مساء الورد والياسمين عليكم فراشاتي 🦋🖤
قريري العيون
بقلم زهراء علي
ممكن تعليق للفقرات وتصويت+متابعه
مشاهده ممتعه
"""""""""""""""
ورده
ثاني يوم العصر جنت كاعده اغسل السلال مال البتيته والبصل
عمتي رايحه لبت اختها جايبه والبنات وياها
سمعت حركه وصوت الباب نفتح
طلعت من المطبخ وانا امسح باديه حسبالي اجن
رفعت عيني وشفت سلام دخل
شفته وخرطت العافيه
ماعرفت شسوي كبل رجعت اركض للمطبخ
صاح وراي بصوته الخشن
سلام: اشردي اشردي والله انعل اهلج اليوم
كمت ارجع وكلبي احسه راح يوكف من الرعب الي سببه اليه
شمر الجنطه وخله أديه ثنين على الباب ونتجه والشر يطافر من عيونه
وجها صاير اسود وعيونه حمر طوخ شكله وشواربه ثخان وسود ونازله لحد حنكه
بلعت ريكي وانا ميته خوف منه
رفع راسه ليفوك ورجع دنك وحرك ركبته يمنه ويسره
سلام: ليش تنهزمين وغمز بس هاي المره غير حته حلكه عوجه مدري شلون
رجع كمل: يامعدله يامؤدبه هيج المره النادره تستقبل زوجها من يجي ماكل......... وطايح حضه وحظ اهله
حجيت بدون تفكير ولا عرفت شجاوب لان حضوره يمي يخليني ماعرف شحجي
ورده: مشفتك عبالي مو انته
سلام: ليش تخليني اهينج بت السطل. لج هاذا هم حجي بت ال.....
نزلت راسي واني محصور كلبي ودمعتي نزلت كبل
خله وطلع وهوه يسب بيه وب اهلي أشكال الغلط
كعد على القنفه وصاح
سلام: وينج وين رحتي بت ال.......
رحت يمه
ورده : هااا شتريد ليش تسب بااهلي
سلام :اكلي خ......
طلع جكاره وخلاهه بحلكه وشمر الباكيت بصفه واشرلي بحواجبه على البسطال بمعنى انزعيه
كلت بكلبي شتغلت رحمه الله مال الخباثه ذكرت حازم ومصطفى هيج يسون بينا انا وخواتي كلشي جاي ينعاد عليه ماناويه ارتاح
فتحت القيطان وانا ايدي ترجف
نزعت البسطال وباوعت عليه لكيته مركز عليه
باوعت لنفسي لكيت صدري طالع منه شويه كمت على حيلي وعدلت نفسي
رحت للمطبخ حته اختفي منه ومن حضوره الي خنگني
فززني صوته حجه وهوه يريد يصعد الدرج
سلام: الحكيني بدون تأخير
حسيت بكلبي كام حته مينبض لان صدك راح يوكف من الخوف
كمت ادك والطم وحدي بلمطبخ
شلون بيه شراح يسوي بيه هسه ومحد هنااا
صعدت وانا ماخليت دعاء مادعيته ولا خليت أمام مانخيته يمر هذا اليوم با أمان
دخلت للغرفه لكيته نايم على الجربايه وصدره عاري وبس بلبنطرون العسكري والنطاق كاعد يفتح بيه
من دخلت بدون ميباوعلي
سلام: حضري الحمام
رحت بسرعه اخذت ملابس والخاولي وطرت علكتهم بل حمام واريد اطلع ونردمت بيه
شهكت
ورده: اروح اسويلك اكل اكيد جوعان هسه
بس اريد اطلع وشرد بروحي
سلام: جججج مو جوعان بس جوعان التفاح البناني الي بالغ وجنه شكر اريد اكل منه لمن اشبع
مشتهي اكله بلحمام
يحجي ويبلع بريكه واحسه مثل سكران حته عيونه كوه يفتحهن
ورده: تفاح هسه اشيفلك وجيبلك
ماعون بس اكل بلغرفه شلون يصير بلحمام
عض شفته عدت مرات وذب حسره
سلام: لا يصير بس انتي ماعدج خبره كافيه
كام يتقرب عليه باسني بقوه
كمت ادفع بيه وهوه ولا يمه
سد باب الحمام وقفله وانا تخبلت
ورده: فدوه سلام عيب شكاعد تسوي الله يخليك خلي اطلع والي تريده يصير بلغرفه مو هنا
سلام: لج بت ل....... صوتج انا ماحب براحتي ترفعين صوتج ك..... لسانه يلسع بكلمات سوقيه مامتعوده اسمعها وخلتني اكرها وازيد بلعناد وياه
دفعته بكل قوه وخليت ايدي على الكيلون مال الباب حته افتحه واطلع بس هوه صار أقوى مني ولزم ايدي لزكني على الحايط
سلام: اخت الكو..... وين موليه تكسرين كلامي وتردين طلعين. غير هنا اغطج بل مي ونهي حياتج سا........
رديت عليه بعصبيه
ورده: لازم فصليتك
وتكوم وتكعد هيج اسوي وهيج اسوي وخر عني خليني اطلع مو حابسني بلحمام شنو متستحي انت
طكك عيونه وعيونه حمر من السهر وتعب وبكل قوه
رفسني على حلكي
انفاسه تلفح يم اذني همس
سلام: صار شهر ونص ماشاعلهم وناعلهم واليوم اريد اشعلهم على كيفي وبمزاجي
والي ارجوه منج تركدين وتنفذين الي اطلبه منج بدون نقاش
خله أديه الاثنين بل زيج مال دشداشه وشكاهه بلنص
شهكت وخليت أديه ثنيهن على حلكي
رجع قرب حلكه يم اذني
سلام: اشش دعيني احتسي نبيذ نهديك
صغيرتي أريد أن أنسى متاعب الحرب
ماعرفت شيقصد لان اول مره اسمع هيج كلام
هجم عليه مثل لوحش بدون رحمه وانا ابجي. وكلما اصرخ يضربني
سلام: بت الك...... والله اذا متلصمين اسوي وياج غير شي
واخليج بيدج شعلينهم
مرت دقايق شفت الموت بعيني من تصرفات سلام الي خلتني اكرهه واموت منه
كمل سبح وطلع وانا بقيت اشهك
كمت سبحت وطلعت دخلت للغرفه لكيته نايم جفي
كلت بكلبي نومة أهل الكهف ان شاء الله
شكد كرهته ونفسي لعبت منه ومن اسلوبه الهمجي
لبست دشداشه مخصره على جسمي لون اسود من الجابتهن عمتي
حته شعري لفيته بدون ما مشطه
كلت خليني اطلع لا يفز وشيخلصني منه ومن خباله
طلعت وسديت الباب على كيفي
هسه توني طلعت واشم ريحة شي محترك
وتذكرت انا مخليه الدجاجه على الطباخ اريد اسوي تبسي للعشه شهكت وركضت للمطبخ دخلت لكيته دخانه سوده
ركضت على طباخ طفيته وشلت الجدر ذبيته بل سنك وريحه تكتل والمطبخ متروس دخان اسود
شغلت الشافطه حته تسحب وفتحت الشباك بس ريحه ترست البيت كله
شويه وراح الدخان بس بقت الريحه تكتل
عمتي والبنات اجن وعمتي ولكت الريحه وسألت هاي شنو
ورده: عمه الاكل بقى على طباخ وحترك
هيه كومت الدنيا ماكعدتها بل حجي والغلط
ورده: سلام اجه وصعدت حضرتله الحمام ورجعت لكيته محترك
فرحت حته انا عافتني صعدت كبل لسلام لكته نايم ورجعت عليه
ام سلام: لازم نمتي جواه ماصبرتي وخليتي الأكل حترك
هسه تنضيف للمطبخ كلها خايسه جايفه
بقيت لل9انضف واغسل حته البنات ماخلتهن يساعدني
بجيت بجي انضف وابجي وادعي على اهلي و سلام
جابو عشه جاهز تعشو انا ماردت وهوه بعده نايم
كملت وصعدت حسيت وجع كطع بطني تكطع رحت لحمام لكيتها الدوره جايتني
ضجت لان اكرهه وكت التجي عليه
صعدت فوك تمددت بغرفة البنات
لان سلام نايم بل غرفه اخاف ادخل
رواء صعدت لوك
رواء: شكو شبيج ورده
استحيت أكلها اجتني الدوره
ورده: خاصرتي توجعني
ضحكت
رواء: هاي شنو ورده ممنوع تطلعين حجج لان سلام نزل
عود تشردين هههههه شنو اليوم لو ضاربتج طلقه هم اله طحين
ورده : هوه أخوج ماقصر هم سواني طحين
رواء: امممم متصبرون حته يجي الليل
ورده أبتسمت مجامله
ورده: اي
وكلت بكلبي الله لا يطي لخوج المخبل
رواء نزلت. ابوها يريدها تسجله اوراق وانا لوجع بيه وميزيد عليه
بقيت اتلوه وشديت بطني بشالي حته ارتاح شويه بس ماكو فايده
رواء نص ساعه وصعدت
شافتني اتلوه
رواء : شبيج ورده شيوجعج
ورده: بطني
رواء :دوره
ورده بخجل: ايي
رواء :ينهار اسود يخويه هههههه
ورده: شبيج
رواء: لا هيج هسه اجيبلج مسكنات
جابتلي علاج أخذت منه وصرت شويه احسن
بيقنا كاعدين بلصاله الفوك على فلم هندي نفتح باب لغرفه مالتنا
وطلع سلام مغمض تك عين وشعره مخربط
سلام :مساء الخير
ركضن خواته بفرحه عليه ويحضنن بيه ويبوسنه بفرح
باس روسهن
سلام :شلونجن بعد اخوجن
رواء: الحمد لله بخير دامك بخير
مريم :مشتاقتلك سلام البيت بدونك موحلو شلونك شخبارك ياروحي انته
إنا بقيت اباوع عليهم وشلون احتضنهن وهنه يموتن عليه جرت دموعي وتمنيت هيج يعاملوني أخواني
باوع عليه
سلام: حضري الحمام
ورد دار وجها يسولف وي خواته
كمت ودخلت للغرفه
فتحت الكنتور وطلعت خاولي وداخليات وسديت الكنتور واكول مومساع سبح كلساع
درت وجهي لكيته يباوع عليه توترت وكلت ياربي دخيلك كون ميطخني
تخطيت من يمه وانا حابسه حته أنفاسي خاف يسمعها
طلعت ورحت للحمام وبساع علكت أغراضه وطلعت بسرعه حته لا يدخل عليه ويسويلي سالفه
بس طمئنيت البنات موجودات
دخل للحمام وانا نزلت سويتله عشه
شويه ونزل لابس تراك اسود وعضلاته بارزه وعطره يهف ترس البيت
امه لاكته تحضن بيه وتبوس
هوه بأس راسها وحضنه وراح العمي هم سلم عليه وسامر هم طلع من الاستقبال من سمع صوته
سامر: ها هذا سلام جاي سلام عليكم
سلام : وعليكم السلام حزام ضهري
سامر :الحمد لله على السلامة اخوي الغالي
سلام: الله يسلمك ضلعي بشر مصخمها ملطمها
سامر: دسكت يمعود لاتذكر اهلي كلساع وعادوهه علي بعدهم ماعالنين النتائج هذا الاسبوع
سلام: خير ان شاء الله
سامر: ملزمتو هاذا العار
سلام :منوو
سامر: ابو بكر البغدادي مدري ابو منو
سلام :ههههه وعيونك نلزمه وين يطير
سامر: ان شاء الله ابطالنه
عمي بقى يسأل بسلام عن الدوام
كملت العشه وكمت اهم شلون اخليه كدامه وعمي وسامر موجودين انا بيه طبع اموت من الخجل اذا انا وسلام ثنينا يم اهله احس كل العيون تراقبنا ويعرفون بينه شنسوي
تشجعت وخذت العشه خليته كدامه
ورجعت للمطبخ اسوي نفسي رايحه اجيب ماي
دخلت للمطبخ يله سحبت نفس لان حسيت لكل يباوع عليه
جبت الماي وخليته كدامه ورجعت للمطبخ
اسمع عمي صاح ورده عمي جيبلي جاي
صبيت لعمي جاي وأخذته وهوه مدنك ياكل حته ميباوع عليه
ياكل ويحجي وي امه
أجت رواء ومريم كل احنا كاعدين
هوه كمل ونترت مرت عمي كبل بزمخ كومي شيلي الصينه وسويله جاي
كلت بكلبي اشيله جااا انتضر منج تعلميني شبيج الله لا كفج من فوك
طلع للمغسله يغسل وصاح
سلام : اريد غير هاي الصابونة هاي مخلصه
مريم :ورده رجلج يصيح
اخذت صابونه وفتحتها وهوه مد ايده واخذهه مني بدون مايباوع عليه
رجعت للمطبخ وصبيتله جاي وأخذته اله لكيته كاعد يدخن
خليته كدامه وكعدت يم البنات هوه شويه وصعد بدل ونزل كال لااهله رايح يم رحيم وساعه ب11تقريبا
صعدت نمت نعسانه وهلكانه تعب ماحسيت الا لثاني يوم كعدت لكيته نايم يمي ومخلي راسه جواي
كمت نزلت. علئ شغلي للعصر وهوه مكاعد
من يجي يكضيهه نوم اول يومين كعد. والوحه مايگصه السيف صبيتله غده وكعد يم امه
البنات ستلمن نتائجهن
ناجحات ودرجاتهن عاليه هنه شاطرات
أذن. صلو همه وسويت العشه بين ماصلو وكعدنه مجتمعين يسولفون وانا اسولف ويا البنات
شويه واجن عذراء وامها عمي راح للدوانيه
عمتي الضحكه شكت حلكها وذاك السلام
ام سلام: يمه عذوره شصايره ولج خيه شتوكلونها عسل صايره كيكه اللهم صل علئ محمد
ام عذراء: هيه بنيتي من كاعها متفحه وحلوه لعد معصعصه مثل غيرها ههههههه
تقصدني وانا ولله موضعيفه جسمي وسط ومتناسق مادري شبيهن وياي
عذراء سلمت على سلام وعيونها تريد تاكله
رواء راحت جابت الضيافة
ومريم جابت ماي سامر طلع يم صديقه
بس سلام بقه كاعد عمتي ملتهيه تسولف وي اختها
ومريم و رواء يلعبن بلعبه بتلفون عمتي
إنا كاعده اباوع وي البنات نوب اباوع نوب ارفع راسي
رفعت راسي وعيني اجت على عذراء وشفت الشي الي خلاني انصدم
شفتها ترفع بحواجبها السلام وتغمزله وتبتسم
كبل وجهت نظري لسلام الي جان يبتسم وبس شافني كبل كام وطلع
هيه هم حست انا شفته
عذراء: ااشلونج ورده شخبارج
ورده: زينه
عذراء :لعد وين تلفونج
ورده: ماعدي
سكتت
نصدمت. كمت اتسائل بيني وبين نفسي ليش هيج تغمز بعيونها وحواجبها لسلام شعده وياها مو عيب
زين سلام غير مزوج هيه ليش هيج تسوي هاي لحركات كدامه
متخاف يكول عنه وحده موخوش وخفيفه وهوه موحذرني منها ويكول تولي يعني مايحبها ليش يبتسملها
جنت ماعرف عن شي اسمه خيانه
ولا عندي فكره انو الرجل المزوج يباوع على نسوان
احنه هناك ماعدنه لويزوج ثنين لومايسوي هيج ماكو هاي سوالف عد المزوجين
صعدت الغرفتي وانا المنضر ميروح من بالي
فتحت التلفزيون خليته على قناة العقيله طالعه محاضره الشيخ جعفر الابراهيمي مباشر
شكد احب محاضراته هوه وشيخ زمان الحسناوي وسيد محمد الصافي
عد أهلي ممسموح النا نشوف غير القنوات الدينيه وقنوات الكارتون
كعدت وانا استمع لمحاضرته الي تشرح الگلب
ختم مجلسه ب ابيات عن عزيز الزهراء عليها السلام الامام الحسين
دمعت عيوني على مصيبة ابو عبدالله
خلصت فترة النعي وكام يدعي
أما يجيب المضطر أذا دعاء ويكشف السوء
كمت أردد وياهم ودعيت ربي يهدي سلام عليه ويهديني عليه
ويخلق الحب والتفاهم بينا ونعيش بخير وسعادة
دعيت السلام انو كلبه يصب على صلاه ويرجع الربه لان الصلاه عمود الدين
والصلاه تنهى عن الفحشاء والمنكر
سامعه بمحاضره دينه
(الله ليس له حاجه بصلاتك بل انته بحاجه لها)
بقت هل كلمه ابالي محفوره وابد مافوت فرض من صلاتي والاحب على كلبي تسبيح الزهراء عليها السلام
كمل المجلس وانا جنت رافعه أديه للدعاء مسحت وجهي وكلت يارب ارحمنا برحمتك يا أرحم الراحمين حسيت نفسي انا مبتعده عن ربي شويه هاي الأيام
انا جنت قبل لانام اسبح واستغفر ١٠٠ مره وانام
وأقرأ آيات الي حافضتهن قبل لا انام
اخذت السبحه وتمددت على فراشي وكمت اسبح
تقريباً نسيت الي شفته من عذراء
شويه سمعت خطوات يم الباب دخل للغرفه
لميته السبحه من ايدي وضميتها جوه المخده
وسويت نفسي نايمه
سلام: احاجيج اكعدي
غلست كلت ما حاجيه شنو ماعندي اسم
شعل جكاره وريحه ترست الغرفه
شمر الغطا مني وصاح بعصبيه
سلام: مو جاي احاجيج لا تغلسين ادري بيج كاعده
استغفرت ربي ودرت وجهي عليه
ورده :هااا
سلام: وسم شبيج تحجين من وره خشمج
ورده :ترى كلامي مابيه شي يزعج
سلام: يرادلج تزعجيني حته اطرج ثنين ومحمد
كرهت اسلوبه وياي وجنه يدور الحجج والمشاكل كوه
سلام: شكو نايمه بعد منا وجاي متنامين اله لمن اجي أنا وبعدين هاي شكل وحده عروس زوجها هسه نازل
لابستلي هذا الجادر ٢٤ ساعه. ملابس النوم جايبهن للكنتور يلبسهن
انتي لشوكت تبقين مطفيه انا لشوكت ابقى أعلم بيج
والله لو ادري بيج هيج فلا ازوجج واورط روحي وياج
ابوج واحد سا....... خنيث ايريد بس يزوجج ويخلص منج وانتي بعدج تبجين على خبزتج
نصدمت من كلامه واول مره اسمعه هيج يحجي ومشمأز مني
رديت عليه بعصبيه
ورده: جاا متحاجي ابوك لو بس راد على ابوي
سلام: لا تخليني انعلهم هسه راح انزل ١٠ دقايق ارجع الكاج مبدله هاي الملابس وتلبسين الي طلبته منج
كام ودار وجها عليه وكمل كومي يله
وخله وطلع
لزمت راسي بثنين أديه شلون بيه ياربي شلون اكله انا عليه دوره شراح يفهمه هذا
بقيت كاعده بمكاني وبس ادعي كون ميرجع للغرفه
صدك ١٠ ورجع دخل للغرفه ولكاني على كعدتي
اجه يركض ولزم شعري وحجه بصوت عالي
سلام: شكلت انا
ورده: اخ سلام والله مريضه سلام
سلام: بت الك..... شبيج
ورده بقيت بس اشهك اذاني شلع فروت راسي
ورده: مثل لمن بالعرس
سلام: يعني دوره
ورده بخجل وانا اشهك : اي
سلام: ماصدك بيج لمن اشوف. انتي تتشردين مني
ورده: سلام شبيك انت والله امرك عجيب موتتني تره عيب هذا الحجي
سلام: صوتج كح...... غصبن عليج تسوين الي أريده واذا منفذتي صدكيني انهيج من الوجود
انتفضت بوجها وصحت
سلام: عيب هذا الحجي شنو انت متستحي كلشي وسكتت بس هسه تطلب هيج ماسكت
اجه لزمني من ركبتي وخنكني بكل قوه اجيت اموت بين أديه بقيت بس احرك باديه وارفس برجليه
شمرني بكل قوه على تاج مال الجربايه وراسي نرگع بيه بكل قوه
كمت اكح وعيوني كامت تفيض دمع
اجه ويحجي يم اذني وأنفاسه اخترقت طبلة اذني
سلام: والله اذلج واخليج تتمنين الموت ومتلكينه وان طال الزمن ولكسر راسج اكسره بت الكو..........
ماريدج هنا بلغرفه ماريد اشوف وجهج
كومي اطلعي لا يصير شي مو بل حسبان. نفسي يصعد وينزل بقوه وراسي احسه مفلش وعيوني تصب ميته رعب منه شبيه جان موهيج وياي بس جنت مخدوعه بيه وانا الغبيه صدكته بسرعه كلهم. نفس الشي اكرهم اكرهم
كمت وانا اركض
طلعت من الغرفه رحت.يم البنات دكيت الباب
رواء :منو
ورده: انا
رواء: فوتي ورده
دخلت وانا وجهي غركان دموع
رواء كامت مفزوعه واجت عليه مريم نايمه بس رواء كاعده
رواء:ياشبيج ورده سلامات
ورده: مابيه بس اريد أمي
رواء: امج ليش ورده صاير شي بينج وبين سلام احجي فدوه وكعتي كلبي
ورده: سلام طردني من الغرفه
رواء: طردج ليش على شنووو
ورده: كال اريد حقي وكتله انا مريضه
وماصدك يكلي جذابه خنگني وطردني
رواء: عجيب معقوله هيج سلام يسوي على شي مايسوه ماصدك اففف استغفرالله شجاه
تعاي حبيبتي نامي يمنا وأن شاء الله باجر يهدئ وتنصلح بينكم الأمور
خلتلي فراش بل كاع ونطتني بطانيه لان الجوو صارت بيه بروده
مديت نفسي وانا كوه كاتمه شهكاتي وحملت اهلي السبب والعتب
طول الليل عيني ماخذت نوم. الفجر غلبني النعاس ونمت
حلمت امشي بارض واسعه بس مابيها لا عود لا شجره ولا اي شي
الدنيا عواصف وتراب والجو مخيف
ماكو احد وياي بس انا اتلفت واصرخ بأعلى صوتي ودور على اهلي واصيح باسمهم بس ولا واحد يسمعني ويجيني
من بعيد شفت سلام
ركضت عليه اريد اوصل يمه بس صار بعيد كلش كمت اصيح وأشر بيدي عليه بس هوه بعيد كلش ميشوفني ولا يسمعني
كعدت بل كاع وكمت ابجي واصيح سلام تعال اخذني لا تخليني هنا اخاف وحدي
درت وجهي على جها اليمنه وشفت شجره بس غصن مابيه ولا ورقه يابسه
ويمه مره كاعده وبيدها إناء ابيض
ركضت عليه وكتلها فدوه خاله سلام راح وعافني تعاي اخذيني وراه انا اخاف جنت منهاره بلحلم وابجي بحركه
مدت الاناء بثنين أديها بس وجها مغطيته ماشفت منه شي
جان متروس شي يشبه شكل الغيمه مديت اصبعي حته اجربه شنوو
اصبعي دمر من هذا الشي الابيض الي يشبه الغيمه
خليت اصبعي بحلكي حته اضوك
طعمه كلش حلوو وبارد
كتلها خاله هاي شنو
محجت بس مدتلي منديل ابيض
يخبل أخذته منها وضميته على كلبي بكل قوه
كالت هاي من سلام وان شاء الله يرجع عليج اكعدي هنا وهوه يجيج
راحت وره الشجره وانا لحكتها كبل
بس ملكيتها ختفت صرخت بأعلى صوتي حسبالي جني طلعلي من الصحراء
فزيت من نومي والبنات هم فزن من الصرخه مالتي
جسمي كله يصب عرك ورجليه ماحس بيهن وبلعومي يابس
بقيت اتلفت بلغرفه اريد اتأكد هذا حلم مو حقيقه
رواء خطيه بقت تصيح اسم الله اسم الله عليج ورده شفتي حلم اكيد
ورده: اي رواء انا خايفه
رواء: لا تخافين حبيبتي وهسه الساعه ٥ الصبح
مجرد حلم لا تخافين راحت جابت ماي ونطتني
شربتني وغسلت وجهي
رجعت خليت راسي على المخده وانا استغفر وخايفه
وردد اللهم خير ان شاء الله
ياربي الحمد والشكر طلع حلم
رواء بقت تسأل شنو شفتي بل حلم بس انا مقبلت احجي لان احس نفسي ماريد اذكر الحلم واحسه بعده متعب جسمي
نوارس
ضليت جم يوم وانا اتأمل برسمات سامر
شكد حلوات صدك فنان كمت اجيب ورق وارسم مثل رسماته انقلهن نقل وتخرب وشكك وارجع ارسم ضل كم يوم ماكو
وره يومين جاي اغسل بلطرمه وندك الباب
رحت خليت شال علئ راسي
نوارس: منوو
سامر: انا
فتحت الباب
سامر: مرحبا شلونج نوارس
نوارس: بخير الحمدلله انته شلونك تفضل
سامر: الله يسلمج. هذا المسواك خل ادخله دخله وفات
يالله يالله
نوارس: تفضل بيبي كاعده
فوته يم بيبي ورحت جبت الضيافه وضليت واكفه بلباب كلعاده والمي نسيته مفتوح
بيبي: شلونك يمه بالمتحان
سامر: الحمدلله سويت العلي وبقت يم الله
بيبي: ياارب ان شاءالله بجاه قدره ينجحك ويفرح گلبك وگلب اهلك
ضل ربع ساعه وودعنه وراح كملت الطرمه
ورحت اعزل المسواك
اكو علاكه ملونه تختلف فتحتها لكيت علبه مال رسم كامله تجننن وفرش وياها
واكو رساله بداخلها
اتمنه يعجبنج ارسمي متأكد منج عندج هوايه حلوه بالرسم وان شاءالله من تدرسين وتنجحين تدخلين فنون
علئ المره الثانيه اريدج تشوفيني رسماتج تمام.
كلش فرحت. احب واحد يشعجني ويمدح بهوايتي ماجنت اضن انو اكو بعد ناس تتمنا الخير لغيرها وتساعدها وتزيد طموحاتها
ورده
كعدت الصبح و. ....يتبع .....
تصبحون علئ الف خير 🦋💙