انتقام بوجه اخر

الجزء السادس

بينما في النيابه كان مصطفي ونادر وهنا يجلسون مع ماجد

نادر: ها يا ماجد قولي الحاجه دي وصلت المخزن ازاي فهمني ماجد انت بتاجر في المخدرات

ماجد: مش انا دا هي رجعت عشان تنتقم مننا كلنا يا نادر منك ومني ومن مصطفي وهنا رجعت تأخد حق سلمي وحقها

مصطفي باستغراب: مين دي اللي رجعت وايه علاقه سلمي بالموضوع

ماجد: همس رجعت يا مصطفي وحالفه تأخد بتأر سلمي وتارها مننا وهي اللي عملت كده هي اللي لفقيتلي التهمه

نادر: انت اتجننت همس ماتت يا ماجد من زمان واحنا بنفسنا شوفنا الجثه وكانت متشوهه ازاي بطل جنان شكلك خرفت وايه علاقتها بقضيتك اصلا مش فاهم

ماجد: لا يا نادر همس عايشه مامتش زي ما احنا فاكرين ومتنكره في دور بنت البارون وهي دي الشركه اللي اتعاملت معاها عشان تنقل البضاعه

نادر: البارون ازاي العالم كله عارف ان البارون مخلفش نهائي انت شكلك اتجننت ومش عارف بتقول ايه لاخر مره هسألك يا ماجد انت ليك علاقه بالحاجه دي

ماجد: صدقوني هي اللي عملت كده هي راجعه تنتقم مننا بينما جاء العسكري وهو يرجعه للزنزانه بينما خرج الجميع من عند ماجد
----------***-------

بينما عند حياه كانت تمسك هاتفها وهي تشاهد ما يحدث مع ماجد والباقين وهي تبتسم ابتسامه خبث ودهاء ثم اغلقت هاتفها ونزلت للاسفل وجدت صقر يجلس مع ميان يلعبان شطرنج ويظهر ان ميان من ستفوز

ميان بفرحه : شكلي هكسبك يا صقر يا بارون وهتبقي اول مره تحصل في التاريخ ميان هزمت البارون

حياه: شكلها مش هتحصل لان حالا بارون هيحرك الحصان من ادام الملك وهيوقع الفيل وهوب كش ملك هذا ما حدث تماما حيث حرك صقر الحصان واخرج قطعه ميان

ميان: يووه هو انا مش هكسبك ابدا ولا حتي حياه عرفت تكسبك

حياه: محدش يقدر يهزم البارون وبالذات في الشطرنج عارفه ليه لانه بيبقي مركز كل حواسه في لاعب واحد بس وهو الافاتار لاعب النصر

صقر: اوعي في مره تفتكري ان هدوء عدوك او سكوته دا ضعف بالعكس دا بيكون عنده خطه محكمه متفتكريش انه هيستسلم من اول جوله الاسد لما بيرجع خطوه لوره مش عشان هو ضعيف لا بالعكس عشان يدي لفريسته بعض الامان وبعدها يرجع يجري وينقض عليها

حياه وهي تنظر لميان: بارون بكره هيحتاجوك في النيابه

ميان: نيابه ليه ايه اللي حصل

صقر: عارف يا حياه انتي فكراني مش عارف كل خطوه وحركه بتعمليها

حياه: ومين قالك اني مش عارفه انك عارف كل حاجه علي العموم انا ببلغك ثم تركتهم وصعدت للاعلي

ميان: استدعاء ايه يا بارون في ايه نظر لها صقر وتركها وصعد

ميان وهي تحدث نفسها: مشكلتي في البيت دا قله التقدير والله ثم صعدت هي الاخري للاعلي
----------**----------

بينما في قصر المهدي كان الجميع يجلس علي سفره الافطار في صمت بوجود الجد عدا محمد الذي يمسك الجريده في محاوله لحل الكلمات المتقاطعه

محمد: الاقولولي كلمه من تلات حروف اخر حرف فيها لام

نجمه بمرح: رزل

محمد: والنعمه يا نجمه لاجي اوريكي الرزل بجد ولكنهم وجدوا حركه الجد بالعصا فصمتوا ووضعوا رأسهم امام الطبق

ياسين: بعد الاكل عايزك شويه يا جدو في بينا كلام كتير لازم يتقال

عثمان: ماشي يا ولدي تعالي وهات معاك مراد

مراد بسعله: لا لا اصل انا ياجدو مش فاضي ورايا مشوار مهم جدا مينفعش اجله خليها مره تانيه

نجمه بهمس لمراد: مره تانيه ايه هو بيعزم عليك بكوبايه شاي دا انت ليلتك طين

عثمان: ووراك ايه يا ولدي اهم من الحديت مع جدك فنظر مراد بتوجس لياسين ثم قال: صفقه جديده كانت داخلها الشركه ولازم تتم ضروري يا جدي

عثمان: صفقه اها عتكدب عليا يا ولد فكرني معرفكش وانت بتكدب رايح فين

ياسين ببرود: مراد رايح يقابل خطيبته وبعدها رايح علي سباق السيارات يا جدي

عثمان: خطيبته انت خطبت من ورانا خلاص موتنا احنا اياك عشان تروح تخطب من غير علمنا كمان

نعمه بلهفه: ومين العروسه يا ولدي نعرفها

عثمان: معيهمش نعرفها ولا لع كده كده هيفشكل الخطوبه دي انت مهتتجوزش غير بت عمك احنا مفيش بنات غريبه تدخل وسط عيلتنا عاد انت فاهمني وكمان سباق ايه دا كمان انت شكلك خربت بسفرك برا

مراد وهو يعترض: لا ياجدي انا اسف اني هعرضك بس انا عمري ما هسيب ميان ولا هتجوز حد غيرها يا جدي انا اسف ثم تركهم وغادر ونظر الكل اثره بينما نظر الجد بحده اثره ودخل الجد غرفه المكتب واغلق الباب بعنف

محمد: كلمه من اربع حروف اول حرف جيم

نجمه: جبله
----------***--------
كانت ميان تجلس في غرفتها وهي تخرج بعض الصور لها هي ومراد عندما كانا في امريكا بوضعيات مختلفه فأحداهم كانت تمسك بالايس كريم وتصبغ به وجه مراد وهي تضحك بسعاده والاخري وهي تصعد علي ظهره من الخلف وشعرها يغطي معظم وجه واخري يحملها مراد علي كتفه وتضحك جلست تبكي بحزن وقهر علي ما وصلت لهم حالتهم وفجأه رن هاتفها برقم غريب فردت بصوت حاولت ان يكون طبيعي

ميان: الو مين

المتصل: لو سمحت صاحب الموبايل  اللي اسمه مراد موجود كده في البطاقه ودا الرقم الوحيد المحطوط في الطوارئ عنده عمل حادثه علي الصحراوي ونقلوه مستشفي.....

فرمت ميان الهاتف علي الارض وصرخت بشده ثم....
----------****---------