" 'မ' .....ဘယ်လို ဖြစ်နေတာတုန်း..ခုနကမှ ဆေးရုံက ဆင်းလာတာလေ....အေးအေးဆေးဆေး အိမ်မှာ ဘဲနားနေပ့ါလား..."
" အိမ်မှာက နေ့တိုင်း နေနေရတာလေ....ပျင်းစရာကြီး.. အခု ကုမ္ပဏီသွားပီးရင်လဲ အိမ်ဘဲပြန်လာရမှာလေ မဟုတ်ဘူးလား..."
" 'မ'!"
ဘုကလန့်ပြောလာတဲ့ မကြောင့် စိတ်ပေါက်ပေါက်နဲ့ အော်လိုက်မိတော့တယ် ။
" လန့်လိုက်တာ...'မောင်'ရယ် ဖြေးဖြေ အော်ပါ.."
" လန့်သွားတာလား..
မရည်ရွယ်ပါဘူး...'မ'က ပြောစကားမှ နားမထောင်တာ.."
ခုနကဘဲ အော်ပီး..အခု ချက်ချင်းမျက်နှာငယ်လေးနဲ့ ပြောလာတဲ့ 'မောင့်'ကြောင့် ကျွန်မမှာ သဘောကျလို့မဆုံး ။
'မောင်' ...ဟုတယ် ကျွန်မအရမ်း ခေါ်ချင်ခဲ့သော နာမ်စားလေးတစ်ခု...
ဆေးရုံမှာ ပထမဆုံး ခေါ် လိုက်တုန်းက ကျွန်မကို ပြူးကြောင်ကြောင်လေး ကြည့်နေခဲ့တဲ့ 'မောင့်'ဟာ သိပ်ချစ်ဖို့ ကောင်းလွန်းတယ် ။
မောင်လို့ ခေါ်တာလေးကိုလဲ အရမ်းသဘောကျသေးတယ်တဲ့......။
" 'မ'ကို ကုမ္ပဏီသွားခွင့် မပေးဘူးပေါ့.."
ခေါင်းလေးကို တဆက်ဆက်ညိမ့်ပြနေတဲ့ မောင့်ပုံစံလေးဟာ တကယ်ကိုအူယားစရာကောင်းလွန်းနေသည် ။
"အင်း.....ဒီနေ့တော့ မသွားနဲ့အုံး...
'မောင်' ဒီနေ့ ခွင့်ယူထားတာဆိုတော့ 'မ'နဲ့ အတူအိမ်မှာ နေပေးမယ်"
" ဟဲဟဲ ..'မောင်'က အတူနေပေးမယ်ဆိုတော့ မသွား တော့ဘူး...."
" အလည်လေး... တမင်ညဏ်များတာ မဟုတ်လား"
ကျွန်မ ခေါင်းလေးကို အသာပုတ်ကာ ..'မောင်'ဟာ အပြုံးလေးနဲ့ ပြောလာခဲ့တယ် ။
မောင့်ရဲ့အပြုံး .....
မောင့်ရဲ့ ပထမဆုံးအပြုံး...
ဟုတယ် ဒါဟာ..'မောင်' ပထမဆုံး အကြိမ်ပြုံးခြင်းဖြစ်သည် ။
ကျွန်မနဲ့တွေ့တဲ့အချိန်ကစပြီး မောင်ဟာအရယ်အပြုံးမရှိဘဲ နေလာခဲ့တာ....
အခုမောင့်ရဲ့အပြုံးကို ပထမဆုံး မြင်ဖူးခြင်း
ရုပ်တည်တည်နဲ့ မောင်ဟာ တည်ကြည်ခန့်ညားသလို...
အခုလို အပြုံးလေးနဲ့ကျပြန်တော့ ကလေးဆန်ပြီး ချစ်ဖို့ကောင်းလွန်းသည် ။
ဘယ်ဘက်ပါးပြင်ပေါ်က ပါးချိုင့်နက်နက် လေးကလဲ လူကို ရူးသွပ်စေအောင် ဆွဲဆောင်လွန်းသည် ။
ဒီလိုအံ့ဩဖွယ်ကောင်းတဲ့ အပြုံးလေးတွေ ထပ်ခါထပ်ခါ ပေါ်ပေါက်အောင် ကျွန်မဖန်တီးရအုံးမယ် ။
" 'မောင့်'..အပြုံးကို အရမ်းသဘောကျတာဘဲ..
အခုလိုဘဲ မောင့်ကို ပျော်ပျော်ရွှင်ရွှင်နဲ့ ပြုံးနေတာလေးဘဲ အမြဲမြင်ချင်တယ် "
" 'မောင့်' ကလေးမလေး ကတော့လေ.....
မောင်' ကျတဲ့ မျက်ရည် တွေကို..'မ' ကြောင့်ပဲ ဖြစ်စေချင်သလို...'မောင့်' အပြုံးတွေကလဲ 'မ'နဲ့မှဖြစ်တည်လာတာ ... မောင့်ရဲ့ ပျော်ရွှင်ခြင်း ဝမ်းနည်းခြင်းတွေက မအပေါ်မှာဘဲ မူတည်နေတော့တယ် မ.... မောင့်ဘဝမှာ မမရှိလို့မဖြစ်ဘူး "
ရင်ခွင်ထဲဆွဲထည့်ပီး ပြောလာတဲ့ 'မောင့်' စကားကြောင့် ကျွန်မ သဘောကျမိသလို ပျော်လည်းပျော်မိတယ် ။
မောင်ကလဲ မဘဝအတွက် မရှိလို့မဖြစ်တဲ့ ဖြစ်တည်မှုလေး တစ်ခုပါဘဲ ။
_________________*********______________
" အခုဆို...ငါ့သူငယ်ချင်းရဲ့ ရေခဲတုံးနှလုံးသားကြီးက မမရှေ့မှာ အရည်ပျော်သွား ခဲ့ပီပေါ့...."
အိမ်ပြန်ရောက်ကတည်းက လိုက်စနေတဲ့ လင်းဟာ အခု ညနေစာစားပြီးတဲ့ အချိန်ထိ လိုက်စလို့ မပြီးသေး ။
" 'လင်း'...ရာ မမောဘူးလား..ညနေကတည်း ကပြောနေတာ..."
လိုက်စနေတဲ့ လင်းတော့ မောမမောမသိဘူး ....
ကျနော်တော့ သူ့အစားမောနေမိတယ် ။
" မမောပါဘူး...ချစ်ရဲ့သားနဲ့ မြုံစိစိလုပ်နေတဲ့ မင်းကို တစ်ညလုံးတောင် ထိုင်ပြောပစ်ချင်တာ... မမဘက်က မြောင်းဖောက်ပေးနေတာတောင် မင်းကစီးရကောင်းမှန်းမသိဘူး ... မဟုတ်ဘူး..အမ်....စီးချင်ရက်နဲ့ ပြူတစ်ပြူတစ်လုပ်နေတာ "
လင်းရဲ့ စကားကြောင့် ကျနော့်မှာရယ်ရမလိုလို ငိုရမလိုလိုနဲ့ ....
ခွန်းတုန့်ပြန်စရာ စကားလဲမရှိ ။ အမှန်တွေဆိုတော့လဲ ငြိမ်ခံနေရတော့တာပေါ့ ....
🎶🎶🎶🎶🎶🎶🎶
" Hello! 'မ'...."
" ........"
" 'မောင့်' ကလေးမလေး ကတော့လေ..အပြင်မှာ အေးနေတာကို ...ခဏလေး..'မောင်' အခုဆင်းလာခဲ့မယ်.."
" ဘာတဲ့ မောင့်ကလေးမလေးတဲ့..ပြောရင် လဲလင်းလင်းလွန်ရာ ကျအုံးမယ်...အောင်သွယ် ပေးမိ တဲ့ငါ ကိုယ်တိုင် ဘဲမှားသလား....."
ပွစိပွစိ ပြောနေတဲ့ 'လင်း'ကို ဂရုမစိုက်အား။
ရာသီဥတု အေးရက်နဲ့အောက်မှာ စောင့်နေတဲ့ 'မ'ဆီကိုသာ အပြေးဆင်းလာ ခဲ့လိုက်သည်။
" 'မ' ရယ်....နေလဲကောင်းတာ မဟုတ်ဘဲနဲ့ ..အပြင်မှာ ဒီလောက်အေးနေတာကို......"
" အေးလို့... မောင့်ဆီက အနွေးဓာတ်လာယူတာလေ "
မရဲ့ အပြောချိုချိုလေးကြောင့် သဘောကျစွာ ရယ်လိုက်မိသည် ။
" လာပါအုံး "
လက်နှစ်ဖက်ကို ဆန့်တန်းပေးလိုက်တော့ ရင်ခွင်ထဲပြေးဝင်လာတဲ့ မကို ခပ်တင်းတင်း ဖက်ထားလိုက်သည် ။
" 'မောင့်' ကလေးမလေးက သိပ်ချွဲတတ်တာဘဲ ...ခုနကမှ 'မ'ဆီကနေ 'မောင်' ပြန်လာခဲ့တာလေ..."
" အင်းလေ... 'မောင်'သာ 'မ' အိမ်မှာ အိပ်လိုက်ရင် အခုလို လိုက်လာစရာမှ မလိုတာ..'မောင်'က အတင်း ပြန်မယ် လုပ်နေတာကို.."
ရင်ခွင်ထဲကနေ မကျေမနပ် အသံလေးနဲ့ တစပ်တည်း ခွန်းတုန့်ပြန်လာတဲ့ မဟာ သိပ်ချစ်ဖို့ကောင်းလွန်းသည် ။
" 'မ'ရယ်...'မ'အိမ်မှာသာ အိပ်လိုက်လို့ ကတော့ လေ... 'လင်း' ဒီတစ်သက် ပြောလို့ပီးတော့မှာ မဟုတ်ဘူး...ဘယ်ကတည်းပြောချင်နေလဲမသိဘူး ပြန်ရောက်ကတည်းက ပြောနေလိုက်တာများ နားကိုငြီးနေတာဘဲ "
ကလေးတစ်ယောက်လို ပြောပြနေတဲ့ 'မောင်'ဟာ တကယ်ကို အူယားစရာအတိ ။
'မောင့်'ရဲ့ တည်ငြိမ် အေးဆေးလွန်းတဲ့ ပုံစံထက် အခုလို ကလေးဆန်တဲ့ ပုံစံလေးကို ပိုသဘော ကျမိသည် ။
" 'မောင်'....."
"ပြောလေ ...မရဲ့ ...မောင်နားထောင်နေတယ် "
" မောင့်ကို အရမ်းချစ်တယ် "
ရင်ခွင်ထဲ ပိုတိုးဝင်ပြီး ဖက်လာတဲ့ 'မ' ကိုလဲ 'မောင်'က အရမ်း ချစ်တာပေါ့ ။
'မ'ကို ချစ်တယ်ဆိုတဲ့ စကားလေး ပြောဖို့ကိုတော့ မောင် အချိန်တွေအများကြီး ယူရအုံးမယ် ။
အခုချိန် ထိလဲ 'မ'ကို ချစ်ပါတယ် ဆိုတဲ့ စကားကို မပြောရသေး ......
ပြောမထွက်သေးဘူး မရဲ့...
ချစ်ခြင်း မေတ္တာရဲ့ အနောက်မှာ နားလည်မှုတွေ၊ သည်းခံ မှုတွေ၊ ဂရုစိုက်မှုတွေ အများကြီး ရှိဖို့ လိုအပ်တယ်။
ချစ်ပီးမှ ပြတ်မဲ့ ဇာတ်လမ်းမျိုးဆို ကျနော် စတောင် မစချင်ဘူး။
'မ'နဲ့ တော့ အဆုံးထိ အတူသွားချင်တယ်။ '
မ'ဘေးမှာ အချိန်အကြာကြီး ရှိချင်တယ်။
'မ' ဆီကိုဘဲ ဦးတည်ပီး ကျနော့်ဘက်ကနေ တစ်လှမ်းချင်းလှမ်းလာ မှာမို့လို့ ... မက မောင့်ကိုအများကြီးပိုချစ်ပေးပါ .....
ဒဏ်ရာတွေအများကြီးနဲ့ လူမို့လို့ အချစ်ခံရဖို့ကိုတော့ တောင်းတမိတယ် ။
_________________&&&&&&&_____________
🎶🎶🎶🎶🎶
" Hello! ..."
* 'မ' ...နေ့လည်စာ စားပီးပီလား...*
'မောင်' မေးလိုက်မှ နာရီကို ကြည့်လိုက်မိတယ်..နေ့လည်စာစားချိန် ကျော်နေတာတောင် မသိခဲ့ဘူး ။
'မောင်'တော့ ဆူတော့မှာဘဲ ။
" ဟိုလေ...မစား ရသေးဘူး..."
* ထင်တယ်... 'မ'ကလေ အဲ့အလုပ် တွေကြည့်ဘဲ လုပ်နေတာ... ဒီနေ့ meeting ရှိလို့ 'မောင်' မလာအားတာနဲ့ကြည့်..အခုထိ နေ့လည်စာ မစားရသေးဘူး......
အခုသွားစာ လိုက်တော့..အချိန်တောင် တော်တော် လွန်နေပီ....*
'မောင်'နဲ့ ချစ်သူသက်တမ်းက အခုဆို ၁လ ကျော်လာခဲ့ပီ။
မောင်နဲ့ ကျွန်မကြားမှာ မတူညီတဲ့အချက်တွေအများကြီးရှိနေခဲ့တယ် ။
ဒီမတူညီမှုတွေကို မောင့်ဘက်ကဘဲ ပြောင်းလဲပြီးညှိယူပေးခဲ့တယ် ။
အလုပ်လုပ်နေရင် ဘာကိုမှအာရုံမရတော့တဲ့ ကျွန်မကို မောင်က နေ့လည်စာစားချိန်တွေဆို ကျွန်မနဲ့အတူ လာစားပေးတယ် ။
'မောင်' မအားတဲ့နေ့တွေဆို ဖုန်းဆက်ပီးစားပီး ပီလား မေးတယ် ။
'မောင်' ဖုန်းဆက် တဲ့အချိန် မစားရသေးဘူးဆိုရင် အခုလိုဘဲ ဆူတတ်သေးတယ်။
မောင့်ဆီက ဆူခံရပြီဆို ကျွန်မမှာပျော်ပျော်ကြီး ငြိမ်ခံနေတတ်တယ် ။
" 'မ' စာရင်းတွေ စစ်နေရင်း အချိန်မကြည့်လိုက်မိ လို့ပါ.. 'မ' အခု သွားစားလိုက်မယ်နော်..."
* အင်း..အခု သွားစားလိုက်တော့...နောက်ပီး စားပီးရင် ရေအေးတွေ မသောက်နဲ့ ရေနွေးလေးဘဲ သောက်နော်.."
" ဟုတ်ကဲ့ပါရှင့်....
ဒါဆို မ နေ့လည်စာသွားစားလိုက်တော့မယ် ..ဒါဘဲနော် 'မောင်'..အရမ်း ချစ်တယ်..."
'မောင့်' ပြောစကားကို နားထောင်ဖို့အတွက် နေ့လည်စာ စားဖို့ ထွက်လာခဲ့ရသည် ။
'မောင်' ကလေ အခုချိန်ထိ ကျွန်မကို ချစ်တယ်လို့ တစ်ခါမှဖွင့်ဟခြင်းမရှိသေး ....
ကျွန်မကျေနပ်တယ် ...
ချစ်တယ်လို့ တစ်ခါမှ မပြောဖူးပေမဲ့ 'မောင့်'ရဲ့ အပြုအမူ လေးတွေက ကျွန်မကို ချစ်ကြောင်း သက်သေ ပြနေခဲ့လို့လေ ။
အခြား သူတွေကိုဆို အမြဲအေးစက်စက် ဆက်ဆံတတ်တဲ့ မောင်ဟာ ကျွန်မ အပေါ် မှာတော့ အမြဲ အပြုံး လေးနဲ့ နွေးနွေးထွေးထွေး ဆက်ဆံ ပေးသည် ။
အခြား သူတွေကို ပုံမှန် စကားဆယ်ခွန်း ပြည့်အောင် မပြောပေမဲ့ ကျွန်မကိုတော့ ဘယ်ချိန်မှာ ဘာလုပ်တယ် ၊ ဘယ်နေရာမှာ ဘာစားတယ် ဆိုတာကအစ ပြုလုပ်သမျှတိုင်းကို ပြန်ပြော တတ်တယ်။
ကျွန်မ မျက်နှာ မကောင်း တော့ဘူးဆို ကျွန်မ အနားမှာဘဲနေပီး ကျွန်မကိုစိတ်ပျော်အောင် တစ်ခုမဟုတ်တစ်ခု လုပ်ပေးတတ်တယ် ။
ဘယ်အရာ၊ ဘယ်ကိစ္စတွေ အရေးကြီးနေ ပါစေ ကျွန်မထက် ဘယ်အရာကိုမှ ဦးစားမပေးခဲ့ ။
အချစ် ဆိုတာက ချစ်တယ်လို့ တဖွဖွပြောပီး ရင်ခုန် စရာတွေ ဖန်တီးပေးနေမှ စစ်မှန်တာမဟုတ်ဘဲ ။
မောင့်'ရဲ့ အပြု အမူ သေးသေးလေး တွေကအစ ကျွန်မအတွက်ဘဲ ဖစ်နေတာကြောင့် 'မောင့်'ရဲ့ ချစ်တယ် ဆိုတဲ့စကားကို မကြားရလဲ ကျွန်မအတွက်တော့အဆင်ပြေပါတယ် ။
_______________&&&&&&&&_____________