Unicode
~~~~~~~
ဘုန်းကြီးကျောင်းဝန်းထဲမှာ အလှူအတွက်ထင်းခွဲနေတဲ့ရွာသားတွေနဲ့ ကြက်သွန်ဖြူ ၊ ကြက်သွန်နီတွေကို
အခွံချွတ်နေကြတဲ့ အမျိုးသမီးအုပ်စုကိုတွေ့လိုက်ရတာမို့ 'ဒေါ်ရွှေဇင်ညိမ်း'လဲ ထိုအမျိုးသမီးအုပ်ထဲ
ဝင်ပြီး ကြက်သွန်တွေဝိုင်း'သင်'ပေးဖို့လုပ်လိုက်တယ်။
သူကြီးနဲ့ဦးရွှေမောင်တို့ကတော့ ပန်းကနုတ်တွေ
စီချယ်ထားပြီး၊ပန်းပုရုပ်ကြွတွေထွင်းထုထားတဲ့
ကျွန်းလှေကားကြီးအတိုင်း ကျောင်းပေါ်ကိုတက်လာခဲ့ကြလေရဲ့။ ရှေးကျတဲ့ ကုန်းဘောင်ခေတ်လက်ရာ
တွေကကျောင်းအပြင်မှာပါမက၊ကျောင်းပေါ်မှာလဲရှိကာ၊ လုံးပတ်ကြီးမားတဲ့ကျွန်းတိုင်ကြီးတွေကလဲ
ခန့်ခန့်ထည်ထည်ရှိလှတယ်။အမိုးဘက်က လေးဘက်လေးလံ တွဲလောင်းကျနေတဲ့ပန်းကနုတ်ခတ်ကြီးတွေကလဲ ကျောင်းရဲ့အသရေတွေထဲကတစ်ခု။
သူကြီးတို့ဟာ ကျောင်းဝရောက်တာနဲ့
ဆရာတော်ဘုရားဆီ လျှောက်သွားပြီး
ညီညီညာညာနဲ့ ဂါရဝပြုလိုက်ကြတယ်။
"အိမ်း အိမ်း သာဓု ကွယ် သာဓု သာဓု။"
ဆရာတော်ဘုရားဟာ သက်တော်ကိုးဆယ်
ကျော်ပြီဖြစ်ပေမဲ့ ကျန်းမာရေးကောင်းမွန်တာကြောင့်
တရားအားထုတ်နိုင်ဆဲဖြစ်တယ်။ကျောင်းပေါက်ဝ
ရှိရာဆီတစ်ချက်လှမ်းကြည့်ရင်း ခေါင်းလေးတညိတ်ညိတ်ဖြင့်မေးလာသည်က။
"ဒကာမကြီးဒေါ်ရွှေဇင်ညိမ်းကိုရော
မတွေ့ပါလားကွယ့်။"
"ကျောင်းအောက်မှာ လုပ်အားပေးတဲ့အဖွဲ့ထဲ
ဝင်ရှုပ်ရင်းကျန်နေခဲ့ပါတယ်ဘုရား။"
'ဦးရွှေမောင်'က ထိုသို့လျှောက်လိုက်တော့
ဆရာတော်က သဘောကျသယောင်ပြုံးလေတယ်။
"တပည့်တော်တို့ အလှူအတွက်သာမက
ဒီရွာကစေတီကို ထုံးသင်္ကန်းကပ်ဖို့နဲ့ ထီးတော်အသစ်
တင်ဖို့အတွက်လဲ ပါဝင်လှူဒါန်းချင်လို့ပါဘုရား။"
"အိမ်း အိမ်းကောင်းကွယ့်။ဘုန်းကြီးကလဲဝမ်းပန်းတသာကြိုဆိုပါတယ် ဒကာရွှေမောင်ရယ် ။
ဘုန်းကြီးတို့ရွာတစ်ဝိုက်မှာလဲ ဒီလိုငွေကြေးများများစားစားတတ်နိုင်တဲ့မိသားစုကလဲရှားတယ် မဟုတ်လား။ လက်လုပ်လက်စား မိသားစုတွေများတာမို့ ဘုန်းကြီးကဒီကိစ္စနဲ့ပတ်သက်ပြီး ရွာသားတွေကိုနှိုးဆော်ဖို့ အားနာနေမိတာ။
ဒကာက အခုလိုကမကထပြုပြီးထည့်ဝင်တော့
ဘာပဲဖြစ်ဖြစ်ရွာကလူတွေလဲအများကြီးကုန်ကျစရာမလိုတော့ဘူးပေါ့ကွယ်။"
"တင်ပါ့ ဘုရား။ တပည့်တော်တို့
ထုံးသင်္ကန်းကပ်ပွဲရောက်တဲ့အထိ ဒီမှာမနေနိုင်တော့
ပေမဲ့ ငွေကြေးကိုတော့ လိုလေသေးမရှိထည့်ဝင်ပါ့မယ်ဘုရား။"
ဆရာတော်ဘုရားနဲ့'ဦးရွှေမောင်'တို့အပြန်အလှန်
ဆွေးနွေးနေကြတုန်း ကျောင်းပေါ်ကို
ဆွမ်းအုပ်ပွေ့ထားတဲ့အမျိုးသမီးတစ်ယောက်
တက်လို့လာတာကြောင့်ထိုင်နေတဲ့'ဦးဘိုးစည်'က
အလိုက်တသိ ဆွမ်းအုပ်လေးကို သွားယူပေး
လိုက်တယ်။
ထိုအမျိုးသမီးဟာ အသက်သုံးဆယ်ကျော်ခန့်ရှိပြီး
ဝင်းဝါသောအသားအရည်နဲ့ လှပတဲ့မျက်လုံးတွေပိုင်ဆိုင်ထားကာ ၊တစ်ပတ်လျှိုဆံထုံးနဲ့ သနပ်ခါးပါးကွက်ဝါဝါလေးတို့ကြောင့် သူ(မ)ရဲ့အလှဟာ
အယဥ်ဆင့်လို့နေတယ်။
"အစ်ကို..။"
အံသြခြင်း၊ဝမ်းမြောက်ခြင်း တို့ပျော်ဝင်နေတဲ့
အသံချိုချိုကြောင့် သူအမှတ်တမဲ့မော့ကြည့်မိလေတော့..။
"မပန်းထွေး..။"
'ဦးဘိုးစည်' နှုတ်မှရုတ်တရက်ထွက်ကျလာတဲ့
နာမည်ကို ကြားလိုက်ရတဲ့ 'ဦးရွှေမောင်'ကတော့
သူ့ရဲ့မျက်ခုံးတွေကို အလိုမကျစွာတွန့်ချိုးလိုက်တယ်။
"တိုက်ဆိုင်လိုက်တာ အစ်ကိုရယ်
အစ်ကို ရွာကိုပြန်ရောက်နေတယ်ဆိုတာသိပေမဲ့
ပန်းထွေးလဲ စပါးရိတ်တဲ့ကိစ္စနဲ့အလုပ်ရှုပ်နေလို့
လာမတွေ့ဖြစ်ဘူး။"
"အင်း အစ်ကိုလဲမပန်းထွေးကို
သတိရပါတယ်။သွားရအောင်လေ။"
'ဦးဘိုးစည် ' က ဆွမ်းအုပ်လေးကို ကိုင်ပေးရင်း
ဆရာတော်ဘုရားရှေ့ကို ကပ်ပေးလိုက်တော့
'မပန်းထွေး'ကလဲ ဆရာတော်ဘုရားကို
ထိခြင်းငါးပါးနှင့်အညီ ရိုကျိုးစွာဖြင့်
ဂါရဝပြုလိုက်တယ်။
"ဒကာမလေး ဘယ်တုန်းကပြန်ရောက်တာတုံး
ကွယ့်။"
"မကြာသေးပါဘူး ဘုရား၊ လွန်ခဲ့တဲ့တစ်ရက်ကမှ
ပြန်ရောက်တာပါ။"
"စပါးရောင်းတာရော အဆင်ပြေခဲ့ရဲ့လားကွယ့်။"
"ပြေခဲ့ပါတယ် ဘုရား။
ဒါကြောင့်မို့ဆွမ်းလာကပ်တာပါ ဘုရား။"
"အိမ်း အိမ်း သာဓုပါကွယ်
ဒါဖြင့် မောင်ဘိုးစည်တို့နဲ့ စကားလေးဘာလေးပြောချည်။ ဦးဘုန်းကြီး ဘုရားခန်းဝင်လိုက်အုံးမယ်။"
"တင်ပါ့ဘုရား။"
သူတို့သုံးယောက်ဟာ ခါးလေးကိုင်းကာဖြင့်ထထွက်သွားတဲ့ ဆရာတော်ကိုရှိခိုးလိုက်ကြပြီးနောက်
'ဦးရွှေမောင်'က'ဦးဘိုးစည်'ကိုပြန်ဖို့အချက်ပြလိုက်တယ်။
"အစ်ကို ပြန်တော့မလို့လားဟင်။"
"အင်း။"
"အိမ်ဘက်ကို ခဏလောက်လိုက်ပြီး
လည်ပါအုံးလားအစ်ကို၊ ကိုရွှေမောင်ရောပဲ။"
'မပန်းထွေး'က 'ဦးဘိုးစည်'ကို
သူ(မ)ရဲ့မျက်လုံးလှလှတွေနဲ့ကြည့်ရင်းပြောလိုက်တယ်။
တစ်ဖက်မိန်းကလေးက ရိုးရိုးသားသားနှင့်
အလည်ခေါ်နေတာမို့ သူ(ဦးဘိုးစည်) မငြင်းချင်ပေ။
'ကိုရွှေမောင်'ကိုလဲသူမသိမသာကြည့်မိတော့
မလိုက်သွားရန်မျက်လုံးတို့က တားမြစ်လို့နေတယ်။သို့ပေမဲ့တစ်ရွာတည်းသားချင်း မောင်နှမတွေလိုဖြစ်နေတာမို့ငြင်းရန်လဲမသင့်တော်။နှစ်ယောက်သားမတွေ့ဖြစ်တာလဲ နှစ်နဲ့ချီပြီးကြာနေပြီဖြစ်တာကြောင့် ဦးဘိုးစည်လဲလိုက်သွားဖို့ဆုံးဖြတ်လိုက်တယ်။
"အင်း ဒါဖြင့်သွားကြတာပေါ့
ကိုရွှေသွားရအောင်လေ။"
'ဦးရွှေမောင်'ကတော့နေခဲ့လို့လဲမရတာမို့
မှုန်ကုပ်ကုပ်နဲ့ပဲ လိုက်သွားရတော့တယ်။
အိမ်ပေါ်ကိုရောက်တော့ ကျွန်းသစ်များကိုသာအသုံးပြုထားပြီးရေနံချေးဝနေအောင်သုတ်ထားတဲ့
ဧည့်ခန်းထဲမှာ'ဦးဘိုးစည်'တို့နှစ်ယောက်နေရာချထားပေးခြင်းခံလိုက်ရတယ်။
"အစ်ကိုတို့ ခဏထိုင်ကြအုံးနော်
ပန်းထွေးလက်ဖက်လေးသုပ်လိုက်အုံးမယ်။"
ထိုသို့ဆိုကာ ထွက်သွားတဲ့'မပန်းထွေး'ကို
'ဦးဘိုးစည်'မျက်လုံးလေးတစ်ချက်ဝေ့ကြည့်မိတယ်။အခုချိန်ထိ တစ်ယောက်တည်းရှိနေဆဲလား။
"ကြည့်ရတာ ရည်းစားဟောင်းကိုပြန်တွေ့တော့
အရင်က အမှတ်တရတွေပြန်မြင်ယောင်နေပုံပဲ
အတော်ကိုမှကြည်နူးနေရဲ့လား။"
'ဦးရွှေမောင်'ကရေနွေးခွက်ကိုဖြည်းညှင်းစွာ
အရသာခံသောက်ရင်း 'ဦးဘိုးစည်'ကိုမေးလာခြင်းဖြစ်တယ်။
"ကျုပ်ကမှတ်ဥာဏ်မကောင်းဘူးလေ
ဟိုးတုန်းက ကိစ္စတွေကိုကျုပ်မမှတ်မိပါဘူး။"
'ဦးဘိုးစည်'ဟာတစ်ဖက်လူကျေနပ်ရလေအောင်
ပါးနပ်စွာဖြေလိုက်ပေမဲ့ ကာယကံရှင်ကတော့
ကျေနပ်ပုံမရ။
"ဒါဆို ကျုပ်နဲ့အမှတ်တရတွေကိုပါမေ့နေပြီဆိုတဲ့
သဘောလား။"
ယခုအခေါက်တွင်တော့ 'ဦးရွှေမောင်'ရဲ့မျက်နှာဟာ
အစောပိုင်းကလို သာယာမနေတော့ပေ။
"အဲ့လိုမဟုတ်ပါဘူး ကိုရွှေရယ်။
ကျုပ်မှာ ခင်ဗျားနဲ့ပတ်သက်တဲ့ အမှတ်တရတွေကို
မေ့ခွင့်မရှိခဲ့ပါဘူး။ကျုပ်ကိုကျုပ်မေ့သွားရင်တောင် ခင်ဗျားနဲ့ပတ်သက်တဲ့ အမှတ်တရ
တွေကိုဆိုအသေးအဖွဲလေးကအစမှတ်မိနေမှာ။"
'ဦးဘိုးစည်'ရဲ့ချိုသာတဲ့အပြောကြောင့်
'ဦးရွှေမောင်'က ကျေနပ်သလိုပြုံးလိုက်ရင်း
ရေနွေးတစ်ခွက်ကိုငှဲ့လို့'ဦးဘိုးစည်'ရှေ့ချပေးလိုက်
တယ်။
"စကားကြွယ်လွန်းလို့ ဘယ်လိုဆုချရမလဲ
တောင်မသိတော့ပါဘူး။"
"ရင်ထဲကနေလာတဲ့အရာတွေအတွက်
ဆုလာဘ်ဆိုတာ မလိုအပ်ပါဘူး။"
'ဦးဘိုးစည်'က ရေနွေးခွက်လေးကို
တစ်ချက်မှုတ်သောက်ကာ တစ်ဖက်လူရဲ့ပရောပရည်စကားကို ပြန်လည်ငြင်းဆိုလိုက်တယ်။
"ဒါပေမဲ့ ကျုပ်ကတော့ဆုပေးချင်နေတယ်။"
'ဦးရွှေမောင်'ဟာ ထိုသို့ဆိုလိုက်ရင်း
သူ့ရဲ့လက်တွေကိုတစ်ဖက်လူရဲ့
မျက်နှာဆီတိုးကပ်သွားစေလိုက်တယ်။
"အလို...မောင်ဘိုးစည်တို့ရောက်နေတာပဲ။"
တစ်ဖက်လူရဲ့နှာခေါင်းထိပ်ကိုချဉ်းကပ်လို့နေတဲ့
ဖြူသွယ်သောလက်ချောင်းဧည့်ခန်းတွေဟာ၊
အခန်းထဲကိုတောင်ဝှေးတစ်ချောင်းထောက်
ရင်းဖြေးညှင်းစွာလှမ်းဝင်လို့လာတဲ့အဖွားအိုတစ်ယောက်ကြောင့် ရပ်တန့်လို့သွားရလေတယ်။
'ဦးရွှေမောင်'ကတော့ 'အဖွားအိုကြီးဟာ တကယ်ပါပဲ'ဟူ၍သာမကျေမချမ်းရေရွတ်မိတော့တယ်။ ရှားပါးလှတဲ့အခွင့်အရေးလေးကို သူလက်လွှတ် လိုက်ရပြီမဟုတ်လား။
~~~~~~~~~~~~~~~~~~~~~~~~~~~~~~~~~~
'သိင်္ခ'တစ်ယောက် သီချင်းလေးတညည်းညည်းနဲ့
နွားလှည်းမောင်းလို့နေတဲ့ကောင်ငယ်လေးကို
ကြည့်နေရင်းနဲ့မှ အတွေးတစ်ခုဝင်လာတာမို့
သူ့ရဲ့မျက်လုံးလေးတွေဟာ လင်းလက်လို့သွားရတယ်။
"ကျောက်ခဲလေး။"
"ဗျာ။"
"လမ်းမှာတစ်ရက်မနားဘဲ မြို့ကိုတန်းမောင်းရင်
ဟိုကိုဘယ်အချိန်လောက်ရောက်မလဲ။"
"အင်း ရောက်တော့ရောက်ပါတယ်။
ဒါပေမဲ့ မိုးချုပ်လောက်မယ် နာရီပြန်ခုနှစ်ချက်ထိုး၊
ရှစ်ချက်ထိုးလောက်မှရောက်မှာ။"
'ကျောက်ခဲ'ကထိုခရီးကိုကျွမ်းကျင်နေသူပီပီ
သေချာတွက်ချက်ရင်းပြောလာတယ်။
"ဒါဆို မြို့ကိုပဲတန်းမောင်းလိုက်ပါလား
လမ်းမှာမနားနဲ့တော့။"
"ဒါပေမဲ့ မြို့ရောက်ရင်ကျုပ်တို့မှာ
တည်းစရာနေရာမရှိဘူးလေ။
ဘယ်မှာညအိပ်မှာလဲ။"
"ရော် ဒါကိုပူမနေစမ်းပါနဲ့
ကိုယ့်တာဝန်ထား မြို့ပေါ်မှာတည်ခိုခန်းတို့၊ ဧည့်ရိပ်သာတို့ရှိတယ်မလား ကိုယ်တို့အဲ့မှာတည်းကြမယ်လေ။"
'သိင်္ခ'က ကောင်လေးကိုသူ့အကွက်ထဲ
ရောက်လာအောင် စကားနဲ့ကြံဖန်လိုက်တယ်။
"ဒါပေမဲ့ မြို့ကဧည့်ရိပ်သာတွေက
ဈေးကြီးတယ် အစ်ကိုရ။သြော်..ဟုတ်သားပဲ
အစ်ကိုက သူဌေးလေး
ဆိုတာကို ကျုပ်ကမေ့နေတာ ဒါဆိုလဲ
အစ်ကို့သဘောအတိုင်း ကျုပ်ရောက်အောင်မောင်းပေးမယ် ဟုတ်ပြီလား။"
'ကျောက်ခဲ'က သူ့ကိုစသလိုနောက်သလိုလေး
ပြောလာတော့ သူကလဲ ကောင်ငယ်လေး
ကိုပြန်ကျီစယ်လိုက်တယ်။
"သူဌေးလေး ဆိုတာနိမ့်သေးတယ်
သူဌေးကြီး လို့ပြောမှမှန်တာ ..။"
"အဟား ဟုတ်ပါပြီ သူဌေးကြီးရယ်
ကျွန်တော်မျိုး ကသူဌေးကြီးသွားလိုရာအရပ်ကို
ပို့ဆောင်ပေးပါ့မယ်။"
အဲ့ဒီနောက်မှာတော့ လှည်းလမ်းကလေးဟာ
သူတို့နှစ်ယောက်ရဲ့ပြိုင်တူရယ်မောသံတွေနဲ့
ပြည့်နှက်သွားတော့တယ်။
နေမွန်းတည့်ချိန်လောက်ရောက်တော့
ကျုပ်လဲ ကျွဲဖြူရွာအစပ်နားမှာရှိတဲ့ စိန်ပန်းပင်ကြီးအောက်မှာလှည်းခဏဖြုတ်ပြီး အစ်ကိုနဲ့နေ့လယ်စာအတူစားလိုက်တယ်။ကျွဲဖြူ ရွာနားမှာ ကျုပ်တစ်ခါမှ ခရီးမနားဖူးဘူးဗျ။အစ်ကိုနဲ့ကျမှပဲ ကျုပ်လဲအတွေ့အကြုံအသစ်ရတော့တယ်။
မြေပြင်ပေါ်ကိုတဖြုတ်ဖြုတ်ကြွေကျနေတဲ့ အနီရောင်စိန်ပန်းတွေကသိပ်လှတာမို့ အစ်ကိုကကျုပ်ကိုနည်းနည်းကြာကြာနေဖို့ပြောတယ်။ဒီလိုနဲ့ကျုပ်လဲ
အစ်ကို့ဘေးက သစ်မြစ်ခုံမှာဝင်ထိုင်လိုက်ရင်း
အနီရောင်စိန်ပန်းကြွေတွေကို ကြည့်နေလိုက်တော့တယ်။
အတော်တော့လှသားဗျ ပန်းမိုးရွာနေသလိုပဲ။ကျုပ်ငယ်ငယ်တုန်းကဆို စိန်ပန်းတွေထဲမှာ စိန်တွေပါတယ်လို့ ထင်ခဲ့ပြီး စိန်ပန်းတွေယူပြီး အမကိုပေးဖူးတယ်။"အမ အဲ့ထဲကစိန်တွေကိုရောင်းလိုက်"ဆိုပြီးတော့လေ။ ဒါပေမဲ့အသက်ကြီးလာလို့ အထဲမှာစိန်တွေမပါမှန်းသိသွားတော့လဲ ကျုပ်အတော်စိတ်
မကောင်းဖြစ်သွားခဲ့ဖူးတယ်။
" ကိုယ်အရင်တုန်းက သဘာဝတရားကို
သိပ်အာရုံမစိုက်မိခဲ့ဘူး။ဒါပေမဲ့ကျောက်ခဲ
မင်းနဲ့အတူရှိနေရင်လေ လေပြည်တွေရဲ့စကား
သံကိုတောင်ကြားရသလိုပဲ။"
"မင်းကိုယ့်အနားမှာရှိနေရင်လေ
ကိုယ့်ရင်ဘတ်တစ်ခုလုံးအေးချမ်းသွားလိုက်တာ..။"
ထို့နောက် 'သိင်္ခ'ကသက်ပြင်းအသာချရင်း
စိန်ပန်းနီနီတွေကို စိုက်ကြည့်ကာတွေးမ်ိတယ်။
'ကျောက်ခဲရယ် ....မင်းမပါဘဲကိုယ်ရန်ကုန်ကို
ပြန်နိုင်ပါ့မလားတောင်မသိတော့ဘူး။'
မိုးစက်တွေလိုကြွေကျလျက်ရှိတဲ့စိန်ပန်းနီနီ
တွေကိုကြည့်ရင်းမိန်းမောနေတဲ့ 'သိင်္ခ' ဟာ
သူကိုယ်တိုင်တောင်သတိမထားမိဘဲ ရင်တွင်းဖြစ်
စကားတို့အားဆိုလေတယ်။ အလိုအလျောက်
ဆုပ်ကိုင်မိလျက်သား လက်တစ်ဖက်ရဲ့ပိုင်ရှင်ကတော့နားရွက်တွေမီးတောက်မတတ်ရဲတွတ်
နေခဲ့လေရဲ့။
ကျုပ်လက်ကိုဆုပ်ကိုင်ထားတဲ့ အစ်ကို့ရဲ့ပန်းဆီရောင်လက်ချောင်းလေးတွေကိုကြည့်ပြီး ကျုပ်လဲမဆီမဆိုင်တွေးမိပါတယ်။'စိန်ပန်းနီနီတွေလိုပဲ အစ်ကိုဟာအကြွေလွယ်တဲ့ပန်းလှလှတစ်ပွင့်ဖြစ်နေလေ
မလား'လို့လေ။
ဒီလ်ုနဲ့ကျုပ်နဲ့အစ်ကိုလဲ စိန်ပန်းတွေကိုအချိန်အတော်ကြာကြည့်ပြီးတဲ့နောက်လှည်းတပ်ပြီးခရီးဆက်ခဲ့ကြတယ်။ မြို့ကိုခပ်စောစောလေးရောက်လေ ပိုကောင်းလေဖြစ်တာမို့ ကျုပ်အိမ်ကနှစ်ကောင်ကို အားနာနာနဲ့
အမြန်နှင်လာရတာပေါ့။
အစ်ကိုနဲ့တစ်လမ်းလုံး စကားတွေရေပတ်မဝင်အောင်
ပြောပြီးမောင်းလာလိုက်တာ 'နွားရိုင်းသွင်းချိန်'
လောက်ရောက်တော့ ရှေ့ကနေလှမ်းမြင်နေရတဲ့ 'သပြေကုန်း'ဘုန်းကြီးကျောင်းကိုတွေ့မှပဲနှစ်ယောက်သားစကားပြောတာရပ်တော့တယ်။
ကျုပ်တို့သပြေကုန်းမှာ လှည်းအပ်ပြီး ဆရာတော်ထံ
အကြောင်းစုံလျှောက်တင်တော့ ဆရာတော်ဘုရားက
စိတ်မချလို့ဆိုပြီး မြို့ပေါ်ကိုလိုက်ပို့ဖို ကျောင်းသားတစ်ယောက်ကိုထည့်ပေးလိုက်တယ်ဗျ ။ ပုံမှန်ဆိုနေ့ခင်းဘက်ကိုအုတ်လမ်းကိုသွားတာက ကိစ္စမရှိပေမဲ့၊ ကျုပ်တို့အုတ်လမ်းဘက်ကိုရောက်တဲ့အခါ
မှောင်ရိပ်ကသန်းနေပြီဗျ။အစ်ကို့ဆီမှာလဲ
ငွေအိတ်ကပါလာတာမို့လား ဒါကြောင့်
ကျုပ်လဲကျောင်းသားလေးဆီက ရေနံဆီမီးအိမ်လေးကိုပဲငှားလိုက်ပြီး ကောင်လေးကိုပြန်လွှတ်လိုက်တယ်။ကျုပ်နဲ့အစ်ကို နှစ်ယောက်သားကတော့ အုတ်လမ်းလေးကိုဖြတ်ခဲ့တာပေါ့ဗျာ။
အုတ်လမ်းတစ်လျှောက်လုံးကို အညာဆီးပင်(ဇီးပင်)
ပုလေးတွေစိုက်ထားတာမို့ ဆီးကင်းနံ့လေးက
တသင်းသင်းနဲ့ဗျ။ ညနေပိုင်းလဲဖြစ် အပင်ရိပ်ကလဲရှိတာမို့ ပုံမှန်ထက်ပိုမှောင်ပြီး အလင်းရောင်က
ကျုပ်တို့နှစ်ယောက်နားလေးမှာပဲ ခပ်မှိန်မှိန်လေး
ရှိနေတယ်။အအေးဓာတ်ကလဲပိုတာမို့ အစ်ကိုကကျောချမ်းနေပုံပဲ ကျုပ်အင်္ကျီစလေးကိုလှမ်းကိုင်ထားလေရဲ့။
"အစ်ကို အေးလို့လား။"
ကျုပ်လဲအစ်ကိုအကြောက်ပြေအောင်အာရုံ
လွှဲတဲ့အနေနဲ့စကားပြောပေးလိုက်တယ်။
"အင်း နည်းနည်းကျောချမ်းသလိုပဲ။"
"အစ်ကို ကျုပ်ရှေ့ကနေလျှောက်မလား။"
"ရတယ် မလျှောက်ဘူး။"
ထိုအကြံပြုချက်ကိုတော့ 'သိင်္ခ'က ချက်ချင်းပဲ
ပယ်ချလိုက်တယ်။ သူအရှေ့ကနေလျှောက်လိုက်ရင်
ကောင်ငယ်လေးရဲ့ သနားစိတ်ကို သူဘယ်လိုလုပ်ရယူလို့ရတော့မှာလဲ။
ကျုပ်ဖြင့်ရယ်မိတော့မလိုတောင်ခံစားလိုက်ရတယ်။
အစ်ကို့ကို ကြည့်ရတာသိပ်ကြောက်နေတာမို့ အရှေ့ကနေသွားဖို့တောင်မရဲတော့ဘူးထင်ရဲ့။ရွာထဲက
'မိုးအေး'လိုပဲ သရဲကြောက်တတ်တာတော့လွန်ရောဗျာ။ ကျုပ်လဲရေနံဆီ မီးအိမ်လေးကိုလက်လွှဲကိုင်လိုက်ပြီးကျန်တဲ့လက်တစ်ဖက်ကို အကို့ဆီကမ်းပေးရင်းပြောလိုက်တယ်။
"အစ်ကို စိတ်မသန့်ရင်ကျုပ်လက်ကိုကိုင်ထားမလား။"
"တ..တကယ်လားဟင်။"
'သိင်္ခ'ကမထင်မှတ်ထားဘဲ လိုတာထက်ပိုပြီး
အောင်မြင်သွားတဲ့သူ့အစီအစဉ်ကြောင့် စကားတွေ
တောင်ထစ်သွားခဲ့ပေမဲ့ 'ကျောက်ခဲ'ကလဲ
သူ့အတွေးလေးနဲ့သူ သဘောတကျပြုံးရင်ပြောလိုက်တယ်။
"တကယ်ပေါ့ အစ်ကိုရာ။"
အစ်ကိုက သူ့ရဲ့အေးစက်တဲ့လက်တွေနဲ့
ကျုပ်လက်ကိုတွဲလိုက်တယ်ဗျ။အစ်ကို
ဒီလောက်ကြောက်နေမယ်မှန်းသာသိရင် ကျုပ်
'သနပ်ကုန်း'မှာပဲညအိပ်ဖို့ပြောလိုက်ပါတယ်။
'မိုးအေး'လိုကလေးဆိုရင်လဲကောင်းသား တစ်ခါတည်းကောက်ချီပြီးခေါ်သွားပေး
လိုက်လို့ရတယ်။အခုကျ အစ်ကိုက ကလေးလဲ
မဟုတ်တော့ ချီခေါ်လို့မရတာမို့ လက်လေးကိုပဲသေချာဆုပ်ကိုင်ပေးထားလိုက်ပါတယ်။
ဒီလိုနဲ့နာရီဝက်ကျော်ကျော်လောက်လမ်းလျှောက်
လာခဲ့ကျတဲ့အခါမှာတော့ ကျုပ်တို့မြို့ပေါ်ကို
ရောက်လာခဲ့ကြတယ်။မြို့ပေါ်ရပ်ကွက်တွေကတော့
စည်တာမို့ မိုးချုပ်လဲလူကမပြတ်သေးဘူးပေါ့ဗျာ။ဒါကြောင့် ကျုပ်နဲ့အစ်ကိုလဲထမင်းဆိုင်တစ်ဆိုင်မှာညစာဝင်စားလိုက်ပြီးမှ လန်ချားငှားပြီး ဧည့်ရိပ်သာ တစ်ခုကိုမောင်းခိုင်းလိုက်တော့တယ်။
~~~~~~~~~~~~~~~~~~~~~~~~~~~~~~~~
နွားရိုင်းသွင်းချိန် = ညနေ၅နာရီ၄၀ခန့်
(Ak /အံမာ ချီလို့ရရင် သူကချီခေါ်ချင်သေးတာ
( • ¿ •)]
အပ်ပေးလိုက်ပါပြီ၊ ဖတ်ပေးဖို့ကမင်းလေးတို့တာဝန်ပါ။
🍀🍀🍀🍀🍀🍀🍀🍀🍀🍀🍀🍀🍀🍀🍀🍀
Zawgyi
~~~~~~~
Previous Chapter
~~~~~~~~~~~~
"ဇီးကြက္ ကႏႈတ္ဖြာတတ္တဲ့ကေလးမဟုတ္တာမို႔
ဒီကိစၥကို ဘယ္သူ႕ကိုမွေျပာမွာမဟုတ္ပါဘူး။
ကိုေ႐ႊ အဲ့တစ္ခုေတာ့ စိတ္ခ်ထားလို႔ရပါတယ္။
ဘာတြပဲျဖစ္လာပါေစ က်ဳပ္တတ္နိုင္သမွ်
ခင္ဗ်ားကိုကူညီေပးမယ္။"
ထို႔ေနာက္တြင္ေတာ့ ခိုင္မာသည့္လက္သန္း
ေလးႏွစ္ေခ်ာင္းဟာ ကတိသစၥာျပဳသည့္အေနျဖင့္တံတားေလးတစ္စင္းအလားခ်ိတ္ဆက္လို႔သြားေတာ့တယ္။
~~~~~~~~~~~~~~~~~~~~~~~~~~~~~~~~~~
ဘုန္းႀကီးေက်ာင္းဝန္းအတြင္း၌
အလႉအတြက္ ထင္းေတြခြဲလို႔ေနၾကတဲ့
႐ြာသားေတြနဲ႕ ၾကက္သြန္ျဖဴ ၊ ၾကက္သြန္နီေတြကိုအခြံ႕ခြၽတ္ေနၾကတဲ့ အမ်ိဳးသမီးအုပ္စုတို႔ကိုေတြ႕လိုက္ရတာမို႔ 'ေဒၚေ႐ႊဇင္ညိမ္း'က ထိုအမ်ိဳးသမီးအုပ္ထဲဝင္သြားၿပီး ၾကက္သြန္ေတြဝိုင္း'သင္'ေပးဖို႔လုပ္ေတာ့တယ္။
သူႀကီးနဲ႕ဦးေ႐ႊေမာင္တို႔ကေတာ့ ပန္းကႏုတ္ေတြစီခ်ယ္ထားကာ၊ ပန္းပုလက္ရာဆန္ဆန္႐ုပ္ႂကြထြင္းထုထားတဲ့ ကြၽန္းေလွကားႀကီးအတိုင္းေက်ာင္းေပၚကိုတက္လာခဲ့ၾကတယ္။ ေရွးက်တဲ့ ကုန္းေဘာင္ေခတ္လက္ရာတို႔က ေက်ာင္းအျပင္တြင္သာမက ေက်ာင္းေပၚတြင္လည္းရွိကာ၊ လုံးပတ္ႀကီးမားသည့္ကြၽန္းတိုင္လုံးႀကီးမ်ားကလည္း ခန႔္ညားလွၿပီး၊အမိုးမွေလးဘက္ေလးလံတြဲေလာင္းက်ေနဟန္ထြင္းထုထားသည့္ပန္းကႏုတ္ခက္ႀကီးတို႔မွာလည္း လက္ရာေျမာက္ကာလွပ လွတယ္။
ထို႔ေနာက္တြင္ေတာ့
သူႀကီးတို႔လည္း ဆရာေတာ္ဆီဘုရားေလွ်ာက္သြားလိုက္ကာ ဂါရဝျပဳလိုက္တယ္။
"အိမ္း အိမ္း သာဓု ကြယ္ သာဓု သာဓု။"
ဆရာေတာ္ဘုရားမွာ သက္ေတာ္ကိုးဆယ္
ေက်ာ္ၿပီျဖစ္ေသာ္လည္း က်န္းမာေရးေကာင္းမြန္ကာ တရားအားထုတ္နိုင္ဆဲျဖစ္သည္။
"ဒကာမႀကီးေဒၚေ႐ႊဇင္ညိမ္းကိုေရာ
မေတြ႕ပါလားကြယ့္။"
"ေက်ာင္းေအာက္မွာ လုပ္အားေပးတဲ့အဖြဲ႕ထဲ
ဝင္ရႈပ္ရင္းက်န္ေနခဲ့ပါတယ္ဘုရား။"
'ဦးေ႐ႊေမာင္'က ထိုသို႔ေလွ်ာက္လိုက္ေတာ့
ဆရာေတာ္က သေဘာက်သေယာင္ၿပဳံးေလတယ္။
"တပည့္ေတာ္တို႔ အလႉအတြက္သာမက
ဒီ႐ြာကေစတီကို ထုံးသကၤန္းကပ္ဖို႔နဲ႕ ထီးေတာ္အသစ္တင္ဖို႔အတြက္လည္း ပါဝင္လႉဒါန္းခ်င္လို႔ပါဘုရား။"
"အိမ္း အိမ္းေကာင္းကြဲ႕။ဘုန္းႀကီးကလည္းဝမ္းပန္းတသာႀကိဳဆိုပါတယ္ 'ဒကာေ႐ႊေမာင္'ရယ္ ။
ဘုန္းႀကီးတို႔႐ြာတစ္ဝိုက္မွာလည္း ဒီလိုေငြေၾကးမ်ားမ်ားစားစားတတ္နိုင္တဲ့မိသားစုကလည္းရွားတယ္ မဟုတ္လား။ လက္လုပ္လက္စား မိသားစုေတြမ်ားတာမို႔ ဘုန္းႀကီးလည္းဒီကိစၥနဲ႕ပတ္သက္ၿပီး ႐ြာသားေတြကိုႏွိုးေဆာ္ဖို႔ အားနာေနမိတာ။
ဒကာက အခုလိုကမကထျပဳၿပီးထည့္ဝင္ေတာ့
ဘာဘဲျဖစ္ျဖစ္႐ြာကလူ ေတြလည္းအမ်ားႀကီးကုန္က်စရာမလိုေတာ့ဘူးေပါ့ကြယ္။"
"တင္ပါ့ ဘုရား တပည့္ေတာ္တို႔
ထုံးသကၤန္းကပ္ပြဲေရာက္တဲ့အထိ ဒီမွာမေနနိုင္ေတာ့
ေပမဲ့ ေငြေၾကးကိုေတာ့ လိုေလေသးမရွိထည့္ဝင္ပါ့မယ္ဘုရား။"
ဆရာေတာ္ဘုရားနဲ႕'ဦးေ႐ႊေမာင္'တို႔အျပန္အလွန္ေဆြးႏြေးေနၾကတုန္း ေက်ာင္းေပၚကို
ဆြမ္းအုပ္ေပြ႕ထားတဲ့အမ်ိဳးသမီးတစ္ေယာက္
တက္လို႔လာတာေၾကာင့္ထိုင္ေနတဲ့'ဦးဘိုးစည္'က
အလိုက္တသိ ဆြမ္းအုပ္ေလးကို သြားယူေပး
လိုက္တယ္။
ထိုအမ်ိဳးသမီးက အသက္သုံးဆယ္ေက်ာ္ခန႔္ရွိၿပီး
ဝင္းဝါေသာအသားအရည္ႏွင့္ လွပတဲ့မ်က္လုံးေတြပိုင္ဆိုင္ထားကာ တစ္ပတ္လွ်ို ဆံထုံးႏွငိ့ သနပ္ခါးပါးကြက္ဝါဝါေလးတို႔က အင္မတန္ကို ယဥ္ေအးကာ ၾကည္စင္လွတယ္။
"အစ္ကို~~။"
အံၾသျခင္း၊ဝမ္းေျမာက္ျခင္း တို႔ေပ်ာ္ဝင္ေနသည့္အသံခ်ိဳ ခ်ိဳေၾကာင့္ သူအမွတ္တမဲ့ေမာ့ၾကည့္မိေလေတာ့..။
"မပန္းေထြး~~။"
'ဦးဘိုးစည္' ႏႈတ္မွ႐ုတ္တရက္ထြက္က်လာတဲ့
နာမည္ကို ၾကားလိုက္ရတဲ့ 'ဦးေ႐ႊေမာင္'ကေတာ့
သူ႕ရဲ႕မ်က္ခုံးေတြကို အလိုမက်စြာတြန႔္ခ်ိဳးလိုက္တယ္။
"တိုက္ဆိုင္လိုက္တာ အစ္ကိုရယ္
အစ္ကို ႐ြာကိုျပန္ေရာက္ေနတယ္ဆိုတာသိေပမဲ့
'ပန္းေထြး'လည္း စပါးရိတ္တဲ့ကိစၥနဲ႕အလုပ္ရႈပ္ေနလို႔လာမေတြ႕ျဖစ္ဘူး။"
"အင္း အစ္ကိုလည္း 'မပန္းေထြး'ကို
သတိရပါတယ္။သြားရေအာင္ေလ။"
'ဦးဘိုးစည္ ' က ဆြမ္းအုပ္ေလးကို ကိုင္ေပးရင္းဆရာေတာ္ဘုရားေရွ႕ကို ေလွ်ာက္လာလိုက္တယ္။
'မပန္းေထြး'က ဆရာေတာ္ဘုရားကို
ရိုက်ိဳးစြာျဖင့္ထိျခင္းငါးပါးႏွင့္အညီ ဂါရဝျပဳလိုက္တယ္။
"ဒကာမေလး ဘယ္တုန္းကျပန္ေရာက္တာတုန္းကြဲ႕။"
"မၾကာေသးပါဘူး ဘုရား၊ လြန္ခဲ့တဲ့တစ္ရက္ကမွ
ျပန္ေရာက္တာပါ။"
"စပါးေရာင္းတာေရာ အဆင္ေျပခဲ့ရဲ႕လားကြဲ႕။"
"ေျပခဲ့ပါတယ္ ဘုရား
ဒါေၾကာင့္မို႔ဆြမ္းလာကပ္တာပါ ဘုရား။"
"အိမ္း အိမ္း သာဓုပါကြယ္
ဒါျဖင့္ 'ေမာင္ဘိုးစည္'တို႔နဲ႕ စကားေလးဘာေလးေျပာခ်ည္။ ဦးဘုန္းႀကီး ဘုရားခန္းဝင္လိုက္ဦးမယ္။"
"တင္ပါ့ဘုရား။"
ထို႔ေနာက္ သူတို႔သုံးေယာက္ ဆရာေတာ္ကို
ရွိခိုးလိုက္ၾကၿပီးေနာက္ 'ဦးေ႐ႊေမာင္'က
'ဦးဘိုးစည္'ကိုျပန္ဖို႔အခ်က္ျပလိုက္တယ္။
"အစ္ကို ျပန္ေတာ့မလို႔လားဟင္။"
"ေအာ္ အင္း။"
"အိမ္ဘက္ကို ခဏေလာက္လိုက္ၿပီး
လည္ပါဦးလား အစ္ကို၊ ကိုေ႐ႊေမာင္ေရာပဲ။"
'မပန္းေထြး'က 'ဦးဘိုးစည္'ကို
သူ(မ)ရဲ႕မ်က္လုံးလွလွေတြနဲ႕ၾကည့္ရင္းေျပာလိုက္တယ္။
တစ္ဖက္မိန္းကေလးက ရိုးရိုးသားသားႏွင့္
အလည္ေခၚေနတာမို႔ သူ(ဦးဘိုးစည္) မျငင္းခ်င္ေပ။'ကိုေ႐ႊေမာင္'ကိုသူမသိမသာၾကည့္မိေတာ့ မလိုက္သြားရန္မ်က္လုံးတို႔က တားျမစ္လို႔ေနတယ္။သို႔ေပမဲ့တစ္႐ြာထဲသားခ်င္း ေမာင္ႏွမေတြလိုျဖစ္ေနတာမို႔ျငင္းရန္လဲမသင့္ေတာ္ေပ။ႏွစ္ေယာက္သားမေတြ႕ျဖစ္တာလည္း ႏွစ္နဲ႕ခ်ီၿပီးၾကာေနၿပီျဖစ္တာေၾကာင့္ သူ(ဦးဘိုးစည္)လိုက္သြားဖို႔ဆုံးျဖတ္လိုက္တယ္။
"အင္း ဒါျဖင့္သြားၾကတာေပါ့
'ကိုေ႐ႊ'သြားရေအာင္ေလ။"
'ဦးေ႐ႊေမာင္'ကေတာ့ေနခဲ့လို႔လည္းမရတာမို႔မႈန္ကုပ္ကုပ္နဲ႕ပဲ လိုက္ပါသြားရေတာ့တယ္။
အိမ္ေပၚကိုေရာက္ေတာ့ ကြၽန္းသစ္မ်ားကိုသာအသုံးျပဳထားၿပီးေရနံေခ်းဝေနေအာင္သုတ္ထားေသာ ဧည့္ခန္းထဲမွာ'ဦးဘိုးစည္'တို႔ႏွစ္ေယာက္ေနရာခ်ထားေပးျခင္းခံလိုက္ရတယ္။
"အစ္ကိုတို႔ ခဏထိုင္ၾကဦးေနာ္
'ပန္းေထြး'လက္ဖက္ေလးသုပ္လိုက္ဦးမယ္။"
ထိုသို႔ဆိုကာ ထြက္သြားတဲ့'မပန္းေထြး'ကို
'ဦးဘိုးစည္'မ်က္လုံးေလးတစ္ခ်က္ေဝ့ၾကည့္မိတယ္အခုခ်ိန္ထိ တစ္ေယာက္ထဲရွိေနဆဲလား။
"ၾကည့္ရတာ ရည္းစားေဟာင္းကိုျပန္ေတြ႕ေတာ့အရင္က အမွတ္တရေတြျပန္ျမင္ေယာင္ေနပုံပဲအေတာ္ကိုမွၾကည္ႏူးေနရဲ႕လား။"
'ဦးေ႐ႊေမာင္'ကေရႏြေးခြက္ကိုျဖည္းညွင္းစြာ
အရသာခံေသာက္ရင္း 'ဦးဘိုးစည္'ကိုေမးလိုက္တယ္။
"က်ဳပ္ကမွတ္ဥာဏ္မေကာင္းဘူးေလ
ဟိုးတုန္းက ကိစၥေတြကိုက်ဳပ္မမွတ္မိပါဘူး။"
'ဦးဘိုးစည္'ဟာတစ္ဖက္လူေက်နပ္ရေလေအာင္
ပါးနပ္စြာေျဖလိုက္ေပမဲ့ ကာယကံရွင္ကေတာ့
ေက်နပ္ပုံမရ။
"ဒါဆို က်ဳပ္နဲ႕အမွတ္တရေတြကိုပါေမ့ေနၿပီဆိုတဲ့
သေဘာလား။"
ယခုအေခါက္တြင္ေတာ့ 'ဦးေ႐ႊေမာင္'ရဲ႕မ်က္ႏွာဟာအေစာပိုင္းကလို သာယာမေနေတာ့ေပ။
"အဲ့လိုမဟုတ္ပါဘူး ကိုေ႐ႊရယ္
က်ဳပ္မွာ ခင္ဗ်ားနဲ႕ပတ္သတ္တဲ့အမွတ္တရေတြကို
ေမ့ခြင့္မရွိခဲ့ပါဘူး။က်ဳပ္ကိုက်ဳပ္
ေမ့သြားရင္ေတာင္ ခင္ဗ်ားနဲ႕ပတ္သက္တဲ့ အမွတ္တရ
ေတြကိုဆိုအေသးအဖြဲေလးကအစမွတ္မိေနမွာ။"
'ဦးဘိုးစည္'ရဲ႕ခ်ိဳသာတဲ့အေျပာေၾကာင့္
'ဦးေ႐ႊေမာင္'က ေက်နပ္သလိုၿပဳံးလိုက္ကာ
ေရႏြေးတစ္ခြက္ကိုငွဲ႕လို႔'ဦးဘိုးစည္'ေရွ႕ခ်ေပးရင္းဆိုေလတယ္။
"စကားႂကြယ္လြန္းလို႔ ဘယ္လိုဆုခ်ရမလဲ
ေတာင္မသိေတာ့ပါဘူး။"
"ရင္ထဲကေနလာတဲ့အရာေတြအတြက္
ဆုလာဘ္ဆိုတာ မလိုအပ္ပါဘူး။"
'ဦးဘိုးစည္'ဟာ ထိုေရႏြေးခြက္ေလးကို
တစ္ခ်က္မႈတ္ေသာက္ကာ ျပန္လည္ျငင္းဆိုလိုက္တယ္။
"ဒါေပမဲ့ က်ဳပ္ကေတာ့ဆုေပးခ်င္ေနတယ္"
'ဦးေ႐ႊေမာင္'ဟာ ထိုသို႔ဆိုလိုက္ရင္း
သူ႕ရဲ႕လက္ေတြကိုတစ္ဖက္လူရဲ႕
မ်က္ႏွာဆီတိုးကပ္သြားေစလိုက္တယ္။
"အလို....ေမာင္ဘိုးစည္တို႔ေရာက္ေနတာပဲ။"
'ဦးေ႐ႊေမာင္' ရဲ႕ တစ္ဖက္လူ၏ႏွာေခါင္းခြၽန္ခြၽန္ထိပ္ကိုခ်ဥ္းကပ္လို႔ေနတဲ့ ျဖဴသြယ္ေသာလက္ေခ်ာင္းတို႔ဟာဧည့္ခန္းထဲကို ေတာင္ေဝွးတစ္ေခ်ာင္းေထာက္ရင္းေျဖးညွင္းစြာလွမ္းဝင္လို႔လာတဲ့အဖြားအိုတစ္ေယာက္ေၾကာင့္ ရပ္တန႔္လို႔သြားရေတာ့တယ္။
'ထိဖို႔နည္းနည္းေလးဘဲ လိုေတာ့တာကို
အဖြားအိုႀကီးကေတာ့ တကယ္ပါပဲ'ဟူ၍သာ
သူမေက်မခ်မ္းေရ႐ြတ္မိေတာ့တယ္။ ရွားပါးလွတဲ့
အခြင့္အေရးကို သူလက္လႊတ္ လိုက္ရၿပီမဟုတ္လား။
(AK/ႏွာေခါင္းထိပ္ေလးကိုညွစ္ၿပီး
မိမိမွာroခ်င္ပါေသာ္လည္း)
~~~~~~~~~~~~~~~~~~~~~~~~~~~~~~~~~~
'သိခၤ'တစ္ေယာက္ သီခ်င္းေလးတညည္းညည္းျဖင့္ႏြားလည္းေမာင္းလို႔ေနတဲ့ေကာင္ငယ္ေလးကိုၾကည့္ေနရင္းနဲ႕မွ အေတြးတစ္ခုဝင္လာတာမို႔ သူ႕ရဲ႕မ်က္လုံးေလးေတြလင္းလက္လို႔သြားရတယ္။
"ေက်ာက္ခဲေလး။"
"ဗ်ာ။"
"လမ္းမွာတစ္ရက္မနားပဲ ၿမိဳ႕ကိုတန္းေမာင္းရင္
ဟိုကိုဘယ္အခ်ိန္ေလာက္ေရာက္မလဲ။"
"အင္း ေရာက္ေတာ့ေရာက္ပါတယ္
ဒါေပမဲ့ မိုးခ်ဳပ္ေလာက္မယ္ နာရီျပန္ခုႏွစ္ခ်က္ထိုး၊
ရွစ္ခ်က္ထိုးေလာက္မွေရာက္မွာ။"
'ေက်ာက္ခဲ'ကထိုခရီးကိုကြၽမ္းက်င္ေနသူပီပီ
ေသခ်ာတြက္ခ်က္ရင္းေျပာလိုက္ေလတယ္။
"ဒါဆို ၿမိဳ႕ကိုပဲတန္းေမာင္းလိုက္ပါလား
လမ္းမွာမနားနဲ႕ေတာ့။"
"ဒါေပမဲ့ ၿမိဳ႕ေရာက္ရင္က်ဳပ္တို႔မွာ
တည္းစရာေနရာမရွိဘူးေလ။
ဘယ္မွာညအိပ္မွာလဲ။"
"ေရာ္ ဒါကိုပူမေနစမ္းပါနဲ႕
ကိုယ့္တာဝန္ထား ၿမိဳ႕ေပၚမွာတည္ခိုခန္းတို႔၊ ဧည့္ရိပ္သာတို႔ရွိတယ္မလား ကိုယ္တို႔အဲ့မွာတည္းၾကမယ္ေလ။"
'သိခၤ'က ေကာင္ေလးကိုသူ႕အကြက္ထဲ
ေရာက္လာေအာင္ စကားနဲ႕ႀကံဖန္လိုက္တယ္။
"ဒါေပမဲ့ ၿမိဳ႕ကဧည့္ရိပ္သာေတြက
ေဈးႀကီးတယ္ အစ္ကိုရ။
ေၾသာ္..ဟုတ္သားပဲ အဟဲ အစ္ကိုက သူေဌးေလး
ဆိုတာကို က်ဳပ္ကေမ့ေနတာ ဒါဆိုလည္း
အစ္ကို႔သေဘာအတိုင္း က်ဳပ္ေရာက္ေအာင္ေမာင္းေပးမယ္ ဟုတ္ၿပီလား။"
'ေက်ာက္ခဲ'က သူ႕ကိုစသလိုေနာက္သလိုေလး
ေျပာလာေတာ့ သူကလည္း ေကာင္ငယ္ေလး
ကိုျပန္ေျပာလိုက္တယ္။
"သူေဌးေလး ဆိုတာနိမ့္ေသးတယ္
သူေဌးႀကီး လို႔ေျပာမွမွန္တာ ..။"
"အဟား ဟုတ္ပါၿပီ သူေဌးႀကီးရယ္
ကြၽန္ေတာ္မ်ိဳး ကသူေဌးႀကီးသြားလိုရာအရပ္ကို
ပို႔ေဆာင္ေပးပါ့မယ္။"
ထို႔ေနာက္ လွည္းလမ္းကေလးဟာ သူတို႔ႏွစ္ေယာက္ရဲ႕ရယ္သံလြင္လြင္တို႔နဲ႕ ျပည့္ႏွက္သြားေတာ့တယ္။
.
.
.
.
.
.
.
ေနမြန္းတည့္ခ်ိန္ေလာက္ေရာက္ေတာ့
က်ဳပ္လည္း ကြၽဲျဖဴ႐ြာအစပ္နားမွာရွိတဲ့ စိန္ပန္းပင္ႀကီးေအာက္မွာလွည္းခဏျဖဳတ္လိုက္ၿပီး အစ္ကိုနဲ႕ေန႕လယ္စာအတူစားလိုက္တယ္။
ကြၽဲျဖဴ ႐ြာအစပ္မွာ က်ဳပ္တစ္ခါမွ ခရီးမနားဖူးဘူးဗ် ၊ အစ္ကိုနဲ႕က်မွပဲ က်ဳပ္လဲအေတြ႕အႀကဳံ အသစ္ရေတာ့တယ္။ က်ဳပ္တို႔ရဲ႕လွည္းေပၚကို အနီေရာင္စိန္ပန္းေတြက တျဖဳတ္ျဖဳတ္ေႂကြက်လိဳ႕ေနတာမို႔ အစ္ကိုက်ဳပ္ကိုနည္းနည္းၾကာၾကာေနဖို႔ေျပာတယ္။
က်ဳပ္လည္းအစ္ကို႔ေဘးမွာဝင္ထိုင္လိုက္ရင္း
အနီေရာင္စိန္ပန္းေႂကြေတြကို ၾကည့္ေနလိုက္တယ္။အေတာ္ေတာ့လွသားဗ် ပန္းမိုး႐ြာေနသလိုပဲ။က်ဳပ္ငယ္ငယ္တုန္းကဆို စိန္ပန္းေတြထဲမွာ စိန္ေတြပါတယ္လို႔ ထင္ခဲ့ၿပီး စိန္ပန္းေတြယူၿပီး အမကိုေပးဖူးတယ္။"အမ အဲ့ထဲကစိန္ေတြကိုေရာင္းလိုက္"ဆိုၿပီးေတာ့ေလ။ ဒါေပမဲ့အသက္ႀကီးလာလို႔ အထဲမွာစိန္ေတြမပါမွန္းသိသြားေတာ့လည္း က်ဳပ္စိတ္ထဲမယ္
နည္းနည္းစိတ္မေကာင္းျဖစ္ခဲ့ဖူးတာကလြဲလို႔
အလွဆုံးပန္းအျဖစ္ ရွိေနဆဲပါပဲ။
" ကိုယ္အရင္တုန္းက သဘာဝတရားကို
သိပ္အာ႐ုံမစိုက္မိခဲ့ဘူး။ဒါေပမဲ့ 'ေက်ာက္ခဲ'
မင္းနဲ႕အတူရွိေနရင္ေလ။ေလျပည္ေတြရဲ႕စကားသံ
ကိုေတာင္ ကိုယ္ၾကားေနသလိုပဲ။"
"မင္းကိုယ့္အနားမွာရွိေနရင္ေလ
ကိုယ္ရင္ဘက္တစ္ခုလုံးေအးခ်မ္းသြားလိုက္တာ။"
ထို႔ေနာက္ 'သိခၤ'ကသက္ျပင္းအသာခ်ရင္း
စိန္ပန္းနီနီေတြကို စိုက်ကြည့်ကာတွေးမ်ိတယ်။
'ေက်ာက္ခဲရယ္ ....မင္းမပါပဲကိုယ္ရန္ကုန္ကို
ျပန္နိုင္ပါ့မလားေတာင္မသိေတာ့ဘူး။'
တျဖဳတ္ျဖဳ တ္ေႂကြက်လ်က္ရွိတဲ့စိန္ပန္းနီနီ
ေတြကိုၾကည့္ရင္းမိန္းေမာေနတဲ့ 'သိခၤ' ဟာ
သူကိုယ္တိုင္ေတာင္သတိမထားဘဲ ရင္တြင္းျဖစ္
စကားတို႔အားဆိုေလတယ္။ အလိုအေလ်ာက္
ဆုပ္ကိုင္မိလ်က္သား လက္တစ္ဖက္ရဲ႕ပိုင္ရွင္ကေတာ့နား႐ြက္ေတြမီးေထာက္မတတ္နီရဲေနခဲ့ေလရဲ႕။
က်ဳပ္ရဲ႕လက္ကိုဆုပ္ကိုင္ထားတဲ့ အစ္ကို႔ရဲ႕ပန္းဆီေရာင္လက္ေခ်ာင္းေလးေတြကိုၾကည့္ၿပီး မဆီမဆိုင္ေတြးမိပါရဲ႕။'စိန္ပန္းနီနီေတြလိုပဲ အစ္ကိုဟာအေႂကြလြယ္တဲ့ပန္းလွလွတစ္ပြင့္ျဖစ္ေနေလမလာ'လို႔ေလ။
က်ဳပ္နဲ႕အစ္ကိုလည္း စိန္ပန္းေတြကိုၾကည့္ၿပီးတဲ့ေနာက္လွည္းတပ္ၿပီး ခရီးဆက္ခဲ့ၾကတယ္။ ၿမိဳ႕ကိုခပ္ေစာေစာေလးေရာက္ေလ ပိုေကာင္းေလျဖစ္တာမို႔ က်ဳပ္အိမ္ကႏွစ္ေကာင္ကို အားနာနာနဲ႕
အျမန္ႏွင္လာရတာေပါ့။
အစ္ကိုနဲ႕တစ္လမ္းလုံး စကားေတြေရပတ္မဝင္ေအာင္
ေျပာၿပီးေမာင္းလာလိုက္တာ 'ႏြားရိုင္းသြင္းခ်ိန္'ေလာက္ေရာက္ေတာ့ ေရွ႕ကေနလွမ္းျမင္ေနရတဲ့ 'သေျပကုန္း'ဘုန္းႀကီးေက်ာင္းကိုေတြ႕မွပဲႏွစ္ေယာက္သားစကားေျပာတာရပ္ေတာ့တယ္။
က်ဳပ္တို႔သေျပကုန္းမွာ လွည္းအပ္ၿပီး ဆရာေတာ္ထံအေၾကာင္းစုံေလွ်ာက္တင္ေတာ့ ဆရာေတာ္ဘုရားကစိတ္မခ်လိဳ႕ဆိုၿပီး ၿမိဳ႕ေပၚကိုလိုက္ပို႔ဖို ေက်ာင္းသားတစ္ေယာက္ကိုထည့္ေပးလိုက္တယ္ဗ် ။ ပုံမွန္ဆိုေန႕ခင္းဘက္ကိုအုတ္လမ္းကိုသြားတာက ကိစၥမရွိေပမဲ့၊ က်ဳပ္တို႔အုတ္လမ္းဘက္ကိုေရာက္တဲ့အခါ
ေမွာင္ရိပ္ကသန္းေနၿပီဗ်။အစ္ကို႔ဆီမွာလည္း
ေငြအိတ္ကပါလာတာမို႔လား က်ဳပ္လည္း
ေက်ာင္းသားေလးဆီက ေရနံဆီမီးအိမ္ေလးကိုပဲငွားလိုက္ၿပီး ေကာင္ေလးကိုျပန္လႊတ္လိုက္တယ္။
က်ဳပ္နဲ႕အစ္ကို ႏွစ္ေယာက္သားကေတာ့ အုတ္လမ္းေလးကိုျဖတ္ခဲ့တာေပါ့ဗ်ာ။
အုတ္လမ္းတစ္ေလွ်ာက္လုံးကို အညာဆီးပင္(ဇီးပင္)
ပုေလးေတြစိုက္ထားတာမို႔ ဆီးကင္းနံ႕ေလးကလည္းတသင္းသင္းနဲ႕ဗ်။ ညေနပိုင္းလည္းျဖစ္ အပင္ရိပ္ကလည္းရွိတာမို႔ ပုံမွန္ထက္ပိုေမွာင္ၿပီး အလင္းေရာင္ကက်ဳပ္တို႔ႏွစ္ေယာက္နားေလးမွာဘဲ ခပ္မွိန္မွိန္ေလးရွိေနတယ္။အေအးဓာတ္ကလည္းပိုတာမို႔ အစ္ကိုကေက်ာခ်မ္းေနပုံပဲ က်ဳပ္အကၤ်ီစေလးကိုလွမ္းကိုင္ထားေလရဲ႕။
"အစ္ကို ေအးလို႔လား။"
က်ဳပ္လည္းအစ္ကိုအေၾကာက္ေျပေအာင္အာ႐ုံ
လႊဲတဲ့အေနနဲ႕စကားေျပာေပးလိုက္တယ္။
"အင္း နည္းနည္းေက်ာခ်မ္းသလိုပဲ။"
"အစ္ကို က်ဳပ္ေရွ႕ကေနေလွ်ာက္မလား။"
"ရတယ္ မေလွ်ာက္ဘူး။"
ထိုအႀကံျပဳခ်က္ကိုေတာ့ 'သိခၤ'က ခ်က္ျခင္းပဲ
ပယ္ခ်လိဳက္တယ္။ သူအေရွ႕ကေနေလွ်ာက္လိုက္ရင္
ေကာင္ငယ္ေလးရဲ႕ သနားစိတ္ကို သူဘယ္လိုလုပ္ရယူလို႔ရေတာ့မွာလဲ။
က်ဳပ္ျဖင့္ရယ္မိေတာ့မလိုေတာင္ခံစားလိုက္ရတယ္။
အစ္ကို႔ကို ၾကည့္ရတာသိပ္ေၾကာက္ေနတာမို႔ အေရွ႕ကေနသြားဖို႔ေတာင္မရဲေတာ့ဘူးထင္ရဲ႕။႐ြာထဲက 'မိုးေအး'လိုပဲ သရဲေၾကာက္တတ္တာေတာ့လြန္ေရာဗ်ာ။ က်ဳပ္လည္းေရနံဆီ မီးအိမ္ေလးကိုလက္လႊဲကိုင္လိုက္ၿပီးက်န္တဲ့လက္တစ္ဖက္ကို အကို႔ဆီကမ္းေပးရင္းေျပာလိုက္တယ္။
"အစ္ကို စိတ္မသန႔္ရင္က်ဳပ္လက္ကိုကိုင္ထားမလားယ"
"တ....တကယ္လားဟင္။"
'သိခၤ'ကမထင္မွတ္ထားပဲ လိုတာထက္ပိုၿပီး
ေအာင္ျမင္သြားတဲ့သူ႕အစီအစဥ္ေၾကာင့္ စကားေတြေတာင္ထစ္သြားခဲ့ေပမဲ့ 'ေက်ာက္ခဲ'ကလည္း
သူ႕အေတြးေလးနဲ႕သူ သေဘာတက်ၿပဳံးရင္ေျပာလိုက္တယ္။
"တကယ္ေပါ့ အစ္ကိုရာ။"
အစ္ကိုက သူ႕ရဲ႕ေအးစက္တဲ့လက္ေတြနဲ႕
က်ဳပ္လက္ကိုတြဲလိုက္တယ္ဗ်။အစ္ကိုဒီ
ေလာက္ေၾကာက္ေနမယ္မွန္းသာသိရင္ က်ဳပ္
'သနပ္ကုန္း'မွာပဲညအိပ္ဖို႔
ေျပာလိုက္ပါတယ္။ 'မိုးေအး'လိုကေလးဆိုရင္လည္းေကာင္းသား တစ္ခါတည္းေကာက္ခ်ီၿပီးေခၚသြားေပးလိုက္လို႔ရတယ္။အခုက် အစ္ကိုက ကေလးလည္းမဟုတ္ေတာ့ ခ်ီေခၚလို႔လည္းမရတာမို႔ လက္ေလးကိုပဲေသခ်ာဆုပ္ကိုင္ေပးထားလိုက္တယ္။
ဒီလိုနဲ႕နာရီဝက္ေက်ာ္ေက်ာ္ေလာက္လမ္းေလွ်ာက္လာခဲ့က်တဲ့အခါမွာေတာ့ က်ဳပ္တို႔လည္းၿမိဳ႕ေပၚကိုေရာက္လာခဲ့ၾကတယ္။ၿမိဳ႕ေပၚရပ္ကြက္ေတြကေတာ့စည္တာမို႔ မိုးခ်ဳပ္လည္းလူကမျပတ္ေသးဘူးေပါ့ဗ်ာ။ဒါေၾကာင့္ က်ဳပ္နဲ႕အစ္ကိုလည္း
ထမင္းဆိုင္တစ္ဆိုင္မွာညစာဝင္စားလိုက္ၿပီးမွ လန္ခ်ားငွားၿပီး ဧည့္ရိပ္သာ တစ္ခုကိုေမာင္းခိုင္းလိုက္ေတာ့တယ္။
~~~~~~~~~~~~~~~~~~~~~~~~~~~~~~~~
ႏြားရိုင္းသြင္းခ်ိန္ = ညေန၅နာရီ၄၀ခန႔္
(Ak /အံမာ ခ်ီလို႔ရရင္ သူကခ်ီေခၚခ်င္ေသးတာ]
အပ္ေပးလိုက္ပါၿပီ၊ ဖတ္ေပးဖို႔ကမင္းေလးတို႔တာဝန္ပါ။
🍀🍀🍀🍀🍀🍀🍀🍀🍀🍀🍀🍀🍀🍀🍀🍀