انتقام بوجه اخر

الجزء الرابع

انهت حياه مكالمتها وصعدت الدرج حتي سمعت صوت تعرفه جيدا

الشخص: حياتي.. فالتفتت له بسعاده طفله وجرت سريعا لاحضانه وهي تقول: بابا صقر وحشتني اووووي

صقر: وانتي كمان يا روح صقر عامله ايه احكيلي عملتي ايه من ساعه ما رجعتي مصر

حياه: لسه معملتش حاجه لسه في البدايه يا بوص

صقر: اللاعب الشاطر هو اللي يخطط كويس ويدي الضربه وخصمك مش متوقعها

حياه: ازاي مش متوقعها مهو خصمي فأكيد هيتوقع اي حاجه مني

صقر: مهو الشطاره انك تدي لخصمك الامان تمشي مظبوط لحد قبل التنفيذ وزي ما المثل بيقول امشي عدل يحتار عدوك فيك فهمتي ففطرت حياه قليلا وهي تهز رأسها بغموض

حياه: طب مش هتطلع ترتاح شويه فوق عشان بليل هتبدأ المتعه بجد

صقر: ادام كده نرتاح عشان نستعد للعب ثم صعد الغرفه وصعدت وهي تبدل ملابسها الي تيشرت ابيض وبنطال بنفس اللون وحقيبه بيج

وركبت سيارتها وخلفها سيارتا حرس فقط ثم اتجهت الي الميناء
-------------****---------

في قصر الراوي كانت تجلس في الغرفه وهي تقوم بتقليم اظافرها حتي دخل عليها نادر فقامت بتذمرها المعتاد

هنا: نادر انا زهقت من العيشه دي عايز اخرج شويه انا قعده لوحدي بين اربع حيطان وانت طول النهار في الشركه دي مش جوازه دي انا زهقت

نادر بعصبيه: لا يا هنا انا اللي زهقت وقرفت كل شويه زن وخروج ما انتي شايفاني طول النهار في الشغل وعمال انتقل بين المحافظات لكل الفروع وانتي قاعده تكلميني في حاجات تافهه زي خروج وقرف

هنا: خلاص ادام احنا زهقتنا من بعض يبقي نطلق احسن حل

نادر: واحمد ابننا انتي اتهبلتي مفيش طلاق طبعا

هنا: احمد هيعيش معانا ما احنا في الاول والاخر ولاد عم وهنفضل عايشين في بيت واحد

نادر: يووه يا هنا انا قلت لا يعني لا مفيش طلاق ولا نيله دي عيشه تخنق ثم جاءت رساله علي هاتفه

هنا بشك: من مين دي

نادر بتوتر: انتي هتستجوبيني ولا ايه يا هنا بقولك ايه انا مش فاضيلك انا ماشي ثم تركها وغادر بينما جلست هي بضيق وغضب علي الفراش
------------****---------

بينما في الصعيد في قصر يظهر عليه الفخامه والرقي من جمال تصميمه وشكله دخل اسطول من السيارات الي ذاك القصر العتيق ونزل منه رجلان بكل عظمه ثم خلع احدهم نظراته الشمسيه وهو ينظر للقصر يا الله عشر اعوام ولم يتغير انش واحد به دخلا بعد ان عبرا السلالم القليله المؤديه للداخل فرأته تلك الخادمه العجوز فهرولت اليه وهي تصيح بسعاده: ياسين بيه لقد عاد عاد ياسين بيه