ليته لم يولد

مقتطف من الجزء الثاني

مقتطفات من الجزء الثاني

صراخ غضب حقد نكران

كلتتتتتتتت اريدددددد فلوووس تنطونياها بالحسنى لو اعرف شلون اتصررف انييي؟!!!

- شتسوي سوي واعلى ما بخيلك اركبه اخلاقك صارت ويه الكاع وتجيب تطاول علينااا شكد حقير لعد !

- انتي معلييييج لا تتتدخلين

اجاه رد بصوت عالي
- لا تدخل ونص لانها تعرف شكد انت حقير
فلوس ماكو واطلع برا البيت بسرعة ماريد اشوف خلقتك مرة ثانية نجست البيت بدنئانك

باوع بنظرة ساخرة واشر على نفسه
اني مو ! هسة اشوفك الدنائة شنو

هجم على بابا بوحشية وبدا يضرب بيه بقسوة وكانني داشوف حيوان كدامي مو بشر لا لا حتى الحيوانات متسوي هيج .. حاولت ابعده

دفعني بقوة وكعت على الكاع وجعتني رجلي
انلوت حاولت اسيطر على نفسي واوكف

امي الي تحاول تبعده ضربها بلا رحمة بقوة على وجهه تهجم على كل شخص بالبيت

صرخت بصوت عالي . ان شاء الله اشوفك مكسور هيج بيوم رح ترجع عليك وتشووووف بس اتمنى تتبهذل ويطيح حظك طلع بدون اهتمام وهو ينظر بنظرات حقيرة مليئة بالحقد من لا شيء
دست على رجلي برغم الوجع وكمت اسند امي وابويه الي كانت ايده انكسرت وبسرعة وديناه للمستشفى ...

———————————————

المشهد الثاني ..

ما كان ذنبي ؟!
لقد ملئتني قهراً ووجعاً
وقتلت قلباً بريئاً
قتلت احلام
وذكريات
صوراً ورسوم قد طبعتها في ذاكرتي
والان اتمنى ان امسك ب ممحاة لامحو
كل شيء يخصك

حلم حلم اكيد ! مستحيل يكون حقيقة
رمشت اكثر من مرة اريد استوعب كلشي
خليت ايدي على حلكي اكتم صرخاتي
ماريد يحسون بوجودي ... ركضت على المغسلة
فتحت من قليل وبديت ارش على وجهي ماريد تبين دموعي

منظرهم المشمئز بعده مطبوع براسي بعد كلشي
المسامحة ! والنسيان الصفحة الجديدة الي المفروض تكون بيضة تلطخت بالحبر الاسود السائل دمر الورقة ودمر الدفتر كله

صعدت الدرج على كيف برقة اني ضعفت مرة وهل مرة لا فتحت باب الغرفة بقوة
صورتهم متروح من بالي ابدا
هو وهي وابنهم الصغير عائلة سعيدة وحلوة
الضحكة مالية وجهم وهو يداعب شعرها برقة
ويضحك مع الطفل

دخلت للغرفة بقوة
وكف بذهول وكال 
- انتي شوكت رجعتي ؟!!!!

بعدت قميص وردي محطوط على الطاولة اعرف هذا مو اليه اني ما اشتري شي رخيص
ريحة الغرفة مليانة عطر مو نفسه الي اني استخدمه ابتسمت بالم

- انتهى كلشي مو ؟! انت هيج كتلي تتذكر لو لا
بس المثل يكول ذيل الچلب يضل اعوج
تقدم اليه بعصبية يحاول يمسكني بسبب الكلام الي كلته عنه كال بقوة

- شلون تتجراين تحجين هيج وياييه
همست لا تتمرجل عليه ماشي لا تصير هسة اني ما اقبل بالتجاوز انت لو بيك خير جان وفيت بوعودك جان ما خنت ثقة انطت اله

باوعلي وحجه بسخرية

- ومنو كلج اني انسان ينوثق بيه !؟

نزلت الدرج اضحك بصوت عالي وطلعت برا لحكني هو

- وين رايحةةةة الكلام ما انتهى ماشي وانتي ما دام عرفتي كلشي لازم نتفاهم

فتحت باب السيارة وصعدت رجع يدك على الجامه يريد احجي وياه نزلتها

وحجت - كلامي انتهى وحاولت اتفهم مثل البشر بس الظاهر ما فاد سديت الجامة وانطلقت بالسيارة

وكانني احاول اخفي جبال الالم بتغطية الجبل بالثلج ولا اعلم متى يذوب ...
.........................................

حبايبي مشاهد من الجزء الثاني الي رح ارجع ابدي بيه الجمعة الجايه ان شاء الله مجنت ناويه اتاخر هواي بس هي هيج صارت بعد يجوز الخميس او اقدم الموعد احاول باقرب وقت ان شاء الله ♥️

النشر رح يكون يومين ويوم استراحة وان شاء الله اكدر التزم بيه
واحيانا يصير بين يوم ويوم واي تاخير يصير بسبب الظروف الفجائية ♥️

كونوا بخير