حقد النساء ( روايات ليبية )

حلقة 13🔥

الحـلقـة #الـثـالثـة عـشر
.
.
.
مـن رواـية
.
.
.
#حـقد_النـساء💔🔥
.
.
.
هـالة..السلام علـيكم
فـاطـمة & أسـاور..وعلـيكم السـلام
هـالة..كـيف حـالكـم كـسدت قـلت ننـزل نـهدرزو وأكـسد أيـوتة قـريب تـوصل نـحمدلـها عـلى سـلامـتها
فـاطـمة ابّتسمت..ايـه هكـي نبـيكم يـابنـيتي تحـبو بعـضكم وزي الـوخـيات
هـالـة..انـي اسـفة عـلى كـل شـي مـش قصـدي والله بـس هكـي فـيا طـبع اخـي ونـحاول نـغيره
فـاطـمة..الله غـالب تـوا اللـي صـار صـار
هـالة ابّتسمت بـخبث وشـافت لأسـاور اللـي تشـوفـلها بصـدمة
أسـاور..انـ شـاءالله خـير
فـاطـمة..شنو؟
أسـاور..لا بـس استـغربتها مـش مَن عـوايـدها تنـزل وهكـي
فـاطـمة..يّناري بنـيتي نـادمـة وتبـي تفـتح صـفحة جـديدة مـع الكـل وله هـالة ؟
هـالـة..ايـه لّو سـمحتولـي😌
فـاطـمة..أكـيد الانّسان مـش مّعصوم عـن الخـطأ والحمدلله عـرفتي غـلطگ ويـن وربـي يسـامحگ😊
هـالـة..ايـه قـصيـلنا الـكيكة بـا أسـاور بـاش نشـربو بـيها القّـهوة
فـاطـمة..لالا سّلم بنّيتي نـوضي كـملي عـقاب جـميلك وقـصيها وهـاتي نـشربو مـن قهـيوتك
هـالة ابّتسمت بـمجـامـلة..حـاضر
نـاضت هـالة ومـشت للمـطبـخ
أسـاور..خـلي نـساعدهـا!
فـاطـمة..بـاه انـي خـلي نـصلي
مـشت أسـاور للـمطبـخ وسكـرت البـاب بحـركة سـريعة وشـدت يـد هـالـة بكـل قـوتـها..انـتِ شـن تحـاولـي اديـريي؟؟
هـالـة..شـي زي مـقالت عمـتي فـتحت صـفحة جـديدة😎
أسـاور..مـايمـشيش علـيا الكـلام هـدا كـدابة لِـشنو تخـططي؟؟؟
هـالـة وهـي تحـرك فـي القـهوة..امممم أولاً نـرجع عـلاقـتي بـالكـل كـويسـة تـانـيا تـولـي أخـتي سـلفتي😉تـالتـاً فـي وحـدة عـيلتها مـش لاقـيينها وحـارمة روحـها مـن الـطـلوع للـشارع بـاش مـايلقـوهاش فـ حـنساعد أهـلها بنـقطة دالـة لـيها وبـعدين يـا حـنة تتنـطر مـن عـليا هـيا واللـي نـاقرة راسـها مـعاها طـول الـوقت مـع تحـياتي😉
أسـاور ضـحكت بـهزوة..انـتِ مـهما درتـي ضـروري يصـير شـي يخـرب عـليگ كـل حـاجة درتـيها وكـانك مـراء ديـري اللـي قـلتي علـيه وتـو نشـوفو مـن اللـي يـربح تشـاو😙
طـلعت أسـاور مـن المـطبخ وهـي مبـتسمة وقـعمزت بـحدا فـاطمة
فـاطمـة..حـقا شـن صـار وافـقتي!؟
أسـاور..عـلى شنـو😳
فـاطـمـة..علـى زواجـگ مـن أحـمد ولـدي
أسـاور ابّتسمت..ربـي يقـدم اللـي فـيه الخـير واللـي تبـيه انتِ يصـير😍❤
فـاطـمة ابـتسمت..ايـه هـوا هـدا اللـي كـنت نراجـي فـيه مـنك سـلم بنـيتي❤
أسـاور..بّنسئلگ هـوا مـوافـق؟
فـاطـمة..اـيه اكـيدد وفـرحـان قـريب يطـير😌❤
بـينما هـالة كـانت تتـصنت عـليهم وفّهمت إن عـزوزتـها تبـيها لـي أحـمد حـست هـالة بـنار ركـبت فـيها كـيف قـبل سـنة رفـضها وكـيف تـوا قـبل بأسـاور اللـي مـن دون عـيلة ولا شـي !!! واسـت روحـها وابـتسمت وطـلعت بـالصفـرة
هـالة..وهـدي القـهوة
فـاطـمة..سـلم يـديـاتگ
هـالـة..سـلمگ عمـيمة
فـاطمـة..هـي قـدمي يـا أسـاور خّـودي قـهوة
أسـاور..لالا مـخـاطريـش تـو نـاخد شـاهي أخـضر مـبكري درتـه قـلت نـشربـه بعـد الغـدي
فـاطمة..بـاه
.
.
.
عـند أنـسام
أمـنة..هـي شـنو مـوافـقة!؟
أنـسام..اللـي بيـديره بـابـا مـاشي
أمـنة..مـعناها الـف مـبروگ بنـيتي انـ شـاءالله ربـي يتمـمـلگ علـى خـير يـاااارب
وسـن..رورورروروروروروري الـف الـف مـبروووك😍😍😍❤❤❤وبـإذن الله ربـي حيـفرحگ انـتِ بـس تـوكلـي علـى ربـي
أنـسام..انـ شـاءالله
طـلعت أمـنة لـراجـلها..مـوافـقة❤
عـامّـر..الحـمدلله الولـد كـويس وربـي يسـخرلـهم الحـال غـدوا اتصـلي وردي علـيهم
أمـنة..امـين يـاااارب
.
أنـسام..خـايفة
وسـن..مـن شـنو
أنـسام..مـن إنـ مـانتقـبلاش أو مـانحـباش!!
وسـن..أمـير نصـيبگ وبـإذن الله ربـي حيـزرع حـبه فـي قـلبگ
أنـسام..مـش حـيجي زي حـبي لمـحمد 💔
وسـن..مـحـمد مـحّمد مـحـمد شـن قـدمـلگ مـحـمدد؟؟؟ شـنووو مـافـيش ولا تضـحية ولا مـووقّف داره عـ خـاطرگ تـي حـتى وقـت كـلمك وهـزبتـيه اخـتفّـي طـول جـبان مسـتحـيل نخـليگ ترجـعيـله يكـلمك مـن هنـي ويـروح لـمرته مـن اهنـي اصـلا وقـت حـس انـگ حـتمشي لـغيره نـاض فـيها جـو العـاشق الـولـهااان رااگ تنـسي انتِ قـلتيله مـستحيل نـرجعـلگ خـليگ قـد كـلمتگ راهـو كـرامـتك مـش لعـبة وزي مـاصـدق عـليگ كـلام غـدوا يصـدق عـليك أي شـي ينـقال خـودي اللـي يبـيك وشـاريگ وجـايگ مـن البـاب ومـن طـريق الحـلال واللـي يبـيك عـلى سـنة الله ورسـوله وخـيتي ردي بـالك تضعـفي وتقـعدي تـذكري فـيه وتقـعدي عـايشة عـلى ظـله هـو عـايش وجـوه مـليح مـع مـرته وانتِ اقـعدي هكـي مـيتة
أنـسام..افففف خـلاص مـاقلـتش حـنرجـعله انـي مـستحيييل بـس قـبل كـل شـي حـنخرب بـينه وبيـن مـرته بـاش نـرتاح مـن غـلي عـليه
وسـن..لهـدرجة حـاقدة عـليه؟؟؟
أنـسام..حـقدي علـيه بحـجم حـبي لـيه وحـننتـقـم مـنه أشـد انّـتقـااام
وسـن..ردي بـالگ بـس نقـول ان لـو تفـوتي خـير
أنـسام..وراس عـويناتك مـانقـدر نفـوت لـين نـدير اللـي فـي راسـي وقـتها نـقدر نـتزوج وانـي مّرتاحـة😌
.
.
.
عـند مـعاد ووسـيم
مـعاد..ووووووووه وووووووه
وسـيم..تـي خـير عمـگ انـتت
مـعاد..هـاك رد عـليها انـت وقـوللها مـعاد مـات والا يقطـروله والا فـي العنـاية النـهار الأغبـر درهـتلي كـبدي طـول الـوقت وهـي تـقولي زودلـي بيـزوجـوني
وسـيم..تـي فوتـني ياراجـل ديـرلها بلـوك
مـعاد..الـو هـا نـعم شـن فـي قـلتلك مـعش تتصـلي والا ياهديـل؟؟؟
هـديل..كـيف مـعش نتصـل كـيييف غـير اسمـعني مـانبـي مـنك شـي جـيب اهلـك يخـطبو ببـسسس انـت وعـدتني انـگ تتـزوجـنييي
مـعاد..كـدب مـاوعـدتكش بـشي انـي ومـن أول مـاكلمـتكك قـتلك رانـي يا هـديل انـي مـش مـتع زواج تكـسيد وخـلاص وانـتِ شـن قـلتي قـلتي حـتى انـي مـكسدة فـ مـاديريش جـو البـنت البـريئة اللـي انـضحگ علـيها فـاهمـة!؟؟ كـنتي راضـية ان انـي مكـسد وكـنتي تعـرفي انـ نكـلم فـي مـية غيـرگ تـوا تقـوليلي تعـالى اخـطبني!؟
هـديل..تـي والله لمـا نقـول لخـوگ مـحـمد عـلى كـل شـي
مـعاذ..قـولي حـتى للـباقـي مـايهمـنيش شـي هـيا تشـاو
سكـر عـليها مّـعاذ ودارلـها بـلوك
وسـيم..شـن صـار
مـعاذ..تتـبكالـي وتعـالالـي وتعـالى اخـطبني تـي النهـار الأغـبر مـن أول مـاكلّمتها قـلتلـها انـ انـي رانـي مش مـتع زواج مـاتتـأملـيش مـني شـي ونـتـكلم بـجوي وكـساد توا دارتـلي فـيها البـنت البـريئة شكـالات الواحـد يـطيح فـيهم حـالة
وسـيم..فـوتـها خـلاص
مـعاذ..رقـتلي الـزيت يـاراجـل لا قـتلي تـو نمـشي نحكـي لخّـوگ مـحّمد كـل شـي تحـسابنـي بنـخاف!؟
وسـيم..😂😂😂😂
خـش مـعاذ للـمحل وقـعمز فـيه هـوا ووسـيم وكـانو يخّدمو وكـل بـنت تخـش ضـروري يحـطو أرقـامهم فـي الكـيسة اللـي تـاخـدها
مـعاذ..اليـوم التـلفون مـش حيـبطل تـشريين
تررررن تررررن
وسـيم..🤣😂😂أول وحـدة اتصـلت بـيا انـي😎بـاش تعـرف صـاحبـك بـس😂
مّعـاذ..مـشعااارف شّن عجـبـهم فـييك😒
وقـعدو يضـحكو مـع بـعض ويـتسهوكو
وسـيم سكـر فـونه وتلـفت لـمعاذ..حـقاا تـذكر فـي مـحـمود هـداكا اليـوم فـي الاستـراحـة الاسبوعـين اللـي فـاتو قـالب دنـيا عـياطات فـي تلفـون مـع بـوه ؟؟
مـعاذ..ايـه خـيره
وسـيم..عـرفت عـلاش يتعـارك مـع بـوه عـ خـاطر بـيزوجه بـالسيـف تمـله فـي بـنت مـنغير مـا ياخـد رأيـه
مـعاذ..كـيف بيـزوجه بـالسيف هـدي؟؟
وسـيم..هـيا القـصة ومـافيـها قـالي ان بـوه بـينتقم مـن صـاحبـه علـى خـاطر سمـعته والشـركة مـتعه نـظيفة والكـل يحـب يـتعامـل مـعاه المهـم يبـيه يـاخـد بنـته وتـاني يـوم يـلوحـها لعـيلتهـا ! تـصدق البّنت لـو نـعرفَـها لـما نمـشي ونقـوللّهـا
مـعاذ..بجـديـااات تـدووي !! بيّخربو سـمعـة البـنت!!
وسـيم..تـي ايـ بيـلوحـوها لـي امـاليـها وبـيقوللـهم بّنتـكم مـش تمـام وفـهمگ كـفاية😉
مـعاذ..لا يـا راجـللل شـن الكـلام اللـي يـرعش هـدا
وسـيم..قسـمابالله زي مـاحكيـتلك
مـعاذ..بـاه كـيف يصـير؟؟
وسـيم..الـولد مـايبـيش يصـير هكـي لكـن الفّـلوس عّنده أهّم ولـو دار الـولد اللـي يبـيه بـوه حـيتـريس هـوا عّلـى الشـركة ويبـدا هـوا المـدير وبّوه يـتقاعـد ويـبدا الحـكم وكـل شـي فـي يـد الـولد ريـت العـرض المـغري
مـعاذ..تـو شـوف احّني مـانصّلحـوش ومـش قـد مـسـؤليـة ولا اي شـي ونـكلمو فـي بنـات ونّهدرزو ونـفوتو لـكن تـوصل فـي تشـويه سـمعة وحجـات زي هـدي مـستحيلللل والله مـاتنكـتب علـيا نـديرها ويـن بنمـشي مـن دعـي البـنت عـليا ومـرات أهـلـها يـقتلـوها
وسـيم..مـشعارف كـيف يـفكرو وربـي تقـول مـاعنـدهمش بـنات والا خـوات
مـعاذ..وهـوا قـصدك وافـق؟؟
وسـيم..بـعد مـاعـرض بـوه علـيه الإتفـاقـية هـدي وافـق طـووول بـدون تـرذذ
مـعاذ..وسـخ كـلب فـلوس😒
وسـيم..ربـي يهـدي وخـلاص🤷
مـعاذ..ويـفگ البّنـية شـرهـم
.
.
.
عـند أحـمد فـي الشـركة فـي مـكتبه مقـعمز يخـدم ويفكـر فـي مـوضوع زواجـه مّن أسـاور
خـش علـيه راجـل كـبير في العمـر والشـيب مغـطي شّعره ولحـيته..السلام علـيكم
أحـمد قـعد يـشوفـله لعـند اذكـره هـوا مـنو وقـف طـول..وعلـيكم السـلام تفـضل!!؟
لامـين..أكـيد عـرفتني؟!!
أحـمد..ايـه
لامـين..انـي بو أسـاور
أحـمد..تفـضل قـعمز
لامـين قـعمـز..انـي جـيتك ياولـدي وعـارف كـل شـي
أحـمد..كـيف!؟
لامـين..عـارف ان بـنتي عـايشة عنـدكم
أحـمد..ءء مـن قـال الـكلام هـدا ويـن نـعرفها انـي؟؟
لامـين..ياولـدي مـافي شـي يدرق علـيا انـي عـارف كـل شـي مـن البـداية راقـبت خـط صـاحبـتها وعـرفت كـل شـي عمـومـا انـي خـلانـي ساكـت انـ عـارف بنـتي مسـتريحـة
أحـمد..بـاه شـن تبـي تـوا!!؟
لامـين..نـبي نـرجع بنـتي
أحـمد..كـيف بنـتگ تـوا تفكـرتها!؟؟
لامـين..يـاريت تـرجـعلي بنـتي قـعدتها عنـدكم غلـط وحـتطلع علـيها دوة اكّتر
أحـمد..بـنتك مـش حـترجـع وانـي بنـتزوجـها
لامـين..هكـي مـعناها فـي كـلام تـاني
أحـمد..كـلامـي هـوا هـدا بنـتگ حـتكون مـرتي مافيـش لا كـلام اول لاتـاني
لامـين..أفـهمنـي بـس الكـلام التـاني اللـي هـوا تـم عطـيتگ بنـتي وحددو يـوم نقـرو فـيه الفـاتحـة وتـمت
أحـمد وهـو مصـدوم..كككـيف؟؟
لامـين..انـت بـاش تبـيها!؟؟
أحـمد..ايه
لامـين..خـلاص هـدا رقـمي حـددو يـوم وقـولي بـس وانـي حـنجي
أحـمد..بـدون ولا شـي هكـي؟؟؟
لامـين..لا طـبعا اكـيد حـنتفـقو عـلى كـل شـي حـنتصل بـيك ونقـولك
أحـمد..تمـام
نـاض العـم لامـين ومـشي طـلع
أمـا أحـمد قـعد يفـكر ومـش فـاهم شـن اللـي مخـلي بـوها هكـي؟؟
خـدي فـونه وحجـاته وطـلع طـول ركب سيـارتـه وطـلع عـلى طـول واتصـل بأسـاور
.
.
.
عـند أسـاور شـافت فـونها يـتصل نـاضت مـن جـنبهم وخـشت للـدار
أسـاور..اهـلا
احـمد..اهـلين كـيف حـالك
أسـاور..الحمدلله وانت
أحـمد..الحمـدلله
أسـاور..شن جـو الشـركة
أحـمد..كويس الحمدلله بنـقولگ
أسـاور..شنـو؟
أحـمد..انـي قـريب نـوصل للـحوش تـوا تخـنبي روحـگ وتـركبـي لـشقتي فـوق واسـتنيني
أسـاور..ءءءكـيف شـن بنـدير فـيها شقـتگ؟؟
أحـمد..نبـي نـدوي مـعاك فـي مـوضوع مـهم
أسـاور..كـيف بنـخش؟؟وأمكّ مـانقـدرش نـطلع
أحـمد..دبـري راسـك وافـتحي القـجر اللـي جـنب السـرير تلقـي مـفتاح الشـقة هـي مـاشي ..وسـكـر💥
أسـاور..خـيره هـدا ووووه شـن صـاير بـطني لـين وجـعتنـني😳😱
فـتحت أسـاور القـجر وخـدت المـفتاح حـطاته فـي جـيبهـا وطـلعت لقـت فـاطمة وهـالة يهـدرزو فـي دار التقـعمـيز ومـش بايـنة لـيهم سكـرت دارها بـالمفـتاح وخـدت المـفتاح وركـبت طـول عـ روس صـوابـعها لـين وصـلت لشـقة أحـمد فـتحـتها وخـشت للـشقة اللـي مفـروض تخـشلها وهـي عروسـة ليـه
قـعدت تمـشي وتتفـرج علـيها كـيف مـنظمة ومـرتـبة
قـعمزت عـ الكـنبة وقـعدت تفـكر زعمـا شـن حـيكون يـبي أحـمد مـن أسـاور!!؟
.
.
.
عـند مـحـمد كـان مـروح مـن خـدمتـه
خـش للحـوش لقـي أمـه وهـالة مـع بعـض اسّـتغـرب
مـحـمد..السَلام علـيكم
هـالة & فـاطـمة..وعلـيكم السـلام
مـحـمد..غـرريبة نـازلة وتهـدرزي
هـالـة..عمـيمة كـلميه شـوفيه شـن يقـول انـي مـاكنتش ننـزل هلبـا بـس
فـاطـمة..خـيرك ولـيدي علـى البـنية
مـحـمد..لا شـي اسّتغربـتها بـس نـوضي حطـيلي الغـدي جـيعان
فـاطّـمة..تلقـي صّونـيته فـي الدولاب خلـيتله مـن الغـدي
نـاضت هـالة طـول للـمطبـخ وقـعّدت تـوتي فـي الصـفرة
مـحـمد..وخـيرها هـيا مـاطيبـتش قصـدك؟
فـاطـمة..معلـيشي تـو تتـعلم خـليها علـى راحـتها
مـحـمد..امـتى بـتتعلـم وقـت اديـر مـفرخ!
فـاطـمة..والنـبي اسـكت سـلم ولـيدي انـي فـرحت بـيها اليـوم نـازلـة وفـرحانة وتهـدرز وجـوها قـنين انـي قـلتلكـم تـو تعـرف غلـطها وتتـسقم
مـحـمد قـلبه مـش مـريـحه مـن جـيهة هـالة ومـزال حـاس انـها قـاعدة عـلى شـرها
.
وصـل أحـمد للـحوش وخـش للـمطبـخ طـول لمـا سّمع فـيه حـركة وتـوقع تكـون أسـاور
هـالة..ووووه خّلعتتـني
أحـمد رجـع طـول..ءءاسـف نحـسابة امـي اهنـي
هـالة بـخبث..امـگ والا أسـاور😊
أحـمد عـقد حـواجـبه..احـترمـي نـفسگ احسـنلگ وسـاكـت بـس عـلى خـاطر خـوي ولـو تزيـدي تتمـادي وقـتها مـعش نعـرف لا خـوي ولا بـوي👌🏻👌🏻
هـالة وجهها والا أصـفر وبـلعت ريقـها
طـلع أحـمد ومـشي ركـب لـشقـته طـول
فـتح البـاب وخـش لقـي أسـاور مقـعمزة وتسـتنى فـيه
أحـمد..السـلام علـيكم
أسـاور..وعلـيكم السـلام
أحـمد..كـيف حـالگ؟
أسـاور الحمدلله وانت؟
أحّـمد..الحمدلله
أسـاور..شـن المـوضوع اللـي حكـيتلـي علـيه
أحـمد جـي قـعمـز مقـابلـها..تـوقـعي مـنو جـاني الـيوم!
أسـاور بّـخّوف..خـو مـرت بـووي!!؟
أحـمد..ايـه
أسـاور دمـعو عيّونها..شـن يببـي مـننني😭😭
أحـمد..😂😂😂يـامهـبوولة تـو كـانا هـوا راهـو تّوا مكـاني فـي الحـبس🙂رانـي شـربت مـن دمـه
أسـاور لـوحـت علـيه المـخدة..بـعيدالسـو علـيگ هـيا ادوي مـنوو
أحّمـد..بـوگ
أسـاور..كـيف حـاله😍
أحـمد..الحمدلله عـرف انـگ عنـدي ويـعرف انـگ عنـدي مـن قـبل وجـاي يبـي يـرجعگ لكـن انـي رفـضت
أسـاور..بااه
أحـمد..يبـي لـو مـاترجـعيش نتـزوجو فـي أقـرب وقـت
أسـاور..ءء كّيـف
أحـمد..بلاش عـبط أمـي أكـيد قـالتـلك انـ تبـينا نتـزوجو
أسـاور وجـهها أحـمر..ءءءببـااه!؟
أحـمد بـهدوء وحُـب..ايـه شـنو قـررتـي تـرجـعي وإلا تكـملـي مـعاي!؟
أسـاور وهّـي مـتوتـرة..ءءء
أحـمد..مـانـبيش نـضغط علـيك وانـزلي فكـري فـي لـيل نـاخد جـوابـگ😊
أسـاور نـاضـت وهـي تفكـر ان لـو رجـعت لحـياتها مـش حـترتاح لا مـن مـرت بـوها ولا مـن خـوتهـا ولا مـن خـو مـرت بـوها وعـارفة انـ بـوها لا يهـش ولاينـش مـعاهم!! وتفكـر لـو طـلعت مـن هنـي شـن حـيصير فـي حـياة أيـات!! وهـالة هكـي حـتفـرعن أكـتر وهـي مـستحيل تخـليلها الطـريق انهـا تفـرقـهم عـلى بـعض ..وصـلت أسـاور للـباب فـتحـاته وتلفـتت لِأحـمد اللـي يـشوفـلها وخـايف ان تكـون اخـر مـرة يـشوفـها
أسـاور..مـوافـقة نكمـل حـياتـي مـعاك ومـوضوع زي هـذا مـايسـتحقش تفكـير!
أحـمد ابـتسـم وقـدم لأسـاور ومـد يـده..مـعناها الـف مـبروك علـينا😎😍
أسـاور مـدت يـدها لـيه وسـلمت علـيه..الله يبـارك فـيگ😍❤
أحـمد..خـلاص غـدوا نقـول لأمـي ونتفـاهمو عـلى شـروطـي وشـروطـكـ
أسـاور..تـمام
نـزلت أسـاور وهـي الفـرحة مـش سـايعتـها وخـشت لـلـدار طـول
اسـاور..يسسسس😍❤❤❤
ونـزل أحّمد لقـي هـالة مـع أمـه سكـت وطـلع وقـرر يحكـيلها فـي الليـل
.
.
وجـي الليـل عـند أيـات
أمـير..هـيا بنـطلع تـواا
ايـات..افففف مـانبـيش الهـم خـيرك
أمـير..انـي كـلمة عطـيتها لـراجـلگ وقـتله تـو نـروح بـيها مـاتحـشميـنش
أيـات..مـبردگ عمـري مـاريـت واحـد جـاي مـع راجـل أخـته بـدل مـايكـون مـت أخـته🙂💔حـظي ونـعرفـه انـي
أمـير..بطـلي رغـي وأركـبي هـياا
ركـبت أيـات السيـارة بّعد مـا سّلمت عـلى أمـها وطـلعت مـع أمـير
أيـات..تـو تـشوف تـو نقـول لأنـسام تفـوتك ومـاتوافـقش علـيك خرا🙂
أمـير..هـدرزي😏يـعني كـانـها مـاوافـقتش علـيا خـلاص نمـشي ننـتحر🙂
أيـات..مـاعنـدكش ذرة مـشاعر اصـلا عنـدك حـق لأنـك مـاشفـتهاش! كـان تـشوفـها لمـا تقـعد تبـوس عـ يـدي بـاش نخـليها تـوافق علـيك😊
أمـير بصـوت مـصري..لااا وواثـقة مـن نفـسيييها😂
أيـات..ثـقة عمـيااااء😌أخـطم خـودلـي شيبـس وشكـاليـط وحجـات هكـي😊
أمـير..تعـرفـي عمـر هـدا مـن كـتر مـامدلـعگ مـخليگ دراه😏مـن امـتى كـنتي هكـي بـس
أيـات..ويحـقلي نـدلع عـلاش لا🙂هـوا اصـلا مّنغير مـانقـوله نلقـاه جـايبهـم😎وتـوا مـانبـيش نـاكل مـنه نبـي نـاكل مـن رزقـگ خـلي نـفلس بـيك شـوية قـبل مـاتجي مـرتك وتـاخده كـله😊
أمـير..مـكتر دوتـك قـصدك حـتى هـيا تـدوي هلـبا هكـي زيك؟
أيـات..انسـوومـة يـاروحـي علـيها الكـلمة تطـلع مـنها تقـطر عّسلل الله يبـارك علـيها وهـااااديـة مـاتسّمعش مـنها حـرف امـالا شـعيراتـها الله واحـد علـيها وهـديكا العـين هكـي كـبرها والفـم الـصغّنون والطـول والـقد والجـسم الله يبـاااارك والعـقل والـرزاانة مـحلااها
أمـير قـعد يـتخيل فـيها وفـرحان..امـتى قـلتيلي المـقابلـة!؟
أيـات..غـدوا بـيكلمو مـامـا لـو وافـقو حـيحـددو يـوم المـقابلة ولـو رفـضو سـليمتهم
أمـير..خـيرك مـولية تـدوي زي العّزايز
أيـات..مـن كـتر مـاوجـهي فـي وجـه عـزوزتي كـل يـوم🙂🙂
أمـير..😂😂
.
.
عـند مـعاد & وسـيم مـع صحـابهـم
وسـيم..شـن صـار فـي مـوضوعك؟
مـحـمود..مـاشي عـادي
مـعاذ مـداير روحـه مـايعرف شـي مـن القـصة..بتتـزوج خـلاص😂
مـحـمود..ايـه بنخـش القـفص الـذهبـي لـيوم واحـد😂😂
مـعاذ..يـوم واحـد!
مـحـمود..تـو تفـهم مـش وقـت دوة تـوا المـهم يـا شـباب الأسـبوع الجـاي فـاتحـتي بـاش تتـفضـلو هـي بنـروح انـي عنـدي مـانـدير مـن بكـري يـتصلو
مـعاذ..بـالسـرعة هـدي!!
مـحـمود..الاسـبوعـين اللـي فـاتـو خـطبتها والاسـبوعـين هـادو عـرسـنا ومـافيش شـي نـاقص نعـرفو بعـضنا وهكـي😅 وكـل مـايـكون أسـرع يكـون أحـسن
مـعاذ..والله وكـبرت يـا مـحـمود وبـتتزوج
مـحمود..عقـباليـكم وراجـعلكم مـاتخـافش😉
ركـب مـحمود سيـارته ومـشي
اخّتفت ابّتـسامة مـعاء ووسـيم لـكـره لـمحمـود واللـي بيـديره فـي البـنت!!
وسـيم..هـي مـاشي شـباب نـتلاقو
..مـاشي
نـاضو مـعاذ ووسـيم وركـبو سيـارتهم ومـشو
مـعاذ..مـاقـدرتش تّعرف هـيا مـنو وبـنت مـنو!
وسـيم..لا مـباش قـد مـادرت نـبي نسـحب دوة مـنه شـي شـي
مـعاذ..لـكن شـي غـريب راه مـعقولة يـعطوها خـلال اسـبوعيـن!! شـن السـرعة هـدي النـاس تفكـر وتسـئل وتشـوف واتـبع مـش فـي اسـبوعيـن يـتم كـل شـي!!؟
وسـيم..انـت خـيرك نـاقل حـيرتهم!
مـعاذ..والله مـاعارف تصـدق حـتى الـرقاد مـانـرقد بكـل مـش فـاهم خـيرني💔
وسـيم..حـتى كـانك تعـرفها البـنت نقـولو😂تـي فـوت الله غـالب نصـيبها وهكـي ربـي كـاتبـلها واكـيد فـي حكـمة مـن وراها وأكـيد ربـي داسـلها شـي يفـرحـها مـعش تفكـر
مّعـاذ..هـوا هـذا