စုန့်ထင်ယွီ TVကိုလက်ညှိုးထိုးပြလိုက်ပြီး: 'ဆရာကျို့ အနက်ရောင်အနွေးထည်ဝတ်ထားတာခင်ဗျားမဟုတ်လား?'
ကျို့ရှောင်မျက်နှာပျက်သွားပြီး သူဝန်မခံချင်တော့ ရယ်လိုက်ကာ: 'စုန့်ထင်ယွီ အဲ့တာကငါဆိုတာကိုမင်းဘယ်လိုသိလဲ?ဒီဗီဒီယိုကဝါးနေတာ။လူတွေကိုသေသေချာချာမြင်ရတာမဟုတ်ဘူးလေ'
စောစောတုန်းကကျို့ရှောင်ဘေးမှာထားထားတဲ့အင်္ကျီကို စုန့်ထင်ယွီပစ်ပေးလိုက်ပြီး: 'ဒီအင်္ကျီက ဗီဒီယိုထဲကအင်္ကျီနဲ့မတူဘူးလား?'
ကျို့ရှောင်ဒီကိုလာရင်ဒီအင်္ကျီဘဲဝတ်တယ်ဆိုတာကိုမေ့သွားတယ်။သူဒီကိုလာတာကအမျိုးသမီးအနုပညာရှင်တွေနောက်ကိုလိုက်ဖို့။သူတို့တွေဒီကိုဒါရိုက်တာတွေ ရင်းနှီးမြှုပ်နှံသူတွေနဲ့တိတ်တိတ်လေးလာပြီး ဖောက်ပြန်နေကြတာလားဆိုတာကိုလိုက်ကြည့်တာ။သူအဲ့ဒါတွေကိုကြည့်ပြီး ခေါင်းစီးသတင်းဖြစ်နိုင်မဖြစ်နိုင်ဆုံးဖြတ်တာ။
'ဒီလိုလူတိုင်းဝတ်ကြတဲ့အဝတ်အစားက....' အမှန်တော့ ကျို့ရှောင်ချွေးပြန်နေပြီ။
ထန်ဇီချုစာရွက်ကိုစုန့်ထင်ယွီကိုလှမ်းပေးလိုက်တော့ သူစာရွက်ကိုဖြန့်ကြည့်လိုက်ပြီး ကျို့ရှောင်ရှေ့မှာချလိုက်ကာ: 'ဒါကဗီဒီယိုထဲမှာပါတဲ့လမ်းဘေးconvenient storeဆိုင်ရဲ့ဖုန်းနံပါတ်ဘဲ...'
ကျို့ရှောင်မျက်နှာပိုပြီးဖြူဖျော့လာပြီး: 'ဥက္ကဌစုန့် ဘာပြောနေလဲဆိုတာကိုကျွန်တော်တကယ်မသိဘူး'
စုန့်ထင်ယွီခြေထောက်တွေကိုချိတ်ပြီးဆိုဖာပေါ်မှာမှီပြီးထိုင်လိုက်ကာ သူ့နှုတ်ခမ်းမှာအန္တရာယ်ရှိတဲ့အပြုံးတစ်ခုပေါ်လာပြီး: 'ကျို့ရှောင် တကယ်တော့ခင်ဗျားကဉာဏ်ကောင်းပါတယ်။ဒီကမ္ဘာပေါ်မှာ 'ဉာဏ်ပညာကြီးမားသူကဉာဏ်ပညာရဲ့သားကောင်ဖြစ်လာနိုင်တယ်' ဆိုတဲ့စကားရှိတာ ခင်ဗျားကြားဖူးမလားတော့မသိဘူး' သူ့ဖြေးဖြေးလေးနဲ့လေးလေးနက်နက်ပြောနေတာ ကြားရတဲ့လူကိုတကယ်ဘဲအေးခဲစေနိုင်တယ်။
'ခင်ဗျားကိုလူတွေသံသယမဝင်ရအောင် ခင်ဗျားရဲ့ကိုယ်ပိုင်ဖုန်းနဲ့အိမ်ဖုန်းကိုမဆက်ဘဲ အပြင်မှာသွားဆက်တယ်။ခင်ဗျားအိမ်နဲ့နီးရင်မလုံခြုံမှာလဲစိုးရိမ်ပြန်တယ်။အဲ့ဒါကြောင့်အိမ်နဲ့ဆန့်ကျင်ဘက်နေရာကိုသွားပြီး convenient storeမှာသွားဆက်တယ်'
သူ့အကြံအကုန်ကိုစုန့်ထင်ယွီပြောနိုင်လိမ့်မယ်လို့ကျို့ရှောင်မထင်ထားတော့မျက်နှာပိုပြီးပျက်လာတယ်။ဒါပေမယ့်သူကလူယုတ်မာတစ်ယောက်ဆိုတော့ ဟန်ဆောင်တဲ့နေရာမှာဆရာကြီးလေ။အဲ့ဒါကြောင့် စောစောကလိုဘဲဝန်မခံသေးဘဲ: 'ဥက္ကဌစုန့်စကားကိုကျွန်တော့တကယ်ကိုနားမလည်ဘူး။ဒါမှမဟုတ်တစ်ခြားတစ်ယောက်ကိုမေးကြည့်လိုက်ပါလား?ခင်ဗျားလူမှားနေတယ်နဲ့တူတယ်....'
သူပြောပြီးတာနဲ့ထွက်သွားတော့မလို့လုပ်လိုက်တာနဲ့ ထန်ဇီချူသူ့အကြံကိုသိလို့ခပ်မြန်မြန်ပြန်ဆွဲထားလိုက်တယ်။သူကသေးပြီးပိန်တော့ ထန်ဇီချူအားကိုဘယ်လိုလုပ်ပြီးယှဉ်နိုင်မှာလဲ။မကြာပါဘူး သူလှုပ်လို့တောင်မရတော့ဘူး။
စုန့်ထင်ယွီ သူ့ကိုကြည့်လိုက်ပြီး: 'ကျို့ရှောင် ခင်ဗျားမမှားဘူးဆိုရင် ဘာကြောက်ဖို့လိုလို့လဲ?'
သူထပ်ပြီးရီမုကခလုတ်ကိုနှိပ်လိုက်တော့ TVအကြီးကြီးမှာ ကြည်လင်ပြတ်သားတဲ့ပုံကိုပြနေတယ်။ပုံကကြည်လွန်းပြီး convenient storeကဖုန်းရှေ့မှာရပ်နေတာကကျို့ရှောင်ဆိုတာကိုသိနိုင်တယ်။
'ခင်ဗျားသေသေချာချာစီစဉ်ထားပေမယ့် ဒီကမ္ဘာပေါ်မှာ CCTVရှိနေတာကိုမေ့သွားတာဖြစ်မယ်။ပထမဗီဒီယိုက လမ်းCCTVရဲ့ဗီဒီယို။convenient storeရဲ့CCTVကဘယ်လိုလဲ?ဝါးနေသေးလား?'
'ဒီဖုန်းနံပါတ်ကခင်ဗျားရှာထားတဲ့အင်တာနက်ပေါ်မှာမကောင်းတာတွေလုပ်တဲ့လူပေးလိုက်တာ။ခင်ဗျားဒီဖုန်းနံပါတ်သုံးပြီးသူ့ကိုဆက်တယ်လို့ပြောတယ်။ခင်ဗျားသူ့ကို ငါ့မိန်းမနဲ့လင်ချန်ဟွမ်တို့အကြောင်းကိုဖွခိုင်းတယ်ဆို။သူ့IPကိုငါ့လူတွေကိုစစ်ခိုင်းထားပြီး အဲ့ဒီIPနဲ့ဘဲသူ့ကိုရှာတွေ့ခဲ့တာ။ခင်ဗျားအကြံပေါ်သွားပြီမလား?ပြောစရာစကားရှိသေးလား?' စုန့်ထင်ယွီတိတိကျကျပြောလိုက်တယ်။
'ဥက္ကဌစုန့် ဥက္ကဌစုန့် ခွင့်လွှတ်ပေးပါ။ဒီတစ်ကြိမ်တော့ခွင့်လွှတ်ပေးပါ...' ထန်ဇီချူလက်ထဲကနေ ကျို့ရှောင်ရုန်းလိုက်ပြီး စုန့်ထင်ယွီလက်ကိုဆွဲကာ ဒူးထောက်လိုက်ပြီး: 'ကျွန်တော်တမင်ရည်ရွယ်ပြီးလုပ်ခဲ့တာမဟုတ်ပါဘူး။ကျွန်တော်တို့ကကောလဟာလသတင်းအဖွဲ့ကဆိုတော့ လူတွေလန့်သွားစေလောက်မယ့်သတင်းကိုရှာချင်တာကိုဥက္ကဌစုန့်လဲသိတာဘဲ။ကျွန်တော်ကဒီအတိုင်းဘဲစုန့်ကတော်နဲ့လင်ချန်ဟွမ်တို့....'
သူ့စကားမဆုံးခင်မှာဘဲစုန့်ထင်ယွီ သူ့ကိုထိုးလိုက်တော့ သူနာလို့အော်လိုက်မိသွားတယ်။
'စုရန်နဲ့လင်ချန်ဟွမ်ကိစ္စကိုထပ်ပြောကြည့်လိုက်စမ်း?'
'မပြောတော့ပါဘူး။ထပ်မပြောတော့ပါဘူး' ကျို့ရှောင်ခေါင်းကိုတွင်တွင်ခါပြလိုက်တယ်။သူဘယ်လိုလုပ်ပြီးထပ်ပြောရဲမှလဲ?
စုန့်ထင်ယွီရယ်လိုက်ပြီး: 'တကယ်တော့ကျို့ရှောင် ခင်ဗျားကpaparaziဆိုတော့ စိတ်လှုပ်ရှားဖို့ကောင်းတဲ့သတင်းတွေကိုလိုက်ရှာတာမမှားပါဘူး။ဒါပေမယ့် ငါ့မိန်းကလေးကိုတော့ရန်မစခဲ့သင့်ဘူး။ပြီးတော့လဲ အခြေအမြစ်မရှိတဲ့အတင်းအဖျင်းသတင်းတွေကိုထုတ်ဝေခဲ့
သေးတယ်'
'ဥက္ကဌစုန့် ကျွန်တော်မှားတယ်ဆိုတာသိပါပြီ။ကျွန်တော်ကတကယ်ကိုကိုယ့်ကိုကိုယ်မထိန်းချုပ်နိုင်ခဲ့ဘူး။ကျွန်တော်ကအရမ်းကိုရူးခဲ့မိတယ်။မဟုတ်ရင်စုန့်ကတော်ကိုထိခိုက်အောင်လုပ်ခဲ့မိမှာမဟုတ်ဘူး'
အရင်တုန်းကလူတွေက စုရန်ကိုစုန့်ထင်ယွီဂရုမစိုက်ဘူးလို့ပြောတာကို ကျို့ရှောင်အခုသံသယဖြစ်နေမိတယ်။အဲ့ဒါကဘယ်လိုလုပ်ပြီးဖြစ်နိုင်မှာလဲ?'
စောစောကလေးတင်ဘဲ သူ စုရန်နဲ့လင်ချန်ဟွမ်တို့အကြောင်းကိုပြောတာကိုထိုးခံထိသွားတယ်။သူသာထပ်ပြောရင်ပိုပြီးပြဿနာတက်သွားနိုင်တယ်။
စုန့်ထင်ယွီ သူ့အင်္ကျီကော်လာကိုလွှတ်လိုက်ပြီး စီးကရက်မီးကိုသတ်ကာအမှိုက်ပုံးထဲကိုပစ်လိုက်ပြီး: 'ပြော။ခင်ဗျားကိုဘယ်သူခိုင်းတာလဲ?'
ကျို့ရှောင်နှုတ်ခမ်းနဲ့မေးစေ့တွေကစုန့်ထက်ယွီအားပြင်းပြင်းနဲ့ထိုးထားတာကြောင့်ယောင်ကိုင်းနေလို့သူထိတောင်မထိရဲတော့ဘူး။သူလက်ကိုလိမ်လိုက်ပြီး တစ်ခုခုကိုပြောမလို့အခက်တွေ့နေသလိုမျိုးမပြောဘဲတုံ့ဆိုင်းနေတယ်။
စုန့်ထင်ယွီပြုံးလိုက်ပြီး: 'ကြည့်ရတာခင်ဗျားပြောဖို့စိတ်ကူးမရှိတဲ့ပုံဘဲ?'
'မဟုတ်ပါဘူး မဟုတ်ပါဘူး မဟုတ်ပါဘူး...' ကျို့ရှောင်စဉ်းစားလိုက်ပြီး: 'ကျွန်တော်မပြောချင်တာမဟုတ်ပါဘူး။ဒါပေမယ့်...' သူအကျယ်ကြီးပြောရမှာကိုကြောက်နေလို့ စုန့်ထင်ယွီနားနားကိုကပ်ပြီး စကားလုံးသုံးလုံးပြောလိုက်တယ်။
စုန့်ထင်ယွီမျက်နှာမိုးပြိုတော့မလိုဖြစ်သွားတယ်။
သူတို့clubကနေထွက်လာတော့ ထန်ဇီချူ သူ့မျက်နှာကိုမကြည့်ရဲဘူး။
'ဥက္ကဌစုန့် အခုကျွန်တော်တို့ဘယ်သွားကြမလဲ?'
'ငါ့ကိုကားသော့ပေး' သူ့လက်ကိုဆန့်လိုက်ပြီးပြောလိုက်တယ်: 'မင်းလိုက်လာစရာမလိုဘူး'
ထန်ဇီချူခေါင်းညိတ်လိုက်ပြီး တံခါးဝမှာရပ်ကာ သူ့ကားထွက်သွားတာကိုကြည့်နေလိုက်တယ်။
သူဘယ်ကိုသွားမလဲဆိုတာထန်ဇီချူသိတယ်။ကျို့ရှောင်ပြောတုန်းကသူလဲကြားလိုက်တယ်။
ပိုင်ချီရွေ့ အင်တာနက်ပေါ်မှာတက်နေတဲ့စုရန်အကြောင်းတွေကိုသေချာကြည့်နေလိုက်တယ်။သူမကွန်ပျူတာကိုပိတ်ပြီးပြုံးလိုက်တယ်။သူမအိပ်တော့မလို့လုပ်လိုက်တော့ မမျှော်လင့်ထားဘဲတံခါးbellတီးသံကိုကြားလိုက်ရတယ်။ဒီလောက်ညမိုးချုပ်ကြီးဘယ်သူများပါလိမ့်?
သူမမျက်မှောင်ကြုတ်ပြီး အပေါ်အင်္ကျီကိုပုခုံးပေါ်ကိုတင်လိုက်ကာတံခါးသွားဖွင့်လိုက်တယ်။
တံခါးရှေ့မှာစုန့်ထင်ယွီရပ်နေတယ်။
သူဒီကိုတစ်ခါမှမလာဖူးလို့သူမအံ့ဩသွားတယ်။သူမဘယ်လောက်ခေါ်ခေါ်သူအမြဲငြင်းခဲ့တယ်။
ဒီညသူကစပြီးလာတယ်ဆိုတော့ သူလက်မောင်းကိုဖက်လိုက်ပြီး: 'ထင်ယွီလာတယ်ပေါ့လေ။ရုတ်တရက်ကြီးဘာလို့လာရတာလဲ?မလာခင်ဘာလို့ဖုန်းကြိုမဆက်ထားရတာလဲ?'
သူမပျော်နေပြီး စုန့်ထင်ယွီသူမကိုင်ထားတာကိုလွှတ်လိမ့်မယ့်လို့မထင်ထားဘူး။သူအထဲကိုဘဲတိုက်ရိုက်ဝင်သွားလိုက်တယ်။