معتقل الصحراء

الحلقة الثانية و الثلاثون

مساء الحب قراءة ممتعة
لا تنسون التصويت و التعليقات الحلوة

#معتقل_الصحراء ٣٢
#بقلم_ام_مختار
#دنيا_غانم

مناسك _شالها جاهد و نزل الدرج

سائد _تعااي ويانه خاف يردون مرأه وياها

مناسك _ ايي لحظه ع سريع لبست وطلعت ويا جسمي كام يرجف من المنظر
صليل طلع قبل جاهد جاب تكسي
خليناها بالسياره للمستشفى
جاهد من دخل صرخ بصوت دمه گلبي اله
خذوها منه لحضات وطلع دكتور يسأل

_ المريضة عنده اطفال شي قبل هيك

مناسك _لا

_ ولا مأجهضه سابقاََ

_لا
بقه يسأل حتى اذا بيها امراض جاوبته ورجع دخل
گعدت على الكرسي ارجف كل جسمي يرجف من شفت الدم ما اعرف شنو صار بيه بس كمت   ما اعرف امشي ولا اگدر اهدأ جسمي

سائد _شبيج

_ما بيه شي بس شوي خفت من شفت منظر الدم

_تردين اجيبلج شي تشربي

_لا لا هسا اصير زينه

جاهد _ صليل اخذ سائد وروحو
ارتاحو سائد هيج يفتر السالفة صعبه لا روكان يطلع مراقب

سائد _ خلي نطلعك من المصيبة الانت بيها وبعدها نفكر بروكان عود هاي اني احجييي
يمعووودين احنه موو مال هاي السوالف احنه ما عارررفين راسنه من رجلينه
احنههه ما كادرين نعيل نفسنه
احنه ما نعرررف شنو مصيرنه
بسس جيب اليفهمنييييي

جاهد_ سويت الي كتلي عليييه
قابل بعد شسوي

صليل _يابه الگاع محضوره شسالفتكم

مناسك _ يحجي واني مدنگه يعني ينطون رحمة حبوب المانع

سائد _ يطبكم طوووب
اني صوجي افكررر بيكم

جاهد _ لا تفكر مره لخخخ

مناسك _طلع الدكتور وفهمنه هيه عدها نزيف بس
ما مسقطة الطفل و لازم ياخذ الاوراق حتى يسوي دخولية للمستشفى والاقامه

جاهد _والحل

مناسك _ تقربت للدكتور وگتله احنه داخلين سوريا تهريب وانت الاعرف بأوضاع العراق حالياََ نتمنى من حضرتك تساعدنه 

_طيب مافي مشكله الاقامه ما بدياها اعطوني اوراق البنت او اوراق زوجها

مناسك _درتلهم ورجعت باوعتله
احنه ما عدنه اي اوراق

سائد _ السلام عليكم

_وعليكم السلام

_وياك الضابط عثمان التكريتي اني زوج المدام
اعتذر منك دكتور احنه بعد الحروب المرت علينه تركنه الوظيفة و الاوراق لأن تعرف ضابط صعب يسافر  اضطرينه نطلع من البلد تهريب  و تركنه كلشي ورانه
لكن باج العمل كدرت اخذه منهم سرقة يعني تكدر  اساعدنه وتمشي الامور بي؟

_ مافي مشكله اعطوني اي ورقه تثبت انتو يلي جبتو المريضه

سائد _اني رايح اجيبها واجي

مناسك _ اجي وياك

_ اي يلا تعاي

مناسك _طلعنه للبيت
جانت مياسين نايمه و ام سائد تنتظرنه  خطيه طمنها سائد و  اخذ الباج
الي مدون بأسم عثمان التكريتي
ارجع وياك هاا

_لا خليج

مناسك _خليني اروح وياك امك خايفة  عليك ولا سامح الله يصير شي ع الاقل اني وياك
ضحك بوجهي وگلي يلا تعاي

رجعنه للمستشفى المسافة ما جانت بعيده
سلمنه الاوراق و سجلو المعلومات
جان لازم تنام بالمستشفى حتى يتأكدون النزيف توقف

جاهد _اني هذا الطفل ما اريده

سائد _ بعد ما نسوي المصيبة نگول ما اريددده ليشش ما تريده

جاهد _لأن ما اريددده هيج

صليل _ انت عايش وياها شنو اريد نفهم

جاهد_ اني بنفسي ما ادررري
نحصرت بزاويه لا اگدر   ازوجها و لا اگدر اتركها ولا اگدر ارجع گلبي الي 

سائد _خلي الطفل واسال المذهب السني وشووف شنو يگولون

جاهد_ لا مذهب سني ولا شيعي يا خوي شبيك

سائد _انت جاي تحجيلنه اللغاز

جاهد _ما اريدد هذا الطفل وبسس شسووي بي من كل عقلكم انتووو هههه

سائد _ باوعتلها بعز الاحنه بي و تمنيت هيه الحامل
اريدد اصيرر اب منو ما يريد يصير اب.
تحسرت هسا خلي تطلع ونشوف شنو يصير

صليل _ وانت موافقة الرأي

سائد _اني ضد بس هو حر اذا هو يريد هيج اني شنو حياتي قابل

جاهد _ خلي روحك بمكاني سائد وگلي شنوو اسوي

سائد _ هاي المره من باوعتلها لگيتها تباوعلي
بكيفك انت شنو تريد سوي يا خوي هاي حياتك وانت الاعرف بيها

جاهد _وهذا الصحيح محد يعرف شنو جاي يصير

مناسك _ختم الكلام بهاي الجملة
الصبح ما قبلو يرخصوها يردون  يطمنون
اذا النزيف توقف تماماََ او لا

صليل _اني طالع للشغل يابه اي شي  تحتاجو بس تعالو للگهوه

سائد _اني هم طالع للشغل
مناسك ديري بالج على رحمة

جاهد _انت لا تنلزم وين رايح

سائد _ خلي الزم يعني نموت جوع

جاهد _احنه نشتغل عوفك انت بالبيت هاي الفتره

سائد _يعني انتو ما يعرفوكم؟

_اي روكان ثاره وياك مو ويانه وقاصدك انت

سائد _ ميخالف شيريد يصير خلي يصير
تعبت  اني حتى بعد ما بيه حيل اركض اذا شفت روكان اكعدله بالگاع واكله تعال زهگتتت هيه هاي هم عيشه

مناسك _طلع وهو يتذمر
بقينه لليل اني ما دخلت الرحمة كلامها هواي اذاني
احنه الصار بالسجون مغصوبين عليه تمنينه الموت بس في سبيل نخلص
للازم هيه الاعرف بحالتنه
بس بأول فرصه لدغت و حجت علينه
بالليل رخصوها على مسؤولية جاهد
ركبنه السيارة بدون ولا كلمة بس وصلنه شالها و صعدها خوفه عليها ونظراته و شلون يصيحلها رحمتي وشلون يواسيها غصباََ ما عليك من تسمعهن تحط ذاناتك يمه.
جاهد فعلاََ جاهد  بحبة الها
وهيه تگول عنه ابو الجاي
ياريت ابو جاي ابو صخام بس نعيش عيشة اوادم
مو مطارده مو خوف وقلق
دخلها جاهد للغرفه وطلع يريدنه نسويلها اكل

مياسين _اني اعتذر الك اني مجنت ادري هيه حامل

جاهد _ما صار شي احنه اخوان وتصير هاي الامور  بيناتنه بس هسا لازم نصير گلب على گلب مو نتعارك

مياسين _ان شاء الله

جاهد _فدوه بس سوولها شي عندي  موضوع اخلصه وارجع

مياسين_اني مسويه غدا وضامه حصتكم نسويلها؟

جاهد _ياريت

مناسك _وين رايح خاف ما تريدنه ننطيها شي  لو تظل افضل

_اريد اشوف اكو وحده تجهض هذا الطفل واحد يساعدني اكو ناس بسوگ العراقيين يعرفون بهذا الموضوع بلكت يساعدوني فدوه اعتمد عليجن

مناسك _......

مياسين _ اني كملت الاكل

مناسك _جيبيلي الصينيه اني اوديها

مياسين _ انطيتها الصينيه ودخلتلها

مناسك _ رحمة

رحمة _ ما اريد شي اخذو الاكل وطلعو

مناسك _هذا الاكل هنا تردين تاكلين براحتج  ما تردين العلينه سوينا خليت الصينيه وطلعت

مياسين _ شنو صار وياكم

_حامل بس لازم ترتاح لأن مهددة بالاسقاط

مياسين _ لا تخافين حيه ملسة ما يصيرلها شي

مناسك _كاافي مياسين

مياسين _ ماا تشوفيها شلون تحجي وجماله عينها على الولد

مناسك _ انتِ اذا خايفه على صليل عقدو وانت مرتاحة  بس اذا خايفه من صليل تركي الزمن يكشفه الج و سدي حلكج لأن هاي السوالف راح تفرقنه وهسا  مووو وكتها احنه سبحة ولو كطعناها كلنه نطشررر

مياسين _ اني ما واثقه بصليل انتِ جاي تشوفين شنو جاي يصير

مناسك _اذن انتظري وشوفي شنو يصير

مياسين _ اووو تعبت  و الله تعبت التفكير نخر مخي نخرر

مناسك _ لا تتعلقين هواي تركي مجال الخيبة الامل

مياسين _اهووو النفسيه هو اني خايفه وهيه تخوف بيه عفتها وطلعت للبلكونه اشم هوا الشام
البلد الي استقبلنه ولمنه بحضنه واحنه بأشد الحاجة الهم
البلد الي ما تركنه بوقت كسرتنه وسندنه
احتضنتنه الشام وعينه على بغداد
الي حالياََ تحت مرمه الساسه الانذال
امريكا ترفع  و التكريتي يكبس
محد هامه بلد  وشعب وحضارة المهم اني ما ينكسر راسي المهم انييي اسوي الي اريده واذا يموتون شكم مليون نرجع اقوه من قبل  عن طريق العراقيات الماجدات

اذا حالياََ الوضع هيج بالعراق ليش روكان هنا ليش مو مساند لدوله طلعت المناسك احجي وياها

مناسك _هو انتِ تعرفين شي
احنه ليش دخلنه سجونهم انطيني جواب
ليش معدومين و احنه بعدنه عايشين
همه هذول ينحزرون
تردين جواب ليش روكان هنا بعز ازمة البلد بس الله يعلم بيهم شجاي يسوون

مياسين _يجوز رجع هسا

. مناسك _ لازم نعرف من الناس الجاي  تجي شنو الوضع بالعراق

مياسين _ امريكا شانه الحرب  علينه

_ الله يعين الناس

_تتوقعين يگدرون يوكعون الافه من الحكم

مناسك _ وكع والما وكع احنه شنو مستفادين
شو جاي ناكل خره هنا ويوميا سالفة اصعب من القبلها

مياسين _اذا وكع يجوز نگدر نرجع للعراق و نكمل حياتنه

مناسك _باوعتلها معقوله نگدر؟؟

مياسين _ممكن

مناسك _ يمكن فرحت بوقتها اي ليش لا نخلص منه و اكيد من ينزاح من الحكم ينزاحون ويا العصابه ونرجع البلدنه ونشوف اهلنه و نكمل حياتنه واكيد الحكم الجاي نگدر نحجيلهم قضيتنه ويفهمونه والله خوش ياريت ع الاقل نعيش يم اهلنه وناسنه اني بس اريد امي وخواتي احس روحي محروگه على امي حرگ هسا شخبارها شصاير بحالها بعده ابوي يأذيها و هدير و لارا تزوجو لو لا هسا كبرو وصارو نسوان اكيد ابوي هسا زوجهم وامي بقت بين ظلم حميد وطغيان بيبي

شوي واجوي الولد سوينالها عشه

جاهد _ بالله خلولي  شوي  من العشا بصينيه الاخت ما ماكله شي

مناسك _اني وديتلها بس هيه ما تقبل تاكل

_ادري

مناسك _ سويت صينيه الرحمة وانطيته
اگلك سائد سمعتو بالاخبار شصاير بالعرق

سائد _ مجرد اخبار وما زالت المناوشات قائمة

مناسك _ اذا شالو من الحكم ما نگدر نرجع

سائد _ ههههههههههه ضحكتيني

صليل _ شايفه الشجرة القديمة القددديمة ١٠٠ سنه مثلاََ تتوقعين جذورها وين ممتده

_اكيد مسافات شاسعه

صليل _ اذا قطعوها جذورها تنقطع وياها؟؟

_لاا  اكيد

_هذولي مثلها  اذا نشالو جذورهم تبقه نابته بالبلد وما تموت خاصه شجرتهم تنسگي بأرواح الابرياء صعب استئصالها وبراعمها راح تبقه  تظهر. على مرر العصور وهاي اذا امريكا گدرت توكع الطغات

سائد _  ما اعرف اذا سامعين بذاك الرجال  المسكين الي وكعت بي الطياره

مناسك _ لا

مياسين _ايي اني اعرف سمعت الخبر

سائد _ اي خطيه المسكين وكعت  الطيارة
سوده عليه على گولت صليل ذبوها على الجو وسوء الاحوال الجوية 

صليل _ هذا الي يعرفه الشعب المسكين
واحنه الما خفي

سائد _احنه ولدددهم تعرفين شنو ولدهم لازم احنه اليوم النه منصب بالدولة بس احنه ووين احنه بالمنفى من كبرنه ضباططط النه هيبتنه
رايحين ندافع عن العراق
عووفج من العرراق سوالف ناس وطنيه
رايحين ندافع عنهمم هههههههه
ضعنه احنه وضاع العراق بيد الجلاوزه

مناسك _بحجي ويتحسر ما اخذت منه جواب اكيد
يعني شنوو

صليل _خلي يسقط وساعتها اخذج اذبج يمهم وكليلهم اني جنت في احد السجون  السريه وخلي يكرموج بجفن

مياسين _هههههههه

صليل _ العراق بعد مو النه نقطة خط سطررر

سائد _واذا ما طلعنه من سوريا بأقرب وقت
تذكرنه ذاكرة. الزمان ولادة العراق و وفاة داخل سوريا الشقيقة
ويلمنه التراب

مناسك _ يعني انتو تخوفون بينه لويش

سائد _حقيقة لازم كلنه نتكاتف ونطلع منا واذا ما طلعنه روكان ما يخلينه و اولكم انيي

مناسك _اطلع انت وبعدين احنه

سائد _ وينطيني گلبي اخلي امي هنا اخليج انتِ اصدقائي؟؟
ما اگدرر خو هو اني شباقي بيه غير لو ما انتو اموت
حتى گلبي ارض بور قاحلة ازهر بيج

مناسك _فتحت عيني ههههه

صليل _ختامها مسك

مياسين _هيج تغزل بيه

صليل _تعاي  اليوم  بالليل بعد الساعة الواحدة لأقول لكي اصدق الكلمات واعذبها

جاهد _متأكد اصدقها يعني مو انزعها

صليل _ههههههههه

مياسين _ لا عيني ما اريد اصدقها خليها الك اني وصاحبتي نتغزل ببعضنه

صليل _انتِ الخسرانه انا اذا توازيت انزل الراما

مناسك _باوعتلي هو الشك متغلغل بينه وهو مزاحة ابددد مو وكته

بعدها بأيام جاهد لگه سستر سورية قريبة على باب توما
وگلهم اني اريدها تذب الجنين

مناسك _ انتِ موافقة

رحمة _ايي

سائد _فكر جاهد

جاهد _ما اريد افكر اريد اخلص منو يجي وياي يساعدني الي ما يگدر يجي لا يجي
مناسك اني محتاجج وياي خاف ما يدخلوني

مناسك _انا اعتذر انا اسفه اني مو حمل اثام
هاي روح واني اعرف شنو اجهاض ما اگدر اشوف شخص يضوك من الكاس الضكته مياسين يجوز تطوع

مياسين _انييي الاطوع واصلاََ مدري ليش متعب روحك وماخذها للدكتوره مدري كصابه
اني انطينياها شوي ادخل وياها بالغرفه اطلعها زايعه روحهااا

جاهد _مو وقتهااا

مياسين  _ لا لا جديات اني اجي شدخلني اني بذنوبكم انتو وذنوبكم تجازون
لبست ملابسي وطلعت وياهم
جانت الاحياء  قديمة البيوت السوريا الارض ديار ر البيوت عبالك تحفة معماريه دگينه الباب بس شافتنه  دخلتنه

_اولا اشي لازم اعمله فحص

رحمة _سوي الي تردي المهم اتخلص من الطفل

جاهد _يعني قصدها انو اذا بقه هذا الطفل هيه تموت ولازم ينزل

مياسين _شكلها السستر متفقه وي جاهد على شي ورحمة گالت شي مغاير
دخلتها بغرفه بيها كلشي حتي جهاز السونار
ولما فحصتها اكتشفت الجنين عمره شهرين
وهنا رفضت رفض قاطع تنزله

جاهد _شهرين؟؟

_اييي ومهدد بالاسقاط تگول
و تگول لازم ترتاح لان يأثر عليها وممكن تخسروهم ثنينهم

جاهد _....

رحمة _اني  قابله امووت ما اريد يبقه هذا الطفل

جاهد _خلي نرجع هسا ونشوف شنو نسوي

مياسين _رغم هو ما يريد الطفل بس من هيه تحجي عيونه تصدر حزن يوجع گلوب كلمن شافهن
والحد  ما  تخلصلها جملتها التحجي بيها تخلص روحة من الحسرات
الحب وما اداركم من الحب موت  بوجهة اخرر
اخذها يمشيها ببطء  خايف عليها تتعور مو خايف على الي بطنها

رجعنه للبيت نومها بفراشها وغطاها وطلع

مناسك _ شنو صار

_ ما قبلو  يطلعون بيضات الحية
خافو عليها تموت
ما يدرون باجر تخلف صلللل

مناسك _شنووو هذا الحجي مياسين شنو ذنب هذا الطفل

مياسين _ انيي لو عندي اختت انطيها سعادتي لو الدنيا تنطيني سعاده بحجم حبة تمن
انطيهاا الاختي
ولو عندي مثل جاهد انطي روحيي
هذا صليل سوالفه المكسره و اني متعلقه بي
احسه صار نص روحي

_ليش ما قبلو ينزلو

_تگلها عمره شهرين حرام

_شهرين يعني من ايام البستان حامل

_ايي شعبالج هااي رحمة ام الزلم باجر تسوي مصيية هالكبرها

مناسك _مالج دخل انتِ كلمن عقلة براسة ويعرف خلاصه
جنت انهي  الكلام وي مياسين بكلمة مالج دخل ادري بيها حساسه و تخاف ع الكل وتعامل الكل بحب مبالغ بي وما اريدها باجر تنصدم بشي

لبست سائد ملابسة قميص وبنطرون لمع حذائة  هم يريد يروح الابو الحسن الي يهرب يريد يعرف طريقة ثانية  نوصل وتصير ارخص وهم يگله احنه ٧ نفرات بلكت بساعدنه

صليل _اني اجي وياك لحضه مياسين جيبيلي بنطروني الكابوي

مياسين _ماخذه جاهد

صليل _حتركت روحة

_تريد اجيبلك بنطرونه

صليل _اي

مياسين _دخلت لكيتها تضرب على بطنها بس شافتني  وكفت
جريت بنطرون جاهد وطلعت
تره حتى قميصك ماخذه
تريد اجيبلك القميص لخ

_ايي جيبي يوكيا  ماخذ ملابسي عبالك  حبيبتي على ريحتك تنام روحي ابن الجلب

مناسك _ تريد اجي وياك بلكت نكسر خاطره

سائد _لا هذولي ربهم الليرة لا تكسرين ولا يكسرون
يلا صليل
نزلت واجرت تكسي

صليل _وين ماخذنه شو مو للذيابيه

سائد _ومنو كلك اني رايح للذيابيه

_مو انت گلت نروح للمهربجي

_يا مهربجي النطلع ويا ورحمة عدها اسقاط
تعالل وراي ومالك دخل

صليل _لا تخبلني شتريد تسووي احجي

_ اريد نروح للبار

صليل _ شسوي؟ مو مبطل و تصلي شنو انت يوميا راي

سائد _اهووو دتعاي وراح تشوف شسوي
صعدنه التكسي ونطلقنه دخلنه طلبت من الحرس يوصلوني الصاحب المكان ترجيتهم

_هلق مانو هون   تعا بالليل تلاقي

_ اي شعدنه ننتظر

صليل وين تنتطر

_ نبقه بالشارع الحد ما يجي الليل

صليل _ولك شتريد تسوي

_اريد نشتغل سالفة   صور و جاي ما تفيد ما اطلعنه باب سوريا ما توصلنه المحافظة من محافظات سوريا

صليل _وامك اذا عرفت

_ما  نحجي الاحد نشتغل وننجب الحد ما نجمع الفلوس
تره  كلام رحمة صح لو هناا لو ممنوعات ع الاقل هنا افضل

_ايي شيشغلوك هنا طبال

_اي شي حتى لو نكنس صاله نغسل كلاصات
نصب سم للجلاب بس كون شغل فلوسة زينه تطلعنه

صليل _ نشوف شيصير اذا شغلوك عود

انتظرنه لليل وكفت سيارات حديثة يم البار نزلن بنات وهو هم فتحوله باب السيارة نزلو وي وحده تجدح  شوي ودخلنه وراهم طلبنه نشوفه ما حجة شي بالعكس قبل بسرعة

سائد _السلام عليكم

_يا اهلين وسهلين تفضل تفضل

سائد _تسلم ما تقصر اني اجيت هنا علي امل اشتغل اي شي المهم شغل ووصوني بيك گلولي ما ترد احد

_ والله انا بدگارد عندي يعني ما في شاغر
بس اذا بدك گرسون اي ليش لا

سائد _اي شي بس اني مو وحدي

_لكن شو

_نحن اخوه تلاثه
صاح الواحد من زلامه
گله شنو عدنه شاغر كله كارسون
وحماية للمعلمتي يعني ل تنين شاغر اكتر مافي

_اي هيك  منيح
لكن في اشي اذا ما عملتو بي
انتو الاعرف بمصيركون هاا

سائد وهو يحجي طلع اسلاحة من الجرار وخلاه ع الطبله

صليل _ كلها تهدد بهاي الاسلحة واحنه صايرين ملطشه

سائد _هو حفرنا وهو طمرنه مو هيج تگولون

_هههههههههههه معلم
اخدوهن واعطوهن الزي تبع النادي

سائد _عادي بس اشوف اخوي اذا هو يشتغل بمكاني

_اي شو عليه انت اخوك بس الافضل يكون متلك هيك  طول بعرض

_واكثر هماتين
صليل انت ابقه واني رايح الجاهد اشوفه هو ياخذ الشغله لو اني

صليل _ لا لا انت وجاهد اشتغلو واني عندي الگهوه ع الاقل افضل خطيه هو بالجاي باقي بالشارع  ويحمل   جنط

سائد _اكيد ما تضوج

صليل _شنو هذا الحجي اني اضوج لأن انتو تشتغلون شنو خرفتي سائده

سائد _هههههه لعد روح جيبه وتعال
طلع صليل واني دخلوني غرفه ملابس انطوني بنطرون اسود قميص ابيض و ليلگ اسود
انطوني عنوان اروح اجيب منه حذاء رسمي
بعد ما كملت سألتهم شگد الراتب
لمن ذكر المبلغ والراتب اليومي من غير اذا اجه شخص كريم  بقيت صافن يعني بأقل مده نگدر نطلع
اذا اشتغلنه صح
اجه جاهد و شافه صاحب المكان وختاره هو الي يصير حماية للمعلمة بعدنه ما شايفيها هاي المعلمة
جنت خايف مناسك تعرف وتزعل بس هيه اذا عرفت   اكيد ندخل تحقيق وتزعل  خليها ما تعرف احسن ما بيدي شي يردوني اطلعهم لازم يتحملوني اشتغل قابل شسووي اني مقيد اكثر منهم

جاهد _ وشنو الوضعيه هنا وليش ختاريت هنا

سائد _ المهم من ترجع ما تحجي شي
وهماتين اي شي من هذا المكان ما اريد احد يعرف بي  لأن هددنه صاحب المكان واضح كلامي

_ واضح

_ الفلوس الي تجينه لازم نجمعها بعيد عنهم لأزم نطلع منااا

_اني انطيك يوميتي وانت قرر شگد تنطيني

سائد _متفقين
اشتغلنه لليل كلش متأخر الوقت رجعنه

مناسك _ وين رحتو غير طلعت انت وصليل للمهربجي شو صليل يگول مالي خلگ ما رحت ويا رحت للگهوه

سائد _ اول شي گولي الله يساعدك شي
جنت اشتغل اذا نريد نطلع لازم اشتغل للفجر اذا ما نشتغل منين نجيب الفلوس

مناسك _ الله بساعدك واحنه نقتصد ولا يهمك  المهم نطلع
عاشت ايديك

سائد _ بس اكو مشكله

مناسك _شنو هيه يا ساتر

_ المهربجي قبل ينزل من فلوس الجوازات وهواي هماتين بس للعوائل و على هذا الاساس لازم نزوج

الكل صاح شنووو

سائد _على كيفكم الي يريد يطلع لازم مزوج بهيج حاله يسمونه عائله ويقل بس اذا كل واحد بوحده ما يقلل يبقه نفس السعر

مناسك _ صدگ تحجي

سائد _تردوني اخذكم اله تحجون ويا بكيفكم

صليل _اراقبة من بعيد شجاااي يسوي

ام سائد _يمه هاي اجتكم من الله انتو مو رايدين البنيات اتزوجو لعد شمنتظرين

صليل _ المره الجاية  اروح  وياك اتشكر من ابو الحسن

مياسين _يعني اذا ما نزوج شگد المبلغ

سائد _٤ الالاف دولار واذا شاف عقود الزواج الفين دولار نص السعر ينزله

رحمة _ اني و جاهد ما نگدر نزوج

سائد _ما نحجي الاحد نجيب شيخ يعقدلكم المهم يتم الزواج وناخذ الاوراق

جاهد _.....

سائد _الي ما يريد من هسا يگول وتره أنفصم ظهرنا من الشغل حرام عليجن ع الاقل ساعدونه عمي نسوي العقد الما تريد الزواج يتم بكيفها باوعتلها لأن متأكد هيه ما راح تتم الزواج
بس ع الاقل نص المبلغ يروح كعدتنه هنا كلنه بخطر يجوز يجرون واحد منكم خاطر يجيبونه وتره هنا مثل هناك امن وسجون يسون بيكم مثل  ما سوو قبل

مناسك _ الخوف تملكني باوعت الام سائد ردت اعرف شتگول

ام سائد _وافقي احسلج يوم ع الاقل گبال الله حلال ومن تبدين تتقبلي تممي زواجج اعتبري مثل هسا ما اختلف شي

مناسك _ وانتِ مياسين

مياشين _اني موافقه

صليل _ابوووس راسه الابو الحسن

سائد وانت جاهد

رحمة _اذا مجبورين بعد شنسوي نسوي هذا العقد

سائد _ نطقي الجوهره

مناسك _بس نبقه هيج اني بعدني ما فاهمه شي منك وبعدني تعبانه من الصار اذا تجبرني  على شي لا اريدك ولا اريد اطلع

سائد _ اكلها راح ابقه  اشتغل للفجر وين تشوفيني

مناسك _موافقة

سائد _درت الصحباني ابتسمتلهم

رحمة _واذا نسافر وين نروح اقصد يا دوله

سائد _يگولون جماعة حفر الباطن بأمريكا و السويد و النرويج احنه نروح الوحده منهن لأن جاي ينطون اقامة للعراقيين

مناسك _وشلون راح نفهم حجيهم

سائد _ هساااا خلينه ندبر الفلوس لا تحلمن كلشي غالي كلشييي غالي
هنه هم سكتن و گامن
سون اكل ودخلن  كلهن يم امي ههههههه
اذا ما اخليجن اليوم للصبح ما شايفات النوم
ما اطلع سائد
كمنه دخلنه للغرفه تلاثتنه

جاهد _شجاي تسوي

سائد _ نحقق امانينه

صليل _والله وجبتها

جاهد _ انت مو خالي سائد

سائد _ الي مفكره توصل اوربا وتغدر
فـ مصيرها تبقه مربوط طول العمر بينه

جاهد _ما واثق؟؟

سائد _تعلمنه ما نثق أبني بشر

يتبع.......