هل حجي الي ميخلص
بس من انزل ماعرف راسا ارد على رساله وابقى اسولف وياهه

ماعرف ليش اتخبل من اشوف ورده تجيني ساعات ماطيقهه اشوف وجها قبيح ومن اتقرب الها يلزمني رأسي
ماكدر اتقبلها مااكدر برغم دخلت كلبي وحبيتها اول ماشفتها بجمالها بفطاريتها وفهاوتها وبرائتها
كلت هنيالي وين اكو وحده بهذا الزمن هيج فقيره وماتعرف كلشي

ليش تغيرت عليها وصرت ماطيق اشوف وجها ماعرف برغم اجي محمل شوگ الها بس من اشوفها
يبرد كل هذا الشوگ

مره جانت عذراء تراسلني. وكالت اريد اشوفك ممكن
ماانكر وافقت كبل
ورحت الها للبيت بس نصدمت من كالت اهلي مو هنا بس امي ونايمه

وردت اشوفك باجتماع مغلق وضحكت وغمزت

كتله اهلج مموجودين شلون دزين عليه انا اروح وخليه غير مره ثانيه

تقربت عليه وخلت أديه وره ركبتي وطوقتني وخلت شفته على شفتي. اتجاوبت وياهه ونحرفت زايد
وهيه تجاوبت وياي بخبره

عذراء: لمعديه هم هيج تسويلك
ولو مامبين عليها تسويلك هيج لان انت مبين عطشان شني هيه هاي الخوثه

مدري شنو بداخلي تحرك كلامها نرفزني ضجت ليش تحجي علئ ورده

ورده ورقه بيضه ستاهل وحده مثل عذراء تنطق اسمها
ولا واحد مثلي يخونها ويدور عليها

سلام: لسانج لا اكصه والله ورده ممنوع تجيبن اسمها على لسانج
عدلت نفسي وطلعت وانا كاره نفسي. جاي يصير عندي تنقاض موطبيعي وسواس برأسي

اكو ولد اعرفهم مواصدقائي بس اعرفهم عدهم مكان منعزل ودوم للونسه ولشرب

طلعت تلفوني ودكيت على واحد منهم

سلام: الوووو

مهند :هلا والله عاش من سمع صوتك كبدي

سلام :تسلملي الشباب شلونهم

مهند :مفرعين ويدعولك اخويي

سلام مكانكم مفتوح

مهند: حي يرزق منتضر وجودك يحييه كبديي ههههه

سلام :خ..... ه لا تاكل وجهزلي طاوله لنسيان ونص ساعه انا يمك

مهند :لازم عاشك الاخ

سلام : اعكد راسك نعل يله نص ساعه وانا يمك

مهند: ماشي ماشي تددل يابه

سديت تلفون وفريت السياره ورحت لمكانهم
وصلت لكيت مهند واكف بل باب

سلام : سلام عليكم

مهند :وعليكم السلام عاش من شافك يابه وين ماوين

سلام : عسكريه وزواج وماكل خ......

مهند :هههههاي لك عيني مبروووك ليش معزمتنا جان ادينا الواجب وزياده

سلام: اكل طن نعل وولي جهز لكتلك عليه

مهند: جاهز وعيونك موتدلل هههههه يله تعال

سلام: منو من شله الوصخه هنا

مهند: بس فؤاد

سلام : أبن ال...... بعده سوالفه مكسره

مهند: لا صار سيد

سلام :هههههههه

مهند : وعلساس انته جاي تأدي فريضة الحج

سلام: هههههه حمار انا مثلكم انتم 24ساعه غاطين هنا يله يله تمشي

دخلت لكيتهم مرتبين الطاوله
كمت اشرب حته انسى ورتاح رأسي مشوش وشي يكلي غلطان وشي يكلي مامذنب اريد انسئ اريد ارتاح شلون تقربت العذراء وشلون رجعت احن الها وهيه الي باعتني

الأفكار والهموم احسها فطرت راسي
شربت منا لمن نتهيت حته اريح راسي. مهند علك اغنيه
لا ياصديقي يصباي لايصديقي لا توكف بممشاي وكصد طريقي

دكينا وركصنا واكلنا وشربنا وكلت لمهند رجعني للبيت
لان مهند متعلم من كد مايشرب مأينثول كلش
انا واعي لمن مهند وصلني للبيت وصعدت فوك
ماذكر شصار بعد كعدت. الصبح راسي احسه يريد ينفجر
شفتها نايمه وتذكرت ليلة البارحه نبهت عليه متجيب طاري لاحد
بس فاجئني انو هيه ماتعرف انو انا شارب البارحه
من شفت برائتها قررت بعد مااشرب ولا ارجع اضربها وازعلها
لان هيه فقيره وطفله كلشي متفتهم

بس مااكدر اخذ هاذا القرار خلال دقايق يتبدل كلشي وخصوصاً اذا شفتها واذا دخلت للغرفه
حاولت افهم الي يصير وياي ما كدرت

اويلي لمن كالتلي انو هيه تحس بأعراض الحمل الدنيا مشالتني من لفرحه ماصدك يجيني طفل مبين عليها شلون جانت خايفه وخجلانه

لمن رجعنا ماعرف شنو الي غيرني ورجعلي شعور النفور منها

عذراء ماتركتني ولا ساعه نهار كله وليل تتصل ودز رسايل
وإنا رجعت مثل الأول احجي وياها وكلبي يحن الها اريد قربها الي الئ ان بيوم الشافتنه بيه ورده
جنت كاعده بلغرفه ودخلت عليه
سلمت وانا رديت
عذراء :عاش من شافك حبيبي

سلام: عذراء اطلعي من الغرفه خواتي موجودات وزوجتي لا تصعد وتشوفج

عذراء: اطلع بس بشرط

سلام :شنوو

عذراء: ا اريد ااا. وحضنتني وكامت تبوس بيه
مشاعري تجاهه احسها مخربطه واذا اجت كبالي ماعرف شيصرلي احس نفسي لعبه بين أديها
حضنتها ونسيت كلشي إلى أن أجت ورده

هنا حسيت ودعت رجولتي وكسرت أطهر بشر وخذلتها
ودمرتها
العتب الي بعيون ورده صحاني من الي جنت بيه
طلعت من الببت والندم ياكل بيه اكو شجره كبالي ضربتها برجلي كل قوتي

رجعت للبيت وانا افكر بلكلام الي راح اكوله الها وبرللهه وانا احبها. صعدت للغرفه مالكيتهه ردت اطلع ادورهه وكلت عادي انا ليش مكبر الموضوع طبها مرض واذا زعلت خلي تزعل وتعرف واذا هيه المانعتي منها وماهتميت ونمت وكأن شى مصايربتعدت عنها وخليتها من اطلع بره البيت أندم وفر الطريق ورجع حته اصالحها وكفر عن ذنبي
بس اوصل وصعد فوك اغير رائيي
تعبت وتعبت ورده وياي شلت تلفون وكسرته كلت حته بعد عذراء ممتصل عليه لان هيه الي دمرت حياتي
خلصت اجازتي
ولتحقت وانا الندم ياكل بكلبي

ورده

سلام. هنا موهنا انا انام يم البنات الغرفه تخنگني

مر على دوام سلام ١٥ يوم وباجر نزوله

بهاي الأيام اهلي خابرو عمتي كالت لأامي ورده حامل

انا شردت بلغرفه الثانيه لان استحي

ورده: عمه ليش كلتي لأمي والله استحي

ام سلام: ياااامنين تستحين لا عيب ولا حرام من زوجج

بيومها بقيت ميته خجل وانا افكر هسه امي وابوي شنو كالو عليه من دروو بيه حامل
اوف يعني دروو بلي صار بيني وبين سلام مجرد مخطر هذا التفكير على بالي
اختفيت من الخجل والاحراج أمور صعب جدا اتقبلهه وانا عشت ابيئه عيب حرام مايصير وماكدر اتخطاها

تعبت من التفكير وتعبت من الوحام
اتقيئ ليل ونهار
والاكل كله ما اكله تلعب نفسي منه

سامر يضحك يكول هسه يطلع يلعب النفس مدام نهار كله روحج تلعب

عمتي مددلتني تجيب وتخلي كدامي حته بلنهار البنات بلدوام وهيه خطيه ماتخليني اطبخ لان تلعب نفسي ولاترضه اشتغل وكلساع وكالت هسه طفلج يجف وانتي حته الماي ماشربينه
إنا حته الماي تلعب نفسي منه كمت اموت من العطش بس ما أكدر اشربه
اشرب شويه ببسي لو لبن بس مايروي عطشي
مومثل الماي اتحسر عليه بس ماكدر اشربه
ولا أكدر الزمه روحي تكوم تكلب
حته سبح ابقه ٣ ايام هيج يله اسبح
لان ماكدر اشوف الماي بس اشوفه روحي تروح

ام سلام. : يايمه ولكم تعالو ليه جبت ٤ بطون وطرحت ٢
وشفت شكد نسوان تنست
بس مثلج ماشفت انا كبل من اكوم اتنسه تصير روحي بل اكل ولحم والسمج
وعمج يجيب ويخلي كدامي وانا اكل انتي شبيج حلكج فاهي

سامر: اكول انا حلو اي يمه بين بيه الاكل شوفي طلعت شحلاتني لوهيج اليخلف لو لا

رواء: هواي واثق منو ضاحك عليك وكالك حلو

سامر: دنجبي المايلوح العنب يكول حامض قابل مثل الزركه

رواء :انااا زركه يماااااااااا شوفيه

ام سلام: لايمه كلكم تخبلون واحد احلا من الثاني

مريم: اي مصنع عسل فديتنه

سامر: جابتنه انا وسلام ومن وصلتلجن عطلت المكينه مال عسل ههههههههخخخخخ

متنه من الضحك وهنه يشيلن روحهن ويدكنها لحد مااعمي عاط بيه من الاستقبال كله تروحلهن فدوه يتبع ....

🦋💙