الـحـلقة الحـاديـة عـشر
.
.
مـن رواـية
.
.
#حـقد_النـساء💔🔥
.
.
فـاطـمة تلفـتت لأسـاور..ويـن ايـات فـي المـطبخ؟ قـوليلها روحـو راه!
أسـاور..أيـات ركـبت لحـوشها
فـاطـمة..عـلاش خـيرها!؟؟
أسـاور..دارولـها لقـطات اخـي بكـل
فـاطـمة..شّن دارولـهاا!؟؟
أسـاور..وانتِ تسلمـي على هنـاء سـلمت علـيا أمـها سـلام زي مـانسلمو عـادي ووقـت أيـات مـدت يـدها وبتـسلم بـالوجـه امـشي وخـرت الأم وسـلمت بـروس صـوابعـها وقـامت خـشمها علـيها انصـدمنا الحـق وبعـدين جـت هـدي اللي اسـمها هنـاء سـلمت علـيا وعـطت أيـات بالـظـهر ولا كـأنها شـافتها! لقـطاات بـااايخة مـشت ركـبت تجـري والـدموع فـي عيـونها!
فـاطـمة..نهـار حـرش عـلاش هكـي يـديرو!؟ شـن دارتلـهم ؟؟ 😡
أسـاور..مشـعارفة بالعـكس أيـات كانت مـبتسمة ومدارتـش اي ردة فـعل بكـل
فـاطـمة..انـي عـارفتـهم مـايحـبوهاش لكـن مـش هكـي يـديرو
أسـاور..باهـي علاش مـايحـبوهاش
فـاطمة..لانـة أخـت هـالة كـنا نّبـوها لعـمر لكـن عمـر رفـض وتسكـر المـوضوع وهمـا قلبـوها حـقد عـ خـاطر يبـي أيـات وكـيف كـيف تبـدلونا بأيـات اللـي راس مالـهم حـوش ساكـنين فيه بس والحمدلله يابنـيتي اللي تسكـر كـنهدا راهـو هـبلت انـي مـن هدي وبنـهبل أيـات بنـية الله يبـارك عليهـا
أسـاور..اهاا هـدا باش امـالا والله أيـات احـلا وأحـسن مـن هـالة بمـية مـرة😏🙄
فـاطمة..بري اركـبيلها يابنـيتي طـيبي خـاطرها انـي راهـو مـاعنـدي حـيل
أسـاور..حـاضر
ركـبت أساور لعـند أيـات
قـعدت اطـق ع البـاب
طـلعت هـالة قـدام البـاب واقـفة مبـتسمة وتشـوف لأسـاور..هـوا انتِ فعـلاً بـنت صـاحـبة عزوزتـي والا غـير كـدبة كـدبتوها🙂
أسـاور تلفـتت..بـسم الله تخـلعي
هـالة قـدمت..جـاوبـيني عـلاش تكـدبو علـيا!؟
أسـاور حـاولت تتمـالك أعصـابها..كـدب شـنو خـيرك!؟
هـالة..انـتِ وعـزوزتـيي كـادبـييين انتِ هـاربة مـن حـوشكم يـااا كـداابة يـا منـااافقـة يـااصااايـعة يابـنت بـايع المخـدرااات يـا حـقييرة انـي حـنتصل بمـرت بوك وعيـلتك وحـنقوللـهم علـى مكـانك ويجـو يـرفعوك يـا بيـئة تحـسابـيني مـش شـايفـاتك ومـش شـايفة مـحاولاتگ كـيف اطيـحي أحـمد وتخـليه راجـلگ😒هه أحـمد مـشش لـييگ فـاهمة أحـممد مـشش لـيگك
قـامت أسـاور يـدها وعطـت هـالة كـف وشـدتها مـن شعـرها وسكـرتلها فـمها ودخـلتها للـشقة مـتعها
هـالة..اممممم امممممم
أسـاور لـوحـتها عـ الكـنبة..شـوفـي مـن مـا كـنتي تكـوني تكـوني ومـنيـن مـا كـنتي تعـرفـي انـي مـشش خـاييفة لا مـنك ولا مـن غيـرگ يـاسر تحـملتگ هلـبااااااااا ووصـلتـيهالـي لـرقـبتي وأحـمد حـيكون لـيا وحـنكون لـيه لاننـا نحـبو بعـض ولا انتِ ولا غيـرگ يقـدر يـوقف فـي وجـهنا ولـو نطـقتي حـرف واحـد مـن اللـي قلـتيه لـي حـد مـن عيـلتي انـ انـي اهنـي حـنفضـحگ وحـنطـلّع عـااارگ كـله مـن الألف للـياء ردي بـالگ تسـتخفي بـيا وبـي طـيبتي لأنـي عنـدي علـيگ بـلاوي يغـطي مـنهم الشـطان وجـهه وقـداش ليـا ساكـتتلك ونسـتنالك فـيها واهـو نقـولگ أيـات خـط أحـمر لـو قـربتي مـنها انتِ ولا أخـتگ او فـرقتو بـينها وبـين عمـر مـاتلـوومـي الااا نفـسگ وجـربي تلعـبي بـي ديـلگ قـسمابالله حـتشـوفي شـن حـيصير فـيك👌🏻ولعـلمك الااولاد والعيـلة كـلللها تعـرف بقصـتي الا انتِ وهـاك عـرفتي هـي تشـاو تـوا
طـلعت أسـاور بشـخصيتها القـوية اللـي مـافيش حـد شـاف الشّخصية هـدي غيـر هـالـة أسـاور كـانت مسـالمـة وطـيبة وعمـرها مـا اذت حـد بكـلمة طـول فـترة قـعادها مـع فّاطمة ومـافيـش حـد يّعرف بشـخصية أسـاور هـدي غـير أحـمد وتـوا هـالـة سكـرت أسـاور البـاب وراها بكـل هـدوء وقـعدت اطـق فـي البـاب علـى أيـات بالقـوة لـين فتحـت
أسـاور..ويييـنگ مـن بكـري نـطـقـطـق
أيـات..كـنت نـدوش خـشي تفـضلي
خـشت أسـاور وقـعمزت..خـيرك ركـبتي
أيـات..شـي مـش مـرغوب فـيا ركـبت أحسـن
أسـاور..روحـو أصـلا وهمـا واقـفين سلمـو ومـشو بعـدگ عـ طـول
أيـات..أصـلا همـا متقـصدين يعكـرولي مـزاجـي
أسـاور..تـي فـوتيهم خـليگ قـوية ووقـفيهم عنـد حـدهم وبـذات الحـقيرة هـدي هـالة
أيـات..شـن خيـرها نسـمع فـي أصـواتكـم وانـي فـي الدوش
أسـاور..اللـطف مـكبر وديـناتك😂
أيـات..مـبردك تـي تكـلمي شـن فـي
أسـاور..الحـيوانة اشـبح منـين عـرفت كـل شـي علـيا وطـلعت تعـرف عيـلتي ومـرت بـوي وتعـرف حـتى بـوي شـن يخـدم!!
أيـات..قـصدك سـلفتي اسـتخباراتـية وانـي مـاننـدريش😳
أسـاور..🤣🤣🤣واضـحة يعنـي مـدامها تعـرف مـرت بـوي يعـني همـا مـن نفـس الصـنف مـش شـي غـريب يطـلعو يـعرفو بعـض😊
أيـات..حـيييي بـاه اسمـعي انـي هدا ويـن ادركـت خـطورة الوضـع كـيف حـيصير لـو حـكتلـها مـرت بـوك حيـجو اهنـي ويّـديرو البـلي وخـوها حـيدير العـار امـا بـوك انتِ قـلتي انـه مـش حـيديرلگ شـي ويطـمن علـيك مـن صـاحبـتك كـل فـترة يعنـي الخـوف مّن خـوها!
أسـاور..مـاتخـافيـش سكـتتها!
أيـات..كـييف!؟
أسـاور..سـر المهـنة
أيـات..تـي قـووولـي
أسـاور..يـومها نسـت تلفـونها لـوطـة وانـي كـنت مـركزة فـيها كـيف فـتحـاته رمـزها خـديته طـول وخـشيت بـيه الـدار ونـزلت فـيه بـرنامج وربـطت تلفـوني بـيه وتـوا اي مسـج او اتصـاال يـوصلها يـوصلنـي حـتى انـي هـدا البـرنامـج مـليح تـراقـبي بـيه مـش عـادي والصـراحة كـنت نحـسابها لفـعة وخـلاص لكـن طـلعو مـن وراهـا بلاوي سـوووودة يغـطي مـنها الشـطان وجـهه🤦
أيـات..مقـواگ يـابنـت😦😳
أسـاور..الكـلام هـدا يـموت اهنـي نـبيش حـد يعـرف حـتى راجـلگ أهو قتللـگ
أيـات..مـاتخـافيـش اكـيد مـش حـنقول لحـد
أسـاور..وديـري بـالك علـى راجـلگ لانـها هـيا وأخـتها يـدبرولگ فـي مكـيدة حـرفة
أيـات خـبطت يـدها عـ قلـبها..كـان مـايسـحرونا😱
أسـاور..لالا مـاتوصـلش لهـدرجة لكـن حـيدبرولگ حـاجة يطـلعوك بـيها اهو قّتلك انـي
أيـات..تمـام انـ شاءالله خيـر
أسـاور..قـتلك خـويلة انـزلي
أيـات..قولـيلها خـليتها بـترقد والله تعـرفي نفـسيتي لـين تعـبت خـلي نـرتاح شـوية وننّزل بـعديـن
أسـاور..أوگ
نـاضت أسـاور وطـلعت مـن الحـوش ونـزلت
فـاطـمة..شـن صـار عطـلتي!
أسـاور..لقـيتها منـهارة وتبـكي قـعدت مـعاها لـين هـدت ودوشـت ورقـدت ينـاري وجعتـني اخـي علـيها لقـطات هـدي
فـاطـمة..شـن بنـدير يـابنتـي شـن قـدري انـي
أسـاور..ربـي يهـديـهم
فـاطـمة..تـرا تلفـوني خـلي نكـلم أحّـمد نبـيه فـي مـوضوع
أسـاور..بـه
عطـتها تلفـون واتصـلت بـيه وخـشت فـاطمة للـدار
أسـاور تخـمم..زعـما شـن تبـي فـيه!؟ يـلا تـو نفـهم بعـدين الغـبية هـالة تحسـابنـي نكـلم فـي أحـمد حـق😒😂حمـارة وغـبية🤣حسـيتها فـيسع مـاتصـدق لازم نـركبـلها الـرعب بـاش تضّـم فـمها وتيـبس فـي مكـانها😈👻
عـلى خـشة مـعاد..السلام علـيكم
أسـاور واسـت وشاحـها وعلـيكم السلام
مـعاذ..وين امـي
أسـاور..خـشت لـدارها تكـلم فـي أحـمد بـالفون
مـعاذ..امممم
أسـاور..تـبي حـاجة!؟
مـعاذ..مـانبـيش نتعـبك الحـق
أسـاور..مـصحك قـول
مـعاذ..جـي مـعاي صـاحبـي نبـي قـهوة
أسـاور..حـاضر شـوية وتعـالى تـلقاها واتـية
مـعاذ..صحـيتي
أسـاور حـطت يـدها عّـ كـتف مـعاذ..مـش بيـننا اعتـبرنـي أخـتگ واطلـب اللـي تبـيه
مـعاذ ابـتسم..تـم
طـلع للمـربوعة قـعمز جـنب صـاحبـه وقـعدو يهـدرزو ومكـسدين مـع بعـض
مـشت أسـاور للـمطبخ ودارت قـهوة وحـطت مـن التـشيز كـيك اللـي داراتـه وتكـمتله الصـفرة وحـطتها جـي مـعاذ..صـحييتي
أسـاور..ولو مـعش تقـولي صحـيتي قـتلك
مـعاذ..والله خـير حـتى مّن كنـاين القـهرة😂
أسـاور..😂😂تحـشم تـو يسّمـعك حـد يـزعلو
مـعاذ..خـلي يـزعلو😏هـي مـاشي
طـلع مـعاذ وحط الصـفرة هـو وصـاحبـه وقـعدو يـلعبو بالبوبـجي وخـداهم الوقـت
امـا أسـاور فـ خـشت للـدار واتكـت
.
.
عـند أنـسام بـعد روحو مـنها أهـل أيـات
آمـنة..تبـي الحـق ياحـاج انـي عجـبوني العـيلة وانـت زيـد أسئـل
سـالم أب انسـام وهـو يـشرب فـي شـاهي..وانسـام شـنو رايـها!؟
آمـنة..مـشعارفة بـس حـسيتها متقـبلة المـوضوع مـادورتـش ومـدارتـش ردة فـعل قـوية حـتى وقـت قتلها اطلـعيلهم قتـلي باهـي حـاضر وخـشت تضـحك وعـادية جـدا مـش زي كـل مـرة اديـرلنا فـي العـراك وبكـي
سـالم ابّتسم..باه الحمدلله وزيـدي أسئـليها شـوفـيها
آمـنة..بـاه وانت شـنو بديـر توا
سـالم..تـو نسـئل ع العـيلة والـولد ونكـلم عمـر نسـئله بمـا انـ خـو مـرته و ان شـاءالله خيـر
آمـنة..انـ شـاءالله
نـاضت آمـنة وخـشت للـدار
آمـنة..انـسام شـن رايـك فـي مـوضوع اليـوم😊
أنـسام..عـادي خيـره!؟
آمـنة..يعنـي مـوافقـة!؟
أنـسام..الشـور شـوركم لـو مـوافقـين مـوافقـة ولو رافـضين رافـضة
آمـنة..انـي مـن نـاحـيتي ارتحـت الحـق وأمـه تحـسيها تخـش القـلب
أنـسام..اي كـويسة حـسيتها
وسـن..خـلاص وافقـي وشـوفـي حيـاتگ
أنـسام..انـي اصـلا مـارفضـتش قـتلها لـو موافقـين مـوافـقـة
وسـن..ايـه واخـيرا بنـولي أخـت العـروسة😍
أنـسام..😑😑هـدا فـاش فـالحـة🙂
طـلعت آمـنة وقـعدت وسـن و أنـسام
وسـن وهـي تبـربـش فـي ايـميل أيـات..شـن قـالو إسّـمه!؟
أنـسام..مـشعارفة نـسيت عـلى مـا أعتـقد أمـير عـلاش!؟
وسـن..يـاقّلللـبي😍 يـا أمـيير الأمـراااء كـان مـش مـوافـقة وخـيتي انـي مـوافقة😍😍😍😍
أنـسام..خـيرك شـن فـي!؟شـن تخـرطي
وسـن نقـزت جـنبها..تـي شـوووفـي عـريس الغـفلة😍😂
أنـسام..بـاه خـيره🙄
وسـن..تـي طـرف مـغبر الله لو تـرفضـيه نـوريگ
أنـسام..مـش كـل شـي جـمال مـرات العـقل فـاضي😏وبـعدين شـن يستعـرض بـصورته عـ الفـيس🙂
وسـن..يـا حّمارة منـزلتها أيـات هـدي شكـله عـيدميـلاده الأسـبوع اللـي فـات
أنـسام..شـن عـرفك
وسـن..شـوفي التـاريخ يـا دراه🙂شـوفّي شـوفي كـيف يضـحك كـييييكة💗
أنـسام خـدت مـنها تلفـون..حـقيرة شـن تتغـزلي فـيه🙂مـصح وجـهك امـشي اقـلبي وجـهك
وسـن..😂😂😂بـاه عطـيني تلفـووني
أنـسام..مـااافـيش امـشي اقـلبي خلـيقتك حـيوانة
طـلعت وسـن وهـي تضـحك
اتأكـدت أنـسام ان وسـن طـلعت فـتحت الفـون وقـعدت تفتـش فـي صـور وتتفـرج عـليه وهـي مبّتسـمة فعـلا كـان جـمال وشّخـصيته واضـح عـاكسة علـيه كـملت تفـريج وسكـرت الفـون حـطاته جـنبها وقـعدت تخـمم تـوافق وتـاخده وتخـليها عـلى ربـي والا تقـعد عـايشة علـى ظـل مـحـمد اللـي مـن اخـر مكـالمة مّعش اتصـل!؟؟ قّعدت تفـكر لـين خـداها النـوم
.
.
عـند دنـيا
دنـيا..ايوا حـبيبي
مـعتز..عـيوني شـن جـو
دنـيا..الحمدلله ياروحـي شـن امورك
مـعتز..الحمدلله مـاشية
دنـيا..ايه
مـعتز..حـبيبي امـتى بـنديرو عـرسنا
دنـيا..مـعتز قـتلك لـين بـابـا يسـكر سـنة اهـو خـلاص شـن مـزال
مـعتز..بـاه حـاضر
دنـيا..اي
مـعتز..وشـن بيـصير فـي مـوضوع السـواقة هـدا
دنـيا..حـبيبي انـي حـنقعد نخـدم وانت مـش كـل ديـما بتـرفع وبـتجيب ومـرات يخـطرلي نمـشي لمـامـا نخـطم علـيها يعنـي وانت تبـدا مـش فـاضي لازم منـها والله
مـعتز..مشعارف والله اني شـن نـدير يعنـي معـقولة مـش حـنفضالك ؟؟
دنـيا..وقـت فاضي عـادي انت تـرفعنـي ووقت مـش فاضـي تكـون سـيارتي مّعاي ونمـشي يعنـي وقـت الضـرورة بـس هـا شـن قـلت
مّعـتز..بـاه اهـو قـتلك وقـت الضـرورة فـقطط غـيرها لا
دنـيا..تمـااام
مـعتز..مـية مـية
دنـيا..ايه كـيف حـال أمـك
مـعتز..الحمدلله بخـير تسـلم علـيك وديـما تسـئل فـيا علـيگ
دنـيا..والبـنت اللـي قـاعدة عنـدكم
مـعتز..اها اسـاور بـنت صـاحبة امـي الحمدلله خـيرها
دنـيا..واسـمها أسـااور🙂كـووويس
مـعتز ابـتسم..مـاشاءالله علـيها الحـق البـنية مّساعدة امـي هلـبا ومـن لمـا جـت مـعش تخـلي فـي امّـي اطـيب ديّما هـيا اطـيب لكـن مـاشاءالله ديّما هـيا وأيـات مـع بعـض تصـدقي حـتى مـحمد يسـيب مـرته وينّزل يتعـشى مـعانا😂
دنـيا..باه كـويس
مـعتز..🤣🤣غيـورة مـاتخـافيش البـنية زي وخـيتي
دنـيا..تي باه باه
مـعتز..اصّلا أحـمد يـموت فـيها
دنـيا..حي قـول والله😍
مـعتز..والله يحـبها وهـي شكـلها نفـس شـعور نـلاحظ فـي شبـحاتهم لبـعض
دنـيا..انـ شـاءالله يكـونو مـن نصـيب بـعض❤
مـعتز..انـ شـاءالله
دنـيا..بـاه كّيف محـمد يـنزل ويسـيب فـي مـرته وياكـل مـعاكم
مـعتز..مـرته نفـاخة تبـيني نقـرم والا كـيف😂
دنـيا..حـي مـاتقـولهاش ووووووه سـلفتي دراه كـبد قـصدك
مـعتز..والله مـانحكـيلك مـدرهة كـبد أيـات
دنـيا..المـهم أيـات شـنو
مـعتز..كـويسة مـاريتـش منها عـيب لـكن الفتـرة هـدي ديـما عـراك هـيا وعمـر
دنـيا..الله عـلاش خـيـرهم؟؟
مـعتز..كـان نقـولك تضـحكي😂
دنـيا..تـي ادوي
مـعتز..عـ خـاطر يـروح منغـير شكّلاطة تخـلي فـيه عقـابات اللـيل طـالع يجـيبلها جـابلها صـندوق شكـاليط كمـلاته فـي اسـبوع
دنـيا..حـي حـي😂😂😂تعـرف هـدي شكـلها حـامل
مـعتز..مـشعاارف شكـلهـم مّاينـدروش لانه هـو مضـايق مـنه الـوضع هـدا قـال لمـا نطـلع مـن الحـوش ضـروري عـركة ونخـليها تبكـي لانـها تبيـني نقعـد جـنبها😂
دنـيا..😂😂والله حامـل وجـايتها علـيه بالحـب
مـعتز..قصدك هكـي يـدير الحـمل
دنـيا..فـي اللـي يكـره وفـي اللـي يحـب فهمـت وفـيه اللـي عـادي تجـيهم عـ حجـات تانـية
مـعتز..😂😂انـ شـاءالله خـير وخـلاص
.
.
عـند أحـمد بـعد مـاروح للـحوش خـش لأمـه فـي دار
أنت تقرأ
حقد النساء ( روايات ليبية )
Romanceللكاتبة : حنو ، تدور الاحدات الرواية في قالب أجتماعي حول أم ل 6 شباب تسعى بعد وفاة زوجها لتربية أبنائها و الحفاظ عليهم و لكن يتغير كل مخططها بعد أن يدخل في حياتهم الحب و يتزوجوا لتبدا حرب بين زوجاتهم نهاية هذه الحرب هو فراق الأخوة فهل تستطيع الام أ...
