كاي : انتي فاتحه مزرعة كلاب؟؟ 🙂
كريس : ايه كل ده🙂؟؟!!!!!!!؟؟؟؟
هايمي : كل ده ايه انتو لسه ماتعرفتوش علي عيلة روجر ... وولف
بيكهيون : وولف !!!!!!!؟؟؟؟؟؟
هايمي : ايوة "ندهت بكلمه مافهموهاش وبعدين جه 12 كلب "هاسكي" من عند الباب فشاورتلهم عليهم" دي عيلة روجر... وولف
(النوع ده -هاسكي- ..)
سيهون : دول شبه الذئاب!!
هايمي : اه عشان كدا مسمياهم وولف ، الاب اسمه روجر ودول عيلته وانا بقولو روجر وولف عشان شبه الذئاب ، عيلة روجروولف
تشانيول : وعددهم 12
هايمي ردت مبتسمة : اصل رقم 12 ليه اهمية خاصة بالنسبالي بالذات مع الذئاب ☺
كيونغ : يعني عددهم 12 وشبه الذئاب ومسمياهم عيلة وولف
هايمي : اصلي بحب الذئاب "وزعت نظرات عليهم" بحب الذئاب والمستذئبين ..
هما سكتو للحظه استيعاب وافكارهم متشتته ومتداخله بيحاولو يجمعوها ويوصلو لفكرة ، وسيهون بصلها وهي لمحته ف بصتله هي كمان للحظه ..
سيهون : انا حاسس بحاجة غريبة وبفكر في حاجة ... حقيقي بتمني تطلع صح
هايمي ابتسمت : يلا ادخلو اقعدو علي مالفطار يجهز
صفرت للكلاب عشان ينتبهو ، وقالتلهم يرجعو بيتهم وهتجيلهم بالليل وفعلا سمعو كلامها ورجعو الجنينه بتاعت البيت وميلي وميلو دخلو بيتهم اللي كان جنب اوضتها "عشان انواع الكلاب الصغيرة بتبقي محتاجة رعاية مختلفة عشان كدا دول في البيت" ودخلت لروزي وهانا عشان تساعدهم ..
روزي : هايمي انتي بدأتي فعلا تلمحيلهم وتمهديلهم
هايمي : ماعرفش ممكن ردة فعلهم تبقي عامله ازاي لو عرفو من غير تمهيد
هانا : تفتكري سيهون بيفكر في ايه
هايمي : سيهون بيحاول يفهم دلوقتي ويربط العلامات 😉
"بصتلو وكملت في عقلها : انا واثقة انه عرف بس عايز يتأكد☺"
روزي : طب يا بنات مين اللي هيحكيلهم 🙂..
هايمي : انتو..
هانا وروزي : نعم!؟ 🙂
هايمي : نعم!! هو كل مرة انا اللي هحكي وانتو هتقفو تتفرجو ولا ايه ، انا اخر مره وقفت احكي طول الليل وكلكو وقفتو تسمعو كأني بثرد رواية 🙂
روزي : ماهي كانت رواية فعلا 😂..
(والله اللي متابع بردو هيعرف قصدي ايه😂)
هانا : اولا لان انتي اللي بتعرفي تحكي كل حاجة احنا مش هنقول جملة مفيدة مفهومة ثانيا مش انتي اللي حكيتي اخر مره احنا اللي حكينا علي فكره
هايمي : وانتو عايزين تقارنو ال5 دقايق اللي حكيتو فيهم دول قد اللي انا حكيته🙂
روزي : 5 دقايق ولا 5 ساعات المهم اننا اخر مره احنا اللي قولنا الحقيقة ، دورك بقي 😌
هايمي رزعت السكينه في علبه الجبنة اللي كانت قدامها : انتي متأكدة انك عايزاني انا اللي احكي
روزي :...🙂 انا متأكدة اننا هنقولهم مش مهم مين فينا بقي كلنا واحد يابنات مش فارقة 🙂
هايمي بصت لهانا ..
هانا : طب انتي ابدأي الكلام عشان مش هنعرف نبدأو ازاي وهنحكي معاكي ..😊😇
هايمي : تمام انا هروح اأكل القطط لحد ماتخلصو الفطار
راحت خدت علبة اكل قطط وازازة لبن "حليب" من التلاجة وسابتهم وراحت دخلت الروف ف سألوهم هي راحت فين..
روزي : راحت تحط اكل للقطط عشان ده معاد وجبتهم
شيومين : هي عندها قطط كمان!!؟
هانا : اه عندها 7 قطط
لاي : عايز اشوفهم
شيومين : وانا كمان
روزي : روحو وراها بيتهم في الروف الرئيسي
كريس : هي ازاي مربية كل دول؟ وانتو عارفين تعيشو مع كل دول
هانا : ايوة قادرين نعيش لانها معتنيه بيهم كويس ف مابيعملوش ازعاج ، وهي مربياهم لانهم بينسوها وحاشة العالم ده
روزي : هايمي شافت كتير اوي ومش قادرة تنسي ، الكلاب والقطط دول بينسوها كل ده ، لو تشوفوها بتبقي فرحانه وبتضحك ازاي من قلبها وهي معاهم هتعرفو ليه كل دول ، روحو شوفوها وهي بتأكل القطط لحد مانخلص هنناديلكم
قامو فعلا وراحو ناحية الروف اللي هي راحتله ووقفو لاقوها قاعدة في الارض حاطة اكل للقطط الكبيرة في طبقهم وماسكة اتنين صغيرين بتشربهم لبن وكانت مبتسمة ابتسامة مشرقة ..
لوهان : عندها حنية وحب مالوش مالهومش نهاية..
سوهو : حصل ، عشان كدا اللي بتحبهم بتعاملهم زي ولادها ..
بعد مالقطط خلصو اكل فضلو كلهم يلعبو معاها وهي تضحك وتلاعبهم بعدين باستهم وسابتهم ووقفت عشان تاخد العلب الفاضية معاها عشان ترجع بس لقتهم واقفين بيتفرجو ومبتسمين
هايمي : انتو هنا من امتي؟
بيكهيون : من اول ماجيتي
هايمي ابتسمت : طب هما كلو يلا عشان القطة الكبيرة جعانة هي كمان وعايزة تاكل
تشانيول : طب يلا عشان ماتاكلش في ايدينا وتخربشها
هايمي ضحكت : بالظبط
تشين : عايزين نتعرف علي الكلاب والقطط بتوعك
هايمي : حاضر اوعدكو انهاردة هعرفكو عليهم بس يلا روحو وانا هنضف دول واجي وراكو عشان نفطر
كريس : حاضر يا ماما هايمي
هايمي ضحكت : ماما! طب يلا يا بابا كريس 😂
ضحكو وبعدين سابوها وخرجو يستنوها برا بس تشانيول ماخرجش معاهم وقف باصصلها وهي لمت الحاجة وجات تخرج لقته واقف وراها بالظبط اول مالفت..
هايمي : انت لسه هنا! يلا عشان ناكل
تشانيول بدون اي مقدمات : بحبك..
هايمي بصتلو بتعجب بس بتلقائية ابتسمت : ايه المناسبة؟
تشانيول : ايا كان اللي حصل او اللي هيحصل ماتحاوليش تبعدي او تبعديني عنك ، صدقيني انا النظرة لوحدها كفايا تزود حبي الضعف
هايمي : ... طب انا..
تشانيول حضنها : شششش بس اوعديني مانفترقش تاني
هايمي ابتسامتها اتشالت : ... اوعدك ....
"سيهون كان واقف ورا الباب باصصلهم ومبتسم وبعدين خرج".
(ايوة لمع اوكر لمع🙂😂😂 انا ربيتك علي كدا بردو😂🤦🏻♀)
هايمي بعد لحظات : .. طب يلا عشان مستنينا
تشانيول باس دماغها وابتسم ومسك ايدها وخرجو..
روزي : فيه ايه؟ اتأخرتو ليه؟
هايمي بصت لتشانيول وبعدين سابته وراحت للمطبخ ترمي العلب الفاضية وتغسل ايدها، وقفت للحظات وبعدها رجعتلهم وقعدو علي السفرة عشان ياكلو
بيكهيون : سُفرتكو كبيرة
هايمي : عشان تقضيكو
بيكهيون : ..!!!!
هايمي بصتلو وابتسمت وبدأت تاكل واتكلمت مع لوهان ..
هايمي : لوجي مباراة نهائي كأس العالم بعد ساعتين هتشوفها معايا بعد ما نفطر؟
كلهم ماعدا البنات ولوهان : لوجي!!!!!!!!
لوهان ضحك ورد عليها : اكيد بس وهنسيبهم مش هيضايقو ؟
هايمي : لا ماهما كمان عندهم مباراة تقيلة زي النهائي كدا مع روزي وهوني
تشين : تشانيول قالنا انك عايزانا في موضوع هو ده؟
هايمي : انا فعلا عايزاكو في موضوع بس هوني وروزي هيفهموكو الموضوع
البنات بصولها وكانهم بيقولولها انتي بتدبسينا او بتحطينا قدام الامر الواقع يعني وهي ضحكت من غير صوت وكملت اكل وبعد دقيقة كلمت لاي وشيومين وهي بتاكل ..
هايمي : صحيح انتو حكيتولي في مرة ان كان عندكو صحاب وانتو صغيرين كانو قريبين اوي منكو صح؟
لاي : اه اسا واكينا و..
كريس : واكيمي
هايمي : طبعا انت ماتنساش اكيمي صح
كريس بص لهانا وبعدين لهايمي : اسا واكينا كانو صحابنا بس اكيمي كانت زي بنتي اتولدت وانا اللي اعتنيت بيها
هايمي : اللي عرفته ان اكيمي مشيت في سن 3 سنين تقريبا كانت لسه طفلة ، وانت لسه مهتم بيها معقول!! شكل كان ليها مكانه خاصة اوي عندك
كريس : قصدك ايه؟؟!!
هايمي اتكلمت بتريقة : لا لا ماقصدش اكيد انك بتحب اطفال 😂 انا بس قصدت انها كانت مهمة عندك صح؟!
كريس بص لهانا اللي كانت عينيها عليه بتركيز وبعدين بص لهايمي تاني : اه كانت مهمة
هايمي : مممم مافكرتش في مره لما كبرت بقت عاملة ازاي؟ ماحسيتش في مره ان قلبك بيدور عليها ونفسه ترجعله؟
كريس عينيه كانت رايحة علي هانا لحظه وهايمي لحظه : .. ء لل ليه السؤال ده
هايمي : مادام اتوترت كدا يبقي حصل، يمكن ماتكونش حبيتها وهي صغيرة بس فكرت فيها لما كبرت ، وحشتك وحسيت بمشاعر ناحيتها مختلفة عن مشاعر اب اعتني بطفلة صح
كريس : هايمي الموضوع ده مش هزار ومش قابل اتكلم فيه
هايمي ضحكت : تمام كركوري انا اسفة "خدت قضمة وكملت كلام مع شبولاي" طب نسيب موضوعنا مع كريس واكيمي الصغنونة.. انتو كنتو حكيتولي بردو ان كاي وتشانيول كانو بيحبو اكينا واسا صح؟
كاي وتشانيول وكريس (والباقيين بالمرة 😂) بصو لشيولاي وعينهم بتخرج نار خلوهم اتوترو ..
شيومين : انتي مهتمة اوي بالموضوع ده ليه دلوقتي يا هايمي 🙂...
هايمي : لا عادي بس اصل جه في بالي سؤال كدا ومش عارفة اجابته قولت اشارككو يمكن انتو تساعدوني في اجابته
لاي : ..س.. سؤال ايه....
هايمي خدت قضمة وبصتلهم وهي بتمضغها وبعد مابلعتها سابت التوست من ايدها وبصتلهم..
هايمي : انتو كنتو متعلقين بيهم اوي زي صحابكو ومازال عندكو امل انهم يرجعو من كتر ماهم مهمين عندكو، ف اكيد كاي وتشانيول لسه منتظرينهم بردو واكيد لسه عندهم مضاعر ناحيتهم..
كاي : انتي عايزة توصلي لإيه؟؟ 🙂
هايمي شربت من كوباية العصير بتاعتها وكملت : عايزة اعرف لو اسا واكينا واكيمي دول رجعو تشانيول وكاي وكريس هيبقي ايه موقفهم؟! هيختارونا ولا هيختاروهم؟
هانا بصت لكريس منتظرة الاجابة وعينيهم اتلاقو فضلو باصين لبعض وروزي نفس الكلام مع كاي ، بينما هايمي كانت بتراقب ردات فعل كل واحد فيهم ، تشانيول كان الوحيد اللي مش متوتر لانه اتحط في الموقف وعداه وعارف الحقيقة اصلا ف كانت ردة فعله هادية ، ولاحظت ان سيهون كمان كان هو كمان هادي ، نفس ردة فعل تشانيول ف بصلتله وابتسمت وهو لمحها ف ابتسم هو كمان .. شيومين ولاي لقو الجو اتكهرب حاولو يهدو الدنيا..
لاي : هيختاروكو انتو طبعا لانهم بيحبوكو
هايمي : ممم وهما مكانوش بيحبوهم؟
شيومين : هايمي انتي قولتي كانو.. ده حب كان من 20 سنة واكتر ، حب انتهي من زمان
هايمي : ولو انتهي من زمان ماحبوش ولا مره في ال 20 سنة دول ليه؟ وليه لحد دلوقتي لسه مستنيينهم يرجعو
لاي : عشان مافيش بنت قابلناها جذبتنا طب ماحنا كلنا ماحبيناش ولا مره كل الفترة دي ، كنا بنحبهم احنا كمان؟ احنا اتولدنا ووعينا واتربينا وكبرنا سوا معاهم كل لحظات طفولتنا كانت معاهم، وطفولتنا خلصت لما هما بعدو.. مستنينهم لانهم عيلتنا واحنا عيلتهم وعشان وعدنا بعض اننا عمرنا ماهننسي بعض لحد مانموت وهنستني بعض طول عمرنا ..
هايمي ابتسمت : هما مهمين اوي بالنسبالكو
تشين : اكتر من كدا..
هايمي : ابتديت اغير من العلاقة دي بس حقيقي حباها، بتمني تقابلوهم قريب..
سوهو : بتمني بس احنا مش عارفين اي حاجة عنهم وكأنهم اختفو من الارض..
هايمي : ماتخافش هتقابلوهم قريب اوي..
كريس : ايه الثقة دي؟!!
هايمي ابتسمت وجاوبته : مش ثقة ده احساس.. طب عندي سؤال اخير..شيو انتو قولتولي مرة اني شبه اسا اوي صح؟ كنتو تقصدو شبها شكل ولا شخصية؟
لاي : الاتنين شبها في التفكير والشخصية وردات الفعل وفي الشكل شبهها في كل حاجة
شيومين : بتسألي ليه؟
هايمي : مش يمكن ده سبب ان تشانيول حبني؟ اني فكرته بيها!!
تشانيول بانفعال : هااايمي
هايمي ضحكت : خلاص خلاص خلونا نقفل الموضوع ونسمع ميوزك واحنا بناكل..
كاي : يكون احسن..
مسكت هايمي تليفونها وصلتو بالسماعات الرئيسية ...
هايمي : الميوزك اللي هشغلها دب انا اللي لحنتها واخرجتها بتمني تعجبكو
سوهو : انتي كمان بتلحني؟!
هايمي : انا كمان؟!!
سوهو : مافيش شغلي
هايمي شغلت الميوزك وكملو اكل ، لحظات وتاو وقف اكل وركز في الميوزك اكتر وهما لاحظو ده..
بيكهيون : فيه ايه؟
تاو : اللحن ده!!
سوهو : مالو؟
تاو بص لهايمي وعينيه علي اخر وسعها : ءءء... آساا...
كلهم بصولو وهايمي ابتسمت ..
تاو : انا وآسا كنا بنعمل اغنيه سوا كانت بتعمل اللحن وانا كنت بعمل الكلمات..
تشانيول : اغنيه ايه انا ماعرفش حاجة عن الموضوع ده
تاو : كان سر بينا بس آسا مشيت وماكملناهاش..
بيكهيون : اللحن ده فكرك بلحن آسا يعني ؟!
سيهون : مافكروش اللحن ده بتاع آسا
كلهم بصولو وقالو في نفس النفس : نعمم؟؟!!!!
سيهون : زي ماسمعتو اللحن ده بتاع آسا ، ازاي مش قادرين تربطو هايمي شبه آسا في كل حاجة ، شخصيتها المختلفة ، شكلها ، حنيتها اللامتناهية وبتعمل كل حاجة آسا كانت بتعملها وبتحل نفس اللي كانت بتحبه ، عندها 12 كلب بشكل الذئاب ومسمياهم وولف وده من قبل ماتقابلنا كل دي صدف؟ احنا عارفين ان آسا صعب نلاقي حد شبهها في حاجة ف معقول هنلاقي اللي شبهها في كل حاجة كدا!! عماله تلمحلكو من بدري اوي وانتو مش فاهمين ، وروزي اللي نفس شخصية اكينا ، الطيبة زيادة عن اللزوم ونفس كل حاجة بتعملها، وهانا اللي طالعة واخدة الطبع العنيف اللي وراه حنيه وحب واهتمام مستخبيين زي كريس اللي خدتهم منه وهي صغيره لما كان بيعتني بيها من اول ماتولدت.. لسه مش فاهمين؟.....
هايمي بصت لسيهون وابتسمت وكلهم في اللحظه دي بصو للبنات وشيولاي وتاو بصو لهايمي بالاخص .....
هايمي وهي بتشرب العصير : ايه بتبصولي كدا ليه؟ اهو سيهوني حللكو اللغز ..."بصت لسيهون وغمزتله وهي بتضحك ، وهو ضحك ضحكه صامته ورفعلها حواجبه وكتافه، كانه بيقولها ماعملتش حاجة🤷 ؛ بعدين كملت كلامها وهي بتبصلهم"... اللي قعدتو شهور معاناا وماعرفتوش تحلوه ، وتشاني كمان حله بس من كام يوم ..
روزي : تاو لو تفتكر هايمي لمحتلك كتير اوي وحاولت تفتح معاك السيرة اكتر من مره بس انت اللي مافهمتش
تاو نزل عليه صمت اصلا من اول ما اللحن اشتغل ، مكانش عارف يقول ايه ومكانش مدي اي ردة فعل غير انه كان باصص لهايمي في صمت وهي بصتله للحظات بعدين قامت وقفت ..
هايمي وقفت وبصت للوهان بضحكة مكتومه : لوجي يلا احنا نجهز للمباراة
لوهان ضحك وقام وقف : يلا
لوهان وقف وكان رايح ناحية هايمي بس كريس مسك دراعه ..
لوهان : في حاجة؟!!
كريس : انت الوحيد فينا اللي ماديتش ريأكشن صدمة ولا استغربت وكمان ماعندكش اسئلة ..
تاو :... ماحدش كان بيندهلو لوجي غير آسا ومن بعد مابعدت ماكانش بيرضي حد يقولو كدا غيرها لدرجة انه ممكن يتخانق مع اللي يقولو كدا ، بس هايمي دايما كانت بتناديله كدا ومكانش بيتضايق...!!!!!
سيهون : هو انت كنت عارف انهم اكينا وآسا واكيمي ؟؟!!
لوهان بعد لحظات :... اه كنت عارف
كاي : وده من امتي؟
روزي : من ساعة مابقينا هايمي وروزي وهانا
كلهم بصو لروزي : نعممم؟؟!!!!!
هايمي ضحكت ومسكت في دراع لوهان : طب عن اذنكو هنروح نجهز السناكس والمشاريب عشان المباراة
هانا : هايمي
هايمي : انا قولت همهدلهم الموضوع وافتحو وانتو تكملو، وانا عملت زي ماقولت كملو انتو بقي 🤷🏻♀
هايمي خرجت هي ولوهان والبنات باصين عليها وحاسين بسكاكين واسهم بترشق في ضهرهم ، وفعلا لما لفو لقو كلو واقف باصصلهم بصة نفاذ صبر ومربع ايديه مستنينهم يشرحو..
روزي : طب انا ابدأ منين انا دلوقتي 🙂
هانا : لو اعرف مانا كنت بدأت 🙂
كيونغ اتكلم بهدوء : طب انا هسهلها عليكو.. "علي صوتو فجأة وقال" ممكن تبدأو من سبب انكو اختفيتوووو 😠
سوهو : او اسهل ، ممكن تبدأو من الاول خاالص 🙂🙂
روزي : 🙂.. ماهو مش كل حاجة احنا هنعرف نقولها هي باعتنا ومشيت
ردت هايمي من المطبخ : لا انا مامشيتش انا معاكو اهو ، اللي مش هتعرفو تقولو واللي ماتعرفوهوش انا هقولو
هانا : طب انتي قولتي هتبدأي الموضوع وانتي مابدأتييش
هايمي : هو كدا مابدأتش؟
روزي : لا انتي كدا مهدتيلهم بس مابدأتيش🙂
تشانيول اتعصب هو وكريس وزعقو فيهم ..
(لا ماهي مش بالطول معلش يعني انت وهو ، هتزعقو هنزعق انا بقولكو اهو 🙂😂😂)
كريس : انتو هتفضلو تتخانقو كتير علي مين هيحكي
تشانيول : هااايمي اخلصي انا صبري نفد
هايمي بصت ل لوهان وهو بصلها كأنه بيقولها فهميهم وكفاية كدا ف فهمتو وراحت باصه للفواكه اللي بتقطعها ، هو فكرها مافهمتوش والباقيين فكروها بتتجاهلهم والبنات فكرو انها بتدبسهم انهم يحكو لوحدهم بس قبل ما اي حد يتكلم كلمه تانيه...
هايمي اتكلمت وهي بتقطع الفواكه وبتبصلهم وبالاخص لكاي وتشانيول : فاكرين أوليفيا وصوفيا؟!
تشانيول وكاي بصو لبعض متعجبين من السؤال وبعدين بصولها ..
كاي : أوليفيا وصوفيا؟؟!!؟
هايمي : ايه مش فاكرهم؟! ده انا كنت فاكره ان انت وتشانيول اكتر اتنين هتبقو فاكرينهم..
تشانيول : مقولناش مش فاكرينهم بس ايه فكرك بيهم دلوقتي وايه سبب السؤال
هايمي : كنت متأكدة انكو مش هتنسوهم " بصت للي بتقطعه وكملت" لما كانو بيبقو موجودين كنتو بتحسسونا انهم اهم مننا ، وكاي وتشانيول.. كاي وتشانيول كانو بيتعاملو وكإنهم مش شايفيني انا وأكينا ، كإننا مالناش اي وجود ..أوليفيا وصوفيا كانو مبسوطين من ده، كانو عارفين اننا بنحبكو وكانو مصممين يبعدوكو كانو بيعملو كل اللي يقدرو عليه عشان يشتتو انتباهكو عننا وللأسف كنتو بتخلوهم ينجحو..
احنا صحيح وقتها مكانش فيه حد مننا يعرف ان التاني بيحبو بس تاو وكيونغ كانو عارفين .. كانو بيشوفونا واحنا بنعيط في صمت واحنا شايفينكو قاعدين معاهم دايما لعبكو وكلامكو وانسجامكو معاهم وطول ماهما موجودين احنا مش متشافين .. ماكنتوش بتشوفونا غير في غيابهم تاو وكيونغ كانو بيحاولو يخلونا نتخطي او نتجاهل، حاولو يهونو علينا كتير ويشغلونا بأي حاجة ومع الوقت قربنا لبعض ومشاعرنا اتحركت لبعض ..
الحقيقة انها مكانتش حب من النوع ده.. كان حب اعمق بكتير من حب العشاق من ناحيتي انا وأكينا ، بس كان حب وهيمنه واحتواء من ناحية تاو وكيونغ ، كانو بيحبونا حب تاني واحنا بصراحة كنا عايزين نتجاوب معاهم لان انتو كنتو قد مابتقربونا قد مابتبعدونا..
بس كنا كل مابندي فرصة لنفسنا نحبهم زي مابيحبونا ، كنتو بترجعو تعاملونا وكأننا ملكات وتدونا حب لا نهائي واحنا ماكناش بنقدر نقاوم ده، لكن للأسف ده كان في غياب صوفيا واوليفيا 😒
الحقيقة الوحيد اللي كان ومازال مخلص كان كريس..
صحيح أكيمي كانت صغيرة اوي بس كانت كل عالمه مكانش فيه اي حد تاني لافت انتباهه، واللي اسمها تيا دي ماعرفتش تسيطر علي عقله زي ما اوليفيا عملت لكاي وصوفيا لتشانيول ..
من اول ما أكيمي اتولدت وكان كل اهتمامه ليها كان بيعتني بيها اكتر من عمي ومراته (معلومة : التلت بنات ولاد عم) ورغم انه كان صغير بردو وأكيمي كانت طفلة الا انا فضل مخلص ليها لحد دلوقتي وانا واثقة ومتأكدة انها كانت دايما شاغلة باله من ساعة مابعدنا وفضل يفكر ياتري بقت عامله ازاي ياتري شكلها بقي ايه ياتري حققت ايه .. زي الاب اللي مشغول باله علي بنته ومن غير مايحس كان بيحبها
"بصت لكريس" اتكلم بصراحة مش ده كان بيحصل مش دي كانت افكارك
كريس : ... ايوة...
هايمي ابتسمت وبصت تاني للي في ايديها : كنت واثقة... صحيح كل ده كان حب طفولة بس ده كان اكتر حاجة صادقة عشناها ومازلنا بنعيشها.. وهو الحاجة الوحيدة اللي كملت معانا..
تشانيول : انتي لحد دلوقتي ماقولتيش ايه اللي حصل وايه جاب سيرة اوليفيا وصوفيا وتيا؟
هايمي : مش ملاحظ ان التلاته مكانوش بيحاولو يقربو لحد منكو غير اللي احنا حبيناهم؟
كاي : ايه القصد؟؟
هايمي : ده كان مقصود منهم مش صدفة ، شاربين الحقد من اهلهم.... اخر يوم كنا فيه سوا قبل ما بيتنا يتحرق... "سكتت شوية واتنهدت للحظات وكملت" كانو هما كمان موجودين معانا واحنا في الملعب سوا وكالعادة مكانوش سايبينلنا فرصة نبقي معاكو فيها.. كنت انا وروزي قاعدين بنراقبكو وبنموت من جوانا من الوجع.. وجالنا الباقيين عشان يشتتو انتباهنا ونغني ونلعب سوا ووقتها كنا بنلعب لعبة نشغل فيها اغاني ، وماحدش كان معاه اغاني غيري علي جهازي روحت عشان اجيبه من البيت ولوهان وسيهون جم معايا وواحنا في الجنينة رايحين للباب الخلفي بتاع البيت كنا عمالين نهزر ونراقبهم وهما بيرقصو سوا جوا وفي اقل من لحظه... "السكينه فلتت من ايدها علي ووقعت ولوهان مسكها"
لوهان : اهدي..💔
سيهون : في اقل من لحظه الضحكة والفرحه اللي كنا وكانو فيها اختفت لما البيت انفجر .. لسه مانسيتش ردة فعلك .. مشهد ماحدش يتحمله وردة فعلك كانت اصعب وانتي بتشوفي اهلك كدا قدام عينك... صدقيني انا كل مابفتكر اليوم ده وشكل الانفجار وشكلك وانتي منهارة بتعب... انا اسف انك كنتي في موقف زي ده حقيقي ياريتنا مالعبنا اللعبه دي ع الاقل ماكنتيش هتشوفي ده بعينك..
هايمي : مش انت المذنب عشان تعتذر.. وحتي لو المذنب اعتذر مش هيفرق لان اعتذاره مش هيرجعلنا اهلنا..
بيكهيون : مذنب؟ هو مش كان تسريب غاز؟
هايمي : ده اللي هما قالوه بس مش دي الحقيقة..
سوهو : ازاي مش دي الحقيقة؟؟؟؟؟
هايمي : اللي حصل ان حد هو اللي عمل كدا قصد عشان يخلص من عيلتنا كلها وبعد ماخلص منهم كان عايز يخلص مننا احنا..
كيونغ : انتو عشان كدا غيرتو هوياتكو؟
هايمي : ايوة
كريس : مين اللي عمل كدا؟؟ وايه خلاكي متأكدة انه مقصود؟
هايمي : لاني سمعت بنفسي اللي قتلهم وعايز يقتلنا سمعته وشوفتو بعيني...
تاو : مين؟؟
هايمي : اهل أوليفيا وصوفيا وتيا...
الجميع : ايه؟؟؟
هايمي : زي ماسمعتو دول اللي انتو كنتو فاكرينهم قريبين منكو وبتعاملوهم بكل نية صافية راحو فين بعد ماحنا مشينا؟ ....ها؟ مافيش رد صح اقولكو انا راحو فين اختفو لأن مهمتهم خلصت خلاص هما ظهرو واستخدمو اهلكو عشان يتعرفو علي اهلنا لان اهلكو واهلنا صحاب من زمان واحنا دايما كنا مع بعض.. الحقيقة ان عيلتهم دي المنافسة للمجموعة بتاعت اهلنا في السوق.. كانو حاقدين علي المكاسب والنجاح اللي اهلنا بتحققو كانو عايزين يوقعو شركاتنا بأي طريقة عشان كدا كانو بيقربو مننا يمكن يعرفو اي معلومة تفيدهم ولما لقو مافيش فايدة قررو يخلصو منهم خالص احسن وينهو علي شركتهم نهائي.. دخلو غاز سريع الاشتعال مع الغاز العادي وهما اللي سببو الانفجار... مالاحظتوش انهم المفروض كانو معاهم في الاحتفال وخرجو قبل الانفجار بدقايق.. فجروهم بكل دم بارد وماسألوش فينا كانو هيسكتو علي بس أوليفيا وصوفيا وتيا ماسكتوش..
لاي : ازاي؟؟
روزي : في عزا اهلنا هايمي سمعتهم واقفين كلهم مع بعض وبيقولو كدا خلصنا منهم بس الحثالة بناتهم قالولهم لا ماخلصوش وانهم لازم يخلصو مننا كمان عشان مانمسكش مكانهم في يوم وننجح زيهم وهما طبعا اقتنعو بكلامهم وحاولو يدبرولنا حادثة بس هايمي عرفت وعرفنا نتصرف وقتها
هانا : في الوقت ده والد لوهان هو اللي ساعدنا لانه كان كتير بيساعد اهلنا في شغلهم عشان كدا عارف شغلهم ماشي ازاي.. اقترح قبل معاد الحادثة اللي قالو هيعملوها انه يخلينا نبيع كل الممتلكات والشركات والاسهم ونحولها لرصيد في حساب مشترك بينا.. وفعلا ساعدنا نعمل ده وفكر انه بكده هيبعدهم عننا علي الاقل لحد مانكبر او بمعني اصح نقدر نقف قدامهم .. بس هما ماسكتوش بانسحابنا من السوق وبردو حاولو يقتلونا
كريس بعصبية : حقرااا مافرقلهمش يقتلو اطفال في عمر ال 3 و 9 و 10 سنين
هانا : الناس اللي زي دي مابيفرقلهمش غير الفلوس والسلطة
روزي : بس الحظ كان معانا احنا لحسن حظنا ان هايمي كانت اوعي من سنها بكتير ولسوء حظهم انها كانت اوعي منهم وقادرة تتصرف احسن منهم.. قررنا نحول حسابنا علي دولة بعيدة ونغير هويتنا ودخلنا مدرسة داخلية.. هانا كانت هتتحول لدار رعاية لانها صغيرة بس بعد الحاح كبير واقناع ورشوة علي مسئولين المدرسة انهم يسيبوها معانا لحد ماتتسجل فيها لان مابقالش ليها غيرنا ولو بعدت عننا هتتدمر عرفنا نخليها معانا لحد ماتسجلت .. لوهان عرف من باباه اللي حصل وفي اول زيارة باباه جالنا فيها جه معاه صح اقنعناه بالعافية مايقولش لحد حتي انتو بس هو فعلا كان قد الثقة ومازال.. كان دايما بيدعمنا وموجود في كل الاوقات..
هانا : والد لوهان كان بيستثمرلنا جزء من حسابنا كل فترة عشان نصرف من الارباح بدل مانصرف من رأس المال الاساسي نفسه .. عدت السنين ووصلت روزي للسنة الاخيرة في المرحلة الثانوية كانت اخر سنة قبل الخروج من المدرسة الداخلية والتقديم في الجامعة وهايمي كانت في السنة اللي قبلها وانا كنت لسه هدخل المرحلة الاعدادية بعد مايخرجو.. هايمي طلبت من روزي تسقط في الامتحانات السنة دي عشان ماتخرجش من المدرسة قبلها وتبقي لوحدها وفعلا روزي عملت كدا وخرجو في السنة اللي بعدها سوا...
هايمي خلصت الحلويات والمقبلات والتسالي وكل العصاير وطلبت من سيهون يساعدها هي ولوهان ويحطوهم علي الترابيزة اللي قدام التليفزيون في وراحت قعدت تتفرج لحد ما المباراة تشتغل، وكانها في عالم تاني..
بيكهيون : ايه اللامبالاة دي احنا هنا علي اعصابنا وانتي عادية وباردة اوي كدا؟؟
هايمي وهي بتاكل فشار من غير ماتبصله : سبتلك الاحساس والمبالاة والسخونه ياضفدوعي
روزي بعدها : بيك مش وقته سيبها...هايمي كانت واخده فكره عن العالم برا من النت سوق التجارة والاستثمار والادارة وكل حاجة عشان نعرف نتعامل لما نخرج، خرجنا وخدنا هانا معانا بم اننا عدينا السن القانوني ف نقدر نكون مسئولين عنها ، هايمي عرفتنا كل حاجة بالتدريج وازاي نتعامل مع كل اللي بيحصل حوالينا .. دخلت انا وهي الجامعة ودخلنا هانا مدرسة عادية افضل..
هانا : كانت بتبني قوة لينا عشان نعرف نقف في وش اي حد يضايقنا، ماكانتش بتفكر في الانتقام، مش خوف لا عشان خافت علينا احنا لحد ماقابلت هي وروزي روبرت (اخو صوفيا) بعد الجامعة.. هو صح ماعرفهمش بس فضل يضايقهم كتير وبالاخص هايمي وحاول يستغل روزي اكتر من مره وهي كانت بتقفلو
روزي : الحقير فضل يلاحقنا بس هو اللي جابه لنفسو هايمي كبرت الدعم اكتر واكتر وبقت زي امبراطورية مش مافيا زي مافهمتو ووقتها قررت فعلا انها تنتقم وتدفعهم تمن كل حاجة..
فجأة سمعو ضحكة هايمي العالية ف استغربو..
روزي : فيه ايه؟
هايمي : مافيش بس ياريتكو جبتو سيرة كوباية لبن 😂 اللي مايتسمي بيرن شكلو عرف اللي حصل لصوفيا، لا بس مالوش حق يعتقلو اخته وصاحبه امبارح ويعرف انهاردة 😂
تشانيول : هو رقمك عنده بيعمل ايه وعرف منين انك اللي عملتي ده؟
هايمي : اسمع للأخر ياعمري وهتعرف
التليفون فضل يرن ..
شيومين : طب مش هتردي؟
هايمي : لا سيبوه دلوقتي انا عارفة هيقول ايه كملو انتو..
هانا : هايمي وروزي بعد الجامعة الاساسية قدمو يعملو دبلومة في ادارة الاعمال عشان يعرفو يرجعو اسم عيلتنا في السوق تاني وللأسف وهما هناك في الجامعة قابلهم ماعرفش ايه الحظوظ دي معقول الدنيا ضيقة اوي كدا... انجذبلهم وفضل يتطفل عليهم ولاحظ خوف هايمي الزايد علي روزي وعرف انها نقطة ضعفها ، وطبعا استغل النقطة دي وبسببه بعد ماكنت داخله المرحلة الثانوية هايمي قعدتني سنتين كاملين ودول سبب اني داخله الجامعة وانا داخله علي ال 21 المهم هي ماحبتش السنتين يضيعو من غير فايدة قالتلي استغلهم في تنمية مواهبي واهتماماتي بس لحد ماتطمن عليا، روزي كانت معاها ف كانت هتقدر تحميها بس انا عشان كنت لوحدي ماطمنتش وخافت يوصلي وفعلا نميت عندي موهبة النحت والتصميم .. طب تمام ده مش موضوعنا دلوقتي .. هايمي وروزي خلصو دبلومة الادارة في سنتين وبعد ماخلصو بوقت قصير الزفت ده سافر ف قدمت في الثانوي بس في مدرسة في مدينة تانيه عشان ماعرفش يوصلي فيها، نت بتابع دراستي من النت وبروح علي الامتحانات، ووقتها هايمي رجعت قررت فعلا انها لازم تدفعهم التمن اضعاف كلهم بلا استثناء راحت قدمت في القوات الخاصة واتجندت في الفترة بتدريبات مكثفة ومهمات تقيلة ووصلت لرتبة عميد يعني هايمي رسمي معاها شارة رتبة عميد في القوات خاصة وده سبب انها بتقدر تتحكم في اعصابها اكتر من زمان باضعاف .. تخيل شخص بيعرف يتحكم في ردات فعله ويبقي ظابط قوات خاصة كمان ف ماتستغربهاش وكمان ماتصدقهاش في مشاعرها لانها بتكدب في اللي بتظهره...
هايمي : شكرا ياستي انا كدابة شكرا 🍿
بيكهيون : هي استقالت؟
هايمي : هاهاء بعينك يا مستر نفيخ يا مضفدع 🍿
بيكهيون : امال قاعدة يعني مابتشتغليش ؟؟
روزي : هي في اجازة مفتوحة
تشانيول : كملي ياروزي
روزي : هايمي قعدت فترة تجنيدها ومهماتها كلها في الشغل مابترجعش غير كل 3 شهور اسبوع ، خدت الاجازة دي لما عرفت ان الزفت اللي اسمه روبرت ده رجع من سفرو.. رجعت وهي رغم انها خلتني انا وهانا نتدرب فنون قتالية ودفاع عن النفس الا انها رجعت دربتنا بنفسها وزودت تدريبات قوة بدنية وسرعة بديهة وثبات انفعالي وتدريبات تانية في الوقت ده لوهان اقترح اننا نرجع نكلمكو تاني وكفاية كدا وافقنا فعلا بس وقتها انتو كنتو هنا واللي كان هناك في البلد بس كان تاو وهايمي قررت تكلمه اول شخص ..
هايمي : كان وعد ووفيته ...
تاو بصلها وهو زي اللي المشلول قاعد بيسمع في صمت مش عارف يتكلم مش قادر ينطق.. افتكر اخر كلام قالتهولو وهي بتودعه..
"هايمي : انا عارفة اني ماعرفتش احبك زي ماحبتني وعارفة اني ظلمتك بس اوعدك اني لما ارجع تاني هجيلك انت اول شخص ... هديك وادي نفسي فرصة بجد ، بس ماتضيعهاش عشان لو ضيعتها انا مش هعرف اديك فرصة تانيه لاني مابديش حد اكتر من فرصة ف لو ضيعت الفرصة او كسرتني مش عارفة هتبقي ايه ردة فعلي وقتها"
تاو وهو بيبصلها : ضيعتها....
هايمي ماتحملتش نبرة صوتو الموجوعة خلتها اترعشت ودمعت .. حاولت تداريها بس لوهان عشان كان جنبها شافها وهي بتمسح عينها عشان ماتعيطش..
هايمي : تتعوض بالاحسن تاوي ...
تاو : لو كان في احسن كان جه في السنين دي كلها، بس عموما انا الغلطان...
هايمي : طب كفاية عتاب كملو يابنات..
روزي : اتصاحبنا علي تاو فعلا ومع الوقت هو وهايمي قربو لبعض بسرعة وارتبطو.. في الوقت ده كان روبرت رجع يلف حوالينا تاني وارتباط هايمي بتاو ضايقه ازاي واحدة فينا ترتبط من غير مايعرف يستغلها او ازاي حاجة عازها ماعرفش ياخدها
هانا : في الفترة دي انا كنت سافرت لمدة شهر عشان امتحانات السنة الاخيره والحيوان ده لما ماعرفش يخرب بين هايمي وتاو ، ظهر وساخته بالتدريج مشي في اتجاهين في نفس الوقت ، من ناحيه دور ورا تاو لحد ماوصل ل لورين ومن ناحيه تانيه كان بيلف ورا روزي لحد ما في يوم ..
روزي : خطفني واتصل بهايمي وهددها لو ماروحتش هيموتني وبعد ماروحت الحيوان خيرها بين اسوأ خيارين ممكن واحدة تتحط فيهم.. خيرها بين انه يخدرني ينام معايا غصب او انها توافق انه يعمل كدا معاها هي برضاها من غير مقاومة لانها لو حاولت تقاوم هيخلي اللي خاطفيني هما اللي يغتصبوني..
كلهم : وعملت ايه؟؟
هانا : انتو بجد بتسألو؟ وانتو تفتكرو هايمي كانت هتختار نفسها ؟ طبعا اختارت روزي وضحت هي ..
تشانيول وتاو كل واحد فيهم كانت افكاره بتروح وبتيجي واسئلة كتير ومواقف كتير كانت بتتعاد مكانوش فاهمينها ..
روزي : نقذتني انا وعاشت هي في مآساه الشهر اللي هانا كانت في امتحاناتها فيه ماخرجتش من اوضتها ومكانتش بتخليني اخرج من البيت نهائي، هتصدقوني لو قولتلكو اني كنت معاها في نفس البيت وماشوفتهاش خالص طول الشهر ده؟ ...
رجعت هانا وهايمي حاولت تظهر انها كويسة عشان ماتقلقهاش عشان كان عندها امتحان قبول الجامعة مكانتش عايزة تشتتها وقتها هي كانت محتاجة حد معاها بس كانت بتكابر راحت قابلت تاو بعد الحاح مننا .. اترددت كتير تروح او لا وبعد ماقررت تروح فضلت طول الطريق مترددة تقولو ولا لا بس هي فعلا كان لازم تقولو بس قبل ماتتكلم او تحكي حاجة هو صدمها بكلامه اللي وقتها فعلا دمرها ..
"تاو : هايمي انا اسف بس انا مش عايز اضحك عليكي اكتر من كدا ، انا لسه بحب لورين يمكن فكرت هنساها معاكي بس ماحصلش،
هايمي بنبرة صوت مكسورة : مين لو..لورين؟
تاو : لورين دي حبيبتي وكنا هنتخطب بس حصل مشاكل وسبنا بعض من قريب قبل ماعرفك
هايمي : هه..هي كلمتك؟!
تاو : اه كلمتني وعايزانا نرجع
هايمي : وهتسيبني؟
تاو : هايمي اللي احنا فيه من الاول كان غلط لاني بحبها هي، الغلط والعيب مش منك ، انا اللي غلطان، انتي شخص كويس واكيد هتلاقي اللي يحبك
هايمي : تاو انا محتجالك..
تاو : انا اسف مش هقدر اكمل في العلاقة دي، ربنا هيعوضك بالاحسن
هايمي : انت شايف كدا؟
تاو : اه " باس دماغها" انا بجد اسف لازم امشي
كان ماشي بس وقفتو بكلامها..
هايمي : تاو لو مشيت في اللحظه دي وسبتني صدقني لو رجعتلي بتموت مش هرجعلك حتي لو رجوعي اللي هيحييك
تاو رد وهو مديها ضهره : بس انا مش هرجع افهمي اني مابحبكيش وماحبتكيش
قالها بنبرة قاسية ومشي من غير مايبص وراه ولا شاف انها وقعت منهارة وراه من الكسرة اللي كسرهالها"
°°°°°°