حقد النساء ( روايات ليبية )

حلقة 24🔥

الحـلقـة #الـرابـعة_والعـشرون
.
.
.
مـن رواـية
.
.
.
#حـقـد النـساء💔🔥
.
.
.
دمـعو مـحّمد عـيونه..اصـلا اللـي قـاعد يـصيرلـي توا لعنـة مـن بنـت حـبتني وظلـمـتها وزي مـاقـلتي يام كـل واحـد حـياخد جـزاته وكـل شّخص ربـي حـيعاقبّه عـ كّل شـي داره فـي حـياته واهـو انـي ربـي يجـازي فـيا عـ اللـي درتـه قـاعد يـام مـش نّاسي يوم اللي قـالتـلي فـيه مـش مـسامحـاتگ وحـسبي الله ونـعم الـوكيـل فـيگ
فـاطّمة قـامت مـحّمد مـن عـ رجـلها..شـن تقّول بـنت مـن اللـي ظلّمتها!!؟
مـحـمد..أنـسام💔
فـاطـمة..ءء أنـسسام نـفسسها!!؟
مـحـمد..ايـه يـام أنـسام نفـسها بّنت آمـنة
فـاطـمة حـطت يـدها عـ فمـها..هـيييي
مـحـمد..كـنا انـي وياها نـحبو بـعض وامـورنا عـال العـال لمـا سـافرت بعتـولي صـور انـها تلـعب مـن وراي وصـور كـانت مـركبـة لـيها مـع شـباب انـي صـدقت اللـي ريـته وفـصلت مـعاها البـنت صـارت فـيها حـالة قـعدت تتـرجى فـيا نـرجعو تتـرجى فـيا انـها بـنت شـريفة ومـدارتـش هـدا كـله امـا لكـن انـي سـمعتها كـلام اخـي وقـلتلها مـستحيل نـرجعو
فـاطـمة..رقـدت فـي المـستشفى وحـتى انـها تعـالجت عنـد دكـتورة نفـسية كـنت نـقوللهم عـين وصـابتـها تـريته ولـدي مـعشمها ومـسيبها💔هـدي آخـر تـربـايتـي لـيك؟ هكـي علـمتكـ انـي؟؟ هـدا انت ولـدي الكـبير اللـي مـتسنـدة عـليه وفـرحانة بـيه وبكـل عـين وقـحة جـبتها تعـول فـي عـرسگ ينـاري البـنت راهـي قـداش مـاحسـت ولا مـاسدش هكـي رفـعتلها مـرتگ لحـوشهـم وومـعاها هـيا اللـي دارت كـل شـي نـشوف فـي دمـعة فـي عيـونها لكـن نحـساب روحـي غـالطـة والا نـتخـايل ياحـشمتي مـع آمـنة حـي ياحـي
مـحـمد..اتصـلت بـيها وكـلمتها قـالتـلي مـش مـسامحـاتك قـتلي حـسبي الله ونـعم الـوكـيل فـيك تلقـاه وتتـلقـاه يـااام لقـيته والله لقـيته مـرتي طـيحتلـي قـدري قـدام عـيلـتي قـدام نـساويّن خـوتـي طـيحتـلي رجـولتـي طـيحتلـي كـل شـي لعـبت مـن وراي تخـون فـيا بـدمر عـيلتي بتفـرق كـل حـد عـلى التـااانـي
فـاطـمة..خـلاص اهـدى توا وحـنمشي لـي أنسـام ونـطلب مـنها انَها تسـامـحگ ونقّولها تفـسخ وتتزوجـو اكـيد قـاعدة تحـبگ
مـحـمد..يمـا لا تمـشيلها ولا تكـلميها أنـسام مـولية قـوية مـولية شـخص تـاني مـولية تحـب نـفسها ومسـتحييييل تـرجـعلي لو مـهما نـدير مـستحيل توافـق وتـرجـعلـي انـي نـعرفـها
فـاطـمة..عـ خـاطري اقـل شـي حـتسامحك وتعـيش حـياتگ
مـحـمد..ديـري رايـگ بـس انـي قـلت مـش حـتسامحـني وحـتقعد لعنـتها وراي لـين نمـوت

.
.
عـند مـعتز ودنـيا
دنـيا..زعمـا كـيف حـالها أيـات
مـعتز..اكـيد كـويسة بـعد خـبر الحّمل
دنـيا..مـعتز احكـيلي عـلى عّيلتگ شـوية
مـعتـز ابـتسم..عـلى مّني تـبي نـبدا
دنـيا..امك نعـرفها طـبعا😍 أبـدا بـي عمـر وأيـات
مـعتـز..نقـولـگ شـي مـش حـنحكـي عـلى ولا شـخص انتِ اكتـشفي كـل حـد بـروحـگ الـشي الوحـيد اللـي بنقـوله اننـا عيـلة مـتمـسكة ببـعضها واللـي رابـطنا ببـعض أمـي ربـي يطـولنا فـي عمـرها وكـلنا الـ6 مـستحـيل نـرضو كـلمة فـي أمـي واللـي يـرضي أمـي نحـبوه ونحـطوه فـوق روسـنا زي مـثلا أسـاور قـعدت مـع أمـي وكـأنها بـنـتها ممـكن لانـة أسـاور مـش شابـعة فـي أمـها ولقـت عنـد أمـي الحـنان والطـيبة بـس مسـتحيل تجـي وحـدة تعـامل أمـي زي مـاعامـلتها أسـاور اللـي هيا تـوا مـرت أحـمـد
دنـيا حـست بالغـيرة..مـاتنـدريش مـرات حـتى انـي نـدير زيـها
مـعتـز ابـتـسم..غـيورة🤣مـش قـصدي هكـي قـصدي انـها عـاشت مـعانا وكـسبتنا وكـسبت أمـي اكـتر شـي عـاملـتنا زي الخـوت لـيها وتحـترم فـينا وتقـدر فـينا انـي نحكـيلك علـى شـن مخـلينا مـترابـطين هكـي وأكـيد أسـاور لـيها يـد فـي كـل شـي ان مـخلية امـي صـبورة وتتـحمل هـي كـانت تهـدي فـيها وتقـنع فـيها حـتى إنـها أقـنعت أمـي تمـشي تخـطب لمـعاذ
دنـيا..حـلو ربـي يحـفظها انـ شـاءالله ويحـفظلنا عمـيمة
مـعتـز..امـيين يـاااارب
كـملو غـداهم وطـلعو روحـو
.
.
.
عـند هـالة & هنـاء بـعد مـاوصـلـو لحـوش بـوهم خـشت هـالـة تجـري لـدارها تبـكي
سـماح..خـييييركم شـنووو فـيييي
هـنـاء..عـييييلة سـلطاااااان هـدم الله لمـا نقـرببببعـهاااااا علـيييييهم
سـماح..تـي شـن فـيييييي
هـدى..حـبيبي تو نكـلمگ شـوية بـس
سكـرت هـدى مـن خـطيبها ونـزلت لهنـاء
هـدى..شـنو فـيي
هـناء..الحـقير مـحـممممد لزنـااااا لـزززونـا كـلللهـمممم بـيطلللق بـننننتگ بـعددد مـاتجـيييب
هـدى..تقـصدي ان ألاعـيبكم انـكشفت! انـي قـلتلكم وحـذرتكم انـتم مـاتبـوش تصـدقو قـلتـلكم ان اللـي اديـرو فـيه غّلللط وان حـينخرب بـيتها هـيا مـش بـيت اللـي تبـو تخـربوهولها
سّماح..بـيت مـننني!!؟؟اللـي بـينخرب فـهموووني شـن قـاعديـن تحـكووو
هنـاء..كـنا عـلى وشـگ انـها تنـتلف مـن علـينا لـولا أسـاور واللي شـاداته كـنا حّنخربو بّينهم وكـان عمـر حـيكون لـيااااا
هـدى..تـي بـري يـامريـضة انتِ وياها بـررري ربـي مسـتحيل يـرضى ينـخرب بـيت شـخص طـيب ومـظـلوم طـبعا حـينقلب السحـر عـلى السـاحر وحـينخرب بـيتها هياااا
هـالة طـلعت مـن دارها وكـبهت مـن فـوق..خـلااااص خـلاااااص اسكـتوووو انخـرب بـيتيييي ايييييـه بـسبب حـقققدي وكـرهي الزايـددد انـقلبت حـياااتي بسـبب أخـتي اللـي كـل مـانولـي تزيـد فـيا ووتقـنع فـيا ان عـلى حق خـلتنييي نزيـددد فـي جـبرروتـي وطـغيااانـي اوك انـي غاااالطـة ونـاااادممممة لكـن بعـد شـنووو بـعد حـرررمنـي مـن علـييه😭
وطـاحت داخـت ركـبو امـها وخـواتها يتجـارو
هـدى..هـااالة هـاااالة نـووضي هـااالة
هنـاء..هـااالة نّوووضي هـاااالة😭😭😭اسـفففة يا هـااالة😭😭والله حـقك عـلياااا😭😭
فـتحت هـالة عـيونها وتحـس فـي دنـيا مـدغدشة ومـش قـادرة تقـيم راسـها
سمـاح..هـاك لـبسيها عبـايتها بـسرعة قـيموها نـرفعوها
لـبسوها العبـاية وقـاموها رفـعوها يتجـارو لأول مـستشفى ودخلوها فـي الاسعـاف
.
.
.
عـند حـوش فـاطمة
فـاطـمة.. خـلي نتصـلي بأنـسام
فـاطـمة..الو أنـسومة كـيف حـالك
أنـسام..اهـلين خـويلة الحمدلله شـن اخبـارك
فـاطـمة..الحمدلله بخـير قـاعديـن؟
انـسام..والله توا طـالعـين تبـي حـاجة؟
فـاطـمة قـعدت تفـكر
انـسام..الو خـويلة فّاطمـة كـان تبـي حـاجة نجـيك
فـاطـمة..لالا بعـد تكمـلي مـشاويرك روحـي بـيهم وتعـاليلي نبـيك
أنـسام..حـاضر انـ شـاءالله
سكـرت فـاطمة مـنها..انـي حـنخلـيگ تسـامحـيه وحـنقـنعگ انگ تتـزوجـيه سـعادة ولـدي مـعاگ ومـستحيل نخـليگ تتـزوجـي غـيره😌
.
.
خـشو مـعتز ودنـيا عـلى فـاطـمة
دنـيا..عمـيمة كـيف حـالگ
فـاطـمة..الحمدلله يابنـيتي كـيف حـالكم انـتم
مـعتز & دنـيا..الحمدلله
فـاطـمة..ويـن كـنتو!
دنـيا..تغـدينا بـرا وغيـرنا جـو وروحـنا
فـاطـمة ابتـسمت..ربـي يعـقد عسـلكم امـتى مـسافرين
مـعتـز..الاسبـوع الجـاي انـ شـاءالله
فـاطـمة..وين مـاشييـن
مـعتـز..تركـيا انـ شـاءالله
فـاطـمة..بـاهي مـاشاءالله ربـي يسـخرلكم الحـال وتمـشو وتجـو بـالسلامة يارب
دنـيا..امـين يااارب
فـاطـمة..حـتى أحـمد بـيسافرو قـال بيـمشو لـي ايطـاليا
دنـيا شـافت لمـعتز..🙂🙂
مّعتـز..ايـه قـال لـي مـيلانو أسـاور خـاطرها فـيها
فـاطـمة..ربـي يجـيبهالكم زينـة ان شـاءالله
دنـيا..انـ شـاءالله انـي بنـركب عـزو نـحس روحـي تعـبانة
فـاطـمة..خـليك مـعتز نـبي نـحـكي مـعاك
مـعتـز..هّاك المـفتاح تو نجـي
دنـيا..تمـامو
ركـبت دنـيا لحـوشها طـول
مـعتز..خـيرك يـام شـن فـي
فـاطـمة..مـرت مـحـمد مـشت حـرجانة لحـوش بـوها
مـعتـز..عـلاش شـن فـي
فـاطـمة.. (حـكتله كـل شـي صـار)
مـعتـز..سـبحان الله مـن اول يـوم جـت فـيه قـلت انها لفـعة🙂🙂
فـاطـمة..يلا كـل واحـد خـدي جـزاته
مـعتـز..ربي يهـديها وخـلاص بـاهي هكـي توا؟ عـاجـبها خـربت بـيتها بـيديها
فـاطـمة..طـلعت تبـكي ونـادمة بـس شـن يّنفع النـدم والله خـوك مـستحيل يـرجعها واصلا خـلاص مـعش تـرجع حـرمها عـليه
مـعتـز..لا حول ولا قوة الا بالله ربـي يعـوضه خـير ان شـاءالله
فـاطـمة..انـ شـاءالله يـارب
نـاض مـعتـز وركـب لحـوشه
.
.
دنـيا..حـبيبي نقـدرو نـغيرو الـرحـلة لـي إيـطاليا!
مـعتـز..ياروح حـبيبك لا مـانقـدرش
دنـيا..عـلاش باهـي حـتى انـي خـاطري فـيها☹
مـعتـز..لانـة أولا مـيزانـيتي مـاتسـاعـدش وهـدا اللـي نقـدر علـيه العـرس كـلي مـني هلـبا تـانـيا تكـلفة التـذاكـر كـانت هـدية مـن واحـد صـاحبـي تبـي نتشـرط علـيه ونقـوله لا مـانبـيش؟
دنـيا..اممممم بـاه عـادي اللي تقـدر علـيه
مـعتـز..دنو حـبيبي نعـرف عـقلگ كـبير ومـاعمـرگ تهـتمي للحجـات هـدي شـن صـارلگ
دنـيا..مـاصارلـي شـي بـس جـت فـي خـاطري
مـعتـز..نـوعـدگ بـعـد يبـدا عنـدي مـبلغ كـويس نمـشولها
دنـيا ابتـسمت..نحـبگ
مـعتـز..نمـوت فـيگ
.
.
.
بـعد سـاعات
عـند عمـر&أيـات
عمـر..حـبيبي خـلاص نـوضي
أيـات..نـعم
عمـر..هـيا ياروحـي نـوضي
أيـات نـاضت قـعمزت..سـاعة قـداش
عمـر..تـوا سـاعة 5 نوضـي مـاصلـيتيش العـصر
أيـات..اسـتغفرالله حـاضر هـي
نـاضت أيـات توضـت وطـلعت صـلت وجـت قـعمزت جـنب عمـر وهـي مزال نعـسانة
عمـر..خـيرك كـنتي راقـدة توا
أيـات قـعدت تتـاوب..حـاسة روحـي مزال بنـرقد
عمـر شـاف حـرارتـها..مـعش عنـدك حـرارة هـي نـرفعگ تعـايني
أيـات رقـدت عـلى رجـله..عـلى شّنو بنعـااين
عمـر قـعد يمـسح عـلى شـعرها..مـاهو بـاش تبـدي اتـابعـي عنـد دكـتورة وبـاش تعـطيك دواء وفـيتامـينات وحجـات هكـي تـاخد فـيهم المـراء الحـامل
أيـات..غـدوا نمـشو خـليني اليـوم
عمـر..وعـد
أيـات..وعـد
عمـر..ريـتي اللـي صـار مبـكري مـاكـنتش مـتوقـع هكـي
أيـات..تصـدق مـع كـل شـي سخـفتني
عمـر..سخـفاتك؟؟
أيـات..ايـه شـفتها كـيف نـادمة يـناري تـوجـع والبـيبي بـيتشـرد بـينهم
عمـر..لعـلمك بـسببها كـان بـيبي اللي فـي بطـنگ حـيتشرد فـ مـعش تسـخفي عى كـل حـد
أيـات..الله غـالب ربـي اصلا ديمـا مـع الحـق والحمدلله علـى كـل حـال
عمـر..هوا هـدا الحمدلله خـلاص انـسي اللي صـار وخـلينا نفـرحو بـي حـياتنا وبـالبببو اللـي جـاي😍
أيـات..زعمـا ولـد والا بـنت؟!
عمـر..اللـي بـيجي مـن ربـي يامحـلااه
أيـات..اهـم شـي الخـلقة التـامة
عمـر..هوا هـدا
تـرررن تـررررن
أيـات..هـدا أمـير خـوي
عمـر..ردي علـيه مبـكري الصـبح كـلمني قالي خـيرها مـاتردش قـتله مـريضة
أيـات..الو أمـير
أمـير..اهلا كـيف حـالك
أيـات..اهو الحمدلله كـيف كـالك انت
أمـير..الحمدلله بخـير لاباس علـيك مبـكري عمـر قـال مـريضة
ايـات..ايَه بـردة
عمـر..ياخـااالو كـيف حـالگ
أمـير..خـالو؟؟ ققصصـدك بّنولي خـاال😂😍
أيـات..ع اساس اول مـرة تولـي خـال يعنـي مـاهو مـن أيام جـابت امـاني
أمـير..عـدوة الفـرح اهـو جـايك فـي طـريق انـي
أيـات..😂😂تفـضل مـرحبـتين بّيگ
امـير..تبـي حـاجة؟
أيـات..تعـرف جـاي خـاطري فـي بـيزا فـورنو
أمـير..حـاااضر
ايـات..نسـتنى فـيك
سكـرو مـن بعـض
.
.
.
خـشت أنـسام لحـوش فـاطـمة سـلمت عـليها وقعمـزو يهـدرزو
أنـسام..خـير خـويلة فـي شـي؟؟
فـاطـمة..عـرفت بكـل شـي انـي
أنـسام..بششـنوو!!؟
فـاطـمة..بعـلاقتـگ انتِ ومـحـمد ولـدي قـبل سنـين
انـسام..خـويلة هـدا شـي صـار زمـان وكـنت صـغيرة ومـانعـرفش بـس توا الحمدلله نـسيته واهـو بـديت نـعيش فـي حـياتي ونـتأقـلم مـع خـطيبي
.
.
أمـير..انـي وصـلت هـي انـزليلي بـاش نـركب
أيـات..اوك .. عمـوري أمـير وصـل خـلي ننـزله
عمـر..خـليك تو ننـزله انـي
أيـات..خـليني ننـزل انـي حـتى عـييت مـن الحـوش
عمـر..تمـام بـري
نـزلت أيـات وهـي كـيف بتـطلع مـن البـاب سّـمعت فـاطـمة تقـول في شـي خـلاها تـوقف ومـعش تتـحرك
.
.
فـاطـمة..انـي يابنـتي نبـيك تسـامحـي مّحمد ولـدي والله تعـب حـتى لـدرجة انك مـش مسـامحـتيه وربـي جـازااه عـلى كـل شـي داره مـعاك بـس خـلاص مـحمد كـويس وطـيب ونـااادم والله مـايـستاهل سـامحـيه وارجـعيله
انـسام..خـويلة سـامحـيني بـس مـانقـدرش بـعدين انـي مخـطوبة والصـراحة مـانقـدرش نـكسر قـلبه هـو يحـبني ويبـيني وشـاريـني وانـي بـديت نـحبه ونتـقبله هـو شخـص طـيب ومـستحيل يزعـلني سـامحـيني بـس مـحمد ولـدك انـانـي لو فـكر قـبل مـايتـزوج يـرجعني كـنت وافقت بـس هو بـالعانـي دار هكـي حـتى ان عـولت فّي عـرسه عمـوما هـدا مـوضوع وتسـكر خـلاص ربـي جازاه وخـدالي حـقي منـه مسـامحـاته دنـيا واخـرة بـس مـستحـيل نفـسخ مـن خطـيبي اللي هـوا خـو كـنتگ عـلى خـاطر سـعادة ولـدگ!!
فـاطـمة..يابنـتي فـاهمة عـليك وعـارفاتگ والله مـجروحة مـنه انتِ بـس هـدرزي مـعاه وبـعدها قـرري وحـتشوفي انت مـزال تحـبي مـحمد والله لو فـسختي مـن أمـير حـنجي نخـطبك لحـميدا ولـدي طـول واللي تبـيه نـديرهولگ غيـر بالله علـيك وافـقي سـعادة ولـدي مـعاگ صـح غـلط وانـي مـعاك بـس خـلاص خـدي جـزاته سـامحـيه وافـسخي وارجـعو لـبعض
انـسام نـاضت وقـفت..خـويلة سّامحـيني لّهني وسـتوب كـرامـتي مسـتحيل تسـمحلي نـرجـعله زي مـاصدق عـليا شوية حجـات كـدب يـصدق علـيا اي شـي وانـي مـش مـستعدة نعـيش مـعاه ع خـاطر سـعادته مـعاي وسـعادتي انـي فـي الحـيط لا يا خـويلة هكـي بـديتي تغـلطي اي نـعم تفـكري فـس ولدك عنـدك الحـق وتفّكري بـسعادته لّكن انـي مـستحيل نـرجعله لو تطـربق السمـاء على الوطـاء مـستحيل نـرجـعله امـا السمـاح فـ انـي مـسامحـاته مـن نكـون باش مـانسـامحـش ربـي غفـور رحـيم وربـي يسـامحـه ويسـعده فـي حـياته ويلقـى بّنت الحـلال اللـي تحـبه ويحـبها امـا انـي فـ مـستحـيل تحـلمي بـيا نكـون لـيه ولـدك خـلاص مـعش نحـبه وربـي نـزع حـبه مـن قـلبي انـي توا مكـتوبة لـغيره لـشخص يـعرف يـحب ويصـون لـشخص يـفضل فـي سعـادتـي علـى سّعادته لّشخص محـافـظ عـلى كـرامـتي وقـدري❤مـستـحيل نبـدله بـمحمد اللـي عمـره مـاعرف قـيمتي ولا قـدرني كـانـت تجـربة صـعبة واخـي بـس تعـلمت مـنها هـلبا اشـياء وربـي يهنـيه
فـاطـمة..ربـي يهنـيك ويسـعدگ الله غـالب هكـي النـصيب
انـسـام..نـتمنى المـوضوع يـتسكر ومـعش يـنجبد لانـة حـتى مـن خطـيبي مـايعـلمش بـيه
فـاطـمة..سـرگ فـي بّير يـابنـيتي
.
.
عـند أيـات وقـت حـست انـسام بتـطلع طـلعت طـول لأمـير
أمـير..عطـلتي ضـربني الصـقع
أيـات وجـهها رايـح أصـفر..ءء شـي اهو جـيتگ هـيا تعـالى اركـب مـعاي
طـلعت أنـسام وهـي مـرتاحة تـلاقت مـع أيـات وأمـير
أمـير..انـسااام؟ شـن اديـري اهنـي
أنـسام شـافت لأيـات وولـت شـافت لـأمـير..ءء كـلمتني خـويلة فـاطـمة تبـيني فـي مـوضوع توا كـيف جـيت وبـنروح اهو
أمـير..كـيف مـاقلّتيش مـش قـلتي مـروحة للـحوش؟؟
ايـات..غـريبة مـاننـدريش علـيك شـن هوا المـوضوع ؟؟
أنـسام..مـوضوع خَاص بـيها وأهـو قّتلگ مـروحة كـلمتني فـجأة جـيتها طـول
أمـير ابـتـسم..باه كـسبت شـوفتگ😍خـلاص توا روحـي وكـنهدا اسـتنـيني اهـو شـوية ونـازل
أيـات..اركبـي عنـدي كـنهـدا
أنـسام..مـانقـدرش مـرة تـانية ان شـاءالله قـريب المـغرب توا بـابـا حـيتصل
أمـير..غـير اركـبي توا ووقـت يتـصل بـوك تـروحـي
أيـات..هـيا عـااد
أنـسام..باه هـي
ركـبو الـ3 مـع بعـض وخـشو
خـش عمـر وأمـير للصـالون وأيـات وأنـسام خـشو للمـطبخ
أنـسام..مـاتعـبيش روحـگ
أيـات..لا ولو اول مـرة تجـيني
أنـسام..خـيرك حـسيتك مـش عـلى بعـضك
أيـات..لا ولا شـي
أنـسام..تو بتقـنـعيني انك ايـات نـفسها اللـي نهـدرز مـعاها عـ نـت كـل يـوم
أيـات..تبـي الحـق والصـراحة يعنـي خـايفة عـ خـوي مـنگ
أنـسام..خـايفة ع خـوك مّني؟؟خـيرك أيـات؟
أيـات..سمـعت كـلامگم بـدون قصـد انتِ وعـزوزتـي
أنـسام..هـادي قـصة قـديمة وهـيا توا بـس كـيف عـرفت بـيها وحكـيتلها ان انـي مـستحيل نـرجعله سـواء ان كّنت مخطـوبة او لا بّعدين خـوگ أمـير اللي هـوا خـطيبي مـستحيل نسـيبه يعنـي شـن السبب اللي بّيخلـيني نـسيبه حـرام علـيا لـو نعـرف روحـي مـن الاول ان انـي بنـرخي بـيه راهو مـاوافّقتش عـليه وارتبّطت بـيه
أيـات..يعـني انتِ مـش حـتحـني للمـاضـي وتـرجعيله!
أنـسام..لو مـزال نحـبه ومـزال عنـدي ولو نـسبة 1% حـب لـيه فـي قـلبي كـنت مـستحيل نكـون مـع خـوكك مـستحيل نـوهم انـسان بـالحـب خـوگ شـخص كـويس ونّظيف قـلبه نقـي وطـيب شخـصيته حـلوة وكـل بّنت تتمـناه وانـي فـرحانة بـيه والحمدلله تعـودت علـيه اتأقـلمت مـعاه خـوك شـخص مـحترم هلـبااااا حـتى انـ لقـطة ان جـيت اهني بـدون مـانقوله لو كـان مـحمد مكـان زعلّني وكـسرلي قـلبي بكـلامـه وكـبرها بـس شـوفي هوا كـيف تعـامل مـعاي كـل حـركة مـنه تخـلي فيـا نتعـلق بيـه أيـوتة مـاتخـافيش مـن شي انـي نـسيت المـاضي وفـتحت صـفحة جـديدة مـع امـير والحمدلله حـياتي تحـسنت ورجـعت زي مـا انـي نـضحك ونبـصر وفـرحانة أرجـوك مـاتحكـي شـي مـن اللـي سمـعتيه وخـليه بـيناتنا
أيـات ابتـسمت وتنهـدت بـراحة..مـستحيل نحكـي لحـد والحمدلله ريـحتيني والله خـفت انـگ تسيبـيه بـعد مـاحبك وتعـلق فـيك تصـدقي ديمـا يحكـيلي علـيگ ويسـتنى امـتى تتـزوجو فـرحان بـيك هلـبا ارجـوگ خـليگ مـعاه وردي بـالگ مـنه وسـرگ مـستحيل يطـلع لولا شـخص
أنـسام ابـتسّمت..شكـرا❤
أيـات..ولـوو
كـلو أنسـام وأيـات بـيزا وهـدرزو وضـحكو لـين مـاناض امـير وعمـر جـو جـنبهم
عمـر..صـار هكـي والله يا امـير انـسام قـبل كـانت ديمـا عنـدنا توا بـدت جـو مخـطوبة مـعش تجـي بّكل
أنـسام..🤣🤣خـزي اصلا خـلاص توا مخـطوبة انـي وخـطيبي يبـيش نجـي لحّد
أمـير..🤣🤣تو نجـو بـعد نتـزوجو
عمـر شـاف لأيات..حـوشنا بـدي مـلتقى العـشاق😂
أيـات..اي والله فـي الصـبح سـحر وكـريم االي نخـبطو فـي بعـض مـن نظـراتهم وتوا أنـسام وخـوي😂
امـير..احـم😂هـيا نـوضي كـان بتـروحـي
أنـسام نـاضت..هـي بـالسلامة
ايـات..بالسـلامة
طـلعو أمـير وأنـسام مـبتسـمين
عـلى نـزلة مـحـمد
قـامت أنـسام راسهـا لقـاته قـدامـها
أمـير..**** #يـتـبع
.
.
.
انـ شاءالله تنـال اعـجابكّم يااارب😍😍 #حـنو