السلام عليكم بنات
باذن الله كم يوم ونبدي بالجزء الثاني
ماراح اوقف الروايه لو مااكو مشروع
راح يفيد الكل بس اندعولي
امانة الله تندعولي اوصل الهدفي
ويارب تكون هاي الروايه صرخه مسموعه
ضد العادات والتقاليد
الي لحد الان اكو بنات يگولن ماكو فصليات
لان ماعايشات ولامجربات عيشة الفصليه
دعائكم الزينب المضلومه
الي تتمنئ تكون قصتها نهاية لكل العادات والتقاليد العشائريه التضلم المره وتبخس حقها
اكو منكم يعتبر الروايه بيها مبالغه
لا والله كل مبالغه مابيها
ونفس ماوصلتني وصلتها الكم فقط اضافات بسيطه
جدا لان مااريد تكون الروايه ثلاث ارباعها من الخيال
راح اوضح الكم نقاط بخصوص اصحاب الروايه
اكثركم يكولون ماكو بنت فقيره ومتعرف مثل زينب وغصون
اني من البدايه سردت ادق التفاصيل حتى توصل الكم الفكره بصوره واضحه ومايكون اكو ثغره تسبب النه حيره او علامه استفهام
اولا زينب من عائله جدا فقيره بحيث تكول ابوي مات وموبايله صرصر وكلكم تعرفون نوع هذا الجهاز
اما بيتهم حالته يرثئ لها جهاز تلفزيون عدهم قديم
اتكلي والله مرات مايشتغل نضربه بنعال تكرمون يالله يرجع يشتغل من التلفزيونات القديمه مو البلازمه حتئ الستلايت عمها منطي الهم قديم
تحلف تكول ماعدنه افراش نتغطه بي حالتنه حيل تعبانه بحيث اكثر فراشنه من بيت عمي ابو غصون
يعني انتو اعقلوها منين راح تعرف وهي مندثره بحياه اشبه للعدم؟؟
العايشه براحه خل تبوس ايدها وتحطها على راسها واني وحده من الناس الف الحمدالله عايشين بنعمه فضيله اكو غيرنه يتحسر على هاي النعمه
تكولن وين اكو بنيه ماتعرف الحياه الزوجيه؟؟
اكو كثير بنات مايعرفن موشرط الكل مفتحات بلبن مثل منگول
اما غصون ف غصون فطيره افطر من زينب
وتجفص اهواي ودائما تصلح الغلط بغلط اكبر منه
والافتهمته من كلام غصون ذياب شكاك وغيور الابعد الحدود
من غيرته ماخلاها تروح لهلها
لان مفكرها تحب ابن عمها
وغصون ك العاده راحت بدون علمه وثبتت السالفه عليها
اما بالنسبه للحبابات الي دااشوفهن يسقطن بالروايه بالكروبات وبالبيجات لان الروايه ناجحه وتشرح واقع مر
التكول كذب وماكو هيج ضلم
لعد شحسبالج؟؟
الفصليه مدلله؟؟
لومقتنعه بقصص الفصليات؟؟
اليصيرن هنه امهات البيت اليامرن وينهن ومدللات وعايشات قصه حب
الدرجه خلن كثير من المراهقات يحلمن يرحن فصليه
تره اكو مشاهد ماذكرتها بالروايه لبشاعتها
لان من كثر ماهي بشعه تكول مستحيل اكو هيج ناس ماكو بكلبهم رحمه
بعيدا عن القصه احب ادردش وياكم
حتى اثبتلكم فعلا اكو فصليات اليومنه هذا
اكو ناس مامصدكه لان بقانون عشايرهم ماكو شي اسمه فصليه
بس اكو عشائر الهذا يومنه عدهم سانيه النهوه والفصليه والديه وطبعا كل هاي الامور يحاسبون عليها امام الله والدوله كذلك مانعتها
بس تعرفون انتو عراقنه العضيم
صاير مثل افلام كارتون كلشي مباح بي
وشاهدنه والدليل الجاي نشوفه من خلال اليوتيوب
جرائم توگف العقل
ام تشمر اطفالها بالماي
والزوجه تقتل زوجها بكل برود
والزوج يحرگ زوجته
وكثييير امور مايستوعبها العقل والمنطق
ف لتستغربون قصه زينب
يمكن مستغربيها لان حقيقيه
الله واكبر بشر مضلوم من المجتمع
ومن التقاليد
ومن العادات
ومن العائله
وانوب نجي احنه نتهجم علي
تره الرحمه حلوه
لحد تحجي على زينب لان الله فوگ روسنه
وخاصتا اذا كنتي بنيه مامتزوجه
خافي الله لايجي يوم وتنشمرين مثلها
راح احجيلكم عن عشيرتين يمنه مااذكر اسمائهم حتى مايشيلونه ويشمرنه بالشط
قبل سبع سنوات اتعاركو اثنين شباب ع الحد مال القطع الاراضي مالتهم
حجايه من هذا واحجايه من ذاك صارت عركه
وشايفين الشيطان من يدخل بين اثنين الله يلعنه لازم يحرگها
ف كل واحد بيهم ركض جاب اسلاحه وكعدو واحد يرمي ع الثاني
واحد منهم مات بمكانه والثاني تصوب
فزعو اهل المات وكلمن جاب اسلاحه وهدو على بيت القتل ابنهم
بس للاسف اهل القاتل من شافوها صارت حاميه عافو النسوان بالبيوت وانهزمو
اهل الميت بعده صوابهم حار وتوهم ميت ابنهم وگلوبهم محتركه
والشباب ماترضه تكعد كل شويه واحد يهد يريد ياخذ ثار اخو
المهم ثاني يوم صبحت بيوت القتل ابنهم فارغه
تركو حلالهم وبيوتهم وهجو من المنطقه
وره سنه اخو المقتول شاف القاتل واخو بالسوگ
ركض السيارته جاب اسلاحه وضربهم كتلهم اثنينهم
الله شاهد ورسوله صار سبع سنوات عالگه بينهم واحنه بالنص
من يرمون ندخل للبيت لاتجينه طلقه تايها
لحد الان مات من كل عشيره سبعه واثمانيه
ومابطلو ثاراتهم
ادخلت الامه والساده والعشاير وهمه بعدهم
حاليا تقريبا هدئ الوضع بس شنو المقابل؟؟
ثمن فصليات
اربعه من كل عشيره يتبادلون الفصل
حتى بعد محد يكدر يخالف او يكسر القرار
شنو ذنبهن؟؟
رجائا الماتعرف وماعايشه الضيم لاتجي تحجي ع القصه
تاركه القصص الي ثلاث ارباعها جذب بجذب وجايه تسقط بروايه صاحبتها رادتكم عون الها
تره الله فوگ راسنه ودولاب الوكت يفتر
وهاي امانه برگبتي
اشكر الي اتفاعلن بالروايه ربي يجزيهن خير
وارجع واگول دعواتكم الزنوبه
اعذروني اطلت عليكم بالكلام بس كان لازم اوضح النقط
