اَحببــــــتُ مـُـــودِلْ🤤♥️
الحلقـــه الخـامســه♥
مادي مسك يد روبي وكرها بالقوه وركبها ف السياره وبنت خالتها نفس الشئ وطبعا كانو الناس كلهم يشوفولهم ومن بين الناس هذي اسلومه كان يشوف في كل شئ
روبي:فتحت الباب ونزلت تجري
مادي:تي والله تشوفي ويجري وراهاا
روبي:صقع عليك توصل فيا وزادت تجري😂
مادي:حسابك بس نمسكك والله😠
روبي:تجري تجري وخبطت في حد
روبي:اييي يا راسي ورفعت راسها😳
روبي:اسلومه😳😳 ااا خليني هنا يا اسلومه ماتخليش يروح بيا هذا🥺🥺
اسلومه:ومن هو هذا
مادي:جيتك يا فرخه😠
روبي:اسلومه فكني منه🥺🥺
اسلومه:قدم عند مادي وخلى روبي في ظهره
اسلومه:سلام
مادي:سلاماات
اسلومه:كنك معاها شن تبي🙄
مادي:واللهي امور عائليه مادخلكش وانا خطيبها ونبي انروحها لحوش هلها🙂
اسلومه:التفت لـ روبي بنظرة سؤال هل يحكي صح🙄
روبي:هزت براسها بمعني لا😥
مادي:تي هيا انتي انروح بيك😠
اسلومه:اسمعني هنا كلمتين تبي تسمعهن باهي ماتبيش يصير فيها كلام ثاني البنت تقعد هنا وحنكلم باتها هو يلي يجي يروح بيها اما معاك مافيش مرواحه🙄
مادي:بصفتك من
اسلومه:مادخلكش
مادي:كيف مادخلنيش ولا تقعد داير معاها علاقه من ورانا
اسلومه:مشعارف ممكن اها وممكن لا ماتندريش انت
مادي:تبي تستفزني انت🙄
اسلومه:انقولوا اهاا🙂
بنت خالتها:روبي بسرعه هيا نهربوا منه
مادي:كيف نزلتي من السياره انتي😠
بنت خالتها:عدت تجري وراء اسلومه وقعدت ماسكه في يد روبي وتبكي
اسلومه:انت ماتبيش اتحرك من هنا صح🙄 وبدا يرفع في كمامه عشان يخوف مادي
مادي:خلاص امروح انا بس والله حسابك يا روبي حتشوووفي😠😠 وعدا .....
اسلومه:خلاص توا معش تخافن
روبي:شكرا يا اسلومه والله مستحيل نقدر ننساها لك وقفتك معايا🥺🤤♥️
اسلومه:عادي مافيش داعي
روبي:بعد خطرهاا 😅
اسلومه:شنو
روبي:عرفتها الفانز امتاعك اللي يومتها خشت عليك وقالتلك ع بنت ضايقتها وهكي😂
اسلومه:اهاا كنهاا
روبي:هيا انا😂😂
اسلومه:واللهي😂
روبي:وحقربي😂
اسلومه:باهي كويس شفناك😂
روبي:شن رايك في اخر تصميم
اسلومه:كويس بكل
روبي:ابتسمتله ، بس اختفت بسمتها لما اذكرت انخا مش قاعده في الحوش وهلها توا ينشغلوا عليها فتحت شنطتها بسرعه وطلعت تلفونها لقاته ع الصامت وامها متصله قريب 20 مره😳😳
روبي:اتصلت ب امها بسرعه وكانت خايفه من الهزيبه ف تبعدت عليهم شوي
روبي:الوو
امها:باهي اللي رديتي شغلتيني عليك نحسابك الا متتي ولا خطفوك وحدين😠
روبي:لالا قاعده بس تاخرت لانه مالقيتش المحل مفتوح😅
امها:وامتي مروحه انشاءالله شوفي توا الساعه خلاص مغرب
روبي:لالا عادي يا ماما توا انروحوا بعدين انا مش بروحي معايا بنت خالتي
امها:باهي خلاص نرجى فيكن راه تعالن بسرعه
روبي:به ، وصكرت....
روبي:هيا بسرعه ماما قالت روحن توا
بنت خالتها:تمام هيااا
روبي:بس خايفه شوفي الدنيا توا امظلمه والشوارع يخوفن
بنت خالتها:عادي ماتخافيش انا معاك توا نمشو بشوي بشوي لعند مانوصلوا وكان جاء شورنا اي حد نقدر نضرب عندي جهد😂😂
روبي:به هيا بس والله خايفه ونحنا الاثنين بنات بروحنا😭😂
بنت خالتها:هيا امك ترجى فينا قلتي بسرعه
روبي:به
اسلومه:استني
روبي:التفتتله ، نعم
اسلومه:عادي انوصلكن انا لانه انتن الاثنين بنات وتوا خلاص يعتبر ليل وانتن عارفت العيال مش حيخلوكن في حالكن
روبي:قالتله ع طول ، به عادي🤤
اسلومه:تمام سياره هني اللي غادي وهذا المفتاح اركبن فيها عليما صكرت المحل وجيتكن
روبي:به وعدت
ركبت روبي وبنت خالتها ف السياره وروبي لقت عطر اسلومه
روبي:ينعلييييي🤤🤤 بخت من العطر
بنت خالتها:روبي خلاص سياره الراجل خليها في حالها
روبي:صكريفمك هذي سياره راجلي المستقبلي😒😒
بنت خالتها:متخلفه والله خلاص خوذي الكيس امتاعك واسلومه اهو جاء خلاص اسكتي
روبي:به😂
__________________
عند مادي:
مادي: الو ي حسين
حسين: الو يا طيري
مادي:مضايق يراجل تعال كسد معايا شوي
حسين:هي جايك
مادي:اوكي
وكان مقعمز قدام الحوش متاعهم طلع الدخان والولاعه وقعد يدخن لعند ما جاه حسين
حسين:اوووي
مادي:اووي
حسين:شنجوك كنك مضايق
مادي:والله الفرخه اللي قلتلك عليها من قبل بنت عمي هذي
حسين:كنها اخرى
مادي:من قبل خطبتها من باتها ورفضت وكم مره طلبت منها حاجه ورفضت وتوا لقيتها في الشوارع هيا وبنت خالتها ولما جيت وقفتها ونبي انروحها جاني واحد فرخ ووقف قدامي وماخلانيش ناخذها شاك فيها تكون دايره علاقه معاه لانه من قبل شفتها حاطه صورته خلفيه تلفونها
حسين : مادور شئ راه فرخه كيفها كيف باقي الفرخات توا تلقى وحده خير منها
مادي:لالا مستحيل نلقى وحده خير منها هذي هيا الوحيده اللي خشت قلبي والله
حسين:ابتسم بخبث😈 ، عندي لك خطه
مادي:واللي هيا
حسين:انت ولد عمها ولا
مادي:اها
حسين:من حقك تحب بنت عمك صح
مادي:اكيد
حسين:باهي ليش ماتحجرهش
مادي:كيف
حسين:زي مادار علا الشراني🙄
مادي:حركات قديمه حسيتهن🤔
حسين:والله صدقني مالك الا الحركه هذي يا مادي
مادي:مشعارف والله
حسين:بس مش من توا
مادي:هاا امتي
حسين:اكيد مادام رفضاتك حتكون حاطه حد في راسها
مادي:باهي
حسين:خلاص خليه يجي يخطبها ويقروا الفاتحه ويوم الزفه دير اللي قلتلك عليه عشان تنقهر وتندم انها رفصاتك من البدايه
مادي:قعد ساكت ويفكر ، خلاص تمام بكل حنخليها تندم ع اليوم والدقيقه اللي رفضتني فيها
حسين:ايووه هكي صاحبي صح😈
__________________
عند روبي:
اسلومه:معلش طولت عليكن
روبي:لالا عادي
اسلومه:باهي انا توا وين نبي انوصلكن يعني حتي حوشكم مانعرفش😂
روبي:وصفتله مكان حوشهم
اسلومه:تمام
وطول الطريق وهما ساااكتين محد تكلم
__________________
عند اهل روبي:
ام روبي:طولت البنت انشاءالله مش صايرتلها حاجه
اب روبي:لالا اكيد كويس بنتك وتعرفيها عاد امتي روحت بدري
ام روبي:سكتت وقاعده واقفه ع الروشن
فجأه شافت سياره جايه قعدت تركز فيها لعند ماقربت السياره ودرست عند حوشهم ونزلت منها روبي وبنت خالتها😳
ام روبي:تجري فتحت الباب
روبي:خير يا ماما
اسلومه:فتح باب سيارته ونزل
اسلومه:خير يا عمتي
ام روبي:خيرات يا وليدي
اسلومه:اكيد مستغربه بس توا نحكيلك كل حاجه بنتك واللي معاها كانن عندي ف المحل ولما طلعن جاء واحد وقعد ياخذ فيهن غصبا عنهن ويبي يركبهن معاه ف السياره ماقدرتش نسكت لما جتني ووقفته وخذيتهن منه وجبتهن لكم هنا
ام روبي:شكرا يا وليدي والله مشعارفه كيف نشكرك🥺
اسلومه:لالا عادي مافيش داعي للشكر تبي حاجه
ام روبي:سلامتك بس ارجى شوي
اسلومه:نعم
ام روبي:من سكان المنطقه انت
اسلومه:لالا نسكن في *******
ام روبي:اهاا لعيت من
اسلومه:الورفلي
ام روبي:بالجوده بيك احسن ناس والله ماتعرفش ****
اسلومه:يقعد عمي هذي
ام روبي:نعرفهم من زماااان هذيما وانت ولد من مادام هذا عمك
اسلومه:ولد *****
ام روبي:اهاا نسمع بيه بس ماعمريش شفته
اسلومه:باهي معرفة خير وانشاءالله انتلاقوا مره اخرى
ام روبي:انشاءالله وخشت
روبي:اسلومه
اسلومه:نعم
روبي:عادي انصور معاك صوره
اسلومه:عادي
وصورت مع اسلومه كم صوره وخشت😂😂
ومن لما خشت عدت تجري فتحت الانستا وحطت الصوره ع الستوري وغطت ع وجهها ودارت تاق ل اسلومه 😂😂
وتعشت وروحت بنت خالتها
___________________
يتبع .........
الكاتبه:اكسملوكااا❤❤🔥🔥🔥🔥
أنت تقرأ
احببت مودل 🤤♥️
Randomروايـــــتنااا تحكــــي ؏ بنــــت حبــــت شخـــص وكــافحـــت ودارت المستحيــــل عشــــان تـــوصلـــــه و نحنـــا مـــش عارفيـــن هـــل حتقـــدر تـــوصلـــه فِ الاخيـــر وتخليــــه يحبهــــا او لا 🔗
