انتقام بوجه اخر

الحلقه الثانيه

:حياه هانم يا هانم

فاقت من دوامه ذكرياتها علي صوت سكرتيرتها فقالت: عايزه ايه يا نيلي

نيلي: كنت بقول لحضرتك استاذ ماجد الراوي منتظر حضرتك بره

حياه بخبث: دخليه فورا فخرجت السكرتيره ثم دخل ماجد المكتب وهو ينظر له بانبهار فهو كان مكتب اسود يدل علي الرقي ولكن كيف لفتاه ان تختار لون كهذا ولكنها ليست اي فتاه انها تلك التي جعلت شركات البارون في عامين فقط من اشهر شركات الاستيراد والتصدير في العالم دخل وجدها تعطي ظهرها له فحمحم بهدوء فالتفت له فلمعت عيناه من جمالها فقد كانت فتاه في غايه الجمال صاحبه عيون عسليه تعكس اشعه الشمس وشعر بني ناعم وبشره ثلجيه فقدمت يدها له فمد يد لها وصافحها ثم جلسا وجاء العامل واعطي لهم المشروبات

حياه: نتكلم في الشغل مستر ماجد طلباتك

ماجد: شحنه ادويه جايه من ايطاليا بس عايزها في غصون اسبوع مستعجل عليها ثم جلسوا يتحدثوا في التفاصيل حتي قالت حياه منهيه الاتفاق: تمام كدا اتفقنا علي معاد التسليم والمكان مخازن الصحراوي

ماجد بشك: انتي ازاي عرفتي مخازن الصحراوي انا متكلمتش عنها نهائي

حياه بهدوء: لا وهو في حد ميعرفش مخازن الهواري

ماجد: اه طيب علي العموم كدا نكون اتفقنا اتمني ميكونش دا اخر تعامل

حياه بخبث : اكيد ثم خرج بينما جلست بتعب فكم كانت تلك الجلسه ثقيله علي قلبها فدخلت عليها صديقتها ميان بمرح وهي تقول: مسا مسا يا زعامه اخبارك

حياه بابتسامه خفيفه: انا تمام تعالي اقعدي عايزاكي

ميان:انتي بتبتسمي شكل الموضوع خطير احكي

حياه بجديه: امته

ميان بغباء: امته ايه

حياه: انتي فهماني ميان انا قصدي امته هتسامحيه هو بيحبك

ميان بسخريه: فعلا بيحبني انا و١٨ واحده كمان الانسان دا مبيحبنيش يا حياه وميستاهلش حتي حبي ليه هو كل يوم مع واحده شكل بيحب واحده بليل والصبح يجري ورا اول واحده يشوفها كانه لا شاف قبلها ولا بعدها البني ادم دا جرحني في اهم يوم بالنسبالي وخاني انا مستحيل اسامحه

حياه: وانتي متاكده انه خانك ها وهيخونك في اهم يوم في حياتكم علي فكره هو بيحبك وحبه باين في عنيه بس انتي اللي مش شايفه او مش عايزه تشوفي

ميان بعياط: متاكده ايه انا شوفته بعيني هو بصلي كنا خلاص هنتجوز تخيلي بفستان الفرح اروح الاقيه في حضن واحده تانيه ازاي انتي مش عارفه شعور الخيانه دا يا حياه انتي المفروض اكتر واحده مجرباه ولا ايه

حياه بالم داخلي: اه مجرباه بس صدقيني مخانكيش انتي شوفتي وعقلك ترجم اللي هو عاوزه لكن مسالتهوش محاولتيش تستفسري علي العموم انا نصحتك روحي واسمعي بس اما تعرفي الحقيقه متندميش