نروحو لسيف 🙂🙂
ندت مرقاد مدقدق كامل نسيت كامل بلي عرس ختي اليوم خرجت حوست على اسماء مصبتهاش زدت ترونت توحشتها وحق ربي 😂😂
المهم رحت ليما كاشما تاطيلي ناكل بيسك كتلني الشر حطتلي كسكس وراحت وخلاتني حتى جات روزا المطزوزة شفتها ركايبي فشلووا زدت كرهت حياتي شغول تبداو نهاركم باستغفرلله من الشيطان الرجيم 🌸
المهم قعدت مقابلتني
روزا : واش سيفو هدا وين تنوض ( وطلقت ضحكتها الصفرة 🌚🌝)
سيف: محبيتش نهدر معاها قعدت نرهج فالطعام 😏
روزا: زعما ماتريبونديش يااه قراتك اسمااا السحاارة سراقة الرجال
هنا صاي انا ترونت 🌝🌚
آحمووودة عرق طرطقلييي تجبدلي مرتييي انا ماشي راجل 😑😑
راهي تشوف فيا قوس قزح 🏳️🌈🏳️🌈 ( سيف يحكي)
ايا حكمتها من رقبتها و قوتلها : تزيدي تجبدي اسم مرتي في فمك الموسخ نقتلك وخلي يقولو ماشي راجل رفد يدو على مرآ 🤬🤬
روزا : اطلقنيي نوريلك حاجةاحح احح كحكح (تسعل بيسك كان خانقها)
سيف طلقها جا رايح حبسااتو ووراتلو تصاااور فتلفووون 😶😶
زاد تقوص كيشافهم
مرتوووو مع عماااد مرتووو حبيبتو حيااتو اسماااا
هادوك التصاااور نوفمالمون عرفتو واش من لحظة !!
نهار اسما خرجت وزدمت فعمااد وشدلها يدها ....الخ
سيف محب يفهم والو عينيييه تغمضو للطرف وراكو تعرفو رجالنا (🇩🇿) التوسويييس ولقدام سوغتو فصوالح هكداا ديما يلوومو المرااا ايا ولا كلمكلووب يمشي ويعيط لاسماا فالدااار النسا كامل خرجووو ولا حمر ملينار ولعيااط
هبطت اسما تجري وقلبها يهبط فتسعيين بيسك حالة سيف كانت تخلع
اسما : وجبيك سيف الدين كاشما صرا
هو غير شافها راح يجري وحكملها يدها وزير عليهم ملعصب وداها لجيهة روزا حكم التلفوون وورالها التصااور
شافت اسما ما تخلعت ماوالو عرفتها بلي جاست تاع عماد داخل معمايل روزا وشنو لي طعنتها كيشك فيها سيف !!💔
سيف: واشنو هدا اهدي قساامك واشنو هدااا !!! بصح انا عرفتها مدقيقة لولاااا واش يجيك ملق........🔞🔞
اسمااا: اطلق يدي راك تووجع فياا !! سيففف اطلق !!
سيف والو قعد يعيط كلمكلوووب مفاقش ليدهااا وهي مسكينة عينيها ولاو شلال مقدرتش حتى ديفوندي على روحهاا !!
المهم حتى حبدو منها
اسما : هدا هو جزائي. هدا واش نسوااا عندك . هدا ليتكون سند ليا وتحميني من رمشة عين وغير الدمعة ليمطيحش من عيني !! هدا هو جزاائي مدامني ق..... علاش قبلت بيااا . مدامني خامجة وفاسدة ....علاش تزوجتني علاش طمعتني فيك علاش خليتني نحبك ... الله غالب هنا نسا ديما هكداا قلبنا يميل بلخف ونتعلقو بلخف ومنفيقوش بذيب ليتعلقنا بيه حتى كي تتفر
سيف كيشافها بهاديك الحالة تهدن شوية وحس بلي راح يخسر محبوبتو هاد الخطرة تاع الصح !!
اسما: معندي منقوولك نجوزو فرح سعااد ونتلاقاو فالمحكمة !!!!💔
الكلمة ليزعزعت عااايلة كومبلي ماشي غييير سيف !!
سيف هبط على ركايبو وهبط راااسووو وغنض عينيه ليبداو يقطرووو بالدمووع
اما رووزا فراشات الفرحة بدات دور وضحكتها ملئت الداار وكأنها تنتقم !! وسي عماد مبانش خبرو كامل 🌝🌚
......يتبع
أنت تقرأ
كرونيك 🤔هل الزواج بداية الحب 💓؟!(باللهجة الجزائرية🇩🇿)
Short Storyكرونيك جديدة تحكي على أسماء و سيف لي لعادات والتقاليد خلاتهم يتزوجو تبعو الاحداث تفهموا 😘😘😘
