ﭑمِـبراطۅريـة ﭑبــ̲ـۅ ﭑســ̯͡ـــد ♡

مغامراتي مع مدرس العربي

سلام هلا مرحبا
.

ادري صار ملل لان اهواي جاي انشر احم 🙄🙄🙄
.

اي شكو ماكو مشتاقلكم وادري بيكم مشتاقيلي وهاي ماكو داعي تكولون يلا بلا حجي زايد ندخل بالموضوع
.

(طبعا اهواي راح احجي وتقريبا بالتفصيل الي ميعجبة لا يعلق ادري اهواي كاتب ميحتاج تكول يامكتشف الطماطة بالدهن)
.

وغلسوا ع سحكات اذا مو سحكة قوية لا تكول بس اذا سحكة ناعلة والديها للكلمة كلي 😂
.

شوفوا اني باللغة العربية معنديش يماا ارحميني
صح اخر مرة من جنت بالثالث طلعت بيها 73
بس المهم احب اللغة العربية وما اتحمل مدرس عربي مطفي
.

فـ من الاول ابتدائي للثالث الوضع زين وي معلم العربي
بس بالرابع اجتلنا مدرسة فطيرة وفقيرة وحلوة 🤩❤️😂
وكلاوات تدرس ما نكتب ولا شي مرتاحين
فـ الوضع جان تمام
بس انقلت لغير مدرسة لان مدرستنا بعيدة عن بيتها ب15 كيلو
اجت مكانها وحدة جنها وحش شكلاً ومنطقاً
ومن اول درس الها تغلط علينا وتهدد🌚💔💔
.

فـ رجعت للبيت ابجي ع المعلمة الراحت 😂😂
(اي جنت حساس بالابتدائية 🐸)
المهم هاي الوحش اسمها يمكن ارياح
ارياح وعواصف رعدية بعد من اسمها امبينة 😂
من چنة نوصل لدرس بالقراءة تكللنا كتبوه مرتين هو والتمارين الي وياه😕
واني منا بطيء بالكتابة اخلص 4 ساعات بس اكتب فد عذاب 💔
وانوب شرح القواعد ما افتهم منها ودرجاتي صارت ↙️↙️
فـ باجتماع اولياء الامور ابوي حجة وياها ووي المعاون (المعاون صديق ابوي)
فهي اول ما شافتني حظنتني 😂 كلتلي هاي ليش هيج ما راضي علية ومدري شلون المهم ناسي شصار بس بعد هل سالفة تغيرت صارت زينة (الجدير بالذكر انو اكثر الاباء اشتكوا منها لان تغلط اهواي لذلك تغيرت مو من ورة ابوي بس خاف عبالكم ابن مسؤول 🐸)
.

المهم تعدلت الاوضاع وارتاحينا عليها
شو هم انقلت واجة مكانها رعب الفضاء المتنزل
استاذ ----- مراح اذكر اسمه بس كم طالب ويانة يعرفونه يكولون ايده والضرب هذا وهو صدك اول ما اجة حتى ما ضحك بوجهنا هيج جان يباوعلنا (😒)
ويصيح
بس بمرور الوقت من كام يمتحنا لو املاء وشافاني اجلد لو اصححله الاخطاء عرفني شاطر واحترمني 👍🙂
ووقتها امتحنا امتحان شامل من 30 درجة
وهذا اول امتحان شامل
والزبدة انو شاف ورقتي كلها صح باسني براسي (طبعا شي جبير هذا المعلم يبوس التمليذ براسة وخاصة وي هيج معلم ما يتحاجة ومغروووور كلش)
واخير شي طلعت 28/30 😂😂
بسبب الخط
جنت گالب الجملة بالعكس ونقصني عليها
ورجعت للبيت ابجي 😂😂
(هسة اخذ صفر وفرحان 😂😂)
.

المهم هو استمر ويانة بعد للسادس
وامتحنا بكلوريا وطلعت درجة ممتازة بالعربي
اتصل علية بالفيس هو نفسة وباركلي
(الزبدة هو جان خوش معلم بس عنده اهواي اخطاء بالشرح ومينطي بروحة اذا اصححلة الا بعد ما يروح للبيت يحلل كلامي ومن يطلع صحيح يجي ثاني يوم يكول غلطت اني صححوا التمرين الفلاني🐸🐸)
.