Nang mga sumunod na araw ay naging busy ang lahat para sa final exam. Kahit ako ay mas doble effort para mapagsabay ang pagrereview at part time, pati na din Yung responsibilidad ko sa bahay. Nakakapagod sa totoo lang pero kailangan kong kayanin.
Hindi din kami madalas magkita ni Uno, dahil abala silang magkakaibigan sa pag rereview. Sabi niya sa akin ay napagkasunduan nila na magreview ng sama sama para kapag may hindi sila maintindihan ay may matatanungan.
Para sa akin ay mas mabuti nga ang ganoon, dahil sa pagkakakilala ko kay Uno, hindi iyon makakapagpokus sa pagrereview kung walang magpipilit sa kaniya.
Pero kahit ganoon siya kabusy ay madalas pa din siyang magtext sa akin at tumawag. Madalas din siyang dumaan sa room namin para kumustahin ako, kahit hindi naman kailangan.
Ngayon ay katatapos lang ng exam namin at pasalamat ako dahil sa tingin ko naman ay nasagutan ko iyon ng maayos. Mabuti na lang talaga at pinapayagan ako magreview ni Ate habang nasa gasolinahan kapag walang customer, malaking tulong na sa akin ang mga ganoong simpleng bagay.
Pagkatapos kong mag ayos ng mga test papers sa office ni Ma'am Rina ay dumiretso na ako sa gasolinahan. Bumili pa ako ng palamig sa daan dahil nauuhaw na ako. Habang naglalakad ay naramdaman kong may nagtext sa'kin.
From: Crunos
Mei see you later:)
Hindi na ako nagreply dahil wala din naman akong sasabihin.
"Kumusta exam?" tanong sakin ni Ate Kath, ang manager namin, pagdating ko sa gasolinahan.
"Ayos lang te, papasa naman" natatawang sabi ko sa kaniya.
Tumango lang siya at ngumiti bago bumalik sa convenient store.
Naging abala ako sa pag asikaso sa customer dahil ganitong oras madaming nagpapakarga dahil uwian na.
"Oh eto magmeryenda ka muna" inabutan ako ni Ate ng tinapay at soft drinks.
"Salamat po"
Nagpasalamat ako dahil nilibre nanaman niya ako. Madalas niyang gawin iyon kapag alam niyang madami akong inasikaso sa school. Maliit na bagay lang naman iyon pero para sa akin ay malaking tulong na iyon, at sobra na ang pasasalamat ko.
Iyon siguro ang kagandahan ng pagiging mahirap, matututo kang magpasalamat kahit sa pinakamaliit na bagay na matatanggap mo.
"Ay palaka!" Nagulat ako ng may bumusina sa harapan ko. Mukhang nahulog ako sa malalim na pag iisip dahil hindi ko namalayan na madaming sasakyan ang nakapila.
Nagulat ako ng makilala ko ang mga iyon. Sila Hershel. Agad hinanap ng mata ko si Uno at naglalakad na siya palapit sa amin, nakaparada ang sasakyan niya sa parking area.
"PaGas" si Eric iyon at kumindat pa sa akin.
"Hoy Eric!" hindi ko pinansin ang pag aalburuto ni Uno, dahil naging abala ako sa pagkarga sa sasakyan nila. Bale apat iyon, at puro motor.
"Hi Mei. How's the exam?" pangungumusta ni Hershel sa akin
"Ayos naman. Sa tingin ko ay papasa naman" nagkibit balikat ako sa kaniya
"You know what, Uno thinks he fucked up the exam. Andito siya para magpa comfort" rinig ko ang tawanan nilang magkakaibigan dahil sa sinabi ni Avril, syempre maliban kay Uno na pinagkakaisahan nila.
"Anak ka talaga ni satanas Avril"
"I know right" kumindat pa ito kay Uno, at umaktong nandiri naman ang huli.
Hindi ako umiimik at pinagmamasdan lang sila.
"Proud ka pa talaga niyan?" tanong ni Jace na natatawa din.
"Manahimik ang hindi siguradong papasa"
"Tama ka Uno, anak talaga to ni satanas"
"Grabe naman kayo-"
"Tumama ka na Eric!" Sabay na sigaw nina Uno, Jace at Avril kay Eric.
"Stop it guys! Meisha is being weirded out" pag aawat sa kanila ni Aryana, habang natatawa naman ang long time boyfriend nito na si Kian sa tabi niya, maging ito ay pinagsabihan niya.
Tahimik lang naman na nakikitawa si Josh at Mich. Si Kylo ay ganoon pa din, pangitit ngiti lang.
Natapos kong gasolinahan ang mga sasakyan nila, at lahat sila nagpa full tank.
Hindi na din sila nagtagal at nagpaalam na mauuna na sila. Kumindat pa sila kay Uno na nagpaiwan dito, dahil ihahatid niya daw ako. Narinig ko pang kinantyawan siya ng mga kaibigan niya.
"Bakit hindi ka pa umuwi?" tanong ko sa kaniya.
"Ihahatid kita" ngiting ngiti niyang sabi
Madaling natapos ang duty ko kaya naman ihinatid ako ni Uno. Napagdesisyonan pa namin na kumain ng ihaw ihaw sa kanto bago ako umuwi.
"Kumusta exam?" pangungumusta ko sa exam niya, dahil hindi ko alam kung totoo ba yung sinabi ni Avril.
"Hoy! Wag ka maniwala don kay Avril. Nag aral kaya ako"
"Kumusta? Papasa naman ba?" pinaningkitan ko siya ng mata para masigurong magsasabi siya ng totoo.
"May chance naman. hehe" sabi niya sabay subo sa isang buong isaw. "50-50 ang chance"
"50% na bagsak at 50% na papasa?"
"Hindi" uminom muna siya bago ituloy ang sinasabi "50% bagsak at 50% na pasang awa. Hehe"
Natawa ako sa sinabi niya, kahit exam hindi niya magawang seryosohin.
"Puro ka kalokohan"
"Bakit kasi ganon, hindi ako kasing talino ni Kylo o kaya kahit ni Josh"
Hindi ko alam kung nagseselos ba talaga siya o naghahanap lang ng masisisi.
"Sigurado naman akong may ibang bagay na lamang ka kumpara sa kanila" seryosong sabi ko sa kaniya.
"Ano yun?" Nagpacute pa siya sa harapan ko habang tinatanong iyon.
"Pagiging immature at maingay" kibit balikat kong sagot sa kaniya.
Napaawang ang labi niya at parang hindi makapaniwala sa sinabi ko. Siguro ay nag eexpect siya na sasabihin kong 'pagiging gwapo', pero malabo iyon, dahil kung pagtatabihin silang magkakaibigan kahit Sino ay mahihirapan mamili sa kanila.
"Mauna na ako, salamat dito" natatawa kong Sabi sa kaniya at tinaas ang isaw na hawak ko at iniwan siya doon na hanggang ngayon ay nakasimangot pa.
Nang mga sumunod na araw ay naging abala ang mga Grade 12 dahil graduating na sila, busy sila sa pagcomply ng requirements nila. Minsan ay tinutulungan ko si Uno kapag may free time ako katulad ngayon. Nandito kami sa rooftop para tapusin ang isa sa mga portfolio niya.
"Malapit na pala ang Valentine's Day" hindi ko alam kung saan niya hinugot iyon pero napakalayo sa ginagawa namin ngayon ng topic na iyon.
"Grabe. Snobber" hindi ko kasi pinansin ang sinabi niya kanina.
"Tapusin mo na iyan Uno"
"May kadate ka na ba?" tanong niya ulit, napaka kulit talaga. Pero napaisip ako sa tanong niya, kailangan ba talagang may kadate ?
"Required ba yun?" kunot noo kong tanong sa kaniya.
"Hindi naman" kibit balikat na sagot niya.
"Pwes itong portfolio mo required ito, kaya imbis na pag usapan iyon ay tapusin mo na lang yan" saway ko sa kaniya.
"Grabe hanggang dito ba naman mommy?" bulong niya pero hindi iyon nakatakas sa pandinig ko, sinamaan ko siya ng tingin dahil hindi niya ako siniseryoso.
"Joke lang" nag peace sign pa talaga siya.
Ipinagpatuloy ko ang pagdikit ng designs sa portfolio niya, at hindi na siya pinagtuunan ng pansin.
Napansin kong parang hindi siya kumikibo, kaya naman tiningnan ko siya at naabutan na nakatitig sa akin.
"Hoy! Baka matunaw ako" pinitik ko siya sa noo.
"Ha? Pwede ba kitang idate sa Valentine's?" parehas kaming nagulat sa sinabi niya.
"Baliw ka na talaga" hinampas ko siya ng papel sa balikat at inilagan niya naman iyon.
"Aray! Hahaha" ang hilig niya talaga mang asar.
Huminto ako ng napagod ako kakahampas sa kaniya.
"Bahala ka sa buhay mo Uno!" naiinis na singhal ko sa kaniya.
Tatayo na sana ako pero hinawakan niya ang kamay ko, kaya napatingin ako sa doon.
"I'm sorry na, pero seryoso ako! Pwede ba tayong lumabas sa Valentine's day?" hindi ko alam ang isasagot ko sa kaniya kaya napatulala na lang ako.
Ito ang unang beses na may mag akit sa akin na lumabas, kaya naman hindi ko alam kung paano aakto at kung ano ang isasagot.
"F-friendly date Lang naman" nakanguso niyang sabi habang nasa gilid niya ang tingin.
Napabuntong hininga ako, wala naman sigurong masama hindi ba? Magkaibigan naman kami, at saka isa pa, walang malisya iyon dahil hindi naman namin nagugustuhan ang isat isa.
Tumango lang ako sa kaniya, at agad nanlaki ang mga mata niya.
"Talaga?" Parang hindi pa siya makapaniwala na pumayag ako.
"Oo na. Mapilit ka e"
"Assuming"
Natawa kami pareho dahil doon.
May pagkakataon talaga na hindi ko maintindihan ang sarili ko, katulad ngayon, may parte sa akin na hindi mapakali. Hindi ko alam kung dahil ba pumayag ako ng sapilitan o dahil sinabi niyang friendly date Lang.
~💙