انتقام بوجه اخر

الجزء الثالث

نادر: لا لا مستحيل اكيد في حاجه غلط بقي كل دا باسمها هي

هنا: انتي اكيد عملتيله حاجه قبل ما يموت انتي الوحيده اللي كنتي معناه اكيد طلبتي منه مش كده

المحامي: يا جماعه الوصيه دي مكتوبه من شهرين والانسه همس مكنتش تعرف عنها حاجه من اساس

همس ببرود: غلط يا متر انا كنت عارفه بكده قبل ما جدو يموت

هنا بحقد: انا قولتلكم هي اللي مثلت عليه دور البراءه لحد ما خلته يكتب كل حاجه بأسمها

سلمي بسخريه: براحه يا هنا علي نفسك ليطقلك عرق

مصطفي: بس مش وقته الكلام دا احنا هنعمل طعن في الوصيه دي اكيد غلط انتوا شكلكوا مدبرينها مع بعض علينا بس انا مش هسكت ثم تركهم وغادر بينما جلس ماجد بهدوء يتطلع لملامحها الهادئه والبارده يحاول فهم ما تخفيه وراء تلك الهاله الجديده من البرود

همس وهي تقوم: خلاص قوم انت يا متر تعبناك معانا ولو عوزتك في حاجه هكلمك ثم تركتهم وصعدت للاعلي وتبعتها سلمي بينما جلس نادر وماجد معا يخططون لما سيفعلوه في تلك الكارثه التي وقعت علي رؤسهم
------------**------------
في صباح اليوم التالي استيقظ ماجد من نومه كعادته وابدل ملابسه ونزل للافطار فوجد الجميع علي المائده عدا سلمي وهمس التي لم تنزل من غرفتها منذ موت جدهم

ماجد: صباح الخير اومال فين سلمي وهمس

هنا: اهم تلاقيهم لسه مصحيوش علي الله ميوعوش يصحوا ويريحونا

نادر: انت رايح الشركه يا ماجد انا هاجي معاك لازم نشوف هنعمل ايه النهارده

ماجد: طب يلا بينا ثم غادر الاثنان وتركا مصطفي وهنا في القصر
********-----********

في الشركه وصل ماجد ونادر وصعدا للاعلي اوشك ماجد علي الدخول حتي منعته السكرتيره التي جاءت مهروله لهم

السكرتيره: ماجد بيه حضرتك مينفعش تتدخل المدام عندها اجتماع ومانعه اي حد يدخل

ماجد باستغراب: مدام مين دي هو انتي مين سكرتيره جديده

السكرتيره:ايوه يا فندم انا لسه متعينه النهارده و مدام همس يا فندم جت الصبح وجمعت كل مدراء الاقسام ومدير المصنع كمان ومعاها الانسه سلمي

ماجد بغضب: ودي بتعمل ايه جوه دي اتهبلت ولا ايه انا هدخلها

نادر: استني بس يا ماجد مينفعش قدام الموظفين عشان الكلام والبلبله متكترش استني

ماجد :ماشي والزفت الاجتماع هيخلص امته

السكرتيره: يا فندم هو خلاص علي وشك انه يخلص وفجأه فتح الباب وخرج منه الموظفين الذين نظروا لماجد باستغراب فدخلا الاثنان سريعا

ماجد: ممكن اعرف انتي ايه اللي بتعمليه دا بتعملي ايه هنا فهميني

همس: فيه ايه يا ماجد دا مكاني الاصلي يا بابا هو مش المحامي قالكم امبارح ان كل حاجه بأسمي انا مينفعش اسيب شغلي وفلوسي في ايد حد تاني ولا ايه

نادر: احنا لينا حق زينا زيك وهنجيبه من المحكمه

همس وهي تعد الحيطان حولها: ادي واحد ادي اتنين ادي تلاته وادي اربعه اربع حيطان نقي اتخن حيطه واخبط رأسك فيها وابقي وريني مين هيكسب يا ابن عمي فنظر لها الاثنان بغضب وكادا يخرجا حتي اوقفتهم همس وهي تنادي علي ماجد

ماجد: نعم في حاجه تاني

همس: فيه حاجه تخصك معايا ثم خلعت الدبله ورمتها في وجه واقتربت منه وهمست في اذنه: ابقي روح شوف نورا السكرتيره عملالك شويه فيديوهات وانت عندها في الشقه انما ايه شكلها كانت مخونه منك فهتمسكهم عليك زله خد بالك يا ابن عمي ثم ابتعدت عنه وهي تجلس علي الكرسي بكل عظمه وفخر بينما اشتعل ماجد واخذ الدبله وخرجا الاثنان يغليان
------------★★★★----------
عادا للقصر فوجدا مصطفي يجلس امام التلفاز وهنا تلعب بهاتفها فدخلا بغضب فالتفت لهم الاثنان باستغراب فصعد ماجد لغرفته بغضب بينما سالت هنا نادر باستغراب: ماله ماجد وايه اللي رجعكم بدري كده في حاجه حصلت فقص لهم نادر ما حدث

مصطفي: لا دي زودتها اوي احنا لازم نتصرف يا نادر مش هنقف نتفرج والهانم بتتمتع بكل حاجه واحنا نخرج من المولد بلا حمص كاد يجيب لولا سماع صوت مسجات جاءت للثلاثه في وقت واحد فنظروا لبعضهم باستغراب ثم في الهاتف

هنا بغضب: لا بقي كده كتير يعني ايه الهانم توقف الكريدت كارت بتاعتنا اهي قولتلكم من زمان انها تعبانه وادي وشها الحقيقي ظهر وبعد كدا هتدينا مصروفنا كمان

نادر بغموض: انا عارف انا هعمل ايه كويس معايا كلكم فهز الجميع رأسه فقال نادر:.....

باااااااك

افاقت حياه من شرودها وهي تقول: والله لندمكم كلكم وهتشوفوا حياه البارون هتعمل فيكوا ايه ثم اخرجت هاتفها واتصلت علي احدهم وهي تقول: دلوقتي عايزه كل حاجه تتم زي ما فهمتك واغلقت المكالمه وهي تقول بخبث ووعيد: كدا اللعب يحلو
------------***-------

يارب البارت يعجبكم...