حقد النساء ( روايات ليبية )

حلقة 10🔥

‎الحـلقـة العـاشـرة
.
.
‎مـن رواـية
.
.
‎#حـقد_النـساء💔🔥
.
.

‎أسـاور..أحـممد
‎أحـمد وهـو سـرحان فـي عـيونها..يـاعـيون أحـمد
‎أسـاور تـوردت خـدودها..ءء أحـمد وخـر والله عيـلتگ قـريب يـوصلو وحـيصـير فـيها مـوضوع
‎أحـمد..مـافـي حـد لـيه عـلاقة بـيا شـن انـدير
‎أسـاور دفـاته مـن صـدره..انـت خـيرگ هـكي تقـول واخـد حـاجة مـش ليـك
‎أحـمد..وقـت نشـوفگ مـعش نعـرف شـن يصـيرلي قـوليلي هـدا شـنو يـسمو فـيه!
‎أسـاور..قـلة ادب🙂
‎أحـمد..لالا حـب
‎أسـاور..حـب شـنو اللـي فـي يـوميـن؟
‎أحـمد..مـن قـال فـي يـومـين!
‎أسـاور..امـالا قـداش ليـا عنـدكم انـي يـومـين
‎أحـمد..😂😂مـغباگ وخـلاص خـشي بـالله علـيگ تـراه
‎أسـاور..تـي شـن تخـرط انـت قـسمابالله الا واكل شـي مـش لـيك🙂 .. وخـشت تجـري للـدار وسكـرتها وهـي تضـحگ
‎أحـمد قـعد واقـف وحـاط يـده ع شـعره ويمـشي فـيه وهـو مبـتسم قـعمز فـي كـرسيه كـان قـلبه يـرف رفـان ومـش مصـدق ان قـلبه دق لـوحـدة تـانـية مـن بـعد الـجرح اللـي كـان فـيه
‎قـعد مكـسد بـروحـه
.
.
‎عـند مـحـمد والعـيلة فـي السيـارة فـي الطـريق
‎مـحـمد..شـن جـو العـزومة
‎فـاطـمة..والله يـاولـيدي عزومـة نـودك بـيها الله يبـارگ مـاشاءالله
‎هـالة..هـو اي حـلو لكـن يـاعمـيمة مـش هّداكا الـوااو😒 يـعني غـدي عـادي زي اي حـد يقـدر يـديره غـداه فـي الحـوش وخـلاص
‎مـحـمد شـاف لّهالة مـن الـمراية وفّنص فـيها
‎فـاطـمة..هـدا الصـح يابـنتي كـيف تبـيه يكـون انـي الإسـراف والتـبذيـر كـله مـانحـباش مـحلاه الجـو البـسيط
‎مـحـمد..بـاهي مـاشاءالله
‎كـان مـحـمد يبـي يـعرف اي شـي يـخص أنـسام بـأي طـريقة
‎فـاطـمة..لا الحـق مـاشاءالله كـله مـن يـديات أنـسام بنـيتي الله يعـطيها قـسم زي الـرعد فـلاحـة وجـمال وادب وأخـلااق الله يبـارك علـيهاا
‎أيـات..ايـه ياعـميمة مـاشاءالله علـيها والله فكـرت فـيها لخـوي الكـبير قـال دورولـي عـلى ذوقـكم وانـي عجـبتني شـن رايـك عمـيمة
‎فـاطـمة..والله خـديتو ورديـتو فـلوسكم يـابنـيتي مـاعنـدي مـانقـول فـيها بنـية مـحتـرمة ومـاشاءالله علـيها
‎أيـات امـالا تـو نقـول علـيها لـمـامـا
‎مـحـمد اضـايق فكـرة انـ انـسام تتـزوج اول مـرة يفّـكر فـيها زاد فـي السـرعة وقـت تخـيلها مّع غـيره
‎فـاطّمة..حميـدا بـالشـوية ولـيدي مـناش مسـتعجـلين عـ الحـوش
‎مـحـمد قـعد سّاكت وشّـاد أعصـابه بالسـيف لّعند وصّلو للحـوش
.
.
‎قّعد أحّمد لعـند مـاروحـو أهـله للـحوش
‎فـاطـمة..كـيف حـالك يـاولـيدي
‎أحـمد..الحمدلله
‎فـاطـمة..باه الحمدلله خلـي بنخـش نبـدل البنـية وين أحـمد..فـي الـدار قـاعدة مـاريتهاش
‎فـاطمة..بـاه
‎أيـات كـانت مـنزلة الخمـار ومـتحـشمة خـشت طـول بـدون صـوت وركـبت لحـوشـها
‎أمـا هـالة فـقامـت خمـارها مـن اول مـاخـشت وتعـمدت تخـلي أحّمد يـشوفها..خـير أحـمد كـيف حـالگ؟😊
‎أحـمد نـزل راسـه لـوطـة..الحمدلله غـير اسـتري روحـك بـس😒
‎تغـايضـت هـالة وخـشت طـول وركـبت وقـت سـمعت صـوت مـحـمد خـاش
‎مـحـمد..ويـن البـاقي
‎أحـمد..مـهناش طـلعو مـن بكـري
‎مـحـمد..وانت خـيرك مـاطلـعتش
‎أحـمد..كـيف نطـلع ونخـليها بـروحـها!!؟
‎مـحـمد..ايـ صـح نسـيت ويـن امـي
‎أحّـمد..خـشت تـبدل
‎مـحـمد..بـاه امـالا تـو نجـي انـي طـالع
‎أحـمد..مـاشي
.
.
‎طّـلع مـحـمد ركّب سيـارته حـاس بقـلبه يـوجع فـيه ومـش متحـمل يـروح للـحوش بكـل ويـشوف هـالة
‎كـل مـايـذكر امـه كـيف تـشكر فـيها يـزيد يضـايق ولمـا يتّفكر كـلام أيـات يتعـصب والف عـفريت يـركـبه
‎يـلوم فـي نفّـسه كـيف دار فـيها هكـي وخـلاها وتّوا حـياخدها غـيره! صـعب يتقـبل شـي زي هـدا صّعب يتقـبل نهـاية حـب 6سـنين صـح تزوج صـح سيبـها لكـن قـلبه مـانبضـش لغيـرها قـعد متمـني الـوقت يـرجع ويـتزوجـها هـيا درس سيـارته عـ الشـط فـتح فـونه وحـط عـ رقّـمها واتصـل بـيها
.
.
.
‎عـند أنـسام بـعد روحو خـشت دارهـا طـول وتـلوحـت عـ السـرير وهـي جسـمها كـله تعبـان قـلبها عقـلها كـل واحـد فـيهم تعبـان روحـها تعبـانة كـانت منتّـهية مـعش قـدرت تتصـنع بالقـوة اكّتر مـن هكـي!! بـس هـي لازم تنـساه خـلاص هـو وجـعها جـرحـها حـتى انـ خـلاها تحـضر عـرسه وعـولت فـي عـرسه كـان فـوق راسهـا تحـملـت عـ نفـسها كـل شـي لحـد هنـي وسّتـوب مـعش تقـدر تتحـمل وجـوده فـي حـياتها أكـتر مـن هكـي هـي لازم تكـمل حـياتها مـع شخـص يحـبها ويسـتاهـلها شـخص يجـيها مـن البـاب ونـاوي مـعاها الحـلال فـقط💗 ومـن هنـي رنـ فـون انـسام نطـت طـول وخـدت فـونها بـعد شـافت رقـمه اي اي رقـمه!! هـدا مـحمد؟!
‎أنـسام..الـو السـلام علـيكم
‎مـحـمد ابتـسم بـوجـع..وعلـيكم الـسلام كـيف حـالگ
‎أنّـسام..الحمدلله خـير فـي شـي !؟ خـويلة فـاطـمة فـيها شـي؟؟!
‎مـحـمد..لا انـي اللـي فـيا💔سـتاحـشتگ أنـسام
‎أنـسام قـلبها يـدق بقـوة..لـو سـمحـت مـحـمد انـت راجـل مـتزوج وقـاعد عـريس شـن تـبي فـيا هـونا مـرتگ عـيب اللـي اديـر فـيه
‎مـحـمد..مـانحـبهاش! مـن الأول واخـدها مـانبّيـهاش
‎أنـسام..عـلاش واخـدها امـالا!؟
‎مـحـمد..امـي تبـيها!
‎أنـسام..مـحـمد انـي احـترمتـك تـوا عـ خـاطر شـي واحـد اللـي هـوا تـربيـتي وأخـلاقـي فـ بـالله علـيك خـليني فـي حـالي احـسن مـن انّگ تسـمع شـي مـايعـجبكش
‎مّحـمد..نبـيگ انـسام نـبيييك اسـف لأنـي سيبـتگ سـامحـيني بـالله علـييگ ارجـعيلي والله نطّلـقها مّن تـوا بـس ارجـعيلي لعبو فـي عقـلللي والله لعـبولي فـييه
‎أنـسام..انـت كـيف تسـمح لـنفسگ تـدوي مـعاي هكـيي تـي تحـلم نـرجعـلگ حـتى فـي الأحـلام مـستحـيل انـت كـيف هكـي بكـل سهـولة تجـي تقـولي هكـي انـت مـشعارف شـن صـار فـيا وقـت رخـيت بـيا عـ خـاطـر كـلام كـله كـدب عـ خـاطر شـي كـله كـددب فـي كـددب بـس نحـمد ربـي اللـي صـار هكـي بـاش ورانـي حـقيقـتگ انـك جـاهل ومـتخـلف وهـمك الوحـيد هـو كـلام النـاس وشـن يـقولو النـاس شـن ذنـبي انـي لو فـي حـد بـيشوهـلي سـمعتـي شـنن ذنـببي بـعد الحـب اللـي حبـيتهولگ كـله تمـشي وتخـلييينـي عـانـيت بـسببگ خـشيت للمـستشفى ضـعفتتت مـرضضت تعـالجـت عنـد دكـتورة نفـسية بـسببگ كـنت حـنخش لّمستشفى نفـساني أمـي وبـوي كـانو بّيموتو علـيا كـانو بـس يبـو يعـرفو شـن صـارلـي مـن اللـي خـلا وردتّهم تـذبل هكـيي خـوتـي كـانو مّستعـدين ان نقـوللّهم اسـم اللـي دار فـيا هكـي وحـيقـتلوه بـس انـي شـنو بـسبب القرابة اللـي بيـننا خـوفا عـلى أمـگ مـن انـها تمـرض او يـصيرلهـا شـي سكـتت ومـاقـلتش شـي انـهرت ضـعفت كـل شـي صـارلـي مـن بعـدك بـس الحمدلله ربـي رزقـني بعـيلة خّلتنـي اقـوة مـن كـل شـي خـيرك انـت بعـد هـدااا كـللله تبـيني نـرجعلّگ أرجـوگ مّحـمد مـعش تتصـل بـيا بكـل ونحـيها الفكـرة هـدي مـن راسّك لانـة حـلم ابـليس بالجـنة حـسبي الله ونـعم الـوكـيل فـيگ فـي كـل شـي خلّيتني نعـيشه عّ قـد مـانحـكيلك مـستحـيل تتخـيل شـن صـار مـعاي لكـن الحـمدلله ربـي عـادل وحـيردهّولك بـالتـدريج بـداية مـن مّرتگ الله لا تـسامحگ يـا مـحـمد حـسبي الله ونـعم الـوكيل فـيك
‎سكـرت أنـسام فـي وجـهه بـعد سّمعت شّهـقاته وعـرفاته يبـكي لـوحـت الفـون جـنبها وهـي مـرتاحـة بـعد طـلعت كـل شـي كـامداتـه مـن 6سـنين💔 نـاضت خـشت للـحمام تـوضت وطـلعت تصـلي
.
.
‎مـحـمد بـعد سمـع كـلامـها اسـتحقـر روحـه هلـباااا وحـس اللـي صـاير فـيه هّدا يسـتاهّله كـره روحـه هـلباااا لـدرجـة قـعد يبـكي مـن قـوة كّلامـها وشّن صـار فـيها مّن بعّده هـدا كـله كّان مـاينـدريش بـيه قـعد يعـيط بأعـلا صـوت كـان طـول هـالوقـت مـايبـيش يحـس بـاللي حـاس بيـه تـوا كّان طـول الـفترة هـدي كّلها يحّاول يخـفي الشـعور اللـي هو حـاس بيـه تـوا كّان طـول السنـينن هـو يقـنع فـي نفـسه انـه عـلى حـق لّعند مـا ضـعف وكّلمها واهنـي فـعلا اقّتـنع انـه غـااالط فـي حّـقـها لـدرجـة إنـها مـستحـيل تسـامحـه ولا هـوا مـزال عنـده وجـه يقـدر يـكـلمها بـيه بكـي لـين فـرغ كـل اللـي حـاملـه بـقلبـه قـعـد لبـعد المـغرب وروح
‎هـالة..ويـنك لـتوااا🙂
‎مـحـمد..شـن دخـلگ؟؟
‎هـالـة..نحـطلگ تتعـشى!!
‎مـحـمد..مـانبـيش خـليني فـي حـالي بـسسس
‎هـالة..شـن فـي شـنو صـاااير
‎مـحـمد..قـلناااا خلـيييني فـي حـااالي النـم خـيرگ تعـششي هكـيي
‎هـالة..تـي بـاهي وانت تعـيط نـوض اضـربنـي وخـلاااص!
‎مـحـمد فـنص..صـوتگ مـاتعـلليـشي يـا هـااانم فـاااهمة والا والله العـظيم تشـوفي شـن نـدير😡
‎هـالة بتحـدي..شـنوو بـالدير يـعنني انـي بـنننت صـققر بنـتت مـنووو بـنننت صـققر يـعني مـافـيش حـد تعـدى علـيا وقـالي كـلمة غـلط بـتجي انـت بـتهـزب وبـتضرب لا يـابابا انـي وراي تـريس راااهـوو
‎مـحـمد..بـاااهي ضـمممي علـيا فـمگ خـير مـاتوا نعـجنگ انـتِ ولـسانگ اللـي يلاطـي زي اللـفعة اللـي تلـوي فـيه يمـين ويـساااار ..وطـيح الزهـرية اللـي جـنبه وخـش للـدار وصـلفقـها
‎هـالة رعـشت مـع بعـضها وحـست المـوضووع جـديات قـعمزت فـي مكـانها ومـعش بـت تتكـلم حـتى حـررف مـن الخـوف
.
.
‎عـند عمـر & أيـات
‎سمـعت أيـات صـوت المـزهرية..بـسسسم الله شـنو هـدا😳
‎عمـر وهـو ياكـل..فـوتي ديـري روحـگ مـاسمـعتي شـي
‎أيـات..تـي كـيف هـدووء بـالك فـي حـد صـارتلـه حـاجة
‎عمـر..قـلنا ديـري روحـك مـاسـمعتي شـي تسـتاهل حـتى هـيا اطـول فـي لـسانها وتلـعلـع علـيه شّن مـش راجـل قـدامـها والا شـني!
‎أيـات..بـاهي خـلاص مـاقلّت شـي انـي خـفت يكـون فـي حـد صـارتـله حـاجة بـس🙁
‎عمـر..افّتحي فـمگ كّوولي هـممم خـلاص مـعش تشـغلي بّالگ بحـد وفـوتي
‎أيـات وهـي فمـها مـعبي..خـلاص وانـت تـرص فـيا زي المـعزة اللـي يمـقرسـو فـيها🙂
‎عمـر..مـاهو بـاش تجـيبـيلي مـعزة صـغيرونة مـكركـبة زيـك😂😂😂
‎أيـات..مـش مكـركـبة انـي يـابارد جـسمي حـلو مـش زي عـود اللـفعة ومـدايرة روحـها رشـيقة😒🙂
‎عمـر..لـسانگ هـدا مـتبري مـنگ😂😂😂
‎وقـعدو يـاكلـو ويهـدرزو ويضـحكو
.
.
‎فـاتتو أسـبوعـين علـيهم مـاشييـن نفـس الـروتـين
‎كـانت فـاطـمة مقـعمزة هـيا وأسـاور وأيـات ويهـدرزو
‎أيـات..عمـيمة اليـوم مـشو يخـطبو لـي خـوي فـي انـسام😍
‎فـاطـمة..مـاشـاءالله ربـي يتممـلكم علـى خـير
‎أيـات..يـارب
‎اسـاور..خـيرك مـامـشيتيش انتِ اللـي تعـرفيها مـفروض مـشيتي
‎أيـات..مـشت أخـتي وخـالتـي وأمـي قـلت لمـا بيـديرو مـقابلـة نمـشي انـي مـعاه وخـلاص
‎فـاطـمة..ايـه حـتى هـدا رأي
‎أسـاور..غـريبة مـانزلتـش هـالة تحـب تقـصقـيص😂
‎فـاطـمة..حـي علـيك كـان تسـمعگ
‎أيـات تـاكل فـي شكـلاطـة..عنـدها خـواتـها أصـواتـهم لعـندي هـدا بـاش نـزلت ازعـاااج😒
‎فـاطـمة..مـاتقـوليش خـيرك وانتِ طـول الـوقت شـادة شكـلاطّة!؟
‎أيـات..ياعمّيمة اللـي جـانـي جـانـي علـيها تصـدقي لـو عمـر مّايروحـش وفـي يّده شكـلاطـة نـديرله البـلي وشكـلاطة هـدي بـس لـين جـابلـي صـندوق مـنها وقـالي ضمـي علـيا فمك😂
‎فـاطـمة..ينـاري عـلى ولـيدي يـناري🤣
‎أسـاور..🤣🤣🤣بـالك تتـوحمـي!؟
‎أيـات عـدلت تقـعميـزتها..كـيف يعنـي!؟
‎أسـاور..يعنـي مـرات تكـوني حـامل
‎فـاطـمة..ايـه صـح بـالك حـامل
‎أيـات ابـتسمت..مـشعارفة الحـق
‎اسـاور..اتصلـي ياغبـية بـراجـلك وقـوليـله يجـيبلك اخـتبار الحـمل المنـزلي وتـو نشـوفو
‎أيـات..هـي
‎اتصـلت أيـات بـعمر مـايـردش علـيها..مٕايـردش!
‎أسـاور..بلـكي مـش فـاضي ابعتـيله مسـج
‎أيـات..ايه
‎بـعتت أيـات المـسج وسكّرت فـونها
‎فـاطـمة..انـ شـاءالله خيّر يـارب😍
‎أيـات&أسّـاور..انـ شـاءالله
.
.
‎نـجو نـشوفو شـن صـار فـي دنـيا الفتـرة هـدي جـي معتـز خـدي مـنها الـوراقـي ورفـع فـي عمهـا قضـية انـه مـزور أوراق وانـه تهـجم علـيهم فـي الحـوش وكـان حـيطلعـهم ويلـوحهم فـي شـارع وطـبعا القـضاء خـدي اجـرآتـه فـي عمـهم واتضـح انـه نـاصـب عـلى هـلبا اشـخاص ومـزور اوراق وحـياته كـلها تزويـر وتـم مـوضوعـه
‎دنـيا..تصـدق هـدا ويـن اسـتريحـت
‎مـعتز..وانـي مـانبـيش غيـر راحـتگ وراحـتك هـيا راحـتي والله
‎دنـيا..يـاعممـري😢
‎مـعتـز..مـعش نبـي نشـوف دمـوع فـي عيـونگ بـالله علـيگ
‎دنـيا..دمـوع فـرح😢🤧
‎مـعتـز ابـتسم..تفـرحو تبـكو تحـزنو تبـكو حـالة انـتم البـنات راه اللـي يفـهمكم يجـي يفهمـني🙂😂
‎دنـيا ضـرباته ع كـتفه..مـبردك يـابارد
‎مـعتـز..سـخنيني😉
‎دنـيا قـعدت ادف فـيه بـرا الحـوش للـجنان..روح روح انـت مـعش تتحـشم يـابـارد خـزي
‎مـعتـز..😂😂تـعاليلها يـاخالـتـ... ..سـكرتله فـمه دنـيا بـيدها..اسسسس اسسس تـو تجـي تعطـيني محـاضرة عـن الادب والاحـترام والله راسـي منفـوخ مـاناقـصة
‎مـعتـز..😂😂 هـي خلـي بنـروح انـي ردي بـالگ مـن روحـگ ومـاعنـدك لاش طـالعـة ريـحيني مـن طـلوع ديـما تراه خـواتك واهـو روحـت بـيهم مـعش عنـدك عـلاش تطـلعي🙂
‎دنـيا..خـيرك مـولي مـعش تبـيني نطّـلع😑تبـيني ننقـبر فـي الحـوش والا كـيف لعّلمك حـتى وقـت نتزوجو حـنسوق راهـو
‎مـعتـز..اي بـاه يـفتحّلگ ربـي🙂خـيرها هـدي
‎دنـيا..والله مـستحيل نقـعد منغـير سيـارة هـيا يـديا ورجـليا
‎مـعتـز ولـع دخـانه..مـعتـز ولـع دخـانه..نّهدرزو فـيه مـرة تانـية المـوضوع هـدا خـلينا رايقـين😉
‎دنـيا..مـش تنسـى راهـو بنـدوو فـيه!
‎مّعتـز طـبس باسـها ع راسـها..حـاضر يـادريـتي💕
‎دنـيا ابـتسمت..تمـام
‎طـلع مـعتـز ركـب سيـارته ومـشي🚘
‎سـالمـة..ربـي يحـفظه هـالمعـتز نشـهد بالله إنـه راجـل وسـيد الـرجالـة
‎دنـيا ابّتسمت..امـين
‎سـالمـة..ربّـي يحـفـظـكم لـبعض ويفـرحنـي بّيكم يـاااارب
‎دنـيا قـامت يـديها..امـيييين
‎قـعمزو يشـربو فّي الشـاهـي ويهـدرزو ويضـحكو بـحكم انه أول يـوم يقـعدو فـيه بِـراحة وفـرح
.
.
‎عـند هـالة وخـواتـها وأمـها كـانو يهـدرزو ويقـرمو ومـش مخلـيين حـد فـي حـاله بـكل
‎هـالة..منـي قـصدك الـداره سـلفتي!
‎هنـاء..ايـه امـتى بطـيريها النـم!
‎هـالة..تـي اصـبري مـزال نطـبخلها فـيها بـشوية بـشوية
‎هنـاء..ايـ نصـبر لـين تحـمل يعنـييي؟؟
‎هـالة..مـش حـيصير شـي صـدقيني حنـطرها انتِ بـس اقعـدي ديمـا تعـاليـلي
‎هُـدى..شـن تـوشـوشـو!؟
‎هـالة..احـم شـي نهـدرزو
‎هـدى..حـاسة تخـططو لـشي ادوي ادوي
‎هنـاء..لكـن تعـرفي تقـولي لأمـي نهـارك أحرف
‎هـدى..تّي ادوي قـبل لا تجـي امـي مـن المـطبخ
‎هـالة..نفكـرو كـيف انـطرو سـلفتي بـاش تجـي مكـانها هنـاء😎
‎هـدى شـهقت وحـطت يـدها عـ قـلبها خـلت خـواتـها التـانيات ينتـبهو
‎جـمانة..شـن فـي خـيركم!
‎هـالة..نحكـيلها شـن يصـير لمـا تتـزوج البـنت قـاعدة بـريئـة🙂
‎جـمانـة..حـشيـشتكم الـدوة الفّارغـة والمـاسخـة تفـو علـيكم
‎هـالة..دوة فـارغة شنـو ياوخـيتي وهـي مخطـوبة مـفروض تفـهم كـل شـي مـش قـاعدة زي الحـيط🙂
‎هـدى..تـي بـاه كمـلي
‎جـمانـة قـلبت عـيونها وشـافت لأخـتها وقعـدو يـهدرزو
‎هـالة..حـيوانة قـريب فـضحتي بّيـنا
‎هنـاء..ضمـي فمك كـان مـزال بتشـهقي
‎هـدى..تـي خـلاص سكـتت
‎هـالـة..ايـه نخممـولها فـي دبـارة تخـليها تطـلع وتـطلق
‎هنـاء..اسمـعي لازم نخـلوها تطـلع خـاينة فـي نظـره اصـلا هـيا مـزال كمـلتش جـامـعة فـ بنـستنو لعنـد الاسـبوع الجـاي يبـدا السـيم الجـديد والأخـير وهـدي فـرصـتي ومـع عـلاقاتـي مـع شـباب نعـرفهم حـيديرولّي اللـي نبـيه بكـلمة منـي وهكـي نكونو تخـلصنا مـنها نهـااائي لانـها حـتطلع خـاينة ومـاتنفـعش!
‎هـالـة..لالا واثـق فـيها ثـقة عمـيااااء لازم مـن خـيبة والخـيبة تقـتل حـتى القـتل لازم نخـلو ثـقته فـيها تنهـز ويخـيب أمـله فـيها وفجـأة هـووب تخـتفي أيـات مـن حـياته وبـعدها تطـلب الطـلاق وهكـي يكـون كـرهها مـش بـس مـعش يحـبها!
‎هـدى..حـرام عـليكم عـلاش؟؟
‎هـناء..مـاليكـش عـلاقة مـش عـاجبـك ضمـي فمگ واسكـتي بـس
‎هـدى..لكـن هـدا خـراب بـيوت حـرام تـرضـي يـا هـالة مـن يخـربلك بـيتك!؟
‎هـالة..هـيا جـباته لِـروحها تسـتاهل🙂
‎هـدى..بـس حـرام علـيكم ربـي حيـحاسـبكم
‎هـناء..افففف عـلاش مـقايلـتيلها بـسسس خـلاص ضمـي علـيا فمگ هـي مـاتسـتاهـلاش عمـر بكـل وهـو حـيكون لـيا انـي وبـس وتّم النـقاش وضـمي فمگ امـي خـاشة
‎هـدى نـاضت مـن جنـبهم وقعـمزت تفـكر تـشوف فـي خطّيبها يتـصل بـيها لكـن نـيتها طـايرة ومـاخاطـرهاش تتـكلم مـع حـد وجـعتها أيـات وشـن حـيديـرو فّيها ولـو تكـلمت حـتخـرب بـيت اخـتها مـعش عـرفت شـن اديـر! ولهـت فـي الهـدرزة مـع باقـي خـواتها وكـانت تتجـنب تحكـي مـع هـالة وهنـاء
‎نـاضو بـعد هـدرزة طـويلة بـيروحو
‎امـ هـالة..لازم نخـش نسـلم عـلى عزوزتگ
‎هـالة..تـي فـوتي مّش ضـروري
‎أمـ هـالة..عـلاش لا خلـي بنـشوف الـبنت اللـي حكـيتي علـيها🙂
‎هـالة..بـاه هـي
‎هنـاء..بـنخش مـعاك😎
‎هـدى..لاش خـاشة عـيب خـلي امـي بـس
‎هنـاء..ضـمي فـمك مـادخلـكش
‎نـزلو البـنات وركـبو السـيارة وقـعدو يسـتنو فـي أمـهم
‎نـزلت أم هـالة و هـالة و هنـاء وخـشو لفـاطمة
‎هـالة..السـلام علـيكم عمـيمة
‎فـاطـمة..وعلـيكم السلام اهـلا اهـلا تفـضلي
‎أم هـالة سمـاح..كـيف حـالك كـيف حـال صـحتگ
‎فـاطمة نـاضت سـلمت علـيها..الحمدلله كـيف حـالك انتِ كـيف حـال بنـياتك ومـولى بـيتگ
‎سـماح..الحمدلله تـنشد علـيك الصـحة
‎هـالة..هـدي اخـتي هنـاء
‎فـاطمة ابتـسمت..مـاشاءالله كـيف حـالك
‎هنـاء..الحمدلله
‎نـاضت أيات وأساور بـاش يـسلمو
‎سمـاح سـلمت عـلى أسـاور عـادي ومـدت روس صـوابـعها لأيـات وتلفـتت بـرفعة خـشم..اي كـيف حـالكم شـن أخبـاركم
‎فـاطـمة كـانت مـركزة مـع هنـاء وتسّلم علـيها مـشافتـش اللقـطة اللـي صـارت لكّنـتها أمـا أسـاور نصـدمت
‎قـدمت هنـاء سّلمت علـى أسـاور وعطـت بالـظهر لـي أيـات
‎حـست أيـات زي الكـف جـاها تجـمدت ووجـهها والا أصـفر خـنقتها العـبرة وانـسحبت مـن بيـنهم بـكل هـدوء ركـبت تجـري ودمـوعها سـابقـينها خـشت لـشقـتها وسكـرت البـاب وراهـا قـعمزت عـ الكـنبة وبـدت تبكـي
‎اما هـالة فكـانت مبـتسمة ومـتشمـتة
‎فـاطمـة..قّعمزو خـيركم واقـفين!
‎سـماح..لالا بـنروحو البـنات يـستنو فـيا غـير قـلت نسـلم علـيك هـي
‎فـاطـمة..اممم بـاهي بـراحتگ مـدامگ خـاطمة خـطوم😒
‎سـماح ابتـسمت..هـي بـالسـلامة😊
‎فـاطـمة قـعمزت..سّلـمك
‎هنـاء..بـالسلامة خـويلة😊
‎فـاطـمة..سـلمگ🙂
‎طلـعو روحـو وركـبت هـالة لحـوشها طـول وجـاها مـسج مـن أمـها مكـتوب فـيه (هـيا هـادي ياهـالة كـادبيـن علـيك راهـو! )
‎ابتـسمت هـالة بِـشر وخـشت شقـتها
‎فـاطـمة تلفـتت لأسـاور..ويـن ايـات فـي المـطبخ؟ قـوليلها روحـو راه!
‎أسـاور..أيـات ركـبت لحـوشها
‎فـاطـمة..عـلاش خـيرها!؟؟
‎أسـاور..دارولـها لقـطات اخـي بكـل
‎فـاطـمة..شّن دارولـهاا!؟؟
‎أسـاور..وانتِ تسلمـي على هنـاء سـلمت علـيا أمـها سـلام زي مـانسلمو عـادي ووقـت أيـات مـدت يـدها وبتـسلم بـالوجـه امـشي وخـرت الأم وسـلمت بـروس صـوابعـها وقـامت خـشمها علـيها انصـدمنا الحـق وبعـدين جـت هـادي اللي اسـمها هنـاء سـلمت علـيا وعـطت لأيـات بالـظـهر ولا كـأنها شـافتها! لقـطاات بـااايخة مـشت ركـبت تجـري والـدموع فـي عيـونها!
‎فـاطـمة..😡😡#يتـبـع
.
.
.
‎انـ شـاءالله تنـال إعـجااابـكم😊❤ #حـنو