انتقام بوجه اخر

الجزء الخامس

افاقت من شرودها وهي تري سياره الشرطه تبتعد بعد ان اخذت ماجد بينما حركت هي السياره واتجهت ناحيه احد المقابر ونزلت وهي تنظر للمكان بحزن واقتربت من مقابر عائله الراوي دخلت وجلست علي التراب بصمت ظلت علي حالتها حتي تحدث : عامله ايه دلوقتي انا عارفه انك سمعاني صدقيني انا هنتقم ليكي منهم وهنتقم ليا احنا الاتنين مكنش لينا ذنب بس ورحمه جدي وجدك لهندمهم واهو اول واحد منهم بيدفع الثمن لسه الباقي واحد ورا التاني هندمهم علي اللي عملوه وهيعيطوا بدل الدموع دم صدقيني هخليكي ترتاحي في قبرك سلام مؤقت وهجيلك تاني وهحكيلك عن بابا صقر وميان ومراد و. وياسين سلام ثم غادرت وخرجت ثم ركبت سيارتها وعادت للقصر
-------------❤❤
بينما في قصر الراوي كان الجميع نائم حتي اتت مكالمه لنادر

نادر بنعاس: ايوه مين

المتصل:.........

نادر بفزع: ايه انت بتقول ايه انت متأكد قسم ايه طب انا جاي حالا ثم اغلق الهاتف مع استيقاظ هنا

هنا: انت رايح فين دلوقتي يا نادر ومالك متسربع ليه

نادر: ماجد اتقبض عليه بيقولوا لقوا في المخازن اللي في الصحراوي اللي بأسمه مخدرات

هنا بصدمه: ايه غريبه مخدرات ازاي دا

نادر وهو يغادر: معرفش انا هروح اشوف اهو ثم تركها وغادر بينما ارتدت هي الروب واتجهت لغرفه مصطفي
--------------🌍⚡
بينما عادت حياه لقصر البارون مره اخري وجدت الصمت والظلام يحل المكان فأطمنئت انه لا يوجد احد جاءت تصعد حتي وجدت نور الصاله يفتح وصقر يجلس علي الكرسي بهدوء

صقر: نفذتي مش كده

حياه: خضتني مالك قاعد شبه الاشباح كدا ليه ثم اردفت: اه نفذت بس ناقص تكه وماجد الراوي يستوي

صقر: والباقي خطتتي ليه

حياه: كله بوقته كل واحد وليه وقته وتخطيطه

صقر: غلط واكبر غلط عشان تعرفي خصمك وتقدريه صح لازم تعرفي كل حاجه عنه وتخططي لكل واحد تخطيط مظبوط وتنفذي من البدايه

حياه بدهشه: انت ازاي كده فنظر لها صقر بابتسامه خفيفه وقال: الدنيا علمتني اني عشان ابقي التوب لازم ابدأ من الصفر واديكي شايفه امبراطوريه البارون دي كلها بدأت من عامل في كافيتريا بسيط عملت كل دا من عرق جبيني بس شوفي الدنيا مبتديش الواحد كل حاجه شوفي رغم الثروه معنديش ولد ولا بنت من صلبي عشان يورث كل دا ويكون سندي في الدنيا بس هي دي سنه الحياه دايما القدر بيديك حاجه وفي نفس الوقت يأخد منك حاجه تانيه فذهبت له حياه وهي ترتمي في حضنه

حياه بمرح: هو انت يا عم مش قولتلي اني خلاص بقيت بنتك ولا دا كان لعب عيال وناوي تخلي ميان تورث كل دا لوحدها ولا ايه

صقر: هتفضلي كده طول عمرك هبله ربنا يخليكي ليا يا احلي بنت ثم سمعا صوت صرخه من اعلي السلم